Post: #1
Title: Music Plus..Shirooq Minus
Author: عمر الفاروق
Date: 08-26-2006, 01:02 PM
ياخ اول حاجة انا مبسوط لأني اخيراً لحقت بي ركب الاستنارة واستطعت اكتب عنوان بي الإنجليزي ..
وده طمني شديد إنو انجليزيتي لسة ما فكّت وبي خيرا كمان ..
وكم تمنين إنو اواصل جوة بي الانجليزي لكن انا كده كفاي..
قدمت قناة Music Plus ولا هي اسمها شنو ؟؟ لقاء مع الفنانة الخليجية شروق وهنا اصر على خليجية لأنها غنت بي الخليجي اكتر من السوداني مع كتاباتي ل(فنانة) لزوم القافية وكده ..
اعجبني مخرج البرنامج وهو يكمل ما تبدأه شروق مع كل اغنية خليجية وكأنه بيقول ليها :
" تراك ذبحتينا بي ها الاداء .."
ولو المخرج اتصل علي كنت رسلت ليهو تسجيل لي اغنية " عيش معاي الحب " وكمان بي صوت " فرفور " عشان ما يخليها تكملها لينا بالرغم من إنو قطع الموسيقى فجأة بعد كم كوبلي...
للأسف الحلقة كانت محبطة في كانت حفل تعارف اكثر من عرض لواجهة سودانية فكان كل المتصلون من اهل شروق وكان من الطبيعي ان يمدحونها وفتشت في الشاشة عشان اضرب واقول رايي ولكن هيهات هيهات لا جن ولا سحرا بقادرين على ان يلحقوا اثرها او كما قال معروف الرصافي ولا احمد شوقي ولا هو منو ما عارف..
اجمل تعليق سمعته من شروق لمن كانت عاملا فيها عايزة تبرهن انو الفن السوداني من زمان في الساحة (كان واضح إنو لقنوها المعلومة دي تلقين) لمن قالت :
وطبعاً الفنااااااااااااااانة صباااااااااااح غنى معاها واحد اسمو احمد المصطفى!!!!
وليتها قالت :
الفنااااااااااااااااااااااااان احمد المصطفى غنت معاهو واحدة بيقولوا ليها صباح !!
شروق لم تخيب ظننا فيها والحمد لله وكما توقعنا كانت الحلقة ضعيفة ولم تقدم شروق الفنانة السودانية بقدر ما قدمت بت سودانية قاعدة في الخليج وبتعرف تغني خليجي !!!
يبدو ان من نصحوا شروق ان لا تستعجل في طرح الاغنية السودانية في اول لقاء لها اخطأوا التقدير فربما لن تتاح لشروق فرصة اخرى لتوصيل الغناء السوداني فهي حتى فشلت في تقديم الخليجي بما يرضي طموح الخليجيين !!!!
ليتها تغنت بكل اغاني التراث التي ندعي ان ميامي ومحمد منير سلوبها مننا حتى نقول للعالم هذه هي اغانينا وليست اغانيهم وهكذا نغنيها ولكن ..!!!!!!!
عموماً شاهدنا الحلقة ولم اكملها شخصياً بعد ما ادركت ان الذرة متعادلة
(+) و (-)
وفعلاً ميوزك بلس شروق ماينس ..
|
Post: #2
Title: Re: Music Plus..Shirooq Minus
Author: doma
Date: 08-27-2006, 00:42 AM
Parent: #1
up
عشان انا ماحصل سمعتها ونتمني يجي زول تاني يكون شاهد او سمع الحلقه كي يدلي بشهادته في حق الفنانه شروق وما يكون من ناس شكارتها دلاكتها . اصلو عمر الفاروق دا لا بعجبو العجب لا الصيام في رجب 
|
Post: #3
Title: Re: Music Plus..Shirooq Minus
Author: عمر الفاروق
Date: 08-27-2006, 01:23 AM
Parent: #1
| Quote: اصلو عمر الفاروق دا لا بعجبو العجب لا الصيام في رجب |
..
رجب ده سمح فيهو العرس إلا الصيام قرب يا دومة
في الانتظار على قناة ابو ظبي كل من حضر اللقاء..
تخريمة :
الموصلي والمعز بخيت يمتنعون ..
|
Post: #4
Title: Re: Music Plus..Shirooq Minus
Author: Ahmed Mohammed Osman
Date: 08-27-2006, 01:48 AM
Parent: #1
عمر الفاروق المستنير بالانجليزي
اعجبني اداء الفنانة شروق في عيش معايا الحب
واستغربته بعد وضعها في قمة الاصوات النسائية في السودان
مع وجود امال النور؟؟؟؟؟؟؟؟؟؟
فما عدت استمع اليهااو اتابعها
نصيحة:
اشتري شريط امال النور الاخير الفيهو "قولها تاني"
|
|