البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟

البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟


08-26-2006, 11:10 AM


  » http://sudaneseonline.com/cgi-bin/sdb/2bb.cgi?seq=msg&board=60&msg=1156587027&rn=7


Post: #1
Title: البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟
Author: ابراهيم بقال سراج
Date: 08-26-2006, 11:10 AM
Parent: #0

البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟

بقلم / ابراهيم عبدالله بقال سراج
[email protected]


واخيراً انتصرت الارادة الطلابية بجامعة الجزيرة في انتخابات اتحاد طلاب جامعة الجزيرة بعد غياب دام اثني عشر عاماً وحققت الوحدة الطلابية فوزاً كاسحاً في الانتخابات واحرزت 6944 صوتاً وجاء في القائمة الثانية المؤتمر الوطني 2588 صوت واحرزت قائمة الاصلاح المركز الثالث 680 صوت , الفارق بين قائمة الوحدة الطلابية وقائمة المؤتمر الوطني 4376 صوتاً وهو فارق كبير يعكس مدي تأخر قائمة المؤتمر الوطني وعدم قبول الطلاب بحزب المؤتمر الوطني الحاكم , كيف لا يفوز قائمة الوحدة الطلابية الذي يضم أحزاب المعارضة (( حزب الامة القومي , الاتحادين (( هيئات ومرجعيات )) الناصرين , البعثين , والجبهة الشعبية المتحدة , والطلاب المستقلين )) والطلاب يكرهون حزب المؤتمر الوطني ؟؟ انها فوزاً كاسحاً يؤكد مدي رفض الطلاب للكيذان بالجامعات وفي أي مكان ولا مجال للمؤتمر الوطني بعد اليوم في أي انتخابات حرة ونزيهة تجري في الجامعات ,, المؤتمر الوطني اعتاد علي تزوير ارادة الطلاب والفوز بأنتخابات اتحادات الطلاب في كل من جامعة النيلين وجامعة الزعيم الازهري ولكن فشل في تزوير ارادة الطلاب بجامعة الخرطوم كبري جامعات السودان والان لدورتين متتاليتين فاز فيها احزاب المعارضة بأنتخابات اتحاد طلاب جامعة الخرطوم وفي جامعة الدلنج ووادي النيل ايضاً فاز فيها احزاب المعارضة واخيراً في جامعة الجزيرة بعد اثني عشر عاماً من غياب الارادة الطلابية اخيراً انتصرت الارادة الطلابية بعزيمة وحققت نصراً غير مسبوق فالتحية المليونية لطلاب جامعة الجزيرة وتهنئة حارة للاحزاب (( الوحدة الطلابية )) التي فازت بأنتخابات اتحاد طلاب جامعة الجزيرة وبفوز احزاب المعارضة في جامعة الجزيرة يعتبر نهاية مؤلمة للمؤتمر الوطني وهذا درس للمؤتمر الوطني ليعي ويعرف حجمه الحقيقي بدلاً الاعلام المزيف والمضلل الذي يمارسه وبدلاً من جعجعة البشير الذي يقول في كل لقاء انه يكتسح الانتخابات في الفترة القادمة والحشاش يملا شبكته , لماذا لم يكتسح حزب البشير انتخابات اتحاد طلاب جامعة الجزيرة ؟؟ ولماذا رجع حزب المؤتمر الوطني بشبكته الفاضية ؟؟؟ أي انتخابات في البلاد بعد اليوم ان كانت نزيهة ومحايدة وبأشراف دولي مباشر اعني الانتخابات الرئاسية القادمة سيخسر فيها عصابة المؤتمر الوطني الانتخابات بل يتذيل القائمة , فالمؤتمر الوطني بلا رصيد وبلا قيمة واصبح حزب عصابات وحرامية ليس الا حاكمين البلد بالقبضة البوليسية والامنية وشراء الذمم ,, المواطن هو الذي يختار من يحكمه !!! كيف يختار المواطن حزب المؤتمر الوطني وهذا الحزب ضد مصلحة المواطن ؟؟؟ كيف يصوت المواطن للمؤتمر الوطني وهذا الحزب بعصاباته تشن حرباً علي المواطنين الأبرياء في دارفور وتقتلهم بالطيران وتقصف قراهم ومدنهم ؟؟ كيف يصوت الموطن للمؤتمر الوطني وعصاباته ارتكبت مجزرة بور تسودان الشهيرة ؟؟؟؟ كيف يصوت المواطن للمؤتمر الوطني وعصاباته ارتكبت جرائم حرب في جنوب السودان ؟؟؟ كيف يصوت المواطن للمؤتمر الوطني واسامة عبدالله ظلم اهالي الشمالية والفيضانات تغمرهم وتدمر منازلهم ؟؟؟ كيف يصوت المواطن للمؤتمر الوطني والزبير احمد حسن يزيد اسعار المحروقات والسكر دون مبررات ؟؟ كيف يصوت المواطن للمؤتمر الوطني وعوض الجاز ينهب اموال البترول السوداني ويخصصه لمصلحته الشخصية ؟؟؟ انه نهاية المؤتمر الوطني ولا مجال للمؤتمر الوطني في حكم السودان بعد اليوم , كفاية سبعة عشر عاماً والمواطن يعاني من هذا الحزب ,, البشير يجعجع ويردد الحشاش يملا شبكتو وين التحشيش بتاعتوا في انتخابات اتحاد طلاب جامعة الجزيرة

http://www.bagal.jeeran.com


--------------------------------------------------------------------------------

Post: #2
Title: Re: البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟
Author: ابراهيم بقال سراج
Date: 08-26-2006, 11:17 AM
Parent: #1

شابكنا الحشاش يملا شبكتوا وقلة ادب وين التحشيش بتاعتك يا البشير ؟؟؟

Post: #3
Title: Re: البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟
Author: ابراهيم بقال سراج
Date: 08-26-2006, 11:37 AM
Parent: #2

إتحاد طلاب جامعة الجزيرة .. التجربة والتاريخ

جامعة الجزيرة : عائدون باسم من نهوى هلالا فى سماء !.. لبنـى أحمد حسين

النصر لنا جامعة الجزيرة ايوووووووووووووووووووووي

الوحدة الطلابية تفوز باتحاد طلاب جامعة الجزيرة و رئيس ا... صوت للوحدة الطلابية

جامعة الجزيرة قلعة الصمود ____ والارض المحرره

Post: #4
Title: Re: البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟
Author: قاسم المهداوى
Date: 08-26-2006, 11:47 AM
Parent: #2

المناضل ابراهيم بقال ( ...........)
كراسى وتربيزة وثيرمس شاى يبدو انه كركدى وزجاجة حاجةباردة ببسى كمان
عموما حبيت امر اسلم عليك ...

وهاك الحشاش ده

Post: #5
Title: Re: البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟
Author: ابراهيم بقال سراج
Date: 08-26-2006, 12:00 PM
Parent: #4

تسلم يا قاسم مهدواي والله مشتاقين كتير


Post: #6
Title: Re: البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟
Author: smart_ana2001
Date: 08-26-2006, 03:57 PM
Parent: #5

ابراهيم بقال سراج
انت من الناس اللى بيشعرونى انو السودان بقى دوله ديمقراطيه "من وراى"
Quote: البشير يجعجع

Quote: شابكنا الحشاش يملا شبكتوا وقلة ادب

تكتب كل ده و حااايم فى الخرطوم " و بره الخرطوم (اسفه قصدى بره السودان ) و ترجع بمزاجك. ما فى اى زول بيسالك . و تقول لى ما فى ديمقراطيه
اما البلد بقت حريااات "عديل كده"
اما ناس الامن شايفين انو مكسب ليهم اللى انت بتعمل فيه ده
اها ؟ انت شايف شنو؟؟ . حكايه الحريات دى غايتو "الله اعلم بيها"

Post: #7
Title: Re: البشير يجعجع الحشاش يملا شبكتو وين التحشيش بتاعتوا في انتخابات طلاب جامعة الجزيرة ؟؟؟؟؟
Author: smart_ana2001
Date: 08-29-2006, 08:40 PM
Parent: #6

ابراهيم بقال سراج , اها ؟ السودان بقى فيه ديمقراطيه ؟؟