.. تاني ست الريد بقت نساية وترحيب خاص .. رشــا سالم ..

نعم أن الملائكـــة يهبطـــون من السماء.. بقدرة قــادر
نعم هبطت هنــا اليوم اخصائي التخدير والعناية المكثفة .. رشــا سالم

تعرفكم جميعكم من خلال متابعتها لسودانيز اونلاين منذ فترة ..
تناقش معي البوستات .. واناقش معها أحوال القلوب المفتوحة من صميم عملهــا بقسم التخدير وجراحة القلب المفتـــوح ..
..
انســانة .. تحمل همـــوم الغير بكل معاني الإنسانية.
أخت وصديقة عزيزة .. وقفت عندهــا كل كلمات التقدير
قبل أيام قليلة لجأت لهــا في مهمة انسانية في توفير ( دواء ) عجــز الأطباء كالعادة في توفيره في السودان .. وكان أن ادهشتني .. وصديقتها الصيدلانية بأن وفرو لي مع الدعوات الصادقات ( كميــة ) كانت البلسم الشافي واعادت البسمة لأسرة عانت ما عانت ..
..
أخبرتني قبل دقايق من الآن ومن أمام غرفة العمليات في ( نبطشية) الليل بدخولهــا سودانيز اون لاين .. اصرت على رفع بوست ( ست الريد ) ...( بقت نساية ) ومن ( برلمتهــا ) نست ان البوست في الأرشيف وغير قابل للمداخــلات .. وهذا من لطائف الأمور
.
.
يسرني ( أنا تمبس وست الريد بقت نسانية ) أن نرحب ترحيب خاص بالأخت والصديقة العزيزة جدا أخصائي التخدير والعناية المكثفة رشــا سالــــم.. اضافة حقيقية بيننا

مرحبا بها..وهي تحمل هذه الصفات

Quote: انســانة .. تحمل همـــوم الغير بكل معاني الإنسانية.

أو كما قال تمبس

تامبا ..

يا سمح ..
و تحية معاك لرشا ..
الجدعة و أصيلة .. و فنانة إنها نكتت البوست ده .
( ما تهابشي الأرشيف كتير يا رشا .. يقوم يوم يطلع ليك أسد ) ..
بس عليك الله يا علاء ناقش معاها أي شي إلا حكاية القلوب المفتوحة دي .
البت ما عملت فيك إلا كل خير .. ده جزاها ؟؟؟
تهريها بحكاوي الوجع بت الناس المسيكينة دي .. ؟؟
يا إما هي كمان ( تريحنا ) و تكمل جميلا و تدخلك العناية المكثفة ..
باعتبارك حالة نادرة من الجمال ..
( و استغلوا الطيبة في قلبك وبي إسم العواطف ما عارف شنو داك ) ..

و بعدين تعال .. ياخ أنا ما جيت الرياض ..
ما اشتغلت بي مالك ؟؟
كُراع البقر جيابة يا صاحبي .

تحية كبيرة و تعظيم سلام لرشا و ..
ست ريدك النساية ..
و الزول الغناي ده .

العزيز تمبس


في مرات كده الواحد احسن يسكت و يسمع

***************

لكن برضوا

Quote: تحية كبيرة و تعظيم سلام لرشا و .. ست ريدك النساية .. و الزول الغناي ده .

نصرالدين

Quote: بس عليك الله يا علاء ناقش معاها أي شي إلا حكاية القلوب المفتوحة دي .

عمدة العزيز
زي ما قلت ليك زهجــان منك وزهج شديد جدا
واشتكيتك وحسع بشتكيك لي دكتورة رشا دي
بلاي تدخل الرياض وما تقول ( كـــِش ) ؟؟
كلمني معتصم في يوم خميس وقال لي عماد عبد الله اتصل علي وح امشي الاقيهو ونتلاقى بي هناك .. كنت منتظر بي هناك .. وبعداك يلالا تعال شوف ليك جري وطيران
وانا من طيبتي قلت خليهو يخلص حاجاتو .. ومصيرو المــوج بجيبو
وكنت منتظرك .. وعارف انتظاري عامل كيف ..
بلاي تمشي ولا تقول لينا حاجة
يعني تعمل حاجاتك على كيفك ؟
غايتو حاج بهاء بكري انستر معانا
لكن انت ليك يوم يا عماد .. والدوحة دي في العيد الجاي دهـ ح تلقانا توووش
كدي بس اشوفك قدامي هناك ..
..
شكرا يا دكتورة رشا للمساحة دي .. وقلنا نعمل ليك شوية عرض

الأخ المحترم عبدالمطلب
ما قصرت في الترحيب وأنا عارفه شهادة تمبس ما معتمدة
لكن اتمني إني أكون عند حسن ظن الجميع...
دمت بخير...

لا.. يااختي لم اقصد هذا المعني..
و تمبس عندي زول رائع .. وانسان لاتخطئ حاسته في معرفة الرائعين..
:
:
:
اعتذر لك ولتمبس .. ان كان كلامي فهم هكذا..
ولكما العتبى حتا ترضيا..

الأخ عبدالمطلب خضر
يااخ انا قلت القي لي فرقة في تمبس ده لانه
من الصباح شغال فيني برلمة تقوم أنت بكل بساطة
تشكره وتكبر ليهوفي راسه؟ غايتو الله يديك العافية
وشكرا ليك تاني علي التحايا ومافي زول عاتب عليك
وربنا مايجيب عتاب.........
التحايا والاحترام ليك.....

الأخ المحترم نصرالدين صلاح
نحنا ذاتنا حنسكت عشان نخليك تستمتع بالأغنية الجميلة...
ومشكور علي الترحيب

الأخ معتصم دفع الله
مشكور علي التحية وربنا يوفقني وأكون إضافة للناس الجميلين
زي ما أنت بتتمني ....
بخصوص السفنجة أنا ملتزمة بقرارات الاخ محمد الشيخ لأنه أخوي
الكبير وتاني مافي زول حيجيب سيرتها......لكن ما قلت لي سويتوا
شنو في موضوع البشكير السمح؟ هههه

الأخ امير عوض الجمري
شكرا ليك كتير علي الكلمات الحلوة.......
وبالمناسبة انا حبوبتي برضه اسمها سعيدة بت الجباره..
مش صدفة غريبة؟
يعني طلعنا اولاد خالات...
الف تحيةليك.

استاذنا عبد المطلب خضر
شكرا لترحيبك معنا بالأخت العزيزة رشــا ..
والحمد لله زي ما شايف .. كايسه ليها فرقة علشان تديني علي راسي طوالي

تامبا يا شريك ..
نرحب معك بالإخصائية الإنسانة والزولة الحبوبة رشا سالم ..
وهي بحق إضافة جميلة للمنبر نتمنى ليها طيب الإقامة فيه ..
وكويس إنها اليوم "قلّبت" ليك المواجع وخلتك مع دنيتك القساية دي ..
يلا يا رشا عندنا "سفنجة" رايحة برضو ..
ولا نمانع بمدنا باي "سفنجات" أو على شاكلتها ..

مرة ثانية ألف مرحب بيك ..

شكراً يا شريك ..

تامبا الظريف .. نرحب معك برشا ..

وأنت تزين هذا المنبر بسمح الكلم ..

الله الله الله الله الله الله الله الله
يا تمبس وحياتك يا غالي انـا لي ساعة فاتح صفحة الاضافة وما قادر اكتب ..

Quote: نعم أن الملائكـــة يهبطـــون من السماء.. بقدرة قــادر

وهناك من يعيش بيننا منهم ويوحون لنا بهذا الجمال .

Quote: انســانة .. تحمل همـــوم الغير بكل معاني الإنسانية. أخت وصديقة عزيزة .. وقفت عندهــا كل كلمات التقدير قبل أيام قليلة لجأت لهــا في مهمة انسانية في توفير ( دواء ) عجــز الأطباء كالعادة في توفيره في السودان .. وكان أن ادهشتني .. وصديقتها الصيدلانية بأن وفرو لي مع الدعوات الصادقات ( كميــة ) كانت البلسم الشافي واعادت البسمة لأسرة عانت ما عانت ..

الم اقل لك صديقي تامبا ان بعضهم يعيش بيننا .. فها انتما ملاكين بيننا تنزعون الألم وتغرسون البسمة في النفوس ..

Quote: أخبرتني قبل دقايق من الآن ومن أمام غرفة العمليات في ( نبطشية) الليل بدخولهــا سودانيز اون لاين

يا مليون مرحب بها وهي ترفرف بجناحيها الأبيضين وتهبط جالبة السلام والأمان .. لتكون ست الريد والانسانية والامل .

والشكر لك يا مخزن الود والسماحة

تمبس الحبيب

انت يا اخوي في زول سالك

مالك تطلع في المواجع لينا

والف مرحب الاخت رشا سالم بيننا هنا

وبرضو

احييييييييييييييييييييييييي انا

مرحب بالملائكة بالمنبر , ومرحب بست ريدك ياتامبا , تحياتي لك وللدكتورة رشا

دكتورة / رشا

مرحبتين أهلا بالجية


tmbis

شكرا ليك يا رائع

علاء السمح
لك الثناء على (كل الغناوي)
ربي يحفظك

أكيد احمد الشايقي ما شاف البوست دا!

____

اهلا
اهلا
اهلا
اهلا

الأخ محمد الشيخ..
مشكور
مشكور
مشكور
مشكور
يا سيد الزوق

الأخ محمد عبدالله هارون
الله يديك العافيه وانا معاك بشكر تمبس تاني وتالت

الأخ العزيز تمبس
مشكور كتير علي الترحيب الخاص واللطيف ده ...
مع إنك فضحتني قدام الجماعة وطلعتني برلومة ..لكن الأغنية
الحلوة دي بتغفر ليك......
مشكور تاني وسلامك حيوصل لست الريدالنساية وما تخاف لسه
الوساطات جارية عشان ننعش ذاكرتها..وشيل الصبر
وابشر ياقول السعوديين(زول مبتسم ابتسامة خبيثة شديد ولكن بتنشاف
من المريخ)

Quote: نعم أن الملائكـــة يهبطـــون من السماء.. بقدرة قــادر نعم هبطت هنــا اليوم اخصائي التخدير والعناية المكثفة .. رشــا سالم

رشا سالم


مرحبتين حبابك بالمنبر

اتمنى لكي اقامة طيبة





تخريمة:

عارفة ما دام عندك علاقة بالتخدير والقلوب

ح تتعبي تعب شديد مع ناس تمبس ديل

شمري السواعد سااااااكت









مودتي واحترامي

عفواً مكرر

الحبيبة انعام عبدالحفيظ
الله يحفظك يا رائعة...شرف لي إنك تكوني اول المتداخلات....
ومادام انتي وكل الناس الطيبين هنا,اكيد الاقامة حتكون طيبة
وتمبس ده ما تشيلي همو انا بريحكم منه تب.....

الأخ عماد عبدالله
الله يخليك ويخلي لينا حروفك الجميلة دي.......
ما تخاف علي انا ما بمشي محل الأسودإلا هم براهم يجوني
وبخصوص تمبس اطمئن انا قلت ليهو حأوديك المستشفي وأقلع
ليك ضرسك المتاورك ده ....لكن الأجندة الخفية إننا حنقلع ليهو
واحد من الجماعة لا اقول ليك البطين الايسر ولا اقول ليك الشريان الاورطي
غايتو حنحاول ننقص ليهو حجم الريدة الساكنه ده عشان ما يموت علينا..
وتحياتي ليك

Quote: عشان ننعش زاكرتها

تعرف يا تمبس أنا كنت قايل القصه (تخدير)
الله ينعل العجله
د. رشا مرحب بيك

سلا يا تامبا
ومرحبتين بالزميلة الدكتورة رشا سالم

افتقدناك بالأمس في ندوة المسرحيين السودانيين

العمدة

Quote: و بعدين تعال .. ياخ أنا ما جيت الرياض .. ما اشتغلت بي مالك ؟؟

يبدو أنك تعمدت أن تبخل علينا بشوفتك..
أنت مُعاتب.. (على وزن مُعاقَب)..

لكم المودة

تمبس
بما إني جديد ما قاعد امشي اهبش كتير بي هناك

وكتر خير رشا علي المهابشة




والتحية ليك ولي رشا

تمبس


التحية للأخت رشا و أبقاها الله.

Quote: انســانة .. تحمل همـــوم الغير بكل معاني الإنسانية. أخت وصديقة عزيزة .. وقفت عندهــا كل كلمات التقدير

غايتو أختنا رشا عارفة إنو ست ريدك حتحتاج دوا لإنعاش ذاكرتها الخربانة ..

الأخ محمد عبدالجليل
مبسوطة شديد لترحيبك ومشكور علي التحية
ودمت بخير......

الاخ عباس
اسفه إني طلعت ليك المواجع من اول الصباح
ومشكور علي الترحيب.....

الأخ بهاء بكري المحترم
ألف تحية ليك ومشكور علي المرور الجميل
تحياتي عبرك لكل الأعزاءبالدوحه....

يا تمبس
الزول بالإضافة لكل حسناتها
حربية جداً
وقعت في بوست الإعتصام مع أهلنا ضد زيادة السكر و المحروقات
والله إتكيفت منها جداً
ومجايبك سمحة يا حبيب
مرحباً برشا الحبيبة

سلامات يا صحــاب
الليلة السبت .. والسبت دهـ من أيام المدرسة ما راكب عدلـــو..
بعدين يا ( دكترة ) انا كنت عايز انزل ليك :
انــا قلبي بــدق .. بدق ق ق ق .. تظلمني ليه يا جميل ما ليك حق ق ق ق ق..
واهي المسالة كلهــا تخصصات .. لكن قلنــا ( ست الريد) عسى ولعــل العلاج الطبيعي ينفع معــانا ، ما كمان الله بدي الجنــة..
..
شكرا لي كل الشباب المعانـا في البوست دهـ وسعيد جدا بيكم مرحبين لأختنا وصديقتنا بوردابية الرياض رشــا فيا بورداب الرياض ( الزولة ) دي بتعرف خفايا القلوب وشيالت حال .. بعد حفلة الخــال ودقاســم.. اخدت درس وقربو يعملو لي قسطرة في الحجاب الحاجز كان ما الله ستر وأخوكم بيعرف يخارج نفسو من المطبات الخطيرة دي ( حيث ) قالت لي:
كيف ما تكلمني بي وداع الخــال ودقاسم ؟
قلت ليها لكن انت اكسبلورر ولازم تقدمي طلب وتكتري في ( البنج )
ولذلك يا بورداب وبوردابيات .. واخص مجموعة الرياض .. أنتم على وعد بزولة حربية جدا زي ما قالت لنــا مهدي وأخت أخــوان .. وجاهزة جدا لكل المهمات الخطيرة والصعبة والحالات المستعصية زي حالة أخوكـــم معتصم دفع الله مثالاً ..
..
بعدين
يا عماد عبد الله والله زهجان منك زهج شديد خــلاص يا عبد الله عقيد بلاي الزول دهـ ما ينوم ..جيهو لي تمام واضرب ليهو في السلم ده بس لحدي ما اجي راجع للردود ..
شكرا ليكم كلكــم ..
.
.
بعدين يا رشــا بطلي ( الكياشة ) دي في اقتراح هنــا اسمو الكتابة بالالوان
اكتبي لينا بالألوان إذا سمحتي .. جديدة وكمان بتكتبي من غير ألـــوان

Quote: بعدين يا رشــا بطلي ( الكياشة ) دي في اقتراح هنــا اسمو الكتابة بالالوان اكتبي لينا بالألوان إذا سمحتي .. جديدة وكمان بتكتبي من غير ألـــوان

تمبس أخوي الكيشة إنتا الفاكر البتلون الحروف هي الألوان.
في حروف ملونة خلقة يا كيشة

الأخ محمد المرتضي
شكرا علي الترحيب.....
بالمناسبة الإنعاش جزء اساسي من التخدير وكان ما كده
كان الناس البيعملوا عمليات ديل كلهم لحقوا امات طه..
ربنا يحفظنا ويحفظ الجميع.

الأخ عبدالله عقيد
مشكور علي الترحيب

بعـد الترحيـب برشا سالم

الدكتورة الهمامة بوردابية الرياض الجديدة,

وشكر الأخ علاء تمبس

على التنويـه والترحيب


أكيـد لازم شكر خاص للأخ حسين ملاسي

Quote: أكيد أحمد الشايقي ما شاف البوست دا؟

ما فقدتك شينة يا ملاسي خوي,

أها أنا جـيت ومعاي عـدة الشغـل,

عـتاب..... مافي حتى رسالـة واااااااااحـدة....

(وجه باسم على الاخر)

شكرا علاء

شكرا ملاسي

مرحبا د رشا


أحمـد الشايقي

الأخ ادريس البدري
كتر خيرك علي المرور
ومرحب بيك إنت كمان

الأخ ابوجهينه
تحياتي ليك....
وبيني وبينك زولة تمبس دي موضوعها ما نافع
بس نحنا بنديهوا في مسكنات......

الأخت لنا مهدي
مشكورة علي المرور بينا
وتاني بمشي اوقع مادام إتكيفتي ههههههه
وانا ذاتي متكيفة منك لأني خريجة جامعة الجزيرة
وعجبني الموضوع الكتبتيهو عن الجامعة
ربنا يوفقك ويسدد خطاك ..وقولي لتمبس نحنا ما محتاجين
نتمها مويه....قال الوان قال

الاخ احمد الشايقي
مشكور علي الترحيب واكيد لغاية هسه
حيكون وصلك طن بتاع رسايل ما رسالة وااااااحدة
تسلم...

الأخت رشا
حللت أهلا ونزلت سهلا

Quote: جديدة وكمان بتكتبي من غير ألـــوان

اها
أبقي داخله
و
((يصير خير))

الأخ محمد السيد
مشكور علي دعوتك لي بالدخول وباذن الله يصير خير

ارحب برشا سالم
بس اوعى من الشواكيش!

مرحبا الدكتورة رشا سالم اضافة مميزة للبورد ..
وشكرا تمبس ..

سلام يا ناس الرياض سلام..
تحياتي لتمبس وللاخت الجديدة رشا...
وبعد ده يا ناس الرياض يادوب (تيمكم) اصبح جاهز للماتشات مع بورداب الدوحة..
بس حددوا الزمان والمكان...

وشكرا يا تمبس علي الزول الغناي ده..!!

الاخ عبدالكريم الامين احمد
تحياتنا لناس الدوحه ومشكور علي الترحاب
لكن تيمكم ده بالاحتياطي بتاعنا بيتعب
أنا لسه ما شفت التشكيلة بتاعت الجماعة
لكن أكيد بيكونوا من عينة ذين الدين زيدان
يعني كان الكوره غلبتنا بنتمها نطح
تسلم والله يديك العافية

الأخ العزيز جعفر بشير
ياريت أكون عند حسن ظنك بي
وتحياتي ليك وعميق الشكر......
وعليك الله تمبس ده ما تشكره ولا حتين
من الصباح بيبرلم فيني..قال لي بوريك محل الألوان
جاني سوق بتاع واحدة اسمها دانا ولا دينا ما عارف
غايتو حته كده كلها ملايات.........
مشكور تاني وربنا يديمك للنضال ويخلي ليك (نضال)

الاخ المحترم عادل عثمان
شكرا علي الترحيب.....
نحنا ما ناس شواكيش نحنا تخديرنا راقي وحنين
الله ما يوقعك تحت ايدي......

الف مرحب بيك..

ما لقيتي زول تاني غير تمبس يقدمك












يا علاء شنو قاطع الخبر ؟؟

الأخ فيصل نوبي
مشكور علي المرور الجميل
وتمبس ده زول كويس والله
بس يخلي البكا ده ويرفع الفراش
عشان نشوف ليهو واحدة تكون ذكاااااااااارة
ونكيد ست الريد والعوازل

الف مرحب دكتورة رشا والبقدمو الجميل تمبس كل جميل لك خالص مودتنا



آدم جاجا

أهلا ومرحبا..

والبيت بيتك بين أهلك وأحبابك

أخدي راحتك ..


والحوش نور..

الاخ المحترم عصام احمد
الله يخليك والبيت منور بأصحابه القاعدين
وحارسينه من زمان.......وأنا قررت اخد راحتي
ويارب يكون وجودي خفيف عليكم
وبالمناسبة يا عصام ,ولدك الصغير الحليو ده
كل ما أشوفه بتجيني رغبة اسوقه واشطفه
واغسل ليهو جضيماته ديل لكن ما دام عاجبك كده
نحنا ذاته يعجبنا...
مبسوطة بمداخلتك وخليك قريب...

الأخ آدم جاجا
مداخلتك اسعدتني جدا وربنا يديم الود
وتمبس مشكور علي البوست وما قصر
واتمني انك تلاقوا مني كل جميل
دمت بخير...

الفنان تمبس...


الالاف المراحب بالانسانيه اختصاصية التخدير والعنايه المكثفه الملائكه رشا سالم


مدى خدر اللحظه قد تمدد..وغطى شجون الزمن المتلاف...ونحن نعلم ان عماد الجراحه ونجاحها..واستاذ او استاذة البنج..هى المفتاح والمقلاع...وانت افضت فى سجايا الرائعه رشا سالم اختصاصية التخدير والعنايه المكثفه....ولعلنا نذكر ملائكة الرحمه.وهى طوق ومدى..بقدرها ونجاحاتها المتواصله
ولعل شفافية الربط وانت تذكر..العزيز تمبس...ذلك الدواء المنعدم الذى قدموه لك وقدمته انت لتعيد البسمه لاسره ومريضه او مريض ...تمدد الاحسان والمرؤه والنخوه واحساس الانسان ,,وانسانية رشا سالم..فى ارتقاء نافذ وممتد...

والربط الفنى المموسق مع هذه الاغنيه التى تحمى فى تشريح شروحاتها عن ملامح اخرى تفيض وتعيد وترتبك..وتحكى..رنة الصدق وحزن الشجن...

ولعل رشا سالم منحة عطاء زاخر...من خالق الوجود,,وظفها وصاغها بروح منه فبدات وظلت ملائكه..فى صدق عطائها ومنحها الثر المتدفق..اتقان وصدق ومنح..لذا المولى
ضمخها بكل العتق والاعتاق..وشكلها بتفرد الخصوصيه وغلفها بصدق الاحساس وهى تتولى مهمة ساميه...انسانيه وطبيه وجراحيه..وعناية فائقه من بعد

وهى تستاهل كل خير.واشراق..
وانت تستاهل الخير كله...
ولنعد الترديد لان سبر الغناء يكمن فى سطور تلك الاغنيه...
وربنا يشد الفنان عبد الوهاب الصادق الذى اشجى واسعد وابكى وضمضم.جراح الالتياع..فى زمان تمدده فى زمن عاصرناه فى ستينيات القرن الماضى..عبد الوهاب كان فلته لكن الظروف تقف وتمنع..
نتمنى له كل خير..
الفنان تمبس..
وانت سيد الروعه..ومايسترو المجلس...وسيد الجمال.

كل الاعزاز لملائكة الرحمه رشا سالم
عميق الاعزاز والتقدير

الجميل عصمت العالم
يتسال الكثير ممن أعرفهم عن أسباب إتخاذي لهذا المجال الحرج والصعب كتخصص ودرب للحياة
وانت تعلم أن مهنة الطبيب هي اسلوب حياة ولا يستطيع فصله عن بقية مناحي حياته ...
وقد اخترت التخدير والعناية المكثفة لتوقي وشوقي الدائمين لرؤية اثر ما أعطي من عقاقير
علي مرضاي ومتابعتي ثانية بثانية لهذا الاثر حتي يعطي النتيجة المرجوة وهي سلامة المريض
ومقدرة الجراح علي إجراء العملية وهذا التوازن لو تعلم جد مضني ومنهك لاخصائي التخدير
تعلمت من هذا التخصص ان لا استهين باي شيء فكل ما تحسبه تافه وصغير قد يكون له اعظم الاثر
علي المريض والانسان دائما ما يدهشنا ويستجيب للمؤثرات بطرق تختلف كل حين....وهذا لا ينطبق فقط علي العقاقير وانما يمكن ان نعممه علي تصرفاتنا وكلماتنا وتعاملنا مع الاخر...
بأختصار كلماتك كان لها عظيم الاثر عليٍ وخففت وداوت كتير من الألام الجواي..... واتمني اني اكون مصدر لإزالة الم اوتخفيف جرح او عناية بانسان في كل لحظات حياتي.... وتستاهل انت السعادة
وكل المودة

تعرف يا عـلاء.....

Quote: واكيد لغاية هسـه حيكون وصـلك طن بتاع رسايل ما رسالة وااااااحدة

ياهـو دا كلام ( التخدير ) زااااااااااتو



أحمـد

أهلا بيك يا دكتورة
زمان كان بخدرنا الكلام الجميل ( تخدير موضعي )
الان في الغربة بقى الامل في الرجوع ( تخدير كامل)
المشكلة تم التخدير بدون قياس الضغط .....
الف مرحب بيكم .. تمبس ود. رشا سالم
لكما الود ...

الأخ علاء
مرحب بيك وبالامورة ربنا يحفظها ليك يارب....
ربنايرد غربتك وانت غانم وسالم.......
شكرا علي الترحيب..

مرحب بيك اخت رشا

اتمنى ليك اقامه طيبه

Quote: نحنا ما ناس شواكيش نحنا تخديرنا راقي وحنين الله ما يوقعك تحت ايدي......

نشوف اثره على الاخ تمبس وبعدين نحكم( وجه مبتسم)

الأخت مروه
مشكورة واكيد الاقامة بينكم حتكون بقدر طيبتكم وجمالكم.......
وبخصوص اثر التخدير علي تمبس فهو ظاهر ما شايفاهو بطل بوستات المشاكل
وقبل علي ست الريد من ما هبطت عليهو من السماء(وش مبتسم برضه)

لابنة رشا بما اننى خال عموم المنبر ولانك اديتنى صوتك قبل تدخلى المنبر
ارحب بك ترحيبا حارا واضافة منقة بس..يسقط حمزاوى .
تمبس البت دى حدثها عن خالها قبال يجى المخرف الخال المزيف سجماوى داك،،،

الخال المحترم صديق الموج
اولا مشكور علي المرور المقدر ده واخجلتُ تواضعي......
ومن ناحية صوتي فده طبعا مضمون وما تشيل اي هم......
اما خالنا العزيز حمزاوي فليهو تقديرنا لكن بنديهو صوتنا السنة الجايه
عشان ما يزعل مننا...
وتمبس ما محتاج يحدثني عنك لانه اعمالك وحدها بتتحدث..
دمت بخير...

تامبا..
وست الريد..
وتقول لى الصيف جا!!والنار بقت قلاية!!

رشا سالم..
في وهج حضورك
لا أجرؤ على التواري
غمرتينى بالنور و ها أنا والضياء نتستمتع بلحن قدومك .

لكِ من خابيات الخفق أقداح إمتنان.

رشا الدكتورة ..
اربطي ( كداراتك ) كويس .. واستعدي للـ( شليت ) ..
في هذا ( الدافوري ) .. ( اوووووبس قصدي المنبر ) ..


تمبس ..
ما تعمل لي ( بوست ترحيب ) ياخي ..
ولا انشاء الله اجمع لي ( تبرعات ) ..
انا مش ( صاحبك ) ..
وارفع لي البوست بتاع ( الموز و البرتكان ) داك ..

الدكتورة رشا

أرحب بك ترحيبا حارا كعضوة نشطة فى المنبر العام لسودانيز أون لاين ، وأنتهز هذه الفرصة لأشكرك غاية الشكر عند إتصالك الهاتفى علينا للعزاء فى فقيدنا محمد الجيلى وزوجته سهير وبنتهم قطوف ، وقد تحسست مقدار ألمك ومشاركتك الحقيقية لأحزاننا ، حتى أكاد أرى دموع عينيك منهمرة ، وقد تأكدت ثانية من صدق مشاعرك النبيلة فى ردك على رثاء بنتى الدكتورة نبراس لصديقتها قطوف ، فيا لك من إنسانة سودانية أصيلة ونبيلة بما تمكلين من هذا الحس المرهف

ويا بختنا بيك يا دكتورة أخت وإبنة عزيزة

ألف ألف مرحبا ، رغم التأخير فى الرد عليك

الأخ هشام
انا من زمان كل ما اتصفح المنبر العام لازم الاقي بوست ضاحك بقلمك الرشيق الجميل
ولما يتملك الحزن إنسان في طبعك بيكون وقعه كبير علي كل الناس........
شكرا علي الترحيب ولي الشرف إني اكون أخت ليك......

الأخ حميدة....
شكرا علي الوصية لكن نحنا ناس التخدير عندنا أساليب تانية
تخلي ناس الدافوري ذاتهم يختوا الكورة في واطة الله ويبقوا مسالمين....
ومشكور علي الترحيب ...
دمت بخير وعافية

الأخ بشري سليمان
لك كل الود والتقدير علي ترحيبك الجميل...
الاغنية دي فيها كمية بتاعت شجن تكفي الدنيا كلها...
الله يديك العافية يا تمبس ويديك الفي مرادك

مرحبا بدكتورة رشا
إضافة حقيقية لهذا الحيز، وقد قدمك لنا الأخ تمبس "حامل المسك والجمال"، والذي ظل يرفد هذا المنبر بالطرب الأنيق.
وكذلك رحب بيك صديقي الأصغر أبو آمنة (معليش جعفر دي ما معانا)....وأعلم أنه يعلم كيف ينتقي من يحب.

وللأخ تمبس

Quote: والدوحة دي في العيد الجاي دهـ ح تلقانا توووش كدي بس اشوفك قدامي هناك ..

من هسه عيدنا بقى عيدين، وشفت التوووش بتاعتك بتوديك تووووش لقلوبنا.

الاخ نادوس.....
كنت في الدوحة في مارس وياريت لو كنت بعرفكم الزمن داك
اكيد الزيارة كانت حتكون أجمل واجمل......
بورداب الدوحة دوحة غنية بالجمال واكيد تمبس محظوظ
بلقاكم لو ربنا هون ليهو وست الريد ادته الاذن...هههههههههههه
سلامي لكل الدوحة .....

ما فات شيء يا دكتورة ننتظرك في المرات الجاية،
ونحن بيناالمعزات وناس جعفر "أبو آمنة" وتمبس،
وستجدينا وأبنوستي من هسه في سوداناثيل (نقطة حدودية بين البلدين).

دكتورة رشا
لقد اسعدنى وجودك معنا هنا ،،،
وهذة اضافة متميزة للبورد
لك خالص التحايا والف مرحب
والدعوة مقدمة لك لزيارة الدوحة مرة اخرى
وستكون دوحة اخرى ليس كالسابقة ،،،،

الأخ نادوس وابنوسته الجميلة
الاخ(الطيب) معاوية الطيب
اشكركم جزيل الشكر علي الدعوة دي وبأذن الله البيها في اقرب فرصة
والدوحة كانت خيار مطروح لفترة طويلة لكن ربنا ما قسمها...عشان نجي نلاقي زي ناس
تمبس الجنهم مشاكل وجوطة ديل (والله بهزر يا تمبس ما تكرضم لي جضومك)

العزيز تامبا ....... سلام
واضح ان هنالك اصطفاف جغرافي , فقد حشد ابوالجعافر كل اهل فداسي في مواجهتك , وعليه اعلن تضامني معك من ناحية جغرافية , ومن هنا نرسل رسالة لاهلنا بالموردة لخوض معركتنا المؤجله مع اهل فداسي بقيادة ابوالجعافر بس طلع لي الدكتورة رشا من الدواس ده . لاننا نريد ان نحصر الصراع ونحعله صراع الريف والمدينة فقط .
بالمناسبة فنانك رهيب والاغنية جميلة .
محبتي لك ولاهل فداسي الاعزاء

المحترم بهاء
انا ذاتي مع تمبس وناس فداسي ديل الله ساكت يحلهم مننا.....
حنبقي ليهم في رقبتهم العزيزة وده كله عشان يبطلوا يخشوا في
المواضيع المحرجة والبتجيب كثافتنا...
وانا ما بقدر اطلع من المشكلة دي لانو عندي تار شخصي وكده...
وشايفه جعفر عايز يدول الموضوع ويدخل الخال صديق الموج
لكن انا خالي ضامناهو ..ما بيغلط علي
يلا مع السلامة

مرحبا بها;

شكرا tmbis

Quote: ولذلك يا بورداب وبوردابيات .. واخص مجموعة الرياض .. أنتم على وعد بزولة حربية جدا زي ما قالت لنــا مهدي وأخت أخــوان .. وجاهزة جدا لكل المهمات الخطيرة والصعبة والحالات المستعصية زي حالة أخوكـــم معتصم دفع الله مثالاً .. ..

اهلا وسهلا بيك يا رشا في المنبر....

وياتمبس اكان قدرت علي اخونا معتصم دا تكون ما قصرت معانا!!!

تحياتي للجميع,,,,

اهلا د/رشا
سعيدين بوجودك هنا..
شكرا تمبس

الأخ المحترم ايمن تابر
سعيدة بوجودي وسطكم ومتأسفة شديد علي تأخير الرد
دمت بخير........

الأخ ايهاب الطيب
شكرا علي حفاوة الترحيب وأسفة علي تاخير الرد
ومعتصم ده تمام التمام وما داير اي تعديلات
المشكلة في تمبس بس ..

مرحبا بالدكتورة الانسانة رشا سالم
كمال عباس

يا ألف مرحب بصاحبة القلم السديد دكتورة رشا

الغالي والعزيز تمبس

نرحب معك بالإخصائية الإنسانة والزولة الحبوبة رشا سالم ..
وهي بحق إضافة جميلة للمنبر نتمنى ليها طيب الإقامة فيه


شيقوق

دكتورة رشا

يا هلا و يا مرحبا

كل الود
و الشكر يا تمبس

غادة

رشا دائمآ تزكرنى بالفنان الراحل أحمد الجابرى هذا العملاق ذات الصوت الشجي ، وكنت وانا ابن 16 سنة واحضر حفلة زواج كان يحيها الفنان احمد الجابرى ، وفجأة وجدت نفسي امام الراحل احمد الجابرى وسألته عن أغنية رشا وهل هى محبوبته ام زوجته فقال لى ، بل رشا هى من اسماء الظبية و رشا هو طفل الظبية عندما يقوى على المشى
وكنت ساعتها لا اعى الاشياء بعمق ، فكل ما جئ بأسم رشا اتزكر هذا العملاق لذلك الف مرحب بالدكتورة رشا سالم ونتمنى لها اقامة طيبة فى هذا العالم السايبيرى.

سيف

الاعزاء
عبد الحميد البرنس والبرنسيسة الهام
جيتكم بروقة .....واسفه علي تأخير الرد
شكرا علي الترحيب وما قصرت يا عبدالحميد
والهام شكلها كده ملخومة مع ابو العيال
عشان كده ما شرفتنا...

الأخت الحبيبة غادة
والله رديت علي ترحيبك تلاتة مرات وكل مرة القاهو ما نزل

لما اتحيرت ذاتي ......عموما يا ستي امسحيها لي في وشي

ووممنونة جدا لمرورك الجميل...

لك كل الود

مرحبتين بالاخ الطيب شيقوق

شكرا علي كلماتك الجميلة

والأقامة بتكون طيبة بوجودكم

دمت بخير

الباشمهندس نزير حجازي
شكرا ليك...
لك الود ..

ومرحب بيك في البوست ده..
وشكرا علي جميل القول.......

مشكور استاذ كمال عباس علي المرور

ومشكور علي الكلام الجميل....

دمت بخير

الأخ سيف الدين جبريل
الف شكر علي مرورك وربنا يرحم الفنان(الفنان جدا) الجابري

والرشا هو صغير الغزال اللذي يكون في مرحلة تعلم المشي فتجده

يسير ويتعثر (ربنا يكفينا شر العترات)...

مشكور وما قلت لينا الجمبك ده منو؟(وش محتار من شدة الشبه)

شكرا تمبس


ومرحب برشا سالم ..


وهى اضافة عميقة لهذا المنبر

واخت اخوان

تحياتى لك يارشا ... فقد فاتتنى فرصة شاى المغرب بمنزلكم العامر قبل سفرك ... ولكن

انتى فى الخاطر و لا مسافة

.............. ..............

.............................

أخي وصديقي عبد العظيم
ما تتخيل شعوري وانا بقرا في حروفك....سنين مرت في خاطري خلال ثواني
كنت عاتبة عليك لانك ما ودعتني قبل سفري..لكن لما رجعت في الأجازة كنت
في خاطري بس للاسف حصل لي حادث بالعربية وقضيتها كلها من دكتور لدكتور
وما قدرت اتصل بيك...ارجو انك ترسل لي الايميل بتاعك في الماسنجر
واكيد مافي مسافة بين الأخوان مهما بعدت الشقة.....

هذه بعض ماسي القبح المنبري يا محمد الشيخ

شغلنا الدواس من ان نرحب بالناس الحلوين..
الف مرحب بيك يا دكتورة رشاسالم ...
وحا تتعبي معانا في التخدير غايتو الله يكون في عونك

الأخت العزيزة غادة

مرورك اسعدني وربنا يجبر بخاطرك.......

لك الود ودمتي....

الدكتورة / اهلا بيك
هبة الله حبت تكون المشاركة رقم 100
وبتهديك صورتا وحبها ليك

الأخ المحترم ابو هبة الله
ماقصرت والله هبوية وجيتها بالدنيا ولازم توالينا بالصور الجديدة
ليها عشان نتابع التطورات (غايتو الصورة الجديدة فيها خصلة
نازلة من قدام وطويلة يعني البت قربت تبقي انسة وكلها سنتين تلاتة
تقعد تشبكك يا دادي مشاعري واحاسيسي.....)
سلامي ليها وقبلاتي وقول ليها خالتو رشا برضه بتحبك يا عسل..

الأخ تولوس

شكرا ليك علي الترحيب

والدواس علي قولك كان محتدم في الأيام الفاتت

ومافي مشكلة الأهم فال......أقل أهمية

دمت بخير

الأخت الفاضلة الدكتور /رشـا ســالم


يسعد صباحك أختي


أولاً اسفي الشديد على تأخري بالترحيب بك في منبر سودانيز أولاين ، وذلك لكوني كنت غير موجود في تلك الأيام ، فأسفي أختي أولاً ومرحباً بك بين إخوتك ثانياً ، حللتي أهلاً ونزلتي سهلاً ، ويما مرحبا أدخلي لي جوه .


وشكراً عزيزي تمبس على هذه اللفتة البارعة ، ولو ما جيتنا بي هناك بنجيك نحن بي هنا . تحياتي لأخي الحبيب معتصم .

الاخ المحترم عماد محمود علي

شكرا ليك علي مرورك الرقيق وربنا يديم المودة والأخوة

وتراني داخلة لجوه...

الأخت الفاضلة الدكتور /رشـا ســالم


يسعد صباحك أختي


أولاً اسفي الشديد على تأخري بالترحيب بك في منبر سودانيز أولاين ، وذلك لكوني كنت غير موجود في تلك الأيام ، فأسفي أختي أولاً ومرحباً بك بين إخوتك ثانياً ، حللتي أهلاً ونزلتي سهلاً ، ويما مرحبا أدخلي لي جوه .


وشكراً عزيزي تمبس على هذه اللفتة البارعة ، ولو ما جيتنا بي هناك بنجيك نحن بي هنا . تحياتي لأخي الحبيب معتصم .

وهاكم الشاي

well come in your house

d.rasha

يا بت خلاص امرقي من القطية دي ...
ما شايفة الهمبريب بفتح شبابيك اليقين ..

الأخ العزيز جعفر بشير

يازول مالك علي مارقني من القطية الضلها بارد دي؟

ثم ثانيا انا الناس دابهم بيسلموا علي وكان ما رديت

السلام يبقي عيب علي ....وامانة في ذمتك الزول يسيب ناس

هبة الله الحلوين ديل يقبل وين؟ههههه

والله ياجعفر الشغل تقيل الأيام دي والزول بيجي يقرا المواضيع

المهمة ويطلع والمداخلات عايزة ليها رواقة بال عشان ما يبقي

كلام ساكت ....قريت بوستاتك الأخيرة ولما أفضي شوية بجيك

بس خلي بالك وااااااااااسع وادينا مساحة..

دمت بخير

ا

thanks alot...Mohammed Joda

...
...
مرحبتين حبابك

...
...

الأخ الملك .....
ملك السربعة..
حبابك ألف وما قصرت ...
ياخي الوردات والألوان والحاجات دي بتجيبوهوا من وين؟
(عقدتونا ذاتو..)

Quote: تناقش معي البوستات .. واناقش معها أحوال القلوب المفتوحة

وجعتا قلبنا يا تامبا..

احوال القلوب ده بوست حينزل عشانك قريب..


دمتا رايق وحباب الزولة..

الف شكر ليك يا دكتورة
شكرا ليك على كلماتك الرقيقة واتمنى ان يقبل الله دعواتك الجميلة
تحياتي ومودة هبة الله

الأخ دكين

اول ما شفت البينك بانثر جدعت الماوس وجريت علي التلفون ودار هذا الحوار:
رشا: يا تمبس الحقني ...دكين..
تمبس: بسم الله في شنو ؟ دكين ماله؟ مات؟
رشا: لا لا ما مات ...
تمبس: طيب في شنو يا زولة وقعتي قلبي؟
رشا : عامل مداخلة في البوست بتاع الترحيب بتاعك
تمبس: مالو قال شنو؟
رشا: والله انا ما شفتو كاتب شنو.....(بهت الذي كفر!))
تمبس: يازوله ختي الرحمن في قلبك وشوفي الزول ده كاتب شنو
رشا :كويس ..لكن خليك في الخط..ما تسيبني براي...(مشيت قريت الكلام بسرعه)
كاتب ليك كلام وكاتب لي حباب الزولة!
اها ارد اقول ليهو شنو؟
تمبس: يا دكتورة خلي الخوف والجبن ده ....ليك امان الله ما بيغلط عليك

(انتهي الحوار لأنه رصيدي بتاع التلفون خلص وتمبس جبان ما ضرب لي تاني)
اها جيت واستجمعت شجاعتي يا دكين وبقول ليك شكرا علي الترحيب وما تزعل من كلامي
ده بس انا حبيت اوريك كمية الخوف البحس بيهو لما اشوف النمر البمبي ده...
ودمت بخير يا عشا البايتات...

Quote: تمبس: بسم الله في شنو ؟ دكين ماله؟ مات؟

الفيك اتعرفت يا تامبا..
عايز تجيب اخر اخوك؟؟




اللخت رشا

Quote: تمبس: يا دكتورة خلي الخوف والجبن ده ...ليك امان الله ما بيغلط عليك

بلاي متين شفتيني غلطتا في بت اومرة يادكتورة ياخ..
اناحرم ارقا زول هنا ..بس همزاوي وود الموج خاربين سمعتي

Quote: لأنه رصيدي بتاع التلفون خلص

هسي لو كنتي بعتي الادوية لي بتاع القلوب ده ماكان رصيدك خلص..
اهو انا وانتي غير الكرم الشديد ده مافي شي مودرنا..:



شفتي انا وانتي دي حلوة كيف..
ضعتا يا تامبا

Quote: اهو انا وانتي غير الكرم الشديد ده مافي شي مودرنا

غايتو يا رشا بعد كده اوعي تغيبي (وش عينو زي بيغن)

الأخ دكين

مشكور علي صبرك وروحك الرياضية ...

دمت بخير وخليك راقي كده طوالي..

والله أيام يا تمبس : ست الريد دي عادت بي إلى أيام جميل
شكراً لكل هذا الجمال

واهلاً بالدكتورة رشا
وأوصيك بشيوخ المنبر عايزين عناية مكثفة جداً
والبكايين قاعدين في غرفة الإنعاش طوالي

الأخ كبسيبة

شكرا ليك علي تحيتك الجميلة...

بخصوص شيوخ المنبر والبكايين بس أعمل لي لستة وأختك ما بتقصر..

اها انت ما وريتنا تبع ياتو category?

دمت بخير

الف مرحب يا دكتورة
انت دخلت دخلة قوية

يا فرحتنا بيك

Quote: رشا: يا تمبس الحقني ...دكين

معقولة بس يا دكتورة .؟ في حد في الدنيا دي يخاف من دكين ؟ دكين ده راجل عسل عديل كده ، ده الرقة زاتها ، ختي الرحمن في قلبك وسيبك من الخوف ده البيتخاف منهم كتاااااااااااااااااار بس دكين مو منهم . وتسلم يا دكين .

أختي الحبيبة الجندرية

خطوة عزيزة ونورتي

اسفة علي تأخير رد تحيتك الجميلة ....

لكي كل الود..

تمبس

انتا البت التحفة دي لقيتها وين ياشقي؟؟

تمبس أخوي ..

دكين ده بيسأل فيك يأخ انت وين مختفي ؟

Quote: دكين ده بيسأل فيك يأخ انت وين مختفي ؟

ست الريد ياخ ما تلخبطي الاسئلة :
انا سؤالي واااااااااضح يادكتورة

Quote: انتا البت التحفة دي لقيتها وين ياشقي؟؟

اصلي ماسالتا من تمبس ده مختفي وين...

الأخ دكين المستعجل

ياخ انت وقع الكلام قبل ما تكاوي

انا سألت تمبس انت وين ومالك ما جيت رديت علي سؤال دكين..

وقع ليك؟

دمت بخير