Post: #1
Title: سلام علي ناس ال Ruhegebiet .... أنا قادم جديد
Author: نصار
Date: 08-24-2006, 08:36 AM
الاعزاء ساكني الريفيرا
اخوكم قادم جديد للمنطقة و استقر بي الحال في مدينة Gladbeck و لحد الان ما عارف اذا كان هناك سودانيين في المدينة لكن متأكد ان المدن المجاورة مثل اسن و دورتمن و دسلدورف و قلزنكرشن فيها شباب من عندينا بس لم اجد وسيلة اتصال بهم
اتمني ان يكون هذا البوست فاتحة خير
تلفوني. 02043273832
موبايل 01604631020
alaeldinnassarhotmail.com
اتهيئ لمناسبة سعيدة بداية الاسبوع القادم
فأتمني ان يكتمل بكم الفرح
علاء الدين نصار
المرجو من الاقلام الصديقة (كما كانت تقول العزيزة رجاء العباسي) أن يسهموا برفع البوست ليتمكن المعنيين من الاطلاع عليه
مع تحياتي و تشكراتي
|
Post: #2
Title: Re: سلام علي ناس ال Ruhegebiet .... أنا قادم جديد
Author: Tumadir
Date: 08-24-2006, 08:54 AM
Parent: #1
اقلام صديقة
وبعيدة جدا جدا من البلد المذكور.
|
Post: #3
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-24-2006, 09:02 AM
Parent: #1
لكن قريب جدا جدا من جهة القلب
اشواق عزيزتي تماضر
تشكرات
|
Post: #4
Title: Re: سلام علي ناس ال Ruhegebiet .... أنا قادم جديد
Author: Ridhaa
Date: 08-24-2006, 09:19 PM
Parent: #1
الأخ العزيز علاء الدين نصار
سلام وشوق ....
1000 مبروك مقدما
|
Post: #5
Title: Re: سلام علي ناس ال Ruhegebiet .... أنا قادم جديد
Author: Saifeldin Gibreel
Date: 08-25-2006, 00:30 AM
Parent: #4
الاخ نصار ربنا يتمم على خير لقد سكنت من قبل فى مدينة دسلدورف وبها شباب سودانين ممتاذين كذلك مدينة بون وكولن وكثيرآ ما كنت اذهب لاستجم فى شقة صديقى محمد مامون عوض ابوزيد فى مدينة بوخوم وم أعمدتها دكتور عبدالقادر الذبير باشا سوف احاول الاتصال عليك ان سمحت ظروفى كما سوف احاول ان احصل لك على بعض تلفونات الشباب هناك.
|
Post: #7
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 05:32 AM
Parent: #5
العزيز سيف جبريل
الف شكر
نعم قريت ليك عن ذكرياتك في المانيا
و الله يا ريت نتعرف علي الشباب ديل و طبعا ال NRW عامرة بالمدن
الكبيرة المتداخلة في بعضها
انا كنت في الشمال في هانوفر و جيت هنا جديد سامع عن بعض الاخوة لكن ما اتمكنت
من معرفة وسيلة اتصال بهم
ياريت تشرفنا باتصالك او ترك رقمك للاتصال بك
تحياتي
|
Post: #6
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 05:28 AM
Parent: #4
العزيز رضا
تشكرات و تحايا و اشواق
عقبال نبارك ليك بتحقيق كل ما تتمني يا زول يا جميل
|
Post: #8
Title: Re: سلام علي ناس ال Ruhegebiet .... أنا قادم جديد
Author: برير اسماعيل يوسف
Date: 08-25-2006, 06:01 AM
Parent: #6
نصار النصار ... اين أنت يا نصار؟
|
Post: #9
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 06:11 AM
Parent: #1
العزيز برير
اشواق اشواق
و الله اسكت ساكت حالي يغني عن سؤالي
و اسع دخولي النت دا حراق روح مني ساكت
علي وزن ان اتكومت عليك الهموم ادمدم نوم
لكنها مشغوليات كويسة و ربك يهونا
غيابي الكتير الظاهر خلي الناس تنساني و كمان في شباب و شابات
دخلوا في فترة غيابي عبرك اسجيهم التحايا
|
Post: #10
Title: Re: سلام علي ناس ال Ruhegebiet .... أنا قادم جديد
Author: abcde
Date: 08-25-2006, 06:25 AM
Parent: #1
علاءالدين شخصيا
كيف دنياك
انا رحلت Bochum قريبات, والسودانين الهنا لسه بسمع بيهم سمع
عموما, انا كالعاده مفلس, حاول تضرب انت في النمره 01797011826 او
02343229628
دقيقه
قبال تضرب
ما تقول ما عرفتني غايتو للضمان انا عمرو قعدت معاكم في
Hannover قريب السنه
أتوقع تلفونك
|
Post: #11
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 08:35 AM
Parent: #1
العزيز عمرو
و الله دا خبر سعيد جدا
كويس اننا في نفس المنطقة و التذكرة الشهرية بتوصل لحد عندنا
يا اخو ما تتلوم في اخونا الفلس دا فهو مخلص شديد البلم فيهو ما يحلو الحل بله
تلفوناتك الاتنين ما بترد عليهم
بواصل الماحولات
تحياتي
|
Post: #12
Title: Re: سلام علي ناس ال Ruhegebiet .... أنا قادم جديد
Author: Ridhaa
Date: 08-25-2006, 09:20 AM
Parent: #1
الأخ الحبيب علاء الدين
أهديكم أغنية مشاويرك عديلة محل ماتقبل للفنان صديق أحمد
لمن لايعرف نصار :
رجل مرهف ..مخلص ..أحد مخضرمي هذا العالم السايبيري وأحد رواد البالتوك
رجل موضوعي يحترم آراء الآخرين .. سلس لاتمل عندما يتحدث اليك ...
همه الوطن .. الأهل وصاحب ذكريات خصبة ..
أكتب وأكتب ولن أوفيه حقه ..
دعواتنا لكم بالتوفيق محل ماتقبل ..
خالص تحياتي
|
Post: #13
Title: Re: سلام علي ناس ال Ruhegebiet .... أنا قادم جديد
Author: Tragie Mustafa
Date: 08-25-2006, 09:30 AM
Parent: #12
نصار كيفك
ووالله افتقدناك
ان شاء الله المدينه الجديده ترحب بك
واخبارك السعيده تكتمل على خير.
ويشهد الله انك رجلا خير ويابخت من رحلة اليهم.
تحياتي.
تراجي.
|
Post: #15
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 10:33 AM
Parent: #13
العزيزة تراجي
و انا كذالك و الله بس كان الحائل اقوي مني
تشكري علي الكلم الطيب و الدعاء و الاماني الصادقة
عزيزي
شايف بعض التضييق الموجه لك اتمني ان تترفعي عنه
و الطريق طويل و شاق
فعلينا ان نركز عزمنا و نظرنا الي الامام
تشكراتي و تحايا
|
Post: #14
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 10:28 AM
Parent: #12
العزيز رضا
ارضيت قولا و اهداءاً
و الله سعيد لحد لا يوصف أن لهذه الاراء الحسنة عني
لكن اكيد ان ذلك لانك رجل نقي و تحب الخير للجميع
دائما تلون ايامنا بالفرح بما تجلبه من درر
و اكثر ا اكبره فيك ان كل هذه المقدرات التقنية
تعلمتها بعزيمتك و برعت فيها
طالما أن الموضوع وصل لصديق احمد الشاعر و التمني بعدل الخطي و التوفيق فما من مكان انسب من هذا لاعلن فيه عن سعادتي التي لا تحويها الدنيا بما رحبت و انا اعد الساعات للقاء زوجتي و عروسي الحبيبة هبت السماء و عربون الزمن لي للتصالح معه... تبقت ليلتين فقط اتوسد فيها الاشواق و التحفها.. فهي سوف تزين مدينة النور باريس القا و ابهار بعد يومين و هذه محطة اخري اعشم أن يتيسر لي فيها لقاء الاعزاء هناك لاقسم لهم من فرحي و و هم بالتأكيد رادونه لي زاكيا مستزاد...
صديق احمد هو فناني الذي لا يتغير و الاخرون يأتون و يذهبون... في قريتنا كان لنا خيران اولهم النعام ادم النعام و ثانيهم شقيقه محمود الذي لم يحظو بشهرة شقيقة الاكبر لذا كان حاله حال زمار الحي الذي لا يطرب.. او نقطة تحول احدثها الاستاذ صديق باسلوبة المتميز و زاد المناسبة بعد اخر مهم كحدث غير مسبوق في كل المنطقة بأن رأنا لاول مرة الاضواء الباهرة المولدة من مولد كهربائي اصابنا بالدهشة و اظن انها كان اول حفلة لم ننوم فيها علي قيزان الرملة فهذه فرصة لا تضيع...
فالتحية لك و لصديق و اتمني ان يكون قد تدثر بثوب العافية بعد العلة التي المت به
|
Post: #16
Title: Re: سلام علي ناس ال Ruhegebiet .... أنا قادم جديد
Author: Tragie Mustafa
Date: 08-25-2006, 10:37 AM
Parent: #14
اخي نصار
شكرا لك اخي.
و لا تقلق علي:
Quote: شايف بعض التضييق الموجه لك اتمني ان تترفعي عنه
و الطريق طويل و شاق
فعلينا ان نركز عزمنا و نظرنا الي الامام |
في اشكال بتجي تتونس في البورد
ولما يكون في زمن بجي اتونس معاهم شويه
عشان يحسوا انهم مهمين فلا تقلق علي.
ابو جهينه عندو بوست بيسأل منك اعتقد اسمه:اين هؤلاء؟؟؟
يا ريت تطمأنوا عليك.
تراجي.
|
Post: #17
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 11:02 AM
Parent: #1
العزيزة تراجي
ربك يهون القواسي فالحكاية باظية جدا
و عاوزه معجزية و دا بتوقف علي--
هل لدينا القدرة علي الاتيان بها؟
ابو جهينة راجل فاضل و ليس مستبعد أن يتفقد اخوته و اخواته
لكن مشكلتي أن واق في ظل المطر فالسحب تدفق ماءها في اراضي
اخصب يفلحها بحذق العزيز
تحياتي لكم جميعا
|
Post: #18
Title: Re: سلام علي ناس ال Ruhegebiet .... أنا قادم جديد
Author: abcde
Date: 08-25-2006, 11:27 AM
Parent: #1
| Quote: التذكرة الشهرية بتوصل لحد عندنا |
اقول ليك مفلس تقول لي تزكره شهريه
أنا قاعد أتحاوم اسود ساي
__________________________
حاولت أضرب ليك في الموبايل, لكن النمره زي الناقصه, ولا غلط
|
Post: #19
Title: Re: سلام علي ناس ال Ruhegebiet .... أنا قادم جديد
Author: Sabri Elshareef
Date: 08-25-2006, 12:48 PM
Parent: #1
علاء الدين نصار او الديبة اخي وصديق العمر مع رفاق يطيل الحكي عنهم
منهم طارق الخير وعادل طيفور عليه الرحمة معجب بطرحك وهمك اليوماتي
علي جراحات الوطن ودخول ابليس الي سدة الحكم وطرح مشروعه القذر
احتراب وتقتيل وتشريد وتجويع واذلال لانسان السودان مع مسحه بايات
واحاديث لزوم فتح الدماغ وبعد ذلك تنزل جبهة الابالسة التي شوهت
الحياة سمومها
حللت اهلا علي مدينتك الجديدة ولك مقدرة في تحييد الاعداء وخلق
البهجة والمسرة في نفوس الاصدقاء واصل النت مليان باخوات نسيبة
واخوانها يحاولون افشال مساحة الحرية وسماحة التعبير ابقي
لكي نكشف مدي زيفهم ودجلهم وهن
|
Post: #24
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 04:14 PM
Parent: #19
العزيز صبري
تعريف اليومين ديل قاعد امارس في تمارين الذاكرة اتذكر
في ناس انور هجو و اسامة الطيب ايام المذاكرة لامتحان
الثانوي الكانت بتتحول كل يوم لونسه للصباح ناس طارق الخير
و فرح نوري و اولاد فقيري و عصام الشيخ و ناس حافظ الشيخ
مرة شفت بدر الدين اخوهو عاملين معاهو لقاء في الفضائية
السودانية،، ناس ياسر كودي..شايف اخونا عصمت الدسيس ناشط
و مفكر سياسي قريت عنه كتير هنا و في صفحات تانية في النت
في فترة غيابي عن المنبر حاولت استحدث طريقة تتناسب مع
ظروفي و تتيح لي التواصل بالتسجيل الصوتي لكن الفكرة ما لقت
قبول... مرة عملت تسجيل عن ذكريات كان محورها صداح و محاولاته
للدخول بنا لعالم المسرح بعمل من تأليفه لكن امير التلب ضيع
علينا الفرصة، بحاول انزل التسجيل هنا...بمناسبة اخوات نسيبة
اخوك زاتو بقي اخو نسيبة فالحاج بعد وفاة الوالدة رحمها الله تزوج
و انجب بت سماها نسيبة.. فكرة انه عندي اخت طفلة صغيرونة عاجباني
خالص مثل لو واحد سألني عمرك كم بقول ليهو اختي البعد البعدي عمها
5 سنة، شفت النعمة دي.... يا عزيزي التطورات الحاصلة في البلد اليومين
ديل يا رجعتنا لاهلنا يا خلتنا باقي عمرنا نحاول نرجع بلد رايح
و ربك يكضب الشينة
شكرن يا حبيب لاسترجاعك لهذه السير العطرة
تحياتي لصداح
|
Post: #20
Title: Re: سلام علي ناس ال Ruhegebiet .... أنا قادم جديد
Author: Sabri Elshareef
Date: 08-25-2006, 12:48 PM
Parent: #1
علاء الدين نصار او الديبة اخي وصديق العمر مع رفاق يطيل الحكي عنهم
منهم طارق الخير وعادل طيفور عليه الرحمة معجب بطرحك وهمك اليوماتي
علي جراحات الوطن ودخول ابليس الي سدة الحكم وطرح مشروعه القذر
احتراب وتقتيل وتشريد وتجويع واذلال لانسان السودان مع مسحه بايات
واحاديث لزوم فتح الدماغ وبعد ذلك تنزل جبهة الابالسة التي شوهت
الحياة سمومها
حللت اهلا علي مدينتك الجديدة ولك مقدرة في تحييد الاعداء وخلق
البهجة والمسرة في نفوس الاصدقاء واصل النت مليان باخوات نسيبة
واخوانها يحاولون افشال مساحة الحرية وسماحة التعبير ابقي
لكي نكشف مدي زيفهم ودجلهم وهن
|
Post: #21
Title: Re: سلام علي ناس ال Ruhegebiet .... أنا قادم جديد
Author: ALGARADABI
Date: 08-25-2006, 01:49 PM
Parent: #1
الأخ نصار
تحياتى و تمنياتى لك بطيب الاقامة فى حلك و ترحالك
زمان كنت كل ما أشوف اسمك أتذكر الزول العلمنى أنزل الصور (او بالأصح أرفعها)
هسة بقيت لما أشوف أسمك أتذكر أستاذى العزيز عثمان أحمد الطاهر
أمنياتى له و لك بموفور الصحة و العافية
|
Post: #22
Title: Re: سلام علي ناس ال Ruhegebiet .... أنا قادم جديد
Author: عاطف عمر
Date: 08-25-2006, 03:23 PM
Parent: #21
نصار العزيز
لو تعرف الشوق
سعيدين للحدث السعيد
وسعيدين بطلتك
أها
بلدك دي دحين قريبة من دبى ؟؟
|
Post: #26
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 04:46 PM
Parent: #22
العزيز عاطف عمر
اشواق ما ليها حد
اذا اخذنا الامر نسبيا اكون قد ابتعد عن دبي قياسا بخطوط الطول
حيث ذهبت غربا و اقتربتا منها بعض من كسر من خط عرضي حيث اني
الان اوجد جنوب النقطة التي كنتها سابقا
ربنا يلمنا في بلدن
|
Post: #25
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 04:30 PM
Parent: #21
العزيز القرضابي
انت زول عينك نجيضة تب
اتذكر انك كنت بتقول لي انك شايفني و انا زول صيدي
ناجع ضارب اركان الارض لكن ما استغربت لاني من المستحيل
اقابل ناس لاول مرة ما يشبهوني علي كم زول و بعضهم
بسلم علي بحرارة و يناديني باسم ثلاثي بس ما اسمي
قبل فترة كنت في هولندا مع اخونا عضو المنبر ضياء الدين
ميرغني
كل ما نكون ماشين محل بذكرة بحكاية تشبيه الناس لي
و ما حصل الحكاية جلت...
لكن انت تشبيهك ما مشي بعيد فالراجل قريبي جدا
تحياتي
|
Post: #23
Title: Re: سلام علي ناس ال Ruhegebiet .... أنا قادم جديد
Author: Adil Osman
Date: 08-25-2006, 03:49 PM
Parent: #1
اتمنى لك حياة هانئة وسعيدة فى قلادبيك..
|
Post: #27
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-25-2006, 04:51 PM
Parent: #23
العزيز عادل عثمان
انت كالعادة جبت الاكيدة
اطلعت علي بعض محركات البحث الخاصة بالصور و برامج
تمكنك من حفظ كل الصور الموجودة في موقع او صفحة ما
طوالي فكرت في اطلاعك عليها لكن بالتأكيد بتكون ملم بها
الف شكر للامنيات الطيبة و لك مثلها
تحياتي
|
Post: #28
Title: Re: سلام علي ناس ال Ruhegebiet .... أنا قادم جديد
Author: النسر
Date: 08-25-2006, 07:02 PM
Parent: #27
العزيز / نصار
وهذا قلم صديق يفتقد نضال الصوت
املى ان تجد ما تريدة وان نجدك بيننا باستمرار
ما طول الغيبة الحال مائل وسلطة الجبهة توسع من حزام القهر
لنكن يدا واحدة ضد التعسف
ضد التجويع
ضد الترويع
ضد سلطة الجبهة الفاسدة
معا من اجل سودان حر ديمقراطى
تحياتى .... كن بخير
|
Post: #29
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-26-2006, 02:29 AM
Parent: #1
الغزيز النسر
اشواق و اشواق
ما انبل ان يجمعنا حب الوطن
هذا الحب الذي يكاد ان يفني الاجساد التي تحول عوارض شتي دونها
و دون الحركة في الاتجاه المطلوب،،، يا صديقي (الاشرار) يفوقون
الاخرين باستخدامهم اي سلاح بدون (فرز) و لا معايير اخلاقية او
غيرها لان حربهم حرب شهوات و رغائب و هي ادني و احط ما في النفس
الانسانية _هذا ان كانوا ما زالوا يمتلكون من الصفات ما يبرر لنتماءهم
للانسانية اصلا_........
لا اغيب عن هذا المكان العامر بكم الا اذا لم يكن لي دون ذلك خيار...
تحاتي عزيزي
|
Post: #30
Title: Re: سلام علي ناس ال Ruhegebiet .... أنا قادم جديد
Author: Rashid Elhag
Date: 08-26-2006, 09:20 AM
Parent: #29
العزيز نصار....أخبارك شنو يازول....والله زمن...أتمني أن يكون كل شيئ كما تحب وتتمني وخليك قريييب...تحياتي
|
Post: #31
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-26-2006, 02:07 PM
Parent: #1
العزيز راشد
اوشواق و الله و زي ما قلت ما ببعدني منكم
الا الشديد القوي
ربك يبعد العوارض
ابقي علي خير
|
Post: #32
Title: Re: سلام علي ناس ال Ruhegebiet .... أنا قادم جديد
Author: kamalabas
Date: 08-26-2006, 02:25 PM
Parent: #1
أقامة سعيدة وموفقة ومنتجةفي مدن لا نعرف كيف ننطق
أسمها !!!!! ويا حليل زمن فاطيما نقر والدكن..ولولا نقر
كمال
|
Post: #33
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-27-2006, 03:12 AM
Parent: #32
العزيز كمال عباس
تشكر علي الاماني الطيبة و زي ما بقولوا الله ماك مشحود عليها
دا طبع العرفناهو عبر السنين فلك ما تستاهل من اطراف الخير
كلها
ديك كانت ايام ما زالت محفورة في الذاكرة و الوجدان و دائما
نحن اليها
تسلم يا جميل
|
Post: #34
Title: Re: سلام علي ناس ال Ruhegebiet .... أنا قادم جديد
Author: ثروت سوار الدهب
Date: 08-27-2006, 04:22 AM
Parent: #33
الناصر علاء الدين
عندنا ليك(نيران صديقة)
اجمع هنا. تمم و قول لينا كنت وين؟
ولكن..
غيب و تعال تلقانا نحن يانا نحنا
لا بدلتنا ظروف لا هزتنا محنة
رحم الله فنانا الكبير هاشم ميرغني.
الله يتمم عليك بالخير و السعادة و الارقام المفيدة.
التوقيع
اباتشي
|
Post: #35
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-27-2006, 02:00 PM
Parent: #1
العزيز ثروت
نيران شنو يا زول الظاهر عليك لسع بردان
من مشيتك للقطب الشمالي السنة الفاتت
بعديد الابتاشي دا طلع اي كلام العراقيين
بصيدوا فيها في زي ود ابرق و عشوشة ههههه
مرحبا بطلتك البهية
و عقبال التلفون
تحياتي للاحبة اي كانوا
|
Post: #36
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-27-2006, 02:12 PM
Parent: #35
وبعدين يا ثروت انا قايل عندي اصحاب
كتاااااااااااار في حوش بكري دا
واحدين قبل بنايت الحوش و واحدين بعد كدا
ابو القاسم محمد ابراهيم مع بدايات الانتفاضة
كان في جولة في الجزيزة علي ما اعتقد لمان
سمع بانه الحكاية بايظة في الخرطوم و شاف الحال
في مدني.. مشي الخرطوم و عاوز يفرمل الانتفاضة
قام دعي لما سماه مسير الردع علي اساس يقلب
الموازين اها صاحبك لما ناش الاتحاد الاشتراكي
و بدوا يهتفوا بحياة نميري و مايو و زول قاليهم عينكم
في راسكم مافي صاحبك زعل بدي يبرطم.. قاليهم انت
البلد دي ما فيها قوي شعب عاملة؟
و واحد فنان طشم شديد و لمان طلع المسرحة كلما يمسك
المايك يقع منو و الجماعة يرفعوهوا ليهو
لما الحكاية اتكررت قال للحضور بتجروا مني المايك ليه
انا ما اخوكم؟؟
و نحنا كلنا اخوان
موش؟
|
Post: #37
Title: Re: سلام علي ناس ال Ruhegebiet .... أنا قادم جديد
Author: النذير حجازي
Date: 08-27-2006, 02:54 PM
Parent: #36
Quote: لما الحكاية اتكررت قال للحضور بتجروا مني المايك ليه
انا ما اخوكم؟؟
و نحنا كلنا اخوان
موش؟ |
الحبيب والمناضل الفاضل نصار,
أمنياتنا لك بحياة كريمة وطيبة وسعيدة فى بلدتك الجديدة هذه، وسائلين المولى أن يرد غربتك و غربتنا، ونعود لوطننا الحبيب، بعد سنين الشتات التى فُرضت علينا، ونعيش فى سلام ووئام، تحت ظل حكم ديمقراطي.
ولك أجمل المنى
|
Post: #38
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-27-2006, 04:01 PM
Parent: #37
العزيز النذير حجازي
يا سلام دا -بوست - سعيد الجابك
تشكر صديقي لهذه الامنايات الطيبات و لك مثلها و يزيد
زمن و الله ان شاء الله تكون اتوفقت في كل طموحات و مزيد
من النجاحات في كل المناحي
اسعدتني طلتك البهية
ابقي عافية
|
Post: #39
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-28-2006, 05:04 PM
Parent: #1
العزيز سيف جبريل
كم كانت لفته بارعة و ودودة ان تجهد نفسك باتصالات مرثونية مع الاخوة في منطقتي الجديدة و قد سعدت جدا باتصالي بي و ربنا يديم المودة و الاخاء. ان شاء الله بعد عودتي بصحبة زوجتي من فرنسا سوف اتصل بالاصدقاء الذين اعطيتني اراقم هواتفهم و نحن كسودانيين اصدقاء افتراضيين ينقصنا التلاقي لنصبح اصدقاء و اخوة...
ابقي عافية
|
Post: #40
Title: Re: سلام علي ناس ال Ruhegebiet .... أنا قادم جديد
Author: نصار
Date: 08-28-2006, 05:07 PM
Parent: #1
العزيز عمرو
تصدق اني لسع منتظرك؟
يا زول ان شاء الله خير
فعلا رقم الموبايل كان ناقص و قد صححته اعلاه
غايتو بكرة ما تتصل بي لاني ح اكون خارج المانيا
و الحكاية فيها roaming
لمان نلرجع ح نتصل عليكم
تحياتي
|
Post: #41
Title: Re: سلام علي ناس ال Ruhegebiet .... أنا قادم جديد
Author: abcde
Date: 08-29-2006, 07:10 AM
Parent: #1
نصار
كيف يازول امورك مشت, وحمد الله على السلامه "اتموسفيريا, الى حين لقاء"
انا زي ما اتفقت معاك, كان المفروض اجيك يوم السبت الصباح, لكن حصلت
ظروف واتأخرت,
ووصلت Essen أربعات وضربت ليك تلفون في البيت عشان اوريك حصلك الساعه
كم بالضبط لكن جاني الـ answer machine
عموما, سمعنا صوتك وورينا أخبارك
|
Post: #42
Title: Re: سلام علي ناس ال Ruhegebiet .... أنا قادم جديد
Author: الصادق صديق سلمان
Date: 08-29-2006, 07:42 AM
Parent: #1
الأخ الصديق / علاء الدين نصار
ألف مبروك الزواج - لو ركزت شوية حا تعرف اخوك
دا منو. كنا ساكنين سوياً في بومباي - Worli Sea Face
في بيت الهندي (ساوانت) كان معانا احمد عبدالله وحمدي بولاد
وابومدين عزالدين.
في ليلة من الليالي جاءنا شباب من مدينة بونا وكانوا مسافرين
السودان عن طريق مطار بومبي وماكان عندهم حق التاكسي ولمن انا
فتشت ما لقيت حق التاكسي قمت فتشت جيوب اليناطلين المعلقة في
الشماعة ولقيت 50 روبية في جيبك وشلتها واديتها لي الجماعة
عشان يسافروا لي امهم وابوهم فرحين.
(طبعاً كلمتك في صباح اليوم التالي)
ابوالجاز (حالياً أبوفتحية)
الشوق بحر والله يا علاء
|
Post: #44
Title: Re: سلام علي ناس ال Ruhegebiet .... أنا قادم جديد
Author: نصار
Date: 09-03-2006, 08:44 AM
Parent: #42
العزيز الصادق ابو فتحية
ربنا يخليها ليكم و مبروكات كتيرة للمناسبات السمحة الحصلت و ان شاء الله تحصل دايما
و الله اشواق اشواق و شكرا علي الطلة البهية
بالمناسبة احمد عبدالله كان جاء هنا لزيارة معرض و قابلناهو انا كمال حسن علي في فرانكفورت، ياهو احمد لوربلر زاتو مع بعض الراحات
بالله كيف ناس حمدي و و مصطفي عمر تحياتنا ليهم لو عندك اتصال بيهم
تشكر علي التهاني بالزواج و اخوك اليومين ديل عريس و دا سبب التأخر في الرد
تحياتي و اشواقي
|
Post: #43
Title: Re: سلام علي ناس ال Ruhegebiet .... أنا قادم جديد
Author: الصادق صديق سلمان
Date: 08-30-2006, 01:56 AM
Parent: #1
up
لمن ترد يا نصار
أبوفتحية
|
Post: #45
Title: Re: سلام علي ناس ال Ruhegebiet .... أنا قادم جديد
Author: نصار
Date: 09-05-2006, 07:02 PM
Parent: #1
العزيز الصادق
مبروكة فتحية و قبلها ام فتحية و ربنا يخليكم لبعض في سعادة و هناء
ردت عليك امس و حين عدت الان لم اجد ما كتبت
ظهور هنا مفاجئة سعيدة جدا
و بجيك راجع بمهلة
تحياتي لاحمد عبد الله فقد سمعت انه معكم في الامارات
|
Post: #46
Title: Re: سلام علي ناس ال Ruhegebiet .... أنا قادم جديد
Author: الصادق صديق سلمان
Date: 09-06-2006, 01:24 AM
Parent: #1
الأخ الصديق الحبيب
علاء الدين نصار
تحياتي وأشواقي الحارة شديد
كنت عاوز اتصل عليك من خلال الرقم الكاتبو في البوست دا
فوق لكن اتخيل المنعني شنو (مفتاخ المانيا مالقيتو)
ألف مبروك الزواج مرة تانية ورابعة والف ومليون.
والله عجبني ليك جنس عجب. بالمال والبنون انشاء الله.
وانشاء الله تكون المدام وصلت بالسلامة ومن دون مشاكل.
ابوفتحية
|
Post: #47
Title: Re: سلام علي ناس ال Ruhegebiet .... أنا قادم جديد
Author: Saifeldin Gibreel
Date: 09-06-2006, 02:57 AM
Parent: #46
الاخ العزيز علاء نصار لقد استمتعت بالحديث معك عبر التلفون ورجعتنى لايام جميلة قضيتها فى ضفاف نهر الراين ، فأتمنى لك أقامة جميلة فى باريس وهى بالطبع ايضآ من المدن التى ترتاح فى زاكرة الانسان بتراسها الانسانى والثقافى الضخم.
|
Post: #49
Title: Re: سلام علي ناس ال Ruhegebiet .... أنا قادم جديد
Author: نصار
Date: 09-06-2006, 06:32 AM
Parent: #47
العزيز سيف
يا سلام عليك
حقيقة كانت فرصة عظيمة ذاك الاتصال
اتصل بي الاخ محمد من بون و بيقريك شديد السلام
احتمال كبير نقابل الشباب في بون في مناسبة قريبة
|
Post: #48
Title: Re: سلام علي ناس ال Ruhegebiet .... أنا قادم جديد
Author: نصار
Date: 09-06-2006, 06:29 AM
Parent: #46
العزيز ابو فتحية
موبايل
00491604631020
منزل
00492043273832
|
Post: #50
Title: Re: سلام علي ناس ال Ruhegebiet .... أنا قادم جديد
Author: elameen
Date: 09-06-2006, 07:29 AM
Parent: #1
تحياتي يا علاء الدين والله مدينتك الذي اسم حلتي دي بقت ما معروفة عندنا هنا البقول ليك والله الا ميونخ قايتو بنعرفها بس عندي اخر محاولة انشاء الله اتوفق فيها واصلك بس يوم السبت فاصبر شوية ،،،،،،، فبكون معاك في اتصال
اخوك الامين
|
Post: #51
Title: Re: سلام علي ناس ال Ruhegebiet .... أنا قادم جديد
Author: نصار
Date: 09-06-2006, 07:37 AM
Parent: #1
العزيز الامين جبارة الله
شكرا للاهتمام و هذا عهدي بك
بس يا اخوي السبت بعيد جدا جدا
لانه الامور كما شرحتها ليك
المدينة ما مشكلة ممكن تكتب اي مدينة
مثلا Essen
او
Gelsenkirchen
او اي مدين اخري هنا
و بتصل بيك لمزيد من التفاصيل
|
|