Post: #1
Title: قف تأمل ( وشوف \لخيرة يا رمالي)
Author: ادريس خليفة علم الهدي
Date: 08-23-2006, 06:11 PM
قف تأمل في ما آل اليه الخال .. من أين أتبدأ .. والي أين لنتهي ؟ تعليم .. صحة ..معيشة... أفتكر دي مواضيع بقت مواضيع ثابتة ومكررة ... لكن العجب العجاب كنت فاكر نفسي الوحيد .. الما يعرف يضع ميزانية تستر حالوا لآخر الشهر ..بقدر ما أمسك الورقة والقلم و أوزع الراتب زي لحم الرأس .. ده ايجار .. وده الكهرباء .. وده سجم الرماد . . وده للعيشة .. لآخر الشهر ... وده حق اللبن .. ولمن من نص الشهر .. الرماد كال حماد .. وهاك يا مجابده .. ودين .. زي ما قلت كنت فاكر نفسي الوحيد .. لكن الغريبة اكتشفت انو أنا ما لوحدي ... في هذه العيشة .. ( الميزانية مطرشقة) مع كمية الخلق .. بس مع الفرق الوحيد انو مع ميزانيتي تتخرم بسدها بالدين .. وتصدق غيري .. بسدها بالهمبتة .. والقلع. ... ((حمرة عين)) لأبقي لوحدي أنا العوير
نواصل
|
Post: #2
Title: Re: قف تأمل ( وشوف \لخيرة يا رمالي)
Author: ABDELMAGID ABDELMAGID
Date: 08-23-2006, 06:23 PM
Parent: #1
الناظر ... ادريس ...
الناس غرقانه بالنيل و الفيضان ... ( حت ) فى مشارع اب روف بام درمان ...
و حمى الملاريا فى كل مكان بالسودان ...
و كل الدعم ( لحناكيش !!! ) لبنان !!!
تحيتى و احترامى
عبدالماجد
|
Post: #4
Title: Re: قف تأمل ( وشوف \لخيرة يا رمالي)
Author: ادريس خليفة علم الهدي
Date: 08-23-2006, 06:42 PM
Parent: #2
أخي الدكتور / عبد الماجد
عودا حميدا ..
Quote: الناس غرقانه بالنيل و الفيضان ... ( حت ) فى مشارع اب روف بام درمان ...
و حمى الملاريا فى كل مكان بالسودان ...
و كل الدعم ( لحناكيش !!! ) لبنان !!! |
صدقني نحن آخر اهتماماتم
كل الود
|
Post: #3
Title: Re: قف تأمل ( وشوف \لخيرة يا رمالي)
Author: ادريس خليفة علم الهدي
Date: 08-23-2006, 06:37 PM
Parent: #1
بهذه المناسبة نفس هذا الفلم حاصل مع حكوكة السودان .. .. في بداية هذه السنة .. وفي شهر ديسمبر أجاز لنا .. مجلسناالتشريعي الموقر وهو أعلي سلطة في البلد ..يعني لو بيفهم .. قانون دستوري .. فوق عمر البشير .. وفوق علي عثمان .. و أضف اليهم بنجوزهم الجديد سلفا كير .. أجاز لنا ميزانية محترمه .. من ايرادات ومصروفات .. تكفينا لي نهاية العام مستورين .. كل حاجة موزعة صاح . .. حق الايجار .. وحق اللبن .. وحتي حق الداية ..
نواصل
|
Post: #5
Title: Re: قف تأمل ( وشوف \لخيرة يا رمالي)
Author: ادريس خليفة علم الهدي
Date: 08-23-2006, 07:03 PM
Parent: #3
كان الولية (مع اعتزاري لكل قبيلة الجندر بالبورد )في نص العام كلوا تمام التماام وهاك ياصفقة ويا عرضة .. وقع . . وقع أجيزت الميزانية . . وبس أمانتك عليّ التقول ميزانيتي .. أول ما وصلنا نص الشهر (آسف قدي نص السنة) فشقت وبالت ).(انقدت) . .. أخوان البنات ..لمو . ليك فيها .. مجابدة . . شيئ رشاوي . .. لي ناس مناوي .. ( ما كانوا موضوعيين في الحساب ).. وشيئ بقشيش لي ناس فلان وعلان .. المهم قدوها ليك قد ..أكبر من كذب عمر البشير ...
نواصل
|
Post: #6
Title: Re: قف تأمل ( وشوف \لخيرة يا رمالي)
Author: ادريس خليفة علم الهدي
Date: 08-23-2006, 07:41 PM
Parent: #5
طيب يا جماعة نعمل شنو ؟ ؟؟ نتم الشهر كيف (أقصد السنة ) .. كيف وشنو ؟؟ يا وزير المالية ؟ نحن خاتنك هنا تمبل ؟ .. ما تورينا شطارتك ... أعمل شنو ؟ .. ما انتو ما بتسمعو الكلام !! جيب جيب لمن طرشقتوها .. انتو قايلنها جمام .. لكن ما تخافو ... لكن ما تخافو .. والله انا ما كبش فداء ...
نواصل
|
Post: #7
Title: Re: قف تأمل ( وشوف \لخيرة يا رمالي)
Author: ادريس خليفة علم الهدي
Date: 08-24-2006, 04:44 AM
Parent: #6
كباش الفداء موجودين .. الزريبة مليانة ..طريقة دين من الخارجمافي ما انتو بتاعين السياسة ما خليتو لينا خارج نقبل عليهو .. سندات خزينة مافي ليها طريقة .. البنك الدولي سوي ليهو مكتب وراء مكتبي .. مافي طريقة نسد الخرم الا من الزريبة .. جيب محمد أحمد و فاطمة .. زيد السكر والبنزين والجازولين الثلاثي المرح زي الثلاثي المخيف (جهل ، مرض ، فقر ) وشل شل شل كب لي جالون .
بكره الخزينة تتملي ونتم باقي الشهر (أقصد السنة)لا من شاف ولا من دري .. طيب يا أخينا اذا الشارع طلع نعمل شنو .. والله يا جماعة انا بتاع حسابات المسألة دي يحلها وزير الداخلية .. قاعد بسوي شنو ؟ وانتو يا بتاعين السياسة شوفو التبريرات .. قال شارع قال هو وينو الشارع البيطلع ما الشارع طلعت روحوا والله كان عايز يقح الا يتكل في الحيطة سيبك من يهتف ويتظاهر .. وانا عندي فكرة نرميها في البير (بير أم جب) وابشر يا عوض الجاز سوف تأكل وتشرب لي نهاية الشهر (أقصد السنة) بدون دين ماهو رأيك يا أبو عمبر وزير ماليتك ما فنان .. الله اكبر والله اكبر وهي لله وهي لله .. تستاهل نديك عمارة تانية ونعرس ليك زوجة لكن معليشانتظر لمن نلقي ليك مرة شهيد أصلوا الايام دي الشهداء انعدموا (لمن نلقي ليك واحدة يكون زوجها من شهداء المقاومة فيدارفور)
|
|