أخبرني أحدهم أنه مع إزدياد أسعار المواد البتروليه في السودان قبض علي أحد الشيوعيين يوزع مناشير بالسوق العربي فلما بحثوا الأوراق وجدوا أنه يقوم بتوزيع أوراق بيضاء (فاضيه) سالوه... ده شنو يا زول؟ بتوزع ورق فاضي مالك؟ فأجاب الوضع أساسا معروف مافي كلام بيتقال زاتو.. . . . لا أدري أضحك أم أبكي علي ما آل إليه حالنا ابكي علي بلد فعلوا به كل شئ هل مات قلب الشعب السوداني حتي أصبح يتندر بمأساته قيل للمصريين أن السودانيين أصبحوا يقولون النكات فقالوا من بشمال الوادي ولاد الايييييييه يبؤا قاعوا
08-23-2006, 07:10 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
سلامات تبلدينا في الزمن المضي سجلت بعض إنفعالاتي عندما كانت الدنيا ربيع و يوجد من الزمن ما يكفي لذلك..إليك بها:
ليك يا بلد كاتب جواب لا فيو كلام لا فيو سلام باديهو ليك حرف الالف ناهيهو ليك حرف الوقوف لام الالف هوى يا بلد ارجع تعال قبال تمش الحق سماك قبال تكش ليك يا بلد ختو الفرش فى نصو خاتين البرش هوى يا بلد قشوك قش ده الموت عديييييل احسن تقوم يا باقى روح يمكن هناك يلقاك دش تغسل مهاهو هموم سنين تمسح جبينك يا قرش هووووى يا بلد الحق سريع ... ارجع تعال ابدأ الطريق الحق سريع ابدأ الطريق شد اللجام الحق سريع ابدأ الطريق اربط حزام الحق سريع ابدأ الطريق خليك تمام الحق سريع ابدأ الطريق يمكن نصل قبال يتم زمن الوصول يمكن نصل ...
08-23-2006, 07:16 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 29344
ياخ لنته زول ألف ذكرتني بالذي مضي بالمناسبه ماكينات الرونيو كانت تعتبر سيد الأدله وخاصه في بدايات الإنقاذ يتم القبض علي الاشخاص و يتم الحجز علي المكنه و التي غالبا ما تكون تابعه لأحد المدارس أو المؤسسات الحكوميه و التي كان يتم العمل عليها بعد الدوام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناصر البطل
حيدر حسن ميرغني
فيصل نوبي
فيصل محمد خليل
فيس بوك
تويتر
انستقرام
يوتيوب
بنتيريست