Post: #1
Title: الي من يأسـرهم فـؤاد الكمبيـوتر....ادركـونا
Author: الخير محمد عوض
Date: 08-20-2006, 00:11 AM
كثيرون هـم من فـتح لهم رب العـباد باب مـعرفة خبايا هـذا الجـهاز
العجيب الذي يحمل في احشـائه اسـرار شـتى..ازكـر ان كان لي صـديق
سـاخـر في احـدى المـراحـل التعليميـة يزكـر لي دائـما بأن السـبب
المباشـر لأهتمامـه باسـتزكار دروسـه هـو انه لايريد ان يشـعـر بضعف امام
وريقة توضـع له مع نهاية كـل عام دراسـي كان دائم التنـديد بفـكـرة الامتحانات
ويرى انهـا قمـة في الاسـتفذاذ لعقلية النبوغ...
هـو ذات الاحـسـاس الذي كان يخـشـاه صـاحبي ما احـس به الان امام هـذا اليم المعلوماتي
الفخـيم ( الكمبيوتـر).
ونواصــل
|
Post: #2
Title: Re: الي من يأسـرهم فـؤاد الكمبيـوتر....ادركـونا
Author: الخير محمد عوض
Date: 08-20-2006, 00:50 AM
Parent: #1
اغيثـونا يا قـوم فقد بلغ جهلنا به مبلـغ عظـيم
|
Post: #3
Title: Re: الي من يأسـرهم فـؤاد الكمبيـوتر....ادركـونا
Author: عصام أحمد
Date: 08-20-2006, 08:43 AM
Parent: #2
أخوي الخير ..
كيف حالك؟
أول نجيب كمبيوتر ..وأنا ذاتي قاعد معاك منتظر..
ناس الكميوتر بيجوا ..بس إنت وريهم عاوز تعرف شنو فيهو ؟ لأنو بقي بحر واسع..
غايتو لو عاوز Introduction and operation أنا بديها ليك..
تحياتي
|
Post: #5
Title: Re: الي من يأسـرهم فـؤاد الكمبيـوتر....ادركـونا
Author: الخير محمد عوض
Date: 08-20-2006, 11:05 AM
Parent: #3
اخـونا الظـريف عـصـام احـمـد
اهـا يا عـصـام جنس الكـفتيرة البتنقـلب كمـبيوتر دي المجننة
بوبي....وبعدين يا صـاحبي انت واحد من الناس العامليين لي نفسـيات
يعني بالواضـح كـدا من الواحد تكون عضـويته مـوديل 2006 ويكـون بعرف
يجيه الصـور وينزل ليك الاغاني وما تعرف ينزل ليك الغنية من ما تفتح
البوسـت وتقعد تفتش بوقفوها كـيف وما تلقى الايقونة بتاعت التوقيـف
وما عارف شـنو وشـنو ، شفت طـوالي بتجيني نفسـيات.
جيتك حلوة وبتسـر الخاطـر، تسـلم يا ظـريف.
|
Post: #4
Title: Re: الي من يأسـرهم فـؤاد الكمبيـوتر....ادركـونا
Author: عبده عبدا لحميد جاد الله
Date: 08-20-2006, 09:46 AM
Parent: #1
العزيز الخير سلامات...
ياأخي ولايهمك قول لينا واقف انت بس وأنشاء نحدد الوصفة من منهاج وكتب الكترونية ...وغيره مع خالص الشكر
|
Post: #6
Title: Re: الي من يأسـرهم فـؤاد الكمبيـوتر....ادركـونا
Author: الخير محمد عوض
Date: 08-20-2006, 11:14 AM
Parent: #4
عبده عبدا لحميد جاد الله
نرحـب بك في منبر سـودانيز اون لاين ونتمـنى لك اقامـة طيبة وسـعيدة
وسـعيد بان تكـون اولى مـداخلاتك معي بهـذا البورد.... وتشـكراتي غير
محـدودة لمدك يد العـون لنا في مًـصابنا الجلل هـذا (الكمبيوتر)..
اها ابقى جـاهـز وبنجيك بالاسـئـلة
مرورك اسعدني.
|
Post: #7
Title: Re: الي من يأسـرهم فـؤاد الكمبيـوتر....ادركـونا
Author: عبده عبدا لحميد جاد الله
Date: 08-20-2006, 12:29 PM
Parent: #6
شكراً على الترحاب والتحايا الحارة
بالرغم من ان الكمبيوتر تخصصننا لكن برضو بندخل في جنس البلاوي دي،لكن شوية شوية تسلك معاك
مخالص الشكر
|
Post: #8
Title: Re: الي من يأسـرهم فـؤاد الكمبيـوتر....ادركـونا
Author: Walid Safwat
Date: 08-20-2006, 12:34 PM
Parent: #1
الخير ياخوي
جينا لمد يد العون...
وليد صاحب حسين وقريبو
|
Post: #9
Title: Re: الي من يأسـرهم فـؤاد الكمبيـوتر....ادركـونا
Author: الخير محمد عوض
Date: 08-20-2006, 04:13 PM
Parent: #8
يا مـراحـب يا وليد صـفوت شـاكرا لك ان زرتني ابيض
النية في هـذه المـرة. يا وليد المشـكلة الاسـاسـية تكمن
في من يقـومومون بمسـألة الشـرح هـذه، وهذه بالطبع ليست بمشكلتهم
لانهم يضطـرون لاسـتخدام (تيرمونوليجيز) غير معربة لومستحدثة التعريب
الشـيئ الذي يجعل من مهمة فهم المقـصـود شـيئ عـسـير...وهذا يعـود بي
للأداء الجميل الذي قام به الاديب محـسـن خالد في شـرح الكثير من قواعد اللغة
العربية في قالب ( ونسـة اولاد حـلة). يعني مثلا لو قمت بطلب شـرح طـريقة انزال
الاغاني او الفيديو بهذا البورد على سـبيل المثال فغالب الظـن ان يـد العـون ستقدم
بطريقة هي نفسـها تكـون محتاجة لشـرح مما يزيد الامـر تعقيدا في اغلب الاحـيان....
لجـأ الصـديق تمبس لحل هـذا المعضـل (للكيشـة) امثالي ولكن.........
عليه اقـترح اعادة صـياغة الامـر هـذا بلغة يسـيرة تمكننا من فهم امـور بسـيطة اقلاها
التعامل مع هـذا البورد واورد هـنا
1/ عمل الاقتباسـات
2/ تكبير الخط وتلوينه
3/ انزال الاغاني
4/ انزال الفيديـو
وهذا المبتـدأ .....اخرجونا يا قـوم (كمبيوتر) من هـذه الظلمات الى نور علمكم
وجزاكم الله عن الكيـشـة كل خير.
|
|