غـُـلب المريخ ده حلو حلا ؛ اضحك مع جريدة المريخ!

Quote: اطالب جماهير الهلال بان تحضر معها اكفان لان الحزن سيكون كبير وهناك من سيضيع ضحية لذلك عليهم ان يحضروا الاكفان فاليوم يوم الزعيم وسيد البلد كل المنى والامنيات لك يا زعيم البلد وفارسها الاول بتحقيق الانتصار.

نصر الدين ابو شاكوش

Quote: الخامات التي يملكها محمد عمر تؤهله لتخطي عقبة الهلال بكل سهولة

زاهر المنا

Quote: هذا الهلال لا يملك عناصر الفوز الشريف وذلك لعواجيزه المكركبة ولادارته المضطربة ولجماهيره المذعورة عكس المريخ والذي يملك لاعبين سحرة وهم خلاصة ونقاوة اللاعبين السودانيين ولهم من الماديات ما يفوق الفرق الخليجية وادارة تمسك بعصاة موسى ملبية لكل الرغبات المطلوبة

اسم الكاتب ما مكتوب

Quote: ان شبح الهزيمة يسيطر على الهلالاب على الرغم من محاولة اظهار رباطة الجأش بالحديث عن قوة فريقهم .. وهذا هو الستار الذي يخفي وراءه الخوف لدرجة الذعر من انطلاقات ايداهو و(سواقه) الامير و(مشاوير) زولو وديناميكية قلق وفواصل العجب (الراقصة)

فوزى سدر

Quote: كنت اظن نفسى الاكثر تفاؤلا وسط اهلى المريخاب .. بيد اني اكتشفت ان هنالك من يفوقنى تفاؤلا اضعاف واضعاف، فالوالى لم يكن في يوم من الايام متفائلا قدر تفاؤله اليوم .. والصاقعة يحسب الساعات حتى يحين موعد اللقاء ليستمتع بالفوز .. وقريش واثق مية المية .. وهذا هو حال بقية الادارة والاقطاب .. اما جمهور المريخ فلا يوجد بينه متشائم او متخاذل

إبراهيم عبدالله

Quote: اذا عقدنا مقارنة بين خطوط اللعب في الفريقين نجد ان دفاع المريخ متفوق على خط دفاع الهلال في كل شئ الخبرة ، القوة ، عنفوان الشباب فالثلاثى بوبكر كوني والكأس وامير دامر بجانب الفدائي محمد على سفارى هم افضل بكثير من الثلاثى رتشارد وداريوكان وعلاء الدين جبريل ودفاع المريخ بجانب الحارس بهاء الدين يعتبر الافضل في الدورى الممتاز لموسمين على التوالى

الفاتح مبارك

Quote: اما الوسط فهو نقطة تفوق المريخ في منافسة الممتاز لهذا الموسم فهنالك علاء الدين يوسف واحمد يكيني وقلق يقابلهم بذلك عمر بخيت كثير الاخطاء وحمودة بشير الذي يجرى بالكرة دون فائدة (*) بالاضافة لهيثم مصطفى وهو الوحيد الذي يمكن ان يكون له تأثير في المباراة

الفاتح مبارك
___________________________
(*) سبحان الله ! حمودة البيجري بالكورة بدون فايدة ده كان نجم المباراة!!
جاء بجريدة الصدى:

Quote: حمودة بشير نجماً للمباراة وقع الاختيار على اللاعب حمودة بشير من الهلال لنيل الجائزة المقدمة من وكالة قصرالنيل ووكالة لارا للسفر والسياحة وخدمات الحج والعمرة وهي عبارة عن مبلغ مليون جنيه ستقدم للاعب ظهر غد السبت بمكاتب صحيفة (الصدى). الجدير بالذكر أن اختيار اللاعب حمودة بشير نجماً للقاء تم بإجماع عدد من الفنيين والإعلاميين على نجوميته للقاء.

Quote: والاطراف فالغلبة بكل تأكيد من خلالها تكون للمريخ وهنالك زولو السريع .. القصير .. المكير وماكينة صناعة الاهداف جندى نميرى وهما الاميز يقابلهما يوسف محمد الذي لم يظهر اي خطورة حتى الان وبيتر كثير الاصابات.

الفاتح مبارك

Quote: اما خط الهجوم فان الحديث من الواضح لا يحتاج لكثير عناء فالثنائي فيصل العجب وايداهو يمكن ان يحررا منطقة مقفولة ناهيك عن الوصول لشباك ابو الهل وهنالك في الجانب الاخر قودوين الذي يعاب عليه كثرة تحضيره (*) وكلتشى المستسلم دوما للرقابة.

الفاتح مبارك
_________________________________
(*) كده كويس ؟!

وطبعاً الكلام الفوق ده كلو كلام جرايد ، وعند جريدة قوون -عدد الجمعة- الخبر اليقين:

. الاخ أحمد الريح.....تحياتي
هاك مقال المريخابي "الهلالابي" دا....
حروف كروية

عبد المجيد عبد الرازق



الفوز ذهب لمن يستحقه

استحق فريق الهلال وعن جدارة وبما قدمه نجومه من اداء رجولي الانتصار الذي حققه على المريخ مساء امس ليجدد آماله ويسترد حظوظه في الاحتفاظ بلقب الدوري الممتاز للمرة الرابعة على التوالي ليدخل تاريخ البطولة من اوسع الابواب بنيل «السوبر هاتريك» ان لم تحدث مفاجأة في بقية مبارياته في المنافسة والتي لو أداها بنفس هذه الروح فلن يجد صعوبة في حصاد كل النقاط انتظارا لهفوة المريخ او تسجيل اول سابقه في المنافسة لخوض مباراة فاصلة بينهما في حالة انتصار المريخ في بقية مبارياته.

استحق الهلال الفوز وكل الدلائل كانت تشير الى ذلك خاصة بعد المستوى الرائع والاداء المتميز للفريق في مباراته امام جزيرة الفيل التي اكدت ان الفريق يملك كل مقومات البطل من بدائل في كل الخطوط وخبرة يتميز بها كل اللاعبين واستقرار في التشكيل وتنظيم يتطور من مباراة لمباراة وقراءة جيدة لجهازه الفني وقيادة كبيرة للاعبيه الكبار وعلى رأسهم الامير هيثم مصطفى الذي يقوم بدور المدرب والموجه داخل الملعب ويمثل القدوة لزملائه وايضاً الروح والولاء الذي يميز لاعبي الهلال واصرارهم وامتلاكهم لروح الفوز.

واستحق الهلال الانتصار لانه يملك جهازاً فنياً مستقراً لا يختلف اعضاؤه ويجيد وضع اللاعب المناسب والاسلوب الأنسب ويعرف قدرات خصومه ويجيد تهيئة لاعبيه بدنيا ونفسيا ويعرف كيف يدفع بالبديل وفي اي وقت يساعده الفكر الكروي المتقدم للاعبين وبالتالي فان التعاون وروح الفريق الواحد ما بين الجهاز الفني واللاعبين يقود دائما للانتصارات اضافة للاستفادة من الاخطاء وبالمقابل لم يكن غريباً ان يخسر المريخ لان الدلائل كانت تشير الى ذلك منذ بداية الدورة الثانية وقد كتبنا وحذرنا والفريق يواصل الهبوط والتراجع والاخطاء تتكرر من مباراة لمباراة خاصة في الدفاع والهرجلة اصبحت سمة لاداء الفريق والجهاز الفني يفشل في العلاج لان فاقد الشئ لا يعطيه وفي كل مباراة يظهر لاعب ويغيب آخر وفي كل الخطوط وعلى طريقة لعبة الكراسي وتدني مستوى اللاعبين المؤثرين في الفريق وعلى رأسهم بدر الدين قلق وعبد الحميد السعودي دون ان يصل الجهاز الفني والاداري الى العلاج ويصر مجلس الادارة على بقاء مدرب فاشل قالت الجماهير رأيها الواضح وجماهير المريخ الواعية والمتميزة تعرف المدرب الشاطر من الفاشل لانها الوحيدة المكتوية بنيران الفريق عكس الاداري الذي اصر على بقاء المدرب واجتمع به بل منحه فرصة استجلاب آخر لتغرق المركب.

خسر المريخ واضاع سبع نقاط مسجلا رقما قياسيا لا اظن انه حدث في تاريخه ان لم يفدني الصديق عبده قابل باحصائية ان يخسر الفريق هذه النقاط في ثلاث مباريات متتالية او بالاحرى ينال نقطتين فقط من تسع نقاط.

اصبح المريخ يحتاج لمعجزة لاسترداد اللقب لان مصيره اصبح تحت اقدام غيره واضاع كل شئ فقط ولكن بفعل عمر ومن وقف معه من اداريين وصحافيين يقودونه بالريموت كنترول والكل يعرف ذلك دون ان نخوض في التفاصيل بعد ان فرضوا عليه ابعاد سفاري افضل مدافعي المريخ بحجة انه «يسرح» وابقى على الكاس القاسم المشترك لكل الاهداف التي تلج شباك المريخ.

مسكينة جماهير المريخ التي لم يبق في قلبها مكان الا وعليه جرح وهي التي تعودت على الفرح والانتصار وعشق للبطولات الخارجية والمحلية ولا نعرف ماذا نقول وربنا يستر من البطولة العربية ولن نطالب برحيل فرقة حسب الله بقيادة عمر وساري الليل حتى لا نقرأ خبراً بان الدقير اجتمع معهم بفلته وطالبهم بالبقاء حتى مباراة سطيف وكل شي وارد في المريخ.

مبروك للهلال ادارة وجماهير ولاعبين وجهازاً فنياً هذا الانتصار فقد عملتم له ومن اجتهد نال الثواب.

المصدر الرأي العام

ابو حميد :
تمنيتها هلالية ولكنك حلمت بغير ذلك فتحققت الأمنية وضاعت احلامك هباء منثورا ..
مبروك لنا إكمال الدستة في قطار الممتاز ومثل عادتي التي لم اتخلّى عنها منذ الثانوية وانا اقوم بالإتصال بغاندي عصام مبتدراً حديثي بكلمة صنعت خصيصاً لغاندي بعد المباراة مباشرة وبراك سيد العارفين بي غاندي قررررررب يجيني بي السماعة مع تبريرات مريخية معروفة نحن جبنا كاس خارجي ونحن غلبناكم 8 مرات ونحن شلنا كاس السودان ونحن ونحن ونحن ..
استمتع جداً بالمكالمة والغريبة انا ما بكون قلت اي شي

اجمل ما قرأت في هذا البوست يا ابوحميد :

Quote: يقابلهم بذلك عمر بخيت كثير الاخطاء وحمودة بشير الذي يجرى بالكرة دون فائدة

ياخ والله لو في حاجة وحيدة عملها صلاح ادريس ده وفيها فايدة الود حمودة ده !!!!
وفي رأيي ده افضل لاعب انتقل من هلال- مريخ ونجح بي الصورة دي ..
حمودة ده زول لاعب مهام بي صورة ما عادية ..
والغريبة كان من الواضح جداً تركيز محمد عمر مدرب المريخ عليهو والتوصية الظاااااااااااااااااااهرة بي تعمد إصابة حمودة واخراجه من الملعب في اول ربع ساعة بي فاولات كانت واااااااااضحة وتستحق البطاقة الحمراء ففي ربع ساعة فقط إتعملت اكتر من خمسة فاولات عنيفة جداً مع حمودة من نفس اللاعب !!!!!!
عمر بخيت ده زي مسمار النص والغريبة اكتر زول بيلعب باصات صحيحة ويجيد التسليم والتسلم هو عمر بخيت فما عارف الناس دي بتكتب كيف..
شخصياً لو سألتني منو احسن ناس في الهلال الايام دي ح اقول ليك :
يوسف محمد - عمر بخيت - حمودة ..
بالمناسبة يوسف محمد ده افضل محترف مر على السودان إضافة لي داريو كان من ناحية لعب الكورة الجادة والمفيدة ..

تخريمة :
فيصل عجب تم الكورة ولا استبدلوهو لأاني متغالط مع زول مليون بي مليون وانا قلت ليهو العجب طلع من اول 10 دقايق متأثر بي إصابة ..

عمر الفاروق التحية والمودة
وخليني امارس عادة بحبها كتير
شوفت كورتنا الكلها لت وعجن وضرب تحت الحزام
وبره العراضة وتوقع وشوت بوز
تخيل برضو عاجبانا وبتخلي اعصابنا رهيفة
وبنستمتع بيها وكفاية اكون فيها غلب عديل
وخليني امارسعادتي
برسل تلغرافات
الاخوة العزاء
محمد نعيم والأخ جعفر سعيد الريح
كفارة ليك يازول أعتقد انها اغنية الموسم
وفي ناس قالت انو الريخ قاصد اتغلب عشان ارفدو المدرب واسرحو العجايو
اها العجايز ديل منو؟؟؟؟
وكفارة ليكم يازولات

الأخ / أحمد الريح وعمر الفاروق

متعكما الله بالصحة والعافية

هلالنا حديد وبس.
ولو تذكر يا احمد الريح صدقت تواقعاتي التي ذكؤتها
في بوستك السابق الخاص بالتوقعات حيث كنت أحس بفريقي
الهلال حيث توقعت فوز الهلال لعباً ونتيجة.

الناس ديل فلقوا قود وين بالقزاز حق الموية يا احمد ياخي.
(حاجة عجيبة - يعني الزول دا مايسجل قون ولا شنو)

أبوفتحية

مبروك علينا يا جماعة
والله اليوم داك ضحكتا ضحك
سايق العربية ومعاى صاحبى المريخابى اها ومتابعين الكورة بالراديو
لمن جو القونين صاحبى حلف طلاق انو يا اقفل الراديو يا انزلو
لمن وصلنا ام درمان لى مشوارنا وانتهينا وطلعنا وفتحت الراديو فى الدقيقة اربعين من الشوط التانى وصاحبك لقاها لسة اتنين قرب يسجد لله شكرا
طبعا الذ حاجة عندى انو انا بعد كل طقطقة نطقطقا للمريخاب بمشى المكتبة واول جريدة بشتريها هى جريدة المريخ
غايتو يوم الجمعة ضحكتا ضحك

نبدا يا جماعة -معليش يعني- بي أخونا الصادق صديق سلمان:

Quote: الناس ديل فلقوا قود وين بالقزاز حق الموية يا احمد ياخي

وعشان يا الصادق أخوانا المريخاب ديل غالاطين، نشوف -مع بعض- الصور دي عشان بس تاني ما يقولو صفوة:

مبروك يا كمال عباس،
عبدالمجيد عبدالرازق ده من الكتاب المريخاب لكن الهلالاب بيحترموه جداً لأنو بيقول النصيحة، زي عبده قابل (في جريدة قوون)، شوف بالله الفرق بينو وبين كتاب صحيفة المريخ الذين باعوا السراب والوهم لجماهير المريخ.

Quote: استحق الهلال الفوز وكل الدلائل كانت تشير الى ذلك خاصة بعد المستوى الرائع والاداء المتميز للفريق في مباراته امام جزيرة الفيل التي اكدت ان الفريق يملك كل مقومات البطل من بدائل في كل الخطوط وخبرة يتميز بها كل اللاعبين واستقرار في التشكيل وتنظيم يتطور من مباراة لمباراة وقراءة جيدة لجهازه الفني وقيادة كبيرة للاعبيه الكبار وعلى رأسهم الامير هيثم مصطفى الذي يقوم بدور المدرب والموجه داخل الملعب ويمثل القدوة لزملائه وايضاً الروح والولاء الذي يميز لاعبي الهلال واصرارهم وامتلاكهم لروح الفوز

تيت تيت تيت تيت
مبروك يا عمر الفاروق

Quote: ومثل عادتي التي لم اتخلّى عنها منذ الثانوية وانا اقوم بالإتصال بغاندي عصام

طبعاً غاندي بيكون (كبس ليك) للمصريين
قبيل ضربت لي عباس الجيلي في السعودية، قلت ليهو إحساسك شنو يا عِبس؟ قال لي: حاسي إنو مفروض أشوف مستقبلي بعد ده

Quote: حمودة ده زول لاعب مهام بي صورة ما عادية

مهام شنو يا عمر؟ الزول ده مصاب إصابة مزمنة، وبيجري بي الكورة بدون فايدة

Quote: فيصل العجب تم الكورة ولا استبدلوهو لأاني متغالط مع زول مليون بي مليون وانا قلت ليهو العجب طلع من اول 10 دقايق متأثر بي إصابة

قصدك فيصل الكعب ؟ إسماعيل حسن كتب يوم الجمعة في جريدة الصدي:

Quote: اللاعب التقيل الثقيل فيصل عجب

الاخ احمد الريح

دائما ما تضخمون الامور .. فكرة القدم نصر وهذيمه ويوم لك ويوم عليك
وشوف العناوين البارزه للصحيفة التى وضعت عناوينها هنا
تقول الهلال استرد الصداره ( وجه خجلان ) فالصداره للان تنام فى حضن المريخ
وتقول العناوين ايضا بقزيفه لقودوين .. الظاهر المحرر الذى كتب وانت
كنتم نائمين لحظة الهدف الثانى .. وهذا ماقصدته بتضخيمكم للامور

فيا عزيزى ورغم انتصاركم على المريخ فلا زال المريخ هو متصدر الممتاز وكما
فى رصيدكم هذيمه فى رصيد المريخ ايضا هذيمه .. يعنى متساويين فى كل شئ
وكما قلت لك فالمباراه هى مباراه فى الممتاز وهى كغيرها سباق نحو النقاط
وهلال مريخ دواليك يوم لك ويوم عليك .. ولا تنسى ان اخر انتصار كان للمريخ
فى الزمن الاصلى للمباراه وهى درع الانقاز بالنطه التى قصمت ظهر البطه وثانى
انتصار كان بضربات الجزاء فى كأس السودان ودرع الانقاذ الاخير بالقرعه .. يعنى
حضراتكم كنتم محرومون من الفرح اكثر من عام كامل .. فهنيئا لكم النصر .

قال صداره وقزيفه قال

سلامات يا على محمد على بشير

Quote: كرة القدم نصر وهزيمه ويوم لك ويوم عليك

قصدك يا علي 12 يوم ليك و 3 يوم عليك ؟

Quote: يا عزيزى ورغم انتصاركم على المريخ فلا زال المريخ هو متصدر الممتاز

مبروك عليكم الصدارة، داير تقنعني إنو صدارة الممتاز أهم ليك من كورة الهلال يا علي؟

Quote: فى رصيدكم هزيمه فى رصيد المريخ ايضا هزيمه

هزيمة لي هزيمة تفرق، عليك الله يا علي أمبارح اتعشيت؟

Quote: المباراه هى مباراه فى الممتاز وهى كغيرها سباق نحو النقاط وهلال مريخ دواليك يوم لك ويوم عليك

علي ياخوي انا مقدر ظروفك والله، لكن يعني نحن ما نفرح ولا شنو؟

Quote: كورتنا الكلها لت وعجن وضرب تحت الحزام وبره العراضة وتوقع وشوت بوز تخيل برضو عاجبانا وبتخلي اعصابنا رهيفة وبنستمتع بيها

ده كلام صاح يا أستاذ محمد السني دفع الله، غايتو الواحد يوم هلال مريخ دي بيكون ماري بأزمة أعصاب وجهجهة معنوية، خاصة لو سمعتَ الكورة في الإذاعة... ياخ ناس الرشيد بدوي ديل الله يسامحهم بس!

Quote: طبعا الذ حاجة عندى انو انا بعد كل طقطقة نطقطقا للمريخاب بمشى المكتبة واول جريدة بشتريها هى جريدة المريخ

نفس الشعور يا ماجد، بعد الكورة أول حاجة عملتها قريت عدد يوم الخميس من جريدة المريخ !

والله الهلالاب ديل عليهم حركات

تغلبوا الجماعه وتضحكوا عليهم

والله حركاتكم دي يها زاتها البتجيب ليكم الجديع


مبروك عليكم الفوز

احمد الريح :
غايتو بعد باقات الموية الجبتها لينا في الصور دي ..
تستحق لقب كوز وبجدارة ..

تخريمة :
القون الاول باقات طيب ياخ النبي فوقك جيب لينا براميل القون التاني..


خرمجة :
حبيبنا السني يا ود دفع الله ود النيل النيل واحب النيل يا جميييييل...

ياخ انا مش قلت ليك متفائل دوماً بي قميصك ده ..
بالرغم من إنك قربت تخرمجا يوم النيل الازرق ولا الجكس لخبط كيانك وبقيت تنضم ساااااااااي
والله يا سني كلامك ده سمح شديد خلاص والكورة حقتنا الذ حاجة فيها خرمجتنا ..
وبالمناسبة دي اهديك الإسكتش المشيت تخطب فيهو واتشبكت مع ابو المرا وبقيت تقول :

القون جا .. القون جا .. القون جا...
اها ديل كم قون ؟؟؟