Post: #1
Title: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 02:28 PM
Parent: #0
انه الانتصار الثانى عشر
مقابل ثلاث انتصارات للمريخ
|
Post: #2
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 02:31 PM
Parent: #1
22 هدف للهلال مقابل 9أهداف للمريخ
|
Post: #4
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 02:33 PM
Parent: #2
الكبير كبير
|
Post: #5
Title: Re: نعم انتصر الهلال...ولكن ما الجديد فى ذلك؟؟؟
Author: عثمان حسن الزبير
Date: 08-17-2006, 02:36 PM
Parent: #4
لا جديد
|
Post: #28
Title: Re: نعم انتصر الهلال...ولكن ما الجديد فى ذلك؟؟؟
Author: عصام أحمد
Date: 08-17-2006, 03:45 PM
Parent: #4
مبروك لهلال الشعب السوداني ..لأنو 4/3 الشعب السوداني هلالاب..مبروك 
|
Post: #3
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 02:33 PM
Parent: #1
رغم الخسارة مازلنا في الصدارة! وما الغريب في ذلك!
|
Post: #6
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 02:40 PM
Parent: #3
حبيبناراكوبة
أشكر روحك الرياضة
ولا عزاء للأعلام الأحمر (نافخى الكير)
|
Post: #8
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 02:42 PM
Parent: #6
القردابي
مبروك الفوز (الملح)
ونافخو الكير وإعلام الفول كلهم في الهوا سوا!
|
Post: #11
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 02:49 PM
Parent: #8
راكوبة
زى ما قال خالد ما بتشبه المريخ
معا نحو هلهلت راكوبة(جعله هلالابيا)
|
Post: #9
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 02:43 PM
Parent: #6
و لنجوم الهلال (حاملى المسك)
رغم بعدى برسل سلامى
يحوى(حبى)و كل احترامى
|
Post: #7
Title: Re: نعم انتصر الهلال...ولكن ما الجديد فى ذلك؟؟؟
Author: خالد عبد الله محمود
Date: 08-17-2006, 02:41 PM
Parent: #3
راكوبه أنت لسه حي؟؟؟؟؟؟؟؟؟؟؟؟؟؟؟
طيب ليه الناس الحاقدين ديل يقولو عليك في الإنعاش و كده.
طيب بمناسبة العودة من لمباراه سالماً نهديك هده الصورة:
|
Post: #10
Title: Re: نعم انتصر الهلال...ولكن ما الجديد فى ذلك؟؟؟
Author: عبدالكريم الامين احمد
Date: 08-17-2006, 02:46 PM
Parent: #3
حليلك يا راكوبة....
وهلالنا صعب...الكلام ده قلناهو زمااان..لكن راسكم قوي يا راكوبة..
|
Post: #12
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 02:51 PM
Parent: #10
الأطرف أن لاعبو الهلال استفادوا من كثرة لعبهم مع المغاربة في تعلم فنون تضييع الزمن، الحسنة الوحيدة من (احتكاك) هذا العام.
إن شاء الله السنة الجاية تكونوا بقيتوا (قابلين للإشتعال) بعد الاحتكاكات
القدر أبى أن تتساوى الكتوف حتى بهزيمة المريخ فجعله مقدماً حتى الآن في الصدارة بفارق الأهداف وكلنا أمل في أزرق الساحل بأن يفعلها وهو الذي أحرج ودأزرق الكبير في زريبة العيش في المباراة الشهيرة التي امتدت لساعات حتى تعادل الهلالّّ!!
|
Post: #14
Title: Re: نعم انتصر الهلال...ولكن ما الجديد فى ذلك؟؟؟
Author: خالد عبد الله محمود
Date: 08-17-2006, 02:57 PM
Parent: #12
| Quote: وكلنا أمل في أزرق الساحل بأن يفعلها |
زيتنا في بيتنا أنتو مالكم؟؟؟؟؟
|
Post: #15
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 02:58 PM
Parent: #12
بفارق هدف وااااااااااحد يا رواكيبو
عملتها أهداف؟
|
Post: #16
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 03:01 PM
Parent: #15
بقول ليك الصدارة مريخية حتى الآن بفارق الأهداف وليس بالنقاط، مالك هايج كده ياخوي!
|
Post: #17
Title: Re: نعم انتصر الهلال...ولكن ما الجديد فى ذلك؟؟؟
Author: yasir Abdelgadir
Date: 08-17-2006, 03:07 PM
Parent: #3
نعم يالقرضابي لا جديد....هذا هو الوضع الطبيعي ...وياراكوبة خليك من الكلام الفاضي في طيارة بكرة للقاهرة حاولوا لحقوا فرقة حسب الله بتاعتكم دي المطار
|
Post: #13
Title: Re: نعم انتصر الهلال...ولكن ما الجديد فى ذلك؟؟؟
Author: Ibrahim Adlan
Date: 08-17-2006, 02:55 PM
Parent: #1
تعرف يا ابوعمير
اول حاجة مبروك الفوز
تاني
الليلة اول مرة خلال الخمستاشر سنة الماضية استمع لوصف مبارة الهلال و المريخ ( ختيت الهلال اول عشان انتو غلبتو) و الشكر للتكنلوجيا
اول حاجة لاحظتها اسماء اللاعبين ياخوي الكورة حصل ليها شنو؟ السودان ما فيهو ناس حرفاء لحدي ما نمشي مالي و زمبابوي؟ ليه يا خي الحصل شنو؟ وين الروابط وين الناشئين وين دوري الثالثة و دوري الليق و السنترليق؟
بعدين ياخي هي الجنسية السودانية دي بقه هـــــــــــــــــــــاملة للدرجة دي؟
بعدين
ياخ المريخ دا مرتبط بمعاناة السودان
يعني فوزكم في السنين الفاتت دي مرتبط بي هذه الحكومة و المريخ جزء من الكل و الكل يعاني .
|
Post: #18
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 03:12 PM
Parent: #13
| Quote: مبارة الهلال و المريخ ( ختيت الهلال اول عشان انتو غلبتو) |
رفيق الزمن الجميل ابراهيم عدلان
حتى لو مغلوبين....
برضو الهلال أول
زى التيمان حسن و حسين
سمعتا زول قال حسين و حسن؟؟؟
|
Post: #19
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 03:25 PM
Parent: #18
| Quote: سمعتا زول قال حسين و حسن؟؟؟ |
حد بقول الرجاء؟؟؟
|
Post: #20
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 03:26 PM
Parent: #1
نقلا عن جريدة المشاهد:
Quote:
في حافز هو الأكبر في تاريخ القمة
عربة لكل لاعب مريخي
استطاعت «المشاهد» أن تكسر حاجز السرية الذي ضربه رئيس المريخ السيد جمال الوالي وأعضاء مجلسه حول حافز مباراة القمة اليوم وحافز بطولة الدوري الممتاز وأفادت المصادر أن الوالي أعلن للاعبين عن حافز المريخ في حالة الفوز على الهلال والفوز بالبطولة بعربة لكل لاعب مريخي وحددت قيمة العربة بـ«15» مليون جنيه وهو أعلى حافز رصد في مباريات القمة على الإطلاق
|
أتاريهم
الشلاليت فى السما
|
Post: #21
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 03:30 PM
Parent: #20
صحيفة المشاهد تم مقاطعتها رسمياً قبل المباراة من قبل مجلس الإدارة، والأخبار المفبركة ليست غريبة عليها وعلى صحيفة أخطاء كل يوم.
وحتى إن رصد جمال الوالي سيارات لكل لاعب فهذا شيء عادي، ربما يتحول الحافز الآن لمشروع تطوير استاد الهلال!!
|
Post: #22
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 03:35 PM
Parent: #21
عليك الله يا راكوبة تواصل روحك الرياضية الحلوة دى
و تنزل لينا أهداف المباراة
انشاالله قون رتشارد بس
|
Post: #23
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 03:37 PM
Parent: #22
الأهداف نازلة من قبيل راجع الصفحة الرئيسة
|
Post: #24
Title: Re: نعم انتصر الهلال...ولكن ما الجديد فى ذلك؟؟؟
Author: yasir Abdelgadir
Date: 08-17-2006, 03:38 PM
Parent: #21
في حالة عدم وجود حجز اقترح تحويل الحافز لتأجير طائرة خاصة لنقل كتيبة حسب الله والطبالين للقاهرة
|
Post: #26
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 03:40 PM
Parent: #24
وحياتك لو مافي حجز حنأجر الطيارة، وبرضو حنتبرع!
|
Post: #25
Title: Re: نعم انتصر الهلال...ولكن ما الجديد فى ذلك؟؟؟
Author: hatim ibrahim
Date: 08-17-2006, 03:39 PM
Parent: #1
.
أخونا القرضابي .. وفي راويات أخرى ( القردابي )
الف مبروووووووك الانتصار .. وفعلا ده الوضع الطبيعي ، بس ( لسان ) الجماعة الطويل هو البيخلينا نجي ونتكلم عن الانتصار ..وبرضو ما بيستكوا
| Quote: معا نحو هلهلت راكوبة(جعله هلالابيا) |
غايتو في دي أنا معاك ..واذا كونت ليك لجان لـ " هلهلة" راكوبة بالله اديني رئاسة احدى اللجان ، الزول الجميل ده فعلا ما بيشبه المريخ .. وزي ما كان بيقول صديق لي هلالابي : معظم المريخاب ديل اصلا هلالاب بس زعلانين .. راكوبة ده يكون واحد من الزعلانين ..
مبروك لكل عشاق الأزرق الدفاق ..
.
|
Post: #27
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-17-2006, 03:43 PM
Parent: #25
هو بالله ياحاتم إنتو (مهلهلين)؟ ومن زمان ولا جديده الحكاية دي وكملتوا (هلهلة ) الشعب السوداني قبلتوا على نيجيريا الصديقة وزيمبابوي البعيدة كمان!
|
Post: #29
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 03:51 PM
Parent: #27
راكوبة
ما لقيت الأهداف
جيب الرابط عشان نحبك أكتر
|
Post: #31
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 04:13 PM
Parent: #30
تشكر يا أمير
|
Post: #32
Title: Re: نعم انتصر الهلال...ولكن ما الجديد فى ذلك؟؟؟
Author: هجو الأقرع
Date: 08-17-2006, 04:34 PM
Parent: #31
قرضابى مساء الخير مبروك الفوز ، بهاء الظاهر قابض ليهو حاجه والله فيه نفس، شوفت الحارس كان مهزوز كيف ، وقبل كده اهداكم التعادل .
|
Post: #33
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 04:41 PM
Parent: #32
الأخ هجو
تحياتى
بهاء الدين (ملوص) قابض
أمير دامر قابض
الكاس قابض
نميرى قابض
قلق قابض
علاءالدين قابض
صلاح الأمير قابض
و العجب مقبوض
|
Post: #34
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-17-2006, 05:47 PM
خطرفات صحاف المريخ مزمل يوم المباراة:
Quote: دار الزمان وتطور المكان.. فانتقلنا من سوق العيش إلى الرد كاسل.. وما يزال المريخ يؤدي طور الصياد باقتدار.. ولا يزال يحن لافتراس طريدته الزرقاء المفضلة!
اليوم يتجدد الصراع.. ويتطلع أحباب النجوم إلى موضع النزال فيجدونه بهياً كأروع ما يكون.. وجميلاً يخطف الأنظار ويسلب الألباب.. ويثير الضغائن في نفوس الأندية الأقل تطوراً ومواكبة!
• هؤلاء هم فرساننا فجئنا بمثلهم.. إذا جمعتنا يا برير المجامع!
• اليوم نتهيأ لنصرٍ جديد.. وتاجٍ جديد.. ومجد أكيد مع الزعيم وهو يشحذ أظافره ويسن أسنانه ليمارس هوايته المفضلة
إنه خميس العجب.. في رجب.. ولا عجب!
• صرح صرح يا برير.. فالتصريحات التي تسبق لقاءات القمة هي زادك الوحيد.. وإنجازك الأكبر!
• * إذا بلغ إيداهو مستواه.. وجد في دفاع الهلال مبتغاه.. ونال ما يتمناه!
المريخاب يراهنون على إيداهو والعجب.. وأنا أراهن على قلق!
* قلق وانطلق!
* سفاري الأسد الضاري.. سفاري السم الهاري.. سفاري ضروري يا عووووومر!
* بهاء الدين.. التنين!
• * حد يشعر بالسعادة.. ويمشى يختار الهلال؟
• ناس الناس راضية عنها قبل المباراة وبعدها لأنها بنت وعمرت وأنجزت.. وناس مشغولة بوضع خطة الهروب من الإستاد.. لأنها لا تملك رصيداً تواجه به الجماهير عند الهزيمة!
جماهير المريخ تعول على قلق والعجب وإيداهو ومرق وريتشارد!
* وتتمنى ألا يبعد ريكاردو علاء الدين.. لاعبها المفضل!
عاجل للصفوة.. من الذوق أن تتركوا للضيوف مكاناً يسع ألف متفرج.. تحت اللوحة الإلكترونية!
* عاجل للغاية.. حجار جوة الرد كاسل ما في.. إلا تستوردوها من سوق العيش!
• * عجبكو في رجبكو.. ضاربكو ضاربكو!
|
نقلا عن الصدى
|
Post: #35
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-18-2006, 02:19 AM
Parent: #34
سجلت المباره دخلا عاليا بلغ 278 مليون جنيه
يلا كل واحد يحسبها حسب سعر التحويل من البلد العايش فيها
عندنا فى الامارات تساوى أكثر من نصف مليون درهم
|
Post: #36
Title: Re: نعم انتصر الهلال...ولكن ما الجديد فى ذلك؟؟؟
Author: zico
Date: 08-18-2006, 03:04 AM
Parent: #35
قدم الهلال درسا بليغا لنده المريخ في الروح القتالية وفنون كرة القدم، واكتفى بهدفين فقط في شباكه بعد مباراة قوية من جانبه امس في الأسبوع الرابع للدورة الثانية للدوري الممتاز بإستاد المريخ. لم يجد الهلال صعوبة في السيطرة على المباراة منذ بدايتها وبدا متماسكا في خطوط اللعب الثلاثة، ولعب بتشكيلة مكونة معز محجوب في المرمى، داريوكان، ريتشارد، علاءالدين جبريل في الدفاع، حمودة بشير، هيثم مصطفى، بيتر جيمس، يوسف محمد وعمر بخيت في الدفاع، قودوين وكلتشي في خط الهجوم، وقد ساهم الثنائي قودوين وكلتشي في فوز فريقهما بتحركاتهما المزعجة عكس لاعبي المريخ الذين بدوا متباعدي الخطوط مع ارتباك واضح في استلام الكرة والتمرير والتحرك ويلجأ علاء الدين يوسف الى ارتكاب المخالفات لإيقاف احدى الهجمات الهلالية في الدقيقة التاسعة ليستغل ريتشارد جاستن الارتباك العام في صفوف المريخ ويرسل صاروخا قويا داخل مرمى المريخ لم تنجح معه محاولات بهاء الدين شارد الذهن في المباراة ليتقدم الهلال بهدف عاجل.
بعد هذا الهدف لجأ لاعبو المريخ الى التحرك السريع نحو المرمى الهلالي ليجد صلاح الأمير فرصة في مواجهة المرمى الهلالي ويسدد بقوة لتصطدم بالقائم وتحرم المريخ من هدف التعادل. بعدها بدقائق قاد المريخ هجمة منظمة عن طريق بدرالدين قلق في الناحية اليمنى تمر عرضية داخل منطقة جزاء الهلال، يفشل ايداهو المندفع من الخلف في معالجتها لترد بين قدميه فرصة ضائعة اخرى للمريخ. ولكن الهلال استغل هذا الاندفاع مرة اخرى، ومن هجمة مرتدة من بعيد ينجح قودوين من اختراق الدفاع المريخي ويودع الكرة الشباك وسط توهان واضح للحارس بهاء الدين ليضيف الهدف الثاني للمريخ الذي قصم ظهر الفريق تماما وكاد المريخ ينال علقة ساخنة بعد هذا الهدف ليتلاعب الثنائي كلتشي وقودوين بالدفاع المريخي الذي قاده المرتبك ايمن الكاس، ويجد بيتر جيمس وكلتشي اكثر من فرصة امام المرمى المريخي ابعدها كوني وأمير دامر.
وقد ظهرت ثغرة واضحة في طرف المريخ الأيسر الذي لعب فيه بلا قدرة على اللعب جندي نميري وظل عبئا على الفريق طيلة زمن المباراة وبوابة ينفذ منها هجوم الهلال... وفي هذا الشوط لم يكن في المريخ لاعب سوى ايداهو الذي ظهر بأفضلية مطلقة على لاعبيه من حيث اللعب الجاد ومطاردة لاعبي الهلال في الهجمات، وقد طالبت الجماهير بركلة جزاء من كرة لعبها العجب لإيداهو وتوغل بها داخل منطقة الجزاء الهلالية وتعرض لشد من الفانلة، الا ان الحكم اعاد الحالة الى خارج المنطقة محتسبا ركلة حرة مباشرة للمريخ.
وحاول مدرب المريخ اصلاح العلل في خطوط الفريق ولكنه لم يعرف من اين يبدأ.. فالفريق عاد بنفس الشكل ليحكم الهلال على قبضة المباراة ويقدم خط وسطه السهل الممتنع ويواصل المريخ اداءه المتراجع رغم ادخال مامون زولو في الناحية اليمنى لتعزيز الهجوم، ولكن اغلب الكرات التي هيأها لم تستثمر بالصورة المطلوبة وظل ايداهو يندفع من اجل التسديد في المرمى.
وبالمقابل ساد اللعب عنف متبادل من الفريقين سقط على اثره طريح الأرض امير دامر وكلتشي وأنذرهما الحكم خالد عبدالرحمن.. وتحسن شكل المريخ بعض الشئ بدخول جيمس جوزيف الذي ازعج دفاع الهلال بتحركاته الا ان الهجمات المريخية ظلت رهن تهور وإهدار صلاح الأمير الذي واجه معز محجوب منفردا وبدلا من لعب الكرة داخل المرمى قبل خروج الحارس فضل مراوغته ليجدها الأخير سهلة في يده ويضيع هدفا للمريخ.
وقد لجأ الهلال للإرسال الطويل مستفيدا من طاقة لاعبيه ليشكل خطورة بالغة على المريخ الذي تحسن مستوى حارس مرماه بعض الشئ.. ويستمر اللعب ويدفع المدرب بسفاري في محاولة لإدراك تدهور دفاع المريخ بعد اصابة امير دامر، الا ان افضلية الهلال حسمت المباراة ليعود الهلال للصدارة بفوز مستحق مقاسما المريخ النقاط ولكل منهما (36) نقطة. وقام لاعبو الهلال برفع علم الفريق على مرمى استاد المريخ في اشارة الى الاحتلال ليجد هذا الفعل ردا من الجماهير بحصب الملعب بزجاجات المياة الغازية.
الخرطوم: (السوداني)
http://alsudani.info/index.php?type=3&id=2147508941&bk=1
|
Post: #37
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-18-2006, 05:10 AM
Parent: #36
أضحك مع الصحفى محمد عبدالماجد
نقلا عن قون:Quote:
هوامش
داريو كان ان شاء الله عندو هدف - قول واحد كما على المريخاب اجتناب حمودة بشير فقد يكون صاحب الهدف الثاني وهذا للتحذير·
ان فعل الهلال اطرافه وان قامت بواجبها الهجومي كاملاً فسوف تكون خسارة المريخ اليوم بجلاجل ان شاء الله·
كوني دا خامة جيدة لان يكون لاعباً مطروداً في وجود المعز محجوب ما عارف ايداهو وجيمس ديل لاعبين له·· اخير ليكم ارجعوا الدفاع مع ايمن الكاس دا فرصتكم مضمونة!!!
اتوقع ان يكون ايمن الكاس نجم المباراة من قبل الهلال·
المباراة كلها يرجف تقول واقف ليه في اريل!!!
ياهيثم مصطفى عليك الله ما تنسى ايمن الكاس دا من >باصاتك< الزول دا اخطر من قودوين!!!
كليتشي لابس طاقية الاخفاء تصوروا مباراة الممتاز الماضية >سفاري< قال ماشاف كليتشي تشوفو كيف يا سفاري وايمن الكاس مغطيك!!!
قلق قال كره الكورة·· بربكم كيف حمودة بشير يتحسر على فترته الماضية؟ وحمودة بشير في الهلال بقى زي الامير في الدولة العباسية في عهدها الذهبي·
يا بهاء الدين اوعك تفك الكورة عاوزين لينا قوون ملعوب·· نحن ناس كليتشي ديل جايبنهم محترفين ماجايبنهم يشيلوا مع صديق احمد !!!
رايكم شنو لو ظهر ليكم في الحتة دي وكيل جديد لكليتشي؟!!!
انصح الزول البراقب بيتر جيمس يشيل معاه رقم تلفون >المطافي< ويخلي عندو رقم الطوارئ لحوادث مستشفى ام درمان·· انا متأكد بحتاج ليهم في المباراة·
يا مهند الطاهر- خليك جاهز·· من كنبة الاحتياطي يمكن تجيب قونك مع ناس حسبو ديل!!!
يا محمد عمر لو عندك حقوق وقروش على ناس المريخ·· شيلها من قبل المباراة··نحن ما فاضين للمحاكم والفيفا·· من هسع كلمناك ما تعمل فيها ما سامع!!!
جمال الوالي نتمنى ان يكون اليوم حاضراً لمشاهدة المباراة·
الفصاحة دي ما تبقى في التصريحات والمؤتمرات الصحفية·
اذا نقض الحكم للهلال اربعة اهداف فان المباراة سوف تنتهي بالتعادل···
ضربة جزاء الهلال طبعاً ما تعشموا فيها·
حضور جماهير الهلال اليوم بكثافة يشكل للهلال حماية كافية من ظلم التحكيم·
مجلس ادارة نادي الهلال في ذكاء كبير روج عنه طلبه عن الكشف عن المنشطات·
والله يا مجلس ادارة نادي الهلال الجماعة ديل ما خليتوا ليهم صفحة يتقلبوا عليها·
زمان كان بختو >علاء الدين يوسف< عشان يراقب هيثم مصطفى وبعد مفاوضات طارق محمد نور في يونيو الماضي·· علاء الدين يوسف ذاتو بقى عاوز ليه مراقبة·· الم يتهم رئيس نادي المريخ الهلال بالتواطؤ·
ايداهو دا كلموه ما ينسى نفسه ويلعب مع كليتشي وقودوين وبيتر جيمس ويوسف محمد·
انتوا وين ايفوسا؟
اتذكرت حاجة - كرهتونا القرض!!!
خبر عاجل: يا مريخاب لو اضغطوا من الهلال شديد شيلوا الكورة من اول خمس دقائق·· ما عندكم مشكلة الاتحاد ما بقصر معاكم بشوف ليكم حل···
--------------------------------------------------------------------------------
-11
--------------------------------------------------------------------------------
|
|
Post: #38
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-18-2006, 06:43 AM
Parent: #37
الجريدة دي براها مدعاة للضحك!
|
Post: #39
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-18-2006, 09:02 AM
Parent: #38
| Quote: الجريدة دي براها مدعاة للضحك! |
يا راكوبة فى الحريف
الجريدة التى تقول عنها مدعاة للضحك فازت بجائزة أحسن صحيفة رياضية
لمدة سبع سنوات متتالية.....
و انتا راجل اعلامى
لو عندك نقد موضوعى هات لنشوف...
أما الأراء الانطباعية دى لا محل لها من الاعراب
|
Post: #40
Title: Re: نعم انتصر الهلال...ولكن ما الجديد فى ذلك؟؟؟
Author: Rakoba
Date: 08-18-2006, 09:47 AM
Parent: #39
Quote: انتا راجل اعلامى
لو عندك نقد موضوعى هات لنشوف...
|
عشان كده بقول ليك إنها مدعاه للضحك!
وكفاية رئيس تحريرها كتب في ذات يوم
"الإعلانات وحدها هي التي تجبرنا على احترام القارئ"!!!
وسلملي على جائزة السبع مرات والفات فات!!
|
Post: #41
Title: Re: نعم انتصر الهلال...ولكن ما الجديد فى ذلك؟؟؟
Author: ALGARADABI
Date: 08-18-2006, 03:10 PM
Parent: #40
Quote: اخبار
--------------------------------------------------------------------------------
عاجل: المريخ يعفي الجهاز الفني والاداري
By
Aug 18, 2006, 10:23
أرسل بالبريد الألكترونيّ هذا
صفحة الطّباعة
علمت سودان سوكر ان نادي المريخ قد اصدر قرارا باعفاء الجهازي الفني والاداري في اعقاب هزيمة الهلال للمريخ يوم امس . وتم تكليف لجنه من محمد جعفر قريش وحسن يوسف وابراهومه لتحديد البديل
|
نقلا عن سودان سكر(Sudan Soccer)
|
|