|
نورة ... بت العرب النوبيــــــــــة
|
قصيدة طويلة لحميد,,, غناها محمد جبارة ... وفي جزء منها فرقة عقد الجلاد هذا الجزء غناء محمد ألنصري واهديها لكم جميعا أخوتي واسمحوا لي إخوتي الكرام أن اخص بها الإخوة
عبدالمنعم ابراهيم,,عثمان محمد صالح,,, صديق رحمة ,, علي الحلاوي,, احمدابراهيم حسين,,, كمال عثمان سويكت,,, لوي ,, تمبس..معتصم,,, تروتسكي ,,, حبيب نورة ,, والعريس اسامة معاوية الطيب ... واساسي في غيابه
|
|
|
|
|
|
|
|
Re: نورة ... بت العرب النوبيــــــــــة (Re: انعام عبد الحفيظ)
|
شكراً يا تولوس ..
قليلون هنا يشعرون بآلامنا في جروح الكلام التي يبعث بها البعض منا .. أخوتنا
ولكنا والحمد لله نجد أمثالكم ممن يمنحوننا القوة للإستمرار .. وقد نذرنا أنفسنا لا للمهاترات وإنما لقضية واحدة .. الكل يعرفها وسنظل نقف لها ككل الجميلات في تاريخ الأمة الإسلاميو إمتداداً من خديجة وسمية .. الى الشهيدات وأمهات الشهداء في كل بقعة من الأرض بها مظاليم
دمت أخي تولوس
وشكرا تاني وتالث.. زجزاك الله خير ..
تحايا كووووم ودعوات
| |
|
|
|
|
|
|
Re: نورة ... بت العرب النوبيــــــــــة (Re: القلب النابض)
|
اختي العزيزة القلب النابض تعرفي اعتزازي بك وبعلمك وبوطنيتك وانسانيتك وبمواقفك وارائك الجميلة المشرقه وباحترامك لمحاوريك وبكلمتك العفيفه النظيفة وصدقيني الجميع هنا اخوانكم وحتي من اختلف معكم اليوم هوفقط عجز علي ان يعبر لكم عن حبه وضل الطريق
تخريمة ماتزعلي من هزاري الثقيل احيانا
| |
|
|
|
|
|
|
Re: نورة ... بت العرب النوبيــــــــــة (Re: انعام عبد الحفيظ)
|
انعام صباح الخير وكيفنك عجبني الاحتفال جدا بتمبس وعلا وحسدتهم لاني لا اجيد قراءة التواريح ولا الاحتفال بها... وفعلا الامر جميل جدا وراقي ... احتمال هم فقط عيدين للميلاد هم من انتبه لهم اولهم المولد النبوي ومولد سيدنا المسيح
وانا طبعا من اهلك الغبش ديل ماشي ساكت وما بحسب الايام... قبل يومين ...كانت هناك شكلة كبيرة جدا بيني وبين زوجتي في ذكري زواجنا السنوية مساء يوم 14/عقد القران ويوم 15/8 كان احتفال الزواج ولاني كالعادة في رايها الظالم والمتسلط والقاسي لااذكر هذا ولا اقدسه ولايعني لي اي شئ ولا اذكره الا بعد ان تموت الشموع واخوك طبعا يقوم ويقعد ويحلف باغلظ الايمان وباصدق عهود الحب والوفاء باني فعلا لا احسب الايام ولا جيد فن الاحتفال بها هذا كل مافي الامر !!! وابد لن ترضي عنك زوجتك الا بهدية تبرق وتلمع في الظلام...
| |
|
|
|
|
|
|
Re: نورة ... بت العرب النوبيــــــــــة (Re: غادة عبدالعزيز خالد)
|
الشّوق من حاطِفْ .. لا قاطِفْ يتلمّ .. يهز ليك يا نوراي يا دَرَقة وسيفْ يا حُضناً كيفْ من شَرّ الصّيفْ والشتا ضاراي .. ضاراي يا شعلة عز بقّت جوّاي عدّت بي ضلام بحراً عاصِفْ يا نور قاعِدْ بِكْ .. قايم بِكْ شايلك مورودة ومتوكِّلْ يا نورا على الله .. علينا والفرج القرّب .. وحايم بِكْ يا بِت العرب النوبية يا بت النوبة العربية
بي فردة نخوة بجاوية أو شدر الصّحوة الزِّنجية دسيِّني من الزمن الفارغ .. من ريح المتعة الوكتية من شر السّاحِقْ والماحِقْ .. بين دَبَش المدن المدعية والليل يتحكّر بيناته كحّل بي دبشو عويناته يا شمس الناس المسبية روّحت اتنسّم أخبارِكْ .. لا تشفَقْ قالو لي نصيحي !!! وأنا عارفك ممكونة وصابرة .. لكن لي ناس إلاّ تصيحي جواي مأساتك مغروسة .. يا طفلة تفتش في باكر ما بينات نخلة وأبنوسة الجوع العطش الفَدْ واحدْ .. الفقر الضّارب زي سوسة الخوف والحالة المنحوسة يا بحر الحاصِلْ .. لاكْ ناشِفْ .. لا قلمي الفي إيدي عصا موسى
يا ام غلباً حار .. ينْبُرْ فينا .. ما عدّ صباح من ها .. الميناء كَدْ الكُدّاح شايلا سفينة النّاس عوجات .. تحرِسْ .. ترْجَا ترجعبو سلاح وأنوار زينة بمبان .. شوفونير .. آفات .. ويسكي .. للنّاس الدّمّنا بنزينا فِقَراً تسترزقْ من دينا بايركس إبريقن .. والموية .. تتحدّى بياض الوزّينة !!!
خرزات السبحة أمريكية .. خُصَل الموكيت إيطالية دفتر شيكاتاً ربوية .. في الجيب والسيرة النبوية جنب مصحف جوة البترينة تقروقتِك .. ديمة على القبلة .. ميهية إبريقِكْ بي طينا السِّبحة أصابعِكْ يا صالحة .. يا بت النَاس الصّالحين الذِّمَمْ المشرية الطّالحة ... شتّان بين دينِكْ وبين دينا شتّان بين يُحمد وحاج أحمد .. وقُدّاس ناس ياي وسلاطينا
شِلْناكي مع الخلِق النايحة على أرض فلسطين الفاتحة البركة في رملِكْ يا سيناء إرتج أسير الدعوات ما بين آمينك وآمينا
| |
|
|
|
|
|
|
Re: نورة ... بت العرب النوبيــــــــــة (Re: تولوس)
|
"بي فردة نخوة بجاوية أو شدر الصّحوة الزِّنجية دسيِّني من الزمن الفارغ .. من ريح المتعة الوكتية من شر السّاحِقْ والماحِقْ .. بين دَبَش المدن المدعية والليل يتحكّر بيناته كحّل بي دبشو عويناته يا شمس الناس المسبية روّحت اتنسّم أخبارِكْ .. لا تشفَقْ قالو لي نصيحي !!! وأنا عارفك ممكونة وصابرة "
العزيز تولوس
لك التحية ... هي الغفلة ..
والقفلة..
وبينهما مارق صوت الطنبور الفالت
النصري...وبت العرب النوبية...
شكرا علي الاهداء ...
لكن فارز الكيمان مالك ...وعامل مدينتين...
تسلم
| |
|
|
|
|
|
|
Re: نورة ... بت العرب النوبيــــــــــة (Re: عبد المنعم ابراهيم الحاج)
|
عبدالمنعم ابراهيم
يا رجل اتانا من خلف خطوط الكوكب الاخر حيث الجمال والحب والصدق وحيث يوجد الشعر كيمان كيمان وتتمازج الحروف والكلمات وتسيل نورا يبهر القلوب ويسلب العقول و يمشي بين الناس مرحا تزفه الملائكة... اهداء واحد لن يكفيك حقك يا رجل... عبرك اهدي الي كل رواد أويتلا الادبية
| |
|
|
|
|
|
|
Re: نورة ... بت العرب النوبيــــــــــة (Re: sudania2000)
|
سودانية2000 يابت العرب النوبية
ان في نفس هذا الانسان اعماقا بعيدة تنحدر اغوارها من مهوي الي مهوي ,الي مالانعلم ,لان النفس ما برحت جزاء من الازل كبعض النور من النور , ينفصل عنه وهو مستقر فيه ....(الرافعي)
يابت النوبة..العربية عرفت منذ ايام سودانت الاولي وعرفت انك قمة في كل شئ ولا اخفي عليك عندما فكرت في هذا الاهداء كنت اشعر بالالم والاحباط الشديد لما اصابكم من الم وجراح في عملية استهداف واضحة لاغتيال شخصياتكم العظيمة والجميلة ... انهم لا يعلمون معدنكم ولا يقراؤن حروفكم وكلماتكم بتمعن ويا ليتهم لوعرفو..لاني عرفتكم من خلالها ووجدت فيكم الاخوات المتعلمات والقدوة في كل شئ .. فلك كل الود والاحترام ..وتقبلي تحيات المدام وانشاء الله عند رجوي للسودان اقوم بزيارتك اما في البيت او الجامعة شكرا يادكتورة وكامل احترامي
| |
|
|
|
|
|
|
Re: نورة ... بت العرب النوبيــــــــــة (Re: تولوس)
|
تولوس زي ما تحية ليك ياود الأرض المروية يا ود النسمة الليلية ود الفرح المنداح ود الموجة النيلية برضو تحية لي بت العرب النوبية جميل منك انك لميتنا اصلاً انت ما بترضي فرقتنا عارفك حنين منساب جوانا زي توتيل وحامي حمانا زي القاش منتهي الفراش أحساس الزول القاش تشكرات يا أنيق عجبتنا و سرّت بالنا والله و بنجيك صادّين لو ربك سهل اشوفك حلم عشم ممدود قدح كسرة حلم بنوتة بالسترة كلام ناساً حنان بالحيل ولي قدام...........!!
| |
|
|
|
|
|
|
Re: نورة ... بت العرب النوبيــــــــــة (Re: حبيب نورة)
|
الأخ /عثمان سلام لك وضيوفك الكرام أمتلك مجموعة جميلة من الأغاني الغربية والسودانية مسجلة على أشرطة فيديو كاسيت من العام 1985 حاولت أهدي ليك حاجة نادرة منهم والله ماعرفتش ،الظاهر لازم أزور معتصم دفع الله عصرية كدة.
(لك رسالة في الصندوق)
أبوحمد
| |
|
|
|
|
|
|
Re: نورة ... بت العرب النوبيــــــــــة (Re: عثمان عبدالقادر)
|
تولوس محبتي من زمن وأنا بحاول اكتب واشارك في بوست من بوستتاتك انت عارف نحن بقينا نجي مارين ندي الموقع طلة في شكل ومشاكل وكلام ماياهو بنرجع من الدرب الجابنا وبنشوف لينا شغلة نقضاها والله الوقت بقى عندتا مابكفي !! البوست الجميل بريح الأعصاب وبديك دفعة لي قدام ، وبضيف ليك حياة جديدة ، انا بموت في الغناء والرقص وكل الفنون .. لكن غناء الشمالية كلو بكتلنا وبهدلنا الحنية والرقة والقصص والحكايات والايقاع والشجن الكاسر فينا ضلعة .. شكرا لك ومودتي الصادقة والصورة الجديدة بتاعتك أحلى تحياتي
| |
|
|
|
|
|
|
Re: نورة ... بت العرب النوبيــــــــــة (Re: محمد سنى دفع الله)
|
اخي الاستاذ محمد السني الف مرحب بك اخي الكريم وشرف لنا وايما شرف ان يزورنا في بوستنا احد اعمدة الحب والجمال في بلادنا وبدورنا نهديك كل ماهو جميل في محاولة خجولة لرد بعض من الدين الكبير ... وابان اقامتي في موطني كسلا كنت اشد حرصا علي الالتقاء بالاستاذة الاجلاء اعضاء ورواد فرقة الاصدقاء وتكونت لي معهم صداقات حميمة وجميلة وعبرهم ومن خلالهم عرفتك تماما حدثونا عنك كثيرا وعن حبهم وفقدهم اياك ومن هنا تحياتي لهم فردا فردا .. صدقني اخي السني لم يبقي لنا في السودان سوي الفن فالنحافظ عليه وللنسعي لترقيته.. وفي معادلة بسيط من تاليف مخي التالف ... فان الفن هو الحب.... والحب هو الجمال ... فانت رجل جميل ... ............ الصورة الجديدة طبعا عشان اغيظ دكين لانو البنيات الحلوات بيحبو الشياب الحلوين
| |
|
|
|
|
|
|
Re: نورة ... بت العرب النوبيــــــــــة (Re: عثمان عبدالقادر)
|
اخي واستاذي ابوحمد شكرا يا غالي علي الهدية الجميلة وهي مقبولة مقدما مع انها علي زمة وقف التنفيذ علي اي حال انا سوف اطالب بيها معتصم دفع الله وتمبس وتاكد بان ذاكرتي قوية ولن انساها ... وبدوري انا اهديك بت العرب النوبية يا رجل يافنان .... وعندي زيارتي القادمة سوف اااتيك ببعض برامج ترميز الملفات حتي يسهل عليك التعمل مع ملفات الميديا ... شكرا يا راقي
| |
|
|
|
|
|
|
Re: نورة ... بت العرب النوبيــــــــــة (Re: تولوس)
|
يا تولوس لماذا لم تخبرني بهذه النافذة ؟؟ وانت أحد العارفين للحنين والنزيف اللذين يعتليا قلبي دوما أو لا تدري بأن أحمد إبراهيم حسين قد أستل قلبي من مرقده الكتيم وهو يبث هذا اللحن الحنين هناك ... عزائي في ان أخواتي وأخواني قد أستمتعوا بهذا الدف وهذا اللحن الموزع لصكوك البهجة والباعد لشظايا الحزن .. شكراً تربيع تولوس
| |
|
|
|
|
|
|
Re: نورة ... بت العرب النوبيــــــــــة (Re: حبيب نورة)
|
يا حبيب اسمع وجع القلب ده قيل لا عرابي ما بلغ من حبك لفلانة قال والله اني لاري الشمس علي حائطها احسن منها علي حيطان جيرانها ... يوما ما ساحدثك عن هذا الجمال كما اوحته لي عواطفي والتي ه كالفراشات ما تزال تطرب لالوان زهورها وترشف من عزب رحيقها هي نورة اشعةالحب في محراب الجمال السرمدي هي نورة... رائحة الدعاش ونسيم القاش واحساس الزول الفراش احبك يا رجل
| |
|
|
|
|
|
|
Re: نورة ... بت العرب النوبيــــــــــة (Re: تولوس)
|
الرائعون هم الذين يجملون حياتنا .. شكراً تولوس على الإهدءا الرائع واللحن الجميل .. تعجبني جداً أغاني الطمبور وأطرب لها .. والتحية لكل من أهديت له هذه الأغنية .. وبدوري أهديها للجميع هنا من سكان هذه الديار ..
كن بخير يا صديق .. جمل الله أيامك ..
محبتي ..
| |
|
|
|
|
|
|
Re: نورة ... بت العرب النوبيــــــــــة (Re: ابو يسرا)
|
تولوس .. قاتل الله ( غباشت ) ساعات الدوام المملة والزمن الممحـــوق جدا.. شكرا يا تولوس وعميق اسفي للتأخير .. واسمح لي اهديك البوست وباقة من الأمنيات الطيبة وأنت دائما جــوانــا واكرر اهدائي لكل الناس الهنــا . وكل الطيبين في السودان .. شكرا تاني يا تولوس .. والله يورينا فيك دائما اجمل الايـــام..
| |
|
|
|
|
|
|
Re: نورة ... بت العرب النوبيــــــــــة (Re: tmbis)
|
شكرا يا سيدي على الانتباهة التي نفتقدها كثيرا هذى الايام للتفاصيل الدقاقة بت العرب النوبية وهذا اللحن النادي بين حميد والنصري لفنان سرقه الموت باكرا يس عبدالعظيم شكرا جميلا وتحياتي لجميع المتداخلين ولكني حتما أخص صديقي الذي لم ألتقيه ( عينك عينك ) ولكن بيننا من الالفة ما يكفي للرؤية على الحلاوي
| |
|
|
|
|
|
|
Re: نورة ... بت العرب النوبيــــــــــة (Re: انعام عبد الحفيظ)
|
حبيب نورة انعام عبدالحفيظ شكرا احبتي وانا ابدا لم انسي هذا البوست الذي اعتز به كثيرا ومازالت بعض المداخلات فيه تحتاج الي ردود ولكن في الفترة الماضية .. اصابنا بعض العطب في احساسنا بجمال الروح والاشياء وصارت الامور علي عكس ما تتمني النفس البشرية من سلام وامن وامان ...قلت في نفسي ارخي البوست ده شوية يا ولد حتي يعود للمنبر رونقه وجماله البديع .. ولكنكم انتم الجمال واليكم الجمال وبكم نعود الي دروب الجمال
| |
|
|
|
|
|
|
Re: نورة ... بت العرب النوبيــــــــــة (Re: sudania2000)
|
سودانية شكرا للصورة الحلوة واريتها بتك
الطفولة عالم عجيب من الجمال فيه وجه الفتي مشابه لوجه الفتاة عالم ليس فيه مذكر او مؤنث اوفروقات جندرية لون واحد كما الازهار ونور واحد كما الابهار وقلب واحد مثل اللبن في البياض وعزوبة كانها الماء مغسول بصفات واخلاق من الملائكة وحتي الشياطين الصغيرة لها وقع جميل ومحبب
شكرا لكم لان قلبي الذي بداء يعود معكم
| |
|
|
|
|
|
|
Re: نورة ... بت العرب النوبيــــــــــة (Re: تولوس)
|
هابشت غناوي البت الراحت فرتقت ضفيرة وشلت الطل الله يا زورق وانا آه يا سيد الروح النادت ليك كورك كوراك يا زول يا نيل علينا جاااااااااااي سيد اللبن ونورة حلابة اللبيني في وحدة أبدية مع الرقاق بي اللبن وحس الشوكولا في خشم بنت مصارينها مبالغة اها علينا جاي يا نورة في عمق الروح في وسط الصورة الشوق ماسورة وحلم أتنين بي فجـّة سلام أحساس الزول القاش منتهي الفراش تتوهط شوقو نوارة وزول مكتول بي ريد الناس
| |
|
|
|
|
|
|
Re: نورة ... بت العرب النوبيــــــــــة (Re: تولوس)
|
Quote: إهـــــــــــــــداء الي مهبرة السودان وكل بناتنا
الي
بت الاحفاد غادة عبدالعزيز خالد القلب النابض سودانية200 انعام عبدالحفيظ والي كل اخواتنا هنا في هذا المنبر
نحن نتعز بكم ونفخر |
نعم الهادي والمهدى لهم..
| |
|
|
|
|
|
|
Re: نورة ... بت العرب النوبيــــــــــة (Re: DKEEN)
|
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1-التجاهل 2- التجاهل 3- التجاهل
for all posts written by ingaz gang members in this board
for all who are supporting the ingaz gang mafia islamaist theives dr mustafa mahmoud
| |
|
|
|
|
|
|
|