Post: #1
Title: يوم الاربعاء يوم فراق وداع قاهرة المعز ويوم الوصول لارض الوطن الحبيب السودان الغالى عليا دوما
Author: محمد عادل
Date: 08-14-2006, 03:10 PM
Parent: #0
يوم الاربعاء الموافق 16/8/2006 فى تمام الساعة التاسعة مساء عندما افارق قاهرة المعز
قاهرة جوهر قاهرة العروبة مصر المؤمنة باهل الله
وتصل بى الطائرة السودانية والتى لى اول مرة فى حياتى افكر بانى استخدمها للسفر رغم سفرى للقاهرة والاردن من قبل والسعودية لم استخدمها استخدمها هذة المرة حتى اكون سودانيا خالصا مخلص لوطنى هل لايخزلنى الناقل الوطنى وانى اعلم بتذبذب مواعيد السودانية بسماع كثير النكت عن هذة الطائرة من قصص الاخوة الاصدقاء هنا فى القاهرة وفى معظم بقاع المعمورة ونكت المصريين وتسميتهم بستهم
ستهم قامت ستهم جات
ذلك اليوم عندما اتحرك من مدينة السادس من اكتوبر متحركا لشرق القاهرة حيث مطار القاهرة الدولى القديم صالة رقم 1
وانى اعلم بانة ليس الفراق الاخير للقاهرة وسوف اعود لها يوم من الايام اى بعد45 يوما بالتمام والكمال وحالف يمين كما صمت جزء من رمضان فى السودان مابجى
ياربى سهل لى امرى واتخارج من مصر وجامعة مصر للعلوم والتكنولوجيا ونرجع الرجعة الاخيرة والنهائية للوطن ونبنى السودان
واغنى عندما تحلق بى الطائرة
اغنيلك واناديلك بقدر حيوط مناديلك ولما اعود من الغربة قبال ناس بيتنا بمشيلك
وايضا
بتين بتين يازمان العودة للسودان حرام يازمان نفارق ام درمان
لى امتى ارجع لى امدر واعودا
ياعزة الفراق بى طال وسال سيل الدمع هطال
نار البعدى والغربة شوق لى اهلى والصحبة شوق للشينة لوصعبة
وطنى بعدتنى عنك الايام والليالى
وطنى راجع ليك والشوق فينى يتدفق يوم ورا يوم
السودان ارض المليون ميل
وعندما تهبط بالطيارة فى مطار الخرطوم الدولى عاوز اشوف شارع المطار بحلته الذهية ذلك الشارع الرائع الانيق ونادى التنس الرياضى الذى امارس فية رياضة التنس
وامر بشارع السيد الامام عبدالرحمن وتقاطع المك نمر حتى اصل لشارع الجامعة اما مبنى وزارة الخارجية
وشارع النيل يمين ونقطع الكبرى واصل
واصل واصل واصل لمدينة امدرمان امدرمان الحبيبة عاصمة دولة الامام المهدى علية السلام
وامسك شارع الموردة عدل وامر بامام سوق السمك وقولدن قيت وريحة السمك الحلوة وانظر الى شارع كلية علوم التقانة وامر من امام امام حديقة الموردة ودخلت الهاشماب ودار الرياضة العريق
وانظر لدار حزب الامة القومى اودار الامة الله اكبر ولله الحمد
حزب الامة امل الامة
وامر من امام حوش الخليفة عبدالله التعايشى
وانظر لقبة سيدى الامام المهدى علية السلام واتبرك بنور القبة تضوى الليل وتهدى الناس سلام وامان
شان لله يامهدى الله مدد يامهدى الله مدد نحن انصارك
انصار انصار ولن ننهار
انصار انصار بنخوض النار
اواصل المسيرة وادخل شارع المستشفى والشهداء امامى وامسك شارع الدكاترة من الخلف واسير واصل لصينية ازهرى واواصل وارى ودرو واصل الى ميدان الهجرة وطبعا وصلت ودنوباوى
وهناك مسجد السيد الامام عبدالرحمن المهدى طيب الله ثراه (مسجد الانصار) وحالف الى اصلك فيك الجمعة
وادخل من شارع الدومة شارع السد عبدالرحمن واصل الى شارع الوادى العريق وامر من سوق ودنوباوى واستاد ودنوباوى ومقابر احمد شرفى وجامعة الخرطوم كلية التربية واوصل المسيرة ومدارس المنهل والخور الفاصل بين السادسة والخامسة والتالتة
واصل الى الخور الفاصل بين الرياض الثورة الحارة التامنة والسادسة والخامسة
وامسك شارع الضلط الجديد دا اكون وصلت بيتنا
واغنى نور بيتنا شارع بيتنا يوم ماجيتنا
ولسه ياوطنى متذكرك شارع شارع وحارة حارة
وياجماعة ارجوكم امنو لى اجازة سعيدة
وعقبالكم اشاءالله
|
Post: #2
Title: Re: يوم الاربعاء يوم فراق وداع قاهرة المعز ويوم الوصول لارض الوطن الحبيب السودان الغالى عليا دو
Author: محمد عادل
Date: 08-14-2006, 03:41 PM
تمر ايام وتتعدا ونقد نحسب فى المدة
|
Post: #3
Title: Re: يوم الاربعاء يوم فراق وداع قاهرة المعز ويوم الوصول لارض الوطن الحبيب السودان الغالى عليا دو
Author: محمد عادل
Date: 08-14-2006, 03:44 PM
Parent: #2
غربة وشوق
جيناكم يا حبايبنا
بعد غربة و شوق
نغالب فيه ويغالبنا
ونكتم أهة
تظهر أهة
تتعبنا
حنين لشوفة الغالين
مدوبنا
هناك ما هنتنا يا حلوين
الهم بدل واحد يبين همين
وفيها قلوبنا
تتأوه ونتاوه
سنين وسنين
مصيره الحى يلاقى حبايبه
لو صادقين
سماع أهلا
من الاحباب شروق أمال
ووصف البهجة بالكلمات
محال يتقال
حلاوة العودة
غنيناها فى موال
تحكى عن الولف
واصلة الولف كتال
|
Post: #4
Title: Re: يوم الاربعاء يوم فراق وداع قاهرة المعز ويوم الوصول لارض الوطن الحبيب السودان الغالى عليا دو
Author: محمد عادل
Date: 08-14-2006, 03:49 PM
Parent: #2
يا وطنى يا بلد أحبابى فى وجودى احبك وغيابى
يا الخرطوم يا العندى جمالك ..جنة رضوان
طوول عمرى ما شفت مثالك
فى اى مكان
انا هنا شبيت يا وطنى
زيك ما لقيت يا وطنى
فى وجودى احبك وغيابى
ياحليلك وياحليل ايامك
على ليالى زمان
وقلبى عايش لغرامك ما بعد غرام
كانت أيام يا وطنى
زى الأحلام يا وطنى
بتذكر فيك عهد صبايا
على شاطئ النيل
حبيبى جالس حدايا
أسمر وجميل
انا بفخر بيك يا وطنى
بالروح افديك يا وطنى
|
Post: #5
Title: Re: يوم الاربعاء يوم فراق وداع قاهرة المعز ويوم الوصول لارض الوطن الحبيب السودان الغالى عليا دو
Author: محمد عادل
Date: 08-14-2006, 03:51 PM
Parent: #2
اودعكم
[ودع
اودع كيف
افارق
افارق كيف
ولسه الشوق بعيش فيا
اودعكم لا ... افارقكم لا
لالا انا ما بقدر اودعكم
دموعي بتغطي عينيا
لكين اه..لكين اه
واه بتزود الالام
اودعكم لا...افارقكم لا
بتبقى عشرة الايام
اودع
اودع كيف
لو بالأيد
اعيش بينكم مدى الايام
اغني لكم
وانتو تكونوا لي الهام
ونزرع ريد
وعالم كلو حب وسلام
لكين اه...لكين اه
واه بتزود الالام
اودعكم لا...افارقكم لا
لالا ما بقدر
دموعي بتغطي عينيا
لكن اه
واه بتزود الالام
اودعكم افارقكم
بتبقى عشرة الايام
اودع...اودع كيف
عندي امل
اعود في موسم الامطار
زهور تضحك
وخضرة تتوج الاشجار
الاقيكم
ويصبح فينا احلى نهار
لكين اه...لكين اه
واه بتزود الالام
اودعكم لا...افارقكم لا
لا لاانا ما بقدر
دموعي بتغطي عيني
لكين اه...لكين اه
واه بتزود الالام
اودعكم لا...افارقكم لا
بتبقى عشرة الايام
اودع اودع كيف
في الآخر وداعا
اوعى تنسوني
انا المشتاق
بشيلكم جوا في عيوني
وبطراكم
عليكم الله اطروني
لكن اه...لكين اه
ااااااااااااااااااااااااااااااه...اااااااااااااااا ااااااااه
واه بتزود الالام
اودعكم افارقكم
بتبقى عشرة الايام
اودع .... اودع ... اودع كيف
|
Post: #6
Title: Re: يوم الاربعاء يوم فراق وداع قاهرة المعز ويوم الوصول لارض الوطن الحبيب السودان الغالى عليا دو
Author: محمد عادل
Date: 08-15-2006, 03:09 PM
Parent: #5
up
|
Post: #7
Title: Re: يوم الاربعاء يوم فراق وداع قاهرة المعز ويوم الوصول لارض الوطن الحبيب السودان الغالى عليا دو
Author: محمد عادل
Date: 08-15-2006, 03:33 PM
Parent: #6
غايتو اليوم دا منتظرو اجى بس
ويوم الخميس ماشى كورة الهلال الملايين ضد الصهاينة
واقعد فى الاستاد فوق اقعد
ونفرح وننبسط
|
|