Post: #1
Title: اللهم ارحم مصطفى سيد أحمد شاعراً كما رحمته مغنيا وإنساناووطنيانادراً وفريدا
Author: فتحي البحيري
Date: 08-14-2006, 11:29 AM
مد ايدك شيل سلاحك
لاك اضينة ولاك خايف
لاك زول تركت مزلة
لا بفوتوك فى الضكارة
انت شايف
غطت الاحزان ربوعنا
وشتت الطغيان جموعنا
مافى غير ترفع سلاحك
تحمى ساحك
تشفى بضراعك جراحك
ديل ارازل خانو كل اعراف بلادك
استباحوك فى كرامتك فى اصولك
قم تقدم أصحى من وهدت ذهولك
شق طريقك لرفاق الوجعة
منتظرين وصولك
فى صفوفهم خانة فاضية
انت سيدا وطولا طولك
بندقيتك راجية جيتك تحمى قولك
قبل مانارم تطولك 0
|
Post: #2
Title: Re: اللهم ارحم مصطفى سيد أحمد شاعراً كما رحمته مغنيا وإنساناووطنيانادراً وفريدا
Author: فتحي البحيري
Date: 08-14-2006, 11:35 AM
Parent: #1
بين سجن وبيت اشباح
وعطالة ودم مباح
ومزلة تودى الغربة
والغربة جراحة جراح
والحل فى بلدك زاتة
تتحدى سلاح بسلاح
تهزم خفاش العتمة
ويعم سودانا صباح
************
الخمج الماحق سوقنا
من بعض وفا المحتاج
والعبرة الرابطة حلوقنا
من فيض كاس الدجال
الوهم الداير يسوقنا
اصبح مفضوح الحال
ما فضل الا مروقنا
وبسلاحنا نعدل الحال
بسلاحنا نعدل المال
*********
يا غضبة نيلنا الطامح
وكتين يكسح طوفان
يا سيل الشعب الجامح
فى الثورة بعد عصيان
يا ضراع الولد الجارح
بسلاحك فى المليان
الكى للالم الناتح
والعبرة لكل غبيان
|
|