Post: #1
Title: عبدالواحد ولدنا لكن راسو قوى
Author: abuarafa
Date: 08-11-2006, 08:56 AM
انا كنت استاذ بجامعة الخرطوم وولدنا عبدالواحد كان طالب بكلية القانون بعدين لمن ناس عبدالواحد قاموا عملو الثورة دى قامو اتصلوا بينا عشان نساعدهم لانو انحنا كاخوانهم الكبار عندنا خبرة فى المفاوضات والدبلوماسية لكن اكتشفنا انو عبدالواحد راسو قوى لانو ابوسانقو الرئيس النيجيرى رعاه رعاية خاصة وعاملو معاملة خاصة لكن عبدالواحد خذلوا وتانى فى يوم 4 و5 الوزير البريطانى هلرى بن و مساعد وزير الخارجية الامريكى وعدوه بانو يبقوه بطل سلام ويلفوا بيها العالم من اجل جلب الدعم لدارفور بالاضافة الى حيدعموه فى الانتخابات القادمة برضوا رفض يوقع فى اللحظة دى انا قمت وقعت لانو اكتشفت انها دى اخر فرصة بعدين الامريكان والبريطانيين قالوا لينا موضوع نائب الرئيس والاقليم الواحد ما تفكروا فيها اطلاقا وبعدين مسالة التعويضات دى الحكومة ما عايزة تجرم نفسها وانا حسع بعد دا امشى اول حاجة اقنع اهلى بالسلام ده لانو الاقربون اولى بالمعروف.\
هذا ليس حلم بالضبط ما قاله بروفسير عبدالرحمن موسى رئيس فصيل الارادة الحرة بحركة تحرير السودان الموقع على اتفاقية ابوجا بقاعة الشارقة جامعة الخرطوم
|
Post: #2
Title: Re: عبدالواحد ولدنا لكن راسو قوى
Author: د. بشار صقر
Date: 08-11-2006, 10:43 AM
Parent: #1
ابوعرفة
سلامات
وين الزمن بيك
دائما تطل علينا بغريب الكلام
الزول ده صحيح بتع ارادة حرة!!!!!؟
كلام عجيب
|
Post: #3
Title: Re: عبدالواحد ولدنا لكن راسو قوى
Author: abuarafa
Date: 08-12-2006, 04:50 AM
Parent: #1
الدكتور بشار
عبدالرحمن موسى ده شكلوا مخلوع تماما وبعدين اغرب حاجة فصيل كامل موقع على اتفاقية وفيه حتى الان زول واحد فقط
|
|