حجة امنة ... استبيح كل الدروب شان ادخلك ...

حجة امنة....الف مرحب بيك حبابك


كم هى جميلة حين تقول..

مشتهيه لي كم قصة احكيهن

وكت القي البنات أتلملمن

أحكى وأزيد..لما الحكى

يوصل مدى

أحكى ويغيرن..وانتشى

أحكى وأعيد...

شي من حقيقة..

ومن خيال كمين و شي

أديك سر؟ ...خليك بعيد

ما تستجيب لى دمعة خاينة .. أتمردت

ما تراعى لي اهااااات وجع .. أتجددت

بس تأكد روحي ترتاح تحتويك و تهدهدك ..

وعيون تساهر تحرسك..

تتوسد الشقاء والسهاد .. بس تسعدك ..

الف ومليون مرحب حجوجه
وشكرا بكري

حاجة آمنة اخيرا بيننا

يا مرحبا يا مرحبا

الشكر للحبيبة
رفيقة الخرف, عنيدة
و لصاحب الدار العامرة
و لكل الاخوة الذين عرفونا به

كل الود
غادة

Quote: الف ومليون مرحب حجوجه وشكرا بكري

العزيزة سارة حمزة تحياتى واحترامى

اكيد حاتكون سعيدة جدا لما تعرف انك اول المرحبين

كل الود والتقدير

Quote: حاجة آمنة اخيرا بيننا يا مرحبا يا مرحبا الشكر للحبيبة رفيقة الخرف, عنيدة و لصاحب الدار العامرة و لكل الاخوة الذين عرفونا به كل الود غادة

العزيزة غادة تحياتى

كل واحدة فيهم تمثل الخرف على اصوله

استعدوا

ياريتني ابقي المستحيل

وامسح فروقات الزمن,,

يعود الحبيب حضن الوطن

ويرجع بعد غربة الامان

شوق البعيد لناس حنان

مليانه بالود والسلام

لا كلام زعل لاحديث خصام

لاشكوك لا ظن,,,

حباب الحنينه السكره
بكري الامين شكرا" لاجتهادك (معانا)
في دخول حجه خرففردتي


ابو الحروف

Quote: ياريتني ابقي المستحيل وامسح فروقات الزمن,, يعود الحبيب حضن الوطن ويرجع بعد غربة الامان شوق البعيد لناس حنان مليانه بالود والسلام لا كلام زعل لاحديث خصام لاشكوك لا ظن,,,

دا كلامي انا

حجة آمنة

الله
الخرف اللذيذ

والناس العزاز

تسلم يا بكرى

آمونة مننا آل الدوحة ..

والدويم

والشعر

بس فايتانا فى السماحة

Quote: حباب الحنينه السكره بكري الامين شكرا" لاجتهادك (معانا) في دخول حجه خرففردتي ابو الحروف Quote: ياريتني ابقي المستحيل وامسح فروقات الزمن,, يعود الحبيب حضن الوطن ويرجع بعد غربة الامان شوق البعيد لناس حنان مليانه بالود والسلام لا كلام زعل لاحديث خصام لاشكوك لا ظن,,, دا كلامي انا

انتى وهى شنو

ما الاتنين خرف x خرف

بس ربنا يهون وخاصة لما تكونو الاتنين

بكري
لك ولها الأشواق الحارة
حجوجة
بزيارتِك بيتنا نور ولله نور وكلو زينة

وسُعداء بقدومك يا أروع من عرفنا، والشكر موصول للبكريين.

يا وعد الغيم بهطول الفرحة


امل اهداب النجمة العاصية


تساهر تحرس ظلم الليل الحالك طول


بشارة فال فى عيون اطفال


مدو خطاوى الالفة السارحة ورى النجمات


وعد النيل ... الخالد حضن امال الفل العاند


اختار ضلك ... اصبح جارك

مد شعاع من وهج احساسك

طوق جيد الشمس

ضاعت نجمة ؟ ... هلت عتمة؟ ... سور الفرقة؟

وعدك امين ...انا بستناك ... وانا راجياك ...

فارده ضفاير من امال ...

تنشر عبق الدهشة مع الشبال ...

وانا راجياك ...

Quote: مشتهيه لي كم قصة احكيهن وكت القي البنات أتلملمن أحكى وأزيد..لما الحكى يوصل مدى أحكى ويغيرن

أحكى يا حجة
فأنت بوردابية قبل أن يسجلك بكرى

منتظـرين في شـوق كـبير..

مـني

الحاجة امنة


الف مرحب بيك
وكان ما شالك البورد
يشيلك الراس




مرحب بيك يا حاجة
واتصبري
علينا نحن بورداب الدوحة حركتنا زايدة شوية

Quote: مشتهيه لي كم قصة احكيهن وكت القي البنات أتلملمن

اها يا حجة آمنة
نحن الينات
انا جيت,,
و الباقيات برضو اتلملمن
مستنين القصص
و الحكاوى,,
و عازوين نغنى مغاك
كل الاغانى

ودى
غادة

جميلين بى شكل ...

مليون الف مرحب حاجة امنة

ونورتينا والله

كدي نشوف لينا راكوبة نشرب لينا شاي

حمدلله سلامة الحاجة يا بكري الامين وعنيدة

العزيزة حجة آمنة


سعيده جداً بوجودك يا رائعة

وشكراً ليك يا ود الأمين

ودي ومحبتي وكل احترامي

سلامات
وعوافي
حاجة امنة .. امنت بيك ..
ياست الحكي اللين وظريف ..
لبستي القصة توب ابيض ولفحتي طرحت خطك المليان وجيتي زرتنيا..امانة ماك طيبة وسمحة ..
اها شن قولن بقولوا بعد قولك يازولة يا بيضاء ..
مليون مرحب بيك ... وادفقي .. اروي العطش ..

سلامات
وعوافي
يابكة ..
قول لي حاجة امنة مشتاقين سمح ... عشان انا بخجل منها سمح..

ألف مرحب يا حجة آمنة ..

يلا أحكي البورد كلوا بنات راجين الحكي..








ـــــــــــــــــــ
تخريمة

كنت قايلة حجة آمنة مولودة جديدة ودخلت أبارك لقيت حجة آمنة بيقولوا ليها أحكي وأكتبي ..

فرحانة بيكم جنس فرح ...

بالله يابكرى قول ليهم ... كده كتير شديد

وقول لى ودرملية ... انا لسا ما مسكت الدرب عديل

باقى لى بلدكن دى صعبة شوية كدى ..

Quote: حجة آمنة الله الخرف اللذيذ والناس العزاز تسلم يا بكرى آمونة مننا آل الدوحة .. والدويم والشعر بس فايتانا فى السماحة

هندسة ياجميل

تحياتى واحترامى

هنا اترك لكم القلم فانت ادرى

بس اوعه من الشوت الضفارى

Quote: مليون الف مرحب حاجة امنة ونورتينا والله كدي نشوف لينا راكوبة نشرب لينا شاي حمدلله سلامة الحاجة يا بكري الامين وعنيدة

حسام كيفك ياجميل

وينك انت فى الحوش التانى

ولا خلاص ضمنت يافقر

.

حاجة آمنة حكاويها في صرتها وقروشها في مفحضتها طيبة لكن بخاف من مفراكتها
أبو بكر
صباحك خير يا عسل

مبسوط منك، و قلوتيتك دورت رسين خلق الله. اتصل بي اسحق قبال ماأشوف كشف اليوم الجديد، قال لي:
- " أبو عمر ، إن شاء الله كويس. قريت بوست حاجة آمنة؟"
قلت ليه دون ما أفكر.
- آآآآآآآآآ . هي كمان جات هنا؟
سألني:
-" هي منو يا أبي؟ "
ضحكت، قال لي:
- ولا ده كلام تعرفوه براكم؟"
قلت ليه كان كدي أقوم على الكمبيوتر، دي حاجة رائعة، لكن انت شفت مفحضة ولا صرة في البوست؟
الصرة فيها حكاويها والمفحضه، بالحيل بريدها، وكت تفتحها وتمرق القرش وتقول ليك عافية منك يا ود أمي، سوي ديل في حلاوة. لكن ما بخاف من شئ في الدنيا غير كنشها، يجيك لب في الضهر.
حاجة آمنة حبابك متلفي في توب الزراق، ومتريحي بي بي بت السودان و التوب معطناه في بت مسيمس و وشلة كدي من بت القسيي.
املصي حجباتك ديل، ختيهن في ضهر السحارة ديك.
اتوهطي وأنا البدا ليك.
قلت لي جدك ود العمدة وكت دار ياخد بت عند الله ، أمه مالها أبتها؟
وجاني الكنش المرة دي في نص الراس.
-" قوم يا مطموس كوس لك شغلة،جدي ود العمدة المتلو منو؟ حليل الرجال. الرجال رقدت شرفي
أخوي أبو بكر فتح عينك، واقعد بعيد، خلي البنات لي جوه متوهطات في السباتة وأنا وانت بنعاين بي الشباك. عشان في كلام ما قلتو ليك، حاجة آمنة اشترت ليها سلبة جديدة وطويلة.
شكرا لك أخي إذ ابتدأت يومي بالضحك، قبل أن تكشر في وجهي شمس الصحراء.
وتحية لحاجة آمنة الرمز، وتحية للشخصية. بل تحية لك آمنة، وإن روعتها الأيام.
و أحب خالتي حاجة آمنة. وأشرككم معي في حبها.

.

الأستاذ أبوبكر
سلام وشوق
مرحب بيها حاجة آمنة ومرحب بحكاويها ونوادرها. البنيات إتلملمن، رشن الأرض وفرشن السباته وطلقن البخور وسون الجبنة، بس منتظرات جيتك يا حاجة وماتنسي تجيبي معاك وديعاتك عشان الونسة تحلى.

Quote: شوق البعيد لناس حنان مليانه بالود والسلام لا كلام زعل لاحديث خصام

كلام حلو ورايق ياأبوبكر
تعريجة: ماقلت بتجينا ياحليل مجيك !
-------- عمر - الرباط

Quote: -" هي منو يا أبي؟ "

الاستاذ ابى تحياتى واحترامى

ليك وحشة ياجميل ولقريبى اسحق

وحجة امنة هنا ردت لاسحق

ومفاجأة لاستاذنا ابى

قالت


مشتهيه لي لمة حريم ..وبنات كتاااااااااااار

فى ضل ضحى

راكوبة في بيتنا الكبير الفى الدويم

جبنه و بخور..فنجان يدور

أول بكر ..تانى التنى ..

يابت كفاك

يرمو الودع..

أخدر طوووويل..

يابت وليد الصرة جاك ..

أملي ليّ الفنجان يا شبيهة البسكي
كبي لي التني والتالت هاك مني أمسكي
وفنجانك يا حاجة مقيّم بقزازتين وسكي

حبابك عشرة بلا كشرة يا حاجة والتحية للأخوين أبوبكر وأبي عزالدين.

انا احب حجة امنة والعاجبو عاجبو والما عاجبو يتصرف
لكى الؤد ايتها البنية السكرة....
وانت يا ابوبكر لو لقيت طريقة تدخل شوف لى مطرح ولو ايجار،،،

مرحب بى حاجة آمنة ،،

وحللتى اهلا ونزلتى سهلا علينا ،،،

Quote: اختار ضلك ... اصبح جارك مد شعاع من وهج احساسك طوق جيد الشمس ضاعت نجمة ؟ ... هلت عتمة؟ ... سور الفرقة؟ وعدك امين ...انا بستناك ... وانا راجياك ... فارده ضفاير من امال ... تنشر عبق الدهشة مع الشبال ... وانا راجياك ...

حاجة أمنة كلامه سمح؟

هي .. بسسسسسسم الله

شهدت لحظة مخاض هذا البوست
كان الطلق في بيت بدر الدين والناس في تمام الشواء
والإستواء
وبعضنا عبر الجسر في أول المساء
فقد كانت مقيل
من ذاك القبيل

دخلت وجدت أبوبكر شارف على ختم البوست ودعاني للمساهمة
طالعت العنوان
{ حجة آمنة }
تمنعت قائلآ :
خلاص كملن البنات
وجانا دور الحاجات

دي أول مرة يحكي فيها ناس كتار عن زول/ة بهذا الحب
وما أكون بعرفو
يظهر إني كبرت

مرحب بحجة آمنة
أها بدأت العرفة

الويحـيـد ياهـوداك يعاينلك..
والتاني جـنبه يحـدرله!
ديل منو ده ياربي..تعرفيه?

ظـنيت الويحـيـد يبقي محمـد ود خـالي حـسـن
والبحـدرله داك يكـون ود جـيرانا كمال..
كـان قـال دايرني..
الرسـول كـان مارميتي ودعـك تاني?

أصـدق يا أبو الأحـلام

الوحـيـد تاني جـه ..
معاهـو نسـوان اتنين واحـدة قصـيرة صـفرا تعاين لك مبسـوطـة
والتانية غليـده وكـبيرة مـلاها..
دي منو دي? باقي لي زعـلانة!

آيوه والله صـدقتي ..
الصـفرا دي خـالته ودايراني اعرسـه..
الغليـدة دي خالته التانية ودايراهو لبنيتها..
كـدي شـوفي الموضـوع ده ماشي كيف..
ياربي بيتم?
حـلاوتك عنـدي كـبيره ان تم!

الله يهـون
أصـدق يا أبو الأحـلام

.

اقيفي النحدثك بي قصتي مع حجة آمنة
زولتك قشرت ليك قشرة طيري ولما لقت بابي فاتح توش انقطعت في البوست حقي
كاتب ساخر من الدويم/ الطيب عبد الرحيم خلف الله
أها ما أطول عليك جابت كلاما عجيب وردت ليها، لكن باقي لي بعد تركب نضارتها في عيونها، أقصد لمن تمرقها من صرتها، بكري أبو بكر يكون وداه الأرشيف.
قالت لي كلام ورديت ليها،
حجة آمنة سر شنو.
شي نوبة وترجمة وشي جبنة وشي ودع مالك نسيتي الدستور، دستور يا أسياد. ولا أظنك غرقتي في الذكر؟
الجبنة من لوازم الودع . ورغم أن هنالك أوجه كثيرة في لقراءة الحظ؛ مثل قراءة الكف، قراءة الفنجان، الرمل، قراءة اللوح وقراءة الماء الذي يصب في (القرعة) أو (الكورة). إلا أن أهل السودان مغرمون بالودع خاصة دون غيره،ولهم في ذلك حكاوى، تعد شرطا في ممارسة المهنة ولهم أيضا طقوس لا يمكن تجاوزها.
أما الحكاوى، وهي غالبا من صنع الخيال:
أولا:
قد تدعي إحداهن أن زائرا زارها في المنام وأذن لها برمي الودع وهذه تسمى (المحلمة) وهو أدني إذن يخول للوداعية أن تمارس المهنة.
ثانيا:
قد تدعي إحداهن أن زائرا زارها و سلمها سبع ودعات بيض، وأنها لما صحت من نومها، وجدت الودع بجانب السرير. وتشهر نفسها قارئة من درجة أرفع من الأولى.
ثالثا:
قد تدعي إحداهن أن زائرا دخل بتها وبيتها مغلق الأبواب، وناولها الودع وأذن لها. وأن حوارا قد دار بينهما فقالت له إنها لا تعرف قراءة الودع، فقال لها :
" قومي برمي الودع وأنا أفسر لك".
فإذا جلست لقراءة الحظ، كان واقفا أمامها يحدثها بما (قاله) الودع، من حيث لا يراه الحاضرون ولا يسمعونه وهذه درجة عظيمة. لأن القارئة تستطيع أن تسأل الرجل مباشرة.
أما الطقوس:
أولا:
لاتشذ إلا القليل من الوداعيات في أن العدد المصرح به سبع ودعات، أما الودع المجلوب من (أولاد كذا وكذا) فهو تسع ودعات وهن رمز لأبناء الجني الذين ماتوا ولهم قصة أخرى. فإذا قامت صاحبة التسع للعمل لا بد أن تتفل في ودعها تسع تفلات. ولا تعتد الأولى بذلك.
ثانيا:
القارئة التي من الدرجة الثالثة واسمها( الشايلة أو الشايفة) فلابد أن توقد البخور ويشم الجن رائحة البن المقلي، فهو مرتبط بالجبنة ارتباطا كبيرا.
ثالثا:
لا بد من جعل مادي يوضع قبل الشروع في العمل ويسمى ( البياض). ويجب أن يكون من عملة معدنية ولا يجوز التعامل بالورق، ولا الذهب. أما الذي يعطى هدية بعد الانتهاء من العمل أو (الحق) إذا عالجت المريض، أو كشفت مكان المسروق، فلا بأس أن يكون أي نوع من المال، حتى ولو كان ذهبا وفضة.
رابعا:
إذا جلست الوداعية من الطبقة الثالثة، فلا بد من تغطية رأسها، وبعض منهن يشترط أن تبل الأقدام بالماء.
خامسا:
أن يرمي الزائر الذي يراد قراءة الحظ له الودع بنفسه، خاصة الرمية الأولى.
سادسا:
أن يصمت الناس ولا يتحدثون أما الشايلة، إلا إذا أذنت لهم أو يصيب المتحدث ضرر وخيم.
وتسمية الودع نفسها تبدو غريبة ولكن إذا رددناها إلى الوداعة بفتح الواو وهي اللطافة، فلربما لأن النشاط نفسه مرتبط بالإنس وشراب البن. وإن كان من الوداعة بكسر الواو وهي الأمانة فقد يكون المعني أن الجن استودعت الوداعية هذا الودع، فالوداعية من الدرجة الشايلة، حين تهجر هذه المهنة فيجب أن تضع الودع في دار خربة حتى يستلمه صاحبه، أو تذهب إلى النهر وتقول كلاما ثم ترمي به في الماء.
سابعا:
تخصص الوداعية يوما لا تمارس فيه المهنة وفي الغالب الأعم هو يوم الجمعة، ولكن ذلك يعتمد على يوم زيارة الجني، وبعضهن يدعين أن الذي زارهاليس جنيا بل هو ولي صالح، وقد تذكر اسمه.

والوداعية تعتمد في عملها على سيكولوجية الذي تقرأ له الحظ، فهي لا تقول كلامها جملة واحدة. بل تبدأ كلامها كما يلي:
- ووب على النسوان المتشاكلات ديل مالهن؟
وتستدرج المراة الأخرى لتقول لها بكل بساطة:
- ديل أخوات راجلي، أصلهن من يوم عرسني ما دايراتني و.....
تقول الوداعية:
والمرة السمينة دي مالها يا بنات أمي؟
فترد التي يراد قراءة حظها:
دي أم راجلي، هي مرة طيبة لكن بتخاف من بناتها.
تقول الوداعية:
- سجمي البنات ديل ملجمات أم الولد راجلك ده ، خاتات ليها العمل في زريبة الغنم ولا دافناتنو فيها ربك يعلم . كدي أقيفي النشوف الودع قال شنو؟
أو تستعمل مصطلحات أهمها:
الوحيد والوحيدة ومعناها الولد أو البنت التي لا أخ أو أخت لها
ثاني أخوه أو تاني أخواتها
أولاد الصرة وبنات الصرة وهم الأشقاء الذي يزيدون على الاثنين
وهي حيلة للاستداج أيضا، فحينما تقول :
تاني أخوه ده والله بسافر سفرا طويل لكن برجع.
فتبحث التي يقرأ لها الحظ في سيرة العائلة كلها وقد يدور في رأسها أنه فلان ابن فلان، وتحسب أن الوداعية رأته بين حبات الودع.
ونلتقي ياحاجة( في شان نعرف ودعاتك كمهن. محلمة ولا متعلمة الودع ده؟ ودعك أبيض ولا مخازز؟
والنوبة دي موضوع تاني خالص.
الرسول سلمي لي على بنياتك لامن اجيهن

.

الأستاذ أبي
سلام واحترام
كلام جميل ومعلومات قيمة عن الودع والوداعيات والمرة الجاية دايرين معلومات عن الريح الأحمر (الدستور). هذا المخزون التراثي والثقافي هو الذي يميزك يا أستاذ، أكيد كنت بترقد مع حبوباتك ، وما في شك أنك كنت بتجالس الناس الكبار، وأهلنا الكبار فيهم الخير والبركة ومصدر كل شيء جميل في حياتنا. ماقلت ليك ياحاجة آمنة وإنت جاية ما تنسي تجيبي معاك وديعاتك عشان الونسة تحلى، شفت الونسة بقت حلوة كيف ، ولسه حتحلى أكتر. الودع داير البياض ونبشرك بياضنا بالدولار.التحية ليك وللأخوين أبي وأبوبكر.

حجوج

سلامات

و سعيد لوجودك بيننا ..

أجيب الصورة و لا مافي داعي

قااااعده ...


متابعة ....

حجــة آمنـة

ومن الدويـم

وأنا آخر من يعلم؟

مرحب بي حجة امنة في المنبر وان شاء الله نسمع ونطرب بي كلامك السمح


أحمـد الشايقي

Quote: أكيد كنت بترقد مع حبوباتك ، وما في شك أنك كنت بتجالس الناس الكبار،

ده كلام شنو يا إسحق، ومستغرب مالك ما أنا ذاتي بقيت حبوبة. وقصة الودع دي، إنت شايف واحد برميه أخير مني ولا شنو معناة الكلام ده. هوي فتح عينك قبال المفراكة ما تقع في الراس
تخريمة
الحبوبات في البورد كتار بس كاتلين حيلهم وساكتين، وأنت يا نديدي نسيت رقبتك ولا شنو؟

Quote: باقى لى بلدكن دى صعبة شوية كدى ..

حجة آمنة اتصبري ....

---
بكة ازيك يا حبيب

Quote: بكري لك ولها الأشواق الحارة حجوجة بزيارتِك بيتنا نور ولله نور وكلو زينة وسُعداء بقدومك يا أروع من عرفنا، والشكر موصول للبكريين.

العزيز النزير لك التحية ياجميل

وشكرا للمرور والترحيب الانيق

Quote: مليون الف مرحب حاجة امنة ونورتينا والله كدي نشوف لينا راكوبة نشرب لينا شاي حمدلله سلامة الحاجة يا بكري الامين وعنيدة

الجميل حسام لك التحية ياذوق

اها شد حيلك ومنتظرين

Quote: العزيزة حجة آمنة سعيده جداً بوجودك يا رائعة وشكراً ليك يا ود الأمين ودي ومحبتي وكل احترامي

العزيزة نانا تحياتى

وشكرا ليك وامسكى قوى

Quote: قول لي حاجة امنة مشتاقين سمح ... عشان انا بخجل منها سمح

وانا اكون شنو

عموما وصل

Quote: أبو بكر صباحك خير يا عسل

الاستاذ ابى تحياتى ومساك النور

متابع ونظرى يتجول مع كل رمية ودع

ويوم بكرة جميل

Quote: الأستاذ أبوبكر سلام وشوق مرحب بيها حاجة آمنة ومرحب بحكاويها ونوادرها. البنيات إتلملمن، رشن الأرض وفرشن السباته وطلقن البخور وسون الجبنة، بس منتظرات جيتك يا حاجة وماتنسي تجيبي معاك وديعاتك عشان الونسة تحلى.

الاستاذ اسحق قريبى تحياتى

حجة امنة تحمل طعم الدويم الحلو

وعلى درب الاستاذ ابى تتلمس الطريق

السباتة مفرشه والجبنة مدورة

ويابختنا بالجنيات ورجال احارة فى الحوبة

Quote: كلام حلو ورايق ياأبوبكر

العزيز عمر تحياتى

كلام حجة امنة حلو

وهى احلى واروع

Quote: وانت يا ابوبكر لو لقيت طريقة تدخل شوف لى مطرح ولو ايجار،،،

العزيز صديق الموج تحياتى يارائع

اعفينى من المهمة دى

لانى خايف تقول لى اقعد انت هناك

والخواف ربه عيالو

Quote: دخلت وجدت أبوبكر شارف على ختم البوست ودعاني للمساهمة

عزيزى لان بصمتك تمنح حياة اكثر روعة وجمالا ودمت

Quote: بكة ازيك يا حبيب

جعفر ياصديقى ...

مشتاقين

الأخ الغالي أبوبكر
يا بختنا وحظنا إن كانت حاجة آمنه من مدينة الدويم ومافي أطعم من ناس الدويم(الأساتذة أبي عزالدين، أحمد الشايقي، الطيب عبدالرحيم، الطيب برير، إسماعيل وراق، خضر العريس ... الخ على سبيل المثال لا الحصر وعذراً لمن لم أذكر اسمه).

سا اظل اجلب كل يوم وردة

Quote: سا اظل اجلب كل يوم وردة

وحا يكون اول مرة فى حياتنا نشوف لينا (حجة) بتجلب روحها،،

بكة.. تحياتي..

و (الليلة جيت شايل الفرح)..!

معاك بنرحب بحجة آمنة..

و منتظرينها تدينا كل أسرار هذا الإبداع..

اول حاجه
دي مفاجأة كبيرة جدا

ودا مكانك حجوج
وتستحقي اكثر من ذلك

امشي اتحاومي تاني في اماكن وزقاقات اخري


تحياتي بكة لهذا الحضور الجميل

كدا الواحد لقي احبابوا معاه في مكان هم اكثر احقيه له


يلا ابدعي

حجة آمنة
صباح الخير
كلامي الداير اقولو ليك ده عشان نخش في الجد. انا جيتك لي الشغل.
أول في التبادي كان لي البنية الجابت ليك طاري العرس دي من قبل شوية، بت الصرة وأم الويحيدة، ما بجيب اسمها، عشان ما ادخل رقبتي في الدرب الضيق. أنا جبت اسم زول هنا؟ لا. وكت ما رديتي برد لي رقبتي. البنية دي ما تصدقيها، دي مطموسه ساكت بتدور تشوف مويتك يالرايقة . عرس واحد كايسالو مافي.
لكن اسمعي كلامي أنا.. أنا بنضم ساكت. أفـُّـو.
- أرخي أضانك ، بدور لي مره، آآآآآآآآآي مره ، زي ما بقولوا الجماعة (إمرأةً) ويعوجو خشومهم فوقها ، كيفن كدي ما بعرف.
بدورك ترمي ودعاتك ديل وتشوفيها لي.
مستغربه مالك ومنططة عويناتك، قولي بسم الله.البنية دي أسع ما جابت سيرة الكلام ده وقالت الدايراه، مالو أنا قندول مشنكل الريكة؟
أسمعي البنية البدورها بنية رايقة زي موية النقاع،
بدور احس بي محلها في جواي وكت تسكن شراشيفي،
أختها في بكان النتاحة الباقة في قلبي
بنية زي أمونة الغنو ليها كثير،
واحدين قالو باميي رهافه
واحدين قالو ضامر هافه
واحدين قالو شفنا الشافه
بس براي بجيد اوصافه
سابل ديسها فوق اكتافه
ما شفتوها ياخلاني؟
والله مقدرة وكت الولد سيف الجامعة ده يقول:
من يوم داك جاني الجاني
والله الدنيا تمسخ علي
*
- آآآآآآآآي بدور
المن النسيم تتضارى
*
بنية أحس بيها مارقة من نفسي(بفتح الفاء).
ولا زي ما قال عادل ود محمد خير ، الله يديه العافية
(كأنك بتنبعي من فرح جواي)
الوصف ده ياهو الغلب الداواي
بدور بنية زي......
زي نورة وكت حميد يوصفها


هيْ .. أقيفِنْ .. ‏
نورا فِيكِنْ
نورا ... نقّاحة الجِّروفْ .. ‏
نورا ... حَلاّبة اللِّبيني .. ‏
للصغيرين والضِّيوفْ ‏
نورا ساعة الحَرْ يولِّعْ .. ‏
تنقلِبْ نسمة وتطوفْ ‏
تَدِّي للجيعان لقيمة ‏
وتَدِّي للعطشان جغيمة ‏
والمَخَلِّي الحال مَصَنقِرْ .. ‏
في تَقَاة اللّيل تَندْقِرْ .. ‏
تدِّي لي باكر بسيمة ‏
تَكْسي للماشين عَرَايا ‏
وفوقا ينقطّعْ هديمه ‏
‏ما عِرفتِنْ ... نورا إنْتِنْ .
.قولِنْ إنتن شِنْ عِرفْتِنْ ‏
***** ‏
‏
نورا أخُتْ كُلّ الغلابة ‏
نورا حاحاية الشّقاوة .. ‏
نورا هَدّاية الضّهابة ‏
الأراضي اليَاما أدّتْ .. ‏
نورا ... بقّتْ من تُرابه ‏
وماشي في الأعماق سحابه ‏
مشتهنِّها .. والله جابه ‏
الله جابه ... الله جابه ‏
للجنوب طبلاً‎ ‎‏ يَهَدْهِدْ ‏
ليل مشاعر ناس تعابة ‏
وللشّمال طنبور يَسَكِّتْ .. ‏
دمعة الميتين كآبة ‏
ما عِرِفْتِنْ نورا إنتِنْ ..
قولِنْ إنتن شِنْ عِرِفْتِنْ ‏
نورا
‏ عايزه تقرأ . قالتْ ‏
فوقا حيطة الدِّنيا مَالتْ ‏
خَتّتْ الكرّاس وشَالتْ ‏
منجلاً صَالَتْ بو جَالَتْ ‏
لامِنْ إنجرحت بو شالَتْ ‏
لي التراب فوق إيده كَالَتْ ‏
ومَرّة يوم في الدُّونْكَا لِدْغَتْ ‏
جاء الفقير بالليل حَوَاهَا ‏
ويوم ملاها الهم قطايع .. ‏
جاء البصير بالنّار كَوَاهَا ‏
ونورا . ما قِدْرَتْ تمانع .. ‏
تقنع النّاس المعاها ‏
مرة شافت في رؤاها ... ‏
طيرة ... تاكل في جناها ‏
حيطة تِتمغّى وتفلّعْ .. ‏
في قَفَا الزّول البناها ‏
في جنينة سيدي سِمْعَتْ .. ‏
شتلة تصقع لي الوَرَاها ‏
الأرض .. ‏
‏ لابُدَّ ‏
‏ ترجع ... ‏
للتِّعِب فوقا ورعاها ... ‏
غيمة ... والنِّيل موجو لاها ‏
والعطش شقّقْ شفاها ‏
الشّمس طَبَقت ضُحَاهَا ‏
الخليقة لقت إلاها ‏
نار
عقاب إنسان مكسّر .. ‏
فوق تَلَكِّيات متاهة ‏
وضَوْ من الله .. رهاب مكتّفْ ‏
في وتيد اللّيل معاها ‏
بين ربوع حَضَره وخلاها ‏
فَسّرَتْ لي النّاس رُؤاها ‏
وقالوا .... جَنّت .... ومو براها ‏
ونورا زادت فوق شقاها ‏
‏ ‏و صَدّتْ الأيام .... تحُشْ ‏
تبني لي عصفورة عُشْ ‏
في السّواقي تشوف عزاها ‏
لما شوقه يسوِّي .. أُشْ !!! ‏
تملا ... تزرعْ ‏
ترعى .. تقرع ‏
للنهار في الليل تخُشْ ‏
عِرْفَتْ الشّقَا والشّقَاوة ‏
إلاّ .... ‏
ما عرفت تغُشْ !!! ‏
شايلة طولة البال من الله .. ‏
ومن أراضينا الإثارة ‏
وماشي تكدح طول نهاره ‏
وترجى لما الليل يَفلِّلْ .. ‏
تسرِق ألمي عشان خداره ‏
عشان صغاره .. ‏
عشان خداره ‏
عشان صغاره .. ‏
ولما ترجع لي دياره ‏
تنزف أحلام الفقارى ‏
من عويناته الحيارى ‏
لي غُبار الحال تقُشْ ‏
فوقو لي الآمال ترُشْ ‏
نورا .... ‏
تقعد ‏
‏ صاحيي تحلم .. ‏
بي بيوت بي نور ودُشْ ‏
وبالمحبة تشُق دروبه .. ‏
ولي قلوب الكل تخُشْ ‏
نورا ... ‏
‏ تحلم بي وجود ‏
ما مشت بينو القيود ‏
أفضل أفضل بي الكتير .. ‏
بي وطن من غير حدود ‏
نورا تحلم بي عوالم ‏
زي رؤى الأطفال حوالم ‏
لا درادر .. ‏
لا عساكر .. ‏
لا مظاليم ‏
لا مظالم ‏
نورا تحلم .. ‏
ولما تحلم ..... نورا ترجِفْ ‏
ولما ترجف .... نورا تحلم .. ‏
ولما ريح الواقع المُرْ .. ‏
لي عشيش أحلاما ينسِفْ ‏
نورا ..... تنزِفْ ‏
وفي الوجود .. وجدانه يهتفْ ‏
حالة .. تقرِفْ .. ‏
حالة تكسِفْ .. ‏
حالة تكسِفْ .. ‏
حالة تقرِفْ .. ‏
وتبدا تقضِفْ .. ‏
ولما تقضِفْ ‏
‏ بالا يهتِفْ .. ‏
وتملا باله أحلام بتلصِفْ ‏
يوم حا تنصِفْ ‏
يوم حا تنصِفْ ‏
نورا .. ‏
لسّه بعيد .. ‏
هناكَ .. ‏
وتبدأ تحلم .. ‏
ولما تحلم نورا ترجِفْ ‏
ولما ترجف نورا تحلم ‏
صاحيي تحلم.. ‏
وصَاحْ بتحلَمْ ‏
صاح بتحلَمْ ‏
بتحلم صاحْ

- استغفر الله يا ججة آمنة مالي الما ببكيني شنو؟ قايلاني بكيت بي إرادتي.

• ما أكتر عليك الكلام ياحجة، بسم الله ده بياضي رميتو.
كش كش
- لا ، لا الرمية دي لازم تعيديها ما عجبتني
كش كش
- لا ، لا لا لا .بالله شوفي الودع ده بحمر لي كيفن؟
- يلا، لمي ودعك ده ، أظنو الدنيا حر، أرميه لي وكت تاني ولا خليني أمشي لي الفكي. قالولك الفكي الجديد ده اسمه أبو بكر يوسف، والله كلامو شوف عين وإيدو لاحقة.
ودعتك الله

عاد اقول شنو ؟

الخمسة فى الاتنين ...

بروق و بجى

يا حجة
ما عيب عليكي إنت وبت ولدك أبوبكر ده ، تقفلوا باب الحوش والناس مترصين عند الباب؟

بوســت دافئ بشـكل؟

وبـه كل أصــدقائي,




لكم جميعا تحياتي وبكم جميعـاً إعجابي,



أحمـد الشايقي

up

عشانك يا ابى

وباقى كلامنا ...

عزيزى الاستاذ ابى لك التحية

اسرجت خيلى من قبل فى دروب ظللتها غيمة من الظلمة والسفر الطويل


استبحت الدورب عشم الوصول رغم الظلمة وعتمة القدر السواد

لكنى اظل ابحث عن النهار كى يكون دربى اكثر خضرة وجمال

فماذالت خيلى تقوى على مواصلة المسير وماذال عندى انفاس تمارس حرف الشهيق

وتلفظ معانى الزفير ..لذلك اكون انا...وتكون مرحلة التنافر والتوازى

ليكون ميلاد المد قادم ...

رمضان كريم

تصوموا وتفطروا

على خير