Post: #1
Title: يا أهل الرياض ... يا أهل الـ ...
Author: معتصم الطاهر
Date: 08-04-2006, 10:49 AM
Parent: #0
(يا أهل الرياض , يا أهل الحس والأذواق .. ومحاسن الأخلاق, أما والله لألحننكم لحن العصا في يد المايسترو الموسيقار , ولأعصبن عيونكم عن كل قبح .. ولأضربن دفوفكم ضرب غرائب الإبل ، يا أهل الرياض ، إنّ الجمال إستبطنكم وأخانا عماد عبد الله إستوطنكم .
والله إني لأرى بوستاتا ً قد اينعت وحان قطافها ، واني لصاحبها وإني لأرى الدموع ترقرق بين الشنب و واللحي ، والمسيرة والطرحة .. يا أهل الرياض ..إن أمير الدوحة نثر كنانته بين يديه فعجم عيدانها ، فوجده أخضرها عوداً ، وأورقها غصنا ، فرماكم به لأنكم طالما آثرتم الحسن ومواقع الفتنه ، واضطجعتم في مراقد الجمال ، والله لأنكم الأجمل في البلاد ، فلأجعلنكم مثلا في كل واد .
إنّه بن عبد الله، عماد
وإنّه يا أهل الرياض ما وعد إلا وفي ، ولا عزم إلا مضي ، فإياكم ألا تجمعوا له الجماعات ، وتكرموه بالمقالات ، فإنما انتم يا أهل الرياض كقرية كانت آمنة يأتيها الحديث رغداً من كل مكان ، فأتاها وعد النوار من ربها ، فاستوثقوا واستقيموا، واعلموا ، ولا تميلوا ، وتابعوا ، وبايعوا ، واجتمعوا واستمعوا ، فليس منه الإهدار والإكثار ، إنما هو هذا الغصن الذي يكتب وتلك الريشة التي ترسم .. ثم لا ينسلخ هذا الصيف من الشتاء حتى يتدلى العماد إلى الدوحة من صحبتكم ، ويقيم لنا أودنا ، ولسوف نرى ..
|
Post: #2
Title: Re: يا أهل الرياض ... يا أهل الـ ...
Author: ابو جهينة
Date: 08-04-2006, 03:57 PM
Parent: #1
عظيم الدوحة معتصم الطاهر
سلام لك من بطحاء الرياض و نجود نجد
أما بعد
تسلمنا بيد الشكر كتابكم المبعوث لنا على جناح محبتكم الإسفيري و قرأناه و إطلعنا على ما جاء به من معانٍ تخص سيد شباب الإمارات عماد بن عبد الله .
تالله لقد صدحتْ طيور الرياض طرباً إستعدادا لشجو طويل ترحابا بمقدم هذا المفوَّه ذو الطلعة الحبيبة .. و لو كنا نملك كما يملك أمراء العصر لفرشنا الورود من بوابة الخليج حتى تخوم نجد ..
هذا الفارس الممتطي صهوة روحه الشفافة و المتوسد محبة الناس و الغامس ريشته في رحيق الجمال و المتمدد في كنف الحس المرهف .. لهو في حدقات العيون قبل أن يأتي .. فما بالك إن أتى ؟ و عن أهل الرياض أقول له : حللت سهل قلوبنا و نزلت بين ظهراني أهل سيكيلون لك الوداد حتى الثمالة.
مرحبا عزيزي عماد
شكرا معتصم.
|
Post: #3
Title: Re: يا أهل الرياض ... يا أهل الـ ...
Author: معتصم الطاهر
Date: 08-04-2006, 05:04 PM
Parent: #1
يا ها المحرية فيك
أبو جهينة
و الزول يستحق
|
Post: #4
Title: Re: يا أهل الرياض ... يا أهل الـ ...
Author: Salah Abdulla
Date: 08-04-2006, 06:26 PM
Parent: #1
معتصم ..
سلام وتحية .. أشهد أن لغتك عالية جداً.. من أين تأتي بمثل هذا الكلام (السمح) يا معتصم؟؟ أم أنكم - معشر الشعراء - شواطينكم قوية .
والله يا صديقي أنني اخشى أن يعاود صديقنا الحنين لتلك المدينة الجميلة الضخمة ، والتي فارقها مؤخراً بعد أن قضى فيها خمسة عشر عاما ونيف .. فيحرق سفن أوبته !! لكنا سنكون له بالمرصاد ، فيرجع قبل أن يرتد الينا طرفنا ..
|
Post: #11
Title: Re: يا أهل الرياض ... يا أهل الـ ...
Author: معتصم الطاهر
Date: 08-05-2006, 05:41 AM
Parent: #4
صلاح الزول دا أربط طرف توبو عندك ..
|
Post: #5
Title: Re: يا أهل الرياض ... يا أهل الـ ...
Author: Elmosley
Date: 08-04-2006, 06:48 PM
Parent: #1
ابقو عشره عليهو
وتسلم يامعتصم
|
Post: #6
Title: Re: يا أهل الرياض ... يا أهل الـ ...
Author: معتصم دفع الله
Date: 08-05-2006, 01:06 AM
Parent: #1
سمي العزيز .. تحياتي يا يا زول يا زين .. والشوق كميات ..
ننتظر الأمير عماد بالبشر والترحاب .. وسعادتنا لا توصف بسماع هذا النبأ الجميل .. وستجدنا أول المستقبلين إن شاء الله .. فيا مرحب تراحيب المطر ..
لكما محبتي ..
|
Post: #7
Title: Re: يا أهل الرياض ... يا أهل الـ ...
Author: ابو جهينة
Date: 08-05-2006, 01:11 AM
Parent: #6
معتصم
تلفون عماد بالرياض لو أمكن ..
|
Post: #8
Title: Re: يا أهل الرياض ... يا أهل الـ ...
Author: محمد عبدالرحمن
Date: 08-05-2006, 01:35 AM
Parent: #6
ياهندسة
تحياتى ..
انت قصة ناس حق ديل مع الرياض دى شنو ؟ قبل ايام بهاء
و(الحين) عماد ..وبعدين شكلها القصة دى سرية جدا ..
يازول اها هنا بنلم فيك ..وان جيت راجع بدون
ماتجيب لى قماش جلابية من جدة يكون كااارب ماترجانى ..
صحبته السلامه فى حله وترحاله ...
ودى ياهندسة
|
Post: #9
Title: Re: يا أهل الرياض ... يا أهل الـ ...
Author: A.Razek Althalib
Date: 08-05-2006, 05:20 AM
Parent: #8
Quote: إنما هو هذا الغصن الذي يكتب |
عافي منكـ.. سويتو غصن عديل كده.. وتيب؛
حبابو عشرة..
|
Post: #10
Title: Re: يا أهل الرياض ... يا أهل الـ ...
Author: Deng
Date: 08-05-2006, 05:35 AM
Parent: #1
أبو رزقة حرامي القوقل.
Quote: ود أبا.. حبابكـ.. والصفع صنقور.. أسمع.. دينق ده الختاهو ليهو ياتو.. ياخي عربي جوبا كيف.. ما لو يعني ما بينفع..!! |
شفته كيف يا ود عم أصالة نصري. أنا دينق ده بتكلم العربي أحسن منك يا مدعي العروبة.
Quote: حصل يوم في زول قال ليك لسانكـ أغلف.. |
أنته شفتو؟
دينق.
|
Post: #12
Title: Re: يا أهل الرياض ... يا أهل الـ ...
Author: حمزاوي
Date: 08-05-2006, 05:41 AM
Parent: #1
أنا كمان اقول نفس كلام ابن عمي ابوجهينة لا زيادة ولا نقصان الخال
|
Post: #13
Title: Re: يا أهل الرياض ... يا أهل الـ ...
Author: A.Razek Althalib
Date: 08-05-2006, 06:39 AM
Parent: #12
Quote: أنا دينق ده بتكلم العربي أحسن منك يا مدعي العروبة. |
أسمع..
سيبويه برضو..
|
Post: #14
Title: Re: يا أهل الرياض ... يا أهل الـ ...
Author: عبد الله عقيد
Date: 08-05-2006, 07:15 AM
Parent: #1
"زهر الرياض في غصونو ماح واتراخا في الساحة ام سماح"
طربا بهذا الخبر الجميل مرحبا بالعمدة في الرياض ولك الشكر يا معتصم فقد أسعدنا هذا الخبر
|
Post: #15
Title: Re: يا أهل الرياض ... يا أهل الـ ...
Author: عبدالكريم الامين احمد
Date: 08-05-2006, 08:25 AM
Parent: #14
اذن انها الدوحة تقذف ببهاءها وجمالها وباحد فرسانها الكبار...صاحب الاغصان الذهبية عماد عبدالله... شيخي الكبير المليان ...دهشة ووجدان عميق موغل في الابداع...
اهل الرياض..انه رسولنا اليكم بالمحبة والاخوة...والسودانية الصادقة... اجل انه رسولنا....ولكن الي حين... فنحن في امس الحوجة الي الاستظلال ...والروي من نبعه المدهش....
|
Post: #16
Title: Re: يا أهل الرياض ... يا أهل الـ ...
Author: بدر الدين الأمير
Date: 08-05-2006, 09:13 AM
عماد عبدالله منكم ياناس الرياض
|
Post: #17
Title: Re: يا أهل الرياض ... يا أهل الـ ...
Author: Emad Abdulla
Date: 08-05-2006, 11:16 AM
Parent: #16
معتصم ..
يا صاحبي المهجس بالإبداع .. أقول قولك في شباكك الحنين : Quote: ما هَـمْ نصل".. ما هَـمْ طريق غير الدروب الفاتحة حُضن الريد أهل ما هَمْ بيوت غير القلوب الواسعة أكبر من مَهَلْ الهَمْ..! .. مشاويرنا الَبدَنْ ما يَلحَقْ خُطاها حَـدْ يتـفاصَح صهيل البَدَنْ خيل اللِحوق يتْلَبّدَنْ في اللَفّة يلقاكِ المَحَلْ يوم كان حُضْنِك وهيط واعَدْ البَرَم المَواسْم الطيبة يَـقّن ألوانو السبِيط بي رِقة دقّ باب الطيبة، والوَعْد البسيط |
لو كنت أعرفني موعود بكل هذا الحب الجميل .. لو كنت أعرف .. أهل الرياض .. مدينتي التي ساكنتها أربعة عشر عاما .. فأحببت .. الدوحة التي عمرها يحبو عندي لاثغا .. فعشقت . ما عارف أقول شنو .. ياخ يديكم العافية على قدر بَكَم الكلام الدخلت فيهو .. و .. سأعود لما أقدر على الكلام ..
|
Post: #18
Title: Re: يا أهل الرياض ... يا أهل الـ ...
Author: عبد الله عقيد
Date: 08-07-2006, 02:08 PM
Parent: #17
يا عمدة منتظرين التفاصيل على الأقل موعد الحضور للرياض حتى نكون على استعداد
مع الترحاب
|
Post: #19
Title: Re: يا أهل الرياض ... يا أهل الـ ...
Author: معتصم الطاهر
Date: 08-07-2006, 04:17 PM
Parent: #1
Elmosley معتصم دفع الله محمد عبدالرحمن حمزاوي عبد الله عقيد عبدالكريم الامين احمد بدر الدين الأمير
عماد عبد الله حبيب نفتقده وفى الرياض ناس يشبهون عماد ونحبهم و ما أجمل الرياض والدوحة
A.Razek Althalib
يا خوى كدى فى الأول قول للزول حبابك ..
بعدين يبقى غصن دا عشان ما تنخلع لكن عماد شجرة عديل .. والغصن دا بتاع تماضر بس .. يعنى اخنرنا الجزء وقصدنا الكل
|
Post: #20
Title: Re: يا أهل الرياض ... يا أهل الـ ...
Author: Muna Khugali
Date: 08-07-2006, 04:23 PM
Parent: #19
وسـلام ليك يامـعتصـم ولكـل ناس الرياض..
مـني
|
Post: #21
Title: Re: يا أهل الرياض ... يا أهل الـ ...
Author: معتصم الطاهر
Date: 08-08-2006, 05:02 AM
Parent: #1
منى المننا وفينا
كلام فى الأضان (جدا )
|
Post: #22
Title: Re: يا أهل الرياض ... يا أهل الـ ...
Author: A.Razek Althalib
Date: 08-08-2006, 06:34 AM
Parent: #21
Quote: يا خوى كدى فى الأول قول للزول حبابك .. |
بدون فرز ألوان الحبر اللحمر بتاع مسك الختام والمدلوق تحت الوردة المعلقة فوق ديكا شنو.. يا أخوي لا أعتقد أنها تندرج ضمن سياق كتابات لا يمكن فهمها.. ولا شنو حكاية جزم الخلعة دي..
وبعدين في حد يشعر بالسعادة ويمشي يختار البعاد.. بدون وشوشة وبالحس العالي بنقول ليك شوف يا زول والله العظيم غصباً عننا وعن عين أبو أهلنا حبابو عشرة عماد الشدرة بلا كشرة وتاني كمان حباب عماد الشدرة بلا كشرة.. وبورداب الرياض بدون فرز وقبال مغادرته يلوحون له بشيء من حتى..
وعشان سواد عيون سودانوية بوردابكم بوردابنا بيكرموا ألف عين من طرفكم..
وحبابو عماد الشدرة وحبابكـ إنت ذاتكـ بلا كشرة..
|
Post: #23
Title: Re: يا أهل الرياض ... يا أهل الـ ...
Author: شروق على فضل
Date: 08-08-2006, 07:08 AM
Parent: #22
ابورزكة الكوز الافريقي في الملامح والجزور ناكر اهله وعشريته
شفت مساعد الياي بتاعي هنادي يوسف قالت انك عضو قاعدة اعمل حسابك الموضوع دة فيه كلام
معاك شروق ( هنادي يوسف) انا طبعا تاني زي قدرك في مكان القاك انت او بيان توش اخش
|
|