Post: #1
Title: ادروب ابوبكر داير يجيب لينا الهوى على اخر عمرنا كمان !!!!!!
Author: على محمد على بشير
Date: 08-04-2006, 09:48 AM
اليوم الجمعه عصرا وجدت هذه الرساله فى الماسنجر من
الاخ العزيز وعضو البورد ادروب ابوبكر
Quote: الأخ على محمد على بشير
رأيت صورتي الشخصية معلقة علي بروفايلك
أرجو لو سمحت أن تزيلها!!!
وشكرا |
وطبعا طوالى مشيت فتحت مشاركاتى فى البورد ولقيت صورتى ( حلاتا ) 
قاعده فى مكانها ولا وجود لصورة الزميل ادروب ( الشين ) فى بروفايلى مما
حدا بى للرد عليه بأن هناك ربما خطأ فى كمبيوتره او فى طريقة دخوله للبورد
وكانت المفاجأه عندما تصفحت البورد وتحديدا فى موضوع انزار الاخت امنه
مختار والذى كتبه الزميل ايمن هارون وبه رد للعضو ادروب
المفاجأه انى لقيت صورتى فى بروفايل ادروب .. ايوه والله العظيم
انا زاتى بى شحمى ولحمى .. البروفايل بى اسم ادروب والصوره لى انا
اها ياناس ويا العارفين بدروب البورد والكمبيوترات
افتونا يكون الحاصل شنو
وخاصه انو ادروب دا معارض وبيقول كلام سخن شديد فى الحكومه واكيد اكيد
بيكون متابع من امن الحكومه والانتربول والامم المتحده .. وطبعا الجهات الامنيه
دى ح تهتم بالصوره والشكل اكتر من الاسم .. يعنى ح اتقبض وانضرب ضرب غرائب الابل
وحلك الى ان يعرف ناس الامن انى ما ادروب اكون عدمت النفس .
لذلك وحتى نحل هذا الاشكال ارجو من الاخ ادروب يرخى كراعه من البنزين شويه
ولا داعى لمهاجمة الحكومه فى الوقت الراهن ..... كويس يا ادروب صاحبى
مع اكيد احترامى للاخ ادروب ابوبكر .. وسعدت جدا لرسالته فى الماسنجر
وقد وجدت الحادثه فرصه للفرفشه .. ومنتظر رد العارفين ..
|
Post: #2
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: النصرى أمين
Date: 08-04-2006, 11:44 AM
Parent: #1
الاخ محمد على
عقب مداخلة ادروب الاخيره فى بوست الاتحاد الرياضى
دخلت خلفه بسبب الفضول لاننى لم الاحظ اهتمامه
بالرياضه ورائت صورته فى بروفايلكم الاثنين
وددت التعليق وقتها ولكن انشغلت بامر اخر
طالما وضحت انك لم تقصد تعليق صورته اذن الامر عباره
عن خطا فنى خاصه وانكم الاثنين ترفعون صورتكم فى موقع
عزه والفرق الوحيد بينكم ان صورتك تاخذ الرقم 8 وهو الرقم
2
ويادار مادخلك شر
|
Post: #7
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: على محمد على بشير
Date: 08-05-2006, 01:31 AM
Parent: #2
النصرى امين
شكرا ليك ياراقى على المرور
والحمد لله المشكله اتحلت
|
Post: #3
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: Adrob abubakr
Date: 08-04-2006, 11:46 AM
Parent: #1
Ali
now is all right
thaks too much Mr. handsome
|
Post: #4
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: Tragie Mustafa
Date: 08-04-2006, 12:34 PM
Parent: #3
الاخ علي
فعلا البارحه
وجدت صورتك في بروفايل ابوبكر ادروب
ووجدت صورة ابوبكر ادروب في بروفايلك
واستغربت وكنت ناويه اعلق ايضا
يبدو انه الامور كثرت على بكري ويحتاج فعلا مساعده في هذه المسؤليات الجسام.
Quote:
وخاصه انو ادروب دا معارض وبيقول كلام سخن شديد فى الحكومه واكيد اكيد
بيكون متابع من امن الحكومه والانتربول والامم المتحده .. وطبعا الجهات الامنيه
دى ح تهتم بالصوره والشكل اكتر من الاسم .. يعنى ح اتقبض وانضرب ضرب غرائب الابل
وحلك الى ان يعرف ناس الامن انى ما ادروب اكون عدمت النفس .
|
ولما انت عارف حكومتك بتعمل كده مع الناس
داعمها ليه؟؟؟؟؟
وبتدافع عنها ليه؟؟؟؟؟؟؟؟؟؟؟؟
عالمه خوافه بشكل
Quote: اها ياناس ويا العارفين بدروب البورد والكمبيوترات
افتونا يكون الحاصل شنو
|
اما تعليقك ده
فهو ربنا وراك...وكشفك ما ناقش حاجه
والبارحه عامل بتضحك علي في بوست راني السماني؟؟؟؟؟
يمهل ولا يهمل حقا.
تحياتي ,لك.
تراجي.
|
Post: #5
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: نادية عثمان
Date: 08-04-2006, 03:52 PM
Parent: #4
انت اخير لقيت صورتك فى مكان زول تانى !!
انا صورتى ليها زمن راحت من المنبر ده ومالاقياها وقمت قلت احسن زاتو خلينا نريح الناس من وشنا شوية ويلا بلا لمة !!
تسلم وكن بالف خير
|
Post: #10
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: على محمد على بشير
Date: 08-05-2006, 01:48 AM
Parent: #5
Quote: انا صورتى ليها زمن راحت من المنبر ده ومالاقياها وقمت قلت احسن زاتو خلينا نريح الناس من وشنا شوية ويلا بلا لمة !!
|
ناديه بت عثمان
واتارينى انا اقول البورد دا مضلم كدا مالو
اتارى صورتك مختفيه منو .. لا لا لازم ترجعى لينا القمر تانى
ولكى شكرى على المرور
|
Post: #9
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: على محمد على بشير
Date: 08-05-2006, 01:43 AM
Parent: #4
Quote: يبدو انه الامور كثرت على بكري ويحتاج فعلا مساعده في هذه المسؤليات الجسام.
|
يبدو ذلك ياتراجى
Quote: ولما انت عارف حكومتك بتعمل كده مع الناس
داعمها ليه؟؟؟؟؟
وبتدافع عنها ليه؟؟؟؟؟؟؟؟؟؟؟؟
|
هى ليست حكومتى وحدى .. بل حكومة كل السودانيين شئنا ام ابينا
وانا لا ادعمها ولكنى اراها احسن السيئين اذا ما قورنت مع المعارضه
Quote: اما تعليقك ده
فهو ربنا وراك...وكشفك ما ناقش حاجه
والبارحه عامل بتضحك علي في بوست راني السماني؟؟؟؟؟
يمهل ولا يهمل حقا.
|
لا ياتراجى
انا ناقش كتير .. وموضوعى وموضوعك بينهم فرق كبير
وانتى هناك ما بالغتى لكن
|
Post: #8
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: على محمد على بشير
Date: 08-05-2006, 01:37 AM
Parent: #3
Quote: Ali
now is all right
thaks too much Mr. handsome |
الحمد لله يا ادروب
انو المشكله اتحلت على خير
وكسبناك كصديق
|
Post: #6
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: Adrob abubakr
Date: 08-04-2006, 10:50 PM
Parent: #1
العزيزة نادية
| Quote: انت اخير لقيت صورتك فى مكان زول تانى |
أها صورتي ضاعت تاني ما عارفها هسة مشت وين...إتختت لي محلها صورة بوش في شكل شيطان!!!!!
|
Post: #12
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: على محمد على بشير
Date: 08-05-2006, 01:53 AM
Parent: #6
| Quote: أها صورتي ضاعت تاني ما عارفها هسة مشت وين...إتختت لي محلها صورة بوش في شكل شيطان!!!!! |
اها يا ادروب
انا وعملت لى رساله فى الماسنجر وحلينا الموضوع
بوش دا ح تعمل معاهو شنو
|
Post: #11
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: أحمد الشايقي
Date: 08-05-2006, 01:49 AM
Parent: #1
على محمد علي بشير
Quote: لذلك وحتى نحل هذا الاشكال ارجو من الاخ ادروب يرخى كراعه من البنزين شويه
ولا داعى لمهاجمة الحكومه فى الوقت الراهن ..... كويس يا ادروب صاحبى |
يازول انت من زمن البنزين,
(قول يرخي إيده من الخـنـجـر..)
أحمـد الشايقي
|
Post: #13
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: على محمد على بشير
Date: 08-05-2006, 02:00 AM
Parent: #11
Quote: يازول انت من زمن البنزين,
(قول يرخي إيده من الخـنـجـر..)
|
الشايقى ازيك
انتا يازول بى صحك
ادروب دا بتاع خناجر وكدا
طيب ماربك ستر وسلم .. امبارح الجمعه الراجل كان مستفرد بى فترة المساء كلها
يعنى الحمد لله المشكله اتحلت سريع والا كان اخوك الان ( شهيد )
بس والله يا الشايقى الراجل طلع زوق شديد
وحكاية الخنجر دى تكون طلعت فى لحظة غضب
بس كمان انتا ما تطمن لى كلامى دا شديد لحدى ما ادروب يقوم يشرحك
وتجى تحملنى المسؤليه .. انا غير مسؤل من اسع تكون عارف
وشكرا على المرور والمشاركه اخى الشايقى
|
Post: #14
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: Adrob abubakr
Date: 08-05-2006, 02:02 AM
Parent: #1
الأخ علي محمد
| Quote: بوش دا ح تعمل معاهو شنو |
علي الأقل صورتك كانت حلوة...إنت عارف أنا شاك ده عملها فرانكلي لأنو ليل ونهار شابكنا بوش والعراق ولبنان وهلمجرا
الأخ الشايقي أنا ممكن أكتب حيثيات دعوي ضدك
|
Post: #15
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: Abureesh
Date: 08-05-2006, 02:09 AM
Parent: #14
الأخوة الكرام،
فى زول من ناس موقع عـزة يتلاعب فى أسمـاء فايلات صوركم..
دا الموضـوع كلو.
|
Post: #16
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: على محمد على بشير
Date: 08-05-2006, 08:44 AM
Parent: #15
Quote: فى زول من ناس موقع عـزة يتلاعب فى أسمـاء فايلات صوركم..
دا الموضـوع كلو.
|
اذا دا الحاصل .... تبقى مصيبه
لانه انا كنت فاكر انو موقع محترم
|
Post: #17
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: Tragie Mustafa
Date: 08-05-2006, 08:58 AM
Parent: #16
ابوبكر ادروب
عارف الخته صورة بوش في شكل شيطان في بروفايلك:
| Quote: أها صورتي ضاعت تاني ما عارفها هسة مشت وين...إتختت لي محلها صورة بوش في شكل شيطان!!!!! |
ده يكون زول خطر خلاص وعنده رساله قويه لناس احمد الشايقي
انهم يكفوا عنك لانك زول ما ساهل.
تقديري لك وللشايقي.
وقرضوا على كده.
تراجي.
|
Post: #18
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: filan
Date: 08-05-2006, 09:36 AM
Parent: #17
سلامات .
أخانا محمد علي تحية.. نعتذر لك/م عن اللخبطة الحاصلة مع اني وضحت بهذا الرابط:-
►██ صْـغـِّر صُورك ONLINE
بان رابط الصورة سيكون مؤقتاً ونبهت بأن تحفظوا الصور بعد التصغير باجهزتكم ومن ثم رفعها إلي احد الروابط المرفقة لموقع سودانيزاونلاين الذي تتواجد به الصور لمدة 60 يوماً أو لموقع عازة لمدة مفتوحة وغير محددة وذلك لأن هذه الخدمة هي لتصغير الصور فقط وليس لحفظها وإستخدامها لفترات طويلة .
إليك/م رابط رفع الصور وبالتأكيد بدون لخبطة ولفترة غير محددة :-
http://3aza.com/uploader/maianuploader.php
أخانا ابا الريش لا تعليق على حديثك فقط ألقي نظرة على هذا الكود :-
|
Post: #19
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: Adrob abubakr
Date: 08-05-2006, 09:39 AM
Parent: #1
العزيزة تراجي
لا ده أكيد فرانكلي!!!
إنت ما ملاحظة البورد بقي ساحة بتاعة إستقطاب شديدة!
شوفي هسي الشايقي يحاول في الدكتور حيدر وتماضر
وسياستهم لو ما قدر علي الأقل يسعي لتحييدهم!!!
|
Post: #20
Title: Re: ادروب ابوبكر داير يجيب لينا الهوى على اخر عمرنا كمان !!!!!!
Author: نادية عثمان
Date: 08-05-2006, 11:25 AM
Parent: #19
ادروب سلام
وخلى بالك من صورتك الدنيا مامعروفة يااخوى !
|
|