أكان دا حالكم .... دا طرفي منكم ...

السلام عليكم
كل يوم اكتشف الغريب و العجيب في هذا المكان و لما كان لدي خط واضحا في هذا البورد و منذ 05-02-2002 في التعامل مع الاخوات و الاخوة هنا و الجميع علي عيني و رأسي و جوة قلبي حبا و احتراما ... و لو اختلفنا في الافكار و المعتقدات و طريقة التربية و الاخلاق الي غيروا من الاختلافات و لم يشهد هذا المكان لي اي نوع من التخطي مني لاي شخصية مهما كان درجة الاختلاف ......

لدي من المشغوليات و الهموم ما يكفيني عمرا اخر و لا وقت لدي لمهاترات من اي نوع و خاصة المبتذل و الرخيص منها و نحن في السودان الانترنت دي مش رفاهية و انما حوجة لاكمال اعمالنا الاكاديمية نيجة للنقص الحاد في المكتبات و عدم مواكبتها و لا اقضي وقتا هنا للرفاهية و انما ادفع ثلث راتبي للحصول علي يسد رمقي علميا و اكاديميا

اذا كنت قد اوردت راي بصراحة في الفترة الاخيرة عن احد الاعمال الواردة هنا هذا لا يعني انني عرضة للانتهاك بسبب هذا الراي وقد اخذت الموجة اكثر من حجمها و سودانية ليست هي الوحيدة من أبدي رايه ..فلماذا الاستهداف علي السودانية ؟؟؟ وهل خرجت من الملة بقولي هذا ؟؟ كيف تحكمون؟؟

كنت اتحدث الي احد الاصدقاء و اخبرني بان هنالك بوستا يجب رؤيته و لم اتمكن من رؤيته لانشغالي و الان فقط رايته؟؟ هل هذا هو أدب الاختلاف عندكم؟؟ اشكركم ايما شكر علي حسن الظن و حسن الاختلاف

و لكم كل الود و التقدير

مع تحياتي و احترامي للجميع

سودانية 2000

رغم عن من اسموني سودانية 2006

و ارسلو السم الزعاف عبر البريد

هل هو تهديدا؟؟

ام هو برنامج اغتيال؟؟

عجبي !!!!!!!!!!!!!!!!!!!!!!

والله ما بلومك يا سودانية

حال البورد لا يعجب اى حريص على نشر الوعى والتواصل بين الناس

أغلبنا يحس بهذا الاحساس المرير وأعلبنا يشعر هذا الشعور المؤلم ..


وانا شخصيا اعذرك كل العذر لهذا القرار ..

وربما من الحكمة ان نبتعد قليلا حتى يعيد الناس ترتيب اولوياتهم ..

سودانيه 2000

لا تراع يا اختي

هنا الاستهداف للنساء يكون اكثر حدة وصفاقه.

ولكن لا تنهزمي لهم.

يريدوننا نطبل لهم فنكون مهذبات واخواتهم,

ولكن ان اختلفنا معهم في الطرح يا ويلنا

وكأن حق االاختلاف مكفول للرجال فقط.

تراجي.

Dear Sudania

Never mind the "little" games of the board-never take it seriously.Sudan is a tribal country and the "civil" and urabn/city tradition of dealing with each other is only budding, and will take years to develope.Views are are expressed in "whole sale" fasion and not as individuals-freedom of expresion is being learned and not yet established among memebers.So, please do not go any where and stick to your guns

Those cowards who attack your mail by threats are admitting defeat in the of battle minds.All you neeed to do, if you wish, is to publish their emails and they will be "sorted out" in public.Believe me they will never do it again-guaranteed!If you leave, then they will think that they won, which is a shame

Best wishes

Adil

الاخت المهذبة جدا سودانية 200

لك كل الحق فى ان تغضبى فما تعرضت له اغضبنا كذلك ولكن لا ترحلى عن هنا ابدا ففى هذا المكان اناس يكنون لك كامل التقدير والاحترام وانت اخت عزيزة لنا وعلينا

كونى بالف الف خير

حـبيبتي سـودانية...

أحـيانا نود ان نقـول الكـثير...لكـن عنـدما يكـون كـل شـئ بـديهي امام مـن هم كبار..
تصـبح الكلمات جـوفاء ومكـررة..ثـم يصـاحب ذلك احـسـاس متسائل في غضـب..مالفـائـدة?

أغضـبني ماكتبه أخـي سـيف ...ولقـد طـلب منه العـديـد مـن الزميلات والزملاء ان لا يسـتمر
في البوسـت الذي تتحـدثين أنت عنـه هنـا.. واعتقـد انه استجـاب لذلك..

واعتقـد ان سـيف ايضـا قصـد تسبيب نفس الألم الـذي سـببه رسـم السـيـد الميرغـني لكـل محبيه..والحقيقة المرة هنـا ليست في حـرية التعبير ومافيها ومالها فقط..
بـل في تناقضـنا عنـدما ننهي الآخـرين عـن فعل... ثـم نقـوم نحــن بفعـل نفس الشـئ..

اتمني و لا أملك غير التمني..أن لا تتوقفي كـثيرا أمام ماحـدث..

ولا أجـد غـير ذلك ما أقـوله..الم اقل لك ان كـل شـئ يبـدو بـديهي?

أي بوست تعنين؟

Dear Sudania
Wish you success in Academia, and hope you will find time to come back and contribute in this forum
Peace and Love to you

الاخت العزيزة د/سودانية،

تحية طيبة.

أرجوا ان تقبلى صادق إعتذارى جراء للمضايقة التى كانت بسبب تداخلك فى البوست الذى ضم أحد أعمالى الفنية.

أتمنى أن تبقى فى هذا المكان...فهو معبر عن بلدنابخيرها وشرها.

وتعرضك للإعتداء بسبب إبداء رأي لم يسعد المعتدى نوعا من الابتزاز الجلف لا أحسبك ستخضعى له.

إعتذارى مرة أخرى، ولك الود .

العزيزة سودانية..
ما حدث مؤسف حقا..
وطرفك هو طرفنا جميعا..
وحتما كلنا نخطيء ولكن هل نتعلم من أخطائنا؟؟
أتمني أن تظلي بيننا ويظل الجميع هنا..
يعتزر من أخطأ..
والخطأ واضح ..
وإذا كانت المواقف وحرية أن تبدي رأيك تجر ما جرته لك
فحالنا يظل واضحا ولا سؤال عن الحال..

أتمني إستمرارك..وهذا صراع لخلق واقع جديد..
ووطن جديد بمفاهيم إتفق عليها كل العالم وما زلنا
ننطقها ونكتبها بدون أن نجعلها واقع وعمل.


أبق بيننا ..


وأعتزر إن كنت قد أخطأت في حقك أو حق أحد هنا.

الأخت ســودانيـة الفين،

شـأيفـة أدروب دا جا سالى سيفـو كيف؟
سـأل من البوست بس ومنتظـر الإجابـة!!

دا حين حـرررررررم ما تمشى لحـد ما نشـوف البوست.. أنا برضو ما شفتـو.

الاخ الكريم خالد
السلام عليكم
لا عليك سيدي فهذا الامر قناعاتي و لا يحتاج منك اعتذار مع عميق شكري و تقديري

تعرف في وسط هذه الجوطة خرجت باشياء جميلة و صحبة و اكتشافات كثيرة و قلت

بارك الله في رسوم خالد الخلت الناس تشوف صاح

تحياتي

و تسلم

الاخت سودانية
تحياتي
أرجو الا ترحلي.....
كمال

الأخت سودانية
والله فتشت البوست كل حتة ما لقيتو!!!!
ده أسلوبهم المعتاد مع المرأة إنه نوع من الإرهاب بإستغلال حيائها وأدبها بغرض للتشنيع بها وتشويه سمعتها لأنهم يسوؤهم يرونها تتخذ موقفا مستقلا!
هذا بالنسبة لهم تخطي للخطوط الحمر!!

المرأة يجب ألا يكون لها رأيا عليها فقط أن تكون ذيلا للرجل!
مجتمع ذكوري متخلف جاهل إستغلالي!

يريدون منك أن تبتعدي وتفسحي المجال للمستكينات والراضيات بالخنوع
عملوها قبلك لتماضر وآمنه مختار وبيان وتراجي وبنت الأحفاد....

خطتهم معروفة!!
فوتي عليهم الفرصة لأنهم يفرحون بذهابك

أبقي معنا...
صوتك دعم للإستنارة ودعم للمرأة

سودانيه لاترحلي ارجوك..محب

اختى سودانيه

لهذا المنبر قوانين ولوائح ( كما اظن حتى الان )

لذا فالنجعل هذا السفيه عبره لكل السفهاء امثاله

وما التردى والاسفاف الحاصل هنا ما هو الا بسبب التهاون فى تطبيق تلك اللوائح

فالتاجلى قرارك بالرحيل حتى نتاكد من ان الوائح والقوانين هنا قابله للتطبيق على كل الناس

Quote: و ارسلو السم الزعاف عبر البريد

الشكوى بالاضافه لهذا السفيه يجب ان تتضمن هؤلاء السفهاء ايضا ولديك ما يعزز شكواك من الوثائق

وساكون انا ومعى نفر كثير وفى انتظار نتيجه تلك الشكوى

يوسف الولي

Quote: لذا فالنجعل هذا السفيه عبره لكل السفهاء امثاله

عن اي سفيه تتحدث قاتلك الله

Quote: عن اي سفيه تتحدث

اقيف قدام المرايه ( وخليك لابس هدومك ) عشان تشوف السفيه الانا قاصدو

Quote: قاتلك الله

كويس انك لسه بتعرف الله
لو بتعرفو ما وصلت بك السفه للدرجه دى

أختي الفاضلة د. سودانية 2000
أرجوك لا تغيبي من المنبر بسبب رأي ابديتيه هنا واختلف معه البعض

فالكلمة مسؤولية ويجب أن يكون في صعيد المتوقع ردة الفعل على هذه الكلمة

فإن كنت تؤمنين بما قلتي فما عليك إلا المواصلة في شرح موقفك وتجلية ما غاب عنه من حقائق جراء العاطفة التي اصابت البعض هنا

رسومات هذا الكودي مسيئة ولا يقبلها أحد في حق والديه فكيف نقبلها في حق من هم في مقامهما

الرموز السياسية والدينية والقبلية ليست خارج النقد والتصحيح ولكن في حدود الأدب ومراعاة الذوق العام

فلا يعني أننا نرى أن الغير في خطأ يجعلنا نتخطى الأعراف والتقاليد والذوق العام وننتهك الحرمات ونهين القيادات
فهذه القيادات لها مؤيدوها وهم بالطبع لن يسكتوا عن مثل هذه الإهانة

أختي الكريمة حرية التعبير والرأي نحن نساندها ونؤيدها ونحفز عليها ولكن في حدود الأدب زمراعاة الأخر

حتى لا نكون مثل من يسب والد من اختلف معه فيسب الأخر والده

عليه ارجوك لا تتركي هذا المكان جراء ردة فعل على ما تعتقدين وتؤمنين به

فالخلاف وارد ومن يظن أن رأيه يلقى القبول من الجميع فهو لا رأي له, لأنه يقول ما يقوله الجميع

تحياتي كمال

الأخت العزيزة سودانية

الكتابة فى هذه المنابر ليس ترفا ولا للتسلية فقط وهو مكلف كما ذكرتى ، ولكنها جزء من رسالة

نبيلة من أجل المعرفة ومن أجل خدمات انسانية كالتى تقومين بها داخل الوطن.وكل صاحب رسالة وهدف

نبيل معرض للاساءات والتحرش ممن يسوؤهم فعل الخير واشاعة المعرفة واحقاق الحق، وعلينا تحمل

ذلك من أجل ايصال الرسالة النبيلة، فابق معنا اختى ولا ترحلى، ولكن لا تتركى ضعاف النفوس اولئك

وابلغى أمرهم لصاحب الموقع وانشرى رسائلهم فى المنبر حتى تكون لهم عظة وعبرة لغيرهم

تحياتى

الاخـت الكريمـة سودانيـة


أعلـم أن موقفـك كان متوازناً جـداً ولكن العهـدة على الذيـن راحــوا يســوقون موقفـك باعتبارك مؤيـده لهـم في ( حـريـة التعبيــر ) بالطريقـة التي يراهـا سبب الكوارث في هــذا البورد رسام التعــري,

هــو نفـس اتجاهي ونفس منافحتي عن كـرامـة الناس وعن خصوصيتهـم وعـن حقوقهـم الاساسية , بنفـس هذا الخــط أطلب منك البقاء وأخــذ العبـرة ,

نفس الأذى الذي تتعرضين له هـنا تعرض له أبناء وأحفاد الإمام المهدي ومنهـم السيدة رباح المهدي عضــوة المنبـر ولو كانت تريـد أن تفتح على نفسـهـا أبواب الجحيـم لأتـت ولتداخلـت مستنكـرة الرســم البذيء الذي تعــرض لــه جــدهــا الإمام المهدي عليه الســلام,

ابقي يا أخـت سودانية ولا ترحلي فقد قدر لنا أن نخـوض في الوحـل الذي أتى به إلى البورد رسام التعري, وقدر لحرية التعبير أن تؤخـذ جزافاً ويفعل بها الافاعيل ويعتدى باسمها على المرسومين أولاً وعليك ثانياً كرد فعــل.

قديماً اباح الإمام أبي حنيفـة شرب عصير العرب باردا قبل أن يشتد فيصبح مسكراً ولقى في ذلك من العنت والسخرية ما لقي, واتهم الاتهامات الجزاف في أنه يحلله لنفسـه,

لك في ذلك التأسي والعبرة ولك فينا الرفقة الصالحة الصادقـة ووجودك يهمنا بغية التواصل والانتفاع من القيمة التي تضيفينها للمنبر,

لك خالص تقديري

أحمـد الشايقي

الأخت سودانية
هذه سانحة أستفيد منها لأشد على يدك مهنئآ ومقدرآ مواقفك الواضحة
وإلتزامك الصارم الملحوظ بالحوار العقلاني وإحترام الراي الأخر
وتمسكك الدائم بإحترام الجميع وحسن الأدب

وجودك هنا مهم حتى تسود اللغة الرفيعة في الإختلاف
ويجب أن تفوتي الفرصة على الساعين بنشاط لجعل المنبر العام مكانآ طاردآ

حانهزمهم بالحق وبقوة الحجة والبرهان

Quote: حال البورد لا يعجب اى حريص على نشر الوعى والتواصل بين الناس أغلبنا يحس بهذا الاحساس المرير وأعلبنا يشعر هذا الشعور المؤلم ..

Quote: هنا الاستهداف للنساء يكون اكثر حدة وصفاقه. ولكن لا تنهزمي لهم. يريدوننا نطبل لهم فنكون مهذبات واخواتهم, ولكن ان اختلفنا معهم في الطرح يا ويلنا وكأن حق االاختلاف مكفول للرجال فقط.

Quote: ولكن لا ترحلى عن هنا ابدا ففى هذا المكان اناس يكنون لك كامل التقدير والاحترام وانت اخت عزيزة لنا وعلينا

Quote: الاخت سودانية تحياتي أرجو الا ترحلي.....

Quote: المرأة يجب ألا يكون لها رأيا عليها فقط أن تكون ذيلا للرجل! مجتمع ذكوري متخلف جاهل إستغلالي! يريدون منك أن تبتعدي وتفسحي المجال للمستكينات والراضيات بالخنوع عملوها قبلك لتماضر وآمنه مختار وبيان وتراجي وبنت الأحفاد....

Quote: سودانيه لاترحلي ارجوك

Quote: فابق معنا اختى ولا ترحلى،

Quote: وجودك هنا مهم حتى تسود اللغة الرفيعة في الإختلاف ويجب أن تفوتي الفرصة على الساعين بنشاط لجعل المنبر العام مكانآ طاردآ

(( إعتراف .. (( انا ماراجل )) ))

(( انا فعلاً فى حاجة ماسّة للمساعدة ولإجابة ))

(( التربية وأثرها على تصرّفاتنا (( المنبر مثالاً )) ))

(( رسالة مهمّة جدّاً جدّاً بالصورة والصوت والقلم أرجو شاكراً الإطّلاع عليها ))

(( في هذا المنبر ، وفي السّودان ((عبيد أنجاس)) ، ((كفرة أع...ان (( بنات مطلوقات)) ))



ما ترحلي

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

د. سودانية:

لك من التحايا الاف

فأنت نموذج حقيقي للسودانية المثقفة الجديرة بألاحترام....

كل منا لديه من المشاغل مايكفيه ويزيد كما تفضلت .. ولكننا نسرق بعضا من وقت راحتنا لقليل من التواصل الاجتماعي والثقافي...ان وجد

وقد وجدنا بعض من ضالتنا في هذا الدار السايبيري

فلنأخذ منه مايفيد.....ولنترفع عن مالايستحق

لك من الود مايبقي علي التواصل...

الاخت سودانية 2000

تحية طيبة


انا صاحب البوست الذي خطفته يد المنية وهو رضيع بسبب استعجال الناس ,لم يتركوني اكمل البوست ,ثم يدلوا برايهم


انا شخصيا لا اعتذر لك لاني لم اتي بشئ غلط تحدثتي عن حرية الراي والتعبير التي تكفل لخالد كودي رسم اي انسان عاري صغيرا كان ام كبير
فهذه الكفالة تشملني بان ارسمك عارية الراي وليست عارية الجسد

Quote: انا شخصيا لا اعتذر لك لاني لم اتي بشئ غلط تحدثتي عن حرية الراي والتعبير التي تكفل لخالد كودي رسم اي انسان عاري صغيرا كان ام كبير فهذه الكفالة تشملني بان ارسمك عارية الراي وليست عارية الجسد

والله ظننتك تملك العقل ومن أوعي الإتحاديين طلعت أظرتهم يا خائب!
علي الأقل هم أفضل منك لأنو موقفهم من البداية واضح لكنك متقلب وكذاب مرة ذات اليمين ومرة ذات الشمال ويبدو أنو تعاني من إختلال عقلي أو شيزوفرينيا!!!!!

ادروب


والله بعد مداخلتك هذه لن ارد عليك ثانية



موقفي هنا منذ دخولي ثابت لم اغيره مرة واحدة

بالله هسه ما حاسي بالندم أنو البت ده خلت المكان عشانك؟!!!!

لا لا لا
.....
الأخت سودانية2000
يجب أن تبقي
أنت من الأقلام الجيدة المعتدلة
تقولي رايك بصراحة كما يحلو لك هنا
ماعادت المرأة تهدد باشياء تنكسر بها
نحن نعرف أنه ليس لديك زمن.. والدخول هنا ليس لتزجية الفراغ لا.. بحث معلومات دخولك الإنترنيت..
أما هنا يا تضيف معرفة~... يا تأخذ معرفة
وأخذ المعرفة منه الصبر كمان على سخائم الناس.. توسع ذاتك تفتق مقدرتك على الصبر الذي تستفيدين منه في حياتك..
موش كل مرة نقعد نحنس دا ونترجا دا.. إفتكر وصلنا مرحلة أننا نحتاج الى بعض هنا..لزيادة المعرفة
شوفي عدد الأقلام في بوستك هذا التي طالبت ببقائك
فيهم بنات وأولاد ونساء متمرسات.قد يخالفونك الراي أو يكونوا معك
ولكنهم إتفقوا على أن تبقي
مهم ان تبقي
صارت عندك حصيلة كبيرة.. وعرفت المتدين بحق من المامتدين من المستهبل من المتحرر.. وأصبحت عندك قناعة ومناعة..زادت كتير بالممارسة والدخول في تجارب مقدرة..الممارسة في الإختلاط مع الآخرين أعني .. في مجالات النت..
لذلك أنا مع الناس الكتار ديل الدخلوا هنا يترجوك البقاء ومضاعفة الجهد.. وطرح رايك كما عودتينا..

الاحت سودانية لا ترحلي حتى نثبت دعامة الحق في أن نقول رأينا ...ونثبت على ما نقول ..

حقاً أنا تفهمت موقفك تماماً وهو لا يختلف كثيراً عن مواقف الكثيرين هنا

أنهم وانت مع حرية التعبير وفي ذات الوقت إحترام القيم والمعتقدات والعقيدة .. وهو رأينا كلنا ..


فسؤ الفهم كان بسبب التسويق الذي تباه البعض ...

موني بيننا لانك قلم حر

ورؤية واعية

وحرة ليست تابعة ...

صاحبة مواقف وضاحة

لك التحية حتى تعودي

وفي انتظارك

الأخت الكريمة سودانية2000 ..

ما حدث معكِ هنا غير مقبول وغير مبرر ..
لمجرد إختلاف في وجهات النظر ,,
كوني كما أنتِ
واضحة
جريئة في طرح رأيك
و..
سودانية
ومكانك بيننا ..




تضامني اللاّمحدود معكِ ..

Quote: اذا كنت قد اوردت راي بصراحة في الفترة الاخيرة عن احد الاعمال الواردة هنا هذا لا يعني انني عرضة للانتهاك بسبب هذا الراي وقد اخذت الموجة اكثر من حجمها و سودانية ليست هي الوحيدة من أبدي رايه ..فلماذا الاستهداف علي السودانية ؟؟؟ وهل خرجت من الملة بقولي هذا ؟؟ كيف تحكمون؟؟

عزيزتي سودانية 2000

الظاهر للعيان أن تلك الرسوم العارية قد عرت أكثر مما كان صاحبها ينشد أو يتمنى! فلم تعد القضية مجرد لوحة عارية أو شبه عارية لشخصية تاريخية ما... بل تعدى الأمر لنتعرى (جمعينا) من وريقات التوت التي إتخذناها سترا لغوغائيتنا و همجيتنا و ضيقنا الشديد بمن يخالفنا الرأي.
لا أريد الخوض في تفاصيل ما جرى بقدر ما أود ان اقول:
ما عاد هنالك مجال للإنسحاب فما جرى بالمنبر إنما هو امتداد لما يجري في البلد بصورة عامة و السلوك الهمجي مزدوج المعايير علامة فارقة لأغلب (المتعلمين) و (المثقفين) من بلادي!
عزيزتي سودانية2000
الجهل والمرض لا يحارب من على البعد و لا بالريموت كنترول بل بمواجهته ومعايشته يوما بيوم
فيوم لنا.... و يوم علينا.
أبقى بأمان

الآخت سودانية
من حقك أن تختاري خيار البعد والرحيل عن المنبر هذا شأنك
يس أعلمي أن رحيلك خسارة كبيرة للمنبر (سودانيز أون لاين) لك أجمل وأصدق الدعوات والأماني بالتوفيق والنجاح
لك فائق التقدير والاحترام أخيرا
الشفيع مصطفى

الأخت العزيزة
سودانية

اتمنى ان لا ترحلى
تختلف و نتفق
و ننتقد
و لكن بحدود,,
هنالك خطوط لا يمكن لنا ان نتجاوزها
و منها اطلاق اسماء
رسم صور,, القاب,, عناوين,,
و غيرها ممن لا يحب الطرف الأخر
الاختلاف يكون بالمقارعة,, و النقاش
و الا,, فلن تكن هنالك حدود
و الله المستعان

لكم انا حزينة
غادة

العزيزه سودانيه

اتمنى رؤية قلمك الصادق بالحق هنا مرة آخرى

وسيف مساعد بالذات اخو اخوات صدقيني

فقط اخطأ بالعنوان

وربما لو تركوه يكمل البوست لاتضحت لنا رؤيته.

ظلي هنا حتى لا تصب عليه اللعنات فهو رجل طيب.

اخي ادروب

ارجوك خفف لهجتك قليلا

وانتبه لالفاظك جيد.

قلبك الابيض لن يشفع لك اما هذه الحده.

تعلم اني اختك وفي مركب واحد معك.

ولكن لن نجرح سيف لاننا نرفض جرحه لسودانيه

كلاهما محل تقدير واحترام.

ويا سيف انتبه لعناوينك جيدا

فانت طيب ولكن الطيبه لن تشفع لنا في كل مرة.

معزتي وتقديري,للجميع.

وسودانيه ستعود

لاجل اطفال الملجأ ستعود

وستعود لان دموعهم اهم من دموعها....

واحزانهم اهم من احزانها....

وكرامتهم اهم من كرامتها...

وما فعلتيه من تسليط الاضواء على مشاكل اطفال الخرطوم كثير ومجدي وافضل من صمتك او انسحابك.

فلاجلهم وليس لاجلنا ...كوني هنا.

تراجي.

الاخت سودانيه 2000
تحياتى
اختى ارجو ان تبقى وتواصلى التعبير عن اراءك و تقارعى بالحجه
و المنطق من يحاورك بمنطق . . اما اصحاب الاساليب المبتذله
فيمكنك تجاهلهم فرحيلك يعنى تحقيق اهدافهم

ودمتى

سودانية

كوني كما عهدناك , واضحة محترمة وشجاعه

تحدثني عن رأيك من دون خوف , ولا ترحلي عنا


اعتزازي وإحترامي لك

الاخت دكتورة سودانية

لا تبعدي كثيرا سنظل في انتظارك

لك فائق الود

هم وانا نحبك ونحترمك ياسودانية الغالية هلا عدتى من اجلنا ؟!!

sudania2000

peace be upon you
not only peace. respect as well and admiration

their reaction to your stance from freedom of expression, irrespect of the content of the creative product, shows that new fascists are in the making
and this is the problem of sudan

fascism
disrespect of human rights
disregard of human life and human suffering in darfur and elsewhere
character assassination
intolerance of different views
oppression of women
and silencing them by hook or by crook

they saw in you a very articulate and independent mind
this is why they want to see you disappear from this forum as soon as possible
take into consideration the fact that they thought that you belong to their faction

but you belong to no faction

you belong to your conscience and good judgement and your moral values
and this is what they lack

conscience
good judgement
and moral values

i hope you continue
but, whatever you decide, rest assured that you are a very respectful and respected human being

take care
and stay well

الأخـت سودانية


اعتقد أنه وبعدهذا الاستفتاء فلن ترحلي عنا,

أتمنى وجودك على الدوام ولك الحق في الاختلاف

ابقي معنا بأفكارك وشخصيتك


لك تقديري



أحمـد الشايقي

ننتظر عودتك

الاخوة الكرام هنا

الاعزاء أنتم جميعا

لكم أقول

قد يكون الغيـــــب حــــلو ***** وانــــما الحـــــاضر احلــــى

معكم و بكم تكون الايام أحلي

و اليكم أهدي

أغدا القاكم حبا و وعدا و شوقا

و أقول


أغدا القاك يا خوف فؤادي من غد

يا لشوقي واحتراقي في انتظار الموعد

آه كم اخشى غدي وارجوه اقترابا

كنت استدنيه لكن هبته لما اهابا

واهلت فرحة والقرب به حين واستجابا

هكذا احتمل العمر نعيما وعذابا

مهجة حرى وقلبا منه الشوق فذابا



انت يا جنة حبي واشتياقي وجنوني

انت قبلة روحي وانطلاقي وشجوني

أغدا تشرق اضواؤك في ليل عيوني

آه من فرحي احلامي ومن خوف ظنوني

كم اناديك وفي لحني حنين ودعاء

يا رجائي انا كم عذبني طول الرجاء

فانت او لا انت فافعل بقلبي ما تشاء


انت لولا انت انت لم احفل بمن راح وجاء

انا احيا بعد اشواقي باحلام اللقاء

هذه الدنيا كتاب انت فيه الفكر

هذه الدنيا وصال انت فيها العمر

هذه الدنيا عيون انت فيها البصر

هذه الدنيا سماء انت فيها القمر

فارحم القلب الذي يصفو اليك

فغدا تملكه بين يديك

وغدا تأتلق الجنة انهارا وظلا

وغدا ننس فلا يأسى على ماض تولى

وغدا نسمو فلا للغيب محلا

وغدا للحاضر الزاهر نحيا ليس الا

قد يكون الغيـــــب حــــلو

وانــــما الحـــــاضر احلــــى
_________________

Quote: وغدا ننس فلا يأسى على ماض تولى وغدا نسمو فلا للغيب محلا وغدا للحاضر الزاهر نحيا ليس الا قد يكون الغيـــــب حــــلو انــــما الحـــــاضر احلــــى _________________

الأخت سودانية
لا اريد ان اكرر لك ما كتبة الأخوة و الأخوات من قبلي و أرجو منك البقاء، و لكني احب ان اقول لك مغادرة هذا المكان لن تحل المشكله إطلاقاً بل ستتزيد من تعقيدها .. ببساطة لأن امثال الأخ سيف مساعد ستقابليهم كل يوم في العمل و في الأسواق و في المناسبات العامة، فهل ستتركين كل هذه الأماكن حتى تحمي نفسك من شر الإحتكاك بهؤلاء؟ هذه هي الحياة يا أختي، مليئة بالإحباطات اليومية و انت تعيشين في السودان و تعرفين ما أعني .. و لكن واجبنا هو أن نتعايش معها و نحاول تغييرها الى الأحسن ما استطعنا ..
اقدر غضبك، فمثل هذا الحديث مرفوض و لا نقبله لأخواتنا إطلاقاً و فيه تجاوز لكل خطوط الإحترام و الأخلاق الحميدة التي نحاول أن نحافظ على ما بقي منها ..
توقفي قليلاً و خذي زمنك حتى تهدأ نفسك و يخف غضبك، و فكري في كل ما كتبه لك الإخوة و الأخوات الأفاضل من قبلي ثم عودي لنا قلماً واعياً و فكراً ثاقباً و مواقفاً واضحة، .. عودي لتخبرينا عن مركز اللقطاء و عن الطفل أيمن و رفاقة الذين ما كنا لنعرف عنهم شيئاً لولا وجودك بيننا، فمثل هؤلاء سخرك الله لهم حتى تعرَفي الناس من خلال هذا المنتدى بمشاكلهم و الآمهم لتمتد لهم يد المساعدة ..
تذكري دائماً ان القرارات التي نتخذها تحن تأثير الغضب في الأرجح تكون خاطئة .. تمهلي، فكري ثم عودي فكلنا بإنتظارك.

لك خالص ودي
الصاوي

الأخت العزيزة سودانية ..تحياتي..

أفهم أن ما تعرضت له مثير للغثيان..

و حقيقة لا أستطيع وصفه بما يناسبه..

و لكن لست أنت من يجب أن يرحل..

بل من أشهر إفلاسه على بوابة اسمك..و رأيك..!

ما فعله سيف مساعد.. أنقص منه هو ..و أضاف إليك أنت, و مهما تبجح و حاول تبرير فعلته..

فلن يمكنه إصلاح صورته التي مزقها بنفسه أمام الجميع..فلا تهني و لا تحزني يا أختي!!

الذي أستغرب له أيضاً..هم أولئك الذين هبوا لتكريمك و منحك الألقاب الآن فقط..

و كل ما كنت تقولينه..و كل الخير الذي كنت تفعلينه من قبل..و كأنهم لم يسمعوا به..!

بل كل الخير الذي كنت تقولينه و تفعلينه من قبل..قد صنفك لديهم كأحد أوعية الظلام..

و لم يروا نورك..إلا بعد أن صادف قولك هواهم..

يا له من هوى مهلك..

و لكني أعلم يقيناً..أنك تبصرين بعين البصيرة..و ليس البصر..

ليتهم يتبعونك!

الحبيبة سودانية
لماذا تتركين هذا المكان
هو مكانك فلا تتركيه مهما كانت الظروف
كلنا لمنا سيف على البوست و الرأي العام بهذا المنبر لا زال بخير
محبتي و تقديري
لنا

هذا البوست إستفتاء واضح في حق الناس المطالبة ببقاء الأخت سودانية2000
.. وعتاب للعضو الذي تعرض للأخت سودانية
وهو نفسو إعتذر عن عملو.. القال الناس فهموهو خطأ..والله يقبل الإعتذار فما بالك بالناس.. والله يقبل التوبة وفتح باب الرجوع والتوبة والإستغفار.. وكلنا ناقصين..نخطأ ونتوب.. نخطأ ونتوب..
........
ثم ثانياً
هذا البوست برضو إستفتاء في إنو الناس هنا تتبرأ من الراي الكعب باقلامها
يعني
الناس البي تكتب هنا ردت الإعتبار للمنبر وتبرأت
....
وهذا المنبر مجتمع خليط
زي المجتمع السوداني بالضبط.. كل حاجة فيهو...
والصبر على المكاره
قيمة سلوكية كبيرة ودينية عالية
التجارب السمجة والتجارب الجيدة تفتق النفس وتوسعها
وتوقد فيها نار المجاهدة لتترقى وترقى وتكون راقية
بهذه التجارب وغيرها تتوسع النفس وتصبح هي غير نفس الواحد الضيقة التي كانت بالأمس.. وتكسب الخير وتزيد من نار المجاهدة هذه
( وجزاء سيئة سيئة مثلها، فمن عفا واصلح فاجره على الله).. صدق الله العظيم
يعني قال كان زول عمل ليك حاجة بطالة
من حقك تعمل ليهو حاجة بطالة زيها بالقانون..
هي حقك.زلكن شوف الحكمة الإلهية المتفردة
سماها سيئة.. لأنك إذا رديت الظلم فورا تكون زيو أو قريب منو..حتى لو بالقانون
بعدين جاب( فمن عفا...)
دي مرحلة متقدمة تفيهو لله الظلمك... لكن في نفسك شئ....
كمان في أكبر منها( واصلح)
تعفي وتصلح ما تركك ساكت.. تعفي وتصلح الشخص او تصلح ظلمه الذي حصل..
دي كلها تدرجات في التربية
الله يعرف بيها عبيده الأبرار والمقربين واصحاب الدرجات الرفيعة
ويجازيهم بيها في الدنيا قبل الآخرة وجزاء الآخرة موجود..
عشان كدة الناس درجات..
وفي النهاية يقول( فمن عفا واصلح فأجره على الله)
يعني دا عمل كبير خلاص دا الزول البي يعفا ويصلح دا.. مافي نبي ولاملك بي يقدر يديو جزاهو بالنيابة عني.. دا أديهو جزاهو أنا بذاتي... جل وعلا رب العزة
زي هناك لما يقول في حديث قدسي( كل عمل إبن آدم له إلا الصوم، فإنه لي وانا أجزي به).. كأنو عبدي ترك شهوتو من أجلي وصام من أجلي ..العمل دا أنا شخصياً اللي أتكفل بأجره.. لاملك مقرب ولانبي مرسل..بي يقدر يحصي اجرو. سبحان الله ما أعظم ديننا..
.........
أملنا أن تبقى سودانية 2000

الأخت سودانية 2000

نقدر لك زعلك وغضبك من الحصل ..
وهو بالنسبة لنا مرفوض تماماً ..
نتمنى أن تواصلي في المنبر وعدم مغادرة هذا المكان ..
وكوني قوية بكتاباتك وأفكارك ..

محبتي ..

سودانية 2000

هاك البوست دا

سيدات آنسات المنبر هذه التلميحات من متطلبات العمل العام

وراجعي كلام مهيرة دا براحة وصدقيني
حتجي راجعة وتواصلي

وبعدين ياخ بطلي بخل ياخ الدفر دا بستحق القروووش دي

تحياتي السنجك

Quote: الأخت العزيزة سودانية الكتابة فى هذه المنابر ليس ترفا ولا للتسلية فقط وهو مكلف كما ذكرتى ، ولكنها جزء من رسالة نبيلة من أجل المعرفة ومن أجل خدمات انسانية كالتى تقومين بها داخل الوطن.وكل صاحب رسالة وهدف نبيل معرض للاساءات والتحرش ممن يسوؤهم فعل الخير واشاعة المعرفة واحقاق الحق، وعلينا تحمل ذلك من أجل ايصال الرسالة النبيلة، فابق معنا اختى ولا ترحلى، ولكن لا تتركى ضعاف النفوس اولئك وابلغى أمرهم لصاحب الموقع وانشرى رسائلهم فى المنبر حتى تكون لهم عظة وعبرة لغيرهم تحياتى

مرحب بيك يت سودانيه ، المنبر هو مكانك .............





]

الأخت سودانية
لن أزيد على ماذكره آنفاً أعضاء وعضوات المنبر ، يكفى أنهم بكل اختلافاتهم اتفقوا على موضوعيتك والتزامك بآداب الحوار ، آمل أن تواصلى لأجل إرساء قيم وأدبيات للحوار الموضوعى والملتزم.

Quote: الأخت العزيزة سودانية ..تحياتي.. أفهم أن ما تعرضت له مثير للغثيان.. و حقيقة لا أستطيع وصفه بما يناسبه.. و لكن لست أنت من يجب أن يرحل.. بل من أشهر إفلاسه على بوابة اسمك..و رأيك..! ما فعله سيف مساعد.. أنقص منه هو ..و أضاف إليك أنت, و مهما تبجح و حاول تبرير فعلته.. فلن يمكنه إصلاح صورته التي مزقها بنفسه أمام الجميع..فلا تهني و لا تحزني يا أختي!! الذي أستغرب له أيضاً..هم أولئك الذين هبوا لتكريمك و منحك الألقاب الآن فقط.. و كل ما كنت تقولينه..و كل الخير الذي كنت تفعلينه من قبل..و كأنهم لم يسمعوا به..! بل كل الخير الذي كنت تقولينه و تفعلينه من قبل..قد صنفك لديهم كأحد أوعية الظلام.. و لم يروا نورك..إلا بعد أن صادف قولك هواهم.. يا له من هوى مهلك.. و لكني أعلم يقيناً..أنك تبصرين بعين البصيرة..و ليس البصر.. ليتهم يتبعونك!

Quote: الأخت سودانية والله فتشت البوست كل حتة ما لقيتو!!!! ده أسلوبهم المعتاد مع المرأة إنه نوع من الإرهاب بإستغلال حيائها وأدبها بغرض للتشنيع بها وتشويه سمعتها لأنهم يسوؤهم يرونها تتخذ موقفا مستقلا! هذا بالنسبة لهم تخطي للخطوط الحمر!! المرأة يجب ألا يكون لها رأيا عليها فقط أن تكون ذيلا للرجل! مجتمع ذكوري متخلف جاهل إستغلالي! يريدون منك أن تبتعدي وتفسحي المجال للمستكينات والراضيات بالخنوع عملوها قبلك لتماضر وآمنه مختار وبيان وتراجي وبنت الأحفاد.... خطتهم معروفة!! فوتي عليهم الفرصة لأنهم يفرحون بذهابك أبقي معنا... صوتك دعم للإستنارة ودعم للمرأة

عبّرت عني يا أدروب
إبقي هنا ولا تذهبي يا سودانية 2000 مشاركاتك قيمة لا تستحق أن تُهدر من أجلهم ... وأستغل هذه السانحة لأشيد بكل ما ظللت تساهمين به من أجل رفعة مجتمعك وليس ببعيد عن الأذهان حملة التبرعات للفقراء والمحتاجين التي كنت أحد المساهمين في تنظيمها وانجاحها بجهودك الخيّرة
نادر

يا سودانية2000 كنت امني النفس ان يكون لهذا الوجه الجميل اسمه الكامل فانتي ظهرتي بصورتك الحقيقية وكم منا من يخفي صورته ويكتب اسمه ثلاثيا او رباعيا ولا نعلم ان كان الاسم صحيصاوهناك م اتي بصور عجيبة محل صورته الاصلية..
عموما يا سودانية لا ترحلي حسب كلام الناس اللي هنا ورغم اني جديد في هذا البوست الا ان مناجات الجميع هن يدل على انك انسانة راقية يجب ان تنيري الموقع فانت شعاع رقيق.
لدينا في المنتدى النوبي مشاكل مماثلة ولكن نتصدى لها بحكمة وروية فلا ترحلي واصمدي وخليك معانا.

الأخت الفاضلة سودانية .. سلام

سودانية 2000 من الأقلام القلائل التى تجبرك على إحترامها لأنها تكتب باحساس صادق

لا نريد أن ينقص العقلاء عاقلا آخر .. فأبقى هنا يا سودانية يا أصيلة .. هذا المنبر ككل المجتمعات يختلف فيه التفكير و التعبير

أستنكر بشدّة ما كتبه الأخ سيف مساعد .. و أتمنى ان تكون هذه سانحة للجميع لتحسين لغة الخطاب

سـودانية...

لاتسمحـي للغضـب أن يأخـذك مـن بيننـا..كـوني معنـا عنـدما نختلف ونتفق ...
نغضب ونـحـزن و نتقاسـم الألم والفرح..

مـني

Quote: يا سودانية وبرغم الاختلاف بين المتحاورون فكريا كما قلتى

ارجو منك ان الرجوع الى مضمونها والعمل بها واتركى قرار الرحيل فانت زهرة من
زهور هذا العالم السايبيرى
تحياتى

هشام امين

سودانية أرجو قبول توضيح سيف
ولا أعتقد أنه كان ضامرآ لسؤ
وأتمنى بقائك

وأرجو يا سيف إعتزار مباشر

رأفت

Dear Dr. Sudania
Please dont go . You are really needed here
regards

قرأت البوست كاملا ...
إنت غلطانه ...
لاسباب غير فكرية

وما ترحلي ... خليك هنا

الأخت الفضلى سودانية 2000

السلام عليكم ورحمة الله وبركاته ، ، ،،،

Quote: و لكن لست أنت من يجب أن يرحل..

إختلاف الرأي لا يفسد للود قضية ، أعتقد بأن هذا البوست أوضح لك الكثير والكثير ، فهاهم إخوتك من الجنسين يناشدونك بعدم الرحول ولا أعتقد بأنك مهما كانت الأسباب والمسببات سترحلين بعد أن عرفتي مدى معزة شخصك عندنا جميعاً ، كلنا نحبك ونحترمك كثيراً ، فأنت من الاقلام القليلة التي تحوي الكثير ، وشخصية مهذبة ومثقفة ، فضلاً ورجاءاً أختي لا ترحلي وإستجيبي لمناشدة إخوتك فهم قد أعياهم الهم والحزن لفراقك ، فهل إستجبتي أختي فالحب يحتويه القلب والفكر يشمله العقل وعقلك كبير وقلبك أكبر يتسع لحبنا جميعاً ، كوني كما عهدناك قوية وشجاعة ونبيلة . فهلا إستجبتي أختي . أظن أنك ستستجيبين لنا جميعاً . لك إحترامي وتقديري .


عودي فالعود أحمد . ولك هذا المقطع أختي :ـ

أعمل ليك أيه لو ترجعلي تاني
أفرش ليك ورود وأنظملك أغاني
أعزف ليك عود ويغرد كماني
يا أحلي الوجود
ويا أغلي الأماني .

ما كنت الودود حنين ووافي
من خلاك صدود ووراك التجافي
كم أوفيت وعود وحبيت التاصفي
اليوم التعود يوم فرحي وزفافي

أها كده كيف ، خلاص ، صافي يا لبن ، هيا عودي لنا استحلفك بالذي خلقك.

أخوك دوماً

عماد

Quote: كل يوم اكتشف الغريب و العجيب في هذا المكان و لما كان لدي خط واضحا في هذا البورد و منذ 05-02-2002 في التعامل مع الاخوات و الاخوة هنا و الجميع علي عيني و رأسي و جوة قلبي حبا و احتراما ... و لو اختلفنا في الافكار و المعتقدات و طريقة التربية و الاخلاق الي غيروا من الاختلافات و لم يشهد هذا المكان لي اي نوع من التخطي مني لاي شخصية مهما كان درجة الاختلاف ......

الأخت سودانية،

تأسفت لما تعرضت له.
وهو جزء مما يشهده المنبر من إنحدار.
نرجو أن يرتقى منه؛
بعودة الأقلام الجادة والهادفة.

أرجو أن تستمعي لكلمات أخوانك وأخواتك هنا.
وأخص بالذكر رسالة د. مهيرة
ودعوة بنت الأحفاد لك (في مداخلة منفصلة)
للإستعداد لأعمال الخير والبر في شهر رمضان الكريم.
وأعمال خير أخرى الناس في أمس الحوجة لها.

Quote: انا شخصيا لا اعتذر لك لاني لم اتي بشئ غلط تحدثتي عن حرية الراي والتعبير التي تكفل لخالد كودي رسم اي انسان عاري صغيرا كان ام كبير فهذه الكفالة تشملني بان ارسمك عارية الراي وليست عارية الجسد

اختى سودانيه
فالتبقى
وسنسن اقلامنا حربا ضروسا على خواء الفكر وفاقدى النظر
ستكون حرب بلا اخلاق وبلا حدود( لانو الظاهر انو المنبر دا مافيهو لوائح ولا قوانين)
لا تلتفتى الى عباراتهم الجوفاء والمسمومه... لن يتوقفو عن ايرادها فى كل مره ( ودونك ما كتبه هذا الشخص اعلاه)

فهل ستبقى ام سترحلى لتكون الفرصه لهم لنشر السفه والخواء وافلاس المنطق والافكار

فاتبقى اذا ولو الى حين

الشاعره الكويتيه: سعاد الصباح

كتبت قصيدة رائعه

تحت عنوان :

للأنثى قصيدتها وللرجل شهوة القتل
(اقتطف منها هذا الجزء)

________________


سيظلون ورائى
بالبورايد .. ورائى
والسكاكين .. ورائى
والمجلات
الرخيصات ورائى
فأنا أعرف ما
عقدتهم
وانا أعرف
مواقفهم
من كتابات
النساء
غيرى أنى ما
تعودت بأن
انظر يوما للوراء
فأنا أعرف دربى
هذا
والصعاليك على
كثرتهم
لن يطالوا كعب
حذائى
لن ينالوا شعرة
واحدة من كبريائى
فلقد علمنى الشعر بان أمشى
ورأسى فى السماء

السلام عليكم

الاعزاء

لؤي
تماضر
تراجي
عادل اسحق
نادية عثمان
مني خوجلي
ادروب ابوبكر
المعز ابونورة
خالد كودي
عصام احمد
ابو ريش
كمال عباس
محب المحب
يوسف الولي
فرانكلي
مهيرة
احمد الشايقي
ابوساندرا
ياسر عبد القادر
منصوري
القلب النابض
تيسير عووضة
صلاح الدين نادر
الشفيع مصطفي
غادة عبد العزيز
مروة احمد مكي
نهال كرار
حسام يوسف
عادل عثمان
الصاوي
سناء خالد
لنا مهدي
معتصم دفع الله
السنجك
بشير حسن بشير
ابوبكر حامد الامين
عثمان حسن الزبير
نادر
محمد زمراوي عبد العزيز
علي الحلاوي
هشام امين
رافت ميلاد
د.راشد موسي
محمد ابوعاقلة الطريفي
عماد محمد علي
الطيب العوض الطيب


لن افارقكم حبا لكم و شوقا للبقاء بينكم

هذا هو وعدي لكم

و رغبة مني في تعديل ذاتي

و أود ان اتعلم من حكمتكم المزيد

فهانا ارجع و كلي اذان صاغية لكم

وقلبي مفتوح للمذيد من حبكم

فقد ابكاني صوتكم

اود ان اكون خير مما انا فيه

حتي اعرف ان اسامح

و حتي اتعلم متي يكون الغضب الجميل

أعذروني سادتي

فكلي مساؤي

و كلي ضعف

و علاتي

لا تحصي و لا تعد



غيرى أنى ما

تعودت بأن

انظر يوما للوراء

فأنا أعرف دربى

هذا

والصعاليك على

كثرتهم

لن يطالوا كعب
حذائى

لن ينالوا شعرة

واحدة من كبريائى



و ها انا أعتذر لكم عن غيابي

لاعود لكم اكثر صلابة

و اكثر حبا

و بكم أكون حقا

سودانية2000

فلكم الشكر علي النداء

و لكم كل الحب

و كل الثناء

و علي وعدي اكون

معكم

حتي اخر قطرة دم

و حتي يكون لنا البقاء

Quote: و لكم كل الحب و كل الثناء و علي وعدي اكون معكم حتي اخر قطرة دم و حتي يكون لنا البقاء

احبك ياسودانيه...

وبالله جهزى حالك قوام رمضان على الابواب....


سودانيه....تمشى كيف تخلينا ورمضان على الأبواب????



وجه عايز يحضنك من الفرحه

حمدلله على سلامه رجوعك ياحبيبه



وفى امان الله


لا اله الا الله

الف حمد لله على السلامة وعودك احمد باذن الله اختى سودانية

يا ألف مرحب بيك وبعودتك

أفرحتينا كثيراً يعلم الله

ومنتظرنّك في الإجتماع الهام

إجتمـــاع مهــــم لشـلة المســـلمين بالبـــورد

تحياتي كمال

عزيزتي سودانية
شكرا لإختيارك المواجهة عوضا عن الإنزواء

على أن نلتقى لختلف أو نتفق لا فرق... فالإحترام موجود!
إبقى بأمان

Quote: و ها انا أعتذر لكم عن غيابي لاعود لكم اكثر صلابة و اكثر حبا و بكم أكون حقا سودانية2000 فلكم الشكر علي النداء و لكم كل الحب و كل الثناء و علي وعدي اكون معكم حتي اخر قطرة دم و حتي يكون لنا البقاء

شكرا جزيلا sudania2000

وكسبت الرهان بينى وبين نفسى

لك التحية والتقدير

Very good....I didn't see this post before
but I am glad that you are not leaving










Kostawi

Quote: لن افارقكم حبا لكم و شوقا للبقاء بينكم

حقاً ابكتني كلماتك

فأنت صوتاً قوياً مستقلاً نريده أن يكون بيننا

نتعلم منه .. الدروس والعبر ..

لك منا الحب ثم الحب ...

لولا حياءى لرقصت فى هذا البوست فرحا بعودتك.....


بالجدافرحتينا شديد وفرقتى معانا كثير...

كم احبك ياصديقتى وكم افتقدتك....

منتظرنك ياحبيبه فى الاجتماع الهام...

لكى مودتى



وفى امان الله

لا اله الا الله

و بهذه المناسبــة لكــم جميعـا رائعـة الســـت ***أغدا ألقــاك***
من كلمات شاعرنا الفـذ/الهـادي آدم
و ألحــان الموسيقــأر/ محمد عبد الوهـأب



اضغط للتشغيل

سودانية الاصيلة
انتى عارفة لو كان صممتى على رايك
كان حتكون ظلمتى نفسك
وظلمتى كتيرين محتاجين ليك
والحمد للة على العودة

Quote: علي وعدي اكون معكم حتي اخر قطرة دم و حتي يكون لنا البقاء

أصيلة وبنت أصول وسودانية 100% يا سودانية 2000 ، ونحن على الوعد أيضاً جنود مجندة لحمايتك والدفاع عنك وعن الأشراف أمثالك سنسكب الدم قبل العرق دفاعاً وهجوماً حتى يكون لك البقاء وتسلمي ويسلم دمك الطاهر ياطاهره.


حمد لله على السلامة ونورتي البوست من جديد . وكوني بألف خير .

سودانيّة
تحايا طيّبة


سعيد لاستجابتك وعودتك وإتّباعك لصوت العقل كعهدنا بكِ دائماً ..





محبّتي وتقديري

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]

Dear All

Assantti SANA

الاخت sudania2000

حمداً لله على عودتك ...
ومتوقعين بوست الجمعه .. ( وجه مبتسم )

Quote: عماد محمد علي

يا ربي ده أنا ولا واحد تاني ؟؟!!!!!

اكيد دا ما انت و لا اخوك ولا البورد مسكون

تسلم

life is boring

الأخت العزيزة / سودانية
تحية طيبة
واصلي مسيرتك بكل ثقة وإعتزاز
فإنك بهذا الكلام تقودين السفينه
إلى بر الأمان ..
وإلى الملتقى

الشكر لكم احبتي

و خالص مودتي لكم جميعا

الصحافة

شكري و تقديري

غنيتي المفضلة دوما لا تنافسها عندي الا الود للرائع وردي

سودانية: شكرا ليك انت علي العودة من جديد....

Quote: غنيتي المفضلة دوما لا تنافسها عندي الا الود للرائع وردي

هذا لرقي ذوقـك..

تسلم يا سيدي و الله يديك العافية

سلامات
وعوافي
سودانية
تمشي وين تخلينا.. والله مافي طريقة بتاتا..
البوست دا قديم والله لميت فيهو بي هناك هسي دي "الساعة 12:15 بتوقيت قرينتش ..
المهم ياستي والله انتي واحدة من رياحين المنبر ..
وجودك مهم بالحيل يازولة ياطيبة

ود الرميلة لك الشكر علي التحية و علي الاطلالة
و تسلم اخي الكريم
بس بيني و بينك كدة الزول يجي داخل شايل معاهو ليمون اخضر
تسلم يا اخضر القلب و اليد
و صباحاتك بنكهة القهوة و طعم الفراولة و السكر و صباحك زين

Quote: و صباحاتك بنكهة القهوة و طعم الفراولة و السكر و صباحك زين

إلا كان صباح ما نقبّل بيهو هنا يا حبيبة!!
مودتي و تقديري و كوني كما أنت (كيشة) نقية
لنا

لونية يا حبيبة

صباحاتك بنكهة دعاش مطرة كبت فينا طول الليل و صبحنا بيها فرحانين

الرزاز يملا المكان ووردي يصدح بالود

و نكهة القوة البلدية تملا الدار

و النيمة فرحة بالمطرة و عصفورة تزقزق معها

هذا هو صباحي الان

قهوة وشاي ووردي

و صباحك زين

و كل صباحاتك

زينة و سعيدة انشاء الله

امسحيها في وشنا يا سودانية

جهلول وعقلو سغير..

الكريم دكين

سلامة وشيك من مسـح الشين

اشكرك بشدة

و خالص مودتي

و ابقي عافية

و صباحك زين

نرفع البوست للفكرة ذاتها

قشة ما تعتر ليك

Quote: هذا هو صباحي الان قهوة وشاي ووردي

صباحاتك فراشاتي البترقص فوق زهر نديان
صباحاتك عيون إنسان بتوهب لي أمل وحنان
صباحاتك غيوم الريد بتوري في قليب عطشان
صباحاتك فرح عاشق بيرسم في الضمير إنسان
صباحاتك صلاة راهب يرتل في خشوع وأمان
صباحاتك ودرب الشوق طريق ماشيهو لي زمان

Quote: صباحاتك فراشاتي البترقص فوق زهر نديان صباحاتك عيون إنسان بتوهب لي أمل وحنان صباحاتك غيوم الريد بتوري في قليب عطشان صباحاتك فرح عاشق بيرسم في الضمير إنسان صباحاتك صلاة راهب يرتل في خشوع وأمان صباحاتك ودرب الشوق طريق ماشيهو لي زمان

الاخ الكريم عماد

لك الشكر والتقدير

وربنا يديك ويرضيك بالخير الكثير

اتمني ان تكون بخير

ولينا زمان ما شفناك

تسلم يا كل الخير

سودانية سلامات
بركة الشفناكى طيبة
انشاء اللة الامور
كلها تمام عندكم ومافى
عوائق.

خالص تحياتى

كل يوم اكتشف الغريب و العجيب في هذا المكان و لما كان لدي خط واضحا في هذا البورد و منذ 05-02-2002 في التعامل مع الاخوات و الاخوة هنا و الجميع علي عيني و رأسي و جوة قلبي حبا و احتراما ... و لو اختلفنا في الافكار و المعتقدات و طريقة التربية و الاخلاق الي غيروا من الاختلافات و لم يشهد هذا المكان لي اي نوع من التخطي مني لاي شخصية مهما كان درجة الاختلاف ......


تعاملك مثالي و راقي يا سودانية وهذا ما ينبغي.

الاخ الودود شهاب

لك كل التقدير

واشكرك علي كلماتك الطيبة

ربنا يحفظك ويغطي عليك

تسلم

عزيزتي سودانية

مساؤك فل وياسمين ويكفي انك سودانية لا يهم الفين او ثلاثة اسلوبك الحضاري


في الطرح وتبادل الراي يفرض علينا احترامك ارجو ان لا تستمعي للاصوات الناشزة واصلي


كتاباتك وسنواصل حبنا واحترامنا لك

د سودانية
تحية محترمة

ضعي الكرفس في اذنيك
وانفك وتمسكي بركائز
هودجك, فأنت علي ظهر
ناقة "فنجاطة" ومسرعة
لناحية مراحها حيث
تنيخ بك مستسلمة للجوع
فأنزلي عنها ولا تطعميها.

Quote: سودانية سلامات بركة الشفناكى طيبة انشاء اللة الامور كلها تمام عندكم ومافى عوائق. خالص تحياتى

الكريم علي الحسن

سلام مربع وتحايا مني خاصة ليك ومن المعاي هنا وبدعو ليك

تعرف غيابك يقلقني لكن طلتك البهية هذه اذهبت بعضه

عساك طيب والقراية ام دق ماهي تاعباك

تسلم يا ذوق

وجزاك الله كل الخيرات

وخلي بالك من روحك

ودعواتنا ليك

عيون الحرية

لا نجد الحرية هنا صايبريا ولا هناك واقعيا..كيفك يا عيون

عساك بخير

انا بخير ولكني اصبحت اكثر مشغولية وضغوط العمل لا تحتمل المذيد هنا

لكن اكيد بكرة احلي

وربنا يمسكنا الرسن

ويجعل لي من لدنه الهداية

وربنا يحفظك ويخليك

الاخت الكريمة عواطف

اشكرك يا حبيبة علي كلماتك المشجعة والطيبة

واسعد بقراتك دوما

و

ضياع بعد الرحيل !



قالت : سأرحل !

قلت : ولم الرحيل ؟!

قالت : سأبحث عن المستحيل .. عن ظل ظليل .. وعيش بديل .

قلت : لماذا ؟! ولم كل هذا ؟! وحبي لكِ حب نبيل .

قالت : لقد سئمت ليلك الطويل .. وصبحك الهذيل .. وعيشك الذليل ..

لقد سئمت قلبك الحاني .. وعطفك الداني ..

قلت : وما الغريب ! فأنا الحبيب .. وهل يصان الحب ألإ بالوصل القريب ؟

قالت : بل بالعيش الرطيب .. والمسكن الهانئ .

قلت : هذا عجيب .. الآن أصبحت حياتي مريره ..

وأضحت رغباتي شريره .. أم هي وطئت الغيره.

قالت : كفى .. فأنا في عجلة من أمري ..

أريد جمع أشلاء عمري .. بعد أن دمرته ثم بددته ..

وأضعت زماني .

قلت : كلا .. أرجوكِ أنتظري قليلاً .. فمن أجلك سأغير مجرى حياتي ..

وسأعيد الروح لذكرى وفاتي .. وسنحيا طويلاً .. ونسعد كثيراً

ونملأ الدنيا بأعذب الألحانِ .

قالت : لم أعد أصدق كلمة واحده .. فقد أصبحت أكذوبه أحاول أن أنساها

لقد أصبحت أسطوره تؤرق من يحياها ..

لذا سأرحل .. ولن أعود .. برغم العناد برغم الصدود ..

فحبك لي أبداً لن يسود .. والحب قسمة ونصيب .

ورحلت ...

وضاع برحيلها عمري ..

ورحلت ... وبعدها أنتهى أمري .. وأبتدى حلمي الكئيب

وأشتعل في داخلي جمر اللهيب ..

فبدونها تضيع الأيام .. وتدفن الأحلام

وببعدها تزيد الألام .. ويقسوا الملام .. ويضيق الكون الرحيب

حزنت يومها .. والحزن لا يفيد ..

صرخت يومها .. والصوت لايجيب .. بعد أن رحلت ...

وعشت في دنياي وحيد .. أمارس لعبة التنهيد .. أصارع كتل الجليد

أقتلعها من داخلي قبل أن تزيد ..

فالبرود قد تملك قلبي .. والموت أقترب من جسدي ..

فلا دفء حب يملئ يدي .. ولا عطف قلب يبعث بي الروح من جديد

وسأظل هكذا في صمتي الرهيب .. حتى أراكِ تأتين من بعيد ..

تمسحين دمعة سالت على خدي ..

وتضمين قلبكِ الى قلبي العنيد ..

فأنتِ ما زلتِ .. أميرة حبي .. وأنا ما زلت ..

في حبكِ .... شـــهـــيـــد ،،،،،

سودانية لك التقدير مجزولا

ياسيدتى هل يأبق الانسان من ملك ربه فيخرج عن ارض له وسماء

وياسيدتى مدينة افلاطون الفاضلة لن ولم توجد ولا الانسان المكتمل

وكمال قال واصفا لنا الشاعر الصادق الرضى وغنى له مصطفى سيد احمد

الحزن فيانا كائن يمشى على ساقين

لكن اود اعبر او اتساءل من وين جبتى القدره على تبليل حروفك بهذا القدر من الاحزان

ويخيل لى ان سودانية لو كتبت نكته ح تكون نكته حزينه المهم خلينا نمشى للحزن كقيمة وكحالة

والحزن دائما بتولد كبير ثم يتلاشى بمرور الزمن يعنى عكس طبيعة الاشياء تبدأ صغيره وتكبر بمرور الزمن

والحزن ياتيك حيث انت والفرح يجب ان تذهب له انت

وفى هذا الكون توجد ثلاثة انواع من الثقل ثقل معنوى وثقل فكرى وثقل مادى اصعبها الثقل المعنوى لذا

ان يوم القيامة هو ثقل معنوى - لااطيل ولى عودة أخرى


تنهدات: سأل فتى الخليفة عمر ابن الخطاب عن رايه فيه فرد عليه عمر تكلم ياابنى حتى اراك - فهل رايتك

بكلماتك ياسودانية2000

الأمير الالق صاحب القمر

احترامي وسلامي

وكل تقديري وفرحي بك

لم تقرأني بعد ولا اظنك تقراني هنا ولكن بعض من الحزن يتخطي حدود الاغطية

وبعض المدفون فينا يخرج رغم عنا... حزني يكون فرحا لحضورك البهي

وكلماتي المعطونة بالحزن انعكاس لبعض الحزن في دواخل بلدي المجروح ... بل المقتول كمدا

لعلك تفهم ان اتراحنا هنا دائمة .. وفي كل مشوار تخرج من دائرة خصوصيتك فيه

تجد دوائر متقاطعة من الالام والقروح فوق هامة الوطن المكلوم

كيف نفرح وفينا الهم رزح واستقر

وتقطعت اوصال الكلمة فلم تخرج الا مشوهة مكتومة

اعجبني قولك

Quote: والحزن ياتيك حيث انت والفرح يجب ان تذهب له انت

فهلا بحثت معي عن هذا الفرح

تسلم يا ذوق

و في انتظارك نجي صادي

وفي امان الله

ياسودانية الفين من الاحزان

وانا سودانى الفين من الافراح

طيب خلينا نخلق المعادل الموضوعى بين الدمع والدموع بين النار والماء

فى تقديرى لا يوجد شعب يجيد الحزن ك (برستيج) قدر الشعب السودانى الناطق

بالعربية مثلا تأملى معى( بنينة العديل والزين) يعنى نحن فى عرس أى فرح

لو تأملتى النص هو نص متفائل ولو تأملتى اللحن هو لحن حزين فى رأى صديقى

الخالدفيناا بداعا ( مصطفى سيد احمد) ان ذلك التناقض مرده الى ان الاخوات والعمات

والخالات بقدر فرحهن للعريس هن حزينات لانه سوف ينشىء اسرته الخاصة به ويغادرهن

هذا فى مايخص الزواج . نجى للموت أول ايام العيد هى فرحة عامة وكمان دينية لكن

عند مرور اول عيد لغياب المتوفى يجب ان نحول العيد لتجديد وفات المتوفى ناهيك

عن الحداد الذى يجب فيه ان تتخلى الانثى عن انثويتها وتكون اكثر خشونة بل وذكورية

من الرجل.

تنهدات : توب الحداد عندنا ابيض وعند كل الشعوب اسود هل وهو انتقام لعقدة اللون

Quote: ياسودانية الفين من الاحزان وانا سودانى الفين من الافراح

الأمير الضؤ

افراحك ربنا يديمها....

ولكن الفرح الذي غرسته فينا اكبر

عباراتك الانيقة وقوية تحتاج صباح اخر بعمقهايكون

وهنا غاب نهار اخر واقتربت عودتنا ...اسراب بلا اعشاش

سعيدة بيك وبجيك صادة يا الامير الصادق

وكان دا حزنك انا جزء منه

وكان دا فرحك انا خارج عنه

...
؟؟

إلى أين !!
لم أدر بهذا إلا الآن ..
تنهزمين ؟
أفووو !!!

تذهبين هكذا تاركةً للقبح الجمل بما حمل ؟
يصفعونك فتديرين خدك الآخر لهم ليتوالى الصفع ؟؟

مافي رحيل ولا شي ..
ولا على كيفك ..
تقعدي هنا بمية راجل من نوعهم .
لو كل الناس الكويسة مشت منو الداير يشيل شيلة هم البلد دي ضد القباحة المحاصراها ؟

مافي مشي ..
تقعدي هنا و نترصّ ضد إغتيالنا .
كل شوية واحد فيكم ماشي ماشي .. !!!
دي إسمها خيانة يا دكتورة .

الأخت سودانية
تحية طيبة

أسمحي لي أختي أن أعبر عن رأيي بصراحة ومصداقية تخصني وحدي وأرجوك أن تعتبري هذا رأيي أنا فقط وليس فيه أي نوع من المرآة والمراوغة.

أنا أرى إنه لخير لك أن ترحلي وتتركي المشاركات في البورد وسط هذا الموج العارم من المصادمات والمناكفات طالما أن عائدها يا أختي هو تشهير لك بدون ذنب, لتستفيدي من وقتك الطيب في دراساتك الهامة التي سيستفيد منها السودانيين الذين يحتاجونها خصوصاً أهل مدينتنا الطيبة ودمدني, فأنت للعمل والمعرفة فمالك ومال المهاترات والأصوات النشاز التي تهاجمك بدون سبب.

أبوفتحية

أخى الصادق لك التقدير

وامنحنى فرصة ان اعلق مختلفا مع رايك وبصدق

ياسيدى حين تحرض جمال النفس على المغادرة

هذا يعنى انك تقف فى صف النفوس القبيحة

لان الجمال حين يغادر منهزما امام القبح

هذا يعنى ان القبح هو السيد او من يسودنا

القبح لا يحتاج لمجهود حتى ولو كان صغيرا

يعنى مثلا ممكن انا أقول عنك أنك تافه

بدون معرفة وتعارف لكن عشان أقول انك ملاك

لابد لى من ان اجتهد اوسرد تفاصيل واستدعى وستشهد بخلقك واخلاقك

والمثل البقول ( ان السفيه شتم الباشا)هذا يعنى ان من الصعب على الباشا

ان يتحول الى السفيه وكما ان السفيه لا يحلم حتى بمجرد رؤية الباشا( وكل اناء بمافيه ينضح)


تنهدات: حشرات التجارب العلمية هى ايضا مفيدة لتحقق من مجهودنا فى اننا صنعنا دواء له

فائدة للبشر وكذلك حشرات الكلام

الأخ بدرالدين الأمير

شكراً لك يا سيدي على ماتفضلت به في مداخلتك التي هي رداً لمداخلتي
واستتمحك عذراً بأني ما زلت مصراً على رأيي والذي لا ألزم به أحداً بل
ما رأيته أنا صواب.
ولك التحية أستاذي بدرالدين الأمير وعليك الله بلغ سلامي إلى خالي الحبيب
عصام حسين.

سلامي

أبوفتحية

الكريم الصادق احترم رايك وان سبقه رهق بقبول اللاعودة واللاخروج

العزيز عماد العبد الله لا خيانة بعد اليوم ... ارتشف بعض الالم واتبعه

ببعض رحيقكم فيضوع فينا الصندل

اوامرك تطاع ولا تناقش وكذلك اخر يسمي ود الزين

الأمير الالق صاحب السهل الممتنع معك افقد القدرة

علي تفهم الاشياء وفيك بعض الانتهاء

قبول وصف الجمال مرهون بوعد الانصياع لبؤس

التخلف فيني وضلمات الخوف السبعة رغم الشئ من حتي

ورغم هذه تصيبني باختناق مؤقت لحين انفتاح الدوائر

المغلقة فينا ببعض التقصير المكتسب

والتطاول علي من هو يفوقني في الجمال والادب....

تحذير بلا تنهدات ولا كسرات ولا اوف ريكورد:

عفوا خذ حذرك امامك مطب!!!!

ويا الزينين الثلاثة صباحاتكم بنكهة اللارنجا

طعم الفراولة

ونفحات صوفية مختلطة بقهوة سودانية وموسيقي فيروزية

وغاب نهار اخر

الأخت الدكتورة سودانية

رأيك يجد مني شخصياً كل الاحترام وإيماني بأنه صواب لثقتي المفرطة فيه وفيك
وتأكدي نحن ما حا نقبل فيك أي كلمة.

أبوفتحية

تحياتي لك سيدتي
لم أقرأ ما هوجمت بسببه.. ولست بحاجة- في غالب ظني- لقرائته.. فمحض كتابتك رأياً سبب كاف لإرسال السم الزعاف..
فيما مضى، ظننا بهذا المنبر خيراً، واستمرأنا نجومه السامقات.. لكنهم/ لكنهن رحلوا/ رحلن..
انظري من حولك وأذكري خمسة اسماء كنا نحب التهام كل ما تكتب، صرفاً أو عدلاً
أين أبو جهينة؟ أين شيري؟ أين حبيب نورة؟ اين.. أين..
قطعاً ليست اسماء سميناها نحن و"أبواتنا" لكنها أسماء أنزل الله بها سلطان الكتابة الآسرة..
وعوضاً عنهم، يعلو عياط زعيط ومعيط.. والنافثين السم، والهاذرين بكل فحش..
لا عليك..
أنت أسمى وأرفع..

اذن وقد عدتي ...
لن نقول ودع هريرة

هنا في هذا المنبر الجسد قد تنتابه الحمى...
وقد رايت في سطور جميع من كتبوا
جميعم تداعو بالدعاء والرجاء
عزيزتي سودانية - على طول - وكأني بهم يدعونك وهم موقنون بالاجابة
وكنت كما قد ظنوا
وبنو وطني وان جاروا علي كرام
ولأنك هكذا سميتي نفسك فأنت اخر من يقادر
تذهب اجسادنا ويبقى
هذا السودان العظيم
نختلف ونتفق ويبقى
نسافر ونعود منه إليه
وماجمعنا هاهنا الا انتجين هذا الوطن
نورالهادي


لن اقول مرحبا بعودتك
فأنت صاحبة الدار وكلنا سواء
وهكذا نفعل ان جاءتنا الر ياح
ونفتحها اخرى ليتجدد الهواء


كوني بخير

أكان دا حالكم 0000 دا طرفى منكم

سودانية بين الطرف والترف حا

وبين الوجود والتواجد خليط حروف وبين القاسم والمقسون

لقيا بلا انتظار او ميعاد

وبين الحيرة والمحير احتراف الادب والتأدب


تنهدات: الحاء دليل عزم وانت محيرة ومسيرة فسيرى بلا تبشير اوبشير

الاعزاء نور الهدي و serenader

يقولون ان الانفعالية ضعف ولكن بقدر الرياح تكون الانحناءة

والانحناءة تقبل الاثنين الضعف والانحناء تادبا و ورهبة

رهبة الاختلاف قد نستفيق منها باحدي الندبتين فاما الانسحاب واما الانزلاق

وفي الاولي ضعف وفي الثانية ضعف ونقاء الاناء وما يحتوي يوصف النضح

وكما ورد في الكتاب الكريم المبجل العظيم :قل كل يعمل علي شاكلته

ترحيبكم يجبرني علي الانحناءة شكرا واحتراما

وبكم اكون اقوي واجمل