كودي فنان جسد الم الانسان في دارفور - بس انا زعلانة منو للسببين وابورزكة الكوز مالو زعلان؟

من لم يتمكنوا من مشاهدة العمل وابداء الراى حوله .. سيجدونه فى هذه الوصلة


بعد فتحت الربط لقيت فن حقيقي لكن ما شغل الناس الحملة المحمومة علي كودي بسسب صورة الميرغني.

انا زعلانة عشان رسمت الميرغني عريان
وتاني زعلانة عشان ما رسمت لعمر البشير ضنب وكمان عملت شكلوا بشري.
الميرغني اختلفنا او اتفقنا عندو دور في الحركة السياسية والصراع السياسي وكان موجود مع الديمقراطية مهما كان شكلها دة موضوع تاني.

عمر البشير حدث فلا جرج

اها ابورزكة دة زعلان عشان شنو؟

الاخت شروق
قمت بنفس العمل ورايت اللوحات من تلك الوصلة واعتقد ان للفنان خالد كودي مطلق الحرية في التعبير عن رايه السياسي، لوحات خالد ليست تعرية لشخص فاللوحة ليست من ضمن التعري المهين والشاذ وانما موقف سياسي ويجب الحديث عنها من خلال هذا المنظور اما وضعها في سياق التعري والابتذال فهذا فهم فيه قصر نظر، فخالد الفنان هذه هي وسيلته للتعبير عن رايه السياسي، ربما يكون هذا الاسلوب صادم ولكن ربما هذا ما يريده خالد بالضبط. بالمناسبة في اللوحة وجوه اخري وايادي ممتدة في شكل ادانة في وجة الشخصية المحورية اذن هي موقف سياسي ومن يريد تناولها او نقدها فيجب ان يفهمها في هذا السياق.

msd

شكرا ليك يا اخي

نحنا محتاجين كسر حواجز

لكن البشير خلفه الرجرجة والهماء

والميرغني يؤيده قطاع كبير من المثقفين وكمان جاء بديمقراطية وزعيم ديني
نحنا ازمتنا الان ليس الميرغني.
ازمتنا الجبهةالاسلامية.

هنادي يوسف (شروق علي فضل)..

Quote: والميرغني يؤيده قطاع كبير من المثقفين وكمان جاء بديمقراطية وزعيم ديني نحنا ازمتنا الان ليس الميرغني. ازمتنا الجبهةالاسلامية.

كلُكـ نظر..
أنا زولا هي فتحي عيونك ديل أمسكيهن أخوكـ ما كوز زول بقاري ساآآآكت..
سمعتيني كوز ولا قاعدة ولا حتى حكومة..
خلاص إتفقنا..
وبعدين كده نيجي لوجهة نظركـ الضعيفونه دي اللا بيسندها حق ولا باطل خزعبلات أدبيات إشتراكيتكم..
غايتو بطريقتك دي إنتي حرة وإستحملي الدرش ..
وأوعاكي تقولي أنا نسوان وحرقني لأنو المرة دي الكتاحة بتجيكي من تنظيمكـ ظاتو يا خيال المآته الشيوعية..
تعرفي سيدنا الميرغني ده بحسب تصنيفاتكم برضو موش ضلامي..
وقوة رجعية.. وما إلى ذلكـ إلخ...




قلقه..

حرامي القوقل انت فاكر كل الناس زيك
هنادي يوسف دي عاملة ليك جضمارة
وانا تب ما عندي بيها شغلة شغلتي فيك.
قال انا ما كوز
عليك الله يا ابورزكة كان بليت المصحف وشربتوا في زول بصدقك

عموما كويس انك قلت الروب
بس تنكر دة الروب النحنا منتظرنه

الميرغني اشرف من كيزانكم كلهم
جزمة الميرغني ولا مواخذة اطهر من كل كيزانكم بالحاج نور وحسين خوجلي

انا كم مرة قلت ليك طريقتك دي ما تحلك مني
قول يا الله
والله لو جبت هنادي يوسف جوة البوست ما حا يحلك مني واصلي حا اظل احترمها لانها عاملك سلطة يا سلطة.
والشيوعيين ديل كان جبت نقد جوة البوست ما اخليك
شفت كيف؟
وانا لو شيوعية قسم اقول شيوعية ما خايفة من زول
لكن ما بكون كوزة
امشي الناس منتظرنك في بوست ندى
قال ندى كذابةامشي في ناس قاعدين ليك.

Quote: امشي الناس منتظرنك في بوست ندى

الكتراآآآآآبه..


ما قلتي نسوان..

أوعاكـ تاني تناديني لشهر ما عندكـ فوقو نفقة..

سمعتي يا درق المكاتلة..


خلاص عفيتكـ المرة دي..

ابورزكة
انت مصدق نفسك وعامل فيها خطر
صدقني لا بخاف منك ولا من ناس الحكومة
وتعال كل شوية
عشان تاخد في راسك

قال عفيتك
قال نسوان وقال ليك انا زعلانة عشان انا نسوان
بس انا مندهشة من رجالتك بس مع النسوان - وحسب عقليتك النسوان ديل - بعد الغنم

العزيزة شروق،

تحياتى.

وهنيئا لك...لم تفقدى شعور "الزعل"!!!

نعحن نعيش عصرا تم إلغاء بعض "الاحاسيس" فية من صفوته ومتعلمية.....

بروف كودي دار فوري دي هي وين..

Quote: وهنيئا لك...لم تفقدى شعور "الزعل"!!! نعحن نعيش عصرا تم إلغاء بعض "الاحاسيس" فية من صفوته ومتعلمية.....

وزعلنا نحن كيف..!!
حليلكـ..
شايف عج مشاعركـ المشروخة دي هنا..
ووين إنت كعنصري وقح مسترزق بألم المعاناة متخذ من الأزمة الإنسانية في دار فور دعاية للتكسب تحت ظلال عنصرية المندكورو..

المرة الجاية هات معاك دليل برائتكـ وتعال أمفكو موش ناصري عربي..

دريج في حوار مطول وصريح: يجبرونا علي الانفصال ومستقبلنا في الوحدة, توجد صور

Quote: أشك أن هؤلاء الجنجويد من القبائل العربية وإنما هم بضع أناس من قوات الدفاع الشعبي

وهاكـ زيادة الكوم دي..

Quote: هل قابلت الراحل قرنق؟ في عام 1985 دعاني قرنق للانضمام لتمرده, فإجتمعت به وقلت له إننا في دارفور ليست لدينا مشكلة كما ترونها أنتم, فنحن كما قلت له مسلمون وعرب وإننا لا نستطيع أن نهاجم المسلمين والعرب بتلك الحدة.. نحن نستطيع أن نقول الحكومة أصولية ولا نستطيع مهاجمة الاسلام..لان أهلنا لايقبلوا بذلك ولن يتبعونا, الشئ الاخر أن لدينا قبائل من أصول عربية وأخري زنجية فلو إنضممنا للحركة سنخلق فتنة داخلية مثلما هو حادث الآن..

كلام الأفارقة ديل كيف معاكـ ولا برضو جنجويد..
الجزيرة نت..

مسؤول بالاتحاد الأفريقي يصف متمردي دارفور باللصوص

كينغيبي ذكر أن متمردين من حركة تحرير السودان قتلوا عددا غير معروف من البدو العرب وخطفوا سبعة آخرين وسرقوا آلاف الجمال (الفرنسية-أرشيف)

متابع..


وفي إنتظار عودتكـ..

الفنان خالدكودي

انت فنان واقف مع ناسك بفنك

انا فعلا زعلانة على صورة الميرغني راجل بحب السودان وجاء على السودان بالديمقراطية
لكن برضو زعلي ما منعني اشوف الفن الجميل

Quote: قال نسوان وقال ليك انا زعلانة عشان انا نسوان

الأخت العزيزة مالهم النسوان
هم الذين ضربوا بالسياط في ظل هذا النظام ورغم ذلك صمدوا ومازالوا صامدين
هم الذين لم ينكسروا لهذا النظام
هم ناس التاية الذين أستشهدوا يوم أن جرى الرجال

ماله الحزب الشيوعي

هو الحزب الوحيد في تاريخ السودان الذي لديه Moral Codes لعضويتهليست فيهم الحرامي أو ال.......أو ال...........

مالهم ناس الأسلام السياسي؟؟؟؟؟؟؟؟؟

الله أعلم

شروق على فضل لك الاحترام

لاول مرة ارى العمل من خلال تلك الوصلة

لاننى مهتم بالنقد التشكيلى كنت اتمنى وجود البورتريه فى بوستك لكى نساهم بالتحليل

او القراءة من خلال الخطوط والالوان والابعاد ووولخ ممكن يكون الرسم هذا ليس

للمرغنى فحسب ممكن لاأى شخص سودانى انا انت طيب لو كان وجه المرغنى هذا مشابه

لشخص جنوبى لنفترض دينكاوى او اي من قابايل الجنوب فالتعرعى هناك ليست عيب

والمقياس هنا ليس زهو اصحاب العمامة او القفطان بلبسهم بل بسلوكهم فالعرى

فى بعض مناطق السودان قيمة بل ورمز للصدق بس كيف نتخلص من مدخلنا العروسلامى

للأشياء 0 آسف لو اطلت ولك التقدير


ذبدة كلام: متى نفهم اننا سودانيين وبس وان الاسلام دخيل علينا وذلك العروبة

بدر الدين الأمير
تحياتي..

Quote: كيف نتخلص من مدخلنا العروسلامى

لا يستطيع الفرد العاقل ذكرٍ كان أو أنثى أن يتخلص مما يستر عورته..
و يقدل بلبوط في حشد من الناس أو بمفرده..
ويطلب إحترام الآخرين له..
أو عدم النظر إليه..

هل جربت ذلك يوماً ما..
كده جرب وشوف..

والتجربة هي خير برهان..

وأطعم الناس مما تحب..



معزتي..

الاستاذ بدرالدين الامير

شكرا على الهدوء في الطرح والتحليل
انا شخصيا بحب الرسم وبعجبني الفنان البقدر يصور الوجه وبعتقد ان الرسم دا موهبة ما اي زول بقدر يرسم وما اي زول بقدر يغني دي مواهب .
يمكن في موضوع التشكيل بعرف قليل خالص لكن في البداية كنت زعلانة كيف يرسم الميرغني عريان وانا لما شفت باقي التصاوير اعجبني المعرض.
ايو العري في بعض مناطق السودان عادي ونحترم لهم ذلك
ولكن اصحاب العمامة مهما اختلفنا معهم " كانو طيبين"

المشكلة اننا سودانين ويجري في دمنا اللون الاسود
ا

أخى عبدالرزاق كامل التقدير

ياسيدى فى سودان العثرة هذا

هناك من يتجمل بتشيلخ خدوده وهناك من يتجمل بتشلخ جبينه او اسنانه

بل هناك من يعتقد ويمارس الجلد بالسياط حتى الدم وبفتكران ذلك من باب الطرب والفرح

وهل تعلم ان فى لغات سكان جنوب السودان لا توجد كلمة تعنى اللواط ناهيك عن السلوك

هل هذا يعنى انهم اكثر تدين واكثر اسلام


همسة: المسألة ياصديقى هى كيف نفهم من نحن من خلال كونا سودانيين وبس وبعداك ليمارس

أى واحد مننا خصوصيته على كيفه

ديل يا ابورزكة عصروكم لما قلتو الروب

بدر الدين الأمير
تحياتي..

Quote: همسة: المسألة ياصديقى هى كيف نفهم من نحن من خلال كونا سودانيين وبس وبعداك ليمارس أى واحد مننا خصوصيته على كيفه

كلام جميل..
دعني أضع لك هذه الصورة فهي قد تحكي أكثر..


Arab retrievers
Sudan - More Slave Redemptions

ليس إعتداء على فرد أو أفراد فحسب..
لا بل أنه تزييف لكل حقائق الواقع السوداني المعاش..
إصرار هذا الناصري العربي لممارسة هذا الإستفزاز والكذب والإدعاء الفارغ برمزية الزي الوطني السوداني والعمامة العند الجماعة الفوق ديل مثال..
وبكل ما تحمله من قيمة ذات معاني ودلالات..
وإنعكاس ذلك في نفس في مرآة واقع حال معارض كودي وما يمارسه من إنحطاط أخلاقي تحت بند مسمي الفن..
ما هو إلا دليل آخر على فراغه الفكري والنفسي..
ولك في معارضه وخلجاته..
وعكس صورة الجلباب..

الذي نفخر به على أنه زي وطني سوداني نفاخر به الأمم..


تقديري..

شروق اكرر تقديرى

المهم ياسيدتى هل نحن دايرين نحاكم الصورة أم المصور أم التصور

وهل بالامكان وبقليل من التأمل فى الصورة ومضامين تصوارت الفنان

الداخليه وهو نفسة قد لايكون محيط بها عندما ترك حرية التعبير

للالوان والخطوط والشخبطات تعبر عن نفسهاأن نشوف ماهو اكثر عمق

من الفهوم السطحى للتعرى0


ذبدة كلام : نحن جينا لهذه الدنيا عراه وسف نغادرها عراه ونبعث عراه

اذا التعرى هو الاصل واللبس استثناء