لعناية البلد/ المنبر، مع خالص الحزن

الهناك، ياهو هنا
والهنا، جاى من هناك

نفس السمات والخِلق
نفس الأحزان، وشوية الأفراح البتاوق خجلانه مننا، ومن روحا

هدية

لكل المتابطين "خير" العقل
الماشين فوق درب الضوء، هناك وهنا

باللوحة والنغمة والكلمة

وما هدية

لكل المتأبطين "شر" العقل
السادرين فوق درب الضلام، هناك وهنا

ب "عدم العِرفه" وقباحة الروح

حلمك مدمدم متكى
والليل شرب باقى الدوايه
عطشك متاوقة البحر
تالا البيوت
ريقك نشاف الأمنيات
همك ملافات البدايه
نوح الحروف
جمر السفر
ساعة مواعيد الحكايه
طارت بعيد
ركت على رمش القمر
وتلت التلوت
القالو واحد بنقسم
وطنا يجابد
وما انكسر
حلما يكابد
ما فتر
لون الكحل
روح الحليب
روح الكحل
لون الحليب
ممزوجة فى دم البلد
والريد حداهن منسجم
خت الحلم
سواهو ضل
لفحة هجيرك همبريب
لون الكحل
روح الحليب
ولامن نشيدك ينصلب
يزعل يفوت
يختا الدرب
يحرد يلون ليل صفاك
الريشه أصبع غنيتك
واللوحة تتحدى السكوت
ترقص تصفق بى قفاك
والمعنى شهقات الوتر
فرح الوجيع البشتكى
وحلمك مدمدم متكى


حلم البشر
ملدوغ رقد
هوى يا بشر
خلو النضم
نادو الفكى
قصو الأتر
الداهية وين ؟
دخلت جحر حيطة الكلام
ولا اللسان اصبح حجر ؟
حلمك مدمدم متكى
دفق محايتك يا الفكى
البسمة ترياق الوجع
الريده مخلاية الوئام
الضحكة مقلاع الفزع
حلمك مبحلق فى الشمس
شايل نهاراتك سؤال
حسك مصنقع من أمس
ينده تساويف المحال
حلمك هناك
لابس الضيا
بهرج حقيقتك
وإنكسف حد الخيال
ويا طالع الأكوان
جيب لى معاك وصال
يربط يكفينا
يا حارس الأحزان
خلى الحزن ينشال
من همنا الفينا
أملا المخالى أمان
وطنك بشاره وفال
عرج على الحبان
وأدى البلد شبال
يا طالع الأكوان

ياسلااااااام يامطر

ياخي انت زول حاسي بانات البلد وبتئن

لك السلام وعليك السلام

مايجي خدر ولا حمزه سليمان ولا الطاهر 2 ولا هشام

يتصلبطو

أووووووووووووووووووووعكم

يا موصلى

يا سفيرنا فى سماوات الخلق الأصيل والإبداع الجميل

السلام والمحبة عليك

ممنون ليك يا زول يا حلو على على حضورك المبهج دائما

Quote: مايجي خدر ولا حمزه سليمان ولا الطاهر 2 ولا هشام يتصلبطو أووووووووووووووووووووعكم

ما حيتصلبطو لأنو إنت ياكا كبيرنا
يا قائد الأسطول

حمزة زمان أهدينا ليهو

مدى ضل رمشك مرافئ

والطاهر أهدينا ليهو

مشدوه على درب الغيوم

وطبعا الزول الهدية ما بيسأل منها تانى

وخدر وهشام قاعدين جوه فى عمق المحبة
ناس فنانين مبدعين جد جد والله يا موصلى

وتانى تحية وسلام ومحبة ليك

وشكر شديد على تجميل المحل

الأستاذ/ أبوذر بابكر

لك الود التحية حقاً درر منثورة على هذا الفضاء الأسفيري،لك الشكر على هذه الكلمات المصيئة.

عزيزى عبده جاد الله

جاد الخالق عليك بما تحب وتشتهى

ولك اضعاف ما بذلته من ودٍ وتحايا

فحضورك أكثؤ ضياء وأعم بهجة

أخي الاستاذ أبو ذر بابكر

أقــدّر حـزنك جـدا

الحال لا يرضي عدو ولا صليح


بالأمـس فقدنا حبيبنا

عبد الماجـد فــرح يــوســـف


له الرحمة والمغفرة والإكرام من لدن مليك مقتدر....


والأمـس ذكرى رحيــل الفقيـد الشهيد المجيــد

د جـون قرنــق دي مابيـور..


هي هكذا أحلامنا وأيامنا منغصــة, محســودون نحـن في الرفاه والتقدم ومحســودون في الأرض المترامية الأطراف......


لك خالص التقدير وأملي أن يرحــل القــبــح وينصــلــح الحـال


أحمـد الشايقي

الأخ الشايقى

تحياتى وكامل التقدير

واشكر لك مشاطرتنا الأحزان

ففى كل يوم جديد يتكرر الفقد وتتراكم الآلام

وفى كل حين وآن يستشرى القبح ويزيد
وهو لا يذهب لحال سبيله من تلقاء نفسه

بل يجب دفعه وزحزحته، ولو قليلا

وكثيرا ما كان وجوده ضروريا، كيما يمارس الجمال فعله ويقوى

وأجدد التحية والتقدير

Quote: وفى كل حين وآن يستشرى القبح ويزيد وهو لا يذهب لحال سبيله من تلقاء نفسه بل يجب دفعه وزحزحته، ولو قليلا وكثيرا ما كان وجوده ضروريا، كيما يمارس الجمال فعله ويقوى

حين قرأتٌ ماكتب أعلاه جال بخاطرى ذاك المقطع من قصيدة الراحل الجميل عمر الطيب الدوش:
ساحات لى فرح نوَّر ..... وجمَّل للحزن ممشى
لك الحب ياغفارى السودان

تحياتى يا ابابكر

والدوش الذى متعنا بالدهشة

ولسه ياهو حزننا القديم ذاتو

بل بقى ماشى فى زيادة كمان

قبيل نحن خلينا ليهم البلد كلها

وشكلنا كده حنخلى ليهم المنبر كمان

الله يكضب الشينة

اشكرك العزيز ابوبكر الأمين

وليك عاطر التحايا

عزيزي أبي ذر

مودتي الخالصة

لله درك يا أصيل

أقف معك في محراب حزنك الصادق مرددا

Quote: البسمة ترياق الوجع الريده مخلاية الوئام الضحكة مقلاع الفزع حلمك مبحلق فى الشمس شايل نهاراتك سؤال حسك مصنقع من أمس ينده تساويف المحال

أرقد عافية

العزيز جلال

سلامى والود الغزير

تعودنا يا صديقى على معاقرة الأحزان
حتى لم يبق فينا مقدار "مليميتر" لم تناله سهامها

لكن سنصمد حتى آخر زفرة من هذا البؤس المقيت
وحتى آخر قطرة من دم التمنى

مشكور يا ابا جهينة

ولك حزما من الفرح اللانهائى

Quote: هوى يا بشر خلو النضم نادو الفكى قصو الأتر الداهية وين ؟ دخلت جحر حيطة الكلام ولا اللسان اصبح حجر ؟ حلمك مدمدم متكى دفق محايتك يا الفكى البسمة ترياق الوجع الريده مخلاية الوئام الضحكة مقلاع الفزع حلمك مبحلق فى الشمس شايل نهاراتك سؤال حسك مصنقع من أمس ينده تساويف المحال

يا لحزننا يا أبا ذر ..
لله درك يا قريبي ..

إزيك يا معتصم

وكيف الأحوال

زى كأننا ناقصين

الزول ما يصدق يا معتصم يلقى ليهو فرقه صغيره فى الفرح

يقوم الحزن يجيك بى جحافل لا طاقة لك بها

بالمناسبة

الموبايل صاحبو شالو خلاص
يعنى حليمة رجعت لى قديمها

قلت ياخى الحمد لله
لأنو أنا عارف ومتأكد إنو ما بنفع معاى

كلمنى فى المكتب بالله

اباذر

حلمكـ علينا .. فنحن لم نعد نقوي
لاتضع العاكس امامنا فنحن لاذلنا نتخبي من احزاننا

يا خدر

بيك ومعاك ايامنا بتبقى "خدرا" وندية

تعرف جيتك دائما بتكون زى شنو يا طارق

زى نفحة الريفدور

زى ما غنى سرور

Quote: حلمكـ علينا ..

دى ذكرتنى أغنية سمحة جدا للمبدع النعام آدم بقول فيها

حلمك يا حبيبى على حِن
ورحماك ياملاك قبال أجن

ونحن والله يا طارق على حافة الجنون حاليا

وإيدك معانا بس

أبا ذر ..
كيفك يا قريبي ..

Quote: يقوم الحزن يجيك بى جحافل لا طاقة لك بها

ومتى تركنا هذا الحزن حتى يأتينا ؟
هذا الحزن يا أبا ذر أصبح رفيقاً ملازماً لنا ..
قد لا نيأس ..
ولكن لا نحلم بنقطة ضوء وسط كل هذا الحزن إلا منكم ..
كن بخير وبألف عافية ..

Quote: الموبايل صاحبو شالو خلاص يعنى حليمة رجعت لى قديمها قلت ياخى الحمد لله لأنو أنا عارف ومتأكد إنو ما بنفع معاى

يعني الواحد تاني عشان يلقاك ..
إلا يبلغ عنك ..

بينا تليفون أكيد ..

يا معتصماه

هاهو
كونٌ من المواجعِ الطوالْ
ليلٌ ينادم الخواءَ والظنونْ
يرفرفُ الأسى
على مشارفِ السؤالْ

كيف الأفراحُ تولدُ
وتموتُ قبل أن تكون؟
كيف الأشواقُ
يقتلها الوصالْ ؟


أفراح موؤدة دائما
وأحزاننا تعربد فى الدماء

فهل سيتغير الحال؟

ما يزال الأمل حلما يحبو

وتحياتى الكتار الكبار

Quote: ريقك نشاف الأمنيات همك ملافات البدايه نوح الحروف جمر السفر ساعة مواعيد الحكايه

شكرا أبوزر علي هذا الحزن

شكرا يا عصام ليك

على مشاركتنا الأحزان

وإن شاء الله نتلاقى فى الأفراح تانى

لو فضل فيها باقى

وريقنا بقى نشاف الأمنيات والله يا عصام

وتحية وود كتير ليك

ولعناية الناس

الذين أقسموا بهذا البلد

الندي أبوذر

شكراً ملئ الخاطر ياأليف .. شكراً لهذا الذي تعبئ به الكلمات .. هكذا الرائعون

أوان الحزن .. أوان الفقد .. أوان ما يشرخ الخاطر ...

لك مني معتق الود ومرحق التحايا و بعض من أحزان :

(أ)
مجنون فرحي المديون لحزن آتٍ ..

غرد عصفور الجنة ذات صباح ..

فكنا تمام الرقص وكان تمام الحزن

لجناح شاخ أرهقه الترحال ..


*************************************************************
(ل)

كنا كما الوعد حضور ..

والبحر هدوء ...
والنواته أطرب من موج النيل مساءً ..

وكان الواقف في الشاطئ الآخر

يذرف حزناً ...

يسقط حزناً...

ينهض حزناً ... يضحك حزناً ... يحزن حزناً

فصرنا نلوح نحو الحزن الجاثي

في آخر نقطة فرح قد نلمحها ..

لوح لي ثم تلاشى يضحك وهو حزين ...


*************************************************************

(أ)
جلست تغازلني ..

وتغزل من أحزاني إزاراً يرتق بعض الواضح

من بريق الحزن الأبدي بعينيَّ ..

وكنت أسافر في عينيها حزناً يافع

أبحث فهيا عن سفر للتكوين لأنضج .. حباً .. عشقاً .. حزناً ... دمعاً ...

أبداً سأظل أسافر لأطل بين الفينة والأحزان ...


*************************************************************

(ح)

لثمت أنواع ثراء الأرض بكفيها ..

كأسطورة خلق التكوين لآدم ..

لترقيني ضد الأحزان بها ..

ولم تدري إني الحزن الطائل باعاً ..

لا يرقيني إلا غسل المطر خريفاً ...

ليهيئني لاستقبال حدادٍ قادم ...


*************************************************************

(ز)
لي من السخط تجاه القدر

أكثر مما لكِ من أحزان

نحو آلامك

تغريد عصافير الغاب

موج البحر

سطور النثر ... قوافي الشعر

أجمعها طوراً

أنظمها عقداً

لتعانق حزنك ذاك الإنسان


*************************************************************

(ا)

أترقب في عينيك

أريج الفجر القادم

رحيق الوردة ..

ومفردةٌ شابة تقاوم

يا هذا الحزن تبدد ..

يا هذا الأمل تمدد

لازلتِ أنت بتجوالكِ

القديم في خواطرنا ...

لازال وقع خطاك يؤسسنا

معطية للانتظار ....

لتكون القادمة دوماً أنت


*************************************************************

(ن)

الآن لي

تجاه كل الرائعين

بأحزانهم

تجاه كل أحزاني

بروعتها ...

شوق خاص

شوق

مرهق

إرهاق فطري

لا يُقلق

لا يُقلق

لا يُقلق



*************************************************************
"من مجموعة – بعض أغنيات للأحزان- 99م- سوباوي "

اباذر

كل يوم بتزيد احزانا

ولكن رغم ذلك نتماسك

ونقول

Quote: وطنا يجابد وما انكسر حلما يكابد ما فتر

وان شاء الله يرجع يقيف على رجليه هذا الوطن.

تقديري ومعزتي.

تراجي.

يا ابا ذر .....


ما اقدر غير اقول فوق فوق

مرحبا يا شوق

ونحن هنا ياصديقى
الراقى
يالحزنك النبيل
فانتم انبياء الكلمة
وبكم تتماسك روح هذه الامة
واصل ياصديقى
وغدا يوم اخر
محبتى بقدر ما تحمل هذه الكلمة من معنى

منعم سيد أحمد

سيد المعانى ومعنى الإنسان

كيف الأحوال

أنت يا صاحبى فينا
فى أعمق أغوار المحبة فى دواخلنا

غدا تبتهج الأرض وتخرج أزهارها

حتما وأكيد يا منعم

بك وبهم وبنا

يستقيم ظل الحياة

وأنتم فيها الروح

تحياتى يا منعم وكل عطر المعزة لك دوما

newbie

وآلاف المراحب بيك وليك

وبالذى أودع
فينا الحزن

نسأله عطية الفرح التى لا ترد

تحياتى وود كتير

العزيزة تراجى

تحياتى وغزير الود والمعزة لكِ

Quote: وان شاء الله يرجع يقيف على رجليه هذا الوطن.

حتما سوف يعود إلينا الوطن
ذات فرح وذات لقيا

وحتما سوف نعود إليه
وهو فى تمام سعده وكامل ألقه

وما ذاك اليوم ببعيد يا تراجى

ولك سلاما أخضرا لا يذبل ولا ينتهى

العزيز

السوباوى

الزول المحتشد
بكل صنوف البهاء
المسربل بضوء الكلام
كامل السناء

ها أنت تكتبنا يا صاحبى
وأنت فى تمام تجليك
ببرق حرفك ومطر أناشيدك العميم

Quote: والبحر هدوء ... والنواته أطرب من موج النيل مساءً .. وكان الواقف في الشاطئ الآخر يذرف حزناً ... يسقط حزناً... ينهض حزناً ... يضحك حزناً ... يحزن حزناً فصرنا نلوح نحو الحزن الجاثي في آخر نقطة فرح قد نلمحها .. لوح لي ثم تلاشى يضحك وهو حزين ...

ثم

Quote: "من مجموعة – بعض أغنيات للأحزان- 99م- سوباوي "

لِم تبخل علينا يا سوباوى بفيض مدادك المفرح

فلربما أزاح عنا هذى الأحزان اللصيقة

ثم

أهديك المحبة بكامل طعمها ولونها ورائحتها

اباذر

قرأت هذا اليوم وربما انت ايضا:

Quote: تضامن حتى «الموت جوعا» أمام البيت الأبيض "الشرق الأوسط" واشنطن: طلحة جبريل يخوض قاي مغنلي أضراباً عن الطعام استمر حتى امس (الثلاثاء) 24 يوماً احتجاجاً على ما يعتبره «تقاعس الادارة الاميركية» في حماية سكان دارفور (غرب السودان). وظل مغنلي معتصماً امام البيت الابيض منذ الرابع عشر من مايو (آيار) الماضي، وهو يبقى هنا طوال اليوم تحت شمس حارة ويكتفي بشرب الماء، وفي الليل ينام على احد المقاعد الخشبية في «حديقة لافاييت» المواجهة للمدخل الرئيسي للبيت الابيض. فقد مغنلي من وزنه حتى الآن ما يقارب من 12 كيلوغراماً، لكنه مصمم على مواصلة إضرابه عن الطعام مدة 60 يوماً متصلة، أي انه سيواصل الاضراب 36 يوماً أخرى. قال مغنلي لـ«الشرق الاوسط» إنه قرر أن يقوم بحركة احتجاجية ضد «الابادة الجماعية» في دارفور وللتضامن مع سكان الاقليم المضطرب بعد أن قرأ تحقيقاً مؤثراً عن معاناة السكان من النازحين أو اللاجئين في صحيفة «نيويورك تايمز» كتبه الصحافي نيكولاس كريستوف، ومنذ ذلك اليوم قرر خوض حملته الحالية لكن اسرته المكونة من زوجته وولدين (25 سنة و21 سنة) رفضت الانضمام اليه، مشيراً الى انه ترك وظيفته حيث كان يعمل في تطوير برامج الكومبيوتر في شركة «بوسطن للبرمجة» ويصل دخله السنوي الى حدود 250 الف دولار. ويشرح مغنلي قائلاً «منذ مايو الماضي بدأت رحلة التضامن انطلاقاً من مدينة فلادلفيا، وهي المدينة التي اتحدر منها، حتى وصلت الى هنا (امام البيت الابيض)». وعندما سألته لماذا اختار دارفور على وجه التحديد كقضية أجاب «في الواقع دارفور هي التي اختارتني وانا لم اخترها ... عندما شاهدت معاناة الناس في التلفزيون وقرأت في الصحف المآسي التي تحدث هناك قررت أن اتفرغ لهذه القضية». ويعتقد مغنلي انه سيضع حداً لحركته الاحتجاجية إذا استطاعت قوات أممية حماية السكان هناك. ويرى أن إدارة الرئيس جورج بوش لا تضغط بكيفية جدية من أجل ارسال هذه القوات، وهو يؤيد بشدة ارسالها، لان هذه الادارة من وجهة نظره، ليس لها مصالح في دارفور كما هو الشأن في العراق مثلاً. وينتقد مغنلي بعبارات شديدة اللهجة الرئيس الاميركي جورج بوش، وهو يعتقد إن الكونغريس يسايره في مواقفه. وفي رأي مغنلي لم يعد الاعلام الاميركي يهتم كثيراً بقضية دارفور (الواقع ان الاهتمام ما يزال مستمراً) لذلك لم تتصل به اية وسيلة أعلام اميركية كما لم يكتب أحد عن احتجاجه او اضرابه المتواصل عن الطعام. ويقول مغنلي إن الاعلام الاميركي يهتم الآن بالوضع بين اسرائيل ولبنان، وهو ما سيؤدي الى تحول الانظار عن دارفور وبالتالي زيادة معاناة الناس هناك. ويصف مغنلي الهجمات الاسرئيلية ضد لبنان بانها «واحدة من أكبر جرائم العصر» لكن ذلك لا يجب ان يحول الاهتمام عن دارفور، من وجهة نظره. ويرفض مغنلي ان يكون التأييد الواسع لقضية دارفور وسط الاوساط اليهودية في اميركا مرده الى خدمة اسرائيل بكيفية او باخرى، وقال إنه، وهو ليس يهودياً، يعتقد أن اليهود الذين يعارضون «الابادة الجماعية» في دارفور يفعلون ذلك للتضامن فعلاً مع سكان الاقليم. وقال في هذا السياق «لا يمكن أن يأتي يهودي من شيكاغو الى واشنطن مع اطفاله ويقف تحت شمس حارقة للمشاركة في مظاهرة (مايو الماضي) مساندة لاهل دارفور...ويفعل كل ذلك من أجل اسرائيل». وقال مغنلي إن منى اركو مناوي رئيس فصيل حركة تحرير السودان في دارفور زاره السبت الماضي، وعبر له عن شكر أهل دارفور لموقفه المساند لهم. يشار الى أن مناوي الذي وقع فصيله اتفاقية ابوجا للسلام في مايو (آيار) الماضي مع الحكومة السودانية، زار الاسبوع الماضي واشنطن حيث استقبل من طرف الرئيس الاميركي جورج بوش في البيت الابيض. ويأمل مغنلي الذي بدا عليه هزال واضح ويتحدث بصعوبة بسبب انعكاسات أضرابه عن الطعام على جسده، أن يشاركه آخرون هذه الحملة الاحتجاجية. وقال في لهجة لا تخلو من التحدي والتصميم، رداً على سؤال حول خطورة مواصلته الاضراب على صحته «لدي حالياً 60 دولاراً استطيع ان اقتني به قناني الماء لمواصلة الاضراب الفترة المتبقية لاكمل 60 يوماً.. إذا إنهارت صحتي أو مت، لا تنسى ان كثيرين يحدث لهم ذلك في دارفور».

تخيل يا اباذر احساسي

ننتمي لوطن يضرب البعض عن الطعام لاجله.....

فاي وطن واي فضيحه..واي تقاعس من البعض منا.....

لك تقديري,ولكن تضامن الشرفاء العالمي يسزهر وسيثمر صدقني

والانسانيه..... لا لون لها.... ولا دين ولا .....ولا وطن....انها في كل مكان ..وعند اشخاص عديدين.

ظل بخير يا اخي...وسيظل الوطن بخير بأذن الله.

تراجي.

Quote: هدية لكل المتابطين "خير" العقل الماشين فوق درب الضوء، هناك وهنا باللوحة والنغمة والكلمة

وهؤلاء يستحقون هداياك ايها الرجل المعجون طيبا وسماحا !

شكراً يا نادية عثمان

على شذى الحضور
على حروفك الزهور

والطيب والسماح فضلة خيرك

العزيزة تراجى

هذا هو الإنسان

الإنسان الحقيقى فى أقصى تجليات كينونته
وفى أعلى مراقى الشعور الإلهى الصيل

هذا هو الحس البشرى الذى لا تحده حدود
تفاعل مع قضايا الإنسان حيثما كان وكيفما كان

حتما يوجد مثل قاى منغلى كثيرون وفى شتى بقاع هذا الكوكب البائس
المطعون بنصال أهله

أضعف الإيمان فينا، هى أمنياتنا

والتى وفى أحيان كثيرة نستحى من قلتها وشح عطاياها
ففى يدنا الكثير لنفعله، لكنا ايضا نجد هذه اليد مغلولة بغير إرادتنا

إذن لتكن أمنياتنا بقدر حجم الإنسان ومعناه

وستكون

شكرا يا تراجى على حضورك الوريف

و اليكم الحزن القديم..

عشان تتم الناقصــه!!


***ومن صحـية جـروف النيـل مـع الموجـة الصباحيـة***

الصحافة

مشكور يا عزيزى

تعطر المكان وضج بالروعة الوردية

الدوش ووردى وآمال

بقو تلاتة ورابعهم الجمال البديع

وإنت خامسهم الأجمل


ومن شهفة زهور عطشانة فوق أحزانا منسية

الحبيب المطر
إهطل فيخضر هذا الوادي و تتفتح الأزهار
محبتي و تقديري
لنا

العزيزة

لنا مهدى

بكم يزداد وهج الإخضرار
وتزدهى أرض الوطن بالأزهار

أحييكِ وأهديكِ التقدير كاملا
والمودة عامرة

وشكرا لكِ يا لنا

يا أجمل من في هذا المكان يا أباذر
أطربتني بحق
لك التحية والحب والانحناء والتقدير ...

العزيز

الحميم نادر

وليك من إسمك كامل النصيب

Quote: التحية والحب والانحناء والتقدير ...

وليك إنت يا نادر زيها

وأضعافها

وكل الود والمعزة

المطر البهى

دائما يظل الحزن باقيا فى الدواخل
لاسبيل للفكاك منه ...............
يعذبنا بين الحين والاخر ... انه الاصيل
ولكن الفرح يذهب ويتلاشى ...........
قد تذكر لحظة حزن مضت عليها السنين
ولكنك لاتذكر ذلك الكم الهائل من الفرح الذى
كان بالامس ... هذه هى الحياة صديقى.

خالص ودى

اخمد داود

العزيز
أحمد داود

كيف الأحوال يا صاحبى

وأجارك الله من الحزن يا أحمد
بقى معانا ملازم ولصيق زى اسمائنا تماما

Quote: هذه هى الحياة صديقى.

بالضبط والله يا أحمد

الأحزان مسيطرة وماسكة بى رقبة الأفراح

من يوم زعل قابيل من هابيل
ولحدى اليوم الطلقة ماسكة محل الوردة
وصوت البكاء أعلى من نغمات الفرح

ومع ده كله لسه بنحلم

وحنستمر نحلم لغلية ما ينهزم الحزن ويتلاشى

وتحياتى والمودة يا صديقى

وما زال ليل "البلد" خوفا يحبو

فوق الأجساد

داخل الأرواح

ويا حليلك يا بلد

ودى يا داب البداية

أسجل حضوري هذه المرة مداخلة يا مطر

نحن ريدنا ليك (وليها ) البسمعو منو ؟؟

عزيزى

الصديق فتحى البحيرى

أنت حاضر دوما فى عمق وجداننا والله يا بحيرى

تحياتى وغامر المحبة لك وأنت فى حضن هذا الوطن البهى
تكابد عثرات القوم ويصهل صوت المحبة منك مناديا

حروفك السمحه ..
الملئ بعوافي
لا متناهيه
تمسح هتارات هذا الزمن
وتزرع مكانه وردة بيضاء ....
دمت رمزا للسلام
دمت حرفا وصدق...

dear ab zerr
as all the gusts above said you are a gifted sensitive person
thank you very much for your elegant nice warm words
as Abdel monim said
ونحن هنا ياصديقى
الراقى
يالحزنك النبيل
فانتم انبياء الكلمة
وبكم تتماسك روح هذه الامة
واصل ياصديقى
وغدا يوم اخر
محبتى بقدر ما تحمل هذه الكلمة من معنى
god bless you
dr mustafa mahmoud

عزيزي أبو ذر

حين تكتب عن الحزن يا صديقي
تداعبنا أحرفك فرحاً
يودع حزناً...

لك الله وأنت تكتب كل هذا الحزن الجميل..

لك ودي وبالغ تقديري

الزاكي

كلمة أخيرة:

سأعود لتعليقك على الشعراء الميتافيزيقيين في موضعه..

لك شكري ثانية
الزاكي

حضرت لأشهد هذا الحزن النبيل

العزيز هشام

حضورك يستصحب الفرح

ومعك نشهد هزيمة الأحزان

تحياتى يا صاحبى الوريف

العزيز

الزاكى

سعادة وحبور يضفيهما حضورك ها هنا

أحييك يا صديقى وأهديك التقدير عاليا على إلباسنا قلائد حرفك النضار

فشكرا بلا حد لك دائما

العزيز
د. مصطفى

حياك الخالق وزادك عافية وسعادة

وجزيل تقديرى وفائق معزتى لك

على كلماتك المبهجات وحضورك الذى جمل جنبات المكان

وعميم الود لك ولصديقى منعم سيد أحمد

تحياتى لكِ يا ايتها الألق

أضاء حضور حرفك فينا

فلكِ آلاف المراحب وعميم الإحتفاء


وأدامك الخالق ألقاً ووهجاً جميلا
يزيل عتمة الوطن وكآبات الأحزان

Quote: الريشه أصبع غنيتك واللوحة تتحدى السكوت

It deserves to be refreshed

اباذر . كيفنك ..
تعرف في ناس شفافين كدة لدرجة تشفق تخاف عليهم من جهد الرد . وتقول احسن شيتاً اسويهو اتاوق واتطلب الله ، الزول ده تقوم تكتب ليهو يا رائع ولا بالغت يقوم لازم يرد ليك عشان يفتكرك حت تزعل منو . اها انا يا ابي ذر لو بضمن انك ما ح ترد ليً املاء ليك بوستاتك دي جنس وجع ، لكن المشكلة انت شاعر وانا غاوون ساي ..
خلينا من النقة الفوق دي ..
القصيدة دي تأمل ملتهب إنحرف لي صيغة حزن ، بلاي في حزن يقدر يقول (جحر حيطة الكلام) . ياريتني لو كنت الموصلي كان اسي تكون مكتوبة برًة بيت كاسيت ولم يجي حمزة سليمان يلقاها مارقة من حنجرتي ومن عودي ..
كدي انسيبك

ابو ذر قريبى الحنين
لله درك حتى فى حزنك دفين
عارف كل الكلام البمرق منك يا المطر
ما بشبة نضمى الناس التانيين
لكن بتغلل فى قلوب كل الناس
ربى يحفظك ويغطيك
اهديك الدهشة ايها المطر الغزير

اسماء العزيزة

كيف الأحوال وإريتك طيبة وكل الأهل كمان

ده كلامنا يا اسماء وكلام الناس السمحين هناك فى اليلد السمح داك

نحن ما بنعمل شى غير إننا بنحاول نخته فى خِلقه شبه مرتبه ومزينة

وشكرا ليك كتير وبلا حد يا شاعرة يا بهية

على الإطراء المفرح والحروف المبهجة

يا متوكل

يا البيك نور إقليمك

هسه إنت بقيت على كتابة الردود بس، مشيت كمان سويت ليك فتح بوستات وكشف حال
وزى ما قلت ليك إنت براك كايس اللولوه

وكمان عايز ضمان أنا ما أرد ليك

دخل على حلف يا متوكل، عشان اوريك اللولوه الجد جد، لو تانى ما كتبت لى، أنا حارد ليك

بعدين الكتابة الهنا دى مش "تأمل ملتهب" وبس زى ما قلت إنت
هنا فى وجع منجذب وقلب مغترب وفرح منقلب

وزولنا الفريد فى عصرو الموصلى، قال لى الكلام عجبو، إلا بينى وبينك موسقة النصوص الزى دى بتكون متعبة جدا

Quote: كدي انسيبك

حالتك عايز تسيبنى؟

طيب لو ما كنت عايز تسيبنى كنت سويت شنو

زول مكشوف حال

وأنا من طرفى عايز أهدى ليك مقطع مترجم من تى إس إليوت

قبل مقدم النهار
بين الحقيقة والخيال
بين الشعور والمثال
حيث تسقط الظلال
لك
هذه المملكة، بين المفاهيم وبين الخلق
بين دفق المشاعر واستجابة النداء
هى ذا تسقط الظلال
والحياة طويلة طويلة
بين الرغبة والكلال
بين النفع والوقار والبقاء
لك
هذه المملكة
لك، هذه الحياة

وليك يا متوكل
كل ما فى الروح جووووووووووووه

من ريده

الزول العزيز أحمد عبد الله

وإنت بتستحق شنو؟

عايز أكوس لى شى يناسبك سماحتك
ويليق، ولو قليلا، بمعناك العالى

وكل الكلام بلقاهو مقصر وقليل عليك

غايتو الواحد يهدى ليك كل ما فى الروح من محبة وتقدير وود غزير
وكل ما أملك من عطر التحية

وتعظيم وئام
ومليون سلام

ليك وللبلد