Post: #1
Title: نادية عثمان زغاوية
Author: ayman haroun
Date: 07-31-2006, 03:40 AM
Parent: #0
من الاشياء الجميلة اكتشفنا من ابراهيم بقال انو نادية زغاوية بتشبه الزغاوة ودمها ذى دمهم لذلك اصر بقال على ان نادية زغاوية وسط دهشة الجميع
|
Post: #2
Title: Re: نادية عثمان زغاوية
Author: bayan
Date: 07-31-2006, 05:13 AM
Parent: #1
اها... وبعدين.
|
Post: #3
Title: Re: نادية عثمان زغاوية
Author: Tabaldina
Date: 07-31-2006, 05:45 AM
Parent: #2
..
.
عفواً على التجليط المتكرر 
|
Post: #4
Title: Re: نادية عثمان زغاوية
Author: Tabaldina
Date: 07-31-2006, 05:46 AM
Parent: #2
..
.
أراء انجلاطية
نقطة
سطر جديد
لا بعدين ولا سنتين
عدم موضوعية يا دوكـ .. وبس
وتاني
وخلااص ..
مرارتنا اتفقعت ..
|
Post: #5
Title: Re: نادية عثمان زغاوية
Author: bayan
Date: 07-31-2006, 06:00 AM
Parent: #4
مناضل*
رفع الكاس وكان العاشر
عرقى محلى
محروق داشر
وبدا يتكلم عن الموقف
وعزة وحالها المحزن ومقرف
عشنا وشفنا نضال (جيفارا )
ميعادو المغرب
ولم تولع ساعة الحارة
بعمل نايم
أطرش ومضرب
يا جيفارا ابو القعدات
ومفكر عزة
الكاس ما بيصبح فوهة مدفع
والسودان ما بيرة ومزة
*هاشم صديق - ديوان جواب مسجل للبلد- الطبعة الثانية 1986
|
Post: #6
Title: Re: نادية عثمان زغاوية
Author: bayan
Date: 07-31-2006, 06:01 AM
Parent: #5
المحاكمة
لئيمة مكايد الاحقاد
وكت تنعيكا للدنيا
قبيحة خناجر الاصحاب
وكت تطعن ضهر غنية
غبية محاكم الفاشست
وكت تلوى الضمير عنية
وامينة دفاتر الاشعار
صدق كلماتها بالدنيا
أرافع لا لقاضى الحزب
ولا لى عسكر السلطان
أرافع لى ضمير الشعب
تحت زرقة سما ام درمان
أدق طبل الغضب وأصرخ
واقول كل الكلام مليان:-
مزيف فى جرايد الحشية
والطغيان..
مجرح بالكلام أسمى
من السفلة ومن الصحبان
مرسوم يوم تحت لافتة..
ومكتوب يوم تحت عنوان
"فيلم هندى" القصص عنى
ميلودراما وبالالوان.
مواجه بقلم فاشى
ومصلوب فى جرايد السر
تقول عقل الوطن ناسى
مناضل قالوا لو "حزبى"
وساقط لو "ديمقراطى"
صحيح صبح الفهم واطى
وضمير القاضى ما خجلان
يشد ساعد المناضل يوم..
ويوم يكتب فى اسمو هوان
تقول كسرت سن قلمى
وتقول بايعت للشيطان
تقول معنى النضال اصبح
قلم سايح بدون أوطان
تقول الردة
رجعة قدمى للسودان
وبين تنكيل قلم جاهل
وتحليل حملة الاختام
بقيت ثائر بدون تاريخ
وراجى اشارة الاعدام
وكل التهمة ما ساومت
واستسلمت للاحلام
و استنيت خلاص بلدى
بايد ثوار من المريخ
سيوف ميتة وطول اقزام
كرهت تفاهة الثوار
وكت يبقى النضال "قعدة"
كرهت قصائد الحفلات
عن "الثورة" وعن "الجبهة*"
كرهت معارك الأحقاد
تحيل اسم البلد لعبة
كرهت تطاول الاولاد
و الساقطين من النقاد
وصوت فنان ملوث
بى هوى الاسياد
وساقط من ضمير الكلمة والمبدأ
وحامل راوية الاوغاد..
أموت يا وطنى
بى خنجر مكايد الحاشية والطاغية
ولا الشايلين اسم ثوار
وهم عصبة المافيا
اقوم يا وطنى من جرحى
واشوف بى رؤية العافية
جروحك فى المزاد للبيع
واسمك فى خشوم لاهية
* الجبهة هنا مقصود بها الجبهة الديمقراطية
|
Post: #7
Title: Re: نادية عثمان زغاوية
Author: bayan
Date: 07-31-2006, 06:02 AM
Parent: #6
تابع
واحسك غابة من اشواك
عليك قدم البحس حافية
يمينك لعبة الاوزان
يسارك يل وطنن تايه
معسم فى الحروب كيمان
نتوه فى سكة الجبهة
نقيف فى سكة الجبهة
كأنك ما قدر نصبح
عشانك يا وطن وحدة
كاننا لسه فى الاحزان
دروح من واقعة الردة
ناصبين للحزن صيوان
ومستنين فرح مجهول
يجلجل فى سما السودان
نسيب السهر والشوك
نعود لى أمنا الساحة
نقيف راجين نفير الحق
وشهور تجرى وسنين زاحة
وسيوف الجبهة فى الاغماد
لا دكت هوى النيران
ولا سوت ارض واحة
مناشير عن نضال أحزاب
اشعار عن رجال أحزاب
أقوال من فكر احزاب
كانو الحزب هم نفسو
كأنو الازمة بس جرحو
وجرح الامة ضاق راحة
كانو بلاهو:
لا ولدت بطون امات
ولا صبح النضال ساحة
ويقيف الشعب
فى ساحة المحطة دهور
قطار الوحدة لا شرف
ولا فارق عيونا السور
ونجرح ونتلقى من العسكر
وطعن الخونة و الطابور
ونتقعر عن الازمات
عن تقريب مسافة الرؤيا
والرايات.
يتبع
القصيدة لهاشم صديق.. ديوان جواب مسجل للبلد
|
Post: #8
Title: Re: نادية عثمان زغاوية
Author: bayan
Date: 07-31-2006, 06:04 AM
Parent: #7
تابع
نتفلسف عن الثورة
وعن المنفى وعن الاحباط
ونتحذلق عن المعنى
وعن الاسقاط
ونتحامل على التأريخ
ونجرح صحاف الشرفا بالتلميح
ونتفنن فى ختم الشعرا بالاختام
ونغرق فى بخار التيه
وننبدل سيوف افعالنا بالاحلام
وفى الدوامة
تتبدل سمانا سواد
يموت معنى الوطن
وفى زفة الاوغاد
يضيع نبض الوطن
فى زحمة الاحقاد
يئن شرف الوطنمن جزمة الاسياد
يغيب شرف الكلام
فى بحة المذياع
وفى تهويمة التلفاز
وفى مسرح صبح مشنوق
بحبل المافيا
من جنس الحطام" وشواذ"
تتصارد حروف الحق
ويعود معنى الثقافة جناز
وتقوم الزفو
عن اعيادها بالتعيين
ويصير عيد الفنون تأبين
متين كان الحرف مصنوع؟!
متين شبت ثقافة الامة
فى الصحرا
والحصاد والجوع
تعيش يا معنى كلمة لا
تدك الحصن الضلال
بى اشرف الاشعار
تعيش يا وطنى
رغم جروحك المليون
ورغم المافيا والانصار
تعيش يا شعبى صف مضموم
بساعج العافية والاضرار
أحبك
لا بقع فى الشين
ولا بسكن لوجع الفجعة
فى جرح العذاب الخاص
اقوم من كل جروحى وأقيف
وفى ساحتك
الممهورة بالرصاص
واصيح فى مسمع التأريخ
اقول عن أزمة الراجين:
شباب واقف على السكين
بيسأل بى عقل ملهوف
تددق ساعة الحرابة متين؟
انحنا سواعد الجبهة
وسيوف الجبهة تصحا متين؟
اصيح فى مسمع التأريخ
اوقل عن معدن الراجين
شباب ثورى وديمقراطى
وقلب واعى وصاحى
شباب واقف
سنين مشتاق
تقوم الجبهة من تعسيلة الاوراق
تقوم الجبهة من تعسيلة الاوراق
انتهت
|
Post: #9
Title: Re: نادية عثمان زغاوية
Author: bayan
Date: 07-31-2006, 06:07 AM
Parent: #8
العزيز نادية
سلام ومحبة لشخصك الطيب
قلنا نحول هذا البوست .. لحاجة سمحة
زمافي حاجة بتعمل اي حاجة قبيحة محة
غير هاشم صديق
قولي معاي يا ست الناس..
شكرا جزيلا
للخناجر للمغايس
للمتاريس للدسايس
للطريق
لامن يضيق
للوجع
سوى البدع
فتح مدارس
شكرا جزيلا
للأمل وسط السراب
لى حراب
ناس قراب
للعذاب
فى كل باب
للمحكات العجيبة
والمشاوير الغريبة
لى تمن
عشق الوطن
جمر الضريبة
شكرا جزيلا
للعصار
للغبار
للبروق
الباقة نار
للملمات الكبيرة
للأسى
اللف الجزيرة
الكتب الغنا
وضو البصيرة
شكرا جزيلا
لى سلاطين
الحسادة
للصعاليك
والسيادة
للابر
فوق الوسادة
للحفر
فى كل ممر
للركوب
وسط الخطر
لى ملوك
فن النميمة
للأباطيل اللئيمة
والأساطير
القديمة
لى جبر
كسر العذيمة
والعبور
فوق الهزيمة
شكرا جزيلا
للكآبة
لى طبول
عصر الحرابة
للتفاسير
للتقارير
للرقابة
للجروح
الفتحت ورد الغنا
وفجرت
شبق الكتابة
هاشم صديق
|
Post: #10
Title: Re: نادية عثمان زغاوية
Author: bayan
Date: 07-31-2006, 06:09 AM
Parent: #4
ويامة حتتفقع اتجاه الريح نادية الايام دي
كله عشان قالت لو جيت القاهرة حتفرشها لي رمل احمر..
لازمن تموت عشان كدا...
|
Post: #11
Title: Re: نادية عثمان زغاوية
Author: bayan
Date: 07-31-2006, 06:24 AM
Parent: #10
لقدام يا نادية
|
Post: #35
Title: Re: نادية عثمان زغاوية
Author: ayman haroun
Date: 08-05-2006, 10:53 AM
Parent: #11
لى قدااااااااااااااااااااام يابنت عمى وعافى منك والله
مودتى
|
Post: #19
Title: Re: نادية عثمان زغاوية
Author: نادية عثمان
Date: 07-31-2006, 06:43 PM
Parent: #4
تبلدينا
كيفك وحالك واحوال الخريف معاك ؟!!
|
Post: #12
Title: Re: نادية عثمان زغاوية
Author: ayman haroun
Date: 07-31-2006, 09:44 AM
Parent: #2
زغاوية
|
Post: #13
Title: Re: نادية عثمان زغاوية
Author: نادية عثمان
Date: 07-31-2006, 10:02 AM
Parent: #12
| Quote: لو جيت القاهرة حتفرشها لي رمل احمر.. |
وماتنسى الورود والموسيقى والغناء العذب والرقص حتى مطلع الشمس !!
ياريت تكون محطتك الجاية القاهرة ياد. بيان الغالية !!
شكرا لتحويل البوست لملحمة هاشمية وليحيا هاشم صديق !!
ايمن العزيز
شكرا لفتح هذا البوست واعلم طيب نواياك ياابن العم الطيب
بقال
زغاوية ..دنقلاوية .. جعلية .. فواروية.. بجاوية .. حلفاوية ..محسية .. جنوبية .. شلكاوية .. نوباوية ..بنى عامروية ..فلاتية ..رفاعابية ..قمرابية ..ومن كل قبائل السودان انا وبحب كل بت من بلدى سودانية ..
تسلم يابقال
وانت سافرت ولا لسة ؟!!
|
Post: #14
Title: Re: نادية عثمان زغاوية
Author: nadus2000
Date: 07-31-2006, 10:10 AM
Parent: #13
Quote: قلنا نحول هذا البوست .. لحاجة سمحة
|
شفتي يا بيان لولا العبارة أعلاه،
كنت قلت الكلام دا كنتي ماشةبيهو مكان تاني،
وقام وقع هنا.
تحياتي لكي وللبنت العسولة.
وللزميلة نادية
أقول دوماً للأمام.
|
Post: #15
Title: Re: نادية عثمان زغاوية
Author: نادية عثمان
Date: 07-31-2006, 10:35 AM
Parent: #14
Quote: قولي معاي يا ست الناس..
شكرا جزيلا
للخناجر للمغايس
للمتاريس للدسايس
للطريق
لامن يضيق
للوجع
سوى البدع
فتح مدارس
شكرا جزيلا
للأمل وسط السراب
لى حراب
ناس قراب
للعذاب
فى كل باب
للمحكات العجيبة
والمشاوير الغريبة
لى تمن
عشق الوطن
جمر الضريبة
شكرا جزيلا
للعصار
للغبار
للبروق
الباقة نار
للملمات الكبيرة
للأسى
اللف الجزيرة
الكتب الغنا
وضو البصيرة
شكرا جزيلا
لى سلاطين
الحسادة
للصعاليك
والسيادة
للابر
فوق الوسادة
للحفر
فى كل ممر
للركوب
وسط الخطر
لى ملوك
فن النميمة
للأباطيل اللئيمة
والأساطير
القديمة
لى جبر
كسر العذيمة
والعبور
فوق الهزيمة
شكرا جزيلا
للكآبة
لى طبول
عصر الحرابة
للتفاسير
للتقارير
للرقابة
للجروح
الفتحت ورد الغنا
وفجرت
شبق الكتابة
هاشم صديق |
معاك ومع هاشم بغنى الاغنيات الموجعة يابيان .. وتسلمى يارب
|
Post: #16
Title: Re: نادية عثمان زغاوية
Author: manubia
Date: 07-31-2006, 10:52 AM
Parent: #15
سلام ياأيمن , تعرف نادية عثمان دي زي ما بتحكي عنها الصورة
a rose among the thorns
regards
|
Post: #22
Title: Re: نادية عثمان زغاوية
Author: ayman haroun
Date: 08-02-2006, 11:10 AM
Parent: #16
العزيز : manubia
تحياتى
Quote: سلام ياأيمن , تعرف نادية عثمان دي زي ما بتحكي عنها الصورة
a rose among the thorns |
ياعزيزى اولا اعتذارى لكم جميعا للتاخر فى الرد على مداخلتكم لا يشغلنى عنكم الا الالتزام العلمى والعملى ....والاجتماعى القاهر .
حقيقة ياخى نادية انسانة ونموذج للسماحة وشكرا لك اخى على افادتك الرائعة ,,,
مودتى
ايمن هرون
|
Post: #17
Title: Re: نادية عثمان زغاوية
Author: نادية عثمان
Date: 07-31-2006, 11:19 AM
Parent: #14
النبيل نادوس
Quote: وللزميلة نادية
أقول دوماً للأمام. |
سلمت من كل شر
وفليستجب الله منك الدعاء الطيب لاجلى يارب ..
|
Post: #18
Title: Re: نادية عثمان زغاوية
Author: Mustafa Mahmoud
Date: 07-31-2006, 11:28 AM
Parent: #17
ثقافتنا
this poem is dedicated to ustazah nadia osman
the pretty lady of Asmara
ثقافتنا
فقاقيع من الصابون والوحل
فمازالت بداخلنا
"رواسب من " أبي جهل
ومازلنا
نعيش بمنطق المفتاح والقفل
نلف نساءنا بالقطن
ندفنهن في الرمل
ونملكهن كالسجاد
كالأبقار في الحقل
ونهذا من قوارير
بلا دين ولا عقل
ونرجع أخر الليل
نمارس حقنا الزوجي كالثيران والخيل
نمارسه خلال دقائق خمسه
بلا شوق ... ولا ذوق
ولا ميل
نمارسه .. كالات
تؤدي الفعل للفعل
ونرقد بعدها موتى
ونتركهن وسط النار
وسط الطين والوحل
قتيلات بلا قتل
بنصف الدرب نتركهن
يا لفظاظة الخيل
قضينا العمر في المخدع
وجيش حريمنا معنا
وصك زواجنا معنا
وقلنا : الله قد شرع
ليالينا موزعه
على زوجاتنا الأربع
هنا شفه
هنا ساق
هنا ظفر
هنا إصبع
كأن الدين حانوت
فتحناه لكي نشبع
تمتعنا " بما أيماننا ملكت "
وعشنا من غرائزنا بمستنقع
وزورنا كلام الله
بالشكل الذي ينفع
ولم نخجل بما نصنع
عبثنا في قداسته
نسينا نبل غايته
ولم نذكر
سوى المضجع
ولم نأخذ سوى
زوجاتنا الأربع
this poem is dedicated to ustazah nadia osman
|
Post: #20
Title: Re: نادية عثمان زغاوية
Author: ayman haroun
Date: 08-02-2006, 07:10 AM
Parent: #13
بنت عمى الرائعة شديد نادية
شكرا جزيلا يابحر
Quote: شكرا لفتح هذا البوست واعلم طيب نواياك ياابن العم الطيب
بقال
زغاوية ..دنقلاوية .. جعلية .. فواروية.. بجاوية .. حلفاوية ..محسية .. جنوبية .. شلكاوية .. نوباوية ..بنى عامروية ..فلاتية ..رفاعابية ..قمرابية ..ومن كل قبائل السودان انا وبحب كل بت من بلدى سودانية |
..
ايها النيل الطويل انت بعمق بالسودان انت سماحة اهله
مودتى
ايمن هارون
|
Post: #21
Title: Re: نادية عثمان زغاوية
Author: نادية عثمان
Date: 08-02-2006, 07:25 AM
Parent: #20
ايمن لك رحيق الاغنيات العذبة
انت يازول وين مسجل غياب ومابترد على ضيوفك فى البوست ده ليه ؟!!
بقال سافر خلاص ؟!!
|
Post: #23
Title: Re: نادية عثمان زغاوية
Author: حامد بدوي بشير
Date: 08-02-2006, 11:33 AM
Parent: #21
أولا: لا أرى سببا (وجيها أو قبيحا) في ذكر القبيلة. كلنا زقاوة .. كلنا سودانيين من ملامحنا اللأفريقية الحلوة.
ثانيا: هاشم صديق يمارس جلد الذات وليس نقد الذات في قصائده الأخيرة ولا يصح أي تجيير سياسي لهذه الإغتسال الذاتي.
وهذا كل ما في هذا البوست العجيب.
ثمة طرق أخرى للونسة, أخف وقعا.
|
Post: #24
Title: Re: نادية عثمان زغاوية
Author: ayman haroun
Date: 08-03-2006, 02:53 AM
Parent: #23
| Quote: وهذا كل ما في هذا البوست العجيب. |
شكرا على التحليل بدون عزومة على الونسة الخاصة اتمنى ان نراك فى بوستات عامة وتكون بعيدا عن هرجلة العوام ,,,
نادية تعنى السودان بكل اطيافه نعتها بالزغاوية ان دل يدل على اننا قطر متكامل لاتعنينا عرقيتنا كل واحد منا يمثل كل العرقيات لذلك نادية اليوم زغاوية وغدا فوراوية وبعد غدا بجاوية والشهر القادم بارياوية ,,, التفكير المؤسس والتحليل الموضوعى لهذه يؤكد اننا نسعى لكسر هاجس العنصرية وتكتلات القبلية ,, (]ياحليلك ياهاشم صديق ).
اتمنى ان اكون قد ابنت المقصد ..
|
Post: #25
Title: Re: نادية عثمان زغاوية
Author: ayman haroun
Date: 08-03-2006, 03:16 AM
Parent: #21
ايها البحر العميق
اليك رحيق من مدائن البنفسج
الراقية نادية عثمان Quote: انت يازول وين مسجل غياب ومابترد على ضيوفك فى البوست ده ليه ؟!!
بقال سافر خلاص ؟!! |
انت ماعارفة يابنت عمى الجرى والطيران ,,, بقال سافر
|
Post: #27
Title: Re: نادية عثمان زغاوية
Author: نادية عثمان
Date: 08-03-2006, 08:07 PM
Parent: #25
| Quote: انت ماعارفة يابنت عمى الجرى والطيران |
جارى وطاير وين خالى القاهرة ياوريف ؟!!
|
Post: #31
Title: Re: نادية عثمان زغاوية
Author: ayman haroun
Date: 08-04-2006, 10:19 AM
Parent: #27
الهميمة الرائعة نادية
تحياتى
جارى وطاير وين خالى القاهرة ياوريف ؟!!
قاعد لكن هو انا القاهرة بقدر بفوتها بالساهل ... بينا اتصال
مودتى
ايمن هارون
|
Post: #26
Title: Re: نادية عثمان زغاوية
Author: منصوري
Date: 08-03-2006, 04:06 AM
Parent: #1
أنا ذاتو نادية بت أعمي..
..........
|
Post: #29
Title: Re: نادية عثمان زغاوية
Author: ayman haroun
Date: 08-04-2006, 08:45 AM
Parent: #26
أنا ذاتو نادية بت أعمي..
منصورى سلامات نادية ( بنت عم الجميع )
|
Post: #33
Title: Re: نادية عثمان زغاوية
Author: نادية عثمان
Date: 08-04-2006, 03:15 PM
Parent: #26
| Quote: أنا ذاتو نادية بت أعمي.. |
وانت اروع ود عم يامنصورى والله
|
Post: #28
Title: Re: نادية عثمان زغاوية
Author: Mohamed Adam
Date: 08-03-2006, 09:18 PM
Parent: #1
أيّمن هـارون
ليّك وحشّه يا وريّفْ.
زُوغـه:
خَلِي بالَكْ ، يا أيّمن .. لمّن نِتكَلم
عن ندْويّه بِتْ عِتْمــانْ ، بنتكّلمْ عن حواء السودان ذاتُو ...
مُنتّظِرْ سّماع صوتّكْ يا وريّفْ.
|
Post: #32
Title: Re: نادية عثمان زغاوية
Author: نادية عثمان
Date: 08-04-2006, 02:42 PM
Parent: #28
النبيل محمد آدم
تحية بحجم وطن نحن فيه اشقاء بالدم والانتماء
Quote: خَلِي بالَكْ ، يا أيّمن .. لمّن نِتكَلم
عن ندْويّه بِتْ عِتْمــانْ ، بنتكّلمْ عن حواء السودان ذاتُو ... |
سلمت ايها الرجل النبيل وكن بالف خير دوما
|
Post: #30
Title: Re: نادية عثمان زغاوية
Author: ayman haroun
Date: 08-04-2006, 09:50 AM
Parent: #1
زُوغـه:
خَلِي بالَكْ ، يا أيّمن .. لمّن نِتكَلم
عن ندْويّه بِتْ عِتْمــانْ ، بنتكّلمْ عن حواء السودان ذاتُو ...
مُنتّظِرْ سّماع صوتّكْ يا وريّفْ.
الوريف الهميم الرائع محمد ادم
تحايا واشواق
اخى حقيقة نادية حواء السودان ويالها من انسانة رائعة بروعة بلادى
انشاء الله نسمع اصوات بعض قريبا ,,,
مودتى
ايمن هارون
|
Post: #34
Title: Re: نادية عثمان زغاوية
Author: ayman haroun
Date: 08-05-2006, 10:43 AM
Parent: #1
Quote: ثقافتنا
فقاقيع من الصابون والوحل
فمازالت بداخلنا
"رواسب من " أبي جهل
ومازلنا
نعيش بمنطق المفتاح والقفل
نلف نساءنا بالقطن
ندفنهن في الرمل
ونملكهن كالسجاد
كالأبقار في الحقل
ونهذا من قوارير
بلا دين ولا عقل
ونرجع أخر الليل
نمارس حقنا الزوجي كالثيران والخيل
نمارسه خلال دقائق خمسه
بلا شوق ... ولا ذوق
ولا ميل
نمارسه .. كالات
تؤدي الفعل للفعل
ونرقد بعدها موتى
ونتركهن وسط النار
وسط الطين والوحل
قتيلات بلا قتل
بنصف الدرب نتركهن
يا لفظاظة الخيل
قضينا العمر في المخدع
وجيش حريمنا معنا
وصك زواجنا معنا
وقلنا : الله قد شرع
ليالينا موزعه
على زوجاتنا الأربع
هنا شفه
هنا ساق
هنا ظفر
هنا إصبع
كأن الدين حانوت
فتحناه لكي نشبع
تمتعنا " بما أيماننا ملكت "
وعشنا من غرائزنا بمستنقع
وزورنا كلام الله
بالشكل الذي ينفع
ولم نخجل بما نصنع
عبثنا في قداسته
نسينا نبل غايته
ولم نذكر
سوى المضجع |
|
Post: #36
Title: Re: نادية عثمان زغاوية
Author: نادية عثمان
Date: 08-05-2006, 06:09 PM
Parent: #34
ايمن هارون
كن بخير دوما
|
Post: #37
Title: Re: نادية عثمان زغاوية
Author: نادية عثمان
Date: 08-06-2006, 07:17 PM
Parent: #36
ايمن لقيت بوستيك ده مشهور عند بعض طلبة جامعة القاهرة وسألونى عن زغاويتى يوم تخرجهم فقلت لهم هذه من ابتكارات الاخ الظريف بقال !!
ايمن انت وين مسجل غياب ؟!!
|
Post: #38
Title: Re: نادية عثمان زغاوية
Author: ayman haroun
Date: 08-07-2006, 07:40 AM
Parent: #1
Quote: ايمن لقيت بوستيك ده مشهور عند بعض طلبة جامعة القاهرة وسألونى عن زغاويتى يوم تخرجهم فقلت لهم هذه من ابتكارات الاخ الظريف بقال !!
ايمن انت وين مسجل غياب ؟!! |
الرائعة نادية
انت عارفة بينى بينك كده فى واحد قال لى نادية دى قريبتى وهو من الشرق والله يانادية كلام محمد ادم صحى انتى حواء السودان ...
انتى ماعارفة البى والعلى
مودتى
|
Post: #39
Title: Re: نادية عثمان زغاوية
Author: نادية عثمان
Date: 08-07-2006, 07:54 AM
Parent: #38
| Quote: انت عارفة بينى بينك كده فى واحد قال لى نادية دى قريبتى وهو من الشرق والله يانادية كلام محمد ادم صحى انتى حواء السودان |
والقائد باقان اموم كان يصر على اننى شلكاوية !!
اما مستشار الرئيس الارتيرى عبد الله جابر فقد كان يظننى لاربع وعشرين ساعة اننى ارتيرية ثم اكتشف اننى سودانية.. عندما اخبرته انا بذلك !!
العليك شنو ياايمن طمنى !!
|
Post: #49
Title: Re: نادية عثمان زغاوية
Author: محمد الامين محمد
Date: 08-12-2006, 10:07 AM
Parent: #39
خلاص من اليوم ده اسمك حواء سودان عثمان وح اكلم بكري هسع ناو يغير اسمك
|
Post: #40
Title: Re: نادية عثمان زغاوية
Author: ayman haroun
Date: 08-07-2006, 09:10 AM
Parent: #1
|
Post: #41
Title: Re: نادية عثمان زغاوية
Author: حماد الطاهر عبدالله
Date: 08-07-2006, 10:37 AM
Parent: #40
عفوا
لم أفهم وفيها شنو لو كانت زغاوية ؟
وأنطيناكم ألف عافية.
|
Post: #42
Title: Re: نادية عثمان زغاوية
Author: نادية عثمان
Date: 08-07-2006, 11:38 AM
Parent: #41
| Quote: لم أفهم وفيها شنو لو كانت زغاوية ؟ |
حماد سلام
شرف لى ان اكون زغاوية او من بنات اى قبيلة من قبائل السودان
كن بالف خير
|
Post: #43
Title: Re: نادية عثمان زغاوية
Author: ayman haroun
Date: 08-07-2006, 04:55 PM
Parent: #1
| Quote: لم أفهم وفيها شنو لو كانت زغاوية ؟ |
مافيها اى حاجة لو كانت جزء من اى قبيلة من قبائل السودان فقط مانعود اليه هى من تلك الطاهرة السودان ...
مودتى
|
Post: #44
Title: Re: نادية عثمان زغاوية
Author: نادية عثمان
Date: 08-11-2006, 12:21 PM
Parent: #43
ايمن .. هاتفك مقفول ليه ؟؟؟؟؟
|
Post: #45
Title: Re: نادية عثمان زغاوية
Author: ayman haroun
Date: 08-11-2006, 04:13 PM
Parent: #1
الوريفة نادية
سلامات وتحايا
فعلا تلفونى مقفول ليه كم يوم ,,,, حارسل ليكى التلفون الارضى بالماسنجر
مودتى
ايمن هارون
|
Post: #46
Title: Re: نادية عثمان زغاوية
Author: نادية عثمان
Date: 08-11-2006, 06:15 PM
Parent: #45
ايمن اوعك تنسى !!
بت عمك وعم بقال الزغاوية !!
|
Post: #47
Title: Re: نادية عثمان زغاوية
Author: ayman haroun
Date: 08-12-2006, 07:47 AM
Parent: #1
[Quote: B]ايمن اوعك تنسى !!
بت عمك وعم بقال الزغاوية !![/B |
]
بنت عمى انت عارفة معزتك قدر شنو هل تتفتكرى ممكن ننساكى ...
مودتى
|
Post: #48
Title: Re: نادية عثمان زغاوية
Author: نادية عثمان
Date: 08-12-2006, 09:18 AM
Parent: #47
| Quote: بنت عمى انت عارفة معزتك قدر شنو هل تتفتكرى ممكن ننساكى ... |
تسلم ياابن العم الغالى
وانا عارفة قدر ايه قلبك ابيض ونقى جدا
فخورة بيك وسعيدة انك ابن عمى .. وتسلم يااااااااااااارب
وبرضو ماتنسى الصورة !!
|
|