استفزاز وسخرية بالمنبر عنصرية وجهوية ماريكم فيها ؟؟؟؟

لاحظت في المنبر كثير من العنصرين والجهويين الذين يريدون استفزازي والتقليل من شأني
عندما يودون الرد علي مداخلاتي او عندما يعجزون عن الرد يكتبون الاتي

يا(( بغال يا بغل يا بقبق )) بدلاً عن الاسم الحقيقي (( بقال)) وهي مكتوبة اذا قلنا
ما عارفين يكتبوه ,, هؤلاء هم كثر وعلي سبيل المثال تمبس فيصل نوبي القلب النابض ومحمد
علي بشير وغيرهم فكل هؤلاء يتعمدون بكتابة االاسم (( ببغال )) بدلاً عن بقال فانا لم اهين
احداً منكم واستصغره في اسمه او اسم والده او جده فلكم ان تستصغروا اسمي (( ابراهيم )) لاي
اسم تريدونه ولكن جدي بقال ما ذنبه ؟؟؟؟؟ حيث ان البغال يعني بها البغل وجدي ابن ادم مثلكم وانا ابن ادم مثلكم وهل هذا استفزاز وسخرية
منكم ؟؟؟ بالتأكيد هذا استفزاز وناتجة عن قصد واضح منكم وانتم تكتبون بغال بدلا عن بقال والقاف بعيدة عن الغين في الكي بورد. انا لا استجيب لاستفزازاتكم ولو كنت كذلك لتركت المنبر
من اول يوم سجلت فيها فقد اود ان الفت بقية الاعضاء والزوار بهذا النوع من السخرية والاستفزاز
الواضح الذي يمارس بالمنبر ويسكت عليها الجميع

الأخ بقال

سلامي أولا لا أقصد أبداً أن أغير اسم أحد وإن فعلتها أكيد لا أقصد هذا ولا أتوانى في الإعتذار لك

.....دمت

ما علاقة هذا بالعنصرية والجهوية يا ابراهيم بقال ...

الأخ بقال كامل تضامني معك ..
وأحس بالإهانة التي وجهت لك

لأن أباك وجدك ووالد كل شخص
بالبورد هنا هو بمثابة والدي
تماما..
وحقيقة قرأت هذه العبارة من
القلب النابض قبل قليل وتعجبت من هذا الإسلوب

هنا في بوست تمبس

Quote: عارف يا بغال الساعة6:18 دقيقة كتبت كلام وعدلته بعد اكثر من نصف ساعة تقريبا (38 ) دقيقة

والغريب أنها مرة تكتب بغال ومرة تكتب بقال!!!!
ما يدل علي أنها تعرف الفرق بين الغين والقاف

Quote: بقال كن أنت

ومن قبل قرأت أيضا من المدعو محمد علي بشير وسوف أتيك بها.

أرجو أن توقف هذه العنصرية والشتيمة في حدها..
الأستاذ إبراهيم بقال عضو محترم في المنبر

هذه هي لوائح المنبر لعناية الأخ بكري أبوبكر
نمرة 2

Quote: - على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده.....

أرجو من كل الشرفاء بالمنبر الوقوف خلف قضية إبراهيم العادلة
ولا لإساءة لمثل هذه الدرجة لإبراهيم داخل المنبر

ما علاقة هذا بالعنصرية والجهوية يا ابراهيم بقال ...

انا لسع مواصل في البوست قبل كدا واحد منكم كتب ساخراً ومستفزاً بكل عنصرية وجهوية
وهو يخاطبني فكتب هذا النص

(( كونوا كمن جلس بجوار ازبيلا فخوراً بصورته حتي تكاد تحرج من داخله الدونية
هل نبعث لكم بأزبيلا سودانية اخري لتنسيكم عقدتكم ))

اليس هذه عنصرية يا قلب النابض (( متي ينبض قلبك من هذه العنصرية ؟؟؟ ))

شوف يا بقال

انا ما بهزر في مسائل زي دي وما بلعب بي اسم زول ..

واعذرت حتى لو ورد خطأً طباعي ..

ثانيا : ليس لي دعوة بما يكتبه الآخرون ....

والمسالة ما بتستحل لعب عندي ..


والفرق بين حرف الغين والقاف في الكي بورد حرف واحد بينهما وهو الفاء ..

تصدق التعديل لأنها كتبت خطأ

القلب النابض

هذا ما كتبته انت فأنا ما جبت حاجة من عندي

عارف يا بغال الساعة6:18 دقيقة كتبت كلام

وعدلته بعد اكثر من نصف ساعة تقريبا (38 ) دقيقة

القلب النابض هذه دائما ما تكتب (بغال) بدلا عن بقال
لمعلومية الجميع..وهذه إهانة ما بعدها إهانة
لجد ووالد زميل بالمنبر .
وايضا محمد علي بشير ديل أنا قريت ليهم مساهمات زي دي.
يا أهلنا خلو العنصرية بتاعتكم دي.
إبراهيم ده زول محترم وعمروا ما أساء لأب أو جد واحد منكم.

خلو الشتيمة والعنصرية للأباء والأنساب دي.
وبرضو المدعو بريمة أساء لإبراهيم ولأهل إبراهيم من قبل.

أرجو من بكري إيقاف هذا الإسلوب الذي لا نودجميعنا
أن يكون هو اللغة السائدة هنا
.

Quote: القلب النابض هذه دائما ما تكتب (بغال) بدلا عن بقال لمعلومية الجميع..وهذه إهانة ما بعدها إهانة

اطلع منها يا عصام

أنت لا تعرفني ,

السلام عليكم
الأخ ابراهيم بقال
اتفق معك تماماً على إطلاق تعبير استفزاز وسخرية لوصف تغيير أحدهم لأسمك (بقصد) وبدون أن يكون مزاحاً مقبولاً من جانبك وأرجو من الأخوة التوقف عنه فوراً فواضح أنهم يريدون مداعبتك ولكنك لا تستسيغ تلك المداعبة
ولكن ما لم أستطيع فهمه أيرادك لكلمة عنصرية وجهوية وصفاً لهذا الفعل
فأين هي العنصرية والجهوية في محاولة احدهم مداعبتك بغير رضى منك؟

................................................
وما الناس إلا هالك وأبن هالك *** وذو نسب في الهالكين عريق

عــــدل اسحق ..

الاخ الزوول

لك التحية والتقدير والاحترام انا مواصل في البوست عن الجهوية والعنصرية والاستفزاز والسخرية
بالمنبر وهناك حالات كثيرة موجودة الان في ارشيف المنبر واخرهم كان بوست السيد بوب
الذي كتبه وبالخط العريض (( الاحساس بالعبودية بقال مثالاً )) ولم اراك انت وبقية الاعضاء في ذاك البوست بل دخل بعضهم يؤيدونه فيما ذهب اليه


واليك هذا البوست اليست هذه عنصرية واضحة ؟؟؟؟ قولوا الحق ولو لمرة واحدة

الاحســاس بالعبــوديــة !! بقــال مثالا

ابراهيم سلام

يا ابراهيم ما قلنا لك الناس ديل تسفهم بس؟؟؟؟

القلب النابض لا تقصد لانها منضبطه الي حد ما.

كذلك واضح انها نعسانه فمداخلتها الاخيره على غير عادتها

مليئه بالاخطاء.

عصام احمد

انت جديد يا زول

البورد ده ياما حتشوف في العجب

وما تقول لي لائحه ولا يحزنون

من زمان موضوع العنصريه ده باين بكري رفع منه يده رغم انه في اللائحه واضحه حوله.

الجهويه يا (الزول )

لانه من يكتب هذه (البغال) كلهم من جهة واحده في السودان اليس لبقال حق ان يتسأل؟؟؟؟؟

تراجي.

قال الله تعالي ( ان اكرمكم عند الله اتقاكم )

وايضا قوله تعالى : ( وإنما المؤمنون إخوه ) .

وايضا قوله تعالى : ( يا ايها الذين آمنوا لايسخر قوما من قوم عسى ان يكونوا خيرا منهم )



ولكن مايثير الغضب هو الاستخفاف والاستفزاز والتمادي في الاستفزاز والاصرار عليها 00 فالجميع يعرف الحقيقة وانا أجزم ان هناك من يعرف الكثير ولكنه فضل السكوت ,, ولم يفتح مثل هذا الموضوع أحد وبعضهم يقول تعالوا ننبذ العصبية والجهوية والعنصرية وهم اكثر اناس عنصريون وجهويون بهذا المنبر ,, استهتار واستخفاف مابعده استخفاف


وبالاخير اسأل الله ان يغفر لي ولكم ولجميع سائر المسلمين

قال رسول الله صلى الله عليه و سلم:

{يا أيها الناس إن ربكم واحد وأباكم واحد وكلكم لآدم وآدم من تراب}

{لا فرق بين عربي و عجمي و لا بين ابيض و اسود إلا بالتقوى}

هذه مداخلة لصلاح الدين عبدالله

حبيبنا فيصل
ماذا تتوقع غير كلمات الاخ اوسلى من هذا البغال

Al-Shaygi كتب :-

يا غراب الشوم الجايبك تنعق هنا شنو
في زول دعاك ؟؟؟

هي الجامعات دي حقت أبو أي واحد من البيخربوا؟؟؟

وأفهم يا عديم الفهم

الشايقي ليس من حقك اساءتي وتجريحي واطالبك بالاعتزار !!

وما من كاتب إلا سيفنى *** ويبقى الدهرُ ما كتبت يداه
فلا تكتب بكفك غير شئٍ *** يسرك في القيامة أن تراه

الأخ إبراهيم

لايجوز لأحد أن يسخر من أى شخص مهما كان وأرجو من الأخوة أن نشيع الكلمة الطيبة بيننا.

كما أحب أن أنبهك يا أخ إبراهيم بأن الآية الكريمة ورد فيها خطأ، يرجى تصحيحه، ليس ((وإنما المؤمنون..))

الاية الصحيحة هى (إنما المؤمنون إخوة فإصلحوا بين أخويكم واتقو الله لعلكم ترحمون)من غير حرف الواو
الحجرات -الآية (10).

وحتى تعم الفائدة ويستقيم المعنى، دعنى أكمل لك الآية الكريمة:
(يا أيها الذين آمنوا لايسخر قومٌ من قومٍ عسى أن يكونوا خيراً منهم ولانساءٌ من نسآءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفُسُوق بعد الإيمان ومن لم يتب فأُؤلئك هم الظالمون)- الحجرات -الآية (11)

خالتي تراجي

لك التحية والتقدير

هو البورد كلو مليان عنصرية وجهوية وسخرية انا عايز اعرف ليه الناس بتسكت عن الحاجات دي وخاصة لمن يكون موجه لبقال ؟؟؟؟ هل يعني هذا تضامنهم واتفاقهم مع ما يكتبه هؤلاء جملة وتفصياً ام ماذا ؟؟ فقد اود ان اعرف من اعضاء البورد رايهم شنو في المسائل دي؟؟؟

بقال تحياتي
معك ضد العنصرية واردة من آخرين لكن ما تظلم القلب النبض
للشهادة إنها أبعد إنسانة من العنصريـــة...
مجرد خطأ مطبعــــــي!

Quote: هؤلاء هم كثر وعلي سبيل المثال تمبس فيصل نوبي القلب النابض ومحمد علي بشير وغيرهم فكل هؤلاء يتعمدون بكتابة االاسم (( ببغال )) بدلاً عن بقال

..
يلالا تقوم بي اسرع فرصة تجيب لي أي مداخلــه كتبت ليك فيها ( بغــــال ) ..
جيب لي الرابط بتاع البوست والمداخله .. شان ما تجي تستعرض هنــا وتشبكنا عنصرية وكلام فارغ مجوبك ..
وجاي خاتي اسمي كمان وعامل فيها بتاع اغتيالات ..
..
يكون في علمك انا لو عايز اقول حاجه مقتنع بيها بقوله .. ما بسدس كلامي ..

يلالا انــا منتظرك اقتباساتك .. والروابط ..

**

محمد علي بشير أنت مطالب بتوضيح وإعتزار
للأخ إبراهيم
إسلوبك يكشف عنك دائما

Quote: هذه مداخلة لصلاح الدين عبدالله

شوف ياباشا بعد ان وصلت بلاد الباشوات
هات روابطك للبوستات المذكور فيها ماقيل فيك وقبلها حاول اعرف لماذا قيل لك

وماذا قلت انت

نصيحة( لاتفتح على نفسك جبهه انت فى غنى عنها)والافضل لك اهمال هذا البوست

اتعرف اول من اطلقها عليك عد للارشيف لتكتشف انك البادى للاساءات

و هذا مثال بسيط شوف منو البداء والاهم لماذا بدات ؟

Quote: العنصرى البغيض القذر المدعو صلاح الطين

و

ان عدت عدنا

بعد نصف ساعة فقط ذهب صلاح الدين في بوست اخر وكتب الاتي


وفى نفس الوقت بيحتج ان قيل له (بغـــــــــــال)
استفزاز وسخرية بالمنبر عنصرية وجهوية ماريكم فيها ؟؟؟؟

بقال ثوْرية الإنفعال، تبعية الجُهال، وكثرة الإسهال

علي احمد علي كتب :

انا بس زعلنى الود ده لما قال



((فووووووووووووووووووووووووووووووووووووووووق عشان عايزين نحكم السودان ))


قال هو زعلان لاني قلت فوووووووووووق عشان عايزين نحكم السودان هذه قمة من العنصرية والجهوية فهو يفتكر ان حكم السودان خاص لفئة معينة في السودان اولاد خشم بيت واحد وحرام علي الاخرين وعندما نقول عايزين نحكم السودان يزعل (( طرشك يا زول )) وانفقع

ولد .. يا بقال

علي احمد علي


خلى عندك ادب .. يا ولد



ولد .. يا بقال

التحية لك يا تمبس وانت ترفع جميع بوستاتي وتريحني من تعب الرفع كتر خيرك والف شكراً ليك

انا والله بتعاطف معاك يشدة لكن عليك الله
بقبق دي فيها شنوا ؟ ما فيها اي حاجة
وهسة تمبس ده لو قالوا ليه تمبوس حا يزعل ؟
ياخي انت لاقي زول يدلعك كمان و يقول حلاتوا بقبق
قصتك تحير .....

علي احمد علي :

يا ولد يا بعبع انت

نرحب ترحيباً حاراً بالقوات الدولية في دارفور لحفظ الامن والاستقرار

Quote: التحية لك يا تمبس وانت ترفع جميع بوستاتي وتريحني من تعب الرفع كتر خيرك والف شكراً ليك

..
الليه يسلمك يا بقــال يــاخ
ولا شكر على واجــب .. أخوك تحت الخدمــة .. اي لحظة قول عووك .. رقبتي سداده

..

كده كفاية والا اجيب ليك صور ( الثـــوار ) ؟؟

فيصل نوبي

بق بق

اسمع كلام عمك ده عليك الله

شوف كلامو سمح كيف !!!

نرحب ترحيباً حاراً بالقوات الدولية في دارفور لحفظ الامن والاستقرار

يا سلام عليك

زي ما بيقولو المصريين

( يعني جبت الديب من ديلو )

كدي اقعد في الواطــة و جيب لي معني لي كلمة بق بق دي انها نبذ !!











تعرف بوستك ده ردة فعل قوية جدا لي بوست بوب .. و نصيحة أخوان ما تتمادي لانك ح تنكفي علي وشك ..

هذا البوست يفضح عنصريتكم وزي ما شايف في ناس حاولوا يخرجو من مسار البوست وفي ناس انكروا
وقالوا دي ما عنصرية طيب ماذا يمكن ان نسميه ؟؟؟ اذا كان احدكم يكتب وبالخط العريض الاحساس
بالعبودية بقال مثالا ؟؟ ماذا يمكن ان نسمي هذا ؟؟؟ قولوا الحق ولو لمرة واحدة ولا تكونوا كمن
تشابهة عليهم البقرة وقالوا ماهي ؟؟ فالبقرة واحدة ولا توجود بقرة صفراء

رايكم شنو يا عنصري المنبر؟؟؟؟

بقال طبعا أنا رغم إختلافي معاك يوم تكون محرش وتجيب كلام ما كلامك إلا إنو حكاية اللعب بالأسماء دي ما جميلة ممكن أقول ليك إنت ضنب ولا تابع لكن إسمك ما بهبشو بس إنت حاول تبني مواقفك وآرائك براك على قناعاتك وأكيد الناس حا تحترمك بعداك ..
تمبس مثلا ذكرته إسمو مع الناس السخرو منك زي ما قلت وما جبت دليل وفي نفس الوكت إنت شارد من البوست العملو وجيت عدلت فيه مداخلتك وغيرت موقفك 180 درجة ووضحت إنو كتاباتك ما كتاباتك وإنك فقط شغال زي ما يقولوا ليك بس ياريت ترجع البوست داك وتخت رأيك إنت ..


ليك الحق طبعا تقبل كلامي ده ولا ترفضو ...

شكرا أدروب
وتراجي
تسلم

وما من كاتب إلا سيفنى *** ويبقى الدهرُ ما كتبت يداه
فلا تكتب بكفك غير شئٍ *** يسرك في القيامة أن تراه

الاخ إبراهيم بقال.

أرجو المعزرة.

أنت ما عارف أنو عرب السودان ديل عندهم مشكلة كبيرة مع الحرفين غ والحرف قاف؟
يعني نطقهم خطاء وكتابتهم غلط. نعيش ونشوف يا عرب السودان.

دينق

up

من أجل إحترام الجميع
ونحتاج لتطبيق اللائحة

الإبن بقال ما علاقة الموضوع بالجهوية والعنصرية ؟

سؤال تانى ، ما معنى كلمة جهوية ؟ بدون الإستعانة بصديق

كتبت الاخت تراجى

(القلب النابض لا تقصد لانها منضبطه الي حد ما.)

ما عارف قصة حد ما دى حدودها ويين (وجه مكفهر ومستغرب)

Quote: الإبن بقال ما علاقة الموضوع بالجهوية والعنصرية ؟

يا ترهاقا يعني انت شايف انو الكلام ده ما عنصري ؟؟؟ يأخي زول بيقول لبني ادم زيو عبد وبعدا كلوا تجي تقول ما في عنصرية ؟؟؟؟

ملاحظة يا بقال او سؤال

انتا ما سئلتا روحك لية الناس دى غيرت اسمى واسم جدى وابوى
انتا ما سئلتا روحك ؟ معقولة كتاباتى سمجة للدرجة دى معاها الناس حورت اسمى واسم جدى علشان تغيظنى وترسل ليا رسالة
بقال ومع فارق التشبية وبشدة عندما يخرج الرئيس بوش الامريكى عن مسارة يسخر منة الناس وينادونة ببوش وبوش بالطبع وانت العارف ليس باسمة الاول و الرئيس بيل كلنتون كذلك
وبن بلا الجزائر وا وا وا وا يعنى وبصراحة دى حاجة عادية وكواريكك و تنطيطك ووصفك للناس بالعنصرية والجهوية وانت اكثر المنغمسين فى وحلها لا داعى لة وان كنت غير مصدق فقط راجع ما تكتب وستعرف ان كنت انت عنصرى وجهوى ام لا
ولباقى المدافعين هاهاها ضحكة ليس الا

القلب النابض احيى شجاعتك واعتزارك وارفض تفسر العلامة بعد روضة مرضة تراجى ووصفك بالناعسة

هشام امين

up

من أجل إحترام الجميع
ونحتاج لتطبيق اللائحة