Post: #1
Title: وحدي ملكاً
Author: Nasruddin Al Basheer
Date: 07-26-2006, 08:17 AM
المتواجدون الان بالمنبر العام 202 شخص » (1 )عضو و (201) زائرا
»Nasruddin Al Basheer
هذه الصفحة يعاد تحديثها كل 120 ثانية.
سودانيزاونلاين.كم | المنبر العام | أرشيف المنبر العام للنصف الاول من عام 2005 | أرشيف المنبر العام للنصف الثانى من عام 2005 |أرشيف المنبر العام للنصف الاول لعام 2004 | مكتبة الراحل على المك | مواضيع توثيقية و متميزة | مكتبة الدراسات الجندرية | مكتبة د.جون قرنق | مكتبة ضحايا التعذيب |مكتبة الشاعر د.معز عمر بخيت |مكتبة الفساد |
|
Post: #2
Title: Re: وحدي ملكاً
Author: Nasruddin Al Basheer
Date: 07-26-2006, 08:33 AM
Parent: #1
إن شاء الله المهلة يضوقها حازم ولدي
منبر حدادي مدادي وقاعد براك والهم عصف
فرصة لا تعوّض والله العظيم
ساورتني نفسي الأمارة بالسوء أن أقلبها
لكن ولسوء الحظ بتاعي كالعادة وقبل ما أجهز
آليات الانقلاب من دبابات وبيان رقم واحد لقيت
الأعضاء بقوا (17)
بسم الله الرحمن الرحيم.. جيتوا من وين زي قطعة الشيطان
ما خليتوني أعمل انقلاب
لي مدة نفسي كان في شيئين أم فتفت وانقلاب
ولما كان من الصعب أحقق الأولى في البلد دي
قلت التانية أسهل
ولكن بسرعة البرق الجماعة وصلوا وفشلت الخطة
فتوارت أحلامي وقبضت الريح
وزي ما قالوا ناس عقد الجلاد الشقي ما بنسعد..
|
Post: #3
Title: Re: وحدي ملكاً
Author: Nasruddin Al Basheer
Date: 07-27-2006, 00:12 AM
Parent: #2
صلاح حاج سعيد قال
(كان نفسي اقولك من زمان)
ودكتور بشرى الفاضل قال
(نفسي في داخلك أعاين)
تجي إنت تقول لي نفسي في أم فتفت؟
ناس وهم فعلاً زي ما قال خضر عطا المنان
- يا اخي أي إنسان بحاول بعبر بطريقتو الخاصة
وعن موقف معين. صلاح وبشرى الفاضل عبروا عن حالات
عشق خاصة مرت بيهم وكتبوا عنها وأنا عبرت عن حالة خاصة بي.
وأنا بالمناسبة كنت شاعر لكين الكبر حصل وخليت الشعر
وقبل فترة نزلت قصائد كتبتها على الهواء مباشرة في بوست
منفصل ولولا إنو بكري ده راجل ملك وود ناس كان على الأقل
سلمني للانتروبول لأنها كانت قصائد ضد الذوق العام وكلام كلو خارم بارم..
طيب يا اخي فهمنا.. هسي في داعي للبوست ده ولا إهدار للبندويث!
- والله كونو أدردش مع نفسي شيء ما فيهو حرمة أو حظر وأحسن
من إثارة المشاكل والكلام الفارغ. تانياً أنا ما عندي زمن الآن
عشان أكتب موضوع جاد وحتى المواضيع الجادة ما في حد شغال بيها..
هسه دخلت نفسك في مشكلة يجي مفتي البورد يقول ليك أم فتفت حرام.
- حرمتها شنو؟ أديني أي دليل على ذلك
أو على حرمة المزة والشطة والليمون
دليلها: إنها رجس من عمل الشيطان
- لكين أم فتفت دي بعملها أنا ما بعملها الشيطان
كلامك منطقي.. بس إنت ما بتعملها عشان تشرب بيها الشاي،
إنت بتعملها عشان تفك بيها السكرة
- افتكر الجدل بينا حا يبقى بيزنطي لأنو ما ممكن تحاكمني
باعتبار ما كان والإسلام ليهو بالظاهر.. يعني ما ممكن أسكر
بالليل وتجي تجلدني تاني يوم لأنك قبضتني متلبس بالتهام أم فتفت!
|
Post: #4
Title: Re: وحدي ملكاً
Author: Biraima M Adam
Date: 07-27-2006, 00:17 AM
Parent: #3
المتواجدون الان بالمنبر العام 232 شخص » (3 )عضو و (229) زائرا
»Elmoiz Abunura
»MAHJOOP ALI
»ولياب
أنت ما موجود وأنا نفسى ما موجود، عايز أعرف دى جاءت كيف!! وأنا متواجد بالساعات الطوال
بريمة
|
Post: #5
Title: Re: وحدي ملكاً
Author: Nasruddin Al Basheer
Date: 07-27-2006, 05:13 AM
Parent: #4
عساك بخير يا بريمة
أنا بمجرد ما أرسلت المشاركة عملت خروج
عشان كده اعتبرت في عداد الغائبين
لكن بالنسبة ليك إنت فعلاً العملية تحيّر
في الغالب البورد أصبح مسكون بالعفاريت
ربك يستر علينا جميعاً
|
|