عفوا.... ممنوع دخول الشفع .....

السلام عليكم
جيت من المكتب و تعبانة بس قلت اشوف الايميل
لقيت اعتذار من ناس الهوتميل بما معناهو
عذرا ممنوع الدخول للاطفال
بسم الله يا ريتني ابقي شافعة تاني
فكرة لذيذة
اكل حلاة بازوكة و اتتطط
و اقول ماما و بابا
و الله يا ناس الهوت ميل ادفع عمري 16 مرة و تعملوها لي
و حاولت اشوف الخطأ وين
ما فهمت اي حاجة
قالوا الا اجيب بيرمشن من بابا و لا ماما
هم ديل غبايا ما ما ماتت و ابوي مات و الله يرحمن اجمعين
دحين لي ساعتين متحيرة ارد الايميل كيف
و ناس الهوت قالوا الا بيمشن
حاولت اجيب بيرمشن من ايميلي الاخر بالياهو
قالوا اثبت اني ادلت
بشنوا قال
بفيزا كات و تفاصيل الكارت الائتماني
و الله دي ل ما عارفين انا حساب بنك ذاتوا ما عندي
ماهية و بتجي يوم عشرين و بتتوزع علي السودان
من تلفوا (3 انواع) و نت و بنزين
و الباقي الله كريم
و هسي انا اسوي شنو عشان اثبت اني ادلت بيرسون و افتح الايميل
هل من فكرة
الايميل المقفول بتاع الجمعية
و كل مراسلات الجمعية بيهو
هل من حل
؟؟؟

Quote: قالوا اثبت اني ادلت بشنوا قال بفيزا كات و تفاصيل الكارت الائتماني

هو دة العايزنو.


طبعاً دة واحد من أساليب كثيرة للإحتيال و سرقة المعلومات البنكية ثم سرقة الرصيد

الأخت ســودانيـة،
دى فعلا حالة غريبـة.. كيف تمكنت من قبل إستعمال الإيميل والأن يقفل فجأة.. الموضـوع دا لو لرسـالة واحـدة فقـط أشطبيهـا.. لكن لو ما قادرة تقرى حتى إيمالاتك السـابقـة فهـذا شئ أخـر.

سلامات و شكرا
غايتو من ايميل اختي اضفتي عنواني في الماسنجر و شفت البروفايل
لقيت البروفايل ملخبطة فيبدوا انو في زول عبث بالايميل
و استخدمه و لذلك ارجو ان لا تعبأ باي ايميل من الاكونت
[email protected]
و عملت ايميل جديد
بس كل الاصحاب في الايميل اعلاه
و اعتذار مقدم عن عدم الرد
كلك من يسأل و يراسل
مع شكري

قالو هكر وجهاز الحاسوب اتبهدل
اي برنامج للحماية الحقونا بيهو
هم الهكر ديل يشوف ليهم جهاز فيهو معلومات بنكية و لا فضائح سياسية
هذا الجهز لا يحوي صور اطفال ايتام بدار الامل و قليل من محاضرات
و شئ من شعر زمن الشعر سمح
و كان لصوري مبروكة عليهم
خليهم ينزلوني في مجلة بلاي بوي
عشان تقفل المجلة زاتها من شناتي
و يرتاحوا الناس
القصة بتغيظ بالجد
لكن الجاتك في ايميلك سامحتك
كوليل انت المتهم الاول
لوووووووووول


You need permission to use Microsoft online services.
Before you can sign in and use Microsoft online services, a parent needs to give you permission. You can get permission right now by asking your parent to come to the computer. Or, you can send an e-mail asking your parent for their permission.

I'm an adult. Why am I seeing this page?
After your parent gives you permission, you can sign in with your new e-mail address, [email protected].

Parent: To give or deny your child permission to sign in and use Microsoft online services, click Get Permission Now.



--------------------------------------------------------------------------------

والله ياسودانية دى لو حصلت معاى أول حاجة " بجلد " رمضان ، بالذات مع الصيف والسخانة ، ويوم القيامة ذنبى على عمو بيل غيتس .