أخوك يا تماضر زولن كلس بالحيل

وين راح ياجماعة فتشو عليهو بسرعة وجيبوهو
ليهو يومين مختفى ماسمعين ليهو حس ولا صوت
اختفى وين ابوصهيب
الزول اللذيذ اختفى وين ماشيفنو خالص
ورونا راح وين نمشى نفتش عليهو
جابنا هنا وخلالنى براى
حسه امشى وين افتش عليهو قولو لى
ليهو اكتر من يومين ماظاهر
ماتكون عمتنا تماضر نقلت العدوة ليهو
بس مايكون كمبيوتر بايظ
بتصل بيهو امس مابرد
اللهم خير
وينك انت يازول الكلس

عمتنا تماضر







محمد عادل محارباك تانى ما تتكلم معاى

العمة الحبيبة تماضر
خير محاربانى لية
عملتى شنو
لية ماتكلم معاكى

أخوك يا تماضر زولن كلس بالحيل
يقوم الهجعة يتنفل نصايص الليل
ويستغفر صباح ومساء فى ضو قنديل
يحرم يطوف ويسعى يخم فى الأجر بالكيل
يزور حرم الرسول سيدى الكريم ونبيل
يقيف عند سيد الشهداء ويبكى عديل
ويتصدق بكل ما عندو ما هو بخيل
يصوم رمضان وعاشوراء وقيام الليل
وما بيدخل فى بيتو حرام وعندو دليل
أبوى أغرى السلام منى ده ود جبريل
ده زولن مابجود متلو الزمن بالحيل
كريم سمح الخصال أجواد وماهو بخيل
اما حكاية الأنيشا وكلام بنهار محاه الليل
مع حبشية فنانة ووشيشا يضوى زى قنديل
دى كانت حاجة زى لوحة وشالها السيل
برسم فيها بالوجدان وحاجة كده كفن تشكيل
أوعى تكلمى أبوى ويهيج فينى وأضوق الويل
ده كفو بيرمى أتخن زول شرب من نيل
ونهرتو ترعب الفرسان قفا ما تشيل
وحدرتو الله لا وراكى من نوع ديل
حليلو الفارس الأبلج حليل ناظرنا ود جبريل
كبير العائلة دخرينا الكلامو جميل
يمين ما شفت زى خلقو وماجاب فى زمانو مثيل
بلغى منى السلام زفرات تجيه عديل
تلاقيه فى أحسن حال وسط كتبو ولجام الخيل
اروى وفيحاء بالخدمة يساهروا الليل
عشان ارجل رجال ام در ولاد النيل
ابوى الفارس المغوار وماهو الديل
ابوى مقنع بنات ام در فى نص الليل
ابوك يا تماضر العاشق كلام الله ورسولو عديل
ابوك ما بجيب زمانو شبه وحتى بديل
ابوك ركازة للعاطل ابوك بيصلى طول الليل
ابوك بيربى فى الأيتام ابوك صنديد وجمل الشيل
ابوك الشاف رجال كررى وكواسر الليل
تماضر ابوك يجف قلمى الكلامو هطيل
ومهما قلت فى وصفو بعجز فى ثناه عديل
نسيتى القالو لينا زمان نسيتى كلامو لينا قبيل
ربنايرحمو ويسع قبرو شيخ الدين ود جبريل

شكرا يا محمد عادل للسؤال ، وإيراد هذه القصيدة ، وإنما يدل ذلك على صفاء معدنك وأصلك الطيب ، والحقيقة يا محمد أحياناً الزول بيكون مشغول وبيبعد غصبن عنو ، وبعدين (عمتو) دى بتزعل تماضر شديد ، يعنى (بتكبرها) دون داعى للكبر ، فتماضر ما زالت فى نظرنا (جاهلة وصغيرونة) بل فى نظر الكثيرين

تحياتى للسؤال يا محمد وشكرى الجزيل

بس إنت (أهدأ)

شنو يا محمد عادل

افتكرتك فهمت النكتة

نحن ناس فى عمر غريب

ناس "عمتى" و"خالتى" دى بيرفعوا لينا ضغطنا

حسة اسأل هشام ده زاااتو قول ليه صهيب ولدك محذرنو من شنو؟؟

وقصى ودهمرور وجراح ود ابو عبيدة ..

ديل كلهم محذرين رسميا من كلمة عمتى

ديل بقوا رجال خلاص

وانا مافى راجل يقول لى عمتى

جراح ده شدة ما عرف الفكرة بيقول لى "يا عسل" ههههههه

لا انا ما محارباك

انا بهظر

لكن كلامك فى هشام عجبنى والله

ودايرة ارد عليك ..رد يتناسب مع المقال

بس حسة ماشة الشغل..

لمن ارجع طيب؟

ياعسل انتى
اية رايك ههههههههههههههه
حيرتينى اقول ليك شنو
عشان الاحترام
معقول اقول ليك تماضر مابجى
طيب اية رايك استاذة تماضر رايك شنو
انتى ذى امى واحد امى فى البيت اقول ليها امى بس
لكن اقول ليها ياحجة
تهيج فينى
عم هشام دا رجل والرجال قليل
ومنتظرك ومنتظر ردك
ياستاذة
بسرعة تعالى

العم الحبيب هشام
اشكرك جزيل الشكر
ودا واجبنا عليك نسالك عليك وشكلك الايام دا مشغول شديد
غايتو استاذتنا دا شكلها شباب لسه ماعاوزة تكبر لكن ياعم هشام الكبر ماحصل حسه الاولاد ماقربو يعرسو
ناس صهيب ديل عادى ممكن يقولو ليها ياتماضر اه اولاد اولاده موش حيقولو ليها ياحبوبة

up

ما خاتى على محمد عادل كان قال لى عمتى" هههههه
انا حسه هبشتك
قاعد من قبيل ساكت ساكت ماعاوز اقرب عليك عشان ماتقوليك عمتو
اقوليك وينك ياحبة انتى