ســرقتـي النـوم من داخـل عيـونــي يــا!!

الأخــت رحـــاب كيفنـــك،،،
الفنـان الرائع ابوبكـر ســالــم قال:
ســرقتـي النـوم من داخـل عيـونــي **** و خليتي فيها السهر مـؤبــــد.

و إنت قلـــت:

Quote: صلاح ازيك بس بعاين

و ابو ساندرا قال ليك:

Quote: بي عيونك ديل ؟ ده ماياهو الكتل ذاتو مع سبق الإصرار والترصد

لكـن أبوبكــر سـالم غنى ليــك الأغنية دي:



كل الود و انا بسمــع و بعــاين بس

هيثــم

هيثم



أنا غايتو قالو لي خت الكورة في

الأرض




ختيتها أعمل شنو؟

يا خـالــد

قلت لي قالو ليك كدة:

Quote: خت الكورة في الأرض.

طيب احسن حاجة تختهـا كــدة:



عشـان تصــل للهــدف دة:



بالتوفيق يا ولدنـا،،،

هيثــم

و الله يا هيثم يا أخوي لا في الأرض نافع و لا كدة نافع




لينا الله بس




خالد

Quote: و الله يا هيثم يا أخوي لا في الأرض نافع و لا كدة نافع لينا الله بس

و انا بقول ليك و زي ما هي قالت ليك الكورة واطة بس انت خلي نفسك طويل و لياقتك فل. عشان ما تنـدم زي الكابتن الببكي تحت دة:



لكن انت وييين ابوساندرا و الجماعة ديل من المباراة دي..! ربنا يجيب العواقب سليمة...

Quote: لينا الله بس

و نحنا لينا مايكل بلاك بـــس،،،،،
اها فتك بعافية و ما اطول عليك،،،

هيثــــــــم

النار في قلبي توقد

بالغت يا هيثم
وبالغ أبوبكر سالم بلفقيه

وبالغت عيونها

التي { خلت السهر في عيونا مؤبد }


ياخ
كلم صاحبتك دي أن تمسك عيونها عليها

عليك الله
{ أميسكي عليك عيونك ديل
أمسكيهن }

شكــرا يا راقي

Quote: ياخ كلم صاحبتك دي أن تمسك عيونها عليها عليك الله { أميسكي عليك عيونك ديل أمسكيهن }

انا قلت ليها الكلام دة في بوست الترحيب بتاعا، لكن لو كان عندي غنية محمد ميرغني كان نزلتها ليها عشان تمسك عيونا ديل.

كل الود

هيثم

جاياكم انا، اصبرو لي بس، لمن القي لي فرقه وكت اقعد و ارد بي مزاج

Quote: http://www.geocities.com/rihab101/RihabHi55.jpg[/QUOTE] Quote: جاياكم انا، اصبرو لي بس، لمن القي لي فرقه وكت اقعد و ارد بي مزاج هيثم يا أخوي شوية شوية على ( رحوبة ) هذه الوردة ما أروعها .. Quote: تحية ياصلاح .. بس بعاين بعيوني أما عبارتها هذه فهي جزء من بحر عميق وصلة قديمة فقد تعارفنا على إلتقاء جميل .. وأكبر محتمدي عليها أنها صاحبة موقف ولها من حسن النظر ما يمكنها من رؤية الأشياء على حقيقتها .. وحتى لا يحرف الكلم منها .. فهي كانت تعني أنها أطلت عليَ من مكان لم أعهدها فيه .. وقد جلست أهيء لها عبارات ترحيب تليق بها لكنها ولآنها رحبة دائما فقد رحبت بهالة الترحاب التي فيها بنفسها على المحفل بأبهى مما كنت أتصور .. لذا فقد سرح بوست ترحيبها على نحو متخم .. وتكورت حولها كل الأجناس والناس .. هي أكثر من رائعة .. ولن أبوح بأكثر من ذلك ففي حضرتها يكفي قولها .. فقط أقول بأنها ألق من الروعة التي لاتنطفيء مودة =

---

Post: #11 Title: Re: ســرقتـي النـوم من داخـل عيـونــي يــا!! Author: Haytham Abdulaziz Date: 07-20-2006, 09:59 AM Parent: #10 العزيز شكوكو كيف الحال Quote: هيثم يا أخوي شوية شوية على ( رحوبة ) هذه الوردة ما أروعها .. تأكـد يا استاذ إن ما سطره يراعي القصد منه فقط إلقاء جو من المرح و السرور و لا غضاضة في ذلك بتاتاً و انا اعتقد تالت واحد رحب ب رحاب و هي كانت ولم تزل مصدر حفاوة من الجميع. حتى ابوبكر سالم لا يستطيع ان يكبت مشاعره و ابت نفسه إلا و ان يشارك بهذه الأغنية. و انا عملت موضوع شيق لربط الجزء بالكل و لذا كانت مداخلات الشباب خالد و ابوساندرا... Quote: وأكبر محتمدي عليها أنها صاحبة موقف ولها من حسن النظر ما يمكنها من رؤية الأشياء على حقيقتها و دة باين من نظرات عينيها... و لذا ما كان ابوبكر سالم شدى لها بهذه الأغنية و هي تستحق اكتر من كدة. Quote: وحتى لا يحرف الكلم منها .. فهي كانت تعني أنها أطلت عليَ من مكان لم أعهدها فيه .. و كمان كن واثقا انا لا أحرف الكلم عن مواضعه أو أتلاعب بالألفاظ لتجريح الآخرين لإية كائن من يكون. و إفتقدنا طلتك منذ ضربة البداية لكن حصلت مباراة الكـأس. و أعتقد إنك حا تخش التشكيلة من أول وهلة. Quote: هي أكثر من رائعة .. ولن أبوح بأكثر من ذلك ففي حضرتها يكفي قولها .. و لا انا أستطيع ان أبوح أكثر من ذلـــك و منتظرين مساهمتها في بوست القاب البنات. و دمت يا صاحب الروائع هيثــــم

---

Post: #9 Title: Re: ســرقتـي النـوم من داخـل عيـونــي يــا!! Author: أبو ساندرا Date: 07-20-2006, 06:19 AM Parent: #1 تعالي بس ماتنسي وضع النظارات او خمار أو أمسكيهن عليك

---

Post: #12 Title: Re: ســرقتـي النـوم من داخـل عيـونــي يــا!! Author: خالد عبد الله محمود Date: 07-20-2006, 10:10 AM Parent: #9 Quote: تعالي بس ماتنسي وضع النظارات او خمار أو أمسكيهن عليك أنت الحسادة الليك شنو يا أبوساندرا..... مانجي نتاوق يعني و لا كيف؟؟؟؟؟ محبتي

---

Post: #13 Title: Re: ســرقتـي النـوم من داخـل عيـونــي يــا!! Author: خالد عبد الله محمود Date: 07-22-2006, 09:45 AM Parent: #12 Quote: جاياكم انا، اصبرو لي بس، لمن القي لي فرقه وكت اقعد و ارد بي مزاج ما قلت بتجينا يا حليل مجيك وإن ضاع عمرنا محسوب عليك

---

Post: #14 Title: Re: ســرقتـي النـوم من داخـل عيـونــي يــا!! Author: Rihab Khalifa Date: 07-22-2006, 01:33 PM Parent: #13 غايتو الشفقه حال العدو - خالد الكوره دي لسه، ما قلنا ليك ارفعا من الواطه هيثم تسلم يا ذوق، و اختيار حلو من زول كريم، لكن ما قلتا لي الشافع الحلو ده منو؟ ابوساندرا، انا كان منك ما بتكلم في العيون و ما ادراك ما العيون، نمره تلاته، ما هدا انتا لابس نضارات، سووا شنو صلاح، يا راجل يا كريم، تسلم، لكن من غير ما ادخل في التفاصيل، انا اصلا ما عملتا حاجه و انا متاكده انو موقفي بشبه موقف كتير من الاصدقاء هناك، و في النهايه تفضل الكلمه الحلوه بين الناس و انسي بس عليك الله غايتو كلكم رفعتوا معنوياتي، الله يجبر بي خاطركم

---

Post: #15 Title: Re: ســرقتـي النـوم من داخـل عيـونــي يــا!! Author: خالد عبد الله محمود Date: 07-22-2006, 01:39 PM Parent: #14 Quote: غايتو الشفقه حال العدو - خالد الكوره دي لسه، ما قلنا ليك ارفعا من الواطه الأخت العزيزة رحاب و الله الكورة دي ذاتها أتعذبت معاك Quote: غايتو كلكم رفعتوا معنوياتي، الله يجبر بي خاطركم تستاهلي و الله يا رحاب و نتمني تكوني أضافة جيدة للمنبر

---

Post: #17 Title: Re: ســرقتـي النـوم من داخـل عيـونــي يــا!! Author: Haytham Abdulaziz Date: 07-23-2006, 03:56 AM Parent: #14 الأخت المرهفة رحاب عساك بخير،، شكرا على المشاركة في هذا البوست بروحك المرحة التي لمسناها من أول يوم ليك في الحي دة. و كمان كان مشاركة الأخوان خالد و ابوساندرا لها طعم خاص لإضفاء نوع من المرح و المداعبة فقط دون خدش لحياؤك الذي نلمسه من نظرتك خلسة خلف الكواليس. و كما قال الرائع شكوكو عنك: Quote: وقد جلست أهيء لها عبارات ترحيب تليق بها لكنها ولآنها رحبة دائما فقد رحبت بهالة الترحاب التي فيها بنفسها على المحفل بأبهى مما كنت أتصور .. لذا فقد سرح بوست ترحيبها على نحو متخم .. وتكورت حولها كل الأجناس والناس .. هي أكثر من رائعة .. ولن أبوح بأكثر من ذلك ففي حضرتها يكفي قولها .. فقط أقول بأنها ألق من الروعة التي لاتنطفيء اها بالنسبة لسؤالك دة: Quote: هيثم تسلم يا ذوق، و اختيار حلو من زول كريم، لكن ما قلتا لي الشافع الحلو ده منو؟ انا بقول ليك شكراً ياذواقة و انت أكرم الأكرمين... و الشافع الحلو دة إسمو محمد هيثم يعني ولي العهد .. وعقبال ما نشوف ولي عهدك بإذن الله.. Quote: غايتو كلكم رفعتوا معنوياتي، الله يجبر بي خاطركم و انت تستاهلي اكتر من كدة: وأخيرا و ليس آخرا فلنستمـع جميعـاً لحمد الريح و العيون العاجبا سيــدا.. ولكم مني جميعاً كل الود يا رائعون هيثــــم

---

Post: #16 Title: Re: ســرقتـي النـوم من داخـل عيـونــي يــا!! Author: أبو ساندرا Date: 07-22-2006, 05:25 PM Parent: #1 Quote: ابوساندرا، انا كان منك ما بتكلم في العيون و ما ادراك ما العيون، نمره تلاته، ما هدا انتا لابس نضارات، سووا شنو كتبت رحاب صاحبة العيون العجاب الفاتكة وليها نقول لي رحاب مش العيون ماشفت نمرة إتنين ، طوالي نطيطتي لنمرة تلاتة وكلامك صاح ، حاولت ، داري عينيك ، عينيك ضاريها عشان عارف فيها وفيها لا النضارات غطتن من الهواء ولا سترتن من الهوى قتلنا ولم يحن قتلانا رفقآ بقتلانا دي ماتنسي أمسكيهن أو كان الله في عون القتلى وصرعى العيون يا بت عيونك سحابة صيف لم تجافي أي بلاد