Post: #1
Title: الحرامي ....
Author: sudania2000
Date: 07-18-2006, 06:49 PM
في هذا الوقت المتأخر و انا لا زلت امام هذا الحاسوب مرة اسرح
و مرة افرح و مرة تغلبني القراية
اذا بصخب و طلقات اعيرة نارية
و البيت كلو صحي
و مشوا الشارع و الحرامي قبضوهوا
و هاك يا ضرب
وقفت من ع البعد اراقب
ضرب شفا
اعيرة نارية
الولد مسكين
مضروب نار و مضروب باهل الحي
دخلنا البيت و
كل ادلي بدلوه في الشمار الفي الفريق
القصة شنو
البوليس لحق الزول و كلبشوا
و ناس الحلة ماقصروا تب
كل زول بحديدة و لا طبنجة
و السلاح مباح
سالتني اختي مالك انتي خائفة عشان بتساهري براك؟؟
ابدا بس زعلانة ع الود المسكين دا
Not Human
تضربوه ما تقدموا لمحكمة عادلة
انتي يا بت حلمانة
هو كويس ما كتلوه ليك
و الله الزول دا مسكين
ما ترانا كلنا مفلسين و حامينا من السرقة اللطيف الخبير
بعدين البلد ما كلها بتسرق
و المال العام وصل التجني فيه ارقام خرافية
بقت ع المسكين دا
و الله حرام عليكم
انا لو عندي طريقة كان فكيتوا منهم
بس اولاد الحي لا يستمعون لانثي
و هذا شأن قتالي
أقصد رجالي
|
Post: #2
Title: Re: الحرامي ....
Author: waleed500
Date: 07-18-2006, 07:02 PM
Parent: #1
هو كويس ما وقع ليه فى بيت عزابة
|
Post: #3
Title: Re: الحرامي ....
Author: عصام أحمد
Date: 07-18-2006, 10:07 PM
Parent: #2
سودانية..
زي مــا قلتي البلد فيها الحرامية..
والحرامية خشم بيوت..
حليلك بتسرق سنفنجة وملاية
وفي واحد بيسرق خروف السماية
تصدق في واحد بيسرق ولاية!!
مفترض ينضرب المسؤول الأول عن ظاهرة تفشي السرقات..
المسؤول عن حال المواطن في البلد الخلي 90% منها فقير و10% غني..!!
ده المفروض ينضرب..
تحياتي
|
|