Post: #1
Title: مصائد النساء...
Author: ناصر البطل
Date: 07-18-2006, 06:20 AM
دائما و أبدا ما يسترسل الحديث
و لكن...
كيف تكون البدايه؟؟
مدخل أول:
أرسل لها رساله علي الموبايل نصها كالاتي:
تسمحي أشوف حظي معاك؟؟
أفتحي صندوق الوارد
و بكل أمانه أرسلي الرساله رقم ثلاثه 
يتبععع
|
Post: #2
Title: Re: مصائد النساء...
Author: Rihab Khalifa
Date: 07-18-2006, 06:23 AM
Parent: #1
اسي النبي فيك، بوستيك ده زاتو ما شرك؟
|
Post: #4
Title: Re: مصائد النساء...
Author: ناصر البطل
Date: 07-18-2006, 07:11 AM
Parent: #2
إلتحقت بالشركه مؤخرا
لا يجمعه معها سوي نفس الطابق مع إختلاف المكاتب
دخل علي زميلتها في المكتب فالتقط اخر الحكي
"ياخ ده سغيل بشكل!!!"
فرد عليها مباقتا
"أووووع تقولي لي بتتكلمو عن المدير"
فبدأت العلاقه علي شكل مناكفات
|
Post: #3
Title: Re: مصائد النساء...
Author: Salma Daoud
Date: 07-18-2006, 06:41 AM
Parent: #1
سلامات يا بطل...
بداية بوست شكله لذيذ..
عارف دي الخواجات بيسموها pick up lines
ومنها:
"ممكن تديني نمرتك... لأني روحت حقتي"!!!
|
Post: #5
Title: Re: مصائد النساء...
Author: ناصر البطل
Date: 07-18-2006, 07:31 AM
Parent: #3
كان كلما يتحدث معها علي المسنجر
يبدأ كلامه لها ب "يا منو؟؟"
فترد هي مثلا ب "ايوا يا فرده"
ثم "ايوا يا غالي"
ثم ""
ثم ""
.
.
.
ثم
|
Post: #6
Title: Re: مصائد النساء...
Author: عزاز شامي
Date: 07-18-2006, 08:30 AM
Parent: #1
خبط رأسه وقال!
وشك موش غريب!
شفتك فين؟
شفتك فين؟
افتكرت!
انتي دايما بتيجي في أحلامي!
|
Post: #7
Title: Re: مصائد النساء...
Author: ناصر البطل
Date: 07-19-2006, 02:35 AM
Parent: #6
جلس بجوارها في المواصلات
و كانت من النوع الذي يشتهيه
عندما رن الموبايل علي شكل مس كول
تظاهر حينها بأنه فتح الخط
و أجري مع نفسه الحوار التالي:
أيوا...
أووووووو...
و ينك ياخ ...
أسمع أسمع اسمعني...
أنا ده ما بشيلوا معاي طوالي...
لكن أضرب لي في التاني...
أييييييييييييييوا...
زيروا
ناين
ون
تو
ثري
تريبل فور
دبل تو
تاني..
زيروا .. ناين.. ون..تو..ثري..تريبل فور..دبل تو
ايوا بعد المغرب كويس معاي يلا سلامات
|
Post: #8
Title: Re: مصائد النساء...
Author: DKEEN
Date: 07-19-2006, 04:58 AM
Parent: #1
مســـاخة الرجال
قات ليهو: خلاص اضرب لي انتا
قال ليها : لا اضربي لي انتي في الموبايل احسن..
ردت : طيب رقم موبايلك كم؟؟
رد مستفسرا: ليه..انتي موش عندك موبايل؟؟
ردت :ايوه ..
رد: اضربي منو طيب !!
|
Post: #9
Title: Re: مصائد النساء...
Author: ناصر البطل
Date: 07-20-2006, 04:05 AM
Parent: #8
حاول عدة مرات لأيجاد شئ يجمعه بها
بمحض الصدفه
علم انها متحررة الأفكار
و أنها تتعاطي السجائر
كان يتحدث مع زميله في العمل
ويقفا وجها لوجه في الممر
عندما رئاها تأتي من بعيد
رفع صوته
معاك كبريته؟؟
مخاطبا صديقه
و ينظر اليها...
إبتسمت حينها
فمد يده مسالما
تخريمه
بس يا دكين ما عارف اذا
ضغط يدها شديد في السلام و لا لا
|
Post: #10
Title: Re: مصائد النساء...
Author: Sobajo
Date: 07-20-2006, 04:41 AM
Parent: #9
علم انها من اقليم سوداني ..
يتعاطى ابنائه و بناته التمباك ..
فدنكل سفة كاربة و شنقها فوق ...
و دخل عليهن محيهن في ظرافة ..
و سفته تتاوق من تحت الشفة السفلي في كل تبجح ...
و تزيد ابتسامته من متاوقتها ..!!
|
Post: #11
Title: Re: مصائد النساء...
Author: ناصر البطل
Date: 07-20-2006, 06:51 AM
Parent: #10
كثيرا...
ما كان يقابلها علي السلم
فيصبغ لها ابتسامه علي شفتيه
مما تجعلهما علي شكل علامة NIKE
تلك الابتسامه التي بها
نوع من الخبث بالخبره و الدهاء
كان يشدها هذا المنظر فتبادله
بابتسامه عفويه
ذات يوم وهي تصعد علي الدرج
كان صاحبنا نازلا
فاجئها بابتسامته فعتثرت
فكان ان تلقاها بذراعيه
يتبعععع
|
Post: #12
Title: Re: مصائد النساء...
Author: عزاز شامي
Date: 07-20-2006, 06:55 AM
Parent: #1
في مطعم يعج بالكثيرين
اقترب ليخبرها بأنه يقدر تماما رغبتها في أن تكون بمفردها الآن! ولكن التزامه الأدبي تجاه الجمال يمنعه من مجرد الاكتفاء بالنظر!
|
Post: #13
Title: Re: مصائد النساء...
Author: Sobajo
Date: 07-20-2006, 07:19 AM
Parent: #12
Quote: فكان ان تلقاها بذراعيه
|
ده الموضوع اطور او او او اوي ....!!!
|
Post: #16
Title: Re: مصائد النساء...
Author: ناصر البطل
Date: 07-22-2006, 10:05 AM
Parent: #13
| Quote: ده الموضوع اطور او او او اوي ....!!! |
التطور الحقيقي يا صديقي
بدأ هنا
عندما قمت بالرد علي مداخلتي
متخذا من مداخلة عزاز سبيل الوصول
حلوه منك
بس لقيتني كيف
كشاااااااااااااااااف
و تفتيحه 
خارج النص:
مشتاقون يا حبيب
كوليل معانا و ما تغشانا
|
Post: #15
Title: Re: مصائد النساء...
Author: ناصر البطل
Date: 07-22-2006, 10:02 AM
Parent: #12
كان كبيرا في كل شئ
علمه, أفكاره,قصائده, عمره ... ألخ
ما عابه شئ سوي مضايقته للجنس الاخر
و ما جمعه معها سوي حبهم للشعر
رئاها للمره الأولي
فأحبها بجنون
أغلقت أمامه أبواب الوصول
فما كان منه الا أن
نشر أحد قصائده بأسمها
في جريده (الواق الواق)
علمت هي بذلك
و لكنها علمت أيضا
بأن هذه المصيده
من النوع الذي دائما ما يستعمله سيادته في ايقاع النساء
بين قوسين (لعبنجي)
فتجاهلته
|
Post: #14
Title: Re: مصائد النساء...
Author: saadeldin abdelrahman
Date: 07-20-2006, 12:46 PM
Parent: #1
سلام ياشبيبة
مشتاقين والله
سوباجو
Quote: و سفته تتاوق من تحت الشفة السفلي في كل تبجح ...
و تزيد ابتسامته من متاوقتها ..!! |
المنظر الجبتو دا هو ال ح يتطور بصورة كارثية
على شكل فيضان (لعاب) مردودو : ياااااااي
سفة دقار و معاها ابتسامة و كمان بتزيد!
دايرة دفاع مدني دي هههه
---------------
ناصر
قصصك العاطفية دي ياخوي كلها سلالم مالا ?
|
Post: #17
Title: Re: مصائد النساء...
Author: ناصر البطل
Date: 07-22-2006, 11:31 AM
Parent: #14
Quote: ناصر
قصصك العاطفية دي ياخوي كلها سلالم مالا ? |
طيب خودك دي واحده علي الطاير...
جلس بجوارها في الطائرة المتجهة إلي (قرين طقو)
عندما أراد أن يفرد مصيدته
تكووووع علي اليد المشتركه للكرسي و تظاهر بالنوم
تارة يلتصق بجسمها
و تارة يميل للأمام
و...
عندما إستقر به الحال في صدرها
و كان قد أعجبها الموقف
تظاهر بالصحيان
فبادرته هي بالسؤال
R U Tired?
|
Post: #18
Title: Re: مصائد النساء...
Author: ناصر البطل
Date: 07-23-2006, 03:13 AM
Parent: #1
كان عضوا معها في سودانيزاونلاين
أحبهامن مداخلاتها و رسم لها صوره في مخيلته
مزيجا ما بين صورة البروفايل, كتاباتها و محبوبة الصبا
فأرسل لها الرساله أدناه:
الأخت العزيزه XXX
أعتذر مقدما لمراسلتك هكذا
و لكني فقط أحببت أن أعبر لك عن إعجابي بكتاباتك
حقيقة شخصيتك تبهرني جدا لما لها من ألق الحضور
أتمني أن يدوم التواصل بيننا
و رجائا مدي بايميلك علي العنوان [email protected]
شئ أخير
وددت لفت نظرك من العضو YYY
فحقيقة أنا أعرفه جيدا
بل و أعرف اسرته و أصدقائه فهو انسان غير سوي
فهو علي ما يبدو يريد التحرش بك
فرجاء خاص أن تتخذي حذرك
_________________
لووووووووووووووول
|
Post: #19
Title: Re: مصائد النساء...
Author: ناصر البطل
Date: 07-23-2006, 07:21 AM
Parent: #1
كان يأتي ألي منزلهم دائما
فقد كان زميل لأخيها
رأها في الجامعه و كان علي وشك التخريج
كانت حينها في أول أيامها الجامعيه (برلومه بالعربي الفصيح)
عرفها في الحال
فقد كان يختلس النظر اليها و هي تلعب في فناء منزلهم (غتييييت يخسي عليهو )
بادرها بالسؤال
إنتي أخت ...!؟
ما شاء الله كبرتي.
ياخ نحنا خليناك قدر كده.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
وا.
خلاص قبض
بتقروا في شنو تاني
|
Post: #20
Title: Re: مصائد النساء...
Author: Ahmed Mohammed Osman
Date: 07-23-2006, 08:12 AM
Parent: #1
قصة السلالم دي حيرتنا معاك
هاك دي
اتي الي المدنية محمل بكل تبعات الريف (الاقاليم)
واجتمعو شله في الجامعة وكانو بصدد عمل مهم
فتم طرح مكان للقاء
وكان منز زميلة لهم
فما كان له الا ان نط وقال:
هوي انا بيوت بنات ما بمشي
اكتسب كميه من النقاط
ومن ديك وعييييييييييييييييييييييييييييك
|
Post: #21
Title: Re: مصائد النساء...
Author: bayan
Date: 07-23-2006, 10:48 AM
Parent: #20
سلام يا سلمى
مد يده وشد على يدها يحرارة
كيفك يا سلمي زمن ما ظاهرة؟
انا ما سلمي
كيف انت موش اخت محمد
لا متاسفة انت شبهتني
طيب اسمك منو وبتجي هنا كثير؟
زاحمها
ازيك يا منى احمد الامين حسن
اهلا مرحب
بدت الدهشة في وجهها
تحدث معها عن احمد ومحمد
وهي تحاول تخفي حرجها
وتبحث في تلافيف الذاكرة
اين عرفته..
بعد انتهى اشار الى دفترها
المكتوب عليه منى احمد الامين حسن..
|
Post: #26
Title: Re: مصائد النساء...
Author: ناصر البطل
Date: 07-24-2006, 05:22 AM
Parent: #21
كان أستاذها في الجامعه
و كان أيضا من النوع الردئ
كعادة طلاب الجامعه
يتحدث معظم من بالقاعه مع من بجوارهم
فأختارها هى بالذات
- بتضحكى مالك؟
وا وا وا وا
- آآآآآ
- من غير نقاش
- إتفضلي بره و قابلينى بعد المحاضره في المكتب.
______
دكتوره بيان...
تروتسكي. ناذر.تبلدينا و حتي دوما التى التقيتها لوهله و اخرون
جميعهم أخبروني بأنك الروعه في حد زاتها
فكرهت شيطان عقلي الذي يمنعني من لقاءات البورداب
لك الود
شوفتي المصيده دي كيف؟
|
Post: #23
Title: Re: مصائد النساء...
Author: ناصر البطل
Date: 07-24-2006, 03:35 AM
Parent: #20
كثيرا ما كان يحكي له عنها
في ذات يوم
أرسل له أيميل تهنئه بمناسبة العيد
و كانت هي من ضمن المدمجين في قائمة المرسل إليهم أيضا
قرأ الرساله
و قرأ ايضا عنوانها البريدي من ضمن القائمه
فقد كان عنوانها يحمل نفس الاسم الحقيقي
فقرر أن يراسلها...
و بث
|
Post: #22
Title: Re: مصائد النساء...
Author: WadAker
Date: 07-23-2006, 12:02 PM
Parent: #1
Quote: وا.
وا.
خلاص قبض
بتقروا في شنو تاني |
الفاتحــــة.... ليس دائما حزنا ياصديقى البطل
|
Post: #27
Title: Re: مصائد النساء...
Author: ناصر البطل
Date: 07-24-2006, 05:28 AM
Parent: #22
يا ودعكر
و الله مشتاقوووووون بالجيم
وينك ياخ بطل غتاته و أظهر
.
.
المهم
كانت تعرف جميع أصحابه إلا هو
عندما توعكت أختها الصغري بالمستشفي
قرر الذهاب مع الاخرين
ليس عيادتاَ
و لكن لشئ في نفس يعقوب
عندما رآها بعد ذلك اللقاء
تقمص دور المعرفه
و بادرها بحرارة السلام
و السؤال عن البقية
|
Post: #24
Title: Re: مصائد النساء...
Author: عزاز شامي
Date: 07-24-2006, 04:00 AM
Parent: #1
حل قادم جديد
يحمل حقيبة وقلبا أخضر ...
عبرت نظراته ممرا مليئا بالحيارى
لم يكتف بالانبهار ونفخ فقّاعات التمني
عبر الطرف الآخر يحمل قلما وورقة بيضاء
وبلا مقدمات
"اكتبي اسمك ورقم تليفونك وانتظري اتصال مني الساعة ... اليوم!"
|
Post: #30
Title: Re: مصائد النساء...
Author: ناصر البطل
Date: 07-24-2006, 07:00 AM
Parent: #24
كان يسير بعكس اتجاهها بنفس الشارع
عندما اقتربا
كانا علي خط مستقيم
مالت إلي اليسار قليلا
فمال إلي اليمين
مالت إلي اليمين قليلا
فمال إلي اليسار
ما
ما
ما
.
.
.
ططططططططططططططاخ . فقد ضربها بكتفه علي كتفها
|
Post: #25
Title: Re: مصائد النساء...
Author: Ahmed Mohammed Osman
Date: 07-24-2006, 04:20 AM
Parent: #1
كل ما يري (طيفها) تزداد فيه رغبة التعارف
ارسل ليها رسالة فاضية
وجهز حنك انو الرسالة مشت بي الغلط لو لم تمنحة الفرصة لمعرفتها
وجلس ينتظر
وينتظر
و
و
وبث
مباشر
|
Post: #31
Title: Re: مصائد النساء...
Author: ناصر البطل
Date: 07-24-2006, 07:03 AM
Parent: #25
أرسل لها رساله مليئة بالشجن
تتخللها كلمات من:
حبيبتي, الغروب, المطر و أشتاق إليك
إتصلت به لتعلم من المرسل
بدأ حديثه ب
Sorry
و أنهاه ب
OK خلاص بينا إتصال
|
Post: #28
Title: Re: مصائد النساء...
Author: أحمد الشايقي
Date: 07-24-2006, 05:34 AM
Parent: #1
ناصـر
كل المصائد دي
ما نفعـت
شكلهم الجماعة حقينا ديل
(صــيـر)
شكرا للبوست الظريف
أحمـد الشايقي
|
Post: #32
Title: Re: مصائد النساء...
Author: ناصر البطل
Date: 07-24-2006, 07:12 AM
Parent: #28
كانت من النوع
الذي يتحدث كثيرا عن المرأة و المساواة
ختان الإناث و الاضطهاد
الرجل الشرقي و العولمه
و أشياء أخرى
كان يعلم عنها كل ذلك
زار صديقه بالمكتب
عمد إلي فتح حوار
و تظاهر بالتقدميه
أثناء حواره
أكثر من الكلمات من نوع
أيدلوجيه الفكر السياسي
انبثاق حقوق المواطن
و أشياء أخري أيضا
|
Post: #29
Title: Re: مصائد النساء...
Author: Ahmed Mohammed Osman
Date: 07-24-2006, 06:37 AM
Parent: #1
وينتظر
وينتظر
وينتظر
ولي اخر المدي
|
Post: #33
Title: Re: مصائد النساء...
Author: ناصر البطل
Date: 07-24-2006, 07:13 AM
Parent: #29
ما بجي برا
بجي
طابيقه
طابيقه
طابيقه
لوووول
|
Post: #34
Title: Re: مصائد النساء...
Author: DKEEN
Date: 07-24-2006, 07:27 AM
Parent: #1
كان معجبا بها وخجول
عزمته شاي مغرب بي (منين) في منزلها
حين التصق فتات (المنين) على خدها ..
قال ليها بكل بكل براءة: عن اذنك وازاح فتات المنين من على خدها ..
اخدت ليها خفسة لي جوه وبعد دقيقة واحدة جات والفتات على صدرها..
|
Post: #35
Title: Re: مصائد النساء...
Author: عشة بت فاطنة
Date: 07-24-2006, 07:52 AM
Parent: #34
مسنجر عبر البورد ما نفع
بالصدفة التقط الاميل وكانت الهكرة
واختراق كل اسرارها ، ثم قجة الشرك
في سوق الشات ومفاجأتها بكمية
من الاسرار الحميمة ..
وبدأت العلاقة المريبة
راجعة
|
Post: #38
Title: Re: مصائد النساء...
Author: ناصر البطل
Date: 07-24-2006, 09:59 AM
Parent: #34
دكين مصيدتك دي رجاليه
المهم
.
.
.
كان بتعرفوا الزول ده
قول ليهو
ناصر قال ليك
المره الجايه
يسوقني ازورالناس ديل معاهو
|
Post: #36
Title: Re: مصائد النساء...
Author: Ahmed Mohammed Osman
Date: 07-24-2006, 08:01 AM
Parent: #1
غايتو يا دكين زولتك دي مصيدتها شديدة خلاس
لكن انا واثق من انو شرب الشاي بدون منين
صح؟
|
Post: #37
Title: Re: مصائد النساء...
Author: gamal elsadig
Date: 07-24-2006, 08:20 AM
Parent: #36
..
| Quote: جلس بجوارها في الطائرة المتجهة إلي (قرين طقو) |
الطائرة من النوع البينزل في المويه ولاشنو؟؟؟؟؟
تحياتي يابطل
.
|
Post: #39
Title: Re: مصائد النساء...
Author: ناصر البطل
Date: 07-24-2006, 10:06 AM
Parent: #37
جمال يا صادق
رئاها تسبح مع أطفالها في (الترعه)
اتخذ من أطفالها مدخلا
أخذ يلاعبهم داخل الماء
و يقطع معهم الأشواط
ذهابا و إيابا
و كان قد سألها مسبقا
ديل أولادك؟
حلوين ما شاء الله
|
Post: #40
Title: Re: مصائد النساء...
Author: saadeldin abdelrahman
Date: 07-24-2006, 03:07 PM
Parent: #1
Quote: مالت إلي اليمين قليلا
فمال إلي اليسار
ما
ما
ما
.
.
.
ططططططططططططططاخ . فقد ضربها بكتفه علي كتفها |
غلطان سيد النيسان.
|
Post: #41
Title: Re: مصائد النساء...
Author: nashaat elemam
Date: 07-25-2006, 02:39 AM
Parent: #40
ناصر..
واصل في (رمي شراكك) عسى (نشاركك) يوماً ما
|
Post: #43
Title: Re: مصائد النساء...
Author: ناصر البطل
Date: 07-25-2006, 05:16 AM
Parent: #41
كان يدقق في النظر إليها
كلما تأتي إلي المكتب
تجاهلته..
ثم
أصبحت تدقق النظر فيه
عسي و لعل
حينها
.
.
.
غمز بعينه في منتهي البجاحه
و بث
|
Post: #42
Title: Re: مصائد النساء...
Author: ناصر البطل
Date: 07-25-2006, 05:10 AM
Parent: #40
قصدك يحلها الشربكه
_____________________
و الله أيام يا زمان
مشتاقوووون جدا
يا سعد
|
Post: #44
Title: Re: مصائد النساء...
Author: DKEEN
Date: 07-25-2006, 06:31 AM
Parent: #1
عاجباهو ليها زمن ..
كانت سمحة
مادة صدرها لي قدام
مادة مؤخرتها لي وراء
مادة جسمها لي فوق
كل شي فيها مديد..وممدود
وساكنة الامتداد ..
لامن يوم لقاها جاية في الشارع قام فتح محفظتة ظهرت قروش كتيرة..
خمش كمشة ومداها ليها ..
قامت طوالي مدت بوزها..
وطلعت زولة مادية ..
|
Post: #45
Title: Re: مصائد النساء...
Author: ناصر البطل
Date: 07-25-2006, 07:28 AM
Parent: #44
بدر هدف
الخور الخور
أمل هتفت
لازم لازم
|
Post: #46
Title: Re: مصائد النساء...
Author: DKEEN
Date: 07-25-2006, 07:48 AM
Parent: #1
دي حصلت جد ..وحصلت قبل اربعة ساعات من تاريخ انزال هذ المداخلة
مشيت السفارة البريطانية اليوم لي شغل
لقيت صف طويل وناس منتظرين وهلم زحمة
في العادة بجي بلقى اغلب الجكس فلبيني وهندي وارتري
على غير العادة لقيت واحدة ما اظن من كوكب الارض
قمحية وسمرة زي خشب الصندل وريحتو..
اها دي ياربي يصطادوها كيف وسط الهلمة دي..
قعدتا اتذكر في مصايد ناصر البطل
فكرتا في مصيدة الطيارة .. قتا لا..حاتكفت هنا ساي ..
فكرتا في مصيدة السلم ..قتا ياخي هنا سلم ذاتو مافي ..
قتا امليها رقم الموبايل بي الاشارات .. لقيت القنصل بتاعين لي ..
سبيت لي ناصر صاحب الافكار الغبية لانو ماجاب مصيدة السفارات دي لسع..
اها وانا بفكر كانت هي بتاعين تجاهنا ولابسة نضارات شمس قدر الشباك ..
لامن تخت يدها في خدها انا اخت يدي في خدي
لامن تنزل انزل
لامن تحك طرف شفتها بي اصبعها.. انا احك طرف شفتي ..
تخلف كراع ..اخلف كراع ..
كان انتظار جميل بصراحة..
لامن غلبني اخليها تضحك قمتا مرقتا بره الصالة في شلتر مجاور للحمامات
قعدتا هناك اشرب موية بعد شوية جات مارقة انا قلبي قال شححححححححححح
لامن حسيت بانها عايزة الحمام اشرتا ليها لي حمام الرجال زي الماقصد شي بعفوية
فت فت فت البت بي سماحتها ديك خشت ..
واصلا انا كنتا بدون ما اقصد غتيت علامة mail /female والحمامين متصطقين مع بعض وحتتهم غتيتة كده..
طبعا انا ما صدقتا انها خشت هناك..
قلبي اكلني قتا ياربي اخش واقول ليها: ده رجالي .. وبالمناسبة انتي من بنات وين؟؟
قتا في نفسي تقوم تشوفني جوه تكورك تلم لي الخواجات المسلحين ديل اتضبح وانا لسع ماعرستا..
ويودوني خليج الخنازير لا ايد لا كراع..
قام جا واحد و وتووووووووووش خشا جوه واخد دقيقة ومرق وديك لسه جوه ..
جاتني افكار شريرة طبعا ..
بس فجاة جات هي مارقة بتمسح في يدها قمت قتا ليها بي ابتسامة مرتبكة : بالمناسبة ده حمام الرجال..
فاجابتني بي لهجة سودانية صرفة خجولة جدا : آسفة والله ماكنتا عارفة..
قتا ليها بسرعة: مادام الاسف اتفضلي في اي وكت .. الحمام حمامك
قامت اتلفتت عاينت لي تاني بي اندهاش ..
وهاااااااااااااااك يا ونسة ..
الناس دي لامن بغرت مني ..
لكن كان يوم جميل
ورقم الجوال اجمل
شكرا ياناصر قربتا تضيعنا .....
|
Post: #51
Title: Re: مصائد النساء...
Author: معتصم دفع الله
Date: 07-26-2006, 03:03 AM
Parent: #46
Quote: وهاااااااااااااااك يا ونسة ..
الناس دي لامن بغرت مني .. |
دكين ..
إن شاء الله ما تنفعك ..
|
Post: #54
Title: Re: مصائد النساء...
Author: ناصر البطل
Date: 07-26-2006, 04:37 AM
Parent: #46
دكين
البياكل براهو بخنق
و الخاين الله يخونوا
|
Post: #47
Title: Re: مصائد النساء...
Author: DKEEN
Date: 07-25-2006, 06:23 PM
Parent: #1
Quote: لكن انا واثق من انو شرب الشاي بدون منين
صح؟ |
حمودي اخوي
لاو حاتك ..شرب اللبن بدون شاي ..
دي الدايره يا وغد موش؟؟
|
Post: #48
Title: Re: مصائد النساء...
Author: عزاز شامي
Date: 07-26-2006, 02:51 AM
Parent: #1
بعضهن يشّركن لأنفسهن!
ولأنفسهن عدو!
_____________________________________
رأته مرتين في مقهى ما
يرمقها بنظرة لم ترها من قبل
تعمدت تكرار الزيارات
وكل مرة تراه، في نفس المكان ....
بعد شهر،
سألته: انت بتيجي هنا ليه كل يوم؟
قال: لانو المطعم ده بتاعي! انتي بتيجي ليه؟
ومن يومهابطلت تشرب قهوة!
|
Post: #49
Title: Re: مصائد النساء...
Author: Ahmed Mohammed Osman
Date: 07-26-2006, 02:59 AM
Parent: #1
المهم شرب يا دكين 
بعدين مصيدتك دي مبتكرة وجديدة
دايرين لينا بوست مصايد الرجال .. عندي صيدة خستكت يا دكين وناصر
اتصرفو
قال رسل رسالة فاضية
وينتظر...
لي هسي منتظر
|
Post: #50
Title: Re: مصائد النساء...
Author: Ahmed Mohammed Osman
Date: 07-26-2006, 03:01 AM
Parent: #1
| Quote: سألته: انت بتيجي هنا ليه كل يوم؟ |
هي قايلاهو بجي عشانها ولا شنو
حليلا
|
Post: #52
Title: Re: مصائد النساء...
Author: معتصم دفع الله
Date: 07-26-2006, 03:15 AM
Parent: #1
كانت تجلس قبالته في الكافتريا ..
في وجود صديقتها والحنان بتاعها ..
حاول إبنثاق نفسه داخل نفسه ..
وجرب معاها كل الحركات ..
لم ينتظر كثيراً ..
غادر الكافتريا بعد أن ترك رقم تليفونه على المقعد الذي كان يجلس عليه ..
قامت من مكانها ..
وتظاهرت بأنها "تصلح" في طرحتها وشنطتها على الكرسي ..
أخذت الورقة المكتوب عليها رقم التليفون ..
حينها إتصل صديقي الكان موجود في الكافتريا ..
أخذتها ..
أخذتها ..
وهو يصيح بأعلى صوته ..
|
Post: #55
Title: Re: مصائد النساء...
Author: ناصر البطل
Date: 07-26-2006, 04:50 AM
Parent: #52
قرر أن يحبها علي نظام السبعينات
أرسل لها خطابا مع صديقتها
نصه كالاتي:
باسم الحب و الجنون
إسمحي لي أن أناديك حبيبتي, أعلم أن هذا ضرب من الجنون أن أحادثك هكذا
و لكن كما يقولون
لو كان حب الجمال خطيئة ... فليشهد التاريخ أني مذنب
أحبك بجنون عزيزتي و تتفطر مقلتاى فهلا تتعطفي علينا
مع حبى دوما, ناصر البطل
|
Post: #53
Title: Re: مصائد النساء...
Author: عنيده
Date: 07-26-2006, 04:27 AM
Parent: #1
البطل سلامات
زكرتني قصه قديمه..
((اتنين في حافله
عاين ليها عاينت ليه
ابتسم ليها بادلته بابتسامه ..
اشر ليها تنزل المحطه الجايه
لما نزلت قعد مكانا...))
Quote:
كان كبيرا في كل شئ
علمه, أفكاره,قصائده, عمره ... ألخ
ما عابه شئ سوي مضايقته للجنس الاخر
و ما جمعه معها سوي حبهم للشعر
|
الي اخره
نقطه شوله سطر جديد
|
Post: #57
Title: Re: مصائد النساء...
Author: مهيرة
Date: 07-26-2006, 05:12 AM
Parent: #53
صياد ورحت اصطاد....صادونى
اسمك بهية..يا صبية...ورموشك شط
وانا طول عمرى غريق فى المية اتشال واتحط
الله يرحم عبد الحليم حافظ
دة طبعا كان من أحلى الغنا ايام زممممممممممممان
بوست حلووووووو ياناصر
تحياتى
|
Post: #62
Title: Re: مصائد النساء...
Author: ناصر البطل
Date: 07-26-2006, 07:25 AM
Parent: #57
| Quote: صياد ورحت اصطاد....صادونى |
طيب ما تحكينا الموضوع بدا كيف؟
|
Post: #58
Title: Re: مصائد النساء...
Author: ناصر البطل
Date: 07-26-2006, 05:17 AM
Parent: #53
كانت متدينه إلي حد ما
كان صديقه قد حدثه عنها مسبقا
قابلاها بالصدفه ذات مره
فعمد أن يدير الحديث
عن الصلاة و التقوى
وافغانستان و بوش
ثم إستأذن ليؤدى صلاة الضحي
و بث
|
Post: #56
Title: Re: مصائد النساء...
Author: ناصر البطل
Date: 07-26-2006, 05:00 AM
Parent: #1
بينما يقود سيارته في شارع (نوقاط نوقاط نوقاظ)
و كانت المغربيه و كم نجمات بعاد
رآها تقف بجوار الشارع
توقف بعدها بقليل
...إنتظار...
تراجع بعربته للخلف قليلا
...إنتظار...
حينها كان ينظر لها من المرآه
|
Post: #60
Title: Re: مصائد النساء...
Author: Tabaldina
Date: 07-26-2006, 06:05 AM
Parent: #56
..
.
بينما كان يقود فى ذات الطريق سالف الذكر .. كانت الاشارة حمراء
وتوقفت بسيارتها الفارهة .. محاذية له ..
رمقها بامعان ..
قادها احساسها الداخلي ان تلفت لذات الاتجاه .. فراته يرمقها بنظرة ذئبية
فاشاحت بوجهها .. واصل النظر
فالتفت مجدداً وتسالت من خلف الزجاج برمزية واضحة : فى شنو!!.
فاستخدم لغة الإشارة ليقول : انزلى هذا الحجاب الزجاجي ..
تبسمت ونظرت فى الإتجاه المعاكس ..
كرر المحاولة باصرار
وبنفس الحركات ..
ولم تجد بد من الانصياع
انزلت الزجاج ببطء وتسائلت بصوت ملؤة الدلال والغنج
فى حاجة .. ولا انت رايح
وبينما كانت الكلمات تتلعثم فى حلقه .. للرد
اضاء النور الاخضر .. فانطلقت بسرعة
وسيارتها الفارهة تقول : لو بتقدر الحقنى..
____________________
فاتنا كتير يا ناصر بس بنلحق!!
|
Post: #63
Title: Re: مصائد النساء...
Author: ناصر البطل
Date: 07-26-2006, 07:29 AM
Parent: #60
وجدها تجلس وحدها
فتلي القيده التاليه:
أقول الكلام البجرح مدامع الزول البيقولوا أقولوا؟
ثارت دواخلها
فرد له بـــ :
قولوا!!!!
فأجابها بـــ :
بحببببببك
|
Post: #59
Title: Re: مصائد النساء...
Author: Ahmed Mohammed Osman
Date: 07-26-2006, 05:47 AM
Parent: #1
((مصيدة قديمة))
تعرف عليها وزميلتها
لبس وش الزوق والرقي والجنتلة
احس بانه لا يصنع فرقا
فبدأ يسبل ويهتم ب صديقتهاويسال عنها
الي ان قالت له: فلانة الليلة ما جاية
عندهم بكي..
ابتسم وقال : انتي اخبارك شنو
وجك جرك سحبو مني
|
Post: #61
Title: Re: مصائد النساء...
Author: Tabaldina
Date: 07-26-2006, 06:19 AM
Parent: #59
..
.
عاد للوطن فى إجازته السنوية وليشهد زواج شقيقته ..
فالتقى بعدد من اصدقائه..
فى احد المطاعم الفاخرة بتلك المدينة الضاجة بالفرح
جلسوا .. يتسامرون ..ويقهقهون .. فى فوضى واريحية
وجاءت منسابة ..
ممشوقة ..
مثيرة ..
لماحه ..
اصر احدهم على دعوتها واصر هو على تصويرها بكميرته التى يحملها معه دوماً
فاز هو وحاول ان يختلس صورة بدون ان يتنبه رواد المطعم
التفتت اليه بدلال .. فارتبكـ ، وهو يحاول يرسم ملامحها بالديجيتال
وبعد ان خرجت .. ويئست .. وفشلت كل محاولاتها لجذب احدهم
أصر فضول الاصدقاء ان يروا ذاك القوام الديجتالي
وعندما فتحوا اللقطة المقصودة
وجدوا صورة زجاجة الكتشاب .. بدلاً عنها .. 
_______________
العيز يشوف الكتشاب منو!!؟
|
Post: #65
Title: Re: مصائد النساء...
Author: ناصر البطل
Date: 07-26-2006, 07:31 AM
Parent: #61
| Quote: العيز يشوف الكتشاب منو!!؟ |
أنا أنا أنا يا أستاذ
|
Post: #64
Title: Re: مصائد النساء...
Author: ناصر البطل
Date: 07-26-2006, 07:30 AM
Parent: #59
حللللللللللوه منك يا عمك
|
Post: #66
Title: Re: مصائد النساء...
Author: Tabaldina
Date: 07-26-2006, 07:50 AM
Parent: #64
..
.
تعرف عليها منذ سنوات خلت ..
فعرفها وعرفته وصارت بينهما مودة والفه ...
وأعجاب ..وحب صامت لم تسنح الظروف بشروقه
وفى احدى المرات اتت اليه وصديقتها ..
انبهر بالجديدة .. الشديدة .. كعادته القبيحة
يوماً ما اخطات القديمة ورنت اليه من هاتف الجديدة
ومن ثم بدأ حديث آماسي و شجون مع الجديدة لفترة ليست بالقصيرة
وذات مره من المرات ..
اتصل على الجديدة
قائلاً .. سلام يا عشقي الخرافي ..
فردت القديمة ..
عشقكـ الخرافي فى الحمام ..اتصل عليها بعد 10 دقايق
فالجم الرد لسانه .. وتلعثم
ووضع السماعة فى صمت .. وذهول
ومن وقتها لم تعد هناك لا جديدة ولا قديمة ..
_______________
الا تتفق معى ان المصائد الواقعية امتع من الخيالية!!
|
Post: #77
Title: Re: مصائد النساء...
Author: عنيده
Date: 07-27-2006, 11:54 AM
Parent: #59
ؤبث
|
Post: #67
Title: Re: مصائد النساء...
Author: DKEEN
Date: 07-26-2006, 07:55 AM
Parent: #1
ابشرك يا حمودي حنتنظر لامن الله يغفر ليك ..
|
Post: #68
Title: Re: مصائد النساء...
Author: Ahmed Mohammed Osman
Date: 07-26-2006, 08:46 AM
Parent: #1
| Quote: ابشرك يا حمودي حنتنظر لامن الله يغفر ليك .. |
او
اجلي الموضوع
|
Post: #69
Title: Re: مصائد النساء...
Author: DKEEN
Date: 07-26-2006, 08:53 AM
Parent: #1
ناصر اخوي
المصيدة الجد انو واحدة امس رسلت لي رسالة من السودان
بعد ماقرت قصةمصيدةالسفارة البريطانية
قات لي كلام فارغ في رسالة مافهمتا منها شي سوي
انا بريدك يادكين..
وفي النهاية قات لي
by the way ana ma jex
الذ شي انو انا عندي جوال بظهر رقم المرسل منه
اولو 002499121 واخرو 8
خخخخخخخخخخخخخخخخخخخخخخخ
بس للاسف ماعندي رصيد ارسل اقول ليها الاخت من بنات وين؟؟
|
Post: #70
Title: Re: مصائد النساء...
Author: Osman Malik
Date: 07-26-2006, 09:16 AM
Parent: #1
Quote: فدنكل سفة كاربة و شنقها فوق ...
و دخل عليهن محيهن في ظرافة ..
و سفته تتاوق من تحت الشفة السفلي في كل تبجح ...
|
بس دي كيف دي يا Sobajo
شنقها فوق وكيفن تتاوق من تحت الشفة السفلي. انت ما بتسف والا شنو.
|
Post: #71
Title: Re: مصائد النساء...
Author: Tabaldina
Date: 07-26-2006, 09:38 AM
Parent: #1
..
.
فى سالف العصر والآوان ..
تصيدها فى طريق المدرسة وهلى ترتدى ذاك السماوى
محاولة .. تلو الاخري الا ان الخط شبكـ ..
وبالحاح اعطته رقم هاتف المنزل – وكانت الهواتف تعد فى الاصابع -
و لم تتوفر الموبايلات حينها..
فبدا يحادثها عبر الهاتف ساعات طوال ..
ويغلق الخط عندما ترد والدتها او اختها اللئيمة ..
والتى كان يعرفها شخصياً ويخافها .. وشخصيتها القوية
وذات مرة من المرات ..
اتصل كالعادة .. فردت اختها اللئيمة
الو .. مين معاااى ..!!
فرد مرتبكاً للمفاجاة ..
الوووووو الحوادث .. المطافئ !!
فردت الاخت الكبري بلئم وضحكة مكتومة
من متين .. حوادث الابيض فيها تلفونات شغاله ..يا ( +++)*
فصعق ولا يذكر حتى اللحظة ما هى ردت فعله ..
_____________
* تتصور يا بطل شي منشنت زا ريال نيم
ومهداة لشلةالـ male واحد واربعين بقيادة نوبي وناذر
حليل الثانوى العالي ..
|
Post: #74
Title: Re: مصائد النساء...
Author: ناصر البطل
Date: 07-27-2006, 06:12 AM
Parent: #71
| Quote: شي منشنت زا ريال نيم |
تقصد شنو؟
ما عرفتها!!!
تجربه...
خطيييييييره جد***
و إجتزتها
|
Post: #72
Title: Re: مصائد النساء...
Author: Ahmed Mohammed Osman
Date: 07-26-2006, 09:38 AM
Parent: #1
| Quote: بس للاسف ماعندي رصيد ارسل اقول ليها الاخت من بنات وين؟؟ |
ابو الدو
ولا يهمك اخوك موجود
رسل لي الرقم وبسالها ليك
واجي اقول ليك
وعد
|
Post: #73
Title: Re: مصائد النساء...
Author: DKEEN
Date: 07-26-2006, 10:36 AM
Parent: #1
الله معاكم
جابت ليها خريات
|
Post: #75
Title: Re: مصائد النساء...
Author: ناصر البطل
Date: 07-27-2006, 06:22 AM
Parent: #73
كانا في إتحاد الجامعه
كانت السكرتير الإعلامي
و كان هو الرئيس
كان يجيد الحديث في كل شئ
الفن, الأكاديميات, التكنلوجيا
المجتمع,السياسه, الكوره, الشعر
الغزل, السينما , الدين ال ال ال البتاع زاتو
المهم
كان في وجودها يعمد لإبراز مهاراته
فكانت هى ترمقه بالنظرات
وضعه المميز منعه من البوح
وطبيعة العلاقه منعتها من التصريح
في ذات يوم قرر الرحيل
فقدم إستقالته
إلتقيا في دار الإتحاد
فتناقشا في الموضوع
و مواضيع أخري
________________________
دكين مصيدتك دى ما علي أنا
إنشاء الله ما تنفعك
المهم...
تعال ياخ
|
Post: #76
Title: Re: مصائد النساء...
Author: elham ahmed
Date: 07-27-2006, 11:07 AM
Parent: #75
على سبيل التحية
|
Post: #84
Title: Re: مصائد النساء...
Author: ناصر البطل
Date: 07-29-2006, 12:58 PM
Parent: #76
في حضرة إلهام البرنس
يطيب الجلوس
مهذب إمامك
يكون الكلام
|
Post: #78
Title: Re: مصائد النساء...
Author: معتصم دفع الله
Date: 07-27-2006, 12:42 PM
Parent: #1
في العادة ..
يسلك الطريق العكسي المؤدي للمواصلات ..
لأنه بيمر من عند بيتها ..
ولأنها تعرف زمن عودته ..
كانت تتظاهر بأي حاجة تعملها من أمام الباب ..
وكله دا بدون سابق موعد ..
أو أن تكون هناك معرفة بينهما ..
سواء عن طريق القلوب ..
من يقنع زولنا دا ..
بأن يسلك الطريق الصاح ..
|
Post: #85
Title: Re: مصائد النساء...
Author: ناصر البطل
Date: 07-29-2006, 01:11 PM
Parent: #78
كان يسكن معها في نفس الحي
يعرف إخوتها في الدافوري
يجدها في دكان حاج عبدالله
راها مرات عدة
و هي تمر من بيتهم
إلي
بيت صديقتها في الحي ZZZ
ركبا سويا في الحافلة
المتجهة من السوق نحو المنزل
كانت تجلس في المقاعد الخلفيه
و كان هو في المقاعد الأماميه
طق طق الكمساري
إيذانا منه ببدء عملية دفع القروش
فأسرع بإعطائه خمسمائة جنيه
و قال
إثنين و كان ينظر إليها و يشير بأصبعه لها
نزلا في نفس المحطه
بادرها ب
إنتي إخت AAA؟
حقيقه بشوفك كتير
ثم....
ثم تقدم معها لبضع خطوات سويا
|
Post: #79
Title: Re: مصائد النساء...
Author: فيصل نوبي
Date: 07-27-2006, 05:27 PM
Parent: #1
يعني في داعي للفته دي
لووووووووووووووووووووووووووول
مشتاقين و بث
|
Post: #80
Title: Re: مصائد النساء...
Author: Sobajo
Date: 07-27-2006, 06:15 PM
Parent: #79
في صيف عام 2006م
مرت بجانبه و معها اعز صديق ...
و يلتف حبل انيق حول عنقه ...
وهو يشم هنا و هناك .. و كانه يبحث عن شي في الارض ...
ويرفع اذنيه تارة و يهز ذيله تارة اخرى ...
نظر اليه و داعبه ...
استلطف بوبي المداعبة ...
توقفت (عشان تشوف اخرها ... ) كلاب اخر زمن بتكلمو مع اي زول ...
ولسان حالها يقول ... كدي الندقلي حنك حنكين ...
و تجاذبت معه اطراف الحديث ...
و اعرب عن اعجابه الشديد بهذه السلالة من الكلاب ...!!
و
و
و
و
تم حزف النص ... و الصورة ..
و
استايل اوربي في المصايد و كدة ...
|
Post: #87
Title: Re: مصائد النساء...
Author: ناصر البطل
Date: 07-29-2006, 01:20 PM
Parent: #80
| Quote: استايل اوربي في المصايد و كدة ... |
يعني الحنك ما واحد بي كل اللغات
أنا كنته قايلوا واحد لي كل اللغات زي كورة القدم
|
Post: #81
Title: Re: مصائد النساء...
Author: عنيده
Date: 07-28-2006, 03:06 AM
Parent: #79
حادثها فاخرج كل ابيات الشعر الدراجي منها والفصيح
(علي وزن حب السبعينات حسب تصنيف ناصر)
تململت .. وملت (حنكه البيش)
الذي لايجدي نفعا"..
ارا ان يختم حديثه فقال:
انا((يومي اليله..
(اسعد
واجمل
واعظم
والطف
وافضل
ردت عليه:
((ووين باقي الشباب ديل ))
|
Post: #82
Title: Re: مصائد النساء...
Author: عادل فضل المولى
Date: 07-28-2006, 10:04 AM
Parent: #81
لا توجد صنارة
لا يوجد طعم
لا توجد شبكة
ولا يوجد رصيد
***
البطل
جابني الدرب بس
انت شديد..؟
|
Post: #89
Title: Re: مصائد النساء...
Author: ناصر البطل
Date: 07-29-2006, 01:28 PM
Parent: #82
صديقي عادل
الزول ال من الزمن الجميل
أنا هنا بخير
و عدت إلي روتيني اليومي
|
Post: #96
Title: Re: مصائد النساء...
Author: عادل فضل المولى
Date: 07-30-2006, 07:20 AM
Parent: #89
البطل
| Quote: و عدت إلي روتيني اليومي |
في اصطياد الجمال..؟
شكراً للود يا جميل
***
عبور
نوبي
لا خبر وصول
لا خبر مغادر
البركة في الخطوط (ال....)
فنجان جبنة بي شمالو..
شنو يعني 320 كلم
فنجان قادم (لي) ربما كلف
1432 كيلومتراً
ولا نامت أعين ناذر
|
Post: #97
Title: Re: مصائد النساء...
Author: فيصل نوبي
Date: 07-30-2006, 08:48 AM
Parent: #96
الصديق عادل
القهوة بنشربها في قطر حلفا ..
لكن وين في نمرة ( واحد ) و لا ( تمانية ) ولا بعد نصل حلفا !!!
|
Post: #98
Title: Re: مصائد النساء...
Author: عادل فضل المولى
Date: 07-30-2006, 12:26 PM
Parent: #97
نوبي الرايع
خليك في الانتظار مؤقتاً
نمرة (1) في السكة (ماشين نمد)
ونمرة ( حاضر وغايب ..حسب الحالة
لك الود
وجاييييييك يا حلفا
متين..؟
الا ما عارف
...
بالمناسبة دايرين نلاقي روحنا
هسي نحنا وين..
(الليلة زي فيلم مكرر مع تغيير الأبطال)
يعني لا تبلدينا لا ناذر ولا البطل نفسه
وطبعاً نوبي غايب
يعني استراحة محارب مع وجه جميل
والـ (خمسة صفر اربعة) مطية شوق ومحبة
قلت لي (دبل جانت) عديل كدا..؟
اخوك رايح ليهو درب
وكان داير يسمع
الا نعمل شنو مع المراسم..؟
و(يا قليييييييييييييييييييييييب مالك عليّ)
|
Post: #99
Title: Re: مصائد النساء...
Author: فيصل نوبي
Date: 08-01-2006, 04:38 AM
Parent: #98
عادل يا لذيذ
اديني خبر اول ما تصل نمرة واحد ..
عشان ما نعمل ازعاج لي ناس نمرة تمانية
رحلة سعيدة و حاسدنكم..
البطل
اسفين علي الخروج من الموضوع .. لكن داير منك طلب ..
رسل لي المقطع بتاع الغنية ديك عشان اجيبها ليك .. لقيت المكتبة
|
Post: #88
Title: Re: مصائد النساء...
Author: ناصر البطل
Date: 07-29-2006, 01:26 PM
Parent: #81
قابلها مع صديقه في Palace ببحري
كان قد سمع عنها الكثير من قبل
و لكن
كانت تلك المره الأولي التي يراها فيها
كانت متصوفه نوع ما
فعرفه صديقه بها كالاتي:
طبعا ده GGG زول شيخ و ممكن يفتينا في الموضوع ده
و بث
|
Post: #86
Title: Re: مصائد النساء...
Author: ناصر البطل
Date: 07-29-2006, 01:15 PM
Parent: #79
| Quote: يعني في داعي للفته دي |
و لله في خلقه شئون
|
Post: #83
Title: Re: مصائد النساء...
Author: Ahmed Mohammed Osman
Date: 07-29-2006, 03:26 AM
Parent: #1
ابن خالها وصاه عليها في الجامعة حيث هي برلومة وهو
سنير
فعل ما املاه علي ضميره ونخوته
عرفها بالرفقة المامونة
وحذرها من الخبثاء
وبين الفنية والاخري كان يسال ويطمئن عليها
فارادت ان تجذبة فنصبت مصيدتها
حيث
انضمت لشلة خير ما يقال عنها
حثالة
فكثرت نصائحة
وسواله
وزعله
واهتمامه
وزجره
لها
الي ان طرق باب منزل خالها
-بعد الاتفاق مع صديقه-
طالبا يدها
|
Post: #90
Title: Re: مصائد النساء...
Author: ناصر البطل
Date: 07-29-2006, 01:28 PM
Parent: #83
الحنك ده مااااااااااااااااا غريب علي
|
Post: #91
Title: Re: مصائد النساء...
Author: Tabaldina
Date: 07-30-2006, 02:02 AM
Parent: #1
..
.
| Quote: يعنى فى داعى للفته دى |
طيب نعملها امرقيقة بالكسرة
حمدلله على السلامة وشكراً على الحنكـ
| Quote: الحنك ده ماااااااااااا غريب علي |
مش قلنا ليك فى كم حنك كدا واقعي ..
جايكـ بس نلقى فرقة زمن يا بطل
تحياتى لكل الواحد واربعين..
|
Post: #92
Title: Re: مصائد النساء...
Author: خالد ماسا
Date: 07-30-2006, 02:57 AM
Parent: #1
طق خااااص ..
كان قد استهدف ( دوائر الوعي ) في الخرطوم ..او كما تسمي ادعاء
امتشق قميص لايشبه ثقافته ولكن يشبه ما تحبه الصبايا في الدوائر ..
امممممم الصبايا ..
ماذا يحببن ؟؟
ذات القميص ونقاش لا يخلو من وقاحه بادعاء الوعي ووعي الوعي ..ويا حبذا
وعي المشاركه ..أو ..وعي !!
ممكن صورة ...عادة يقولها ويكن قد شرع في ضبط الزووووم علي ...!!!..علي وجهها
يااااااااااااااه ..( هنايه ) وهي تحيير القمر ..
يعتقد بانه يستطيع دوما ان يردد..
كل النساء مرو من هنا ............
|
Post: #94
Title: Re: مصائد النساء...
Author: ناصر البطل
Date: 07-30-2006, 05:05 AM
Parent: #92
يؤمن بأن ما يسمي
بدوائر الوعي في الخرطوم ثمة إدعاء
لذلك لا توجد له رموز سياسيه
يؤمن بأن لله المجد في الأعالي
و بالناس المسره و علي الأرض السلام
باختصار هو
يأكل الطعام و يمشي بين الناس في الأسواق
و يرتدي من الثياب ما يشاء
يحب الأشياء علي هذا الوجه
و أهم ما به متصالح مع نفسه
لا يميل إلي تصنيف الناس
و يتعامل معهم بجميع إتجاهاتهم
هكذا تحدث عنه صديقه...
فأحبته من قبل أن تراه
|
Post: #95
Title: Re: مصائد النساء...
Author: فيصل نوبي
Date: 07-30-2006, 05:23 AM
Parent: #94
كانت تقف علي طرف الطريق
اوقف سيارته الفارهة و لم تعره انتباها
ترجل عن مقعده الوثير في السيارة و بهره جمالها ..
وقف امامها و قال :
( الخطوط الجوية الماليزية ما بتنزل هنا ..ممكن أكون بديل ليها بي سيارتي المتواضعة .. )
--
و (جك جرك ) نطت في الكرسي الوثير بجانبه بعد مشية متانية و دلال كاد ان يفقده وعيه..
لسانه ممتد امامه مسيرة يومان فاغرا فاهه
خارج النص:؛
--
| Quote: هكذا تحدث عنه صديقه... |
و هكذا يجب ان يتحدث دوما عنه ان كان يعرف معني كلمة صديق.
|
Post: #93
Title: Re: مصائد النساء...
Author: Ahmed Mohammed Osman
Date: 07-30-2006, 03:09 AM
Parent: #1
| Quote: الحنك ده مااااااااااااااااا غريب علي |
يارااااااااااااااااااااااااجل
|
Post: #104
Title: Re: مصائد النساء...
Author: فيصل نوبي
Date: 08-08-2006, 06:08 AM
Parent: #93
تخيل ما غريب
|
Post: #100
Title: Re: مصائد النساء...
Author: فيصل نوبي
Date: 08-05-2006, 06:37 AM
Parent: #1
يا ناصر
دي طازجة من الفرن
بينما هو في طريقه الي مكتبه الساعة الثانية ظهرا .. و الشمس ( حاااااااارة نار )
رأها جميلة جدا لافته للنظر و هي تدخل الي احدي صالونات النساء ..
لمحها في الوهلة الاخيرة حيث لا مصيدة تجدي معها بتاتا ..
استعمل ألة تنبيه السيارة ( البوري ) للفت نظرها و لكنه لم ينجح ..
نظر الي اللوحة المعلقة أعلي الصالون ( صالون ...... )
تناول هاتفه النقال ..
اتصل علي استعلامات الدليل ..
حصل علي رقم الصالون ..
اتصل علي الصالون ..
جاءه الرد بصوت ناعم كاد ان يبتكر مصيدة جديده ..
سألها .. لو سمحتي ممكن أكلم الانسة اللي دخلت الصالون قبل 5 دقائق ؟؟
ردت عليه بسؤال : إسمها منو ؟؟
رد في ضجر : ياخ نسيت و عندي معاها ورق عايزو ضروري
قالت : دقيقة ..
و بعد ثواني أتاه صوت رقيق : مرحب ..
رد في انفعال .. ( ياخي انا حاولت الفتك بـ ( البوري ) و انتي داخله الصالون ..
قالت : ايوه لاحظت ليك .. لكن انت منو ؟؟
و هنا تهللت اساريره و قال : أنا فنان تشكيلي
و مصور و عايز اعمل ليكي لوحة .. ممكن ؟؟!!
ردت .. أكيد .. هاك الرقم ده: 0123456789
إتصل علي بعد ساعتين أكون خلصت من هنا و نتقابل ..
خلاس انتها منتظرين شنو
التعديل لخطاء إملائي
|
Post: #102
Title: Re: مصائد النساء...
Author: ناصر البطل
Date: 08-08-2006, 05:53 AM
Parent: #100
عمك ممكن تسلفني المصيده دي
|
Post: #101
Title: Re: مصائد النساء...
Author: عمر عبد الخالق سعيد
Date: 08-05-2006, 11:34 PM
Parent: #1
كانت تجلس في ضل الظهيرة ....
بالكاد يكفي لكي يغطي وجهها
فسألها : لو سمحت يا اخت
في امل الضل دة يصل هنا؟ واشار
الي مكان ملاصق لها
فنظرت الي الشمس وقالت باسمة
اكيد.........
|
Post: #103
Title: Re: مصائد النساء...
Author: ناصر البطل
Date: 08-08-2006, 06:05 AM
Parent: #101
يعني خشا عليها بي الحنك بتاع
و أنا حيلتي أيه غير أتكي و أحلم معاك؟
بصراحه؟
.
.
.
.
حنكو شديييييييييد
|
Post: #105
Title: Re: مصائد النساء...
Author: ناصر البطل
Date: 09-15-2006, 04:45 AM
Parent: #1
دخلت إلي مكتبه برفقة المدير
قدمها له بأنها ما زالت تتلقي تعليمها الجامعي
و لكنها ستتلقي فتره تدريبيه
تتراوح ما بين الشهر و الشهر و نصف
من خبرته السابقه
قرأ في وجهها ذلك المقطع
(النظرات بريئه و ممزوجه بخجل)
في أول تعامل مباشر لهما بعد ذلك
تعمد عدم النظر إلي عينيها كايحاء منه بالحياء
فعادت له بعد ان انتهي الحديث بنصف ساعه
تراجعه في بعض الاشياء و تجاذبت معه اطراف الحديث
بشئ من البرائه
يتبععععع
|
|