|
وداعـــــــــــا
|
لا أدري متي أعود... بكري لك الشكر علي الإستضافة وكل من رحب بي من الزملاء..
أرجو العفو من كل من إختلفت معه وأخص بالذكر الإخوة عثمان محمد صالح وود محجوب وهاشم نوريت وبريمة وكبر وكل من سقط إسمه سهوا من ذاكرتي...
أمونة خليك قوية كما أنت ولا تنحني للعواصف .. تروجي المصادمة الصنديدة شكرا علي الترحيب أبق عشرة علي قضايا المهمشين... لو كان ناس كبر ما دايرينك ناس الشرق محتاجين ليكي جدا وبالذات في هذه المرحلة وخليني ألومك وأقوليك مقصرة معاهم للآن ما شوفت ليكي ولا بوست بإسم الشرق وحتي مشاركاتك فيها دائما عابرة! بشاشة... الغريبة أجد تقارب كبير بين شخصيتي وشخصيتك أتمني أن ألتقيك وأتعرف عليك عن قرب!
لكم جميعا حبي ومودتي
|
|
|
|
|
|
|
|
Re: وداعـــــــــــا (Re: Osman M Salih)
|
ياها بروك تكتينا
خلافات اني كيها هروب اني كيها
............ يازوول انت شفت حاجة ... ده انطباع اول فقط ..
ده حال البورد ... وتاكد بان اختلاف الراي ظاهرة صحية... مكانك مهم للدفاع عن ما تؤومن به وتاكد انه محل كل احترام وتقدير
| |
|
|
|
|
|
|
Re: وداعـــــــــــا (Re: Adrob abubakr)
|
الاخ أدروب،
تحياتى... د اتفق معك أحيانا المنبر ياخذ الكثير من الوقت الذى يمكن إستغلالة بصورة أكثر فائدة...
أتمنى ان تتداخل فيه متى ماوجدت الوقت....
تحياتى ، وأمنياتى لك بالتوفيق...
| |
|
|
|
|
|
|
Re: وداعـــــــــــا (Re: Adrob abubakr)
|
أخونا ادروب..
ده طبعا خبر سئ جدا بالنسبة لى..
يا زول نحن ما صدقنا يجو ناس زيك
مصادمين وحقانيين لا يخافوا فى قول الحق
لومة لائم ..
انشاء الله المانع خير ؟
لو الموضوع اكمال الدكتوراة أو مشاغل ضرورية
يبقى اتكل على وتمشى وتجى بالسلامة~..
اما لو بسبب حاجة فى المنبر ده
تعال وانا بشيل الشيلة معاك
| |
|
|
|
|
|
|
Re: وداعـــــــــــا (Re: AMNA MUKHTAR)
|
Quote: مصادمين وحقانيين لا يخافوا فى قول الحق
لومة لائم .. |
انت المنعك شنو تقيفي مع الحق وتبطلي كضب ولف ودوران وعكلتة.. بس اوعي تكوني مفتكرة التعملي فيه دا حق؟ تكوني جد مخ طار..
الاخ ادروب اتمنى ان تكون هنا دائما احي فيك موقفك معي مرة..
سنفتقدك وربنا يوفقك..
| |
|
|
|
|
|
|
Re: وداعـــــــــــا (Re: Adrob abubakr)
|
الحبيب ادروب، والله سعيد بالتعرف علي امثالك النادرين في بلدنا في الوكت الحالي. ولكن اول الغيث قطرة ثم ينهمر ياعزيزي.
الملايين من الابرياء البسطاء، معذبي الارض، الاتوسدو الطوب، ابدا دماءم ماحتروح هدر ياحبيب.
رافقتك السلامة، اوحقو نراعي لي غياب بعض لاننا بالعدد في محيط جلابي هادر!
اوبعد ده احنا المنبر راكزنو، باعتبارنا المحرك الاساسي ليهو.
| |
|
|
|
|
|
|
Re: وداعـــــــــــا (Re: Yassir Tayfour)
|
ياسر بالله شفت التلاحم السوداني ده كيف ...
انا كنت فاكر انو ادروب في بورسودان في متاتيب في دبل اويت في قلوسيت في درديب في اروما في مكلي في كسلا في سواكن في هيا في همشكوريب
لكن اول مرة اعرف انو في ادروب موجود ايضا في كاودا!!!!
| |
|
|
|
|
|
|
Re: وداعـــــــــــا (Re: Adrob abubakr)
|
الإخوة ياسر وتولوس مراحب سؤال جاد هل أنتما من الشرق أيضا؟! غايتو يا تولوس القري ده زول ما سكن القاش م بعرفها!! وإنت يا ياسر تعرف تقاليدنا كويس بس طعناتك التحت تحت زي خيانات بتاعة فيصل الحلفاوي!!
| |
|
|
|
|
|
|
|