Post: #1
Title: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-17-2006, 02:55 PM
شبه أخوهو بالضبط ...
الخالق الناطق ...
تم استضافته اليوم في برنامج ظلال ..
و هو ساعة الجد جد و ساعة الهظار هظار ..
حدثنا عن مجاهداتهم العظيمة أيام (صيف العبور)
و كيف أنه أجرى عملية جراحية تحت ظل شجرة في
أدغال الجنوب لمجاهد كاد أن يتوج عريسا شهيدا
لولا مهارة الجراح و شاعرية المكان (أبوك في الشجرة) ..
حدثنا عن بطولاتهم المجيدة في (لواء اليرموك) ، و عن
نشيدهم الشهير:
لواء اليرموك كده بس كده ..
لواء اليرموك دوشكا ولع نار ..
(لاحظوا إنعدام الوزن و القافية و الجرس الموسيقي) !!!
هو متولي لمهام ختيرة في الدولة ، رئبس كمية من
الهيئات و المؤسسات و خلافه .. تتيح له أن يتفسح في
العالم بإسم السودان ... مثل السودان في كوريا و عاد
بوسام (سفير السلام) ..
ظهرت له مواهب متميزة في الشعر الحلمنتيشي كانت باينة
في سناياه .. ما خلى (الخط شبك) و (يا مزهلة) ...
كاتبه المفضل العقاد ..
شاعره المفضل مصطفى سند ...
إداريه المفضل عوض الجاز ...
مطربه المفضل أحمد المصطفى ..
(ما كلمنا عن أكلته المفضلة) ..
(ثلاثة أيام في ذاكرته) كان من بينها
يوم 30 يونيو 1989 !!!..
(موقفه الطريف) أنه حينما تمت ترقية زوجته
إلى رتبة اللواء كان هو في رتبة عميد ..
و يبدو أن الرجل الظريف عبد الرحيم محمد حسين
(كان وزيرا للداخلية حينها) قد انتبه لهذه المفارقة ،
و قال له:
-يا عبد الله ... إنت بعد ده لازم تحيي ..
جاوبه عبد الله ..
-يا سعادتك أنا بحيي من زماااااااااااااان ...
لكن أهم رسالة وجهها في البرنامج كانت من نصيب الأخ بوش ...
(مش بيدوهم تلاتة رسائل و تلاتة أوسمة) !!
قال ليهوا: أرعى بي قيدك يا بوش !!!!!
دلونا يا ناس ... برنامج ظلال ده شنو ؟؟
و مالو واقع في الناس الكويسين ديل ..
|
Post: #2
Title: Re: اللواء عبد الله حسن البشير يهدد الرئيس بوش ...
Author: أبو ساندرا
Date: 07-17-2006, 04:27 PM
Parent: #1
ده بوست يكشف عن الهوان العظيم
وضياع الدولة في أتون الأسرة
|
Post: #3
Title: Re: اللواء عبد الله حسن البشير يهدد الرئيس بوش ...
Author: Shao Dorsheed
Date: 07-17-2006, 09:24 PM
Parent: #1
| Quote: إداريه المفضل عوض الجاز ... |
| Quote: (ما كلمنا عن أكلته المفضلة) ..] |
اكلته المضله حتكون كوته جاز
|
Post: #4
Title: Re: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-17-2006, 11:15 PM
Parent: #1
| Quote: الهوان العظيم وضياع الدولة في أتون الأسرة |
أبوساندرا ..
ياخي ده عنوان كتاب خطير جدا ..
بس ياريت تنتهي لينا منه بسرعة ..
و لو ما عندك وقت ، خليهوا يكون
عنوان قصيدة و لو حلمنتيشية !!!
|
Post: #5
Title: Re: اللواء عبد الله حسن البشير يهدد الرئيس بوش ...
Author: عصام أحمد
Date: 07-17-2006, 11:19 PM
Parent: #4
هم بدوها بي :- أمريكا لمي الجداد..
وبعدها:- الطاغية الأمريكان
وهسه:- أرعي بي قيدك
هاهاهاهاهاها
والله الواحد بيضحك علي المهازل دي..
|
Post: #6
Title: Re: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-17-2006, 11:24 PM
Parent: #1
| Quote: اكلته المضله حتكون كوته جاز |
دورشيد ...
كوتة جاز بالبشملي
و الفزدق الناعم !!!
|
Post: #7
Title: برنامج
Author: mohmmed said ahmed
Date: 07-18-2006, 00:02 AM
Parent: #1
اعاين فى البرنامج واقول الكارثة دا كمان منو
وظهر الاسم عبد الله حسن احمد البشير
يا ساتر
الجراحة اعظم العلوم الانسانية طبعا انا جراح طيب اها
اهدى وسام
اولا لاخوى الريس
بعدين التانى للشعب السودانى
طبعا اخوى اول لانو الرئيس
وكلام عن المعارك والحروب فى عهد السلام
بعد شوية يدوبى
وانا كنت امام المسجد فى السعودية وناس القرى التانية يجو يصلو معاى
وانا مقدم الحفلة فى الاسكندرية وبعديها طوالى جبت اعلى الاصوات فى انتخابات الاتحاد
وان حافظ حلمنتيش وطوالى قصيدة فيها غزل عوير يقراها كاملةالخط شبك اداء (امام المسجد)
وقام تانى يغنى بصوت قبيح
بس كويس ما رقص رقصة اخوهو المكجول
المهم استحملتا الحلقة كلها
والنتيجة
ما اثقل من الرئيس الا اخو الرئيس
|
Post: #8
Title: Re: برنامج
Author: hassan bashir
Date: 07-18-2006, 00:31 AM
Parent: #7
Quote: وانا كنت امام المسجد فى السعودية وناس القرى التانية يجو يصلو معاى
وانا مقدم الحفلة فى الاسكندرية وبعديها طوالى جبت اعلى الاصوات فى انتخابات الاتحاد |
عايز يوجه رسالة مفادها:
لن أعيش في جلباب أخي
|
Post: #9
Title: Re: برنامج
Author: السنجك
Date: 07-18-2006, 00:39 AM
Parent: #8
يااخوانا اعملوا حسابكم دا الرئيس القادم بعد ان يموت الرئيس بعد عمر طويل يعنى الوريث حيكون منو ماسعادة اللواء عبد الله طبعا حيترقى لمشير وتذكروا نميرى مش كان عدل الدستور بعد بقى امير مؤمنيين عشان يوصى الخليفه بمن يخلفه بعد الوفاه (يعمل وصيه ) وقالوا وصى بمصطفى اخوه المخزنجى اهو الدوره دى المساله اتصلحت جاينا دكتور ودكتور خطير هو لواء هدد بوش امال لما يبقى مشير يعمل ايه؟
|
Post: #10
Title: Re: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-18-2006, 03:54 AM
Parent: #1
هم Quote: بدوها بي :- أمريكا لمي الجداد..
وبعدها:- الطاغية الأمريكان |
عصام ..
بل هي : أمريكيا .. روسيا ..
و قد دنى عذابهما ...
طبعا ده لما كانت روسيا قوة عظمى
العظيم الله ...
|
Post: #11
Title: Re: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-18-2006, 04:02 AM
Parent: #1
Quote: اعاين فى البرنامج واقول الكارثة دا كمان منو
وظهر الاسم عبد الله حسن احمد البشير
يا ساتر
الجراحة اعظم العلوم الانسانية طبعا انا جراح طيب اها
اهدى وسام
اولا لاخوى الريس |
ود سيد احمد ..
أتاريك كنت مورم زينا ..
الراجل طلع رامبو عدييييل !!!
|
Post: #12
Title: Re: اللواء عبد الله حسن البشير يهدد الرئيس بوش ...
Author: hamid brgo
Date: 07-18-2006, 05:04 AM
Parent: #11
انا بتخيل لي دي غلطة المخرج . كان المفروض يجيب ليهو صورة سبعاوي اخو صدام حسين في قفص الاتهام جنب اخوه.
لكن البركة انو ما عمل كدا عشان سعادة اللواء ما يقوم يشتت - ويخرب البرنامج
تحياتي للجميع
|
Post: #13
Title: Re: اللواء عبد الله حسن البشير يهدد الرئيس بوش ...
Author: هشام هباني
Date: 07-18-2006, 05:25 AM
Parent: #12
ود قرض
سلامات
غايتو الحلقة كوميديا رسمية والزول طلع اهبل كبير وعوير وكمان فرحـــاااان!!
يعني حقو كل زول احتفظ بيها مسجلة قبل ما يراجع نفسو سعادة اللواء الطرطور
ويسحبها من التلفزيون بعد الهبالة والطلاشة الوقع فيها..لا حول ولا قوة الا بالله !!!
|
Post: #14
Title: Re: اللواء عبد الله حسن البشير يهدد الرئيس بوش ...
Author: السنجك
Date: 07-18-2006, 09:19 AM
Parent: #13
ياخوانا واحد ينقل لينا المقابله الخطيره دى
السنجك
|
Post: #15
Title: Re: اللواء عبد الله حسن البشير يهدد الرئيس بوش ...
Author: jini
Date: 07-18-2006, 09:56 AM
Parent: #14
Quote: ذرية بعضها من بعض!
وجه تحذيرا لبوش وأولمرت!
قائلا لبوش أرعى بى قيدك!
وهو لا يعرف ان لبوش قيدا عابرا للقارات!
قرأ دوبيتا وشعرا حلمنتيشيا لا علاقة له بالرزانة والعمر!
نفس الصوت نفس الملامح وذات العوارة والعبط!!!
جنى |
|
Post: #16
Title: Re: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-18-2006, 11:25 AM
Parent: #1
| Quote: يااخوانا اعملوا حسابكم دا الرئيس القادم بعد ان يموت الرئيس بعد عمر طويل يعنى الوريث |
السنجك ...
الموضة الماشة هي توريث الأبناء مش الأخوان ..
ما شايف المعارضة (نايمة قفا) !!!!
|
Post: #17
Title: Re: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-18-2006, 11:46 AM
Parent: #1
Quote: لكن البركة انو ما عمل كدا عشان سعادة اللواء ما يقوم يشتت -
ويخرب البرنامج |
حامد ..
يا زول ده ما من النوع البيشتت ..
الراجل جبخانتو تقول يا ليل ...
لكن المخرج كان ممكن يقوم صوف ..
|
Post: #18
Title: Re: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-18-2006, 12:05 PM
Parent: #1
Quote: غايتو الحلقة كوميديا رسمية والزول طلع اهبل كبير وعوير وكمان فرحـــاااان!!
يعني حقو كل زول احتفظ بيها مسجلة قبل ما يراجع نفسو سعادة اللواء الطرطور
ويسحبها من التلفزيون بعد الهبالة والطلاشة الوقع فيها..لا حول ولا قوة |
هاشم يا هباني ..
أنا عارفك مستبيع و قنعان عديييل كده ...
و عايز تجرجر قرض المسكين معاك ...
يا زول قرضنا ده ما بيتحمل دباغة الناس ديل ...
ديل دباغتهم عينة ..
و الخواف ربى عياله يا هباني !!!!
|
Post: #19
Title: Re: اللواء عبد الله حسن البشير يهدد الرئيس بوش ...
Author: محمد ابراهيم قرض
Date: 07-18-2006, 12:13 PM
Parent: #1
جني ...
مرحب بيك في دارنا الجديد ..
شرفت و نورت !!!
|
|