شنو يا ناس السودان الملايين دي ما حقتكم ؟

كل حاجة بمليون ، صدقوني ، المليون رقم عادي جدا في السودان ، الأسار خرافية ، والناس لا يبالون .. أحيانا أظنهم أغنياء أكثر مما يجب ، وأحيانا يبدون لك فقراء أكثر مما يجب ...
لماذا كلفني توصيل الماء إلى منزلي ما يقارب الخمسمائة ألف جنيه ؟ حتى الآن لا أعرف سببا وجيها . ولماذا كلفني توصيل الكهرباء أكثر من ثلاثة ملايين ونصف ؟ حتى الآن لا أعلم ،،، ولقد عملت في السعودية 18 سنة في مرفق الكهرباء ولم أسمع بهذه الأرقام الخرافية ..
لماذا يكون سعر الأسمنت 500 ألف جنيه ؟ ولماذا يكون سعر لوري الطوب ( 4000 طوبة ) ب 500 الف؟
لماذا يكون سعر اللحم ( السوداني ) أعلى منه في السعودية ؟
أعتقد أن الإجابة على كل هذه الأسئلة واحدة : وهي أن الشعب السوداني يحب الملايين !!
لماذ هذا الغلاء لشعب فقير ؟
لماذا يكون الشعب محروما من أبسط أنواع الأغذية ، والسكنى ، والملبس ؟؟؟ لماذ تمتلئ الخرطوم بالعمارات والمباني التي لا حد لها وتعيش الغالبية العظمى في فقر لا حد له ؟ هذا الشعب يستحق أفضل من ذلك ... لابد من ضبط السوق ، والأسعار ، ولالبد من التدخل لصالح الأغلبية من أجل إصلاح الخلل الواضح في توزيع الدخل ...
التحول الديمقراطي لا يكون سياسة بلا اقتصاد ... على الحكومة أن تجعل الديمقراطية أمرا معاشا ، ليس على المستوى السياسي ، إنما على المستوى الاقتصادي أيضا ... ينبغي أن يتحول الإنسان في السودان إلى منتج ، ولابد أن يكون لإنتاجه قيمة على الأقل لتعوض طاقته التي يفقدهلا بسبب العملية الإنتاجية ..
ونلتقيكم ...

انتا قايل نحنا هنا قاعدين بالهين..

حاول ياود قاسم ما تنظر لي الجانب المادي من الموضوع

يعني شوف الجوانب الجميلة في القصص دي
زي مثلا انك حتسحمى بي دش وتغني (ظلموني)
وحيكون عندك كهرباء تنور بيها باب البيت بالليل

وبعدين حتمرق الخرطوش ترش باب الشارع في العصاري وتستمتع بي منظر جكس الحلة غادي ورايح..


يا ود قاسم
القروش بتروح
بس العُـشرة ما بتروح









سلامي لي ام طلال وقاسم

dear wad gasim
salaam
i would like to give you a little present from ustaz nazzar gabbani
it only cost one million sudanese pounds
i hope you like it
dr mustafa mahmoud

يا وطني المصلوب فوق حائط الكراهية
يا كرة النار التي تسير نحو الهاوية
لا أحد من مضر..أو من بني ثقيف
أعطى لهذا الوطن الغارق بالنزيف
زجاجة من دمه....
أو بوله الشريف!!!
لا أحد.. على امتداد هذه العباءة المرقعة
أهداك يوما معطفا أو قبعة..
يا وطني المكسور مثل عشبة الخريف..
مقتلعون نحن كالأشجار من مكاننا
مهجرون من أمانينا وذكرياتنا
عيوننا تخاف من أهدابنا
شفاهنا تخاف من أصواتنا
حكامنا آلهة يجري الدم الأزرق في عروقهم
ونحن نسل الجارية
لا سادة الحجاز يعرفوننا..
ولا رعاع البادية
ولا أبو الطيب يستضيفنا
ولا أبو العتاهية
إذا ضحكنا لعلي مرة ..

this one only two million sudanese pounds
a question from nazzar to god

هل أنت عيَّنْتَ وزيرَ المالْ ؟

إذنْ .. لماذا انْفَجَر الفقرُ ؟

لماذا انفجرَ الصَبْرُ ؟

لماذا ساءتِ الأحوال ؟

وأصبحَ الصَحْنُ الرئيسيُّ هو الزِّبالَهْ ...

وأصبحَ العصفورُ في بلادنا ..

لا يجِدُ النِخَالَهْ ...

فهل غَلاءُ الخُبْز ..

شأنٌ من شؤونِ اللهْ ؟؟

وهل غَلاءُ الفولِ ؟. والحُمُّصِ ..

والطُرْشيِّ ..

والجَرْجيرِ ..

شأنٌ من شؤون اللهْ ؟...

وهل غلاءُ الموتْ، والأكفانِ،

شأنٌ من شُؤون الله ؟

إذَنْ لماذا يأكلُ الكبارُ كافياراً

ونحن نأكلُ النِعَالْ ؟

إذنْ .. لماذا يشربُ الضُبَّاطُ وسْكياً

ونحنُ نشربُ الأوْحالْ؟

إذنْ.. لماذا لا يفرّقُ الفقيرُ في بلادنا

بين رغيفِ الخُبْزِ .. والهلالْ ...

إذنْ.. لماذا في بطون أمهاتِهِمْ

ينتحرُ الأطفال؟...

كنت قايلك بتتكلمم عن الملايين الداخلة لخزينة الدولة من عوائد البترول. الملايين دي لو فكو عشرها في السودان, حيبقي أحسن وأرخص من السعودية وحتشوف بعينك صحن الفول أب قرشين.

كسره
اوع يكون دي بداية نقنقة تمهيدا لعودة محمودة للسعودية؟؟؟؟

ود قاسم

سلام

ديل ناس المسيرة المليونية و حققنا امل بايدي عمل الرقم وصل مليون طوبة

انت شفت حاجة انا دقسوني اجازة كاملة بالدينار والجنية

خال بورداب الخرطوم ودقاسم
كيفك
تعرف يا الخال حكومتنا الرشيدة خفضت رواتب المغتربين
حاجة غريبة
الله يعطيهم العافية رفعوا قيمة الجنية السوداني مقابل العملات الاخرى وبطريقة يومياً سعر جديد للجنية السوداني وكذلك كما ذكرت اسعار المواد ترتفع في السودان .
والرماد كال المواطن مقيماً او مغترباً .
تحياتي للاهل .
خال بورداب الرياض

العزيز ود قاسم

اولا:

تحياتي وحمدا لله علي السلامه وان شاء الله البلد مرحبه بيك

ثانيا:

اركز واركز واركز

ثالثا:

البتبلبل بعوم

مع خالص حبي

الخال ودقاسم ..
ألف حمداً لله على سلامة وصولك للوطن سالماً والأولاد ..

Quote: والناس لا يبالون .. أحيانا أظنهم أغنياء أكثر مما يجب ، وأحيانا يبدون لك فقراء أكثر مما يجب ...

هذا ما تراه فعلاً يا خال ..
غناء لا حد له ..
وفقر لا حد له ..
والناس مغيبون أو هكذا تراهم ..
وتسمع عن أشياء تشيب الرأس ..

Quote: لماذ هذا الغلاء لشعب فقير ؟

Quote: لماذ تمتلئ الخرطوم بالعمارات والمباني التي لا حد لها وتعيش الغالبية العظمى في فقر لا حد له ؟

قالوها حين أتوا هؤلاء ..
يجب أن يضحي 3 أرباع هذا الشعب ..
عشان يعيش الربع المتبقي ..
وهذا ما يحدث الآن ..

تحياتي ..

ود فاسم

حمد لله علي السلامه.

يا دكين انت بتحلم ولا بتحلم هو فى موية عشان ود قاسم يرش بيها، هو فى نور عشان ود قاسم ينور قدام بيتو.
رغم ذلك نحن لها ونحن هنا نعانى مع اهلنا الطيبيين ونفرح معهم.
ولا زال هنالك فرح مع د. الفاتح حسين عندما يدندن بجتاره فى منتزه مزن وهنالك ضحكات تتعالى مع فرقة الاصدقاء والهيلاهوب.
بس بالله ما تنسونا من صالح العوات عند زيارة مكة والمدينة.
ومرحبا بود قاسم بين بورداب الخرطوم

Quote: التحول الديمقراطي لا يكون سياسة بلا اقتصاد ... على الحكومة أن تجعل الديمقراطية أمرا معاشا ، ليس على المستوى السياسي ، إنما على المستوى الاقتصادي أيضا ... ينبغي أن يتحول الإنسان في السودان إلى منتج ، ولابد أن يكون لإنتاجه قيمة على الأقل لتعوض طاقته التي يفقدهلا بسبب العملية الإنتاجية ..

التحية يا ود قاسم .. وقد تم إنتخاب الأستاذ حمزاوي خالا لبورداب الرياض .. وما زالت هنالك مناكفات شديدة من صديق الموج وآخرين .. لكن حمزاوي أعلن على الملأ : العاوزني أنا خالو والما عاوزني برضو أنا خالو والموضوع تم حسمه وإلى أن ألحق بصديقي ود قاسم في السودان الحبيب .. بحالو بغلاء أسعاره بالخصخصة التي تنتشر كالسرطان لتورث الناس الفقر في زمان فتح الشهية الإستهلاكية فتنفرط عقود قيم وأشياء ..

Quote: B]لماذا يكون الشعب محروما من أبسط أنواع الأغذية ، والسكنى ، والملبس ؟؟؟ لماذ تمتلئ الخرطوم بالعمارات والمباني التي لا حد لها وتعيش الغالبية العظمى في فقر لا حد له ؟ هذا الشعب يستحق أفضل من ذلك ... لابد من ضبط السوق ، والأسعار ، ولالبد من التدخل لصالح الأغلبية من أجل إصلاح الخلل الواضح في توزيع الدخل ... التحول الديمقراطي لا يكون سياسة بلا اقتصاد ... على الحكومة أن تجعل الديمقراطية أمرا معاشا ، ليس على المستوى السياسي ، إنما على المستوى الاقتصادي أيضا ... ينبغي أن يتحول الإنسان في السودان إلى منتج ، ولابد أن يكون لإنتاجه قيمة على الأقل لتعوض طاقته التي يفقدهلا بسبب العملية الإنتاجية ..

سلام كتير يا خال ..


دا الكلام ..

ودا الشغل ..

ودا التشخيص الدقيق والمختصر المفيد ..

الله يرفع مكانك .. ويعلي مقامك ..


بس إن شاء الله التأشيرة تكون طويلة الأجل عشان تسهل الحركة بين الداخل والخارج


سلام لكافة الأهل بالجزيرة ..

جاد

يا ود قاسم أخوي سلام وإن شاء الله يطيب ليك المقام
إذا كان هتافنا بالملايين (بالملايين قلناها نعم)، فلا تستغرب أن يكون المليون هو لغة السوق. المليون في السودان رقم وما عنده قيمة. وعشان كده الناس كلهم صاروا مليونيرات. يا حليل الجنيه السوداني الكان بقضي الغرض وبشد الحيل.

ياقدورة

Quote: زال هنالك فرح مع د. الفاتح حسين عندما يدندن بجتاره

هسي بلاي الواحد لو عندو شجرة جهنمية في بيتو بسقيها عصاري وبحضر دندنة جيتار الفاتح حسين تاني عايز شنو؟؟

Quote: الواحد لو عندو شجرة جهنمية في بيتو بسقيها عصاري وبحضر دندنة جيتار الفاتح حسين تاني عايز شنو؟؟

الراجل يقول ليكم لماذا توصيل الكهرباء بي تلاتة مليون...يا دكين ..وانت لسة عشمان في دندنة
من الفاتح حسين بالعصاري -اها وبعد العصاري ؟

إزيك يا ود قاسم

ياخى تعال لينا واحدة واحدة

أبدأ بالسمح في الأول

ولا مافى

قطعت قلبنا

حمدالله بالسلامة

رأفت

الخال العزيز ود قاسم
أولا ألف حمد الله على السلامة والوصول
ثانيا استحمل شوية ربما بعد الضيق فرج
ثالثاالسودان بلد المليون ميل مربع وبلد المليون وزير
رابعا الله يستر حالنا وحالك وحال الجميع من المحرمين
خامسا اكرر خالص تحياتي و أشواقي

Quote: لماذ هذا الغلاء لشعب فقير ؟

ود قاسم

قول يا ساتر

وأعمل ساتر


الحمد لله بوصول الموية والنور

على الأقل نطمئن مع كلامك ده ما قاطع موية ونور

عليك أمان الله يوم بلا سبب لقيت ليك الجماعة طالعين في السلم وقاطعين النور ، وريتهم كل الإصالات مدفوعة واحد فيهم من بلاد نوري الركبو اللوري قال لي ما شغلتنا
عندنا امر قطع وروح شوف شغلك مع الإدارة..
ركبت معاهم في نفس البوكس، وسواق البوكسي مؤجرينو قرب يقول لي هات يا خينا حق الأجرة
وصلت لقيت مهندس ، بعد ما شاف الأوراق قال لي هو منو الأداهم أمر قطع
وينو المهندس عبد الله قطع نور الجماعة ديل ليه
المهندس عبد الله راح بيتهم من زمان
المهندس طلع ود حلال شرح لي الموضوع
قال لي انت الليلة ما بتقدر تعمل حاجة
بيت في الظلام وبكره من الصباح تعال بي هنا
ادفع ليهم رسوم ارجاع النور ثلاثة ألف جنيه عادي
عاوز افتح خشمي قال لي عارف انت عاوز تقول لي شنو لكن لو ما عملت كدي مابرجع ليك النور ولو كان قطعو بالغلط
بكره يومي راح ورا الجماعة لما رجعوا النور

اها بتسأل عن قروش الملايين ولا عن ملايين ناس الملايين ولا الحاصل شنو

سلامة وصولك ياود قاسم ... ونحن وراك جينا بشوية أيام للبلد
لا أريد تخويفك منذ البداية ... دي كانت المناظر .. فالفيلم لم يبدأ بعد ، غير أنك سوف تنتصر بالصبر ... والدربة .. وحسن التصرف ... والبعد عن المشورة المدمرة بمثلما البعد عن التماسيح الذين ربما يزينون لك الأشياء والمشروعات مهم جداً، فلقد افقدونا اصول عزيزة من قبل جعلتنا نترنح حتي وقت قريب.
لكنني علي ثقة بأنك ستنتصر في البداية ... وحتي النهاية ، ولا تخف .. رزقك قااااااعد ، فقط عليك بالسعي المتوازن له كسبا بالحلال
نرجو الإتصال
صلاح الباشا
هاتف نقال 0912672762

الصديق ود قاسم

لك ملايين التحايا

أولا ألف مليون حمد لله على السلامة

بمناسبة عودتكم للوطن الحبيب .. بعد

أن تركت فراغا كبيرا وسط بورداب الرياض

لا أقول ملايين التحايا بل مليارات التحايا من رياض الخير

لك ايها الصديق ... لاتندهش صديقي بملايين السودان

وأظن ياأخي انها بدأت منذ زمن قلناها مليون نعم للقائد الملهم

والمسيرة المليونية

ومليون دولار لاعمار الدار

وهلم جرا من شعارات الأنظمة الديكتاتوريةالتى توالت

على حكم البلاد

لاتستغرب صديقي كل شىء متاح وبملايين الأسباب

والسؤال الكبير هنا من أين لهؤلاء القوم بهذة الملايين

عفوا المليارات ؟ وهم ايضا ملايين من البشر

أسعدنا الله ورزقناواياكم ببعض ما عندهم

مع مودتي ...

الزملاء بالمنبر ، القراء والمتداخلين
لكم التحية والمودة ، وآسف جدا أنني لم أتمكن من المتابعة والرد عليكم واحدا واحدا ،، فالمشغوليات هنا عديدة وكلها مضيعة للوقت وإهدار للطاقة ..
وللاخوة الذين ظنوا أنني أرسم خط الرجعة ف‘نني أطمئنهم أن ذلك لن يحدث بإذن الله ...
وسنواصل المشوار ...

أمي تغزل قطن
سراج..
ليضيء العتمة
ولتطرد الأشباح من جفوننا.
والدي
يصنع باب بيتنا..
من القنا..
ليمنع الفقر من ولوج..
دارنا
الظلام.. الجوع..الأشباح والفقر
يتآمرون لدخول..
جيب أبي..
يطفئون قنديلنا
يهربون الدفء
كالسجائر..
كالحشيش..
الى بيوت الأغنياء
يسرقون قوتنا الى العمائر ..
وفي الصباح
يقف الفقر والظلام
في إشارة المرور يستجديان المارة
لبعض عظفٌََ
لحفنة دفءٍٍٍ
يزرفون دموع
التماسيح
ويتوسد الجوع يديه
في ظل المسجد الشارد
في انتظار الفقر أن يعود
بإنائه المملوء باللصوص