التصويــر الرقـمي... مساعدتكم يا ذوي الخبرة أو المتسـلـبـطـيـن!!

سلام للكل "الحيملوا المكان كعادة بوستاتي!!! "
الرجاء ممن لديه خبرة في التصوير الرقمي أن يتكرم بمدي بمعلومات بخصوص اختيار كاميرا رقمية. Best brands, lens type, zoom power, etc
و علاقة الفوق ده كله بالسعر....
و برضو لو في اقتراحات لي كتب متخصصة تكونوا ما قصرتوا معاي!

حاسه إني ممكن أطلع إبداعات زي دي:


محبتي
سلمى

الاخت سلمى داوود. تحية طيبة.
انا ما خبير فى التصوير العادى او الرقمى. ولكننى استعملت كاميرا ديجتال من قبل. وتابعت التعليمات فى المانويل. ساهلة جدآ استخدامها. الوصلات دى فيها معلومات متخصصة. وفيها الاسعار والماركات الخ الخ.
http://www.dpreview.com/

http://www.shortcourses.com/

http://www.cameras.co.uk/

مشكور يا أخ عادل
يديك العافية

كيفك يا سلمى؛

احسن طريقة تشتري بيها كاميرا رقمية
هي انك تشوفي ميزانيتك في البداية.
و بعدين تشوفي ليكي زول مسافر دبي
و تقولي ليهو عليك الله جيب لي معاك كاميرا
في حدود الفين لالفين و خمسمائة درهم مثلاً.
و بعدين لمن يجيبها الباقي ساهل.

كتبت ردي قبل ان اطلع على الوصلات
عظيمة الفائدة التي اتى بها الاخ عادل؛
شكراً يا عادل؛ و على سلمى ان حتار قليلاً
قبل ان تختار.

و ان كنت شخصياً افضل اي من الكاميرات ذات ال
12x optical zoom

صباحك فل يا ملاسي...
كلامك صح و الله... شكلي حـ "أ" حتار قبل ما أختار!!! D:
ممكن تشرح لي الفرق بين الOptical zoom & Digital zoom؟؟؟
و ممكن تستعين بصديق!!!

محبتي

الأخت سلمي

تحياتي ..
أولاًً أمسكي قوي في كلام ملاسي دا الكاميرا قدر الجيب ..
هناك كاميرات كثيرة وموديلات عديدة وكله بسعره ..
وبرضو الأخ عادل عثمان مشكور ما قصر من خلال اللنكات الجابه دي أفاد كثيراً ..
بعدين التصوير إحساس وممارسة تتطلب الدقة ..
وأخوك دقة قديمة في الحاجة دي من زمن التحميض بالأحماض ..
والأستديو المظلم ..
ودي أكيد ملاسي بكون جايب خبره ..
يا ملاسي ما تطلعني من زمن حفروا البحر ..

محبتي ..

سلامات يا معتصم....

Quote: وأخوك دقة قديمة في الحاجة دي من زمن التحميض بالأحماض .. والأستديو المظلم ..

أفتكر إنه الـ concept واحد.... و طالما عندك عين كويسة تلتقط الجمال ما عندك مشكلة...!!

سلمى تحياتي
سبقتيني بهذا البوست
في مداخلة سابقة لي مع الاخ فلان قلت له سافتح بوست بخصوص التصوير
يعني عايزين الناس العندهم خبرة يدونا نصائحهم في الاتي :
1- شراء الكاميرات - يعني النوع الافضل - مع السعر المناسب اعتقد ان الكاميرا التي قالها ملاسي غالية شويه
2- تعليمنا بعض الاصول العادية السهلة في التصوير وكيفية اختيار اللقطة
3- ايضا عايزين معلومات عن تصوير الفيديو - كاميرا الفيديو - والكاميرات المناسبة في السعر والامكانات
اعتقد ان نشر ثقافة الصورة شيء ضروري - نحن شعب غير مهتم كثيرا بتوثيق الصورة والصوت كثيرا
لذا معك ..من اجل ان يكون هذا البوست ضربة البداية ..في انتظار مساعدات الملمين وفي انتظار مزيد من المواقع المفيدة فعلا وعن تجربة ..وليست مواقع عامة ..

لك تقديري ،،،

الأخ لؤي

Quote: سبقتيني بهذا البوست

Great minds think alike
اعتبر البوست بوستك....

يابنتي ..سلام

التكبير الضوئ هو استعمال عدسات لتقريب الصور
التكبير الرقمي(استحدث مع الكاميرات الرقمية) في الحقيقة ليس تكبيرا للصورة وانما لجزء من الصورة وعموما يمكن اجراء مثل هذا التكبيير علي الصورة بواسطة برامج مختلفة ولكن كل الكاميرات الرقمية تاتي بميزة التكبير الرقمي شئنا ام ابينا ..
يجب الا نقارن التكبير الضوئ بالرقمي ولكن بتكبير ضوئي اخر
________________________________________________________________________
What, therefore is the rule of thumb, when it comes to using zoom? Here it is: Always use optical zoom. When buying a camera, choose one that warns you that you are about to use digital zoom or that allows you to disable digital zoom (most do). If you do use digital zoom, use it only if it does not appreciably impact your image quality. If you rarely print past 4x6 in. photos, digital zoom may not adversely affect you.
When comparing cameras, you should always use optical zoom. There is no point in comparing digital zoom with digital zoom or optical zoom with total zoom. Always compare optical zoom with optical zoom.
_________________________________________________________________________ابوبكر سيداحمد

سـت الناس وكل المتداخلين
ما دام قلتو المتسلبطين جيناكم
أخوكم الأيام دي كان بيفتش في ديجتال كاميرا و كامكوردر لزوم العرس وكدة

اللنك ده مفيد جداً وبيديك إنطباعات ناس إشتروا الكاميرات وليس من رأي كمن سمع

http://www.steves-digicams.com/default.htm

زي ما قال حبيبنا ملاسي كلو بيعتمد علي الجيب والميزانية لانو في من مائة دولار لألف

وعند إختيار الكاميرا تذكروا ما هو الأهم بالنسبة لكم
- حجم الكاميرا
- إمكانياتها
- عدد الميغابيكسلس
- إمكانيات التكبير Optical & Digital

فإن حددت كل هذا يمكنك الإختيار
فكل الشركات لها كاميرات ذات جودة وإن تفوقت سانيو وكانون
نجد أن نيكون، كاسيو، وأوليمبس لهم كاميرات رائعة

لكم ودي
وليد العجب

يا عجبنا... و سر بالنا!!
أنا لقيت كاميرا كانون 5 ميغابكسلس و 10x زوووم سعرها 499$ من امازون دوت كوم... و كل الريفيوز عنها شديدة... رأيك شنو؟؟؟
و برضو لو عارف وريناالفرق بين الأوبتيكال زووم و الديجيتال زووم...
محبتي

Quote: وريناالفرق بين الأوبتيكال زووم و الديجيتال زووم...

الأخت سلمى تحياتي ..

الفرق بين الديجيتال والأوبتيكال زووم ..
معظم الكاميرات بتكون ديجتال زووم وهي التحكم في الصورة قبل التصوير في تكبيرها وتصغيرها على الحجم المناسب للتصوير ..
في حالة الأوبتيكال وهو التحكم في الصورة بعد التصوير وبتكون على مرات عديدة يعني من 2 إلى 3 مرات وقد تزيد ..
وحالياً معظم الكاميرات الديجيتال بيكون فيها الخيارين ..
وأنا بفضل كاميرا سوني ولو أنها غالية وتخيري في الكاميرات ذات البطارية الشحن ما تكون حجارة عادية لأنها بتكون متعبة شوية ومعظم الكاميرات الديجيتال البتكون من هذا النوع بتستهلك حجارة كتيرة واعتقد بأن دقة الكاميرا 5 ميقا بيسكل مناسبة جداً وأعلى طبعاً بتكون أجود ..

أتمنى أن أكون قد أبنت ..

مودتي ..

شرحت فابنت يا معتصم

Quote: أتمنى أن أكون قد أبنت

لكن سلبطي ما حتخليني أمشي من غير ما اكتب لي حاجة هنا

بالدارجي كده
الديجتال زووم بتكبر الصورة مع التأثير علي الملامح
الاوبتكال ماشاءلله تكبر ساي Without distortion

بخصوص السعر
إنتي اعزلي وبعد داك بنراجع لك الاسعار

السلبـــــــــــــاط
ودالعجب

Quote: إنتي اعزلي وبعد داك بنراجع لك الاسعار

أنا هسه قايلاك حتقول إنتي أعزلي و الباقي خلي علي!!!!!

Quote: أنا هسه قايلاك حتقول إنتي أعزلي و الباقي خلي علي!!!!!

أنا ما بقيت زول محمول

وما داير تحصل لك القصة دي

في واحد مسافر الحج وكل واحد مودعو يقول له يا عم فلان جيب لي معاك مصلاية،يا عم فلان جيب لي معاك جلابية،يا عم فلان جيب لي معاك سبحة، فجاء شافع واداهو ريال وقال ليهو يا عم فلان جيب لي معاك صفارة فرد الرجل صفرت يا ولدي

فصورتي يا ست الناس

Quote: إنتي اعزلي وبعد داك بنراجع لك الاسعار

أنا هسه قايلاك حتقول إنتي أعزلي و الباقي خلي علي!!!!!

Quote: لكن سلبطي ما حتخليني أمشي من غير ما اكتب لي حاجة هنا

يا ولي ..

يعني سلبطة سلبطة غرامة غرامة ..
كلامك جميل وفي محله ..
يديك ألف عافية يا عريس ..

دم بخير ..

Quote: يديك ألف عافية يا عريس .. دم بخير ..

وأنت إيها الرائع إيضاً

ورسل لي إيميلك علي

[email protected]

بخصوص الميغابيكسل
Five is more than enough

Quote: التصويــر الرقـمي... مساعدتكم يا ذوي الخبرة أو المتسـلـبـطـيـن!!

معتصم دفع الله .. انت شايت مع منو



* سلمي داوود .. لك التحية

Optical vs. Digital zoom

http://www.photoxels.com/article-optical-digital-zoom.html

سلمى
دبايتو
انا من طائفة المتسلبطين فلذلك لن افيدك كثيرا ولكن اقول ليك لتحصلى على صورة
نظيفة ومؤثرة اذهبى لنيو وبس مالى ومال السياسة يقوموا يكشونى كمان ...
سلام

Thanx Kostawi...
I now definately know the difference between da two...

Quote: Thanx Kostawi... I now definately know the difference between da two

لندن تحمي وتعتنــــــــــــــــــي



البوست محروس

وسته تكوس



قلنا نرفع لك البوست

السلام عليكم يا ناس.....
لو لسه متذكرين الموضوع ده....
أفيدكم علماً بأن البحث المستفيض أثمر عن: -
Canon Powershot S80 with 8 megapixels and 3.6X optical zoom
و هي الان في طريقها إليّ من عنديكم يا عجب!!!

و أول إنتاج حأضوقكم ليهوبإذن الله!!!

م
ح
ب
ت
ي

سلمى

سلامات يا سلمى

خلي بالك .. الضمان لازم يكون مفتوح؛
عشان - لا قدر الله - لو حصل للكاميرا اي حاجة
تقدري تبدليها في الإمارات او السعودية؛ بدلاً من انتظار مسافر لأمريكا!

_________
مبروك مقدماً.

ست الناس

8 Miga عديـــــــــــــــــل

إنت إحترفت التصوير ولاشنو
كانون كاميرة السرور

معناها صور العرس من أسع عليك



أنا عندي كاسيو لكن ختريـــــــــــة
وما فايـــــــــــــــف

الأعزاء...
ظللت طوال الفترة الفائتة أحاول "من قلبي" أطلع صور حلوة...
أي حاجة بتتصور في بيتنا صورتها....
بت أختي الما تمت في الدنيا 8 شهور إحتمال تحتاج نظارة من كمية الفلاش الواجهتها!!!



بعد دي...



و دي...


.
.
.

...الباشمهندس بكري ده مالو عمل الصور شينة كده...
.
.
و دي...

....
و دي كمان....

لا لا لا
يا بكري...
هي الصور براها ما ناقصة!!!

غايتو حسبنا الله....

في دي كمان...

...
إكتشفت إنه القصة أكبر من "كاميرا شديدة"... و "بكسلات كتار".... و "زووم طويل"!!!

القصه في العين الورا الكاميرا...
و قدرتها على اختيار الموضوع...
و خلق "الشربات" من "الفسيخ"!!!
.
.
.
لكن إكتشافي أعلاه.. لن يزيدني إلا إصراراً...
و حأجرب فيكم بس إستحملوني...
.
.
م
ح
ب
ت
ي

سلمى

الجميله
سلمى داود

سلام ويلا متعينا بالصور الحلوه

أخي أحمد...

مشكور على التشجيع... و سمعنا رأيك..

سلامات يا سلمى

Quote: القصة في العين الورا الكاميرا...

القصة برضو في المقدرة على إخراج الكاميرا
و التصوير بها متى ما استدعى الأمر.
______
لولا حركة بكري الجديدة
لكانت الصور ممتازة

ملاسي...

Quote: القصة برضو في المقدرة على إخراج الكاميرا و التصوير بها متى ما استدعى الأمر.

تأكد أنها لا تنقصني!!

ياخوانا دي الكاميرا بتاعت سلمى ....


اكيد قيافة ...



يا سلمى صورتي الصور دي كيف ...

حاولت أعمل العملية دي مرتين قبل كدة و قبضوني ...

قالو لي ممنوع الاقتراب و التصوير ....

و اوعى تجي هنا تاني عشان ما نصادر الكاميرا ...

Quote: إكتشفت إنه القصة أكبر من "كاميرا شديدة"... و "بكسلات كتار".... و "زووم طويل"!!!

الحس الفني مطلوب، فالتصوير عملية فنية معقدة، تجمع بين مقدرات الآلة وموهبة الإنسان في توظيف هذه الآلة، والتطور الكبير في صناعة التصوير جعلت من الممكن أن يقوم الهواة بأعمال المحترفين، حتى ولو على نطاق ضيق.
تخريمة:-
تنتج شركة باناسونيك كاميرات بها خاصية وقف الاهتزاز أثناء التصوير، وهي ميزة فريدة وتساعد في إنتاج مخرجات جميلة، إضافة إلى إمكانية التصوير الليلي.

كاميرتي الخاصة
بعض صورها خلال الإجازة



من على ارتفاع 30 ألف قدم

الصور مضغوطة حبة

راكوبة...
إشمعنا إنت ما حولين صورك محيط سودانيزأونلايني قاتم السواد؟؟؟

صورك لذيذة... حأسميها:
"يجوا عايدين... يا الله"

سوباجو...

حكوووومة....
و الناس أهالي!!!!

تحياتي

الاخت سلمى

مبروك الكاميرا يا ستى

ووصيتى ليك تخليها فى شنطتك وين ما ماشه ( إن شاء الله عزاء ) وتصورى اى مشهد يعجبك او يثيرك ( حتى لو مطارة نشال ) وبعدين ركزى على الطبيعة وحاتلقى نفسك عند ارشيف هائل ومجموعة نادرة وممكن تعملى منها معرض صور وبيع الصور الهامة لوكالات الانباء فقد تصورى لحظة هامة وحدث غريب وفريد وتكونى متفردة بتصويره ..

بعدين انتى وراكوبة منزلين صور وما قلتوا الصور دى وين محلها

ممكن تفيدونا ؟؟؟

مع تحياتى

سلمى سلام وصلتكم متاخرا جدا
والكاميرة جات والصور نزلت

لكن بعد ده , عندى كتب ومجلات
ستساعدك بالتأكيدفى مشروع الصورة
الجيدة ...

ورينى كيف وسيصلوك لغاية عندك




وسلام

عصام...


عرض مغري سأستبيحه حتى النهاية... إن وجدت!!

أخي قرشو...

شكراً على الطلة.

الصور كلها في امتداد شارع النيل ناحية الفلل الرئاسية.
ما عدا صورة الحلوة "دانة".

سلمى سلام ،،
الهواء الشديد الفي الصورة الفوق ده ( الهازي النخيل ) من عند الله و لا من الكاميرا ؟

رايكم شنو ..!!!

.
.
ممممممممم!

.
.
.
يا ربي!

حقو تعترفوا إنه في تطور....

البوست المهم دا؛ جا طالع من وين كدا فجأة!!

عفريت يا ملاسي!

كان و ياماكان في قديم الزمان أمير من سواكن أسمو عثمان دقنة ،
وعثمان دقنة ده كان عنده سيف سره باتع ، وانتشرت في الدنيا حكاية
سيف الأمير البقطع الحديد والشديد ...

مرت الايام وسقطت المهدية ودخل الانجليز ...

الخواجة العسكري "تشرشل" قال عائز باي طريقة يجيبو ليه سيف عثمان دقنة . مشو وجابو ليه السيف
وشالوا وبداء يضرب بيه في عود خشب ويضرب ويضرب والعود في مكانه ، وهاج وماج في وش
أنصار الامير واولاده :
:هذا ماسيف عثمان دخنة ، كذابين
رده واحد من انصارو
:ياخواجة الكلام مافي السيف ، الكلام في الإ يد ...




____________

الكلام في الإيد ياعوض دكام ...

وداعة ..*




أبيض ..*




شتاء ؟؟ .. يا عين الشمس عليه*

الحاجة الزرقة العويرة بتاعت بكري دي .. كيف الدبارة معاها يا عصام عبدالحفيظ ؟
ـــــــــــــــــــــ
( من مجموعة Alphagraphics )*

عماد..

إقتضاب فصيح!

وعشان إنت فنان.. حافترض إنه ورا الكلمتين والكام صورة ديل..

قصص وحكايات..

برضو..
خليك قريب

يا ابو خليل...

دي عشانك!




متشكريـــــن.... ومقـــدريــــــن!!

ممكن بس طلة هنا
***دروووس في فن التصوير الرقميى***

سلامات يا عمر...

نلبي الدعوة طوالي...

ومرحب بيك في بيتنا!!

في حياتي القصيرة هذه حاولت التصوير 3 مرات
الأولى ضلعت سوداء محروقة
والتانية طلعت مهتزة وماعرفت الإهتزاز مني واللا من الكاميرا واللا من المتصور
التالتة ، ادرت الكاميرا بالعكس فصورت نفسي وكانت قعر كباية

هديت الفكرة وقنعت بأن يصوروني
ودي ذاتها مشكلة
في 100 صورة بتطلع واحدة بس كويسة أو معقولة
ال 99 بيطلعن مكعوجات وشينات
وبرضو
ماعارف المشكلة في التصوير أم في المصور
اللهو انا

أبوها...

ما تتشالق!!

لكن خليك قريب..

سلمى ..
تحياتي ..
لكن ما بقيتي خطييييرة عديل كده ..
تصوير رائع ..
وكاميرا أروع ..
كدي شوفي صورة الغروب دي ..
على فكرة الصورة دي لما صورتها كان في ضباب شديد ..

سلامات يا موصتعم..

صورة حلوة شديد!

Quote: على فكرة الصورة دي لما صورتها كان في ضباب شديد ..

بارك الله فيك رجعتني لموضوع البوست الأساسي..
"ربنا يخلصني من العادة الزفت بتاعت الطلوع بره الموضوع"!!

يا اخواننا لو لاحظتو الحركة البحاول أعمل فيها لي زمن..
وحنشير ليها من هنا ولى قدام بـ "تغبيش الخلفية" كما أسماها أخونا ملاسي.
البيخلي موضوع الصورة يوضح ويشد المشاهد ليهو طوالي..

عشان تعملوا القصة دي لازم تخلقوا مجال ضحل (ماتفوتكم المصطلحات)
وعشان تعملوامجال ضحل لازم:

فتحة العدسه تكون كبيرة
سرعة الغالق تكون مناسبة (ما تحكوها معاي ) عشان تدخل كمية ضوء مناسبة!
المسافة من الجسم موضوع الصورة تكون قريبة مع استخدام خاصية (Macro)

وتسمّي وتضغط!!
.
.
.
وما ترجف!!

ولا أغفل أن أخبركم إنه حتجربوا وتجربوا وتجربوا...

لمن زيتكم يطلع..

وأول ستة وستين صورة حيطلعوا زي ما تكون سحلية عدت من ودانهم!!

لكن في النهاية بتجي!!!

Quote: أبوها... ما تتشالق!! لكن خليك قريب

سالمة ديفيد

ما بتشالق

لكن
حا إتشعلق

في أول بص جوي جاي حلتكم

لكيما أكون هنا
غريب

وعشان أكون
أقرب

أقرب واللا دبيب

الي الخرطوم من حبل الوريد

سلمى ازيك ..

Quote: تغبيش الخلفية

Quote: مجال ضحل

Quote: سرعة الغالق

Quote: مع استخدام خاصية (Macro)

دة حالتو الشرح ...!
عاملة كمرتك ام ميتين دولار دى .

سلمى عليك الله انضمى كويس خلينا نطلع بى حاجة نقشربيها مع القرمبوزة.

برهان تاج الدين...

البوست ده متقدم...

ممكن تمشي بوست عمر بتاع المبتدين

بعدين ياخي ياتو جزء من (ما تحكوها معاي) ما وقع ليك؟؟

ياخي هي بس بتجي كده بالبركة!!! لازم تحرجونا يعني!!!


سلم لي على القرمبوزة..
وتشكر على المرور.