امدرمان الثورة والمهدية زكريات بين الازقة

تقع مدينة الثورة شمال امدرمان
القديمة وتمتد غربا الان حتى جبل
المرخيات وامبدة وشمالا حتى جبل كررى
مدينة مترابطة ويعتبر شوارعها الرئسية
الوادى والنص والشنقيطى شرائين الحياة
التى تغذى هذة المدينة.
سا تجول مستعرضا معالمها ونسيجها واسواقها
وبعض زكرياتها وهى دعوة لسكان الثورة للمشاركة.

الحاره الثامنه + السابعه =زقاق منفصل

كلية علوم التقانة من اشهر معالم الثورة
كما توجد كليات لجامعة امدرمان الاسلامية
الرباط والقران الكريم بى الاضافة لشارع
المدارس والذى يحتوى على عدد كبير من المدارس
منها تلودى وابوبكر سرور ومن المدارس المتفوقة
بكار والتدريب المتوستطين(سابقا) كما توجد بها
مدرسة محمد حسين المشهورةومدرسة البلك للبنات.

توجد بى مدينة الثورة مستشفيات ساعدت كثيرا
يرتادها عدد كبير من المرضى من الثورة وامبدة وقرى
امدرمان الشمالية كالجرافة وكررى العجيجة
وحتى الشيخ الطيب وتقع مستشفى البلك فى
الحارة الرابعة ومستشفى الشيخ فضل جنوب الحارة
الاولى ومستشفى النو فى الحارة الثامنة.

بعض الاسواق العتيقة كسوق السادسة وسوق حلايب
الذى انتقل من السوق الشعبى امدرمان
وهو عبارة عن دلالة لبيع كافة المستلزمات
وهو سوق حى يعج بى الحركة والنشاط وهناك بعض
الاسواق التى تلازم مواقف المواصلات مثل سوق
اخر محطة الشنقيطى.

شكرا مهاب على اول مداخلة
والزقاق هو شارع النص اهم معبر
وانا من سكان الثامنة يا حبذا لو
كل واحد اذكر الحارة واظنك من السابعة
بى المناسبة شقلبان هى اهم تقاطع فى الثورة
وهو يربط السابعة والتامنة والتاسعة والعشرة
كما توجد محطات الصلحابى.نسبة لعمنا السر الصلحابى
والمهداوى وهى اخر محطة مواصلات الثورة بى النص.
كم توجد بها محطات مشهورة مثل الانصارى,كبرى النص,
السلالم.ماسورة على.ومحطة جاميسكا نسبة للميدان الشهير.
ومحطة المواصلات, ومحطة مهاجر ,

الاخ العزيز
على

نتابع هذا
السرد الشيق

خالص الود
غادة

سا حاول زكر بعض الشخصيات التى
سكنت واتمنى ان لا تخوننى الذاكرة.
من اهم الشخصيات الراحل الفنان
عثمان الشفيع الحارة الرابعة
الراحل المقيم محمد احمد عوض الحارة
السادسة ومن ظرفاء امدرمان الراحل
كمال سينة الحارة الثامنة الاستاذ حسين
خوجلى الحارة العاشرة مهدى ادم يعقوب
الرياض الثورة, الاستاذ حمزة سليمان الرياض
الثورة, وبعض فرقة الاصدقاء المسرحية
منهم عبد المنعم عثمان و محمد المهدى الفادنى
ومن الشعراء الاستاذ مصطفى سند والاستاذ امين
حسن عمر الحارة الثامنة والاستاذ عيسى تيراب
ومن المذيعين الفاتح الصباغ الحارة الثامنة
وكثير من الادباء والفنانين والرياضيين
والاكادميين ارجو من الاخوة اضافة المزيد للتوثيق
لهذة المدينة .

تسلمى العزيزة غادة
على المتابعة والمشاركة
ولك خالص تحياتى

سكان مدينة الثورة مزيج فريد
من كل قبائل السودان وتاسست هذة المدينة
بعد ان ضاقت بى اهل امدرمان القديمة من احياء
بيت المال, وابروف ,المظاهر ,حى العمدة, المسالمة,
الموردة, ودنباوى , وحى البوستة والاحياء
القديمة الاخرى وتوسعوا شمالا فاصبحت الثورة
امتداد طبيعى لمدينة امدرمان كما شملتها هجرات
من الشمالية ونجد اغلب هذة الهجرات تمركزت فى غرب
الحارت مثل الحارة 24و 25 ونجد طابع القبيلة يسيطر
على هذة الحارات كما شملتها هجرات من غرب السودان
منذ العام 1983 بسبب الجفاف الذى ضرب تلك المناطق
تمزكز عدد كبير من الجنوبيين ايضا فى هذة المدينة.
ومن هنا نجد تعدد الثقافات و لا تزال مدينة الثورة
تحتفظ بترابطها وتعايش اهلها فى سلام ومحبة,

من الاحداث الموسفة التى مرت
على مدينة الثورة حادثة مسجد
الحارة الاولى الذى قتل فية عدد من
المصليين على يد متطرفيين ومقتل افراد
من شرطة بسط الامن الشاملة ولقد القى
القبض على احد المتطرفين ويدعى الخليفى
وحوكم بى الاعدام شنقا ومصاادرة عملة
واسلحة كانت بحوزتهم.وايضا حادثة مرزوق
والتى قتل فيها مهووس بى استخدام قنابل
يدوية تسببت فى مقتل نقيب واصابة بعض
الجنود من الشرطة ولاقت استياء من المواطنين
نسبة لتاخر شرطة النجدة وسبب التا خير
هو وصول مدير عام الشرطة فى زيارة تفقدية
لرئاسة الشرطة بى المحلية فلم يتحرك احد مع
علمهم المسبق بوجود شخص يهدد سلامة المواطنين
وصادف مرور النقيب بمكان الحادث وحاول انقاذ
عدد كبير من المواطنين فانفجرت القنبلة على جسدة.

الفرق الرياضية والاندية والملاعب
جزء كبير لايتجزاء من النشاط الرياضى
لمدينة الثورة فمن اهم الملاعب ميدان الليق
الشهير الذى يقع بين مقابر احمد شرفى والحارة
الاولى ولا يزكر هذا الميدان الاء ويزكر الحكم
درمة حيث يسكن الحارة الاولى واخية عابدين
الرجل الذى يسهر على راحة الموتى بمقابراحمد
شرفى ومن الطرائف ان عابدين فى بداية تطوعة
بى العمل فى المقابر كان يوذن فى المسجد ايضا
فلم يصدق بعض اصحابة ذلك فقال لهم انتظرو
صلاة العصر واسمعو براكم فما كان منة الا ان
اذن وبعد انتهاء الاذان صاح قائلا مع تحيات
عابدين(هذة طرفة لا اعرف مصدرها يتناقلها
الناس) وايضا ضابط المباحث المشهور نادر
خضر هو الاخ الثالث للحكم درمة.
ايضا رابطة المك نسبة ايضا للحكم المك عبيد
ولقد اقيمت مساكن على ارض الميدان فى الثمانينات
واول اساس بيت كان بيت الشاعر مصطفى سند الذى لم
ينتقل الى السكن بة الا فى نهاية التسعينيات
ولقد لاقى هذا التصرف استياء محبى الرياضة

غدا نواصل انشاء اللة

مرحب حبيبنا
وشكرا ليك وانت تارشف للثورات والمدية

Quote: كلية علوم التقانة من اشهر معالم الثورة كما توجد كليات لجامعة امدرمان الاسلامية الرباط والقران الكريم

الليق
جامسكا
كلية التربية جامعة الخرطوم

Quote: مدرسة محمد حسين المشهورة

عفوا حبيبنا
محمد حسين توجد في حي المظاهر

Quote: بعض الاسواق العتيقة كسوق السادسة وسوق حلايب الذى انتقل من السوق الشعبى امدرمان وهو عبارة عن دلالة لبيع كافة المستلزمات وهو سوق حى يعج بى الحركة والنشاط وهناك بعض الاسواق التى تلازم مواقف المواصلات مثل سوق اخر محطة الشنقيطى.

نسيت سوق الرابعة
وهو عبارة عن سوق مكنكية متخصص في البيجو


ياخ شكرا كتير

بخاف

تشكر ياحبيبنا اهم حاجة زكرتنى ليها سوق الرابعة
والسينما وسمير احد اعمدتها.
وشكرا على تصحيح معلومة مححمد حسين اتشربكت مع
شارعةالشنقيطى ساكت, اها كلية التربية الخرطوم برضو
فيها شكك ناس ودنباوى قالو حقتم واذا اعتبرنا
كلية التربية فى الثورة لازم ندخل مدرسة امدرمان
الاهلية اهم المعالم فى امدرمان.

من مشاهير الثورة

عائلة خدر محمود طويل

وهم عابدين الراستا
ودرمه الحكم
ونادر خدر ( ما الفنان )


كمان نضيف ليك انو في الخامسة كان في من المشاهير
الاستاذ خالد ابو الروس
برضو فيها استاذنا الشاعر الكبير ربنا يوالية بالعافية
محجوب شريف

وبرضو كان فيها الفنان المرهف احمد الجابري


الحارة التانية
كان فيها الفنان الكبير الكاشف
والفنان محمود فلاح

وفيها من لعيبة الكورة
الرشيد المهدية


الحارة الثالثة
فيها اغلب الفريق القومي الشال كاس افريقيا
سليما عبد القادر ابو داود
عبدالعزيز عبد الله القون
علي قاقرين
واخرون


الثورة الحارة العاشرة
فيها الشاعر الكبير
مصطفى سند


الثوؤرة الحارة الرابعة
فيها اللاعب الفلته
برعي القانون
وفيها كمان الاعب الخلوق عادل امين

السابعة
عاكف وعادل عطاء
بدر الدين سلمان ( تنقا الصغير )
وكتااااااااااااااااار تاني

الثورة الحارة 12
فيها اورلاد سرجلي كلهم

الريح كاركا
امير كاريكا
حسن مصطفى
اسعد وحمد النيل مصطفى


بجيك صادي

شكرا بخاف على المعلومات القيمة
والتى اضافت للبوست كم هائل من العمالقة
من الرواد الاوائل سا حاول انت اجلب
بعض المواد التوثيقية لمدينة الثورة


لكن يا حبيبنا ما طلعت قديم اقدم من كومر
عمك إحم اللة يرحمو.

سكنت في الثامنه, ولكن لدي اهل واحباب في السابعه .. كنت بشجع الاخوة من السابعه .ايضا شجعت الاحرار من السادسه حيث صعد للدرجه الاوله واظنه الفريق الوحيد من الثوره يحقق هذا .. ...احكي لينا وزكرنا بسوق الخامسه , رابطه الثوره وسط في الثامنه , وسينما الحاره الرابعه ..

اهميه الحاره الثامنه تاتي مع الاحتفال بالمولد ,وفي ظني تحتضن الحاره اكبر مجمع للمولد في الثورات ..

معالم الحاره التي ازكرها .. مستشفي النو ..رابطه الثوره وسط , مطعم فؤاد , ..

لم تكن لدي تجارب مع مدارس الثوره حيث درست في الهجره , ولكن جموع وحشود الطلاب في شارع المدارس لها وقع خاص..والبوست جميل فواصل الفواصل والحكي

Quote: سكنت في الثامنه, ولكن لدي اهل واحباب في السابعه .. كنت بشجع الاخوة من السابعه .ايضا شجعت الاحرار من السادسه حيث صعد للدرجه الاوله واظنه الفريق الوحيد من الثوره يحقق هذا .. ...احكي لينا وزكرنا بسوق الخامسه , رابطه الثوره وسط في الثامنه , وسينما الحاره الرابعه .. اهميه الحاره الثامنه تاتي مع الاحتفال بالمولد ,وفي ظني تحتضن الحاره اكبر مجمع للمولد في الثورات .. معالم الحاره التي ازكرها .. مستشفي النو ..رابطه الثوره وسط , مطعم فؤاد , .. لم تكن لدي تجارب مع مدارس الثوره حيث درست في الهجره , و لكن جموع وحشود الطلاب في شارع المدارس لها وقع خاص.. والبوست جميل فواصل الفواصل والحكي

الاخ مهاب زكرتنا حاجات مهمة وقبل ما اتحدث عن ميدان المولد
عمك فواد اللة ادية الصحة العافية حا حكى عن سوق السادسة
ومن اشهر الدكاكين فى سوق السادسة دكان الساحة وهو من الدكاكين
الاطفال كانو بحبو امشو ليها لان كان ببيع نبق ودوم وقنقليز
ثم انتقل هذا الدكان الى الثامنة شارع الصلحابى البودى السادسة.

وكما زكرت انو مولد الثامنة كان اكبر تجمع للاحتفال بزكرىالمصطفى
صلى اللة علية وسلم وكان شيخ الفحل واولادة بداومون على
مدح المصطفى فى هذا المولد بصورة دائمة ويسكن جارة عم فواد
اشهر بتاع كوارع لما يزيد عن عشرين سنة وعمك فواد عصبى متقلب
المزاج فى شجار دائم مع شيخ الفحل بسبب النوبة مما دعا الى تدخل
الشرطة وتقليل ايام الذكر التى تقام شبة يوميا.

العاشرة فن شعر رياضة
من نادى المريخ
سليمان عبدالقادر
نادر الدرديرى اشبال المريخ
الهلال
النقر
السادة
محمد ادم
امير الشعلة
عبدالسلام محمد صالح
نادى ود نوباوى ودابيض
محجوب بخرة
نادى الموردة كمال بحارى
ربيع
محمد عبدالكريم
من الشخصيات العامة والمعروفة
الصول نصر الشهير
حسين خوجلى
الاستاذ الشاعر مصطفى سند
سهام والهام زروق
المصور التلفزيونى عوض النعيم
المصور التلفزيونى عمر صبرة
والفنان حسن صبرة
والعم محمد عبدالله عرمان
والمهداوى
الدكتور شداد الفلكى
ومدثر قرين نادى الموردة
احمد شاش نادى حى الضباط
ناصر السر نادى الرابطة امدرمان
والقائمة تطول وتطول وهذا ليس شان العاشرة وحدها جميع حارات الثورة زاخرة بالمواهب والمبدعين
تحياتى وكن بخير لى عودة

الاخ النسر على المشاركة وداير اسالك
من نادر الدرديرى هل هو اخو عصام الدين
الدرديرى.

وسوءال تانى ويين ناس محى الدين المهداوى وخالد روم وحسن
يس والجماعة ديل خلو مرضة الكورة ولا لسع

ودمت

برضو نسيتو جكسا وبرعي احمدالبشيرالقانون والفنان الكحلاوي وسامي المغربي وبكري
اشرف

اخي علي الحسن لك خالص تحياتي
لك كل الشكر وانت توثق لمدينة الثورة والمهدية وفعلا هذه المدينة زاخرة بشتي الشخصيات رياضية سياسية اجتماعية وغنائية
وبحكم قضائي معظم فترات حياتي بالثورة الحارة السابعة سوف اذكر لك معظم مشاهيرها ونبداء بالغناء سكن السابعة الفنان الكبير محمد الامين قبل ان ينتقل لبحري وسكن الفنان مجذوب اونسة والفنان عوض الكريم عبدالله ومن اهم الفرق التي لاقت شهرة وصيتا فريق الاخوة برابطة كرري وكان لي شرف اللعب فيه مع عمالقة اصبح لهم شان في عالم المستديرة علي سبيل المثال لا الحصر عاطف عطا - كاروشا - عادل دنقل انضموا لفريق ودنوباوي عماد الكنين - بكتاش - طلعت - ابكر انضموا لفريق الكوارتة الرابطة وكان هنالك لاعب يعتبر فلتة زمانه توفي في ريعان شبابه هو المرحوم عادل جني وهنالك الاداري الناجح يحي كورينا الذي ظل يواظب دن كلل في ادارة فريق الاخوة زهاء الثلاثون عاما وحتي يومنا هذا له التحية
ومن مشاهير كرة القدم النجم الخلوق عاكف عطا واخوه عادل عطا والنجم بدرالدين تنقا الصغير ونجم الموردة احمد حامد ونجوم فريق الكلية وهو مسمي لفريق الدافوري في الحارة السابعة معتصم حسين واخوانه محمود لاعب التاج واحد افذاذ كرة القدم في زمانه وسامي وعصمت وامير وعلاء حسكو ومعاوية ود الجيش المدفعجي لاعب الموردة وهلال بورتسودان واخوه فيصل الباك النضيف والصادق مزيكا شقيقي الاكبر وهيثم الطيب شقيقي الاصغر حارس مرمي الرابطة ثم المريخ ثم الموردة والان يلعب مع فريق ابوعنجة وساهم معه في الصعود لدوري الاولي
ومن ظرفاء الحارة السابعة الاخ قريب الله ابوصلعة وهو كذلك من اللاعبين الذي لعبو في الهلال وابوروف وقاد تدريب فريق ابوروف وكذلك كابتن ابوروف عثمان ود القوس اللاعب الخلوق ومن الظرفاء كذلك العم كردمان
ولا ننسي العم اللاعب الكبير الكان بيطلع في الكفر محمود ودالزبير لاعب الموردة والفريق القومي وابنائه طارق وطلال وطرفة واكرم وجميعهم يجيدون الكرة
سوف اعود لتكملة ماتبقي اذا اسعفتني الذاكرة
متولي الطيب مالك

Quote: اخي علي الحسن لك خالص تحياتي لك كل الشكر وانت توثق لمدينة الثورة والمهدية وفعلا هذه المدينة زاخرة بشتي الشخصيات رياضية سياسية اجتماعية وغنائية وبحكم قضائي معظم فترات حياتي بالثورة الحارة السابعة سوف اذكر لك معظم مشاهيرها ونبداء بالغناء سكن السابعة الفنان الكبير محمد الامين قبل ان ينتقل لبحري وسكن الفنان مجذوب اونسة والفنان عوض الكريم عبدالله ومن اهم الفرق التي لاقت شهرة وصيتا فريق الاخوة برابطة كرري وكان لي شرف اللعب فيه مع عمالقة اصبح لهم شان في عالم المستديرة علي سبيل المثال لا الحصر عاطف عطا - كاروشا - عادل دنقل انضموا لفريق ودنوباوي عماد الكنين - بكتاش - طلعت - ابكر انضموا لفريق الكوارتة الرابطة وكان هنالك لاعب يعتبر فلتة زمانه توفي في ريعان شبابه هو المرحوم عادل جني وهنالك الاداري الناجح يحي كورينا الذي ظل يواظب دن كلل في ادارة فريق الاخوة زهاء الثلاثون عاما وحتي يومنا هذا له التحية ومن مشاهير كرة القدم النجم الخلوق عاكف عطا واخوه عادل عطا والنجم بدرالدين تنقا الصغير ونجم الموردة احمد حامد ونجوم فريق الكلية وهو مسمي لفريق الدافوري في الحارة السابعة معتصم حسين واخوانه محمود لاعب التاج واحد افذاذ كرة القدم في زمانه وسامي وعصمت وامير وعلاء حسكو ومعاوية ود الجيش المدفعجي لاعب الموردة وهلال بورتسودان واخوه فيصل الباك النضيف والصادق مزيكا شقيقي الاكبر وهيثم الطيب شقيقي الاصغر حارس مرمي الرابطة ثم المريخ ثم الموردة والان يلعب مع فريق ابوعنجة وساهم معه في الصعود لدوري الاولي ومن ظرفاء الحارة السابعة الاخ قريب الله ابوصلعة وهو كذلك من اللاعبين الذي لعبو في الهلال وابوروف وقاد تدريب فريق ابوروف وكذلك كابتن ابوروف عثمان ود القوس اللاعب الخلوق ومن الظرفاء كذلك العم كردمان ولا ننسي العم اللاعب الكبير الكان بيطلع في الكفر محمود ودالزبير لاعب الموردة والفريق القومي وابنائه طارق وطلال وطرفة واكرم وجميعهم يجيدون الكرة سوف اعود لتكملة ماتبقي اذا اسعفتني الذاكرة متولي الطيب مالك

شكرا الاخ متوكل على هذا السرد الوافى والذى احتوى على عمالقة
يسكنون الثورة.وحقيقة الثورة لها طعم خاص
وسحر لايذول وان طال الزمن.
نترقب للمزيد من من التوثيق.

برضو نسيتو جكسا وبرعي احمدالبشيرالقانون
والفنان الكحلاوي وسامي المغربي وبكري
اشرف .
شكرا الاخ عمار ادم
مع انو المرحوم الكحلاوى رحمة اللة علية
جارنا فى الحارة الثامنة الا انو الزاكرة
اضحت خربة وايضا دكتور جكسا.
ومزيدا من الشخصيات ان جادت بها الزاكرة
اخى عمار.

ما تنسوا :
المرحوم اسماعيل خورشيد - العشرين
مبارك عشاالضيفان
من الاغنياء ايضا - الملياردير الفاتح عبودة


والليلة .....


الرومان

بالمناسبة عصابة الرومان حصل ليها شنو؟ والقصص البنسمعا حقيقة؟
اشرف

مصطفى النقر
ابو قطاطى
محمد احمد عوض
المرحوم اسماعيل خورشيد

Quote: شكرا مهاب على اول مداخلة والزقاق هو شارع النص اهم معبر وانا من سكان الثامنة يا حبذا لو كل واحد اذكر الحارة واظنك من السابعة بى المناسبة شقلبان هى اهم تقاطع فى الثورة وهو يربط السابعة والتامنة والتاسعة والعشرة كما توجد محطات الصلحابى.نسبة لعمنا السر الصلحابى والمهداوى وهى اخر محطة مواصلات الثورة بى النص. كم توجد بها محطات مشهورة مثل الانصارى,كبرى النص, السلالم.ماسورة على.ومحطة جاميسكا نسبة للميدان الشهير. ومحطة المواصلات, ومحطة مهاجر

تذكر اجزخانه نصري في الثامنه قبل نقلها للسوق ..تذكر مطعم برست المقابل للاجزخانه في السابعه ..

زقاق خاص ..
يامتوكل ماعرفتني .محب معاك .. اصحابك اولاد حاج بشري تمام في السابعه ..

من الزكريات الحزينه في الثامنه اذكر اعدام جارنا الضابط ,لاازكر اسمه ولكنه من ابناء ودراوة ووالده حاج فرج وله اخ صاحبنا كان حريف في الكره ولعب في اشبال المريخ "بكري " ..كان الضابط ضمن حركه رمضان ..ازكر تفاصيل زاك اليوم حيث منعت قوات الامن من اقامه صيوان في الشارع .. والله يرحم ابن الحاج فرج "sad face"

الأخ العزيز على : لقد أصابنى هذا البوست بالحنين القاتل لهذه المدينة الحنينة والتى ترعرعت و تربيت فى حارتها(الحارة الحادية عشر أو الحداشر) . من لعيبة الكرة من هذه الحارة الأخوان عطا أبوالقاسم لاعب المريخ السابق و خميس زكريا لاعب التحرير السابق و أعتقد بأن أحد لاعبى المريخ الحاليين من سكان هذه الحارة . كما يقطنها بعض أقطاب السياسة مثل العم مكى حامد قطب حزب الامة .
لك الشكر مجددآ على هذا البوست الرائع .

Quote: الأخ العزيز على : لقد أصابنى هذا البوست بالحنين القاتل لهذه المدينة الحنينة والتى ترعرعت و تربيت فى حارتها(الحارة الحادية عشر أو الحداشر) . من لعيبة الكرة من هذه الحارة الأخوان عطا أبوالقاسم لاعب المريخ السابق و خميس زكريا لاعب التحرير السابق و أعتقد بأن أحد لاعبى المريخ الحاليين من سكان هذه الحارة . كما يقطنها بعض أقطاب السياسة مثل العم مكى حامد قطب حزب الامة . لك الشكر مجددآ على هذا البوست الرائع

.

الاخ عبدالعظيم
شكرا على ثوثيق وايراد بعض الاسماء اللامعة فى
الحارة الحداشر بعض اصدقائى كانوا من الطلطتاشر ان صح
التعبير الدارجى ومن اهم ما يزيد من اشجانى سوق خليفة
وشاى المغرب فى السوق والذهاب لكافتريا سماسم وطلب خشاف
بارد بى بسبوسة بعد صحن الفول.

Quote: من الزكريات الحزينه في الثامنه اذكر اعدام جارنا الضابط ,لاازكر اسمه ولكنه من ابناء ودراوة ووالده حاج فرج وله اخ صاحبنا كان حريف في الكره ولعب في اشبال المريخ "بكري " ..كان الضابط ضمن حركه رمضان ..ازكر تفاصيل زاك اليوم حيث منعت قوات الامن من اقامه صيوان في الشارع .. والله يرحم ابن الحاج فرج "sad face

"

الاخ مهاب لا اعرف ان كنت اقصد الضابط الذى
اعدم من ضمن شهدا رمضان وهو يسكن الثامنة
قريب من ميدان الرابطة واذكر اخية بكرى
الصغير الاصغر للشهيد وكان يلقب بى بكرى
حمور وكانت فاجعة لاسرة الشهيد ولكل سكان
الحى الرحمة للفقيد ولكل شهدا حركة رمضان
المجيدة,

Quote: تذكر اجزخانه نصري في الثامنه قبل نقلها للسوق ..تذكر مطعم برست المقابل للاجزخانه في السابعه ..

الاخ مهاب انت بتجيب الحاجاتةدى من ويين
اجزخانة نصرى واجزخانة ابو نجلاء فى الحارة
الرابعة من اشهر الصيدليات فى شارع النص
وبروست نازك فى السابعة انسى بس حاجة
مبالغة,

Quote: مصطفى النقر ابو قطاطى محمد احمد عوض المرحوم اسماعيل خورشيد

مصطفى النقر من سكان شارع الوادى
وبتزكر تفاصيل شارعهم لانو كان الطريق
البنمشى بية بحر السرحة ايام الطفولة.

الراحل محمد احمد عوض كان يمتلك كافتريا
مشهورة فى الحارة السادسة ونزكر ابنة
عثمان هنا الذى كان يعزف على الدنب
وايضا الراحل عمنا المرحوم
ابو العازة الضاحك دوما رحمة اللة,

انتقل الكورس بعد وفاة الراحل محمد احمد
عوض للعمل مع الفنان ود ام بلينة
الذى كان يقلدة وهو من سكان العاشرة.
وقلد الراحل ايضا الفنان معتز من
سكان الثامنة.

Quote: ما تنسوا : المرحوم اسماعيل خورشيد - العشرين مبارك عشاالضيفان من الاغنياء ايضا - الملياردير الفاتح عبودة والليلة ..... الرومان

الاخ شلاقة خالص شكرا وعصابة الرومان جزء من تاريخ
الثورة الاسود تقطعت بهم السبل الان ومنهم من سافر
للخارج والمعلوم انهم شلة من الاصحاب روعت المواطنين
بى بنهب ممتلكاتهم وهم من سكان العاشرة والثامنة
والسرحةوبعضهم من خارج الثورة.

يا علي ياخ انت في التامنة وتنسى جكا معاكم في التامنة الا يذكروكم بيهو؟
........
بعدين عندكم في التامنة محطة الصلاحابي.. السر الصلاحابي
..........
والحارة التاسعة المقفولة على تجار الكوارته تكاد...
..........
الحقيقة ياعلي انت في التامن ة ما تقدر تفي بالتامنة كلها.. خليك من حارات الثورة كلها.. الحقيقة الثوررات أحلى من ام درمان ذاتها.. واحلى من اي احياء اخري لأسباب كثيرة يطول شرحها
..............
بعدين ياعلى زمنا كان باسطة الأولى وبلح الشام.. والرتاين وعربات الباسطة البي يكركروها آخر الليل.ز بعد ننوم نسمع صوتن كرررررررر راجعين بي عرباتن للأولى عشان يبيتوا بي سرايرن قدام مجمع دكاكين الأولى
.......
بقالة نون الغذائية وعلي الأمام.. البقالة الفلتة الكانت زمان
..........
بعدين نسيتو عوض الكريم عبدالله ساكن في الحداشر...
وعمر كوهين.. وبوتيكه الشهير في الحارة الرابعة فاتح على ظلط الشنقيطي..
وقهوة عمك الجعلي في سوق الرابعة الفيها الشاى المقنن
.............

ويسـكـنها خـالي الحكم الـدولي عثمـان أحمـد البشير والعـديـد مـن أهـلي..

وسـكنها أيضـا كـريم الأحـلاق المرحـوم أحمـد سـليمان ضـو البيت..

تحياتي علي الحـسـن...

مـني

Quote: ويسـكـنها خـالي الحكم الـدولي عثمـان أحمـد البشير والعـديـد مـن أهـلي.. وسـكنها أيضـا كـريم الأحـلاق المرحـوم أحمـد سـليمان ضـو البيت.. تحياتي علي الحـسـن... مـني

شكرا يامنى على التزكير
والحكم الدولى عثمنان احمد البشير مثل السودان
فى محافل دولية كثيرة لكن اول مرةاعرف انوالاستاذ
االراحل احمد سليمان كان ساكن الثورة,

كان كدة نضمك معانا وندعوكى لزيارة الثورة
سمك صير فى محطة المواصلات

يا علي ياخ انت في التامنة وتنسى جكا معاكم في التامنة الا يذكروكم بيهو؟
........
بعدين عندكم في التامنة محطة الصلاحابي.. السر الصلاحابي
..........
والحارة التاسعة المقفولة على تجار الكوارته تكاد...
..........
الحقيقة ياعلي انت في التامن ة ما تقدر تفي بالتامنة كلها.. خليك من حارات الثورة كلها.. الحقيقة الثوررات أحلى من ام درمان ذاتها.. واحلى من اي احياء اخري لأسباب كثيرة يطول شرحها
..............
بعدين ياعلى زمنا كان باسطة الأولى وبلح الشام.. والرتاين وعربات الباسطة البي يكركروها آخر الليل.ز بعد ننوم نسمع صوتن كرررررررر راجعين بي عرباتن للأولى عشان يبيتوا بي سرايرن قدام مجمع دكاكين الأولى
.......
بقالة نون الغذائية وعلي الأمام.. البقالة الفلتة الكانت زمان
..........
بعدين نسيتو عوض الكريم عبدالله ساكن في الحداشر...
وعمر كوهين.. وبوتيكه الشهير في الحارة الرابعة فاتح على ظلط الشنقيطي..
وقهوة عمك الجعلي في سوق الرابعة الفيها الشاى المقنن
.............

Quote: الاخ منصورى الكبر دخل والزاكرة ماشة تعبانة وبى المناسبة محطة الصلحابى زى ما زكرت نسبة لعمنا السر الصلحابى واولادة سامى واحمد وعربية الباستة كانت بتجى من الحارة السادسة من العصر عمك بجى شاقى الشارع البفصل التامنة والرياض وبوقف العربية فى ركن المحطة من جهة الثامنة خلف كشك الجرايد والمعروف ايضا انو الصلحابى كانت اخر محطة المواصلات ايام البرينسات قبل ما تتحول للمهداوى.

عمارة نون فى سارع الشنقيطى وفيها البقالة المشهورة
وايضا بقالة سفسفة فى شارع النص وبقالة 87 برضو فى شارع
النص .اما قهوة الجعلى فلا انسى ابدا الكراسى الحديد المطلية
بى اللون البنى وزحمة السوق والسينما فى الامسيات.

جلست حضور ومتابعة

تشكر يا حسام على
المتابعة والمشاركة

Quote: الاخ مهاب لا اعرف ان كنت اقصد الضابط الذى اعدم من ضمن شهدا رمضان وهو يسكن الثامنة قريب من ميدان الرابطة واذكر اخية بكرى الصغير الاصغر للشهيد وكان يلقب بى بكرى حمور وكانت فاجعة لاسرة الشهيد ولكل سكان الحى الرحمة للفقيد ولكل شهدا حركة رمضان المجيدة,

نعم بالضبط وانا كنت ساكن في نفس شارع بيتهم.. ناس بكري حمور , ناس صفر وفاتحين اللون .. تعرف اولاد العالم في الثامنه ? جيران عزيزين لينا..وواصل ياخ علي .. وانا محب مش مهاب

مهاب انت يا قاصد ناس العالم الساكنين فى شارع
مدرسة التامنة اولاد بعد دكان عصمت بتاع الايسكريكم
ناس التيمان ولا ناس تانين وزكرتنىعمك عبد اللة بتاع
النبق كان ببيع فى مدرسة الثامنة الابتدائية.
ماعارفو هسع كان قاعد ولا لا.

Quote: وعصابة الرومان جزء من تاريخ الثورة الاسود تقطعت بهم السبل الان ومنهم من سافر للخارج والمعلوم انهم شلة من الاصحاب روعت المواطنين بى بنهب ممتلكاتهم وهم من سكان العاشرة والثامنة والسرحةوبعضهم من خارج الثورة.

تحياتي للجميع .. دعوني ادخل من هذا المدخل الخطر ,.

عصابة الرومان مجموعة من شباب الثورات عددهم بين 12 الي 15 فرد
معظم افرادها من اولاد الاسر المشهوره والمعروفة ( احتفظ عن ذكر بعض الاسماء عن قصد )
اول تكوين للمجموعة كان في مكانين سينما الحارة الرابعة ورزيبة الحارة 12 ( مدينة
الفردوس حاليا وكان اثنين منهم اخوان .. وكان نشاطهم في الاول احداث المشاكل في الحفلات وتعاطي البنقو
والسيطرة علي بعض الاماكن ليلا .. كان التكوين الاول من 5 افراد فقط ازداد العدد بعد فترة وجيزة .. بعد دخول افراد معينين في المجموعة وكان اكثرهم يعمل في الشرطة او الجيش واحدهم في الشرطة العكسرية بعد دخول هؤلا الافراد الجدد ازداد نشاط المجموعة
واصبح معظمهم يمتلك ( موتر ) واثنين منهم يمتلكون( كارو )
توسع نشاطهم الاجرامي بعد ذلك وتوسعت رقعتهم الجغرافية اكثر واكثر في الثورات
واصبحو يمثلون خطر حقيقي علي الناس وكانوا يتقصدون الاولاد تحديدا وخصوا من كان يمتلك دراجة اوموتر .. اصبحو يسيطرون علي شارع شيكان ( قبل السفلته ) .. وعند منتصف الليل
يوقوفون السيارات ويستولو علي البنزين منها بالقوه ايام ازمات البنزين ..
بدأ سقوط هذه المجموعة بحادثين كبيرين الاول الاعتداء علي احد الاولاد في محطة الرومي
واغتصابة .. والتعرض لاحد الاولاد من الحارة العاشرة واخد ( موتره ) ومحاولة اغتصابه ..

جندت لهم مجموعة كاملة من افراد الامن الخاص بمايو ويقال ان الشاب صاحب الموتر الذي تعرضو له كان والده ضابط في الجيش ..
قام افراد الامن باعتقالهم واحد واحد حيث كانو معروفين بأسماهم وعناوينهم .. ويقال انه لم تتم محاكمتهم بل تم التنكيل بهم واغتصاب بعضهم امام الاخرين
وكانت الفكرة ( كسر عين ) حسب مفهوم الامن السابق ..
بعد ذلك هاجروا معظمهم خارج السودان 3 منهم هاجروا الي ليبيا و3 هاجروا الي العراق
والبعض الاخر بقي في السودان ولكن تركو السلوك الاجرامي علي الاقل في شكل مجموعات ..


.......

متابع البوست وبجيكم صادي عند الحاجة لمعلومات اكثر او اقدم حول بعض النقاط ..

لكم الود

Quote: تحياتي للجميع .. دعوني ادخل من هذا المدخل الخطر ,. عصابة الرومان مجموعة من شباب الثورات عددهم بين 12 الي 15 فرد معظم افرادها من اولاد الاسر المشهوره والمعروفة ( احتفظ عن ذكر بعض الاسماء عن قصد ) اول تكوين للمجموعة كان في مكانين سينما الحارة الرابعة ورزيبة الحارة 12 ( مدينة الفردوس حاليا وكان اثنين منهم اخوان .. وكان نشاطهم في الاول احداث المشاكل في الحفلات وتعاطي البنقو والسيطرة علي بعض الاماكن ليلا .. كان التكوين الاول من 5 افراد فقط ازداد العدد بعد فترة وجيزة .. بعد دخول افراد معينين في المجموعة وكان اكثرهم يعمل في الشرطة او الجيش واحدهم في الشرطة العكسرية بعد دخول هؤلا الافراد الجدد ازداد نشاط المجموعة واصبح معظمهم يمتلك ( موتر ) واثنين منهم يمتلكون( كارو ) توسع نشاطهم الاجرامي بعد ذلك وتوسعت رقعتهم الجغرافية اكثر واكثر في الثورات واصبحو يمثلون خطر حقيقي علي الناس وكانوا يتقصدون الاولاد تحديدا وخصوا من كان يمتلك دراجة اوموتر .. اصبحو يسيطرون علي شارع شيكان ( قبل السفلته ) .. وعند منتصف الليل يوقوفون السيارات ويستولو علي البنزين منها بالقوه ايام ازمات البنزين .. بدأ سقوط هذه المجموعة بحادثين كبيرين الاول الاعتداء علي احد الاولاد في محطة الرومي واغتصابة .. والتعرض لاحد الاولاد من الحارة العاشرة واخد ( موتره ) ومحاولة اغتصابه .. جندت لهم مجموعة كاملة من افراد الامن الخاص بمايو ويقال ان الشاب صاحب الموتر الذي تعرضو له كان والده ضابط في الجيش .. قام افراد الامن باعتقالهم واحد واحد حيث كانو معروفين بأسماهم وعناوينهم .. ويقال انه لم تتم محاكمتهم بل تم التنكيل بهم واغتصاب بعضهم امام الاخرين وكانت الفكرة ( كسر عين ) حسب مفهوم الامن السابق .. بعد ذلك هاجروا معظمهم خارج السودان 3 منهم هاجروا الي ليبيا و3 هاجروا الي العراق والبعض الاخر بقي في السودان ولكن تركو السلوك الاجرامي علي الاقل في شكل مجموعات .. ....... متابع البوست وبجيكم صادي عند الحاجة لمعلومات اكثر او اقدم حول بعض النقاط .. لكم الود

شكرا عمك تنقو على الثوثيق لعصابة الرومان ولم اكن اعرف
ان جزء منهم كانو فى الحارة الرابعة والمعروف ان اشهرهم
وهم اخوة فى الحارة العاشرة الصلحابى وعند عودتى للسودان صادفت
احدهم فى شارع شيكان وقد اخذ الشيب منة نصيبا.
وننتظر عودتك

Quote: سكان مدينة الثورة مزيج فريد من كل قبائل السودان وتاسست هذة المدينة بعد ان ضاقت بى اهل امدرمان القديمة من احياء بيت المال, وابروف ,المظاهر ,حى العمدة, المسالمة, الموردة, ودنباوى , وحى البوستة والاحياء القديمة الاخرى وتوسعوا شمالا فاصبحت الثورة امتداد طبيعى لمدينة امدرمان

يعتبر السكان الاوئل في المهدية والثورات حتي الحارة العاشرة
والتاسعة والاربعة عشر هم العوائل الثانية لسكان امدرمان القديمة
حيث توسعت عوائل امدرمان القديمة بعد التزاوج واصبحت الحيشان لا تسع
العوائل الجديدة .. وخصوا بعد تطور الحياة الي حد ما وتفكير الكثير
من العوائل في الاستقلال ببيت خاص بعد كان كانت طريقة الحيشان والعوائل
هي الظاهرة التي تميز امدرمان القديمة .

الطريف ان بعض سكان امدرمان القديمة قد رفض السكن ( ورا المقابر ) .
ياربي بكونو سمعو بي الحارة 80 اسة ؟؟

Quote: الطريف ان بعض سكان امدرمان القديمة قد رفض السكن ( ورا المقابر ) . ياربي بكونو سمعو بي الحارة 80 اسة ؟؟

لو اهلنا اشتروا فى الخلا دا كان ريحونا من الغربة
دى وصبحت المهدية والثورة فى قلب امدرمان الان

Quote: وكما زكرت انو مولد الثامنة كان اكبر تجمع للاحتفال بزكرىالمصطفى صلى اللة علية وسلم وكان شيخ الفحل واولادة بداومون على مدح المصطفى فى هذا المولد بصورة دائمة ويسكن جارة عم فواد اشهر بتاع كوارع لما يزيد عن عشرين سنة وعمك فواد عصبى متقلب المزاج فى شجار دائم مع شيخ الفحل بسبب النوبة مما دعا الى تدخل الشرطة وتقليل ايام الذكر التى تقام شبة يوميا

.

لا تنسي عمك عمر الشيخ ( رحمه الله )

وعمك فؤاد هو والد لاعب الموردة المعروف جمال فؤاد
وبعد عماد فؤاد وبعده محمد فؤاد ..

وعلي بعد شوارع منهم كان يسكن لاعب الموردة الدولي المعروف الصياد

Quote: مهاب انت يا قاصد ناس العالم الساكنين فى شارع مدرسة التامنة اولاد بعد دكان عصمت بتاع الايسكريكم ناس التيمان ولا ناس تانين وزكرتنىعمك عبد اللة بتاع النبق كان ببيع فى مدرسة الثامنة الابتدائية. ماعارفو هسع كان قاعد ولا لا.

نعم نعم ..اخ من ايسكريم عصمت ..تزكر حكم الرابطه الي ساكن في الناصيه ..من جيرانا برضه , عمك هاشم وابناء , حميد , ..ومعتز .وناديه

Quote: تزكر حكم الرابطه الي ساكن في الناصيه ..من جيرانا برضه , عمك هاشم وابناء , حميد , ..ومعتز .وناديه

طيب يا مهاب انت بتكون بتعرف ناس
نصر واشرف الناصية التانية من ناس عصمت

محطات لها وقع خاص ..محطات ثوريه ..

معهد مهاجر في ال13 ..المقرر كان هناك ساهل لوول ..

مطعم فؤاد تاني ..

الليق بالقرب من شارع المدارس ..

كليه التربيه شارع الوادي .. لن انسي انطلاق المظاهرات من الكليه ومنها لشارع المدارس ..

سوق السادسه ومحل عاصم لتنجيد كراسي السيارات " خالي الروح بالروح " بتعرفه ياعلي , كان صنايعي ماهر في صنعته ونجد معظم حافلات خط النص والوادي ..

محل عصمت ..

مستشفي النو .. حصل لي حادث وتمت اجراء عمليه صغيره في الراس في النو ..

محطه شقلبان ..كنت اركب الرقشه للرومي ومنها امشي ازور الجماعه في معهد مهاجر ,ومنها لبيت جدنا في عمق الحاره 13 ..
دورات رمضان الليليه في معظم الحارات المجاوره ..

افران في البال بين صف عيش وزحمه خبيز ..
فرن الثامنه ,والسابعه , ال 13 ..
والثوره عزاب

Quote: تنسي عمك عمر الشيخ ( رحمه الله ) وعمك فؤاد هو والد لاعب الموردة المعروف جمال فؤاد وبعد عماد فؤاد وبعده محمد فؤاد .. وعلي بعد شوارع منهم كان يسكن لاعب الموردة الدولي المعروف الصياد

لا حولة ولا قوة الا باللة جمال فواد انا من الصباح
بتزكر فى الاسم وبرتبط بى اسم جمال دوما فى زاكرتى
ناصر السر ود الجزاز لاعب الكورة ايضا.

Quote: الاخ النسر على المشاركة وداير اسالك من نادر الدرديرى هل هو اخو عصام الدين الدرديرى. وسوءال تانى ويين ناس محى الدين المهداوى وخالد روم وحسن يس والجماعة ديل خلو مرضة الكورة ولا لسع ودمت

نادر الدرديرى يسكن الحارة العاشرة جوار الجامع القديم وكان زمان بيلعب فى الاشبال ومازال يلعب الكورة وحريف خالص فريق حلتو فريق النضال وفريق الشباب فى العاشرة
وهو ما اخو عصام الدرديرى الحكم اسم على اسم واصحاب هم على فكرة برضو
محى الدين المهداوى وخالد روم وحسن
يس ليس لدى عنهم فكرة الان وعلى ما اظن انهم موجودين فى السعودية بس انا لى منهم فترة طويلة بفعل الاقامة فى مصر منذ فترة طويلة
ولك التحية بس انا ما عرفتك لية مش عارف ياريت نتواصل ونعرف بعض اكثر ياجميل لك المودة

الاخ النسر شكرا على المداخلة
اكيد بكون اتلاقينا انا ساكن
الثورة الثامنة قريب من ناس حسن
يس والبتزكرو انو حسن فتح صالون
حلاقة فى البيت واصبح نادى يجمع ناس
الكورة كلهم.
المهم بينا التواصل وانشاء تتوسع المعرفة
ودمت

Quote: طيب يا مهاب انت بتكون بتعرف ناس نصر واشرف الناصية التانية من ناس عصمت

بعرف نصر ومتوروا المشهور . لاازكر اشرف والزاكره لها ثقوب

لا يكتمل ذكر الروابط والكورة اذا لم تذكر دورة اسطوانه
في الحارة 12 ...

ولا تذكر عوائل الفنانين والمبدعين اذا لم نذكر عائلة شيخ الدين في الحارة 7


من الفنانين ايضا الفنان الهادي الصديق في الحارة 7 اذا لم تخني الذاكرة

وعائلة سيد عبدالعزيز في الحارة 13

والفنان الطيب عبدالله في الحارة 13 سابقا

Quote: شكرا يامنى على التزكير والحكم الدولى عثمنان احمد البشير مثل السودان فى محافل دولية كثيرة لكن اول مرةاعرف انوالاستاذ االراحل احمد سليمان كان ساكن الثورة, كان كدة نضمك معانا وندعوكى لزيارة الثورة سمك صير فى محطة المواصلات

أحمـد سـليمان رحمـه الله كـان نسـيب العمـدة خـالي علي تميم..
وكـان سـاكـن في نفس الشـارع...رحمـه الله

وقبلت عـزومـة سـمك الصـير..

مـني

رجعنالكم
ومن الممثلين اضافة الي الهادي صديق وال شيخ الدين بالحارة السابعة الممثل القدير ربيع طه والممثل والمخرج محمد عليش والممثل غدير مرغني ومحمد المهدي الفادني

شكرا يامتوكل ما كنت عارف ربيع
طة من الثورة وبى المناسبة اتزكرت
شخصية مهمة جدا الراحل عمنا عثمان
تور الجر وكان ساكن الثامنة

من الزكريات الحزينه في الثامنه اذكر اعدام جارنا الضابط ,لاازكر اسمه ولكنه من ابناء ودراوة ووالده حاج فرج وله اخ صاحبنا كان حريف في الكره ولعب في اشبال المريخ "بكري " ..كان الضابط ضمن حركه رمضان ..ازكر تفاصيل زاك اليوم حيث منعت قوات
الامن من اقامه صيوان في الشارع .. والله يرحم ابن الحاج فرج "sad face

الاخ محب تحية طيبة
حقيقة هي ذكري محزنة وهي اعدام الرائد الشهيد / تاج الدين ابن الحاج/ فتح الرحمن احمد عبدالرحيم وليس الحاج فرج او ساد فيس وعلي حسب ما فهمت فهو لقب والده في الحله . علي كل العم فتح فهو عمي ويصغر والدي وان كان لقب ساد فيس اضحكني جدا لمعرفتي ان ذاك الوجه الوصفتو بالحزين يخفي خلفه قلب كبير وانسان يجلب الفرح لكل من حواليهو وهو والد كل من رجال الاعمال ثابت القطب الهلالي الكبير وخالد صاحب لقب حموري لاعب الاحرار السابق والاقتصادي يوسف باسكتلندا وكبتن بكري حموري الصغير

Quote: سكنت في الثامنه, ولكن لدي اهل واحباب في السابعه .. كنت بشجع الاخوة من السابعه .ايضا شجعت الاحرار من السادسه حيث صعد للدرجه الاوله واظنه الفريق الوحيد من الثوره يحقق هذا .. ...احكي لينا وزكرنا بسوق الخامسه , رابطه الثوره وسط في الثامنه , وسينما الحاره الرابعه ..

سلامات
سلامات فريق المهدية صعد الى الدرجة الاولى في اوائل اثمانينيات حينها كان يلعب فيه الحريف الرشيد المهدية

لا اعلم متى صعد الاحرار الى الاولى ؟!



_________________

بكر حمري
او
ابوبكر فتح الرحمن

اخوه احد ضباط رمضان
ربنا يحرمه

بكري كان بلعب في اشبال المريخ وكان حريف جدا ، لكن حجمه قليل


_______________

السابعة فيها اولاد الظاهر

مهيلم لعب في الباسية
ومرتضي في اشبالا لمريخ ثم المريخ
صلاح قورو اشبال الهلال ثم هلال بورسودان


_____________________

السادسة فيها من لعيبة الكورة
عصام بلاتيني الهلال
المعز محجوب حارس الهلال الحالي
عيسى صباح الخير المريخ
واخوه خليفة صباح الخير اشبال المريخ
ومجموعة كبيره لعبت في اشبال الهلال والمريخ والفرق الاخرى

______________
الثامنه
بسطاوي الهلال
النجاشي واخوه ابراهيم حمزه اشبال المريخ ثم ابوسعد
بكري حموري
حافظ السوكي المورده

_________________
الرابعة
عادل امين المريخ
ايمن عيدابي الهلال
______________
الاولى
مرتضي الجنيد الهلال
ربيع ما متذكر اسم والده ( المريخ ) وشقيقه ابراهيم كذلك

_______________
الـ 13
حاتم محمد احمد المريخ
عبد السلام حميده المريخ
________________

العاشرة
الساده الهلال
حاليا يسكن بها اللاعب الفلته اسامه ادم ريحان سكسك
_____________
الثانية
الرشيد المهدية الهلال
محمد محمود فلاح المورده
وليد محمد المبارك اشبال المريخ
ايهاب فلاح اشبال الهلال
___________________

التاسعة
خالد حموري المريخ

_____________
الـ
اولاد سرجلي
الريح
حسن
امير
_____________
الـ 11
قلق المريخ ( ما متاكد الـ 11 ولا 23 )
اخوه كنو المورده
عماد كره المورده

يا محب لكن ما بالغت لكن
انا من امبارح بقول مهاب وانت
اسمك محب وكان اخونا محمد حيدر
كان حا اعلق للصباح

Quote: الثامنه بسطاوي الهلال النجاشي واخوه ابراهيم حمزه اشبال المريخ ثم ابوسعد بكري حموري حافظ السوكي المورده

شكرا يا بخاف انا عندى مشكلة
ذاكرة مع الناس القريبيين مننا
بكرى حمور كان فلتة الخلوق ابراهيم
حمزة والنجاشى اولاد حلتنا وكويس انك
اتزكرتهم.

بالله انت من هناك

ناس مرتضى فنجاطة
وعمر تنقا

تشرفنا

Quote: من رجال الاعمال ثابت القطب الهلالي الكبير وخالد صاحب لقب حموري لاعب الاحرار السابق والاقتصادي يوسف باسكتلندا وكبتن بكري حموري الصغير

شكرا يا محمد حيدر زكرتنى للمرة التانية قطب الهلال
احمد دولة وهو يسكن الحارة الثالثة

Quote: الاخ محب تحية طيبة حقيقة هي ذكري محزنة وهي اعدام الرائد الشهيد / تاج الدين ابن الحاج/ فتح الرحمن احمد عبدالرحيم وليس الحاج فرج او ساد فيس وعلي حسب ما فهمت فهو لقب والده في الحله . علي كل العم فتح فهو عمي ويصغر والدي وان كان لقب ساد فيس اضحكني جدا لمعرفتي ان ذاك الوجه الوصفتو بالحزين يخفي خلفه قلب كبير وانسان يجلب الفرح لكل من حواليهو وهو والد كل من رجال الاعمال ثابت القطب الهلالي الكبير وخالد صاحب لقب حموري لاعب الاحرار السابق والاقتصادي يوسف باسكتلندا وكبتن بكري حموري الصغير

الاخ محمد حيدر ..

جميل زكرتني باسم البطل المرحوم ..حقيقي لم يكن لدي اختلاط به وكان دوما المرحوم في حاله وانا كنت في مرحله سنيه اصغر .. لم اقصد ان حاج فتح زو وجة حزين , وانما وجهي انا تعبيرا عن حزني علي ابنه .. وفعلا حاج فتح كان راجل هميم رغم الصرامه التي تبدوا عليه , وجمع في بيته قطب هلالي , ورشاشه صغيره " قاصد بكري شبل المريخ " وتحياتي

Quote: يا محب لكن ما بالغت لكن انا من امبارح بقول مهاب وانت اسمك محب وكان اخونا محمد حيدر كان حا اعلق للصباح

الغريبه لكزتك فوق وماهببتوا لينا , قلت اخليك تعلق في مهاب .. تعرف جدتي قمر الجبلابيه , كانت رافضه اسم محب وكانت تناديني باشرف , الحكمه ايه ? الله يعلم .. ومابنحتلف ياابو علوه

Quote: نعم بالضبط وانا كنت ساكن في نفس شارع بيتهم.. ناس بكري حمور , ناس صفر وفاتحين اللون .. تعرف اولاد العالم في الثامنه ? جيران عزيزين لينا..وواصل ياخ علي .. وانا محب مش مهاب

Quote: بالله انت من هناك ناس مرتضى فنجاطة وعمر تنقا تشرفنا

يا بخاف لاحول ولا قوة الا باللة
مرتضى فنجاطة فى بقى هولندى خلاص
وبتعرف عمر تنقا جنو عربات بيجو
واللة ايام,

Quote: سلامات سلامات فريق المهدية صعد الى الدرجة الاولى في اوائل اثمانينيات حينها كان يلعب فيه الحريف الرشيد المهدية لا اعلم متى صعد الاحرار الى الاولى ؟!

بخاف .. كيفك .. الغريبه ماسمعت بصعود المهد الاحرار احتمال اكون غير دقيق , ولكن ازكر جيد كانوا دوما في سنترليق الصعود وفريقهم كان نار في فتره ..مشيت مع الوالد مباره ليهم في المريخ وفازوا علي امدوم دوري الصعود .. وتسلم

يا محب اى واللة لقيتا
يا دوب والخلانى ما اشوفها
اسم ناس العالم وطوالى رحت
كاتب انها ثقوب اخرى ثقوب
البصر

التامنه
المرحوم عثمان حميده تور الجر
على فكره حسن الترابى كان ساكن مدينه النيل جوار سيتى سنتر المهداوى

@@@@@@@@@@@@@@

@@@@@@@@@@

بالمناسبة عمك عبدالله بتاع النبق حي يرزق لحدي فترة قريبة ربنا يديهو طولة العمر
ولو بتذكروا في مدرسة التامنة استاذ عبود واستاذ الدرديري وباقي الكوارع بتاعت عمك فواد
والواد الشغال معاهو (جني) .
وفي شخصية في ميدان الطابونة في التامنة (ضلف) ورفيق دربه(عباس رشوان)
تحياتي
ابو الشوش

Quote: بالمناسبة عمك عبدالله بتاع النبق حي يرزق لحدي فترة قريبة ربنا يديهو طولة العمر ولو بتذكروا في مدرسة التامنة استاذ عبود واستاذ الدرديري وباقي الكوارع بتاعت عمك فواد والواد الشغال معاهو (جني) . وفي شخصية في ميدان الطابونة في التامنة (ضلف) ورفيق دربه(عباس رشوان) تحياتي ابو الشوش

يا عمار جيتنى فى جرح مدرسة التامنة برضو فيها كان المرحوم محمد المبارك والمدير سمساعة واستاذ حسن هلال وعمك سعيد الغفير وفاطمة
وضلف شخصية امهمة فى الحارة التامنة وشاعر مرهف الاحاسيس
بس ما متزكر اسم اخو الكان فى التلفزيون بقدم النشرة الاقتصادية ومشهور بى الكلمة شكرا جزيلا اظنو اسم محمد عباس سعد وما ننسى استاذ اسحق
والمرحوم استاذ عثمان الجمهورى وبجيك بى الباقى

الدكاترة

*** ابوعبيدة المجدزوب
*** عبد الباقى كرار
*** عمر محمود خالد
*** بلة الشريف - بلة ملاريا

بتاعين الفول:
فوال بسم الله
الدحلوب

اخرين - هيثم الحارة الاولى المفلكب
دى شلاقة منى ساكت والله

Quote: اخرين - هيثم الحارة الاولى المفلكب دى شلاقة منى ساكت والله

واللة صحى شلاقة منك ساكت

وزكرتنى بى اسمعيل المجذوب الاستاذة هانم فضل مقدمة
البرنامج المشهور فى التلفزيون ما عارف كان اسمو شنو

الحارة

11

* الشاعر

محجوب شريف

من الفترة 80 -83


* لاعب المريخ الدولى

عطاابو القاسم

* الفنان

عوض الكريم عبد الله

* مذيعة التلفزيون

ناهد مدثر

الشاعر

* بابكر الوسيلة

نتذكر ونجيكم راجعين وشكرا ياعلى الحسن دا بوست توثيقى هام حقو كل ناس يمسكوا حارتهم ويوثقوا للناس العادين الذين لفظت اغلبهم المدينة الام ليصنعوا مدينتهم على اجمل مايكون
ايضا هناك احداث عظيمة ارتبطت بالثورة والمهدية(لية ما المهدية والثورة) ورغم اختلاف الاجيال والهجرات الواسعة تظل فى وجدان الجميع... كيف ترونها؟؟
اعدام الشهيد محمود محمد طة
فيضانات 88
الانتخابات العامة

الخ الخ

والذكرى للحبان أجمل إشارة

تحياتى

الاخ عمر محمد ادريس
شكرا يا حبيب على المشاركة
والتوثيق للمدينة العملاقة المهدية والثورة
عشان ما تزعل ومزيدا من التوثيق

شكري وتقديري للأخ الأستاذ علي الحسن ولكل الاخوة المشاركين في هذااليوست التوثيقي الرائع للثورات بحاراتها الجميلة والبديعة و إني و إن كنت حديث عهد بها إلا أنني اذكر احتفالات المولد النبوي الشريف في الثامنة و أذكر عمي (الخليفة) محمد عثمان عباس , يرحمه)والدالأستاذ محمد الهادي محمد عثمان في البنك العقاري, الذي كان يسكن الحارة الثامنة حيث ان داره عامرة إلي اليوم و لا أنسي شيخنا الجليل المرحوم صديق أحمد حمدون (يرحمه الله) و شيخنا الجليل الفاتح محمد عثمان الزبير (أمد الله في عمره) وهو امام وخطيب المسجد في الثامنة و الأستاذ الغول أمد الله في عمره و الأستاذ زيادة محمد عثمان (أمد الله في عمره) وبحكم انني أسكن العشرين حاليا أذكر لكم أسواق الواحة في شارع الوادي و أذكر محطة جاميسكا و سوق حلايب ومدرسة الدوحة وأذكر صديقي العزيز لاعب المريخ السابق حاتم محمد أحمد في 13 .
وفقكم الله أخي علي الحسن و الأخ محب و أسال الله أن يجعل هذا التوثيق في ميزان حسناتكم يوم لا ينفع مال و لا بنون و أن يكون هذا البوست بداية حقيقية لنواة تعارف حقيقيي نحو تكوين رابطة حقيقية.
ولكم خالص تحياتي
أخوكم / احمد علاءالدين / الرياض

الاخ احمد علاء الدين
شكرا كثيرا على المشاركة وبعض الذين
ذكرتهم لم اكن اعرف انهم من الثورة
كا الشيخ المرحوم صديق احمد حمدون
اما عن سوق الواحة ولفة العشرين
وميدان جامسكا فنتمنى ان تكتب عنها
لانها لم تنال حقها من التوثيق
وننتظر عودتك

الثورة اكثر مناطق العاصمة القومية تنظيماً واجملها تخطيطاً وتكاد جميع حاراتها القديمة تكون متشابهة ففي كل حارة تحس بأنك في حارتك فتجد الميدان الكبير جواره فرن وجامع وتجد اما كل مربوعين تلاتة ميدان تهوية والشوارع واسعة داخل الاحياء ...
مجتمع الثورة متشابه جداً ففي الافراح والاتراح في جميع الحارات تجد نفس العادات والتقاليد ..
الثورة من اكثر المناطق حباً وعشقاً لكرة القدم ودوماً ما تجد التنافس العنيف بين الحارات يصل لحد المشادات والمشاكل اثناء المباراة ..
تجولت في جميع ميادين الحارات خصوصاً عندما نلعب مع اولاد الحارة الرابعة تلك الحارة الفريدة رغماً عن انني من سكان الحارة 14 !!!
اولاد الرابعة حرفا شديد وبتاعين قزقزة في اللعب ..
اولاد السابعة عنيفين شديد وشلاليتهم في السما ..
اولاد الحراة 13 بتاعين مشاكل وماف حفلة بيخلوهو تتم ..
اولاد الحارة 11 حلوين وناس ونسات ..
اولاد الحارة 14 ناس مزاجيين وجنهم ترطيب تحت الشجر واخر ونسات وناس حارة وشدائد ..
الحارة بها شارع المليون بليد كما كنا نسميه وهو شارع المدارس وماف زول ساكن الثورة ما جكس في شارع المدارس بعد البيوت ..
وماف زول ساكن الثورة ما اكل بوش ابو الجكس وفول الفحل ..
وماف زول ساكن الثورة ما ضرب الخشاف في سوق الرابعة ..
وماف زول ساكن الثورة ما بيجي يحضر دورة اسطوانة الرمضانية ..
الثورة كما ذكر الاخوان تجمع للابداع فكل ممثلي فرقة الاصدقاء من الثورة ..
ومعظم لاعبي كرة القدم منها ..
نعم ال كاريكا منها ..
الجقر يسكن الثورة ..
عبد السلام حميدة يسكن الثورة ..
عاكف عطا يسكن الثورة ..
انس النور يسكن الثورة ..
ومن من الثورة لم يطرب للراحل الخال كما يحلو لنا تسميته محمد احمد عوض ..
ومن منا لم يترنم مع الراحل الكحلاوي ..
اشهر محطات شارع الشنقيطي شارع المدارس - كبري النص - المواسير - الرومي - حميدان - واخر محطة ..
انوه ان التقانة ليست معلم من معالم الثورة فهي جديدة تاريخياً ولا ملامح لها حتى نميزها كمعلم من معالم الثورة العريقة ويبقى شارع المدارس هو الاعرق ..

thank you all
I will be right back

ياحليل بوش ابو الجكس
اشرف

Quote: ياحليل بوش ابو الجكس اشرف

يا عمار انا اول مرة اجرب
شطة مخمرة كانت عند ابو الجكس
ماعارفو كان بخت فيها شنو

الاخ تروتسكى
منتظرين مشاركتك

الاخ عمر الفاروق
التقانة ليس معلم تاريخى كما ذكرت ولكن
هناك من لا يعرف عن الثورة شيئا ولان التقانة
اكثر المعالم شهرة وهى صرح اكاديمى تساعد على
تحديد الموقع الجغرافى للذين يصعب ان تبداء
حديثك معهم عن الثورة بزكر شارع المدارس مثلا.

يا بخاف ..
طلعت زول كفر ما شاء الله وناقش اللعيبة الفي الحارات كلهم فيا قريبك معناها انت من النوع الكان بيأجر الحافلة ويلم شباب الحلة ويمشوا يعملوا كورة مع ناس الحارات التانية ..
اولاد الظاهر ناس السابعة ناس لعابين لكن بتاعين مشاكل ويا ويلوا الحكم لو غلط عليهم ماشاء الله ناس اجسامهم حلوة شديد ..

ال الجنيد لعب كمان اخوهم سراج في اشبال الهلال وبعدها بري على ما عتقد ..

في الرابعة كان في مدافع لعاب اسمو كبري لعب في اشبال الهلال والهلال الكبير بس ما واصل..
في ال21 لعب محمد طه واللاعب برللي (اشبال الهلال والهلال )
التاسعة كان فيها لاعب الزهرة الفنان شاخورة واللاعب المهاجر طمبل (ليس لاعب الهلال)
اولاد سرجلي (كاريكا) هم من سكان الحارة 12 ..
كنو وقلق حتى عهد قريب كانوا في الحارة 11( وطبعاً حامد بريمة خالهم) ..
عبد الباقي الطاهر سكن الثورة الحارة التاسعة ..
ابشر النويري حارس الهلال سكن الثورة الحارة 14 وكذلك اخوهو لاعب فريق اشبال الهلال والهلال من بعد محمد النويري الشهير بي شعيرية ..
معز محجوب اخر عهدي به انه يسكن امبدة وليس الثورة على حد علمي..

الاخوة المتداخلون قبل الرد على المداخلات ابى الاخ محمد عادل من القاهرة
ان يشاركنا هذا التوثيق فقد وجدت منة 6 ايملات متكررة وهو ان دل فانما
يدل على حرصة على المشاركة واعتزر لة انى لم ارى الايميل الا الان وقمت بنشرة فوراز


شكرا لك اخى ورقم حداثة سنة فانة عبر عن عميق حبة لهذة المدينة ولكم الايميل

Quote: "mohamed ibn abdilah adil" <@hotmail.com> Add to Address Book Add Mobile Alert To: [email protected] Date: Mon, 17 Jul 2006 00:27:41 +0000 الاخ الحبيب على تحية مباركة قراءت بوستك عن الثورة لى امتى ارجع لى امدر واعود بالثورة ويالثورة وناس الثورة الناس الطيبن الناس الحلوين الجميلين الثورة الحارة الرابعة عمارة عوض ابراهيم النور وعمنا الترزى الكنا بنخيط بعض مرات عندو الجلايب والخامسة الفيها حسة كافتريا هافانا اسكت بس مسكت شارع النص كلو وعمارة ناس عشا الضيفان ماننساه اما السادسة سوق السادسة الزمان كنا نحنى شفع صغار بنصلح فيهو العجلات مابنسى فريق الاحرار ابدا وماتنسى التانية ياعلى فيها ادارة الشئون التعليمية وفيها نادى المهدية وفيها مدرسة البلك بنات وماتنسى الثامنة والرياض الثورة وانا من سكان الرياض الثورة ماتنسى ناس الفريق مهدى بابو نمر وحسين شندى الفنان وناس جلال الدقير وناس القوصى وناس الاستاذ عبدالقادر وماتنسى مدرسة الرياض الثورة دى بالزقاق البودى لمحطة الصلاحبى وجامع انصار السنة وجامع السلام والتامنة بضم تعويضات بيت المال وماتنسى العاشرة ومحطة شيكان وشايفك نسيت السابعة بى ورة فيه محل سماسم سماسم بتاع الخشاف والبسيمة جمب محطة الرومى وفيها حسه السابعة اجمل شوارع وناساستاذنا شيخ الدين جبريل والد عمنا هشام يازول يازول والفنانة تماضر شيخ الدين والحداد خالد الفيل اكبر حداد بتاع ابواب فى سوق الخامسة وشايفك نسيت زرايب الخامسة وسوق الخامسة والبوستة الفى الخامسة والخامسة فيها الفنان ايمن دقلة والفنان معتز صباحى والله انا بذكر كويس رغم انو عمرى21سنة لكن بذكر شوارع الثورة كويس وناس الثورة الحلوين الطيبين ماتنسى محلات التلج الفى شارع النص وماتنسى بنك الادخار والبنك الاهلى وماتنسى برضو مكتبة النور اكبر بتاع جرائد فى الرابعة من زمان جمب مكتبة كررى العامة وماتنسى التاسعة فيها ياسين عمر الامام ودكتور المفتى وناس اميرة ابوطويلة وماتنسى الشيخ حسن ابوسبيب فى العشرين وماتنسى جامع عثمان الزبير الفى العاشرة وسوداتل برضو وماتنسى اجزخانة وادى النيل الفى شارع الوادى وماتنسى ناس ابرسى وعبدالله ودالقبائل الفى التالتة ومسجد الختمية الفى الاولى ماتنسى ملعب الرياض الثورة والله اقول ليك كلمة ذكرتنى بيتنا وشارع بيتنا الفى شارع الظلط الجديد شارع الخور الفاصل بين التامنة والسادسة والخامسة ويمشى لحدى امبدة بورى مرور ا بالرابعة والسابعة و12 حليل ايام الثورة وناس الثورة وشباب الثورة الحلوين وبنات الثورة السمحات ذكرتنى بشارع المدارس زمان كنا بندك المدرسة وقت الفطور فى شارع المدارس كنت بدرس فى المجلس الافريقى كنا نمشى ناكل البوش عند عمك على اكبر بتاع بوش فى الاولى وفى شارع المدارس على الجندى ياخى حليل ايام الصباة محمد عادل القاهرة

تم حذف ايميل الاخ محمد عادل لعدم ذكرة للعرض او
الحذف

سا اعود للرد على الاخوة الافاضل
قريبا

بسم الله الرحمن الرحيم

العم الصول باجورى السوارى الظريف عم صديق الموج

والحارة 13 سيف غندور الاعلامى البارز وكابتن زيدان لا عب المريخ السابق

ويحى شريف المسرحى وبوسف السمانى الثنائى الوطنى وفمر ريحان

التاسعة الصول نصر ملك الأراضى والرومى عادل ماريا ود دنكا وعبده اليمانى

شقليان نصر الدين شهرة ومحطة حميدان حسن كديس انا السودان انا الدر اليشيل اهلى

اناالسودان ياولدى

اخي علي الحسن ود التامنة
كيف ننسي احد اعلام الحارة التامنة الحكم والمشجع والاداري الاخ يونس الذي لا تخلو دورة رياضية منه وشهرته لا تقل عن اسطوانة

ياابناء الثوره ...

هل هنالك مكتب بوست في الثوره ?

علي مااظن هنالك فرع بنك وحيد في شارع النص) بنك البركه( ,هل هنالك بنوك اخري علي الوادي والشنقيطي ?

وازكركم بالفنان المرحوم , محمد احمد عوض من السادسه .. الجزار المبدع ..

Quote: ياابناء الثوره ... هل هنالك مكتب بوست في الثوره ? علي مااظن هنالك فرع بنك وحيد في شارع النص) بنك البركه( ,هل هنالك بنوك اخري علي الوادي والشنقيطي ?

الاخ محب هناك مكتب بوستة فى الحارة الخامسة
اما البنوك فهناك البنك الاهلى وقد
تم نهبهة نهارا فى حادثة مشهورة وهو البنك
الاهلى ايضا يوجد بنك الادخار فى شارع النص
وبنك فى جامعة امدرمان الاسلامية مقابل
لى مكتب الكهرباء شارع النص

Quote: اخي علي الحسن ود التامنة كيف ننسي احد اعلام الحارة التامنة الحكم والمشجع والاداري الاخ يونس الذي لا تخلو دورة رياضية منه وشهرته لا تقل عن اسطوانة

انتا عارف يا متوكل انا عندى مشكلة ذاكرة مع
الحارة التامنة لانى بحاول اتزكر الحارات التانية
الشخصيات المرت على عشان كدة بنسى القريبين
شكرا على التزكير وكدى انكت شخصية تانية

الاخ ادم الهلباوى
شكرا على المشاركة والتوثيق
هنالك كثير من الشخصيات التى
سكنت الثورة اتمنى ان تسعفنا
الزاكرة لذكرهم.
ننتظر منك المزيد

انت يا عمر الفاروق
كدى وثق لينا ناس مدرسة
وعمك الباشا وكلبو الكان
عندو ابو الشهيق داك واستاذ
موسى العوض واستاذ عبد الفتاح
واستاذ جعفر والاستاذ القدير
احمد امين وغيرهم

اولاد شيخ الدين كلهم الكتار ديك ( ربنا يحفظهم )

المقداد
تماضر
الوافر
رشا
...
.
.
.

الثورة الحارة السابعة


بهنس الشاع والتشكيلي اهديك الفوضى
الثورة الحارة الخامسة
______________________
يا عمر الفاروق
سراج الجنيد لعب في بري
معاه
البعيو
والسنجك والاتنين ساكنين التاسعة

كمان الخامسة فيها
منعم الزبير اشبال المربخ
عبد العظيم كروم اشبال المريخ

بجيك راجع بي رواقه

المهدية
الثورة
سوق الرابعة
شقلبان
ماسورة علي
سينما الثورة الحارة الرابعة
حلقة الجمهوريين امام مستشفي البلك
موقف التكاسي الموسكوفيتش
قهوة الجعلي
كوارع ود فؤاد
منزل الاستاذ محمود محمد طه في الحارة الاولي
مسجد ابوزيد الحارة الاولي
منزل ياسين عمر الامام الحارة الاولي
منزل الاستاذ عبدالمنعم سلمان عضو اللجنة المركزية للحزب الشيوعي الحارة التاسعة
الاستاذ محجوب شريف الحارة السابعة سابقا الحارة واحد وعشرين حاليا
الطيب سيخة مرزوق
آل شيخ الدين الحارة السابعة
أبرسي الحارة الاولي
دكان شقليني بتاع الفول الحارة التاسعة فاتح علي السابعة
بت المك (الحارة السابعة)
طه كابوس الحارة السابعة
دكتور عادل شاشاتي الحارة الخامسة
مسجد الختمية الحارة التاسعة
عادل المشهور بعرقلة الحارة الرابعة
سوق خليفة الحارة 17
خور شمبات ( الخور) نهاية الحارة التاسعة
مسجد البلك
مدرسة البلك بنات
حرق كنيسة بالعشوائي مقابل العشرين
ولي عودة
انها خليط من كل شيئ
وهي أجمل مافي مدينة امدرمان

Quote: انها خليط من كل شيئ وهي أجمل مافي مدينة امدرمان

شكرا يا ابو خالد على المشاركة
ننتظر مزيدا من التوثيق

الحاره السابعه ناس تماضر وأبوها الأستاذ الفنان شيخ الدين وعفاف الموسيقار ورشا والمغداد وجميعهم بالثوره الخامسه كان عليه الرحمهأحمد سليمان ضؤالبيت فى الأولى الجنيد وأولاد الجنيد وفرقة الجو الرطب إنطلقت من التامنه والعاشره وكان بها الدكتور أبوعبيده المجذوب الحاره الثانيه وعلى الشيخ الخامسه وعادل شاشاتى الرابعه ومحى الدين الطيب الأولى وكان بها الأستاذ محمود محمد طه الحار الأولى والدكتور ياسر الشريف السابعه وسكن بها أدم يعقب شمال كلية التربيه والموسيقار المنصورى والسر المصباح لاعب المورده وسكن بالحاره 11 دكتور عبدالله الشكرى أستاذ الفلسفه بالإسلاميه والدكتور عوض إبراهيم البيلى أستاذ الجيوليا بالعاشره وسكن بالامسه آل الجزولى عبدالمنعم وكمال وسكن بها الشعراء التجانى سعيد الثالثه ومحمد نجيب محمد على الثامنه ومحجوب شريف سكن بها الحاره التاسعه المرحوم مبارك قسم الله وزير السلام بها سكن ود مرحوم الملاكم العالمى وكذلك دكتور مدثر الرياضى الرابعه سكن بها محمد مرجان الشاعر والملك النعمان ملك التشجيع وكان بها بعض الشفوت هداهم الله كالطيب عرقله وابوعشرين.................



منصور

بالمناسبه ياعلى الحسن متولى مالك دا من احرف السيردبكات فى الثوره ولعب فى فريق الأخوه مع عادل جنى الله يرحمه وابكر ومحمد لفت وصديقى عماد الشيخ..وفى البورد دا برضو فى (جضيم وره من الدرجه الأولى ومن أحرف اللاعبين المرو على الثوره كابتنى بكتاش ناصر)
نجم الدوره المدرسية فى الوفاق الوسطى ومحمد حسين ونجوم التاسعه وبيت المال لاحقاً كما ولاأنسى حارس المرمى غريب الأطوار شقيقى عادل القسيس..أصعب الكرات كان يستطيع صدها وأسهلها تمر الى المرمى وكان يرعب المهاجمين بصراخه وتهديداته... بكسرك..بلجنك..لوجيت
وفى أحد المباريات أعتقدت بان علاقة الأشقاء قد تحول بينى وبين أن..يقوم بحركة خشنه ففصلت ركبتى..على العموم لم أكن لاعب حريف..لكن أهو

منصور المفتاح حلة ناس تماضر أسمها الباطنية وتبارك شقيقها من مشاهيرها قلبو حار ويشاكل ضلو..ومن مشاهيرها خفيف الدم عاطف الجثه..و(النعير) وسعيد النوباوى صديقى المهذب والمرحوم الجميل صديقنا عادل وليم أبتناغو من أهلنا الأقباط المقيمين بالحاره

أبو خالد..مازال بلشرى بشبش يبيع الكوارع وشقيق باشرى المرحوم حسين كان يغنى ويعزف العود وفى بداية السبعينات كان يغنى أغانى من تأليف وألحانه عن الثوره وبناتها
منها
السابعه فيها البلديةلكن ناقصه الردمية

وكان عندو حبيبه فى الحاره طلطاشر غنى لها

ياعجلتى الحبيبه
الطلطاشر قريبه........وكان لديه عجلة رالى
وسكن جوار باشرى الفنان الشهير المرحوم التجانى مختار وكان بيته فى الأمسيات يمتلى بالشعراء والفنانين أحمد زاهر وعبد الماجد خليفة والمرحوم عوض جبريل وكثيرين
غنوا لباشرى
فول باشرى العديتو عد
السلطه روب والزيت فهد
ومن حكايات أصدقاء المرحوم التجانى مختار أنهم خرجوا يوما من قعده كاربه فى ليلة شتوية بارده ووجدوا عربة أحدهم (لستكا نازل) فطلبوا من فنان راحل مشهور أن يحضر دقار للعربية حتى يتم تبديل أطارها وكان لباشرى كلبة سوداء هزيلة تنام قرب العمود فظن صاحبنا بأن الكلبة( حجر) فعضته فى صدره..

أيام..أيام رحم الله التجانى مختار والدنا الجميل رجل الطرفه والجناب الحسن

بسم الله الرحمن الرحيم

أخى الاستاذ/ على الحسن

اثرت موضوع فى غاية الاهمية

الثورة عبارة عن سودان مصغر هى نفس أم درمان القديمه

الجاى من بيت المال والموردة وبانت والعباسية وحى العمدة

اذا اخى لماذا لا تتم جميلك وتكون كيان باسم الثورة وحاراتها

انظر الى هذا الكم الهائل الذى اثرى هذه البوست اوليسوا بقادرين

ان يقدموا لهذا المكان نوع من الرتوش ؟ مجرد فكرة عابرة ولكم فائف الاحترام

سا اعود للتعليق
شكرا للمتداخلين

Quote: بسم الله الرحمن الرحيم أخى الاستاذ/ على الحسن اثرت موضوع فى غاية الاهمية الثورة عبارة عن سودان مصغر هى نفس أم درمان القديمه الجاى من بيت المال والموردة وبانت والعباسية وحى العمدة اذا اخى لماذا لا تتم جميلك وتكون كيان باسم الثورة وحاراتها انظر الى هذا الكم الهائل الذى اثرى هذه البوست اوليسوا بقادرين ان يقدموا لهذا المكان نوع من الرتوش ؟ مجرد فكرة عابرة ولكم فائف الاحترام

الاخ ادم الهلباوى
شكرا لك وانت تحاول جمع الشمل فى كيان يحمل اسم الثورة
الموضوع فكرتة جميلة اتمنى ان نجد اقتراحات حولة
من الاخوة المشاركين واتمنى ان تعطينا مزيدا من الاقتراحات

نتمنى منك مزيدا من التفاصيل
حول هذا الموضوع

يا حاتم الياس
ويين انت ما باين صحبك الناشط قرب
اصل بلد اليانكى ومنتظرين نشوف جديدو شنو

شكرا للمشاركة

الاخ منصور المفتاح

شكرا لك وانت توثق لهذة المدينة
نتمنى ان يشمل توثيقنا كل العمالقة الذين سنكنو
وسكنت فى قلوبهم هذة المدينة الجميلة

وصلنى ايميل اخر من الاخ عمر سابل من سكان الثورة
الذى احب ان يشارك معنا فى هذا البوست التوثيقى
شكرا لك اخى عمر وننتظر منك مزيدا من المشاركات



From: "omer sabil" <> Add to Address Book Add Mobile Alert

Quote: Yahoo! DomainKeys has confirmed that this message was sent by yahoo.com. Learn more Subject: الثورات To: [email protected] الاخ العزيز عاى تحياتى انا عمر سابل من قاطنى المدينة الساحرة امدرمان او قل الثورات عند اطلاعى على البوست الخاص بهذه الرايعة ان اشارك بما تسعفنى به الزاكرة حيث ليس لي عضوية بالمنبر تاهلنى المشاركة لزا استعنت البريد الخاص بك ارجو المعزرة. ابدا بالحارة الرابعة اللتى ولدت ونشاءت بها 1. بالاضافة الى الشخصيات التي ذكرها الاخوة دكان الحالة صعبة / دكان ميرغني بسوق الرابعة/ طابونة اسيل/ دكان حسين اليماني بسوق الرابعة/ دكان عبدالرازق/ ثم المشاهير ياسر قرموط/ محمد البعيو/ حلوبي/ جلوبي/ ديك العرب/ كوهين/ الترابي/ فسيخة/ بامبية/ ابعشرين/ ابوالشباب/ طايوقة/ هبار/ ابستة/ وكثيرين ومنهم عيسي الحلاق. ومن معالم الحارة المحكمة والسينما ومستشفي البلك وفريق الهدف الرياضي الجزء الجنوبي الغربي ومحطة كبري النص/ دكان اسامة ود الزينة/ دكان جون ويك الترزي/ نادي المهدية سابقا/ اولاد علي دينار/ ثم الحارة 13 حيث اسكن الان دكان عبدالرحمن الشايقي/ عمر فووور/ عصام تك/ بشري ابوحديد/ ابستة/ دبروسة/ عوض جلد/ حكش/ حلة الغابة/ الباطنية/ كشة/ ابوكراع/ كردي/العوام/ مكي مجاج/ محطة حميدان/ الرومي/ حسن منسا/ حسن العبد/ احمد بورسودان الفنان/ اولاد الصول/ اولاد البيلي/ محمود سراج ابوقبورة الممثل/ عصام تيسو الاعب الفنان/ فريق الالمبي/ فريق النجمة/ ويتبع انشاء الله. عمر سابل

ايميل اخر من الاخت خالدة مشكورة على مدنا
بكثير من المعلومات حول الثورة لم اكن اعرفها
واتنمنى ان تواصل معنا بمزيد من المعلومات

Quote: From: "khalda eldow" <> Add to Address Book Add Mobile Alert To: [email protected] Subject: الثوره المهديه Date: Thu, 20 Jul 2006 07:27:57 +0000 بالاشاره للبوست المفتوح علي موقع سودانبز اون لاين بالعنوان اعلاه اود ان اضيف مايلي: الحاره التانية ونبدا من شارع الخور المطل علي ميدان الليق او شارع رقم صفر بدايته معهد المهدية من معاهد الالة الكاتبة في امدرمان وانته ماشي اولاد خضر محمود درمة واخوه الحانوتي وسكن بنفس الشارع سانتو لاعب المريخ وقدام طوالي ال المرحوم محمود فلاح وتعدي الشارع تلقي منزل الحكم عمر حمزه واخوه محمد وادي لاعب فريق الرابطه وجواره مباشرة منزل عمك علي محجوب الاذان –بالمناسبه عمي علي باذن في التانية وبتسمع لي الحاره السادسه-وايضاً الكاتب صلاح حبيب ومنزل لاعب الهلال السابق رشيد المهديه وتمشي طوالي تلقي بيت المساعد الطبي بشري محمد احمد-بشري الطهار اشهر طهار بالمهديه وماننسي جاره حسن سخانه الحكم ربنا يديه العافيه ومقابلو طوالي صلاح شعر مشجع الهلال المشهورونمشي قدام معلم بارز في الحي جزر قسم الله وفاتح عليهو طوالي عمك عثمان بتاع الخيم وناس عرمان بتاع حلاوة المولد وفي بداية شارع اتنين تلقي منزل الدكتور عادل شاشاتي اخو دكتوره عادله الله يرحمه وتتقدم في ا! لشارع تلقي ال عوض اشول العسكري السابق وكمان حاجه قبيله ست الفول والقنقليزوتخرم تلقي ال المطبعجي وحسين السمسار والشوتلي الماذون ماذون عموم الثوره والمهديه وجواره منزل المرحوم القطب الهلالي عثمان حسين الصبي والد ناصر صاحب معهد الصبي للكمبيوتر بعمارة اللجان الثورية بالحاره الخامسة وال شندقاوي التجار بسوق امدرمان والاستاذه عمائم ادم وكيلة مدرسة البلك الثانوية والمحاضرة بكلية الاحفاد الجامعيه والحكم الدولي عباس جميل واهم شخصية في شارع اربعه بت المني مرة مساعد الدايه القانونيه وماننسي عيادة دكتور انور اخصائي النساء والتوليد ربنا يرحمه ويغفر ليه ومدرسة البلك وزريبة عمك ابراهيم ومسجد البلك وصيدلية المهدية العتيقه والسناهير ناس محمد مجذوبب والجقر وسوق الحاره التانيه ودكان الساحه وبوتيك فاروق ودار الشيخ السوري وال الغبشاوي وماننسي عمنا الجعلي رحمه الله سيد الحيشان التلاته وصاحب قهوة الجعلي الشهيره بالحاره الرابعه –كمان حلة الحريقه وراء وناس حلة مروي ناس حسن عبدالله للانتاج الفني وعم ميتو صاحب الباصات ومصطفي دفار ودا اسال منو بنات مدرسة الفنية وفي التانيه نادي المهديه واحمد اكش صاحب! الكرور المقيم جوار النادي ومكتب التعليم واشهر نساء الحي عزيزه الحن انه وياتراجي كان ماحاجزه ماتجي تحرجي روحك ساي عارفه اهلك ناس حمدنا الله بيتهم قريب ليها والفارس الذي ترجل باكراً مالك رحمه الله. مع تحياتي khalda _________________________________________________ عبّر عن نفسك كما لم تفعل من قبل... فقط مع منتديات مكتوب http://www.maktoob.com/forum[/QUOTE]

---

Post: #109 Title: Re: امدرمان الثورة والمهدية زكريات بين الازقة Author: ali elhassan Date: 07-20-2006, 12:47 PM Parent: #107 لمزيدا من التوثيق

---

Post: #108 Title: Re: امدرمان الثورة والمهدية زكريات بين الازقة Author: zozo Date: 07-20-2006, 12:47 PM Parent: #103 كانت لنا أيام أنا من سكان الحارة الخامسة كوبري النص جنب نقطة البوليس ذكرتم كل مبدعي المدينة الخالدة ونسيتوا الفنان عازف الاورغ الشهير بدرالدين عجاج الحارة الرابعة

---

Post: #110 Title: Re: امدرمان الثورة والمهدية زكريات بين الازقة Author: ali elhassan Date: 07-20-2006, 03:50 PM Parent: #108 Quote: كانت لنا أيام أنا من سكان الحارة الخامسة كوبري النص جنب نقطة البوليس ذكرتم كل مبدعي المدينة الخالدة ونسيتوا الفنان عازف الاورغ الشهير بدرالدين عجاج الحارة الرابعة الاخ زوزو شكرا على الاضافة وحقيقة نتمنى ما ننسى اى من اعلام مدينة الثورة والموضوع يتتطلب عصر للذاكرة رغم ان اغلب المشاركين ربما يكونو غادرو الثورة منذ زمن طويل لذا يدكم معانا كلما جادت الزاكرة باحد هولاء العمالقة وشكرا

---

Post: #111 Title: Re: امدرمان الثورة والمهدية زكريات بين الازقة Author: ali elhassan Date: 07-21-2006, 05:30 PM Parent: #110 .

---

Post: #112 Title: Re: امدرمان الثورة والمهدية زكريات بين الازقة Author: ali elhassan Date: 07-21-2006, 06:00 PM Parent: #111 وصلنى ايميل من الاخ عبد الرحمن الاصم مقيم فى الامارات منذ فترة طويلة ورغم طول الفترة بعيدا عن الثورة الا انة ما زال يحمل فى زكرياتة الكثير عن الثورة.. فلة جزيل الشكر على المشاركة... Quote: السلام عليك عجبنى موضوعك عن الثوره انا من اولاد الثوره الحاره الثامنه محطة شقلبان انا ساكن جنب الفاتح الصباغ فى نفس الشارع جار مرغنى طياره بتاع عصابة الرومان من جهة اليمين وعبدالله مركز من جهة الشمال وكوبيل امامى والصياد قدامننا شويه والفحل وعمك فؤاد انا عبدالرحمن الاصم اخو التيمان اغتربت سنة 1980الى دولة الامارات وعندى زكريات جميله عن عصابة الرومان طبعا اولهم نصرالدين شهره مرغنى طياره واخوه خلف عبدالرحمن كميه وودالضابط وعرقله وودمنزو وناس كثيرين بس الان تخونى الزاكره طيب من اولاد الحله السرلى وكنش وجمال فؤاد لاعب المورده وصديق بوش حمدى على احمد الصادق و الضبعه وبدردين دقله ومجدى خضر والمرحوم عادل حقه والصباغ وسودان ومرغنى سكر لاعب الهلال واولادعمر الشيخ وفضل زغردو وعيسى الضابط والجاو وماكير وعادل عيسى وحبوبه وعادل فضل اخو كميه وكجوالعربجى فى السابعه وسامى الجاك لعب فى الزهره طبعا انا لعبت فى منتخب الاهلية العامه ولعبت فى الاخوه وزهرة الركابيه والاصلاح وقلب الاسد ومن عجيب الصدف رشيد المهديه كان الرزيف بتاعى فى منتخب الاهليه لاكن الظروف غيرت مجرى الحياه اليك كل الشكر وعليك مراسلتى ان امكن ذالك اخوك عبدالرحمن الاصم اللقب ودالاصم Send instant messages to your online friends http://uk.messenger.yahoo.com --0-460536819-1153427917=:45977-- .

---

Post: #113 Title: Re: امدرمان الثورة والمهدية زكريات بين الازقة Author: Kostawi Date: 07-21-2006, 06:05 PM Parent: #111 الفنان محمد الأمين-السابعة الفنان عوض الكريم عبدالله-ال11 الفنان عبدالعزيز المبارك-الرابعة (لفترة وجيزة) الشاعر بشير محسن- ال11 الفنان أحمد حسن جمعة-ال11 المسرحية تماضر شيخ الدين و المذيع المغداد شيخ الدين- السابعة عجاج-الرابعة لاعبا المريخ سليمان-الرابعة و عطا-ال11 ...

---

Post: #114 Title: Re: امدرمان الثورة والمهدية زكريات بين الازقة Author: محمد عادل Date: 07-21-2006, 06:06 PM Parent: #113 الاخ الحبيب على تحية مباركة قراءت بوستك عن الثورة لى امتى ارجع لى امدر واعود بالثورة ويالثورة وناس الثورة الناس الطيبن الناس الحلوين الجميلين الثورة الحارة الرابعة عمارة عوض ابراهيم النور وعمنا الترزى الكنا بنخيط بعض مرات عندو الجلايب عمنا الامين الدخيرى والخامسة الفيها حسة كافتريا هافانا اسكت بس مسكت شارع النص كلو وعمارة ناس عشا الضيفان ماننساه اما السادسة سوق السادسة الزمان كنا نحنى شفع صغار بنصلح فيهو العجلات مابنسى فريق الاحرار ابدا وماتنسى التانية ياعلى فيها ادارة الشئون التعليمية وفيها نادى المهدية وفيها مدرسة البلك بنات وماتنسى الثامنة والرياض الثورة وانا من سكان الرياض الثورة ماتنسى ناس الفريق مهدى بابو نمر وحسين شندى الفنان وناس جلال الدقير وناس القوصى وناس الاستاذ عبدالقادر وماتنسى مدرسة الرياض الثورة دى بالزقاق البودى لمحطة الصلاحبى وجامع انصار السنة وجامع السلام والتامنة بضم تعويضات بيت المال وماتنسى العاشرة ومحطة شيكان وشايفك نسيت السابعة بى ورة فيه محل سماسم سماسم بتاع الخشاف والبسيمة جمب محطة الرومى وفيها حسه السابعة اجمل شوارع وناساستاذنا شيخ الدين جبريل والد عمنا هشام يازول يازول والفنانة تماضر شيخ الدين والحداد خالد الفيل اكبر حداد بتاع ابواب فى سوق الخامسة وشايفك نسيت زرايب الخامسة وسوق الخامسة والبوستة الفى الخامسة والخامسة فيها الفنان ايمن دقلة والفنان معتز صباحى والله انا بذكر كويس رغم انو عمرى21سنة لكن بذكر شوارع الثورة كويس وناس الثورة الحلوين الطيبين ماتنسى محلات التلج الفى شارع النص وماتنسى بنك الادخار والبنك الاهلى وماتنسى برضو مكتبة النور اكبر بتاع جرائد فى الرابعة من زمان جمب مكتبة كررى العامة وماتنسى التاسعة فيها ياسين عمر الامام ودكتور المفتى وناس اميرة ابوطويلة وماتنسى الشيخ حسن ابوسبيب فى العشرين وماتنسى جامع عثمان الزبير الفى العاشرة وسوداتل برضو وماتنسى اجزخانة وادى النيل الفى شارع الوادى وماتنسى ناس ابرسى وعبدالله ودالقبائل الفى التالتة ومسجد الختمية الفى الاولى ماتنسى ملعب الرياض الثورة والله اقول ليك كلمة ذكرتنى بيتنا وشارع بيتنا الفى شارع الظلط الجديد شارع الخور الفاصل بين التامنة والسادسة والخامسة ويمشى لحدى امبدة بورى مرور ا بالرابعة والسابعة و12 حليل ايام الثورة وناس الثورة وشباب الثورة الحلوين وبنات الثورة السمحات ذكرتنى بشارع المدارس زمان كنا بندك المدرسة وقت الفطور فى شارع المدارس كنت بدرس فى المجلس الافريقى كنا نمشى ناكل البوش عند عمك على اكبر بتاع بوش فى الاولى وفى شارع المدارس على الجندى ياخى حليل ايام الصباة محمد عادل القاهرة

---

Post: #116 Title: Re: امدرمان الثورة والمهدية زكريات بين الازقة Author: محمد عادل Date: 07-21-2006, 06:15 PM Parent: #114 العم على والله الثورة دى احلى منها مافى لوفتشت جميع مناطق ومدن السودان باحترامى للبقية لكن ذى ناس الثورة واهل الثورة الثورة ناسه كلهم متحدين مع بعض اى واحد فيهم بدى التانى وسبحان الله الفقير ذى الغنى كل الطبقات موجودة فيها والثورة دى ياجماعة حاجة قيمة كدى نفتش حتى حتى شنو الفى الثورة مافى قولو لى الثورة فيها الكتير الكتير

---

Post: #115 Title: Re: امدرمان الثورة والمهدية زكريات بين الازقة Author: ali elhassan Date: 07-21-2006, 06:14 PM Parent: #113 هل تعلم يا كوستاوى انو ترباس سكن التامنة الفنان المختفى محمد سلسل التامنة الفنان حسين شندى التامنة ثنائى الدبيبةاحدهم يسكن التامنة الراحل الفنان الكحلاوى سكن التامنة حسن صبرة يسكن العاشرة

---

Post: #117 Title: Re: امدرمان الثورة والمهدية زكريات بين الازقة Author: ali elhassan Date: 07-21-2006, 06:17 PM Parent: #115 الاخ محمد عادل ياخ دة كلام حلو انو نشوف اسمك معانا وتشارك مباشرة دون وسيط مرحب بيك وبينا التواصل

---

Post: #118 Title: Re: امدرمان الثورة والمهدية زكريات بين الازقة Author: ali elhassan Date: 07-21-2006, 06:26 PM Parent: #117 Quote: العم على والله الثورة دى احلى منها مافى لوفتشت جميع مناطق ومدن السودان باحترامى للبقية لكن ذى ناس الثورة واهل الثورة الثورة ناسه كلهم متحدين مع بعض اى واحد فيهم بدى التانى وسبحان الله الفقير ذى الغنى كل الطبقات موجودة فيها والثورة دى ياجماعة حاجة قيمة كدى نفتش حتى حتى شنو الفى الثورة مافى قولو لى الثورة فيها الكتير الكتير الاخ او الابن محمد عادل فعلا مدينة الثورة تتفرد بى ترابط اهلها فى افراحم واحزانهم ولقد زاد حنينى اليها بعد سفرى واتمنى ان اعود اليها قريبا..

---

Post: #119 Title: Re: امدرمان الثورة والمهدية زكريات بين الازقة Author: saadeldin abdelrahman Date: 07-22-2006, 01:03 AM Parent: #1 ابو علوة سلامات و لقيناك عمدة من عمد امدر القومة ليك يا وطني. ابوالسعود الكلاكلاوي ====== Quote: فأنا يا سمراء الصحراء.. هذا قـدري! اما ان اعشق أنثى الانسان أو ان اعشق أنثا عـاصـمـة تـلـك المحبـوبـة ام درمان زمن الافراح الوردية...

---

Post: #120 Title: Re: امدرمان الثورة والمهدية زكريات بين الازقة Author: Bakhaf Date: 07-22-2006, 04:11 AM Parent: #119 حاتم الياس حلة البلدية فيها المعلم ربنا يشفيه ويواليه بالعافية ( جاتو جلطه في راسو اضعفت بصره ) المعلم اسامه فضل مكنيكي شاطر واخوه عبد الرحمن فضل الشهير بكمية وراهم لوشي بتاع الساونات وقدامهم محم شوتو الزول المهبشق وحليم اللحام شارعين منهم بنلقى رافع بتاع بيت المال واخوه حسن في الركن الجنوبي الغربي بنلقى اولاد الجاك ماشا الله 11 نفر من ضياء الدين الفيل ومحمد مرورا بمجتبى اللعاب ولؤي ووليد واخوه ايمن بتاع المشاكل ونزار زمبه في نفس الحلة كادول اخو بدر الدين ليل ( تنقا الصغير ) واخوهم الصغير عبد الباسط برضو في وليد سطي ودقلش كبتن الاحرار المهذب

---

Post: #121 Title: Re: امدرمان الثورة والمهدية زكريات بين الازقة Author: Bakhaf Date: 07-22-2006, 04:26 AM Parent: #120 اختنا خالده شكلك من سكان التانية نضيف شويه لي معلوماتك الثره من اول الشارع قصدي شارع الخور بعد المعهد بتاع الالة الكاتبة الهسع بقى معهد رشاقة وتجميل بنلقى بيت ناس صابوني قدام منهم بيت ناس بغدادي سيط الطابونه طبعا ناس درمه اديتيهم حقهم نفوتهم نمشي ناس السيمت هناااااك جم ناس فلاح شارع واحد فيه ناس جواسيد بتاعين الحلويات جواهر وزوجها سيد اهما ناس نسيتيهم ناس عنكوف وحصانتهم الشهيرة اتزكرتي حسن سخانه وصلاح شعر ونسيتي ناس ابوقبورة الطيب وحسن ابوقبورة وازهري كمان وما ننسى ابو السعن اخر الشارع ناس سيد جادو المشاهر بتاعين العصير البارد في المحطة الاوسطى سابقا وولدهم المشهور عبد الرحيم الدلومه شارع 2 فيه المرحوم حسن جعفر حسن شغالة مدير بنك البركه سابا وكمان ناس الشيطان ما بتنسو كلهم من حماده ومنعم مور وعلى جن والباقين قدام ماس عبد الحميد احمد الحاج شارع 3 اوله فيه عمك صالح صانع القراقير المشهور وفيه ناس الشوتلي وناس الصبي ( رحلو مدينة النيل ) اولاد الصبي ماشا الله اشهرهم عصام الصبي لاعب التايبوكي تايلاند بوكس او الفول كنتاكد بالطريقة الامريكية بدون ركوب وكيعان بكون هاشم بدر الدين بعرفه قدام ناس الشايقي والمرحوم اسامه ود الشايقي الزول الشفت شارع اربعة في اوله ناس العرضي ياسر لعب في المهدية وخالد العرضي لعب اشبال الهلال بجيك للباقين

---

Post: #123 Title: Re: امدرمان الثورة والمهدية زكريات بين الازقة Author: ali elhassan Date: 07-22-2006, 07:31 AM Parent: #121 بخاف يا اخوى انت كنت شغال مع ناس التعداد السكانى ساكى الحارات كلها بى الصف كدى الحارات الورا ناس العشرين والتمنتاشر ديك ما اديناهم حقهم كان عندك معرفة بيهم حقو نديهم شوية وانا بجى راجع بحاول اتزكر شوية الناس الهناك وشكرا على الاضافات القيمة

---

Post: #122 Title: Re: امدرمان الثورة والمهدية زكريات بين الازقة Author: ali elhassan Date: 07-22-2006, 07:24 AM Parent: #119 ابو السعود يا حبيبنا البعيو غنى للكلاكلة قال العسل والمربى اموت انا فى الكلاكلة القبة والكلاكلة مدينة حلوة واللة ما بتتنسى وانا عندى معاها زكريات اشتغلت فيها بيت ناس اسامة مصطفى (الدكتور) لاعب المريخ وقضينا ايام حلوة اظنو كان فى الكلاكلة الوحدةز وتسلم يا حبيب ولو فتحت ليك بوست عن الكلاكلة بشاركك فية اتعرفت على ناس حلويين وتسلم يا حبيب

---

Post: #124 Title: Re: امدرمان الثورة والمهدية زكريات بين الازقة Author: ali elhassan Date: 07-22-2006, 03:37 PM Parent: #122 الاخ صلاح الدين خلف الله احمد من الرياض السعودية ارسل ايميل يحكى فية ويوثق للحارة 14 وقد وقد ذكر كثير من الشخصيات فلة كل الشكر على المشاركة معنا. Quote: Subject: ذكريات عن الحارة 14 Date: Sat, 22 Jul 2006 14:01:01 +0300 From: "salahedien Ahmed" <> Add to Address Book Add Mobile Alert To: [email protected] الأخ الفاضل على الحسن وددت أن أشارك في هذا البوست التوثيقى الجميل عن مدينة فى الذاكرة مدينة الثورة العظيمة التي أنجبت العظماء وهى مدينة تجمع كل ألوان الطيف ومختلف اثنيات السودان العظيم وأحب أن أوثق لأبناء حارتي العظيمة , الحارة 14 الحارة التي تميزت عن غيرها من حارات الثورة بترابطها الاجتماعي الوثيق وناس حارة وشدائد كما ذكر آخى عمر الفاروق وما أظنهم ناس ترطيب كما ذكر عمر , اذكر من عظماء الحارة 14 العم ادم يعقوب هارون والذي سكن بجوارنا منذ بداية الثمانينات وهو رجل عظيم بمعنى الكلمة (رحمه الله ) وهو الذي بني لنا المسجد الكبير في الحارة من حر ماله وكذلك مدرسة ادم يعقوب المتوسطة للبنات وانا شاهد عيان على فكرة إنشاء هذه المدرسة عندما كان هناك اجتماع في الحارة واقترح الأخ فيصل إنشاء مدرسة للبنات لان بناتنا يتمرمطن فى المواصلات للوصول لمجمع المدارس في الحارة الأولى فما كان منه إلا أن رفع يده يطلب الإذن بالكلام حتى فاجأنا بأنه سوف يتكفل ببناء المدرسة ودوى الحضور بالتصفيق وامتدت أياديه البيضاء لجميع سكان الحارة رحمه الله رحمة واسعة وبارك الله في أبنائه مهدي ومحمد , وكذلك من أعلام الحارة 14 ود الشايقى لا عب المريخ خفيف الظل , والعم باجورى الذى كان له صولات وجولات مع رواد دار الرياضة أم درمان , ولا أنسى فريقي العريق برابطة كرري , فريق الشعلة الذي أنجب لاعبين أفذاذ اذكر منهم منعم جكسا , بدرالدين محمد طه , صلاح شعلة ,صلاح داموك , ومدربنا الحريف لاعب الأحرار والهلال السابق شمس الدين عبدالعاطى رحمه الله واذكر أن فريقنا (الشعلة) كان له صولات وجولات فى رابطة كرري ومرة طرشقنا التوت عندما هزمنا فريق النجمة أولاد الرابعة الحريفين وكانت كل الترشيحات ذهبت لهم حسب تضليلات صديق عباس المحرر الرياضي بجريدة الأيام في ذلك الوقت الجميل هذه ذكريات وددت ان اشارك بها عن حارتي وأرجو من الأخ على حسن نشرها في المنبر لانى لا املك العضوية ولك جزيل شكري وتقديري ,,,,,,,,,,, أخوك صلاح الدين خلف الله احمد الرياض = السعودية

---

Post: #125 Title: Re: امدرمان الثورة والمهدية زكريات بين الازقة Author: لؤى Date: 07-23-2006, 06:08 AM Parent: #1 علي العزيز سلامات كدي أوّل حاجة قبل ما ندخل في موضوع الثورة صلّح لينا البوست بتاعك الجّميل دا .. دوس على المداخلة دي (( Re: امدرمان الثورة والمهدية زكريات بين الازقة )) وأدخل أعمل تعديل وصلّح الـ QUOTE ، بيكون القوس ما إتعمل كامل .. ودي مجموعة لبعض الأسماء "الثوريّة" الما جات في المداخلات .. أحمد عبد الرّحمن كمال يوسف راشد الكوتش طارق جنّين عصام بلاتيني دكتور صلاح بقادي بكري الشّيخ مبارك الشّيلي عيسى صباح الخير سيف الجّامعة عصام عبد الخير الرّشيد بدوي عبيد عوض الكريم عبد الله السّاحر عثمان طلايع أبو قطاطي عادل بسكويتة عباس ريكس علي بدوي سيف نورين أولاد القصاص أولاد وبنات شيخ الدين جبريل جمال ردميّة أسطوانة وليك وللمعاك كُلّ التحيّة والوُد ـــــــــــــــــــــــــــــ وأنا في البعيـد مشتـاق لهمسة من الوطن يـا نسمة [email protected]

---

Post: #126 Title: Re: امدرمان الثورة والمهدية زكريات بين الازقة Author: ali elhassan Date: 07-23-2006, 03:39 PM Parent: #125 لوى ياعزيزنا شكرا للاضافةوبى خصوص التعديل مافهمت قصدك بس حا احول اعيد ترتيب المداخلة وعمل التعديل اللازم. وشكرا على التنبية

---

Post: #127 Title: Re: امدرمان الثورة والمهدية زكريات بين الازقة Author: أحمد علاء الدين Date: 07-25-2006, 06:59 AM Parent: #1 يا سلام يا اخوي ود الحسن , على هذا البوست الرائع و البديع و التي تحكي عن أمجادأمة ستبقى لتذكر ثم تشكر ولكم خالص تحياتي وخلونا نكون رابطة زيما قال صديقنا و أخوناآدم الهلباوي ولكن كيف الطريقة و ايه المقترحات وخاصة نحن ماشاء الله مشتتين في أرض الله الواسعة واحد في الشرق و التاني في الغرب ولكن ارجع و أقول مافيش مستحيل في ظل التكنولوجيا وثورة الاتصالات وفي انتظار المقترحات والآليات لتحقيق هذاالهدف والذي ستتبعه حتمااهداف أخرى نبيلة وبعيدة من لعبةالسياسةو المعروفةمجازا بفن الممكن. أخوكم / أحمد علاء الدين محمد موسى الثورة الحارة 20 وحاليا الرياض هاتف 0504184695 [email protected]

---

Post: #128 Title: Re: امدرمان الثورة والمهدية زكريات بين الازقة Author: ali elhassan Date: 07-25-2006, 08:28 PM Parent: #127 الاخ احمد علا الدين كل الشكر لك وانت تشارك معنا لجمع شمل الاخوة خارج وداخل السودان تحت كيان واحد يخدم اهل الثورة اقترح ان نحصر عدد المؤيدين لهذة الفكرة اولا ومن ثم يمكننا ان نتحرك على هذا الاساس واتمنى ان تمدونا ببعض المقترحات الاتى قد تساعد وتشجع البعض على الدخول ولى عودة

---

Post: #129 Title: Re: امدرمان الثورة والمهدية زكريات بين الازقة Author: ali elhassan Date: 07-25-2006, 08:33 PM Parent: #128 ايميل اخر من الاخ عمر سابل يمدنا فية بشى من التفصيل عن بعض اعلام الثورة فلة كل التقدير على هذا المجهود وننتظر منة المزيد Quote: Date: Mon, 24 Jul 2006 11:07:07 -0700 (PDT) From: "omer sabil" <> Add to Address Book Add Mobile Alert Yahoo! DomainKeys has confirmed that this message was sent by yahoo.com. Learn more Subject: امدرمان الثورات والمهدية ذكريات بين الاذقة To: [email protected] الاخ الاستاذ الفاضل عادل الحسن. تحياتي مرة اخري نطل عليكم ببعض الزكريات بين ازقة المهدية والثورات ارجو شاكرا اضافة هذه المشاركة وسوف نحاول اضافة ما امكن, هذه المرة ابدا . (بالحارة (13 من المشورين العم بريمة رافع علم السودان بجوار الزعيم الازهري ثم سبت كل سكان الثورات يعرفونه يحي شريف الممثل داقوس (العم ميسرة (الطهار ياسر ودالوادي بت المنا عبدالله اليماني اولاد سردار عم بليه (الطاهر محمد جبريل لاعب (العباسية (مزمل ود ماريا لاعب (التاج) حاتم محمد احمد لاعب (المريخ) خالد الغول يوسف اللارا ذيدان (المريخ نادي ساردية . الحارة الرابعة طرزان الترزي الملاكم محمد مرحوم وشقيقته مني مرحوم لاعبة الباسكيت الحكم كمال عموري الاعب صديق العباسية الاعب مدثر خيرالله لاعب الموردة الاذاعي المرحوم متولي عيد الطيب خوجلي فريق النسر الرياضي من فينا لا يزكر فاروق المجنون وحسن الخروف وودصباحي الدرويش واحمد الاعور حامد العربي وحسن جاويش والاستاذ صديق مدير مركز شباب بحري سابقا فيديو واستريو مياسر مبني التوتو كورة سابقا المكانيكي بتاع الفولجسواجن بمحطة المواسير العم خالد الطهار الحارة 12. محمد نعيم سعد ازرق ابراهيم حامد لاعب الموردة فيصل غليظة الحكم هاشم ابوجلمبو اولاد ابنعوف محطة العنبة علي اباربعة لاعب الموردة اولاد ابوزيد الجزاريين ابومرين الشاعر الدكتور سيدون الزرائب سابقا حاليا الفردوس الحارة الاولي. ذكريات الحارة الاولي ابداها بحلقة الشهيد محمود محمد طه بمنزله دكان ومحطة عزالدين حديقة الحارة الاولي الاعب عبدالجليل لاعب ودنوباوي المشهور مميو والشكر لك وانشاء الله سوف نحاول التوثيق للزكريات بالمهدية والثورات كل ما امكن لنا ذلك. عمر سابل

---

Post: #130 Title: Re: امدرمان الثورة والمهدية زكريات بين الازقة Author: ali elhassan Date: 07-27-2006, 08:22 PM Parent: #129 ,ووصلنى ايميل اخر من الاخ نصير يسرد فية زكرياتة الجميلة داخل الثورة ويواصل ذكر بعض الشخصيات التى مرت على هذة المدينة فلة كل الشكر وتنمنى ان يمدنا بى المزيد من المعلومات التوثيقية . Quote: Date: Tue, 25 Jul 2006 22:42:34 -0700 (PDT) From: "naseer mohd." Add to Address Book Add Mobile Alert Yahoo! DomainKeys has confirmed that this message was sent by yahoo.com. Learn more Subject: الثورات عذااااااااااااااب To: [email protected] أخي الكريم علي تحياتي لك قرأت البوست بتاعك عن الثورة والثورات ..وكنت بضحك لما أمر علي بعض الأسماء التي لي معها الكثير من الذكريات...بس حبيت أصوب بعض المعلومات التي أوردها بعض الأخوة الذين أكن لهم كل التقديروالأحترام ...أنا من مواليد الثورة الحارة الرابعة ودرست المرحلة الإبتدائية كاملة غير منقوصة بالحارة الأولي ودرست المتوسطة بمدرسة بكار المتوسطة ومنها مدرسة أمدرمان الأهلية الثانوية.... أذكر في الحارة الأولي أن المدرسة كانت بجوار مصانع الباسطة وكنا نشتري منها بعد نهاية اليوم الدراسي (الدقة)بضم الدال وهي باقي الباسطة البتكون في الصينية ... حيث كنا نحتفظ بقروش الفطور حتي نهاية اليوم للدقة أو لسندوتش سلطة الأسود من خارج المدرسة من خالتي آمنة الفلاتية أم صالح ود الفلاتية...أيضأ مصنع الباسطة كان بعمل حاجة عبارة عن تورتة كدة إسمها سرير دبل كانت قصة صعبة خلاص ههههههههه لم نكن نستطيع مقومتة علي الإطلاق وكان تمنة مرتفع شوية ....أذكر كان بى قرشين ونص ... لكن كان أصحاب عربات الباسطة كان لما يطلعوا بعربيات الباسطة من المصنع ويتجهوا للحارات الأمامية ذي شقلبان والرومي نتفق معهم علي أن نقوم بدفر عربية الباسطة من المصنع وحتي المصب هههههههههه مقابل سرير دبل ... وإن أنسي لاأنسي الجلدة التي تعرضت لها من والدي والشكلة والكلام الفارغ الذي سمعني ليهو عندما مر بسيارتة بالقرب من سوق الرابعة وقبضي دافر ليك أكبر عربية باسطة هههههههههههه والله أيام.... أذكر تماماً أنه جاط جوطة شديدة وإستدعي والدتي وكان موضوع طويل ولكن من بعدها أصبح يحرص علي ان يجيب لي سرير دبل ههههههههه... بعض المعلومات التي أوردها الأخوان منصور المصباح بس بصحح فيها جزئية صغيرة وهي انو آل تاج الدين في الحارة السابعة وقد زاملني معظم أولادهم ناس الصادق والوافر كانوا قدامي لكن تبارك درس معاي في نفس الصف وهم كلهم ناس شاطرين وأذكياء ذكاء خارق للعادة في إعتقادي الشخصي... وحلتهم كلها ناس شاطرين ومبدعين وأذكر كان فيها جمعية إسمها جمعية مشعل طه للتفوق الأكاديمي... برضو بصحح الأخ منصور إنو أولاد الجنيد في الحارة الأولي وهم كلهم شباب رياضيين ولعابين شديد ووالدهم عمنا الجنيد صافي الدين ربنا يديهو الصحة والعافية كان بيلعب في نادي المريخ ....زاملوني في مدرسة الحارة الأولي وبالذات سعد الجنيد كان صديقي ربنا يطراة بالخير ...المرحوم الصديق العزيز والمذيع المعروف أحمد سليمان ضو البيت كان يسكن الثورة الحارة الخامسة.... زوجتة سمية بت عمي علي تميم وأبناؤه ربنا يديهم الصحة والعافية عمار وياسر... بالمناسبة لاحظت إنو الأخت مني خوجلى قالت عمي علي تميم خالها ... كانت تربطني بإسرة علي تميم علاقة قوية شديد ومعظم يومي كان في منزلهم ....الشاعر محجوب شريف سكن السابعة كما أن فرقة الجو الرطب أيضأ نشأت في الحارة السابعة بالقرب من ناس شيخ الدين وهم ناس ربيع طه أو ربيع العر كما كنا ننادية وهو شخصية خرافية... أذكر أن الأخ ربيع العر حكي لي أن والده في أحدي الأيام صحي من النوم وإدعي أنه فقد نعمة السمع لديه فكان والكلام للأخ ربيع العر كلما تحدثت إلية والدة ربيع بخصوص مصاريف الخضار واللحمة والبصل يبرطم بكلام غير مفهوم حيث اوضح لهم أنه صار أطرش لايسمع وقد إستمر علي هذا الحال لمدة شهر بحالة كلما سأل عن أي مصاريف لايعير السائل أدني إنتباة أو إهتمام أو يبرطم بكلام غير مفهوم ... حتي إكتشفت والدة ربيع الأمر بعد شهر ههههههه....الأخ أبو خالد ذكر بت المك وذكر طه كابوس ولكنه بكل أسف نسي يذكر عشة العويرة ههههههههههه أيضاً الأخ آدم الهلباوي إختصر شقلبان كلها في نصر الدين شهرة زعيم عصابة الرومان.... لا يا خي شقلبان فيها ستات الكسرة والشاي والكركدي وفيها مطعم الدحلوب وفيها مليون موضوع ياخي هههههههه تحياتي لك ودمت أخاً كريماً وإن عدتم عدنا هههههههه.... أخوك نصير __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com

---

Post: #131 Title: Re: امدرمان الثورة والمهدية زكريات بين الازقة Author: Mutwali Malik Date: 07-27-2006, 10:22 PM Parent: #130 الحارة الرابعة مرة اخري لاننسي اللاعب الكبير مامون ودالشهيد لاعب الهلال واولادمرغني سيف لاعب فريق النجمة برابطة كرري وجمال والجقر اخوان احمد ومحمد خفاجة المخرج الاذاعي واحمد امام وودالسرف في فريق زائير ولاننسي قهوة الجعلي وشخصياتها واشهرهم الطباخ باع الذي لاتخلو القهوة من نكاته وكنا نجلس عند العودة من مدرسة تلودي الثانوية برفقة رفعت الساحر وعيسي صباح الخير ومبارك قسم السيد والنقر وعصام التيجاني ومحمد كهربة ونجلس الساعات الطوال تلك ايام وان عدتم حتما عدنا

---

Post: #132 Title: Re: امدرمان الثورة والمهدية زكريات بين الازقة Author: ali elhassan Date: 07-30-2006, 10:33 PM Parent: #131 الاخ متوكل شكرا على الاضافة فى هذا البوست عن الثورة وايضا المشاركة فى بوست الاخ رافت ميلاد عن المسالمة وحى العمدة واتمنى ان اجد الوقت للحديث عن المسالمة حيث مولدى ولى زكريات فيها لاتنسى

---

Post: #133 Title: Re: امدرمان الثورة والمهدية زكريات بين الازقة Author: ali elhassan Date: 07-30-2006, 10:51 PM Parent: #132 Quote: Date: Fri, 28 Jul 2006 01:27:19 -0700 (PDT) From: "** MUTAZ MIRGHANI**" <> Add to Address Book Add Mobile Alert Yahoo! DomainKeys has confirmed that this message was sent by yahoo.com. Learn more Subject: Salamat To: [email protected] الاخ العزيز علي الحسن/ تحياتي أبعثها لك وأشكرك على البوست القيم (امدرمان الثورة والمهدية زكريات بين الازقة) والذكريات الجميلة. لي سؤال، ما هي الحارات التي تندرج تحت مسمى المهدية والتي تتبع للثورة؟ الم تسمى المدينة كلها على "الثورة المهدية"؟ فلماذا التقسيم؟؟؟؟ كما أحب التذكير ببعض الاسماء التي لم يورد ذكرها في البوست: الفنان القدير عثمان الشفيع (الرابعة)، لاعب المريخ شنان خضر(التاسعة)، الممثل القدير الريح عبدالقادر (التاسعة)، الرشيد المهدية (الاولى)، الفنان القدير أحمد الجابري (الخامسة إن لم تخني الذاكرة)، المذيع كبلو (السابعة على ما أذكر)، الاستاذ عبدالمنعم عثمان نجم فرقة الاصدقاء (العاشرة) والقائمة تطول... تحياتي With Warm Regards, Mutaz M. Ali الاخ معتز شكرا على الايميل وعزا لم استطيع الرد عليك لظروف العمل . للاجابة على سوالك الثورة والمهدية الان تعرف بمدينة الثورة ولا تزكر المهدية كثير وشعبيا تلاشى اسم المهدية وقد سميت الحارات القديمة بى المهدية من الحارة الاولى وحتى الحارة السادسة ان لم تخنى الزاكرة وجات تسمية الثورة امتداد للمهديةوهى وامتدت الثورات شمالا حتى الحارة90 وربما زدادت فى الفترة الاخيرة ولكن الان كل المنطقة يطلق عليها الثورة .واتمنى من الاخوة توضيح هذا الامر حتى تعم الفائدة ودمت

---

Post: #134 Title: Re: امدرمان الثورة والمهدية زكريات بين الازقة Author: ali elhassan Date: 07-30-2006, 10:53 PM Parent: #133 Quote: وان عدتم حتما عدنا

---

Post: #135 Title: Re: امدرمان الثورة والمهدية زكريات بين الازقة Author: Bakhaf Date: 08-03-2006, 07:44 AM Parent: #134 فوق

---

Post: #136 Title: Re: امدرمان الثورة والمهدية زكريات بين الازقة Author: ali elhassan Date: 08-03-2006, 11:40 PM Parent: #135 Thank you b7af I will be right back

---

Post: #137 Title: Re: امدرمان الثورة والمهدية زكريات بين الازقة Author: Mutwali Malik Date: 08-05-2006, 11:17 PM Parent: #136 الاخ متوكل تاني ياعلي الحسن لو قلت لي متوكل انا ما حا اشارك معاك انا متولي الطيب مالك من ابناء الثورة الحارة السابعة ابوي ضابح لي خروف قدر الليلة وبكرة لوعايز تغير اسمي هات حق الخروف او نعمل مبارزة بالخروف

---

Post: #138 Title: Re: امدرمان الثورة والمهدية زكريات بين الازقة Author: فرح Date: 08-06-2006, 08:07 AM Parent: #137 متولى خليك متوكل اضبح لينا الخروف بنحب الشواشو وين الرابعه المواصلات الاطرش بتاع الليمون سينما الرابعه اولاد امام البلك عرقله سوق الرابعه فى زول بعمل لقيمات فى سوق الرابعه لسا قاعد تحياتى

---

Post: #139 Title: Re: امدرمان الثورة والمهدية زكريات بين الازقة Author: Mutwali Malik Date: 08-06-2006, 08:42 AM Parent: #138 عرقله اخوي فرخ اقصد فرح ماتزعل خروفك برة وزي ماقال ابو الامين الفنان خروف اسمك جمال الفال وراحة البال المهم عرقلة من سكان الحارة الخامسة ودكان العجلاتي بتاعو في الحارة السابعة ميدان الشعلة فاتح في بيت طه كابوس اخو السلطان كابوس ذاتو ومرة كان عندهم وفاة في البيت الجماعة بتاعين عصابة الرومان لما بيجو يشيلو الفاتحة بيقولو نظام الفاتحة يافردة وما بيقروا حاجة واليد مايلة بالجنبة لمن الخيمة مالت معاهم

---

Post: #140 Title: Re: امدرمان الثورة والمهدية زكريات بين الازقة Author: ali elhassan Date: 08-06-2006, 03:10 PM Parent: #139 Quote: الاخ متوكل تاني ياعلي الحسن لو قلت لي متوكل انا ما حا اشارك معاك انا متولي الطيب مالك من ابناء الثورة الحارة السابعة ابوي ضابح لي خروف قدر الليلة وبكرة لوعايز تغير اسمي هات حق الخروف او نعمل مبارزة بالخروف الاخ متولى مالك عفوا على اللخبتة بس انت عارف انا بعاين لى الصورة بتاعتك بنطبع فى ذهنى متوكل ما عارف لية وتانيا الكبر دخل والنظر خف فعزرا على الخطاء وتشكر على الاضافات القيمة ونواصل هذا البوست الثوثيقى .

---

Post: #141 Title: Re: امدرمان الثورة والمهدية زكريات بين الازقة Author: ali elhassan Date: 08-13-2006, 03:46 PM Parent: #140 وصلنى ايميل من الخال والصديق ياسر منصور والذى لم التقية سنينا طويلة بسبب سفرة للسعودية ولقد اسعدتنى جدا مشاركتة. Quote: "Co-ordination Manager" <> View Contact Details Add Mobile Alert To: [email protected] Subject: مشاركة Date: Sun, 6 Aug 2006 14:52:36 +0300 الاخ علي تحياتي مشاركة مني في التوثيق للمهدية والثورة اضيف: الحارة الثانية: الصادق بتاع العقارات الحارة الرابعة: عمر علي الترزي صلاح العجلاتي في سوق الرابعة علي ماسورة ( سميت المحطة بإسمه) في الرابعة وبعدين رحلوه للمنطقة الفاصلة بين الخامسة والثامنة. عبد القادر الاطرش بتاع الشعير كان في ماسورة علي بعدين رحلوه للمكان الحالي بين الرابعة والسابعة مطعم يونس إسماعيل ( اخو الفنان خليل إسماعيل) في محطة المواصلات سليمان بتاع الكوارع في سوق الرابعة الخامسة: كشك قريب الله بتاع الفواكه (اخو الطيب عرقلة) . طاحونة موسى د. عطيات عجيب الحارة السادسة: محمد السادسة (محمد شريف) الترزي الحارة السابعة: مغلق ناس زين العابدين ( بعد محظة المواصلات) عمك الترزي بتاع الجلاليب (نسيت اسمو) صديق بيلو الصول (والد الممثل الهادي صديق) ويعرفه كل رواد دار الرياضة زمان ادم المهداوي (قبل ان ينتقل إلى منزله الحالي في شارع الوادي) وكان يسكن جنب جامع انصار السنة بالحارة السابعة وكان الجامع يسمى بجامع المهداوي عيسى الحلاق بيت جار النبي عامر بتاع المكيفات عمنا احمد الشيخ مطعم كردمان ( كان جنب دكان عيسى الحلاق) محل عمك بندر (حارس الشاطيء الشهير) عمك بتاع القش في شقلبان الحارة الثامنة: محل سفسفة محل عمك ابو دقن بتاع الاسمنت اللاعب الكبير جكسا استاذ حسين الغول الامين النو رابطة الثورة وسط ( كان لنا شرف تأسيسها مع أخوة اخرين) بيت الانصاري بقالة الظافر عمك جاد كريم المشجع المعروف عمك بتاع الخلاوي هارون بتاع البنشر طلب بتاع الخضار كابتن رحمي لاعب الهلال السابق محمد إبراهيم عبده (كبج) الاقتصادي والسياسي المعروف وعضو اللجنة المركزية للحزب الشيوعي السوداني سابقاً ناس حسن السمين ( حسن عبد الرحيم رئيس تحرير جريدة عالم النجوم الرياضية) عثمان بتاع الخضار دكان عمك محجوب في ناصية شقلبان (والد ميسرة والجمل) تخريمة: يونس سبيل علم رياضي في الحارة الثامنة جامع عثمان الزبير في الثامنة وليس العاشرة وسنواصل إن شاء الله مع خالص تحياتي أخوكم ياسر منصور

---

Post: #142 Title: Re: امدرمان الثورة والمهدية زكريات بين الازقة Author: فرح Date: 08-13-2006, 10:18 PM Parent: #141 الاخ ياسر منصور ازيدك كمونيه الفنان حسن اكشن حمام اسامه الزين اولاد عكريب جيرانكم جنوبا الرشيد حرس الصيد ود فؤاد اها تانى يا حبيب

---

Post: #143 Title: Re: امدرمان الثورة والمهدية زكريات بين الازقة Author: ali elhassan Date: 08-14-2006, 11:57 PM Parent: #142 مشاركة اخرى قيمة من الاخ نصير يعقب على بعض مداخلات الاخوة وصحح بعض المعلومات الواردة فى هذا البوست ولفت نظرى الى اسم لا ينسى على الرغم انة من سكان ودنوباوى الا وهو الاستاذ مهدى استاذ الانجليزى فى مدرسة بكار حينها وعلى الرغم من انى درست على يد الاستاذ الجليل موسى العوض فى فصل مهدى الا ان الاستاذ مهدى شخصية متفردة . شكرا لك نصير على الاضافة ونتوقع منك ان تعود حتى وان لم نعد فا البييت بيتك . Quote: Date: Mon, 14 Aug 2006 00:11:30 -0700 (PDT) From: "naseer mohd." Add to Address Book Add Mobile Alert Yahoo! DomainKeys has confirmed that this message was sent by yahoo.com. Learn more Subject: عدتم فعدنا والبادي أظلم To: [email protected] أخي الفاضل علي الحسن... مرة تانية جيت ماشي جمب البوست اللذيذ بتاعك وطبعاً ما قدرت غير إني أشرع طوالي في الكتابة ليك ولقراء بوستك الأعزاء...أبدأ ببعض الملاحظات علي مداخلات أخواني الأكارم أولاد الثورات وبصصح ليهم بعض المعلومات البسيطة أو أضيف أو أعلق وشكري الخالص لسعة صدركم جميعاً ... أولاً أخي محمد عادل ذكر إنو التاسعة فيها يسين عمر الإمام وهو أكيد خلط بين يسين عمر الإمام وأخوتة ناس شيخ حامد عمر الإمام وأبنائة الأفاضل الأكارم ناس أسامة ومحمد وعثمان وهم ناس كورنجية من الدرجة الأولي لعباً وتشجيعاً ومن أشهرهم عمر الشهير بعمر الرشاشة..الهلالابي المتعصب وبرضو لي قدام في التاسعة في ناس المرحوم التاج عمر الإمام ...أيضاً ذكر الأخ عادل عن الخامسة إنو فيها أيمن دقلة ومعتز صباحي لكنة بكل أسف ويقيني أن ذلك حدث سهوا نسي أن يذكر أن الخامسة فيها العملاق المرحوم الفنان الإنسان الجابري قبل أن يذكر هولاء الشباب من المبدعين الجدد(علي وزن المحافظين الجدد)...وذكر أيضاً إنو التاسعة كمان فيها أميرة أبوطويلة وأظن أنه يقصد شهيرة أبوطويلة في شقلبان وهي وأخوانها ناس عبد السلام مشهورون بخفة الدم وسرعة البديهة ...أيضاً أظن أنه هو أو أحد المتداخلين ذكر أن جامع الشيخ عثمان الزبير في العاشرة وأنا أظن علي الرغم من فترة غيابي النسبية عن الثورة أن المسجد المذكور يقع في الحارة الثامنة من الناحية الخلفية لميدان مطعم عم فؤاد...الأخ العزيز متولي مالك أيضاً ذكر مامون ود الشهيد وذكرني بأخوه الأصغر مصطفي عوض والغريب أن الأخ مصطفي لم يأخذ لقب ود الشهيد وإنما كان يلقب بمصطفي الجلك أو الجلكين وهو زميل دراسة معي في مدرسة بكار المتوسطة ما زلت أذكر قولتة المشهورة بخصوص حصة الإنجليزي ... كان بيدرسنا أستاذ مهدي ربنا يديه الصحة والعافية ويطراه بالخير وهو في يقيني من أحسن وأكفأ أساتذة اللغة الإنجليزية... وكان يوم الأحد دائماً من الصباح بيكون عندنا حصتين دبل إنجليزي معاه وغالباً بيكون فيها جلد بالسوط في قواعد اللغة الإنجليزية والإملاء الإنجليزية...المعروف عن أستاذ مهدي إنو كان بيضربنا بالسوط في ظهورنا وليس كما تعود باقي الأساتذة... صديقي العزيز مصطفي (الجلكين) قال لي: تعرف أنا ولا بعذب حالي مع أستاذ مهدي دا أول ما يجي ويبدا يقول لي مصطفي (What is the rule of the present continious tense) أو ما هي قاعدة الفعل المضارع طوالي بقبل وأديهو ظهري عشان يجلد ونخلص الموضوع دا .... الرجاء ممن يعرف أين هو صديقي ورفيق الطفولة مصطفي عوض أن يمدني بعنوانه ... أذكر مرة أيضاً في إمتحان مادة التربية الإسلامية كان في شخصية إسمها (حكيم بن حزام) كانت هي الإجابة علي أحد الأسئلة في مادة التربية الإسلامية سأل صديقي مصطفي صديقنا هشام محمد عبد الحليم أو هشام نوبة- والمقيم حالياً بلندن له خالص تحياتي وأشواقي - والذي كان يجلس بجوارة في قاعة الإمتحان وكان المراقب واقف بالقرب منهم ومافي طريقة هشام يوريهو الإجابة كاملة فغايتو إستطاع أن يقول لة همساً كلمة حكيم وأشار إلي الحزام الذي كان يرتدية في بنطلونة فقال لة مصطفي الجلك همساً ليتأكد (تقصد حكيم أبن لباس؟) وهنا لم يتمالك صديقنا هشام نفسة من الضحك بصوت عال هههههههه أيام والله....أيضاً الأخ متولي ذكر حسن باع الطباخ .. تعرف يا متولي إنت أكيد أكبر مني لسبب بسيط وهو إنو أنا كنت لما حسن باع وهو رجل علي ما أذكر متخلف عقلياً سبحان الله وبالرغم من ذلك كان يشتغل ويعمل طباخ عوازيم ولكنة كان يصيح كالخراف باع بااااااع باااااااااااااع بااااااااااااع وأذكر وأنا صغير كنت أخاف منه أشد الخوف ولما يجي ماري بشارعنا كنت بجر جري أدخل البيت ولمن أسمعو يقول بااااااااااااااااع كنت أرتجف وأنا ماسك في توب أمي وإنت يا أخ متولي الزمن داك قاعد في قهوة الجعلي (شكيتك علي الله).....ديناصور أقول ليك شنو.... أيضاً عبد القادر الأطرش بتاع الليمون والشعير عندو الذ شعير في السودان كلو والله وليمونو حاجة خطيرة... بالنسبة للكوارع وأنا من المهتمين بهذا الشأن (علي قول ناس وسائل الإعلام) كان عم فؤاد أحسن مطعم بيقدم كوارع في الثورة وبعديهو أتذكر كان في مرة كدة بتعمل كوارع في الحارة الثلاثة عشر إسمها رايح لي بس ممكن الأخوان يذكروني أظن إسمها أم هاني؟؟؟ برضو في باشري الشهير (ببشبش) في الحارة التاسعة في شارع شيكان فاتح علي الحارة السابعة وهو ما يزال يعمل علي تقديم وجبة الكوارع وبنفس الجودة والهمة العاليتين... أنا ذهبت قريب للسودان وشفت بعيني كوارعوا بتخلص يمكن بعد المغرب بي شوية كدة ... كنت بضطر أهاجر للكوارع هناك الموردة تحت.. مرة نمشي نجيبها من الكوتش ومرات من النسوان الخاتات حلل الكوارع ومفترشات الأرض في الموردة جوة ...ومرات كنا بنهاجر ليها للصحافة في مرة ربنا يديها الصحة والعافية إسمها (ست ريد) أو حاجة بالشكل دا ممكن شباب الصحافة يصححوني كنت بمشي عشان عندها كوارع ذي الباسطة علي قول صديقي العزيز محي الدين... تحياتي لك أخي علي ورجائي أن تضع عنواني البريدي لأي شخص حابي يراسلني مرحب بيه ومرة تانية لك شكري وتقديري ومرة تانية إن عدتم عدنا حتماً أخوك نصير -------------------------------------------------------------------------------- هذا هو عنوان الاخ نصير لمن يود مراسلتة اضعة هنا بناء على طلبة. [email protected]

---

Post: #144 Title: Re: امدرمان الثورة والمهدية زكريات بين الازقة Author: Mutwali Malik Date: 08-17-2006, 09:03 AM Parent: #143 اخي علي الحسن لك كل التحايا الاخ نصير دقس شوية لانو هشام نوبة قراء معاي في الهند الدفعة الوراي يعني فرقنا سنة واحدة الاخ مامون ودالشهيد معانا هنا في امريكا وضحك كثيرا عندما اتصلت به بخصوص اخيه مصطفي وذكر لي انو مصطفي مرة قال ليه ناس التجنيد كلما عملوا كشة في الحي يجو مارين جنبو ويقولوا ليه عن اذنك ياحاج زح شوية خلينا نشوف شغلنا مع العلم انو هو ذاتو خاشي في سن التجنيد بس الدقن ونظارة النظر بتخلي شكلو كبير ومامون سوف يرسل ليك تلفون مصطفي علي الايميل بتاعك يانصير حسن الخروف او باع من ظرفاء الثورة الحارةالرابعة وهو طباخ ماهر وله طرائف كثيرة نرجع للثورة الحارة السابعة حلتنا وهنالك شخصية هامة جدا هي العم بشري علي شرفي عليه رحمة الله له من المواضيع المهمة والشيقة الكثير اذكر كنا نجلس معه بالساعات يحدثنا عن الانجليز والعبادي وخالد ابوالروس ومسرحيته تاجوج وكان يذكر لنا ابيات من الحوار بين المحلق وتاجوج لا انساه ابدا داير اراك لكن عن ثيابك عارية فتقول ليهو ياود محلق يمين جنيت منك بارية ما نال الخويدم اهوي ليك انا جارية ياود محلق يمين حبك تعدي مكانو واملي الفيك ذهب هدمت لي اركانو وطلبك صار صعب فرد ليها المحلق لابد من امكانو وطلب المحلق كان معروف عاوز يشوف الشامة في جسم تاجوج وان عدتم حتما عدنا

---

Post: #145 Title: Re: امدرمان الثورة والمهدية زكريات بين الازقة Author: ali elhassan Date: 08-19-2006, 10:12 PM Parent: #144 الاخ متولى مالك شكرا على الاضافة والتصويب ونتظر ايميل من الاخ نصير للتعقيب. بمناسبة هذا البوست علمت ان الثورة شهدت امطارا غزيرة ادت الى هدم كثير من المنازل وقد شهدت فيضان 88 ورايت كيفـ جرفت السيول فى خورشمبتات (القلعة) المنازل وها هى تتكرر مرة اخرى فاتمنى ان تولى المحافظةاهتمامااكثر بتنظيمالسكن وتوفيردراسات عن منسوب المياة فى خور شمبات ودراسة تاثيرة على الذين يسكنون بمحاذاة هذا الخور لحماية المواطنين من مثل هذة الكوارث.

---

Post: #146 Title: Re: امدرمان الثورة والمهدية زكريات بين الازقة Author: ali elhassan Date: 08-22-2006, 05:07 AM Parent: #145 الاخ نصير تحية طيبة انت يا اخوى من زمن بكار كانت مهدى وعرابى وتقول ديناصورات انا دخلت بكار سنة 89 وكانت مقسمة لى مهدى وعرابى ونورانى وكان المعلمين احمد امين وجعفر وعبد الفتاح وغيرهم بس الظاهر عليك انت قبلنا..... Quote: Sat, 19 Aug 2006 21:20:48 -0700 (PDT) From: "naseer mohd." Add to Address Book Add Mobile Alert Yahoo! DomainKeys has confirmed that this message was sent by yahoo.com. Learn more Subject: رجعنالك وكيف نرفض رجوع القمرة لي وطن القماري To: [email protected] أخي علي تحياتي لك وأحيك علي صبرك الجميل معنا لكن شايف ناسك ديل ناموا إلا الأخ متولي (الذي يرفض ضمناً التلميح بإنه ديناصور)...له تحياتي وإحترامي الذي يفرضة (عامل السن وأشياء) أخري ... لكن الرجوع للحق فضيلة والحق لله أقول أن الأخ متولي متشرب تماماً بالثورة لكن لاحظت عليهو بعض الضعف في الحارة الثانية يعني ما شايف عندو فيها علاقات كثيرة وإذا ملاحظتي ما في محلها صوبني أخي متولي....ناس حلة الحريقة ورا هناك وغيرها وغيرها ...بعدين برضو حابي أسألك ويبدو إنك من الحارة السابعة تتذكر المرحوم (منقذة)أنا كنت صغير وكنا نسمع الكثير عن قوته وكيف أنه كان بيرفع الموتر بتاعو ويشيلو لما يبوظ أو يخرب.... وبرضو بسألك تتذكر البيت الحدتث فيهو الحادث؟؟؟؟ في ميدان أنصار السنة في الحارة السابعة ... أرجو تبليغ تحياتي للأخ مامون ود الشهيد وقول ليهو نسيت اللغة الإسبانية ولا لسة؟ ... أما بالنسبة ليك يا أخ علي فيبدو إنو إنت برضو درست في بكار المتوسطة لإنك ذكرت صف (مهدي) والفصول كانت مقسمة بين (مهدي) و(عرابي) ولا زلت أذكر سؤال الأستاذ عبد الرحيم بتاع الرياضيات والذي كنا نلقبة شقاوة منا بلقب (بوب) لنا مرة في الجمعية الأدبية لما سأل: أين يمكن أن يلتقي الخطيان المتوازيان؟ ولما فشلت جميع إجاباتنا كان جوابه: يمكن أن يلتقي الخطين المتوازيين في كراس طالب في ثانية (عرابي) وأتذكر الشباب بتاعين تانية عرابي زعلوا منو .... لكن يبدو إنك إما قدامي أو وراي في الدراسة في بكار.... تحياتي لك ولأخي العزيز متولي وعلي قول أخوانا الشوام أنا (ناطركم) وإن عدتم عدنا تحياتي لكم مرة أخري والسلام -------------------------------------------------------------------------------- Want to be your own boss? Learn how on Yahoo! Small Business.

---

Post: #147 Title: امدرمان الثورة والمهدية زكريات بين الازقة Author: ايهاب مهاجر Date: 08-22-2006, 12:04 PM Parent: #1 الاخ على سعدت جدا بالتوثيق للثورة والمهدية انا من سكان الحارة الثانية والاخوان ذكرونا باسماء واماكن لنا معها ذكريات جميلة ,,من الاشياء المنسية فى هذا السرد نقطة بوليس المهدية المتواجدة فى الحارة الخامسة وهى الوحيدة لفترة من الزمن الموجودة فى الثورة ,الفنان صديق عباس فى الخامسة سيف الجامعة فى السادسة,والممثل والمخرج المرحوم عيسى تيراب والاستاذة الاعلامية سكينة عربى والدة الاخ فيصل ابوعكر ,,وفى الثانية يوجد عمك ميتو صاحب البص البمبى المشهور قبل دخول الحافلات ,,وفى الخامسة ايضا فى مطعم حسين سيك الشهير بحلوين ..ولى عودة

---

Post: #148 Title: Re: امدرمان الثورة والمهدية زكريات بين الازقة Author: Mutwali Malik Date: 08-22-2006, 10:35 PM Parent: #147 شخصيتين جديرتين بالذكر قطب المريخ الكبير دقنو في الحارة الاولي ومنزله معروف للجيع مضروب اصفر واحمر وفي الدرابزين نجوم المريخ الاستاذ والمربي صاحب اشهر برنامجين في التلفزيون في السبعينات برنامج مسابقة المدارس وقضايا الناس ان لله عباد اختصهم بقضاء حوائج الناس حببهم في الخير وحبب الخير فيهم انهم الامنون من عذاب القيامة انه الاستاذعوض احمد ويسكن الحارة الرابعة لذا لزم التنويه