|
ورجع الانصارى المتشوطن صفر اليدين رغم وساطة الوسطاء ....
|
:
:
مرحبا محمد عبدالرحمن وحمدلله على السلامة
وانشاء الله الاجازة التانية قريبة ...
بعض المصادر افادت ان اغلب الاجازة بامدرمان
بعضهم اكد انك ترمى لبعيد
والاخر افاد بانك تريد ان تصنع تاريخا جديد فى البقعة
ولكن الارجح انك تبكى على اطلال الزمن الجميل
وارجح رواية بهاء بكرى فهو ادرى ووسيط ناجح ...
مرحبا ومشتاقين
|
|
|
|
|
|
|
|
Re: ورجع الانصارى المتشوطن صفر اليدين رغم وساطة الوسطاء .... (Re: Gafar Bashir)
|
سلامات وعوافي يابكة شنو ياشاب انت كنت مصيف في تاهيتي .. مابرضك جيت خالي الوفاض .. محمد عبدالرحمن اساسا ما كان ناوي علي شي زي دا علي الاقل ... علي كل هو برضو بندقو في بحر زيك يعني .. انتو ماشفتونا نحن بناجز كيف .. والله شهر 8 (البعد الجاي)الا تصيفوا في الدوحة لاننا ح نحسم الموضوع نهائي وح نقعد ننتظركم انتو ياشبابنا ..وختو في بالكم اول جمعة في شهر 9/2007 انتو معزومين معاي يعني كل الـ(العزابة)بيكونوا موجودين.. مع خالص وضي .. العريس قريبا عبدالرحيم ودرملية
| |
|
|
|
|
|
|
Re: ورجع الانصارى المتشوطن صفر اليدين رغم وساطة الوسطاء .... (Re: خدر)
|
يابكرى
محمد عبدالرحمن ود خالتى
وتقارير الاسرة تقول :
انه كان فى حالة هروب من أى جتماع للاسرة حتى يوم كرامة وصوله صاحبك هربا من الكبار
قطع ليهو فاتحة من راسو طبعا انت عارف عرب الجزيرة تقول ماشى لفاتحة الكلام انتهى
لكن زولك ده عارف ان شوطنته تلك مقطعة فى راسو عرس من برة بكة
همسة : هو عارف أن قوانين تلك الاسرة بتقول لازم اول حاجة تعرس من الاسرة وبعداك
لو داير تبقى علمانى زى بدرالدين او تعرس نصارانية او انصارية بندر مافى مشكلة
| |
|
|
|
|
|
|
Re: ورجع الانصارى المتشوطن صفر اليدين رغم وساطة الوسطاء .... (Re: بدر الدين الأمير)
|
يابدرالدين ..
تعرف لما رجعت لقيت لى لسته فيها عدد (60) متوفى ..(ان زين) ال60 ديل عندهم تفرعات ..يعنى واحد يكون عمرو 80 سنة مات بكون عندو ولد فى (المرابيع الجديدة) وبت فى (فريق السلك ) وولدتانى فى (فريق ا لشيخ ) ..وبت فى (حلة ابيد ) ...وعلى هذا قس ..دى براها 20 يوم راحت فى حق الله .. الزواج دا بقى انا اطلاقا ماحااشاور فيهو اهلك ديل ..لانو عارف خياراتهم مابتمرق من البيت ..تقعدوا تكثفوا فى الجينات دي لما فى النهاية اسرتكم دى تفرخ ارهابيين .. وبعدين انت علمانيتك سوت ليك شنو؟ ...ما فى النهاية رجعت لاصلك وجيناتك ...والرؤية التى لاتحتمل النقاش ...خليها مستورة ياخوى ..
| |
|
|
|
|
|
|
Re: ورجع الانصارى المتشوطن صفر اليدين رغم وساطة الوسطاء .... (Re: ابوبكر الامين يوسف)
|
محمد ود عبد الرحمن ..تحياتى الحاره وسلامة العودة سافرت بكل هدوء ورجعت كالظل
حكايتك شنو ؟ بعدين سمعنا تحت تحت عن مفاجأت ابان سفرك وعدت والحال ياهو نفس الحال
غلبك الاختيار ولا الشغله ماوقعت ليك..انت لو باريت ود خالتك ده بتضيع بين الرجلين......
لانو هو مشتت بين لبنان وهضاب اثيوبيا والسد العالى...
ابوبكر الامين يوسف محمد عبدالرحمن سمعنا بانصاريته لكن اتشوطن دى جديده علينا
| |
|
|
|
|
|
|
Re: ورجع الانصارى المتشوطن صفر اليدين رغم وساطة الوسطاء .... (Re: ابوبكر الامين يوسف)
|
Quote: باشمهندس ارعى بى قيدك
مشكلتى انى اديتك اخرى |
عاينوا دا ...مفتكر (اخرو) دا عند معتصم بس ياعزيزى للمدينة اذان واعين ..فقد روى الرواة فى المدينة انه فى ليلة من الليالى خرج المدعو (زورا) ودالعمدة ..يحتقب حقائب بها من لوازم (الشبكة) الكثير ..وتوجه صوب ابوظبى لتكمل له شقيقته ماتبقى منها ..كل ذلك وتداعب خياله قريبته (....)..للقصه بقية اذا اجبرنا ..
دحين يابكه ياخوى اهلنا قالوا (الداير الغناء يعمل حساب لفقرو )..لذلك خلى الملفات دى مغلقة عشان ماتضرر ..وان عدتم عدنا ..
| |
|
|
|
|
|
|
Re: ورجع الانصارى المتشوطن صفر اليدين رغم وساطة الوسطاء .... (Re: الصادق خليفة)
|
Quote: اها ياهندسة والله لو فتيوتا لينا اطلعك من شباك حنيني طوالي .. هيييييييع يا ابوالبنيات الوليد دا يقول ليك ارعي بي قيدك .. خسمتك بالقاسية اكان مافتيتو ..ورب شمارا حار يكفين شر الشمشمة |
ودرملية شمشم طوالى كان تلقى ليك ريحة سمحة
وكان عزفت ليهو لحن الحياة يالموسيقار مابقدر يقول
(صاحبك ده ماسكو من حتة صعبة ) صدقنى مابقدر
| |
|
|
|
|
|
|
Re: ورجع الانصارى المتشوطن صفر اليدين رغم وساطة الوسطاء .... (Re: ابوبكر الامين يوسف)
|
Quote: عاينوا دا ...مفتكر (اخرو) دا عند معتصم بس ياعزيزى للمدينة اذان واعين ..فقد روى الرواة فى المدينة انه فى ليلة من الليالى خرج المدعو (زورا) ودالعمدة ..يحتقب حقائب بها من لوازم (الشبكة) الكثير ..وتوجه صوب ابوظبى لتكمل له شقيقته ماتبقى منها ..كل ذلك وتداعب خياله قريبته (....)..للقصه بقية اذا اجبرنا ..
دحين يابكه ياخوى اهلنا قالوا (الداير الغناء يعمل حساب لفقرو )..لذلك خلى الملفات دى مغلقة عشان ماتضرر ..وان عدتم عدنا .. |
يعنى الا الواحد الا يدردقك كده ولاشنو
تانى ماتقول انك بعيد من النت
ابقى داخل وشوف فوق
وباقى كلامك ده شعرا ماعندك لى رقبة
| |
|
|
|
|
|
|
|