فصيل بالجيش الشعبي يعتدي على تلميذ في مرحلة الأساس بالكلاكلة

قوات فاولينو تعتدي على تلميذ بالضرب في الكلاكلة

الخرطوم : علي داؤود
اصيب طالب شمالي في مرحلة الاساس بجروح بالغة إثر اعتداء مجموعة من قوات الفريق فاولينو ماتيب التابعة للجيش الشعبي لتحرير السودان عليه في منطقة الكلاكلة جنوب الخرطوم امس الاول.
وابلغ المجني عليه مدثر محمد جمعة »الانتباهة« ان ثمانية جنود يتبعون لقوات الفريق ماتيب اوسعوه ضرباً مستخدمين الاسلحة البيضاء بعد ان طلبوا منه غسيل عربة تتبع لهم لكنه رفض فانهالوا عليه بالضرب المبرح.
ودون المجني عليه بلاغاً جنائياً تحت الرقم 4380 بقسم شرطة الكلاكلات.
وقال جمعة ان منسوبي قوات فاولينو اقتادوه الى معتقل في منطقة الكلاكلة التريعة محطة »سبعة ونصف« بحجة سرقته لاسبيرات العربة ومن ثم اطلقوا سراحه في منتصف الليل.

وليد تحياتي ...

تعرف يا وليد لي في سودانيزاونلاين دي اكتر من 5 سنة بدخل يومي
وبقرا اكتر من 50% من المواضيع ... ماسك نفسي من حاجة اسمها سياسة
ووجع راس ..
لكن خليتني ادخل ليك البوست دا عشان فيهو حاجة المفروض ما تعدي ساكت
..

ما بعرف الزول الاسمو علي داؤد دا لكن لو كان صحفي اعتقد انو لا يفقه شي في الصحافة
لانو صيغة الخبر المكتوب هي صيغة كريهه جدا لاحظ معي هنا ..

Quote: اصيب طالب شمالي في مرحلة الاساس بجروح بالغة إثر اعتداء مجموعة من قوات الفريق فاولينو ماتيب التابعة للجيش الشعبي لتحرير السودان عليه في منطقة الكلاكلة جنوب الخرطوم امس الاول

.

الفرق شنو لو غيرنا الجملة بدل شمالي بي (شيعي او سني ) ؟؟
مثل هذا الصحفي ينظر لمثل هذه الحوادث ليصنع منها نسخ عراقية او عرقية ان شئت
اذن هي طريقة متعمدة لدس السم في الخبر

اعتقد انها طريقة قبيحة لكتابة تقرير او خبر .. بل هي فتنه واضحة ..

كل يوم يتعرض الاف الشماليين لمئات الحوادث من الجيش او الشرطة وكل يوم يتعرض الاف الجنوبيين
لمئات الحوادث في كل السودان من الجيش او الشرطة.. لما هذه الطريقة لايراد الخبر ؟؟

طبعا لن اعلق علي الخبر نفسة ليست لعدم اهميته ولكن لانه سوف يؤدي الي طريق مسدود
اعلمه جيدا ..

___
عموما وللضمان دا ..

وجود اي قوات لاي جهه كانت هي مرفوضة بالنسبة لي في المدن
القوات المسلحة مكانها الحدود وليست العواصم والمدن حتي القوات الرسمية او الوطنية ..
___

كفارة للطالب السوداني لتعرضة للضرب من قوات سودانية ..

عمك تنقو

في المقصات زي بلنتي زيدان في بوفون

سؤال

من الذي اتي بقوات فاولينو للكلاكلات ؟؟؟؟

لماذا قوات داخل المدينة وإلى متى ؟

حاجة غريبة دولة داخل دولة ، قوات تتبع لفلان
وقوات تتبع لفلتكان شيء يحير

اذا كانت هذه التصرفات الحمقاء الرعناء هي من افرازات السلام فليذهب السلام غير مأسوف عليه.

ولتذهب قوات فاولينو الى الجحيم ..



ود الباوقة

الأخ وليد سلام..
الغريبة انا ساكن الكلاكلة وماسمعت الخبر دا نهائي...
وبعدين في الكلاكلة لو حصلت أي مشكلة بين جنوبيين وشماليين طوالي بنسمع بيها..
اتذكر ايام وفاة جون قرنق والأحدث الحصلت في الأيام البعدو كنا شباب في الحلة في عمك في جامع في الكلاكلة الوحدة حوالي الساعة 9 أو 10 مساء شغل ليك مكرفون الجامع وبقي يكورك (الله أكبر الله أكبر الجهاد الجهاد) نحن زاتنا لمن اتخلعنا من الكلام دا.
كل واحد شال ليهو عكاز والشال ليهو سيف والشال ليهو سيخة وقعدنا اشتغلنا دوريات في الحلة لحدي الصباح والله جنوبي واحد جا بي حلتنا مافي والبرنامج دا كان شغال ليهو كم يوم.
وبعد داك الناس ديل بقو هاديين شوية أحسن من الأول بكتير لأنو عارفين لو الواحد فيهم فتح خشمو بيحصل ليهو شنو.
كلامي دا ما عنصرية لكن وما ليهو دخل بي السياسة لكن واقع حاصل وعايشينو يومي وما أظن البلاغ الفتحهوه دا حيعمل حاجة لأنه الجماعة ديل قبل كده جو داخلين قسم الشرطة بتاع الكلاكلة اللفة وطلعو ليهم واحد تابع ليهم ومقبوض في القسم وهددو الضابط النبطشي بالسلاح وساقو الزول الكان محبوس ومشو...
إذا كان دا بيحصل في قسم الشرطة ... تتوقع يحصل شنو داخل الأحياء؟؟!!
على العموم كفارة لي ولدنا مدثر والمرة الجاية ما تمشي براك ..

1. ندين العنف والارهاب بمختلف اشكاله ومرتكبيه سواء كانت الحركة الشعبية او الحكومة
2. قوة فولينو دي ما القوات الدعمتها الحكومة وجابتها عشان تضرب الخائن جون قرن قبل نيفشا وقام انقلب على الحكومة ؟
ومنو الوصلوا هذا طفل المسكين للعمل الهامشي مفروض يكون بيدرس في المدرسة؟
3. من وين في الشمال ؟ اي من اي منطقة في الشمال؟

اول حبر مقصود منه عمل فرقعة اعلامية وليس اكثر

ثانيا كيف تعرف هذا الطالب على ان هولاء هم قوات فاولينو مع العلم يوجد العشرات من الفصائل في الخرطوم


ثم ما جدوى وجود قوات مسلحة في الخرطوم,ابتدا من القيادة العامة وملاحقاتها


عدم استقرار السودان سياسيا يعزي لهذه القيادة العامة التى ما فتئت ات تحيق انقلاب تلو والاخر

وهي سبب وجود كل هذه المصائب لابارك الله فيها اتمنى ان ارى يوما اصبحت مزراع للاسماك او منتزه للترفيه او حتى مقلب لتدوير القمامة بدلا من وجع الراس.

ابوالقاسم