Post: #1
Title: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:04 AM
|
Post: #2
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:05 AM
Parent: #1
اليوم الأول ..
ملحححححححححححححححح
|
Post: #3
Title: Re: تم إفتتاح كــافتريا سودانيز أونلاين..مبروووك
Author: Frankly
Date: 07-07-2006, 10:06 AM
Parent: #1
واحد سبريسّو لو سمحت وشغل لينا التلفزيون
|
Post: #4
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:11 AM
Parent: #3
مــرحب
القلت عليهو ده مـــا عندنا لكن في
1- عرديب
2- كركدي
3- حلو مر
4- قونقليز
5-عصير قصب
6-تمر هندي
7-ليمون
8-جوافة
9- برتكــان
10- منقة
كدي جرب
برتكانا ده عشان إنت أول واحد
لكن جاي براك مــالك؟
|
Post: #5
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:15 AM
Parent: #4
معليش (الكهرباء قاطعة من الصباح) عشان كده التلفزيون ما بنقدر نشغلوا
تعال الساعة تلاتة قالوا بتجي
|
Post: #7
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:16 AM
Parent: #5
متعاقدون مع أجود حقول (العرديب في السودان)
وخبراء ( علي إبراهيم للعرديب)
|
Post: #6
Title: Re: تم إفتتاح كــافتريا سودانيز أونلاين..مبروووك
Author: abdelfattah mohammed
Date: 07-07-2006, 10:15 AM
Parent: #4
وأنا وصلت
مبروك
ما في إتفضل ساكت
|
Post: #9
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:21 AM
Parent: #6
مرحب
abdelfattah mohammed
نفخر بأن نقدم لك
شراب البطيخ
يوجد فقط لدينا هنا
ومرحب
لكن جاي براك برضو؟
يا جماعة كده بنخسر
|
Post: #8
Title: Re: تم إفتتاح كــافتريا سودانيز أونلاين..مبروووك
Author: Tragie Mustafa
Date: 07-07-2006, 10:19 AM
Parent: #3
عصام يا رائع
ما قلنا ما ممكن تغادر عرفته ليه؟؟؟؟
لانك اضافه حقيقه للمنبر.
ياله يا غالي منتظرنك
انا حاجي اتفرج مباراة الختام لكأس العالم عندك هنا في كافتريتك.
بس اتمنى يكون (التدخين ممنوع)
وحاليا عايزه
واحد فول (بالسمن البلدي) وشمار وثوم وصلحه.
عارف (السمن البلدي) يعني شنو في شرق السودان؟؟؟؟
هذا يعني (سمن الغنم) وهو اغلي واقيم في الشرق من (السمن البقري).
تراجي.
|
Post: #10
Title: Re: تم إفتتاح كــافتريا سودانيز أونلاين..مبروووك
Author: Mustafa Mahmoud
Date: 07-07-2006, 10:22 AM
Parent: #8
dear isam
are going to serve refreshment's in cups or mugs?
lol
i think ......................
is better than cups
mustafa
|
Post: #14
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:40 AM
Parent: #10
مراحــــب
Mustafa Mahmoud
عليك الله شوف جوافتنا دي طاعمة كيف؟؟
جوافتنا ..أحب الجوافة
مرحب..مرحب
***********************
أشرب وقـــــارن
|
Post: #13
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:35 AM
Parent: #8
مرحبا بك
Tragie Mustafa
Quote: وحاليا عايزه
واحد فول (بالسمن البلدي) وشمار وثوم وصلحه.
|
وده طلبك علي العين والراس
بس بي زيت السمسم لحدي ما تشوفي لينا تاجر نتعاقد معاهو علي السمنة 
Quote: عارف (السمن البلدي) يعني شنو في شرق السودان؟؟؟؟
هذا يعني (سمن الغنم) وهو اغلي واقيم في الشرق من (السمن البقري).
|
دي معلومة هامة جدا وأتمني أن نوفره في الكافتريا عندنا قريبا جدا.
ومن ناحية (ناس الكيف ) ديل عندهم حتة مخصصة ليهم عشان برضو نحنا عاوزين الناس كلها تجينا.
وفي إنتظار تشريفك مباراة النهائي معانا
************************************
نحن نقدم أرقي الخدمات...زيارة واحدة تكفي
|
Post: #11
Title: Re: تم إفتتاح كــافتريا سودانيز أونلاين..مبروووك
Author: ahmed haneen
Date: 07-07-2006, 10:27 AM
Parent: #1
اخوي عصام
ما عندكم عصير بلح كريستال
|
Post: #12
Title: Re: تم إفتتاح كــافتريا سودانيز أونلاين..مبروووك
Author: Mustafa Mahmoud
Date: 07-07-2006, 10:31 AM
Parent: #11
sharboot ya haneen?
lol
|
Post: #16
Title: Re: تم إفتتاح كــافتريا سودانيز أونلاين..مبروووك
Author: Tragie Mustafa
Date: 07-07-2006, 10:43 AM
Parent: #12
عصام
ما تنسى تجهز (مولد كهربائي) ليوم الفاينل وتكتبه من حسه اعلان
عشان زباينك يكثروا بضمانهم لعدم انقطاع التيار الكهربائي.
مودتي.
تراجي.
|
Post: #17
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:43 AM
Parent: #11
مرحب
ahmed haneen
آي عندنا
بس ناس الصحة قالوا ده بالذات الناس تشربوا طازج هنا مباشرة
(ممنوع تشيل معاك حاجة البيت)
****************************
بلحنا ولا بلح الناس
|
Post: #15
Title: Re: تم إفتتاح كــافتريا سودانيز أونلاين..مبروووك
Author: Deng
Date: 07-07-2006, 10:41 AM
Parent: #1
يا عصام.
عندكم عبابير؟
دينق.
|
Post: #18
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:56 AM
Parent: #15
نهتم بالنظافة وصحة زبائننا
موظفينا علي درجة عالية من الوعي
مرحبا بكم
شوفوا كفتريتنا نظيفة كيف!!
أحب النظافة
|
Post: #19
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:56 AM
Parent: #15
نهتم بالنظافة وصحة زبائننا
موظفينا علي درجة عالية من الوعي
مرحبا بكم
شوفوا كفتريتنا نظيفة كيف!!
أحب النظافة
|
Post: #20
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 11:06 AM
Parent: #15
مرحب
Deng
شرفت الكفتريا
جرب البيبسي ده حاجة خطرة جدا
**********************************
طلباتكم الخاصة تجد عناية فائقة..!
|
Post: #21
Title: Re: تم إفتتاح كــافتريا سودانيز أونلاين..مبروووك
Author: Mustafa Mahmoud
Date: 07-07-2006, 11:55 AM
Parent: #20
ya isam never serve in MUGS
serve in nice glasses
and cups
no kayzan
|
Post: #22
Title: Re: تم إفتتاح كــافتريا سودانيز أونلاين..مبروووك
Author: سفيان بشير نابرى
Date: 07-07-2006, 12:26 PM
Parent: #1
ياعصام احمد ...
ياعصام ...ياعصام
متابعك ومبسوط بس دائماً (العتب) النظر (وكده)...
كدى شوف لينا (كبايه شب) قضيم نزيد دمنا الانمصه ده
وبعدين ننفاهم ...
ممكن ؟
|
Post: #23
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 12:39 PM
Parent: #22
مـــرحب ..مرحب
بي ود نابري
ديل كبايتين بدل كباية الشب وشوف القضيم بتاعنا ده حلو كيف ..
وشكرا علي تلبية الدعوة
**************************
مع شراب القضيم بتاعنا ده..حتحس بي دمك متحسن
|
Post: #24
Title: Re: تم إفتتاح كــافتريا سودانيز أونلاين..مبروووك
Author: خدر
Date: 07-07-2006, 12:48 PM
Parent: #23
عصام
عليكـ الله 47 (كوز) و 4 مراسلين اجانب .
|
Post: #28
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 01:11 PM
Parent: #24
خضر مرحب بيك
وشرفت الكفتريا
ال47 كوز ديل بتاعين عرديب؟؟
نديك هسه كولا كيف معاك ؟
كدي جرب الكولا بتاعتنا دي ..حاجة خطرة جدا..
تلاتة قزازات ما كتيرة عليك
*********************************
متعاقدون مع شركة الكولا بتاعة الكوكا والبيبسي
|
Post: #25
Title: Re: تم إفتتاح كــافتريا سودانيز أونلاين..مبروووك
Author: هاشم نوريت
Date: 07-07-2006, 12:49 PM
Parent: #23
عصام احمد
دبايوا
الملح دا نحن نريدو ادينا واحد دبنة بــ جمجميل.
السكر كتر كمان قدر ما تقدر.
|
Post: #26
Title: Re: تم إفتتاح كــافتريا سودانيز أونلاين..مبروووك
Author: إسماعيل وراق
Date: 07-07-2006, 01:07 PM
Parent: #25
يا حبيب
يا كافي البلاء
لا زمان ولا مكان
الكافتيريا دي مكانها وين
.
.
وبعدين يا أخي ما تركز على دعاية اليوم الأول مجاني.. دي بقت دعاية ما جايبة حقها..
.
.
المهم حاجز واحد (كوز) عرديب
|
Post: #27
Title: Re: تم إفتتاح كــافتريا سودانيز أونلاين..مبروووك
Author: ابراهيم بقال سراج
Date: 07-07-2006, 01:10 PM
Parent: #25
الف مبروووووووووووووووك علي الافتتاح الجديد وبناء علي الدعوة نحن
جينا يالا قدم لينا المأكولات والمشروبات
لك التحية والتقدير اخي عصام احمد
|
Post: #31
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 01:28 PM
Parent: #27
إبراهيم
مــرحب ..مرحب بيك
الله يبارك فيك
وشكرا لتلبية الدعوة
الصينية دي البلدي بتاعنا
السفن أب كيف معاك؟
*************************
وجبات بلدية ممتازة
|
Post: #30
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 01:18 PM
Parent: #25
مـــرحب ..مرحب
ودبايوا
هاشم
دي جبنة مخصوصة وكلمت الولد تاني كل ما تجي يجهزها ليك
الجنزبيل كدي شوفوا كيف؟
.
.
.
.
.
والسكر..مظبوط؟
شرفت الكفتريا
|
Post: #29
Title: Re: تم إفتتاح كــافتريا سودانيز أونلاين..مبروووك
Author: عبد الله عقيد
Date: 07-07-2006, 01:15 PM
Parent: #1
يا عصام ياخي مبروك الافتتاح
عرفنا اليوم الأول مجاني
بس الواحد يطلب كم مرّة؟؟
لأنو عايزين نروا تب..
..
| Quote: "المهم أحجز لي واحد (كوز) عرديب". |
بتشرق يا حبيب..
احسن ليك تشرب بالكباية
|
Post: #36
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 02:00 PM
Parent: #29
عبد الله عقيد
مرحب ..مرحب بيك
اليوم الأول ملوحي زي مــا عاوز
أطلب بس
نديك كدي الصحن ده وحلي بالجبنة معاهو
شكرا لتلبية الدعوة
|
Post: #32
Title: Re: تم إفتتاح كــافتريا سودانيز أونلاين..مبروووك
Author: عزيز عيسى
Date: 07-07-2006, 01:30 PM
Parent: #1
1- عرديب
2- كركدي
3- حلو مر
4- قونقليز
5-عصير قصب
6-تمر هندي
7-ليمون
8-جوافة
9- برتكــان
10- منقة
يا عصام ممكن عصير مشكل خلطة..
السكر وسط..
بس أوعك تكتر التلج؟
|
Post: #33
Title: Re: تم إفتتاح كــافتريا سودانيز أونلاين..مبروووك
Author: ABDELMAGID ABDELMAGID
Date: 07-07-2006, 01:43 PM
Parent: #32
عصام أخوى ....
لا سلام على طعام !!!!
و أنا كفاى صينيتك (المدنكله !!! ) دى ...
تحيتى و احترامى يا حبيب
عبدالماجد
|
Post: #38
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 02:08 PM
Parent: #33
مـــرحب مــرحب يا عبد الماجد
كيفن الكلام ده خلاص أشرب
|
Post: #34
Title: Re: تم إفتتاح كــافتريا سودانيز أونلاين..مبروووك
Author: Balla Musa
Date: 07-07-2006, 01:45 PM
Parent: #32
عصام مبروك الكفتيريا
عليك الله أدينى كوز فاضى ومعاهو مصاصة.
|
Post: #35
Title: Re: تم إفتتاح كــافتريا سودانيز أونلاين..مبروووك
Author: غادة عبدالعزيز خالد
Date: 07-07-2006, 01:54 PM
Parent: #34
عصام
يا راقى
فى باسطة؟؟
|
Post: #42
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 02:19 PM
Parent: #35
مــرحب مرحب بيك يا غادة
نورتي الكافتريا
كيفن مافي ياغادة!!
أختاري إنتي بس..وللا أقول ليك حاجة شيليها كلها ما كتيرة عليك
|
Post: #40
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 02:12 PM
Parent: #34
بلة مرحب بيك وشرفت الكافتريا
مع حسن الحظ كيزان مافي
شرفت الكافتريا ونديك كباية شاي
|
Post: #37
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 02:05 PM
Parent: #32
مرحب مرحب يا أبو العز
شرفت الكافتريا
يا ولد..يا ولد..واحد عصير مشكل لعمك أبو العز 4 كبابي وما تكسر التلج
|
Post: #39
Title: Re: تم إفتتاح كــافتريا سودانيز أونلاين..مبروووك
Author: lana mahdi
Date: 07-07-2006, 02:12 PM
Parent: #1
| Quote: نديك كدي الصحن ده وحلي بالجبنة معاهو |
أسمع يا زول الفول الجايب صورتو مرشوشة جنبو الجبنة دة مضبلن و مسود
ما منجض بي كم فص ثوم سالمين و قبضة عدس و كم بلحة
با تحسن الطلبات يا بنفتح كافتيريا جندرية من سيدات و آنسات سودانيز أونلاين و نبوّر ليك كافتيريتك دي..أها شن قولك؟
|
Post: #41
Title: Re: تم إفتتاح كــافتريا سودانيز أونلاين..مبروووك
Author: noon
Date: 07-07-2006, 02:14 PM
Parent: #39
Congratulation
NOON
|
Post: #44
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 02:37 PM
Parent: #41
نون
مرحب ..مرحب بيك
وشرفتي الكفتريا
العطاء كان صعب خالص خالص..لكن في النهاية رسي علينا نحنا
لأنو المكان محتاج كفتريا .
كدي جربي العرديب ده
شرفتي
|
Post: #43
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 02:29 PM
Parent: #39
مـــرحب ..مرحب بيك يا لنا
وشرفتي الكافتريا
| Quote: با تحسن الطلبات يا بنفتح كافتيريا جندرية من سيدات و آنسات سودانيز أونلاين و نبوّر ليك كافتيريتك دي..أها شن قولك؟ |
شايفا الناس الفي الصورة دي؟
قالوا ليك نحنا تاني طوالي في كافتريا سودانيز..
هاكي جق العرديب ده
شرفتي
|
Post: #45
Title: Re: تم إفتتاح كــافتريا سودانيز أونلاين..مبروووك
Author: Tragie Mustafa
Date: 07-07-2006, 03:00 PM
Parent: #43
عصام احمد
عزيز عيس طلب (مشكل):
Quote: يا عصام ممكن عصير مشكل خلطة..
|
و(مشكل ) دي قالوا بقت بتخوف ناس الحكومه جدا
لانهم سألوا عن (جبهة الخلاص) انها تتكون من منو؟؟؟
قالوا ليهم دي (مشكل )فيها العلماني والاسلامي ...و......و هلمجرا.
وهم قالوا عايزين يعرفوا (هلمجرا )ده يل منو؟؟؟
تحياتي.
تراجي.
|
Post: #46
Title: Re: تم إفتتاح كــافتريا سودانيز أونلاين..مبروووك
Author: فيصل محمد خليل
Date: 07-07-2006, 03:11 PM
Parent: #45
عصام مسكاقنا
عندك تركين وفي رواية اخرى تاركينج .
نحن كتار هنا
فيصل محمد خليل
|
Post: #53
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 04:41 PM
Parent: #46
فيصل
مرحب .مرحب بيك
وشرفت الكافتريا
يا سلاااام ياخ التركين بالقراصة ! البتزا جنبوا زي اللالوب مع البلح
الولد هسه بيجهز ليكم حاجة خاصة كده
دقايق بس
التركين وجبة عبارة عن سمك مملح يؤكل نيئاً من غير طهي وهي وجبة شهية قديمة مستمرة حتي اليوم في
ربوع الشمال الحبيب .
تحياتي
|
Post: #47
Title: Re: تم إفتتاح كــافتريا سودانيز أونلاين..مبروووك
Author: noon
Date: 07-07-2006, 03:17 PM
Parent: #45
عصام احمد
شكرآ علي العرديب واللة في وقتو تمام
بس النسالك, الثلج المجدعو في الكبابي والجكوك دة جيبتو من وين
كهربتكم ما قاطعا
NOON
|
Post: #54
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 04:42 PM
Parent: #47
التلج بنشتريهو باللوح..
عشان عارفين الكهرباء بتقطع ..
ده كلو عشان منو؟؟..ما عشانكم إنتو
شرفتي الكفتريا يا نون
|
Post: #48
Title: Re: تم إفتتاح كــافتريا سودانيز أونلاين..مبروووك
Author: خضر الطيب
Date: 07-07-2006, 03:51 PM
Parent: #1
الحبيب عصام
لكن مابوظت اعصابنا بالصينية دي ..انا عايش عذابي بيض مابعرف اسلقو ..حرااااااااااااام عليك
مابلقى عندك كوارع
|
Post: #49
Title: Re: تم إفتتاح كــافتريا سودانيز أونلاين..مبروووك
Author: Saifeldin Gibreel
Date: 07-07-2006, 03:59 PM
Parent: #48
عندكم شيشة يا عصام
|
Post: #55
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 04:50 PM
Parent: #49
سيف
مــرحب ..مرحب
ونورت الكفتريا
المعسل كيف؟
كدي جرب ده ..
شرفت والله إنت أول زول يجرب معسلنا ده
**********************
زبائننا الكرام :- فضلا السايد الغربي للتدخين شيشة وسجاير ..لراحتكم
|
Post: #50
Title: Re: تم إفتتاح كــافتريا سودانيز أونلاين..مبروووك
Author: Muhib
Date: 07-07-2006, 04:00 PM
Parent: #48
واحد اررديب لو سمعت ..
|
Post: #52
Title: Re: تم إفتتاح كــافتريا سودانيز أونلاين..مبروووك
Author: نادية عثمان
Date: 07-07-2006, 04:31 PM
Parent: #50
دايرة مديدة حلبة وزقنى وعصير جوافة !
|
Post: #62
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 08:49 PM
Parent: #50
مراحب يا محب ..
الكفتريا نورت والله
والجق ده عشانك
عرديبنا ده مفعولوا خطير جدا جدا
تحياتي
|
Post: #56
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 05:01 PM
Parent: #48
مــراحب خضر الطيب
والكفتريا نورت
بالنسبة للكوراع
إنت جيتنا تب ..وحنجهز ليك تاني طلبك ده طوالي
و الكوارع دى حاجة طبعا حلوة وبتديك طاقة عجيبة جدا جدا..
ونحنا هنا عندنا خلطة ممتازة (طلعنا العضام بره) بكري قال طلعوا العضم بره.
كدي جربها
شرفت
|
Post: #51
Title: Re: تم إفتتاح كــافتريا سودانيز أونلاين..مبروووك
Author: ALGARADABI
Date: 07-07-2006, 04:20 PM
Parent: #1
الأخ عصام
جينا نبارك الافتتاح
و أنا زى تراجى لو ما منعتا التدخين و الشيشة ما بعتب المكان ده!!!!
ولا أقول ليك أعمل جزء خاص بغير المدخنين
|
Post: #57
Title: Re: تم إفتتاح كــافتريا سودانيز أونلاين..مبروووك
Author: welyab
Date: 07-07-2006, 05:38 PM
Parent: #51
اخويا عصام انا عاوز اسفر العيال في الصيفية وعاوز الطالبات تصلني للبيت ممكن !
واقترح تقديم قائمة المأكولات الخفيفة والسلطات ( الزلطة) على قول اهل الخليج ..
التركين!! والاتر.. والكشرنيق.. والكابيدة ضمن الاقتراح يكون قي قائمة الصحن اليومي آخر الاسبوع .. للنوبيين ..
وضيف (الدكاي ) .. يعني بالبلدي حاجة كده زي والشربوت في القائمة ( الطلبات خاصة) !!
وسؤال مهم .. اخبار الوصلة... هل لديكم اعتراف ضمني بضرورة تقديم الوصلة ... يعني واحد كمل صحن الطلب !! بندوه حاجة يكمل بيها حنة الرغيف..!!
|
Post: #64
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:25 PM
Parent: #51
ALGARADABI
مرحب مرحب
والكفتريا نورت بيك
نحنا عندنا جزء لكل جزء
وناس التدخين والشيشة في الركن الغربي من الكافتريا وفي حتة مفتوحة فيها هواء
ده كلو عشان منو؟؟
مــا عشانكم إنتو
الكولا دي حاجة خطرة جدا بالليمون!!
أول مرة بالسودان هنا في كفتريتنا دي..مش خطيرين؟
تحياتي
|
Post: #58
Title: Re: تم إفتتاح كــافتريا سودانيز أونلاين..مبروووك
Author: أحمد الشايقي
Date: 07-07-2006, 06:14 PM
Parent: #1
عصام سلامات
أنا بجي (طابـق)
عشان كدا عايزين مكان بإضاءة خافتـة وفيهو موسيقى هادئة,
بس مش عارف اطلب شنو,
بس ادينا المنيو
والجكس رايح يطلب,
طلباتنا دي في؟
لك التحية
أحمـد
|
Post: #59
Title: Re: تم إفتتاح كــافتريا سودانيز أونلاين..مبروووك
Author: Sobajo
Date: 07-07-2006, 07:18 PM
Parent: #58
واحد فسكة عليك الله يا باشا ...
و جق موية ...
و السلطة برة ...
وما تنسى الشطة ... تكون موحوحة ...
والحساب في الدفتر ....
|
Post: #65
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:33 PM
Parent: #58
أحمد الشايقي
نورت الكفتريا
والدنيا دي كلها فيها الناس (اتنين اتنين)
وياريت طوالي معانا بي جاي
ودي حتتكم
الكلام ده كلو لي منو؟
مــا ليكم انتو
..
بس إنتو تعالوا طوالي ..وخليكم زباين
ــــــــــــــــــــــــــــــــــــــــــــــــــــــــــــ
نعمل علي راحة زبائننا ..ومن معهم
|
Post: #60
Title: Re: تم إفتتاح كــافتريا سودانيز أونلاين..مبروووك
Author: tmbis
Date: 07-07-2006, 07:22 PM
Parent: #1
Quote:
و(مشكل ) دي قالوا بقت بتخوف ناس الحكومه جدا
لانهم سألوا عن (جبهة الخلاص) انها تتكون من منو؟؟؟
قالوا ليهم دي (مشكل )فيها العلماني والاسلامي ...و......و هلمجرا.
وهم قالوا عايزين يعرفوا (هلمجرا )ده يل منو؟؟؟
تحياتي.
تراجي. |
جيد انه تجاهـــل ردك ..
هذا البوست .. يعلم صاحبـه ( لماذا فتحــه ) ..
مثل هذا الكلام أرجو أن تذهبي به إلى مكان آخر .. حتى لا تفسدي الروح الودية للبوست
|
Post: #61
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 08:47 PM
Parent: #60
عفوا ضيوفنا الكرام (أسياد الحوش)
هناك طلب خاص وصلني عبر المسنجر
وهو يتساءل عن الإستريو؟؟؟ وطلب تشغيل هذه الأغنية
(يعني جايب شريطوا معاهو )
ونلبي له طلبه
|
Post: #63
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 09:01 PM
Parent: #61
خمسة دقايق والعمال بيعملوا في نظافة للكافتريا
كل رأس ساعة
تحياتي
|
Post: #66
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-07-2006, 10:44 PM
Parent: #63
خمسة دقايق والعمال يخلصوا من نظافة للكافتريا
النظافة للكافتريا تتم
كل رأس ساعة!!
ــــــــــــــــــــــــــــــــــــــــــــــــــ
شوفوا صحانتنا نضيفة كيف!
|
Post: #67
Title: Re: تم إفتتاح كــافتريا سودانيز أونلاين..مبروووك
Author: احمد العربي
Date: 07-07-2006, 10:57 PM
Parent: #66
يا عصام
يا بتاع الكفتيريا
انتو بتفتحو بتين ياخي
نحنا اتاخرنا وورانا شغل
مودتي
جميل جميل جميل
بالله 4 اقشي لو عندكم
|
Post: #68
Title: Re: تم إفتتاح كــافتريا سودانيز أونلاين..مبروووك
Author: غادة عبدالعزيز خالد
Date: 07-07-2006, 11:38 PM
Parent: #67
| Quote: وسؤال مهم .. اخبار الوصلة... هل لديكم اعتراف ضمني بضرورة تقديم الوصلة ... يعني واحد كمل صحن الطلب !! بندوه حاجة يكمل بيها حنة الرغيف..!! |
الاجابة بسرعة يا عصام
عشان نعرف نطلب شنو
|
Post: #69
Title: Re: تم إفتتاح كــافتريا سودانيز أونلاين..مبروووك
Author: othman mohmmadien
Date: 07-08-2006, 01:04 AM
Parent: #68
موية زير عندكم
لأسباب نفسية ما بشرب بالكوز
إنتبه ما بشرب بالكوز
ورونا زيركم
|
Post: #70
Title: Re: تم إفتتاح كــافتريا سودانيز أونلاين..مبروووك
Author: فيصل نوبي
Date: 07-08-2006, 01:17 AM
Parent: #1
عندكم بتاعات !!!
قزازة خدرا لو سمحت
|
Post: #71
Title: Re: تم إفتتاح كــافتريا سودانيز أونلاين..مبروووك
Author: Mustafa Mahmoud
Date: 07-08-2006, 02:47 AM
Parent: #70
البتاع
يا للي فتحت
البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول
أحمد فؤاد نجم
dear isam
mabrouk
an aawiz betaa bil al salatta
all my love to you
if at all possible a glass of red wine
mustafa
|
Post: #72
Title: Re: تم إفتتاح كــافتريا سودانيز أونلاين..مبروووك
Author: عاصم ابوبكر حامد
Date: 07-08-2006, 03:00 AM
Parent: #71
يا عصام
لك التحية
اسمعنى فى شيشة اسكندرانى
ومعها عصير انناس فريش لو سمحت
انا منتظر فى الركن الشمالى
اما المدام بتشرب شيشة نعناع وعصير تفاح فريش
تشوفك بخير
تسلم
|
Post: #75
Title: Re: تم إفتتاح كــافتريا سودانيز أونلاين..مبروووك
Author: hatim
Date: 07-08-2006, 03:13 AM
Parent: #71
سلام يا صاح..
بنجيك في وقت وجبة عشاء...
ممكن تجهز لينا إتنين شية سلاد ومعاه أي مشروب إن شاء الله (بطيخ)..
|
Post: #73
Title: Re: تم إفتتاح كــافتريا سودانيز أونلاين..مبروووك
Author: سفيان بشير نابرى
Date: 07-08-2006, 03:08 AM
Parent: #1
يا معلم عصام ...
صباحك سعيد ونهارك حلو ...
شوف لى اخوك كباية قهوة تقـــــــــــــيــــلة خالى سكر
تـــــقـــيلة يجروها بى ركشة كده ..
|
Post: #74
Title: Re: تم إفتتاح كــافتريا سودانيز أونلاين..مبروووك
Author: قرشـــو
Date: 07-08-2006, 03:12 AM
Parent: #1
اخونا عصام
يسعد صباحك
ياخوى من الصبحيةوقبل الفطرو عاوزين لينا كبدة جمل ....
فى ولا مافى ؟؟؟؟
بالعدم ام فتفت بالله ....
اوع تقول مافى ...
طبعا شطة بالليمون والدكوة والعتى .....
لو ما بتعرف الحاجات دى احسن تقفل بس ...
|
Post: #76
Title: Re: تم إفتتاح كــافتريا سودانيز أونلاين..مبروووك
Author: انعام حيمورة
Date: 07-08-2006, 04:16 AM
Parent: #1
الف الف مبروك
ممكن نعرف الوصف .. عشان نجي ..
متشوقين
|
Post: #77
Title: Re: تم إفتتاح كــافتريا سودانيز أونلاين..مبروووك
Author: adil amin
Date: 07-08-2006, 05:01 AM
Parent: #1
الاخ عصام
تحية طيبة
ما عندكم...فتة كده الطيارة قامت D:
|
Post: #78
Title: Re: تم إفتتاح كــافتريا سودانيز أونلاين..مبروووك
Author: abcde
Date: 07-08-2006, 06:24 AM
Parent: #1
ما عندكم شغل
إن شاالله بي بطني
|
Post: #79
Title: Re: تم إفتتاح كــافتريا سودانيز أونلاين..مبروووك
Author: قرشـــو
Date: 07-08-2006, 06:40 AM
Parent: #1
ياخوى فى كمونية ولا لا ؟؟؟؟؟
|
Post: #80
Title: Re: تم إفتتاح كــافتريا سودانيز أونلاين..مبروووك
Author: Sobajo
Date: 07-08-2006, 07:20 AM
Parent: #79
قرشو ....!!
عليك الله كورك لي عصام ده قوليه زيادة عيش معاك ...!!
اتفضل ياخ ... معليش جيت ماري فوقي و ما عزمتك ...!!
|
Post: #81
Title: Re: تم إفتتاح كــافتريا سودانيز أونلاين..مبروووك
Author: سفيان بشير نابرى
Date: 07-08-2006, 03:41 PM
Parent: #1
ياجماعة والله بالغتو !!!
الراجل متين فتح وكترتو عليهو الديون!!!
اها الليلة طفشتوا مننا كلو كلو !!!
اكتر من 9 ساعات الزول ده ما ظهر
ومن الصباح طالبين كباية قهوة مرة
لاهو جاء لا شربنا القهوة !!!
والله جنس ديونكم دي ما تخليهو يجي راجع .
|
Post: #82
Title: Re: تم إفتتاح كــافتريا سودانيز أونلاين..مبروووك
Author: ali elhassan
Date: 07-08-2006, 04:09 PM
Parent: #81
يا عصام نحن ناس الضرائب
دايرين الاتى:
دمعة الجريح
دمعة انفلونزاء الطيور بى الطوة
دمعة زاد الجقاجق بى البصل المنشف
وكان داير تخارج نفسك سريع خت ليك ضلع
كبير فى ضهرية العربية لا من شاف ولا من درى.
ولو عندك راى تانى بكرة حا اجوك ناس الزكاة
واللحوم(الشئون) الهندسية ولا رز لمن افطر.
|
Post: #83
Title: Re: تم إفتتاح كــافتريا سودانيز أونلاين..مبروووك
Author: النسر
Date: 07-08-2006, 05:07 PM
Parent: #82
Quote: يا عصام نحن ناس الضرائب
دايرين الاتى:
دمعة الجريح
دمعة انفلونزاء الطيور بى الطوة
دمعة زاد الجقاجق بى البصل المنشف
وكان داير تخارج نفسك سريع خت ليك ضلع
كبير فى ضهرية العربية لا من شاف ولا من درى.
ولو عندك راى تانى بكرة حا اجوك ناس الزكاة
واللحوم(الشئون) الهندسية ولا رز لمن افطر. |
رائع وانا معاك نص بالنص جقمة بى جقة كمان ياريت لوعصام يزيد عليها شوية فلة
ليك السلام والتهانى اخ ... عصام بوست يريح ..........
|
Post: #84
Title: Re: تم إفتتاح كــافتريا سودانيز أونلاين..مبروووك
Author: عزيز عيسى
Date: 07-08-2006, 05:08 PM
Parent: #1
Quote:
و(مشكل ) دي قالوا بقت بتخوف ناس الحكومه جدا
لانهم سألوا عن (جبهة الخلاص) انها تتكون من منو؟؟؟
قالوا ليهم دي (مشكل )فيها العلماني والاسلامي ...و......و هلمجرا.
وهم قالوا عايزين يعرفوا (هلمجرا )ده يل منو؟؟؟
تحياتي.
تراجي.
|
Quote:
جيد انه تجاهـــل ردك ..
هذا البوست .. يعلم صاحبـه ( لماذا فتحــه ) ..
مثل هذا الكلام أرجو أن تذهبي به إلى مكان آخر .. حتى لا تفسدي الروح الودية للبوست
تمبس
|
عزيزي الاخ تمبس
عزيزتي الأخت تراجي،
تحياتي،
أود أن أوضح فقط:
أخوكم عايش خارج السودان منذ عام 1979 ومسجل غياب عن السودان..
لا أفهم في السياسية السودانية ولا أحب الخوض في مناقشة الأمور السياسية.
عندما دخلت على موضوع الأخ عصام كنت أبحث عن زوايا معينة أستريح فيها من هموم
الغربة وآلآمها وأتعرف على المزيد من الأخوة السودانيين.
وحينما ذكرت في تعليقي بكلمة (مشكل) كنت أعني معناها الحرفي وليس الحركي
لأنني ببساطة لا أفهم في اللغة التي تستخدم اليوم.
وحسب فهمي بأن الأخ عصام أيضا تجاوزني وقصد عدم الرد على تعليقي لأنه فهمني
خطأ.
|
Post: #85
Title: Re: تم إفتتاح كــافتريا سودانيز أونلاين..مبروووك
Author: Saifeldin Gibreel
Date: 07-09-2006, 00:28 AM
Parent: #84
يا عصام انت من زمن الشيشة بشربوه بالمعسل... بقو بشربوه بى حاجات تانية
|
Post: #86
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-09-2006, 08:14 AM
Parent: #85
الســـادة والسيدات الافاضل
شكرا علي تلبيتكم دعوتنا
ونعتزر علي التوقف يوم أمس نسبة لتضامننا مع صحيفة السوداني ضد قرار مجلس السخافة
(إنشاء الله تكونوا جبتوا معاكم سندوتشات؟)
ونبدأ بتلبية طلباتكم ويريت نقدر
...بالنسبة لطلبك أخي عزيز فإنني لم أتجاهله ورددت عليك بإسم (أبو العز) ولم أفهم سوي مــا قصدته أنت ..وإذا أخطأت فلك العتبي حتي ترضي أخي..يمكنك مراجعة تاريخ الرد بجانب المشاركة
كان هذا هو الرد
Quote: مرحب مرحب يا أبو العز
شرفت الكافتريا
يا ولد..يا ولد..واحد عصير مشكل لعمك أبو العز 4 كبابي وما تكسر التلج
|
welyab
مــــــــــــــــــراحب كتار وشرفت الكفتريا وربنا يوصل الأولاد لأهلهم بالسلامة
Quote: واقترح تقديم قائمة المأكولات الخفيفة والسلطات ( الزلطة) على قول اهل الخليج ..
التركين!! والاتر.. والكشرنيق.. والكابيدة ضمن الاقتراح يكون قي قائمة الصحن اليومي آخر الاسبوع .. للنوبيين ..
وضيف (الدكاي ) .. يعني بالبلدي حاجة كده زي والشربوت في القائمة ( الطلبات خاصة) !!
|
علي العين والراس.. والطلبات الخاصة دي بتلقي عندنا إهتمام خاص ..بس إنت أطلب.وطلبك مجـــاب.
| Quote: اخبار الوصلة... هل لديكم اعتراف ضمني بضرورة تقديم الوصلة ... يعني واحد كمل صحن الطلب !! بندوه حاجة يكمل بيها حنة الرغيف..!! |
عندنا وصلة بتاعة فول وشوربة وسلطة بس ..عشان إنت عارف وصلة الحاجات التانية بنخسر...وللا رأيك شنو؟
تحياتي وأأشرب عصيرنا ده وأدينا رأيك
.
.
.
.
سوبـــــاجو:-
شرفت الكفتريا وكنا دايرنك تشتغل معانا حسب رغبتك في العصائر لكن المدير خاف منك
وقال الزول ده لو جا أدوهو منقة عشان كده هــاك المنقة دي:-
منقتنا كيف؟
إدارة الكفتريا
.
.
.
.
.
أحمد العربي
مرحب وشرفت الكفتريا
طلبك علي العين والراس
معانا طوالي بي جاي؟
.
.
.
.
.
.
غادة .. عشان اليوم الأول ملح شايفك جيتينا كتير وشايلة معاك الجك بتاعك ده ..دي المرة الأخيرة كويس
؟؟
othman mohmmadien
أحييك علي عدم إستخدام الكيزان للأسباب التي زكرتها
نحنا زاتنا ما عندنا هنا والما عاجبوا يشرب بالكبابي... يشرب بي يدو
لكن فتشت لزير موية ما لقيت ..ناس قوقل ما عندهم لو لقيت واحد جيبوا بيعوا لينا..بنشتريهو..
كدي جرب المنقة دي
.jpg)
تحياتي
فيصل نوبي
شرفت الكفتريا يا بتاع الكولا
عليك الله الزولة دي ما بتشبه قزازة الكولا ؟
لو بتشبهها أشربها
.
.
.
.
|
Post: #87
Title: Re: تم إفتتاح كــافتريا سودانيز أونلاين..مبروووك
Author: رأفت ميلاد
Date: 07-09-2006, 10:13 AM
Parent: #86
عصام إنشاءالله ما شطبطو
شوف لينا جبنة
تحياتى
|
Post: #88
Title: Re: تم إفتتاح كــافتريا سودانيز أونلاين..مبروووك
Author: عثمان حسن الزبير
Date: 07-09-2006, 10:29 AM
Parent: #87
تحياتي عصام
ما محصلين مقعد ..
ما مشكلة
تاني جايين من بدري ...
|
Post: #89
Title: Re: تم إفتتاح كــافتريا سودانيز أونلاين..مبروووك
Author: Mustafa Mahmoud
Date: 07-09-2006, 11:10 AM
Parent: #88
special present for you ya ism and for your honourable respected guests
*****
بريدك .. بريدك .. بعزك
وأقبل .. أقبل ترابك ..
ترابك محنة .. حنانك رحيقك
رحيقك شبابك ...
شبابك شهامة .. شهامتك كرامتك..
كرامتك عزيزة .. عزة ترابك ..
تسافر .. تهاجر .. تودع سحابك ..
سحابك مطيرة .. تخدر تعطر هضابك ..
عيونك جروفك .. عيالك قطوفك ..
تردد هتافك .. تسالم كفوفك ..
حروفك معانى ..كلامك سيوفك ..
تحارب تدافع ... تنظم صفوفك ...
شيابك تراثك .. تقود لى دفوفك ..
نساءك مهيره .. اصيلة وكريمه ..
تحاضن تقالد .. تشرف ضيوفك ..
افراحك حريرة .. حنة وضريرة ..
تلملم شتاتك .. يرجع يشوفك ...
احزانك قصيدة .. حنينه وحزينة ..
تناجى المشاعر .. تولع فى جوفك ..
تنادى ولادك .. بناتك رجالك ...
تخاطب خيالنا .. نغير نبدل ظروفك ..
أسمك بطاقة .. كبيرة وعريضة ..
تزين صدورنا .. تعجب البشوفك ...
بريدك .. بريدك .. بعزك ....
واقبل .. اقبل .. ترابك ....
اسماء الجنيد / مسق
|
Post: #95
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-09-2006, 03:03 PM
Parent: #88
عثمان حسن الزبير
شرفت ونورت الكفتريا
ومقعدك موجود وألمقاعد هنا بعدد الأعضاء كلهم
الفانتا دي حاجة خطرة جدا ..جربها
شرفت
|
Post: #94
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-09-2006, 02:59 PM
Parent: #87
رأفت ميلاد
شرفت الكفتريا ونورت بي طلتك
واحد جبنة لي رأفت
ما تغيب
|
Post: #90
Title: Re: تم إفتتاح كــافتريا سودانيز أونلاين..مبروووك
Author: ahmed haneen
Date: 07-09-2006, 12:37 PM
Parent: #1
يا عصام
يا اخوي المسخرة دي شنو الحاصلة في
الكفتريا بتاعتك دي
انت ما شايف الزول والزولة ديك
قاعدين كيف .. يأكلوا من اسكريم واحد
يديها لحسة وتديهو لحسة
علي اليمين ما توقف المسخرة
انادي ليك عمو فرانكلي .. يعلن عليك الجهاد
ويكسروا ليك كراسيك دي
|
Post: #91
Title: Re: تم إفتتاح كــافتريا سودانيز أونلاين..مبروووك
Author: Saifeldin Gibreel
Date: 07-09-2006, 01:30 PM
Parent: #90
Quote: واحد
يديها لحسة وتديهو لحسة
|
|
Post: #92
Title: Re: تم إفتتاح كــافتريا سودانيز أونلاين..مبروووك
Author: Tragie Mustafa
Date: 07-09-2006, 02:06 PM
Parent: #91
الاخ عزيز
عصام لم يتجاهلك اكيد بس ماشاف مداخلتك.
وصدقني مداخلتك طبيعيه ومفهومه.
تمبس
عصام لم يتجاهلني فقط هو مشغول واكيد مفروض يرد اولا على من دخل عليه جديدا
اسرع ممن كتب مداخلتين,انت اطلع منها والبيني وبين عصام عامره.
تراجي.
|
Post: #93
Title: Re: تم إفتتاح كــافتريا سودانيز أونلاين..مبروووك
Author: Tragie Mustafa
Date: 07-09-2006, 02:09 PM
Parent: #92
عصام
مباراة الختام (مولعه) بين فرنسا وايطاليا
نلقاك مقفل متضامن مع صحيفة السوداني؟؟؟؟
امرنا لله نشوفها في محل ثاني.
مودتي.
تراجي.
|
Post: #96
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 07-09-2006, 03:06 PM
Parent: #90
يا أحمد إزيك ؟
كل ناس عندهم مكانم المخصص ليهم إنت الوداك بي غادي شنو ؟
|
Post: #97
Title: Re: تم إفتتاح كــافتريا سودانيز أونلاين..مبروووك
Author: ahmed haneen
Date: 07-11-2006, 03:36 AM
Parent: #1
اخوي عصام
يا حبيبي الشوف ما كتل الغزال
وقت ما لقينا اسكريم نلحس
عيون ما تشوف ؟؟
بعدين شايف الجماعة طفو النور
ولا يمكن الكهربة قطعت !!
|
Post: #98
Title: Re: تم إفتتاح كــافتريا سودانيز أونلاين..مبروووك
Author: خالدة البدوي
Date: 07-12-2006, 06:26 PM
Parent: #1
عصام ياخوي
مبروك الكفتريا
لكن يا ربي ما بلقى عندكم
عصيدة بملاح الروب وجنبها
حلو مر ،،،
تعبنه من الاكل الماعنده طعم ده ..
دمت ،،،
|
Post: #99
Title: Re: تم إفتتاح كــافتريا سودانيز أونلاين..مبروووك
Author: Deng
Date: 07-12-2006, 09:33 PM
Parent: #1
نقول ليكم عبار عبارين تقوموا تجيبوا لينا صورة علبة بيبسي وعلبة فانتا وعصاير.
كافتريا من غير عبابير دي ما كافتريا أصلا.
دينق.
|
Post: #100
Title: Re: تم إفتتاح كــافتريا سودانيز أونلاين..مبروووك
Author: Muhib
Date: 07-12-2006, 09:49 PM
Parent: #99
دينق روق دمك والتقيل جاي
|
Post: #101
Title: Re: تم إفتتاح كــافتريا سودانيز أونلاين..مبروووك
Author: رأفت ميلاد
Date: 07-13-2006, 10:29 AM
Parent: #100
عصام حضر العبابير
وبعدين راجع المسنجر
رأفت
|
Post: #102
Title: Re: تم إفتتاح كــافتريا سودانيز أونلاين..مبروووك
Author: Sobajo
Date: 07-13-2006, 07:48 PM
Parent: #101
**
|
Post: #103
Title: Re: تم إفتتاح كــافتريا سودانيز أونلاين..مبروووك
Author: Tragie Mustafa
Date: 07-20-2006, 01:53 AM
Parent: #102
عصام
وحياتك كافتريتك دي بالجد بقت ناجحه
ارجوك سرب (الاسرار) لاخونا منصوري لانه دخل في (بزنس حقيقي) في (اللفه).
تقديري.
تراجي.
|
Post: #109
Title: Re: تم إفتتاح كــافتريا سودانيز أونلاين..مبروووك
Author: Mustafa Mahmoud
Date: 09-29-2006, 10:06 AM
Parent: #103
الشـاعـر الـمـنفـي أحـمـد مـطـر
لص بلادي
بالتمادي . . . يصبح اللص بأوربا مديراً للنوادي،
وبأمريكا، زعيماً للعصابات وأوكار الفساد،
وبأوطاني اللتي من شرعها قطع الأيادي،
.يصبح اللص . . . زعيماًُ للبلاد
|
Post: #104
Title: Re: تم إفتتاح كــافتريا سودانيز أونلاين..مبروووك
Author: altahir_2
Date: 07-29-2006, 05:56 AM
Parent: #100
السلام عليكم ورحمة الله وبركاته
يا شباب والله الكافتريا عندكم اكل وشراب وموسيقى
وتحبيسة بي شيشة كمان
لا كان كدى كل مرة بنديكم زيارة
|
Post: #105
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 08-09-2006, 06:43 AM
Parent: #104
أهلا بيكم جميعا وأخدوا راحتكم
|
Post: #106
Title: Re: تم إفتتاح كــافتريا سودانيز أونلاين..مبروووك
Author: عصام أحمد
Date: 08-09-2006, 06:49 AM
Parent: #105
|
Post: #110
Title: Re: تم إفتتاح كــافتريا سودانيز أونلاين..مبروووك
Author: نادر السوداني
Date: 09-30-2006, 01:13 AM
Parent: #100
المعلم عصام الكفترية دي وكل الحاجات مية مية حسة الدفع بل الجنية ولا بل الدولار؟؟؟؟؟؟؟؟؟؟؟؟؟؟؟؟؟ محبتي رمضان كريم
|
Post: #107
Title: Re: تم إفتتاح كــافتريا سودانيز أونلاين..مبروووك
Author: محمد علي يوسف
Date: 08-09-2006, 12:33 PM
Parent: #1
سلامات
يا عصام
شنو ياخ تفتح وما تقول لينا
اقله كان سوينا ليك حفلة
قلت لي اليوم الاول ملح
سمح انا ماشي اجيب شباب الداخلية وجاييك
اوعك تنط
بعدين
كتر لينا في الغموس
باقي الخريف مطرته ما مضمونه
بعدين
كده شوف لينا اي شغلة كده معاك
انشاء الله كاشير
شوف ابيع ليك الشباب كيف
في حالة العدم مرمطون نقبل
وما حامشي الداخلية
|
Post: #108
Title: Re: تم إفتتاح كــافتريا سودانيز أونلاين..مبروووك
Author: Mustafa Mahmoud
Date: 08-09-2006, 01:26 PM
Parent: #107
dear isam
i think you should put a tender
for the new stock
careful they might be some so called islamic company who will try to take over your business
you never know they might call it
or they will send you very heavy tax bill
if you refuse to sell
the sudanese online Islamic cafeteria
lol
|
Post: #111
Title: Re: تم إفتتاح كــافتريا سودانيز أونلاين..مبروووك
Author: فرح
Date: 09-30-2006, 01:47 AM
Parent: #108
فرح .. تمنيت أن تكون معى ليلة البارحة لترى إبداعاتى الفولية .. وصلنى فول (حب) من القاهرة .. فرحت لأن هذا يمنحنى إجازة من الفول المعلب و المسيخ .. وضعت الفول بملحقاته داخل الحلة كما نفعل فى حلة القطر قام .. أقلقت الحرارة الشديدة مضاجع الفول فصار غطاء الحلة يعلو و يهبط تبعا لحركة حبيبات الفول الرأسية .. و بدأ السائل الفولى الأصفر يسيل على جنبات الحلة و يملأ أرضية البوتوجاز .. لم أخاف أن يصاب فولى بالجفاف .. و لكنى خفت أن أضطر لأستدعاء المنظفة الرومانية .. فى كل مرة تزورنى تترك الشقـة تلمع .. لكن نصف محتويات الثلاحة يذهب لسلة الزبالة و يغيب النصف الآخر داخل بطنها .. فقلت مخاطبا نفسى .. يا حلاوى عليك بالحجاب عملا بنظريتك فى القدرة المحجبة .. و هل تقل حلتى أنوثة عن قدرتكم .. وقبل أن أضرب بهذا الحجاب النايلونى على جيب حلتى .. تذكرت الأخبار التى أوردتها الجرايد التى تعلّى مراتبك .. فأخافتنى السرطنة أكثر من خوفى من الرومانية .. تذكرت قدرة أدروب الذى كنت جار كنتينه بالصحافة .. حتى لا تنبح قدرته كان يلقمها طوبة .. فرح ما هى علاقة الطوبة بالأنثى ؟؟ ألم تركب يوما حافلة بها أنثى و حيدة .. راقب ماذا يفعل المساعد و أحيانا السائق !! يأتى بطوية و يضعها داخل الحافلة درءا الكوارث .. عوض ود حلتنا يعزى إنفجار ماكوك الفضاء الأمريكى جالنجر لخطأ فادح إرتكبه فنيى ناسا .. هى جهلهم أن يضعوا طوبة وهم يدركون أن المعلمة كانت الأنثى الوحيدة ضمن الطاقم .. تقول شـنو .. قمة الجهل .. لم يرد ذكر الطوبة عندهم فى الباراسايكولوجى .. لا يهمنى الماكوك جالنجر فقط أهتم بأمر حلتى التى جلبت لها شمار خصيصا من السودان .. و حتى لا يفقد شمارى رائحته بالتقادم .. لكن من أين لى بالطوب فى هذا المبنى الذى تقتله النظافة .. وجدتها .. أخيرا وجدتها .. هذة المكواة اللعينة التى حيرنى أمرها .. مكواة من النوع الذى يعمل بالفحم .. أظن أن جيلها يرجع لأنسان سنجة الأول .. و قد أتى بها بيالى باشا من السودان فى حملة الغزو التركى السودانى لقبرص .. دعك من تتبع تاريخ المكوة .. توهطت المكوة رأس الحلة التى ماعادت تقول بغم .. نسيت أن أقول لك .. فى حملة تفتيشى عى ثقل أضعة على راس الحلة وجدت شاكوشا لكنى لم أستغله فى هذه المهمة حتى لا يجئ الشمرشجية و يقولوا حلاوى أدى الحلة شاكوش .. على أى حال طلع فول حار و مدنكل تقطع لسانك وراهو .. قلت اليوم للبت الرومانية المكوة دى عايزها تلمع .. على الأقل نستفيد من حرارتها المكتسبة فى كى الملابس و نوفر كم واط كهرباء
بالمناسبة أنا مدمن فول لدرجة قف .. ما تقول لى درجة قف فيها كم درجة .. أنا زاتو ما عارف .. بس إنتا أخدها كدا بحيثياتها
ساعطيك سرا لم أبح به إلا للمدمنين أمثالى .. ما هى أفضل طريقة لشـد الفول .. طبعا الفول يشـد و لا يطبخ
- بل الفول لثلاث ساعات
- ضعه فى حلة من النوع الثقيل و غطه بالماء الكافى
- أقطع عليه بصلة واحدة و حبة طماطم
- أضف كوب صغير من العدس المصرى
- أضف مقدار فنجان أرز
- إضافة ملعقة صغير باكنجباودر
- أضف مقدار فنجان زيت
- ضع الحلة على نار هادئة
و تأكلو بالهناء و الشفاء
ملحوظة :: حقوق الطبخ محفوظة
---------------
Almagnoon
على الحــلاوى
|
Post: #112
Title: Re: تم إفتتاح كــافتريا سودانيز أونلاين..مبروووك
Author: فرح
Date: 09-30-2006, 01:48 AM
Parent: #111
اخخخخخخ زى الساعه سبعه راقد فى العنقريب الهبابى الفى الحوش الهبابى واتناولت كيس التمباك ورفعت المرتبه قلت القى لى جريده اتسكع بيها واتلكع بيها لحدى ما تجينى الشجاعه اقوم استحمى فى الصفحه الفى النص
البروفسور مواد مسرطنه يحذر الشعب السودانى
التمباك مواد مسرطنه
برومات البوتاسيوم مواد مسرطنه
ماده البوليمر البختوها ناس الحكومه اروقوا بيها المنقه اقصد المويه مسرطنه
النفايات المدفونه فى ربوع السودان مسرطنه
حكيت راسى قلت ديل كلهم ممكن ازوغ منهم بما فى ذلك التمباك
جانى الخبر القرب اجيب لبى السرطان
قدر الفول المحجبه بأكياس النايلون على نار هادئه تجيب السرطان بواسطه حبيبى الفول
وووووووووب علينا الما قرينا
|
Post: #113
Title: Re: تم إفتتاح كــافتريا سودانيز أونلاين..مبروووك
Author: فرح
Date: 09-30-2006, 01:49 AM
Parent: #112
الحمد لله ستونه بتجيب الفول البكر من دنقلا وبتنضفو وتبلو
في الدماسه وتخليهو في الشمس المغربيه كدي بتولع نار السبيرتو
وتخت دماسة الفول الليل كلو الفول بنسلق وينطبخ على نار هادئه
الصباحيه لمن تفتح الدماسه تجيك ريحة الفول طاقه في نص نخرتك
وعليم الله يا ابوي تقول حبيبات ياقوت وكتين تمسك الفوله زتسحنا
بين اصابعيك متل جمادة اللبن البقري الفريزن وكان شفت يا ابوي
فنانه في تحضيرو شفت تجيب ليك البقدونس وتحشو دقاااااااق وكمان
الجرجير وتحشو دقاااااااق وبصله خضراء تحشها دقاااااااق وطماطمايه
شادهـ تقطعا ليك زي ظهر الطاوله وتحضر الجبنه والمبشرهـ
واهلنا قاعدين يجيبو لينا سمنة الضان الما خمج اها لمن تكب الفول في
صحن الباشري وتملحو تديه شويه جبنه مبشوره بالله زي السوميته
اها وديهو رشة يقدونس مع رشه جرجير ولمن ترمي فيه رشة البصل
بس تقول زهور قوود مورننج الوقت داك ترش فيه الطماطم بالله يا ابوي
تبقى جهنميه عديل كدهـ بس يكبو ليك فيه السمن حار الصحن دهـ
يا ابوي لمن يزغلل العيون والمصارين تقول ليك عووووووك حربوكس
لوري معصلج وفي الصحن شطه حمراء كاربه من كسلا تمغط الرغيفه
في الشطه وتديها نفطه بصباعك السبابه تجيك نازله تف في الفول
وتمغط اللقمه الأولي لمن الشطه تلسعك في نص راسك وبعد داك
يا ابوي ما تسعلني لكن اخير ليك ما تطلع من البيت فتش ليك على عنقريب
مقابل تيار هواء اها بالهنا والعافيه أنا رسلت يجيبو لي فول من مقرن النيلين
ناس ابوظبي الداير يفطر يجيني في المكتب
======
أبو بشرى
|
Post: #114
Title: Re: تم إفتتاح كــافتريا سودانيز أونلاين..مبروووك
Author: فرح
Date: 09-30-2006, 01:56 AM
Parent: #108
فرح .. تمنيت أن تكون معى ليلة البارحة لترى إبداعاتى الفولية .. وصلنى فول (حب) من القاهرة .. فرحت لأن هذا يمنحنى إجازة من الفول المعلب و المسيخ .. وضعت الفول بملحقاته داخل الحلة كما نفعل فى حلة القطر قام .. أقلقت الحرارة الشديدة مضاجع الفول فصار غطاء الحلة يعلو و يهبط تبعا لحركة حبيبات الفول الرأسية .. و بدأ السائل الفولى الأصفر يسيل على جنبات الحلة و يملأ أرضية البوتوجاز .. لم أخاف أن يصاب فولى بالجفاف .. و لكنى خفت أن أضطر لأستدعاء المنظفة الرومانية .. فى كل مرة تزورنى تترك الشقـة تلمع .. لكن نصف محتويات الثلاحة يذهب لسلة الزبالة و يغيب النصف الآخر داخل بطنها .. فقلت مخاطبا نفسى .. يا حلاوى عليك بالحجاب عملا بنظريتك فى القدرة المحجبة .. و هل تقل حلتى أنوثة عن قدرتكم .. وقبل أن أضرب بهذا الحجاب النايلونى على جيب حلتى .. تذكرت الأخبار التى أوردتها الجرايد التى تعلّى مراتبك .. فأخافتنى السرطنة أكثر من خوفى من الرومانية .. تذكرت قدرة أدروب الذى كنت جار كنتينه بالصحافة .. حتى لا تنبح قدرته كان يلقمها طوبة .. فرح ما هى علاقة الطوبة بالأنثى ؟؟ ألم تركب يوما حافلة بها أنثى و حيدة .. راقب ماذا يفعل المساعد و أحيانا السائق !! يأتى بطوية و يضعها داخل الحافلة درءا الكوارث .. عوض ود حلتنا يعزى إنفجار ماكوك الفضاء الأمريكى جالنجر لخطأ فادح إرتكبه فنيى ناسا .. هى جهلهم أن يضعوا طوبة وهم يدركون أن المعلمة كانت الأنثى الوحيدة ضمن الطاقم .. تقول شـنو .. قمة الجهل .. لم يرد ذكر الطوبة عندهم فى الباراسايكولوجى .. لا يهمنى الماكوك جالنجر فقط أهتم بأمر حلتى التى جلبت لها شمار خصيصا من السودان .. و حتى لا يفقد شمارى رائحته بالتقادم .. لكن من أين لى بالطوب فى هذا المبنى الذى تقتله النظافة .. وجدتها .. أخيرا وجدتها .. هذة المكواة اللعينة التى حيرنى أمرها .. مكواة من النوع الذى يعمل بالفحم .. أظن أن جيلها يرجع لأنسان سنجة الأول .. و قد أتى بها بيالى باشا من السودان فى حملة الغزو التركى السودانى لقبرص .. دعك من تتبع تاريخ المكوة .. توهطت المكوة رأس الحلة التى ماعادت تقول بغم .. نسيت أن أقول لك .. فى حملة تفتيشى عى ثقل أضعة على راس الحلة وجدت شاكوشا لكنى لم أستغله فى هذه المهمة حتى لا يجئ الشمرشجية و يقولوا حلاوى أدى الحلة شاكوش .. على أى حال طلع فول حار و مدنكل تقطع لسانك وراهو .. قلت اليوم للبت الرومانية المكوة دى عايزها تلمع .. على الأقل نستفيد من حرارتها المكتسبة فى كى الملابس و نوفر كم واط كهرباء
بالمناسبة أنا مدمن فول لدرجة قف .. ما تقول لى درجة قف فيها كم درجة .. أنا زاتو ما
|
Post: #115
Title: Re: تم إفتتاح كــافتريا سودانيز أونلاين..مبروووك
Author: Mustafa Mahmoud
Date: 10-06-2006, 12:14 PM
Parent: #114
we are all isam Ahmad here
up ustaz isam
we will all work together
until the fall of the corrupt ingaz gang
down with
the sugar dollars suckers
and the petrol dollars thieves
the parasites who feed from the poor sudanese blood
the islamist fascist ingaz gang mafia
dr mustafa mahmoud
|
|