Post: #1
Title: لماذا ذهب على عثمان لتركيا؟؟!!!!!!
Author: السنجك
Date: 07-07-2006, 09:21 AM
لماذا ذهب على عثمان لتركيا؟ولماذا اختار تركيا الدوله العلمانيه ...تركيا كمال اتاتورك التى فيها قاعده امريكيه وتنشط فيها المخابرات الامريكيه والمخابرات الاسرائليه وللمعلوميه تركيا الان تتوسط بين اسرائيل وحماس لاطلاق الجندى الاسرائيلى الاسير ولمد جسور بين اسرائيل وحماس !!!!
لماذا لم يختار على عثمان ايران الاسلاميه؟؟؟ وهى اقرب اليهم من تركيااو يذهب للصومال بعد ان سيطرت عليها الجماعات الاسلاميه ؟او حتى لصديقهم القذافى ؟؟؟؟
سؤال مطروح للاجابه والتحليل
السنجك
|
Post: #2
Title: Re: لماذا ذهب على عثمان لتركيا؟؟!!!!!!
Author: عبد الله عقيد
Date: 07-07-2006, 09:42 AM
Parent: #1
الأخ السنجك
تحية
.... أو يمشي مصر.. لا لا، مصر برضو عندها علاقة مع إسرائيل وبتتوسط للجندي..
طيب يمشي ليبيا.. أبدا، ليبيا قالو عندها دخل في موضوع حمرة الشيخ..
أها تاني ويييييين.. يمشي باكستان، ولّا السعودية، لا السعودية ناسا زاتو بيمشو
يصيفو برة، يمشي لبنان، ابدا هو زعلان من اللبنانيين من زمن القمة العربية..
هو ماشي ليه زاتو؟؟
|
Post: #3
Title: Re: لماذا ذهب على عثمان لتركيا؟؟!!!!!!
Author: Tragie Mustafa
Date: 07-07-2006, 09:53 AM
Parent: #1
السنجك سلام
والله هذا الرجل من اذكى ثعالب الجبهه,فعلا لماذا تركيا:
Quote: لماذا ذهب على عثمان لتركيا؟ولماذا اختار تركيا الدوله العلمانيه ...
تركيا كمال اتاتورك التى فيها قاعده امريكيه وتنشط فيها المخابرات الامريكيه
والمخابرات الاسرائليه |
اولا ولانه زكي جدا اختار تركيا
وكما قلت بكل استيعاب حقيقي لكل كلمه كتبتها.
الرجل في مرحلة تطبيع مع الغرب,وقد نجح في ايصال رسالة لهم بأنه نموذج (للاسلامي الليبرالي)
وبوجوده في تركيا يواصل توصيل هذه الرساله,فانت لا تدري كم حفلة استقبال ونشاط اجتماعي
يمكن ان يكون قد حضره,والناس تشرب في (الجعه)امامه ونساء لابسات للبكيني وغيره وهو يرسل
الرساله لامريكا انه حاضر وبيتونس وبيشارك بكل روح (متحضره) وطبعا شهوده بعض الامريكان والاسرائيلين.
Quote:
لماذا لم يختار على عثمان ايران الاسلاميه؟؟؟ وهى اقرب اليهم من تركيااو يذهب للصومال
بعد ان سيطرت عليها الجماعات الاسلاميه ؟او حتى لصديقهم القذافى ؟؟؟؟
|
يا زول ايران شنو؟؟؟؟
الراجل بيحاول يقول لامريكا هو ضد هؤلاء المتشنجين من آمثال الايرانين وغيرهم.
وبعدين صومال شنو يا زول,الصومال دي هو يرسل لها شوية من قروش البترول
بس وبالسر لكن يمشي؟؟؟دي كثيره شويه,ماله ومال الشبك,بالعكس قد يكون
قدم ملفات الراجل بتاع المحاكم الاسلاميه لامريكا (عن ايام اقامته في السودان)
كمزيد من عروبونات الصداقه لامريكا.
اما صداقته للقذافي فدي بالغته فيها,يازول هو بيتبرأ من هؤلاء العسكرين (الهوج)
ويدعي للامريكان انه رجل القانون ويعلم سيادته تماما.
غايتو يا السنج صدقني هذا( الرجل بالجد خطير) و البشير مسكين وغلبان (جنبه).
بعدين (تحت تحت) بقولوا ناوي يبقى شاهد ملك ضد ناس البشير وقد حصل على ضمانات
من الامريكان,وياخبر اليوم بفلوس بكره ببلاش.
تراجي.
|
Post: #4
Title: Re: لماذا ذهب على عثمان لتركيا؟؟!!!!!!
Author: السنجك
Date: 07-07-2006, 10:10 AM
Parent: #3
الاخ المحترم عقيد والاخت المحترمه تراجى التحيه لك وانا اتابع باعجاب فائق نضالك المقدر
واضيف اننى سمعت من مصدر موثوق جدا ان على عثمان قد طرح اسمه على بعض قيادات المعارضه ذات الخط الواصل مع الامريكان كرئيس بديل وهذا ايام نيفاشا فهل الان فى تركيا تتم الطبخه ؟؟؟؟؟والبشير يواصل الشطح والنطح !!!
السنجك
|
Post: #5
Title: Re: لماذا ذهب على عثمان لتركيا؟؟!!!!!!
Author: Shao Dorsheed
Date: 07-07-2006, 11:56 AM
Parent: #1
| Quote: لماذا ذهب على عثمان لتركيا؟ |
اجازتو السنويه
عشان يفصل ليهو بدله رئاسيه لزوم المرحله القادمه و حيجي نازل المطار و في استقبالو الجمهور بس المره دي ما لانو جاب سلام معاه من بره و لكن لانو جاي رئيس
|
Post: #6
Title: Re: لماذا ذهب على عثمان لتركيا؟؟!!!!!!
Author: عبد الله عقيد
Date: 07-07-2006, 01:09 PM
Parent: #1
Quote: فانت لا تدري كم حفلة استقبال ونشاط اجتماعي
يمكن ان يكون قد حضره,والناس تشرب في (الجعه)امامه ونساء لابسات للبكيني وغيره وهو يرسل
الرساله لامريكا انه حاضر وبيتونس وبيشارك بكل روح (متحضره) وطبعا شهوده بعض الامريكان والاسرائيلين |
البكيني بلبسو في حفلات الاستقبال يا تراجي..؟!!
انت قايلانا نحن في السعودية دي ما عندنا تلفزيون ولّا شنو؟؟
هو البكيني دا شنو.. نعل مو دقة دهب جديدة؟؟
غايتو النسوان ديل.. جنهن دهب بكيني.. ودهب بحريني..!!
تعرف الدهب البكيني دا يكونو صانعنو في بكين.. زي الدهب البحريني الصانعنو في البحرين.
مش تحليل بالله..
ومالو ما نحلل.. ما ترا الناس كلها بتحلل..!!
بس كعب نتيجة التحليل تطلع negative، مع انو الـ negative برضو نتيجة
وحسب الدكاترة الـ negative هي النتيجة الكويسة والـ Positive كعبة.
يعني الـ negative ببقى positive والعكس صحيح..
كلو من البكيني.. البكيني طاير وساير
|
Post: #7
Title: Re: لماذا ذهب على عثمان لتركيا؟؟!!!!!!
Author: DKEEN
Date: 07-07-2006, 03:21 PM
Parent: #1
مسؤل من الخير يا ود عقيد
البكيني ده يعني شنو؟؟
|
Post: #8
Title: Re: لماذا ذهب على عثمان لتركيا؟؟!!!!!!
Author: Elkhawad
Date: 07-07-2006, 07:33 PM
Parent: #7
يا جماعه
يمكن ماشي يا كل دنر كباب
|
Post: #9
Title: Re: لماذا ذهب على عثمان لتركيا؟؟!!!!!!
Author: عبد الله عقيد
Date: 07-08-2006, 08:06 AM
Parent: #7
Quote: مسؤل من الخير يا ود عقيد
البكيني ده يعني شنو؟؟ |
تسألني أنا؟؟؟
والله ياهو..!!
عينك في الفيل...
|
Post: #10
Title: Re: لماذا ذهب على عثمان لتركيا؟؟!!!!!!
Author: السنجك
Date: 07-08-2006, 09:01 AM
Parent: #9
والغريب ان عودة على عثمان تزامن معها مايشير الى حل ازمة فك الجندى الاسرائيلى وقبول اسرائيل باطلاق سراح بعض المعتقلين السياسيين فهل ياترى رات الانقاذ ان لامخرج لها الا عن طريق اسرائيل فقامت بدور فى التوسط بين اسرائيل والفلسطينيين لكى تتوسط لها اسرائيل مع امريكا والمعروف ان الانقاذ فى حالة زنقه وبدات فى طرق كل الابواب فبعد ان سربت كل المعلومات عن القاعده وسلمت الملفات ومعها المتطرفين المصريين وكله لم يجدى قامت بالوساطه بين امريكا والمحاكم الاسلاميه فى الصومال ووارد انها رات ان المساله تحتاج لخطوه اكبر فاستثمرت علاقتها مع حماس (والانقاذيين اصلهم سماسره شاطرين) فارسلت على عثمان رجل المهمات الصعبه وربما يكون قد خفس عديل لاسرائيل وكانت حكاية الخلاف بينه وبين البشير لعبه للتغطيه ولانستبعد تطبيع للعلاقات مع اسرائيل قريبا وقد سبق ان اقترح العاص وزير الدوله السيابق بالداخليه الاعتراف باسرائيل
وادونا رايكم
السنجك
|
|