تغيير شعار سودانيز أونلاين: وطن الجميع، صوت الجميع

تغيير شعار سودانيز أونلاين: أجعلوه وطن الجميع، صوت الجميع، أو بدون شعار

اكتسب موقع سودانيز أونلاين سمعته وصلابته من الشعار الذي التف حوله الكثيرون والكثيرات من أبناء وبنات السودان ضحايا سياسات نظام الجبهة الإسلامية داخل وخارج السودان. فصارَ حقـاً ( وطن من لا وطن له، وصوت من لا صوت له). ملاذاً، كانَ، لكل من أجبر قسراً على مغادرة الوطن. يدخل ذلك الشخص المنفِـي ومخنوق الصوت إلى سودانيز أونلاين ليعانق هامات لم تحنها المقادير والإحن رغم عسف الزمان وجبروت وغطرسة بعض بني الوطن.
صوتـاً، كانَ، يصدح بإستشراف وطن يقبع بين نجوم الأماني والقيم الإنسانية النبيلة التي يتساوى عندها الجميع. صوت السواد الأعظم من الشعب السوداني الذي حاولت تكميمه حفنة من الإنقاذيين إستأثروا بمواقع السلطة استاداً إلى قوة غاشمة وغبية. فكان حقاً صوت من لا صوت لهم.

هكذا كان موقع سودانيز أونلاين: وطن من لا وطن له، وصوت من لا صوت له . شعاراً مجسماً على الواقع.

وتقلبات الأحوال والأشياء تصيب موقع سودانيز أونلاين في عالم تتغير فيه الموازين وتبرم فيه اتفاقيات النظام العالمي الجديد وتتسع فيه دائرة القبول بالأشياء وتضيق فيه المباديء.

يكسب عضوية الموقع عبر بوابة الشرعية أفراد ناصرت وساندت وما زالت تناصر وتساند نظام الإنقاذ الذي شـرَّد وكمم الأفواه وجعل الكثيرين يلوذون بشعار موقع سودانيز أونلاين الذي فتح أبوابه مشرعـةً لهم ومانحاً لهم وطناً افتراضياً ينعمون فيه بحرية الرأي.

وبولوج الفئة الإنـقاذية مساحات موقع سودانيز أونلاين صار الآنَ موقع سودانيز أونلاين هو: صوت من لا صوت لهم وأيضاً صوت من يكممون الأفواه في الخرطوم، كما صار وطن من لا وطن لهم، الذين يعيشون في دياجير المنافي القسرية، كما هـو وطناً لسارقي السلطة ومؤيدي سياسات الإقصاء ونفي الآخرين.

تلاشت تلك الحدود الفاصلة بين شعارِ لم يعـد موجوداً على أرض الواقع، وبين واقع صار الجلاَّد والنافي ومكـمِّـم الأفواه يجلسون جنباً إلى جنب الضحية والمشرَّد والمحروم من حرية التعبير داخل السودان.

صار السلوغان الخاص بسودانيز أونلاين لا معنى له ( صوت من لا صوت له، ووطن من لا وطن له).

أزيلوا ذلك الشعار الذي لم يعد ذا قيمة ولا يخدم أي غرض.

أجعلوه: صوت الجميع، وطن الجميع .

أو بدون شعار، حتى لا تحدث ورطات مستقبلية.

Quote: أزيلوا ذلك الشعار الذي لم يعد ذا قيمة ولا يخدم أي غرض.

...
يجب أولا أن نتحد وأن نسعى لكشف وإزالة كل ( المنافقين - واصحاب الوجوه المتعددة ) من هذه المساحة اولا قبل كل شئ ..
..
المنافقين كثر هم بهذه المساحة... يجب ازالتهم أولا قبل إزالة الشعار ..


إذا

ازيلوا المنافقين واكشفوهم فهم - يندسون كالطابور الخامس وسط الشعارات المزيفة

.

Quote: أجعلوه: صوت الجميع، وطن الجميع .

...

نعم اتفق معــــك ..

صوت للجميع .. وطـــن للجميــع

Quote: صوت الجميع، وطن الجميع .

هو قطعاً كذلك يا مولانا.. بس لو قدرت تعيد
صياغتة بصورة اكثر جاذبية يكون تمام!!

كنت قد اقترحت بالجميع و للجميع؛
فلم يلق استحسان عماد عبد الله؛
فكدي فشوف صياغة تانية!

Quote: أزيلوا ذلك الشعار الذي لم يعد ذا قيمة ولا يخدم أي غرض. أجعلوه: صوت الجميع، وطن الجميع . أو بدون شعار، حتى لا تحدث ورطات مستقبلية.

حتي انت يامولانا !!

تطبيع .. طبيع .. بيع .. بيع .. بيع .. عووووووووووع


.

فوق

انا ما عارف مولانا عاوز يقول شنو بالظبط ؟
معقوله ... يكون ضاق صدره بالديمقراطيه ؟
ام يود تحويل المنبر .. الى طريق لاتجاه واحد ؟

ام انى لم افهم مقصد مولانا بالظبط ؟

وفى رايئ الخاص

انو الشعار المرفوع فى سودانيز اون لاين ليس مهما بقدر
اهمية ممارسة العضويه للكتابه فى البورد

يعنى مثلا ... هل لمولانا وجهة نظر فيما يكتب فى البورد
من المؤيدين للحكومه او المعارضين لها ؟

وان كان الامر كذلك .. لم لا يتطرق مولانا للامر بصوره مباشره
ويعرض مآخزه على الجميع .. حتى يتم النقاش حولها ؟

ام ان مولانا يلمح لسياسة الاقصاء لتطال كل من يتهم بانه مع الحكومه
حتى ولو كان معها باضعف الايمان ؟

غايتو حيرتنا ... يامولانا ؟

العزيز تمبس

Quote: ازيلوا المنافقين واكشفوهم فهم - يندسون كالطابور الخامس وسط الشعارات المزيفة

الناس دي حسي معروفة اما ازالتهم فمستحيلة لا البعض في موقع صنع القرار البوردي واخرون محميون من الادارة....فبنظرة بسيطة للتسجيلات الاخيرة في البورد ولجنة الاحتفال الاخير وسيرها يؤكد علي ان هناك صفقة لتواجد الانقاذي في البورد مقابل.............
اذن تغير الشعار ربما افضل حالآ ومواصلة المعركة
حكمة اليوم
اه من ناس المصالح

صديقي العزيز
عادل اللعــــاب ..

Quote: الناس دي حسي معروفة اما ازالتهم فمستحيلة لا البعض في موقع صنع القرار البوردي واخرون محميون من الادارة

مع أنو الكلام خطير جدا وما بصدر إلا من زول ( قراي - وشواف - ) لكن خليني أقول ليك كلامك في محلــو جدا ..
عامل الكاريزمــا .. اضر كثيرا بهذه المساحة .. حتى اصبح بعضهم يغلفون الافعال بسلفان العبارات الرنانة جدا .. يدعون إلى السلام العالمي .. ويخفون الهراوات خلف ظهورهم..
..

Quote: حكمة اليوم اه من ناس المصالح

اجمل ما قرأت يا بلير .. وكلك نظر .. وكلك حكــــم...
أقترح أن تظل حكمة ثابته لكل الايام .. حتى نطلع من عنق الزجاجـــة

خدر :

يا زول كيفن تفوتك سخرية مولانا اللاذعة
مولانا يا خدر يا حدق بينعي في المنبر الذي كان
صوت من لاصوت لهم ووطن من لاوطن لهم

لاحظ معاي هذه العبارة البليغة :
{ وصوت للذين يكممون الأفواه في الخرطوم }

يعني صار { سوط } لكلاب الأمن
ومشايعي { الإنقاذ }
قتلة ومجرمين ومنبتين ووالغين في الفساد
ومفرطين في الوحدة والسيادة الوطنية

تاني
أووووووووووووووووووووووووووووووووووع

اسماعيل
دبايوا
شعار جميل بس سوعال يعنى نوقع ولا موافقون تكفى.

ابوساندرا

لو لم يكتب مولانا هذه الخاتمه

Quote: أجعلوه: صوت الجميع، وطن الجميع . أو بدون شعار، حتى لا تحدث ورطات مستقبلية.

لـ .. كفاني شر القتال .

أهدى لكم هذا اللنك:

لا يا استاذ الكرنكى سودانيزاونلاين لا موقع موقع معارض و...ارضة ومرحب بيك بيننا

تخيلوا الكرنكى لامنبر له ولاوطن له وبكرى يدعوه (لمنبر من لامنبر له ووطن من لاوطن له).

.

فوق

اللذين يرغبون في الرأي الواحد عليهم
بسودان فور اوول حيث السوط الواحد!!

فوق

سودان متنوع ومتعدد الثقافات والاعراق والاديان وعدمها

الاسم سودان السودانيين او السوداناوية كما اطلقها احمد الطيب زين العابدين له الرحمة وعاء جامع تلتقي فيه الثقافة النيلية بثقافة الصحراء

ومردومه مع الرقصات الشرقاوية وككتيل الوسط المتعدد المنابر

مولانا اسماعيل

تحياتي

انا مع ترك الموقع بدون شعار


الجواب يكفيك من عنوانوا يعني سودانيز اون لاين براها بتكفي

يكفي ان تكون اون لاين حتي تحس بالشعار

ممكن تكون حكومه اون لاين

و ممكن تكون معارضه اون لاين

و ممكن ثوار اون لاين

و ممكن تكون مهمش اون لاين

و ممكن تكون زهجان اونلاين

و ممكن تكون متمحن اون لاين

جيب حنسيتك السودانيه و خش اون لاين

عشان تشوف السودانيون اون لاين يا ربي كما خلقتني ( ملط )

الشعار لايهم بقدر ما يهمنا ان نري عوراتنا كما هي


اقراء سسسسسسسسسسسسسسسسسسسسسسسسسساييي يا مولانا




محبتي

نصر الدين

الأخ إسمـاعيل،
سـلامــات..

كلمـة "الجميـع" لا أعتقـد انهـا كلمـة فنيـة أو مموسقـة.. أعنى انها ثقيلـة على الأذن.
وبدلا أقترح عبارة "وطن كلنـا".. فما رأيكـم؟


أهل الذكـر وطنـا.........الفى حيهـم سكنـا
الكاسهـم سـطلنــا.........سكــرنـا لما رطنـا

عزيزى وصديقى اسماعيل

لمست الجرح ووضعت يدك على موضع الالم

بعض الاحيان عندما ادخل اتخيل نفسى فى سوق ام دفسو او سوق ابو جهل

او سوق الجمعــــــــــه وفيه من يحمل قرعته ويصيح يا( رازق ) طالب الحسنه

واقول كيف دخل اصحاب العاهــــــــــات الى هنا

يبدو ان نظرية الصالح العام لا تخص الكيزان وحدهم


عجبي ...!

Quote: غايتو حيرتنا ... يامولانا ؟

والله حيرتنا انت يا علي محمد علي بشـير... يعني انت

بطريقتك دي لو قـريت كلام حـسـن مـوسـى داك، الا تركـب

ليك( فهّـامـة).



























ما تقـول لي حـسـن مـوسى منـو.

Quote: اللذين يرغبون في الرأي الواحد عليهم بسودان فور اوول حيث السوط الواحد!!

ملاسي
ذكرتني نكته الراجل الكان عميان و لمن استرد بصرو و لثواني
شاف ليهو فيل .. و رجع فقد بصرو تاني
اها
بقي كل مايقعد في حته مع الناس و يقولوا جردل مثلا
يقول ليهم
الجردل ده وين للفيل !!




اركز ياحسين

Quote: يكسب عضوية الموقع عبر بوابة الشرعية أفراد ناصرت وساندت وما زالت تناصر وتساند نظام الإنقاذ الذي شـرَّد وكمم الأفواه وجعل الكثيرين يلوذون بشعار موقع سودانيز أونلاين الذي فتح أبوابه مشرعـةً لهم ومانحاً لهم وطناً افتراضياً ينعمون فيه بحرية الرأي.

هذه نقطة مهمة يا مولانا
كيف تمنح الادارة العضوية؟
ما هى شروطها؟
فى نفس الوقت تقتضى حرية التعبير ان يكون الموقع متاح لكافة الافكار والاحزاب والايديولوجيات.
وهذه موازنة صعبة من الناحية العملية.
اى اقتراحات فى هذا الشأن؟
ضوابط لمنح العضوية بحيث لا يتسلل للموقع اشخاص معروفون باحتقارهم الحرية وانتهاكهم حقوق الانسان.؟

Quote: اكتسب موقع سودانيز أونلاين سمعته وصلابته من الشعار الذي التف حوله الكثيرون والكثيرات من أبناء وبنات السودان ضحايا سياسات نظام الجبهة الإسلامية داخل وخارج السودان. فصارَ حقـاً ( وطن من لا وطن له، وصوت من لا صوت له).

لك التحية استاذي ومولانا اسماعيل التاج

خدر

Quote: أهل الذكـر وطنـا.........الفى حيهـم سكنـا الكاسهـم سـطلنــا.........سكــرنـا لما رطنـا

.

Quote: يكسب عضوية الموقع عبر بوابة الشرعية أفراد ناصرت وساندت وما زالت تناصر وتساند نظام الإنقاذ الذي شـرَّد وكمم الأفواه وجعل الكثيرين يلوذون بشعار موقع سودانيز أونلاين الذي فتح أبوابه مشرعـةً لهم ومانحاً لهم وطناً افتراضياً ينعمون فيه بحرية الرأي.

يا جدادة الخلا الطردت جدادة البيت
كنت وين سنة 2001
لما الناس كانت بتفك خرطومية بوست في اليوم عشان البورد دا يدور
ديل ياهم الناس الاسع مساككهم بالاكاذيب عشان يطردوهم
مرة اشانة سمعة ومرة سرقو حثمان لم ينسرق. ومرة دبابين.
البورد بنوه ناس مختلفين لكل الناس..



هذا البورد ملك لكل سوداني...حتى لو عمر البشير
الاقصاء دا انت متخصص فيه

محاولاتك لابعاد المختلفين عنك مضحكة جدا يا مستنير..
قلت لي العفيف قال منو سرق الجثمان؟

العزيزة بيان تحياتي وسلامي وشرفتي ونورتي الدوحة لم أجد المكان الناسب لترحيب بكي في اية من البوستات التي نزلت فماهي لحظات إلا وتتحول لساحة عراك أها قولنا نجيك بجاي ونسلم عليك ونقول ليك الدعوة مقدمة لك للزيارة في دارنا

ياجماعة سياسة تكميم الأفواه دي ما بتجدي أي زول خلوه براحتة الكويس أقرواء والما كويس براهو بمشي الخووووووووووووووووووور