Post: #1
Title: محجوب شريف محجوب شريف هذاالرجل النهر والشمس
Author: محمد عبد المنعم عمر
Date: 07-05-2006, 12:30 PM
يـاامرحب بيك
يــاامرحب بيك
يـاامرحب بيك
حكاية غريبة!!؟؟
ما هو إنت شديد!!؟؟
الشعب بحاله
شايلاه كرعيك
النور في سناه
سناك
جوبا وكرنوي
وهمشكوريب
يأهَلِن بينا
ويأهَلِن بيك
بطلاً هام
للشمس إمام
وللحزب ميزان
وللعدل سلام كامل
في جنبيك
في دارك
وبنرحب بيك
من كوش إلى سنار إلى توريت
بجمرالنار
الما مسكت لسه
أجيال الثورة
بفرحة ودمعة
ترحب بيك
نظرة وتفكير
لوحة وقصة وتا
تنظير
حزب وجمعية
نقابة وتدبير
ندوة وتعبير
مطالب مطالب
حقوق
ومعارض
مساير مواكب
وعصيان سافر
عصيان ضافر
ضد الطغيان
السوط والبنبان والسجن والسوق والإعدام
حد الطلقة والجبخان
كلمة
وهتفة
وعرضة
ورقصة
ومسرح
وحفلة
لعبة
ولكزة
ودفرة
وجرة
وضحكة في جنب الزير
وإستشهاد
نرحب بيك
في دارك
نرحب بيك
نخلي شعرك
غادي غادي
كما الحجاج
طاهر
وحالق
وحافي
ولجهالنا
نلولي بيك
نطرح
نشرح
نهتف
ووقت الضرب
نخبط بيك
ونغني ليك
يا جوهر الطبقة العاملة
النقي
في بلادنا المهمشة
إنت الحزب الشيوعي الهمام
ولريف بلادنا
إنت الغمام
نبشر بيك
نصبح بيك
نراعي تقاوي
مراعي
وندقق زوايا
نصنع مكائن
نبلسم جروح
نعلم شروق
ونغني ليك
تفرهد
تفرهد
زي بدر التمام
خفق الحمام
وقت الضحك وقت السلام
***
ووقت الحرب
إنت التمام
وقت الحرب
شِعرك
يحضِر
يجهِِز
يمون
ذخيرة وخريطة
وبوصلة ومقاس
ينقل يوصل
يشقشق
يكشف
يغتي
يحدد
يدور
يصيب المرام
شعرك صحيح
للحق قصيدة
ووسيلة
سنبلة وفصيحة
وموية
ومزيكة طبول وعود وقيثارة وكمان
وسلام
وإن كمل الكلام
شعرك برضه جيفارا
ووليام نون
قرنق وكايا وقت الصدام
دانة ورمانة
وآر بي جي وكلاااش
تاح تراح
أيها الولد الذكي
ضد التحريف
والأرزقية
والهتاف
وضد المدفعية والمنفعية والبنوك
شِعرك سلاح
شِعرك سلاح
شِعرك سلاح
شِعرك سلاح
حساب ومسطرينة
وقصة شعوب
وقصة حقوق
وقصة كفاح
تاح تراح
لأجل مستقبل سماح
تسلم أمك أمك أمك
ويسلم أبوك أبوك أبوك
بطيبة الخاطر وراحة بال
حضروا لجنياتنا
شمس فجر البلاد
فالطبقة العاملة تحيي فيهم
صدق المحنة
في معنى الكلام
وعطف الفؤاد
وفيض الوداد
وجرس الصباح
ونهر النيل
في هذا الإبن النبيل
محجوب شريف
محجوب شريف
محجوب شريف
هذاالرجل النهر
والشمس
والضل الوريف
محجوب شريف محجوب شريف
محجوب شريف
محجوب شريف
المنصور جعفر
[email protected]
الحوار
|
Post: #2
Title: Re: محجوب شريف محجوب شريف هذاالرجل النهر والشمس
Author: Nasr
Date: 07-05-2006, 01:09 PM
Parent: #1
"وإن كمل الكلام
شعرك برضه جيفارا
ووليام نون
قرنق وكايا وقت الصدام
دانة ورمانة
وآر بي جي وكلاااش
تاح تراح"
الكلام دا ما بليق ولا "بتللايق" مع محجوب شاعر الحب والسلام... الذي قال
"ميري ذكرينا, عشه كلمينا كل سونكي أحسن يبقي مسطرينا"
إستخدام بائس لل metaphor
|
|