Post: #1
Title: ما بين سعر الريال ... وقفة الخضار
Author: قرشـــو
Date: 07-04-2006, 04:19 AM
Parent: #0
الأحباب الأعزاء
لكم التحية والسلام
طبعا هذا الموضوع لا يهم ناس الداخل
الا إن كانوا مربوطين بمصدر دخل اساسى خارجى
بالأمس قمت بتحويل مصاريف للسودان فكان السعر الرسمى هو 57.80 دينار
( لى هسع الدينار ده ما واقع لى )
وبالأمس أيضا قالت بتنا سودانية 2000 ان بعض الاسعار كانت :
Quote:
التحلية شمام (ابو الرخا)) المنقة تصدق القطعة ب 3000
التفاحاية ب 1000 و الايراني 1500
اما القريب 1000 للقطعة
و البرتقال 6000
والموز 2000 ( ده ورد فى معزل عن هذا)
و يعني سلطة فواكه بدون عنب و ما فوق تكلف 20000
|
بنظرة سريعة ده بيديك مؤشر عن الاسعار عموماً ....
فى أى زول يقدر يورينى ليه الريال بينزل والاسعار بتزيد ؟؟؟
وهل هنالك اى نظرية اقتصادية تدعم هذا الكلام ؟؟؟؟؟
|
Post: #2
Title: Re: ما بين سعر الريال ... وقفة الخضار
Author: قرشـــو
Date: 07-04-2006, 04:51 AM
Parent: #1
علماً بأن سعر الريال كان قريبا جدا 700 دينار
وحينما هبط استبشرناخيرا بأن الاسعار فى السودان ستهبط كذلك
ولكن لم يحدث أى هبوط للاسعار بل حدث ارتفاع
|
Post: #3
Title: Re: ما بين سعر الريال ... وقفة الخضار
Author: نيازي مصطفى
Date: 07-04-2006, 05:14 AM
Parent: #2
"غلوتية" عاوزه ليها واحد من تجار العملات وليس اقتصادي
اعتقد ان الهبوط في سعر العملة مفتعل
|
Post: #5
Title: Re: ما بين سعر الريال ... وقفة الخضار
Author: قرشـــو
Date: 07-04-2006, 06:10 AM
Parent: #3
الأخ نيازى
لك التحية
هى فعلا غلوتية
ولكن الظن - والظن أكذب الحديث - ان هنالك اموالا سايبة ومتدفقة فى البلد
وهى التى تتحكم فى السعر فتريد تحويلها الى عملات صعبة اكثر
ربما يكون هنالك غسيل اموال
وربما تكون هنالك امور اخرى لا نعلمها ( وهذه قطعا موجودة )
|
Post: #4
Title: Re: ما بين سعر الريال ... وقفة الخضار
Author: بشير حسـن بشـير
Date: 07-04-2006, 05:41 AM
Parent: #1
الأخ / قرشـو ، تحياتى ......
سافرت للسودان فى نص شهر 5 ، المفروض أقعد 50 يوم ، وحاتك جيت راجع من 28 يوم
مازدتها ، فعلا البحصل فى السودان يصعب على أى نظريه إقتصاديه شرحه ، الريال نزل قدام الجنيه من 700 الى 578 ، النزول هذا من المفترض أنه يقابله نزول فى أسعار السلع عامه
ولكن الحاصل شىء غريب فأسعار العملات الصعبه فى هبوط وأسعار المواد الإستهلاكيه فى إرتفاع
شىء محير ومربك وخليها على الله بس ...............
|
Post: #6
Title: Re: ما بين سعر الريال ... وقفة الخضار
Author: قرشـــو
Date: 07-04-2006, 06:29 AM
Parent: #4
الاخ بشير حسن بشير
لك التحية
انه حال معظم المغتربين الغلابى الذين ينهزمون امام سطوة السوق فى السودان
فكل اتى يقول لك ان البلد جميلة ولكنها تحتاج الى كميات من القروش لا تعد
والى متى عزيزى سنبقى فى هذه الغربة الكربة ؟؟؟
اصبحنا بين امران احلاهما مُر..
|
Post: #7
Title: Re: ما بين سعر الريال ... وقفة الخضار
Author: بشير حسـن بشـير
Date: 07-04-2006, 09:08 AM
Parent: #1
الأخ / قرشو
كده تعال نحسبها حسبه بسيطه .... فرضا إنه مغترب راتبه 3000 ريال سعودى ، قبل سنتين
كانت بتساوى 2.100.000 ( إثنين مليون ومائة ألف جنيه سودانى ) قبل سنتين الأسعار كانت أقل من
أسعار اليوم بالتأكيد . الآن نفس الراتب يساوى بأسعار اليوم = 1.735.000 ( مليون وسبعمائه خمسه
وثلاثون ألف جنيه سودانى ) يعنى خلال سنتين المغترب الذى راتبه 3000 ريال يكون قد نقص بما يعادل
بالجنيه السودانى 366.000 ( ثلاثمائه سته وستين ألف جنيه سودانى ) .....
أنظر معى لهذه الحسبه البسيطه والتى بينت كل هذا الفرق ، مع ملاحظة إرتفاع متطلبات الحياه
هنا فى بلدان الغربه ، وإرتفاع ترمومتر المشاكل الماديه لكل من هو حول هذا المغترب الغلبان ...
الله يكون فى العون .... والله يجعل لنا مخرجا خير مما نحن فيه الآن ... آمييييييين ...
|
Post: #8
Title: Re: ما بين سعر الريال ... وقفة الخضار
Author: قرشـــو
Date: 07-04-2006, 09:13 AM
Parent: #7
الأخ الكريم بشير حسن بشير
لك التحية
لا تنسى ان المرتبات فى تناقص هنا فى الغربة لا سيما فى الدول العربية المجاورة ...
اضافة الى ان كل شىء يزيد ايضا بدء من اساسيات الحياة وانتهاء بالكماليات ( معتبرين ان الاتصالات كماليات مع انها ضرورة) ...
ثم ان العيال تكبر ومتطلباتهم تزيد دوما ...
وعليه حسبتك ستتناقص كثيرا بعد حذف الايجار والفواتير التى لا تنتهى والمعيشة المتصاعدة ..
والله يا اخى غلبنا ما نفعله
فاما غربة مستمرة بلا فائدة
واما عودة محفوفة بالمخاوف
والله المستعان
|
Post: #9
Title: Re: ما بين سعر الريال ... وقفة الخضار
Author: خالد عبد الله محمود
Date: 07-04-2006, 09:27 AM
Parent: #8
Quote: فاما غربة مستمرة بلا فائدة
واما عودة محفوفة بالمخاوف |
أحلاهما مر
|
Post: #10
Title: Re: ما بين سعر الريال ... وقفة الخضار
Author: ALMURADABI
Date: 07-05-2006, 00:58 AM
Parent: #9
المحترم جداً جداً قرشو،،،
أرى سببين لحالة الغلاء الطاحنة في السودان
أولهما: الجبايات الحكومية المتعددة القانونية وغير القانونية (أي بدون أورنيك 15)، وكلاهماقطعاً تتزايد باستمرار ولا تتأثر بنزول العملة ولكنها قد تتأثر بزيادة سعرها ما هو الحكاية حساب مصلحة وكده
أما ثانيهما: ترك الجميع لمدنهم وقراهم والتكدس بالعاصمة القوميةوامتهان مهن غير منتجة في أغلب الأحوال مما أوقف أو عطل عجلة الإنتاج المحلي، والحل البسيط لهذا أن تهتم الحكومة بتنمية الأرياف والمدن وتزويدها بالخدمات (كهرباء ومياه) غضافةً لتحفيز الشباب برواتب أكبر عن تلك المتوفرة بالخرطوم، بلداً عن الحال حالياً بأن مرتب نفس الوظيفة لمن يعمل في الخرطوم أكبر من نظيره في الأقاليم بحجة واهية هي غلاء المعيشة وبدلاتها وعلاواتها.
أرجو أخذ هذ النقاط في الاعتبار في النقاش ولك الشكر،، سأغيب ولكنني سأكون متابعاً
|
Post: #12
Title: Re: ما بين سعر الريال ... وقفة الخضار
Author: قرشـــو
Date: 07-05-2006, 01:53 AM
Parent: #10
الأخ الموردابى
لك التحية
اسبابك منطقية جدا للغلاء الفاحش الذى استشرى فى الوطن ولم يميز بين عاصمة واقاليم
ولن تتصور ان الاقاليم أكثر غلاء من العاصمة وهذا سبب للهجرة الداخلية اضافة الى تكدس الجامعات والخدمات العامة وكل ذلك جائر ويجب العمل على ازالته ولا اظنه صعبا تفريغ العاصمة من الكم الهائل من المكاتب الادارية والوزارات وما شابهها حتى لا يضطر الناس للهجرة للعاصمة من اجل اجراء يمكن ان يتم فى اى منطقة باقاليم السودان ..
ولكن تبقى المعادلة الصعبة حيث ان سعر العملات يحدده بنك السودان بصفة اساسية وهوالبنك المركزى وهو يعنى توجه الحكومة مما يعنى ان الحكومة هى التى تمسك بذمام الامور فى تحديد السعر وكذلك اسعار السلع بتجفيف السوق او اغراقه بالسلعة المعنية ...
لا أحد يعفى الحكومة سيدى من مسئوليتها ابدا ...
|
Post: #11
Title: Re: ما بين سعر الريال ... وقفة الخضار
Author: قرشـــو
Date: 07-05-2006, 01:49 AM
Parent: #9
الأخ خالد عبدالله محمود
لك التحية
Quote:
: فاما غربة مستمرة بلا فائدة
واما عودة محفوفة بالمخاوف
أحلاهما مر |
صدقت أخى الكريم فالمغترب الان يتجرع المرارات بلا توقف
فالغربة مرارتها تتزايد
والوطن اصبح علقماً لا يبلع
والافاق كلها مغلقة فى وجه المغترب السودانى تحديدا
والعمر يجرى
والحياة تتعقد
المرارات لا تنتهى عزيزى ابدا ولا تخف
|
Post: #13
Title: Re: ما بين سعر الريال ... وقفة الخضار
Author: ود شندي
Date: 07-05-2006, 11:08 AM
Parent: #11
يا قرشو
سلام مربع
انت من زمن شيل الريالات احوامه في الصلات
دولار ريال شيك سياحي
الجماعه بقو يشيلوها اسبيرات صواميل، بواجي ،بطاريات قديمه،،،،، اي حاجه
وانت هناك فك حبه حبه علي اقل من مهالك
ولمن تجي تعمل التاشيره للرجوع خلي ليك برملين تلاته بتاعه صواميل واديها لي جهاز المغتربين يحسبو حسبتهم ويرسلو ليك الباقي
او يضيفوها ليك في حسابك عشان يكون كرديت،،،،
اجازه سعيده عليك بالمنطقه الصناعيه
اقعد عافيه
|
Post: #18
Title: Re: ما بين سعر الريال ... وقفة الخضار
Author: قرشـــو
Date: 07-06-2006, 02:07 AM
الاخ ود شندى
لك التحية
Quote: الجماعه بقو يشيلوها اسبيرات صواميل، بواجي ،بطاريات قديمه،،،،، اي حاجه
|
ذكرتنى شقيقى الاصغر كان يجمع الكرور هنا وكنت استاء منه واعاتبه واصفا اياه بجامع الكرور
ولكنه افادنى بأن هذا الكرور الغير مرغوب فيه هنا والذى يرمى يصبح مورد دخل كبير لى فى الاجازة وكل ما قلته كان يعمل به تماما ولكن الشغلة دى عندها ناسها ... طبعا شقيقى هذا فىالاخر انهى غربته وعاد طائعا مختار وهو وضعه افضل منى بكثير ...
الفكرة سليمة مائة فى المائة
ولكن اقرا رد اخونا الحارث فهذه هى المشكلة
|
Post: #14
Title: Re: ما بين سعر الريال ... وقفة الخضار
Author: ود شندي
Date: 07-05-2006, 11:08 AM
Parent: #11
يا قرشو
سلام مربع
انت من زمن شيل الريالات احوامه في الصلات
دولار ريال شيك سياحي
الجماعه بقو يشيلوها اسبيرات صواميل، بواجي ،بطاريات قديمه،،،،، اي حاجه
وانت هناك فك حبه حبه علي اقل من مهالك
ولمن تجي تعمل التاشيره للرجوع خلي ليك برملين تلاته بتاعه صواميل واديها لي جهاز المغتربين يحسبو حسبتهم ويرسلو ليك الباقي
او يضيفوها ليك في حسابك عشان يكون كرديت،،،،
اجازه سعيده عليك بالمنطقه الصناعيه
اقعد عافيه
|
Post: #15
Title: Re: ما بين سعر الريال ... وقفة الخضار
Author: ود شندي
Date: 07-05-2006, 11:08 AM
Parent: #11
مكرر
|
Post: #16
Title: Re: ما بين سعر الريال ... وقفة الخضار
Author: الحارث سرالختم عبد الله
Date: 07-06-2006, 01:25 AM
Parent: #15
اخوى قرشو والله المعادله صعبه جدا وحتى مبلغ التحويل للأهل صار مضاعف الأن لنزول القيمه
ونحن فى حيره والله كان الله فى عوننا جميعا مع التحيه
|
Post: #17
Title: Re: ما بين سعر الريال ... وقفة الخضار
Author: قرشـــو
Date: 07-06-2006, 01:50 AM
Parent: #16
الأخ الحارث
لك التحية والاحترام
| Quote: مبلغ التحويل للأهل صار مضاعف الأن لنزول القيمه |
هذا الذى جعلنا نشكى ونبكى يا سيدى اضافة الى مواصلة ارسال الضروريات من الخارج ..
والله حيرتنا جلل والمخارجة كيف ما عارفين ...
ولا سيما والان الابناء سيكونوا فى الجامعات وهذا يعنى بندا جديدا للصرف
والدخل واحد ولا يزيد
وحينما تسمع من اهل الداخل تزداد حيرة
فلا احد يشجعك على العودة ابدا
الله المستعان بس يا سيدى
|
|