Post: #1
Title: الراس مزحوم بي حاجات ساي ..!!!
Author: عمر الفاروق
Date: 07-03-2006, 04:28 AM
يعني مثلاً كربتي شنو اكون حافظ إسم بتاع التسالي الفي المحطة الجمبنا لمن كنت بشتري منو تسالي وانا صغييير؟؟؟
ومعناها شنو لمن يكون في راسي في اشكال ناس لاقيتهم زمااااااااااان في المواصلات وتاني ما حا الاقيهم ؟؟؟
ومرات صاحبك يحكي ليك قصة بتاعت ناس صحبانو هو وانت ما عندك بيهم اي شريعة ويزحمك بي اسماء ناس ساي والغريبة تجي بكرة تسألو اها ناس هناي ديلك حصل ليهم شنو ؟؟
تحفظ اسماء المحلات في الشوارع ( الباحوث - كترينا - ملك المنقا - بقالة ود الشايب - مفروشات البيت الأنيق - مكتبة الطفل الباكي - مديدة العريس - سماسم - ابو الزهور - فول ابو العباس والعشرة الكرام ..الخ) !!!
ده كللللللو هين لكن مرات تكون انت ساكن في امدرمان وعندك صاحبك ساكن في كوبر وتلقاهو بيحكي ليك عن ناس كوبر واولاد حلتهم ويزحمك بي اسماء ناس حاجة التومة وعلي بلنجات وسيد الجزر وبتاع الفرن ولمن عوضية إتشاكلت مع بتاع الدكان وكيف إنو مرام بتحب محمد علي وعندهم شافع شيطان وجيرانهم فقرييييين خلاص وعمك ابو العز زول مرطططططب رطبة شديدة و و و و و و وديل كلهم عبارة عن اسماء ساي بدون اشكال ..طيب ياخ انا مالي ومال ناس حلتكم ديل ؟؟؟
عايز أفضّي راسي من الحاجات دي واستفيد منها حاجات تانية مثلاً رياضة القولف أو ركوب الخيل أو الإطلاع أو الرسم والتلوين ..
كيف ليكم ؟
|
Post: #2
Title: Re: الراس مزحوم بي حاجات ساي ..!!!
Author: عمر عبد الخالق سعيد
Date: 07-03-2006, 04:32 AM
Parent: #1
الحل
اقع التومة
|
Post: #3
Title: Re: الراس مزحوم بي حاجات ساي ..!!!
Author: فيصل نوبي
Date: 07-03-2006, 04:46 AM
Parent: #2
د’نب ولا Come Quickly
|
Post: #4
Title: Re: الراس مزحوم بي حاجات ساي ..!!!
Author: عمر الفاروق
Date: 07-03-2006, 05:11 AM
Parent: #1
يا ابو عمير:
ياخ اسة انت ما اكعب مني !!!
والله راسك ده ماليهو حاجات سااااااااااااااي !!!
بالله لحدي أسة متذكر موضوع التومة ده ؟
الحق نفسك وسجل معاي في رابطة اصحاب الرؤوس السااااي..
|
Post: #5
Title: Re: الراس مزحوم بي حاجات ساي ..!!!
Author: عمر عبد الخالق سعيد
Date: 07-10-2006, 00:22 AM
Parent: #4
| Quote: الحق نفسك وسجل معاي في رابطة اصحاب الرؤوس السااااي |
الرأس مليان كراكيب و كرور
بقي زي راس البيت
الزول بتاع السمك الفي كافوري
التكسي البيجو بتاع جارنا
..... الخ
|
|