Post: #1
Title: عليكم الله رايــــــكم بي صراحــــة ..!!!!!
Author: مبشر إبراهيم أنور
Date: 07-02-2006, 05:49 AM
مرة كنا قاعدين انا وهي بنتونس وطبعا هي جميلة جمال مبااااااالغة والله فيها عيون أأأأأخ انا بس
المهم في حاجة كدا ما متذكرها قامت قالت لي (طيب انت ذنبك شنو؟) طوالي قمت رشيتها لي بي دي...
انا عارف إنو هنا في شعراء فطاحلة وناس دهاقنة بتاعين شعر لكن دي بس حاجة بسيطة وكدا (يعني على قدرنا).
بالمناسبة رأيكم بصراحة أهم من المجاملة
بتقولي لي ذنبك شنو؟
ذنوبي دقيقة خليها ...
وتعالي نشوف حلاوة الريد...
مع عينيك ... حكايتي معاها من أول...
مع خديك... على شفتيك ...
وفي رسمك ... كتبت حروف ... نظمت شعر ..
كلام ما اظنو يتأول...
زمان قبال أشوف عينيك ...
حياتي عدم ... صراع وألم ... دموع وندم ...
حلفت يمين ... بنات حوا .. معاهن تاني ما بتلم...
وانتي طلعتي بس من وين... غلبني أقيف ... اقول افهم ...
اشوفك كل يوم راجيك... عشان بي نظرة اتعشم...
احس بي نار هواي جواي ... ونار الشوق على الفيني ..
تزيد في نارا ما بترحم ...
بقيت أحلم ... يجيني خيال .. وصورة ضحكة .. تتبسم ..
اقول استني يوم باكر ... يكون أجمل ...
عرفتك ... لقيت فيكي ...
سماحة روح ... ادب نادر ... جمال ... أخلاق ...
صفات ما أظنو تتكرر...
عشقتك ... بدون إذنك ...
لأنو الريد وقت يدخل...
بيستأذن؟؟؟؟
كلامك .. وقت يطلع .. بحس بي الدنيا كلها لي ...
وعارفك ما بتريديني.. وعارف آخرة المشوار..
لكن بس عزاي في يوم ... هويتك من صميم قلبي ...
وما زلت ...
ويا ريتك تعرفي البي ... وقت لا أشوف جمال عينيك .. ولا أسمع كلام صوتك ...
بكون ضهبان.. بكون ضليت .. وما عارف ..
بكون عميان .. وما شايف ... بكون خايف ...
اشيل همك ... على قلبي ..
وصية بقولها في الآخر .. وما داير عليها ثواب ..
ولا طالب عليك الرد...
بريدك كل يوم بيمر .. بحبك كل يوم اكتر..
عشقتك قصة برويها ... هويتك وكنت متصور...
ذنوب ريدي .. تكون عندك .. صكوك غفران..
شهادة حب ... حياة إنسان...
[email protected]
|
Post: #2
Title: Re: عليكم الله رايــــــكم بي صراحــــة ..!!!!!
Author: مبشر إبراهيم أنور
Date: 07-02-2006, 07:26 AM
Parent: #1
معقووووووووووووووولة بس..!!!؟
لحدي هسي ما في زول داير يديني رايو؟؟؟!!!!
|
Post: #3
Title: Re: عليكم الله رايــــــكم بي صراحــــة ..!!!!!
Author: معتز تروتسكى
Date: 07-02-2006, 09:37 AM
Parent: #2
خالص التحايا
الزميل العزيز
مبشر إبراهيم أنور
شوف اول شى انديك شكله كاربه من واقع كلامك ده بعدين نقول ليك رائى..
Quote: معقووووووووووووووولة بس..!!!؟
لحدي هسي ما في زول داير يديني رايو؟؟؟!!!! |
شوف ياولدى..فى البلد زمن بتكت وبجو الكبار يصلحوك ده بقى مافى واقنع منو ..
حسيت داير تكتبت والسلام
ماجاك الاحساس خليك كده ومافى احسن من كده..
ده ما احباط لكن بنقول ليك الصوره بدون وغباش ولولوه...
انا طبعا ما زى الجهابزه البتقول عليهم ديل انا ذول كعامة الناس ..
متلقى ومتذوق..
يعنى حكمى ماحكم زول مختص وهنا بفرق لو اديتك حكمى بكون انطباعى ليس اكثر ..
لكن بقول ليك (قو هيد)..وجميل..
ولاتندما على دربا مشيتو تملى..
تعال فى حاجا تانية بكون مالى فيها يدى بقول ليك رائى قاطع..
وعشان اديك (بوش) كمان..
انا زيك مابقول انى شاعر ياهو بكتب لمن تجينى كديسة الشعر ولا الكتابه...
مثلا القطعه دي كتبتها اعتقد بى نفس المصادفة بتاعت قصيدتك دى ..
اعتقد فى بداية الجامعه ولا نهاية الثانوى مامتذكر..
وتعرف من الصدف انى من كتبتها اول مره الى الان ماجيت راجع ليها بس ماعارف من قريت قصيدتك دى اتذكرت بتاعت ديك..
فعينى حاقوم انزلها ليك لكن ربما تجدها غير موزونه وغير مرتبه لانى ذى ماذكرت ليك انا صحى بكتبت مرات بى شراهه بجينى جن الكتابه لكن لمن انتهى من الشى بكسل ارجع ليهو واعالجو..
قايتو لو ليقتها (بيض) امسحها لينا فى وشنا وياها نشجع عشان تشوف الاقل منك..
-------------------------
انســان خرافـى
مــــــا حبيب كـنت يــــــوم *** وكـنت قايلك انســان خرافـى
وكنت شايل دفقات عواطف *** شايل احساس فى الدنيا مافى
طلعت مره ابحث عن خطاك *** عرفت فى اثارها انك جافى
والوهم كان حبك *** عشتا فيهو رضيان وصافى
بالزمن شفت المحال *** والزمن ورانى فيك كل الخافى
انا يا الكنت انا *** وانت ياالخليتى زى المافى
سنين راحت والامل دون رحمه *** على شوكك مشيتو حافى
وانخدعت فى قصة كبريائيك *** عشان سؤال تفتش عليه اخر المنافى
ازيل بيهو الاهات *** وترقص لينا القوافى
واعود من تانى فى الصدفه القاك *** تجهلنى ولى عواطفى قايلك انت الشافى
اطلع انا الغلطان *** واطلع معاك معاك انا انسان جافى
اتوه فى الحيره من تانى *** والريد بى جواى شى خرافى
تتوه من ريدك *** وتقول ماوضح اخر القوافى
معقول تتوه وانت فى ايدو *** ولوتاهو كل الناس عليك ماخافى
بس ماكان عليك قايلو بصعب *** ماقايلو عليك حاجه فى اخر المرافى
خليتنى بحاول انسى *** ولازم انسى انسان خرافى.
|
Post: #4
Title: Re: عليكم الله رايــــــكم بي صراحــــة ..!!!!!
Author: ناذر محمد الخليفة
Date: 07-02-2006, 12:44 PM
Parent: #1
يا تروتو ..
براحة علي مبشر دا .. الزول دا برلومي في الهند وسكنا مع بعض فترة طويلة جدا ..
يعني ما في داعي تهرشو من قولة تيت  هسي انت ما بتعرف شكلو عشان ما خاتي صورتو لكن يمين لو ختاها وتشوف عضلاتو وطولو وحجمو تاني ما بتخش ليهو بوست نهائي
شنكل :
بس أنا اول مرة اعرف أنو رياد بالطريقة دي 
|
Post: #5
Title: Re: عليكم الله رايــــــكم بي صراحــــة ..!!!!!
Author: ajaj
Date: 07-02-2006, 01:00 PM
Parent: #4
رغم اني لا شاعرة لا بحمى ولا وجع بطن لكن عجبتني وقريتها مرتين كيتا في ناذر لانها بتذكرني بالذي مضي ولم يصادف مرة اخري
المقطع الاكثر اجذابا من نظرتي التي تحتاج الي نضارة هي لقيتك فيكي فقد اختزلت كل كلمات الجمال المستهلكة وغيرها وابانتها
حقيقة بداية جميلة واصل
|
Post: #6
Title: Re: عليكم الله رايــــــكم بي صراحــــة ..!!!!!
Author: هشام مدنى
Date: 07-02-2006, 01:09 PM
Parent: #1
أكتب كل ما عندك ومؤكد هو رائع وجميل
اتابع لك....
تحياتى وتقديري
|
Post: #7
Title: Re: عليكم الله رايــــــكم بي صراحــــة ..!!!!!
Author: مبشر إبراهيم أنور
Date: 07-03-2006, 03:52 AM
Parent: #6
الأعــــزاء جدا ...
الحضــــور الجمــــيل..
تروتســكي - ود الخـــليفة - عـــجاج - هشـــــــام مــــدني
هي بعض من كلمات خرجت من دون إستئذاني...
أنا لا اعلم في الشعر سوي إثنين هما ..
انتم ..
وأنا..
والحكم لكم ..
هل ما أكتب يعني حتما اني قد صرت لديكم...
عظيم الشأن؟
اتمنى أن اكون عند حسن الظن بي دائما...
|
|