|
Re: عانقت ميركل بكنباور......فوق فوق المانيا فوق..... (Re: ajaj)
|
بت عجاج اختى ما تفرحى كتير ايطاليا جاياكم وعشان افرحك اديكى معلومة عن الفريق الايطالى والمعلومة هى انو ايطالياعشرين سنة يعنى من كاس العالم86 ما اتغلبت إلا بى ضربات جزاء وشاحد اللة انشاء اغلبوكم ستة/صفر وكان غلبوكم ما تزوغى والبوست حيكون ليكم عبرة .وقال المانيا قال
| |
|
|
|
|
|
|
Re: عانقت ميركل بكنباور......فوق فوق المانيا فوق..... (Re: ajaj)
|
بت عجاج يا دفعة : بي الطول بي العرض المانيا تهز الأرض.. وفوووووووق فووووووووق المانيا فوووووووووق.. وتييييت تيييييييييييت المانيا حديد ..
عليك الله اكتبي لي الحاجات دي بي الالماني ..
لو يعلم الالمان كم احبهم لأعطوني لجوء كروي وجواز الماني قبل 20 عاماً .. احتفظ بصور جميع لاعبي الدوري الألماني للموسم 91-92 بعد ان طلبتها من الإتحاد الالماني عن طري المانيا زارت السودان ووعدتني فأوفت الوعد وما ان وصلت المانيا إلا وارسلت لي صور اللاعبين في كل الفرق الالمانية وحينها كنت من المعجبين بفريق فرانكفورت ..
تفتحي دولابي تلقيهو زي بيت العزابة الجنهم ممثلات وفنانات ديلك وملصقين صورة ليلى علوي ولطيفة ونانسي عجرم واليسا وهيفا .. دولابي مليان بالصور النادرة لباكنباور ولوثر ماتيوس ومولر وفولر وكلينزمان واللاعب الاسطورة والذي كنت اتأثر به كثيراً بيير ليتبارسكي صاحب الرقم 7 والكرعين المكلوجة .. بالامس كان يوماً تاريخياً كعادة الالمان في كأس العالم فهم الفريق الاكثر تأهلاً لدور الأربعة ولعب النهائيات في العالم .. بالأمس كان الالمان مع الموعد وفي الموعد .. كعادتهم ظهروا بهذا الشعار الأنيق وذلك الزي الجميل .. وكعادة المكاينة الألمانية التي لا تعرف التوقف ولا تعرف اليأس لعب الفريق طيلة ال90 دقيقة بهدوء حتى ادرك التعادل في اخر عمر المباراة .. وكالعهد به كان الحارس ليمان نجماً واهدى التأهل للالمان .. وواصل كلوزا تحطيم الارقام وهو يحرز الهدف الخامس له في البطولة مكرراً نفس المشهد في البطولة السابقة ورافعاً رصيده لعشرة اهداف من بطولتين ولسة القادم احلى إن شاء الله .. وكما احتفل بها باكنباور لاعباً ومدرباً إن شاء الله سيحتفل بها كلينزمان لاعباً ومدرباً ويقفز باكنباور للرقم الجديد لاعباً ومدرباً ومنظماً ... ميركل التي لا تفهم في كرة القدم شئ كانت بالامس تقفز وتهلل وتكبر مع الاهداف من نقطة الجزاء وتنطط وتجقلب مع كل كرة يصدها ليمان .. مبروك للالمان التأهل المستحق لدور الاربعة ونحو البطولة إن شاء الله ..
تخريمة : عليك الله نططي لي معاك في الشوارع وانا امبارح لو ما شفتها شينة عندي الوان علم المانيا البيلصقوها في الوش ديك وكنت عايز اسويها بس عامل السن حتّم علي انسى الفكرة
| |
|
|
|
|
|
|
Re: عانقت ميركل بكنباور......فوق فوق المانيا فوق..... (Re: ajaj)
|
Quote: اها كان غلبتو دا حتمشو منو ويين |
وهو ده زااااااااااااااااااااااااتو الليلة بيمشي من ناس زيزو وين ؟؟؟
الديك الفرنسي الليلة حا يعوعي ليك في الجماعة ديل إن شاء الله لمن يأمنوا !!! دور الأربعة إن شاء الله اوربي صرف ولا وجود للمتطفلين .. مرحباً المانيا - فرنسا - ايطاليا - انجلترا ..
| |
|
|
|
|
|
|
Re: عانقت ميركل بكنباور......فوق فوق المانيا فوق..... (Re: ajaj)
|
وانا محل فيهو راديو جابوى التعادل ونطتنا انا واحدي البائعات فالمحل يكاد يكون خلاء... ودوي مكرفون المحل ليوضح اكثر ان دوتشلاند و ارجنتينا اينس-اينس (1:1) سمعت الهتافات والابواق وبعض الزمامير فالاستاد ليس بعيد وندمت علي الخوف الركبني ونتيجتو عدم بلوغ الاستاد
ونواصل
| |
|
|
|
|
|
|
Re: عانقت ميركل بكنباور......فوق فوق المانيا فوق..... (Re: ajaj)
|
يا ابو كلوة ..قصدي يا ابو علوة
Quote: ود الفارق
زيزو مين ياعمى دا اعتزالو الليلة بعد الكورة .وبى المناسبة رونالدو فات مولر فى عدد الاهداف سمعت دى . |
ياخ الأرشيف ده حاجة ممتازة موز ابو نقطة عديييييييل كده .. زيزو مين ؟؟؟؟ زيزو الإختاروهو افضل لاعب في مباراة إعتزالو زيزو الأمبارح شغال ترزي ويشيل ويخيط في الجلاليب للبرازيليين والله انا لمن قلت عيد الضحية ده قرب ولا شنو ؟؟؟ زيزو الأمبارح بيلعب بي الشمال والبي اليمين لمن غلبني افرز هو بيلعب بي ياتو كراع ؟؟ زيزو الأمبارح راوغ من ريودي جانيرو لحددددي برلين واي زول يلاقيهو قدامو بيديهو غسلة .. زيزو التخصصي في جماعتك .. طبعاً انا ما حبيت اجيب سيرة هنري في الموضوع عشان ما تفهمونا غلط ..
تخريمة : انت يا ابو علوة قون فرنسا امبارح كان منو ؟؟؟؟؟
| |
|
|
|
|
|
|
|