Post: #1
Title: نداء عاجل لتمبس
Author: ABUKHALID
Date: 06-30-2006, 08:39 AM
يا ناس المنبر وين مشت الشاعرة نجاة عثمان
وليه هي ما في هذه الاسرة الاسفيرية
تحياتي للأخت نجاة عثمان محمد سعيد
في حلها وترحالها
في السودان وفي السعودية
وتحايا لسامر و رؤي والدناقلة شمال
التحايا لهالة عمر صديق
الشقيقة والصديقة أينما حلت في هذه الدنيا
التحايا لأخونا عادل حجر هذا الرسام المنفي في مملكة الله السعودية العربية
التحايا لصديقي الخالص جدا خالد عثمان محمد سعيد
أرجو أن نسمع قريبا عن هذه الاسرة المدنية جدا
تمبس ممكن تنزل لينا الأغنية الزمن الفلاني لنجاة عثمان محمد محمد سعيد
البغنيها مصطفي سيد أحمد
|
Post: #2
Title: Re: نداء عاجل لتمبس
Author: ABUKHALID
Date: 06-30-2006, 09:01 AM
Parent: #1
ارجو أن لا اسفح ذكرياتي
في هذا المنبر عن الدنقالة شمال
في بحري
اين صديقي ذو الصوت الصادح جدا
حافظ الذي يعيش قي المانيا
هل من مجيب؟
|
Post: #3
Title: Re: نداء عاجل لتمبس
Author: tmbis
Date: 07-01-2006, 11:14 AM
Parent: #2
..
يا ربيــع ..
السفــر .. السفــر ..
كنت مسافر .. ولقيت البوست دا قدامي الآن ..
ح أرجع ليك وللاستاذة نجــاة .. والزمن الفلاني
|
Post: #4
Title: Re: نداء عاجل لتمبس
Author: walid taha
Date: 07-02-2006, 06:17 AM
Parent: #3
تمبس يا Record
بالله ممكن تلقى لى صورتى الإتصورتها معاك فى استراحة (حسن الملك)؟
بالله لو لقيتها اعمل ليها print out من طابعة ملونة لحدى ما اجيك.$$$
فاتنى ان احى المحترم ابو خالد
والاستاذة نجاة
وليد طه،
|
Post: #5
Title: Re: نداء عاجل لتمبس
Author: tmbis
Date: 07-03-2006, 12:25 PM
Parent: #4
العزيز أبو خـــالد..
خدمني الحظ ولاقيت الاستاذة بعد سنين طويلة وجميلة .. في ليلة جميلة جدا للاستاذ محجـــوب شريف .. بالرياض وكانت كالعادة نحلــة في العمل ..
وبالرغم من قصر المسافة سيرا على الاقدام إلا أني لي اللحظة ما قادر اتحرك عليها .. لكن غالبا في الايامات الجاية دي التقيها مرة تانية ووصيتك في الذمة وتصل لي عندهــا..
تتخيل هي الجابت لي سيرتك اثناء الكلام .. شفت القلوب شواهد كيف ؟
اجدع اي تلفون في الماسينجر الداخلي .. ولما اصل لي عندها مليون في المية ح اتصل عليك وتكلمه ..
ودي الزمن الفلاني برواية الراحــل أبو سامر
|
Post: #6
Title: Re: نداء عاجل لتمبس
Author: tmbis
Date: 07-03-2006, 01:09 PM
Parent: #4
| Quote: بالله ممكن تلقى لى صورتى الإتصورتها معاك فى استراحة (حسن الملك)؟ |
وولي ..
يا هلا بيـــك..
صور الاستراحة الكانت في الجبل ديك ؟؟
ياخي دي اللقاها ليك كيف لكن؟
|
Post: #9
Title: Re: نداء عاجل لتمبس
Author: walid taha
Date: 07-04-2006, 01:50 AM
Parent: #6
| Quote: ياخي دي اللقاها ليك كيف لكن؟ |
بطارية وهليكوبتر
hala bik
|
Post: #7
Title: Re: نداء عاجل لتمبس
Author: Khalid Kodi
Date: 07-03-2006, 02:41 PM
Parent: #1
يانجاة يابت عثمان،
ماله زمانك الفلانى أدمن الرفض والسقوط ، فلم يجىء... ولم يجىء توأما له ..
ولاشبيها لهما حتى.
ماله الزمن الفلانى أصبح كتلك الأسطورة ..."كيلس"...لم يخلص حتى نفسه... ففشل...
وحتى المسيح ، إستمرأ الكسل ... ففشل...
ماله تكهنك للسماء أن تمطر درر وحلوى ولبن...وأغانى ...فشل.
فالمطر الدرى تقطر من أعينهم سكان حواف خرائط الجغرافيا...و اطراف المدن...
مطر أحمر ... أغرقهم وأغنياتك القديمة ...ليقتحم انوفهم وأفواههم التى نسيت طعم الملح...غرق غرق.
ياحبيبنا جوه عينيك عايشه ناس...
فلم يصدق الزمن الذى يمسح الحزن المعشهش فى "عيونه" ...أسمرانى...
ولا أعيننا...أصدقاء زمن فلانى...
يحيا إدمان الضحك المعافى..
يحيا إدمان الفرح المورد...
يحيا أمل: "الطريق ماببقى ساهل"
ويسقط النفط،، يسقط الغاز وتسقط لحى أبناء سعيد....
تحية لربيع وللعزيزة نجاة وللأصدقاء إياهم..
|
Post: #8
Title: يالروعة الكلمات
Author: Ahmed Sharafeldin
Date: 07-03-2006, 04:44 PM
Parent: #1
يالروعة الكلمات و اللحن والزمن الفلانى الذى تدلل علينا كثيراً يأبى المجئ. طوبى لزمانك المرتجى أيتها المبدعة ذلك الوعد المترف.
لكم التحية و الود
|
|
