بورداب الامارات ومصر...انا جاياكم هل من مرحب?

السلام عليكم ورحمة الله وبركاته

بأذن الله سأحل ضيفه عليكم الاسبوع المقبل فى اجازه قصيره بصحبه الوالده,
طبعا ده اول مره ازور الامارات لكنى زرت من قبل مصر, اتمنى ان ارى اناس تشرفت بمعرفتهم فى هذا البورد وكانوا بمثابه الاهل لدى

وعشان مافى واحد/ه تتصدم فينى وتقولوا كنا فاكرين بنت الاحفاد شيخه وكلام زى ده فأنا اديكم نبزه بسيطه عنى فأنا زوله محجبه عادى بغير تبرج لكنى لا ارتدى النقاب ولا الجلباب رغم اننى احبهم جدا واتمنى ارتداءهم,بشاهد التلفزيون فى بعض الاحيان دون الاستماع للأغانى او المناظر الخليعه, كأى فتاه فى عمرى بحب الموضه بدون تبرج,
بضحك وبهازر وبكاوى كمان(خاصه مع البنات)بس مابصافح الرجال الا فى حالات نادره لما يكون الموقف محرج شديدمثل ان يكون شخص فى مكان عمى او خالى واتحرجت شديد (أعلم اننى مخطئه وآسآل الله المغفره), لا اجد تناقض بين ان اكون فتاه عصريه وملتزمه بشرع الله فى آن واحد, مابحب اكسر الحواجز مع الرجال شديدفماتقولواعلى مسيخه, بالعكس
أنا دمى شربات

أها بعد المقدمه ده كان رحبتوا بى فأنا ممتنه ليكم وكان مارحبتوا بى فربنا يجزيكم كل خير



وفى امان الله

لا اله الا الله

Quote: بضحك وبهازر وبكاوى كمان

Quote: مابحب اكسر الحواجز مع الرجال شديدفماتقولواعلى مسيخه, بالعكس أنا دمى شربات

والذي خلق الخلق انتي شربات فيكي شوية ..

انتي زي الشي المُــكتشف جديد يا بت الاحفاد..

كأن الحياة عندك في مبتداها..






يخوانا بي كم فيزةالامارات..
فيصل نوبي الحقنا وانجدنا..

بنت الاحفاد
حبابك الف
و أخيرا ستشرق الانوار بديارنا...















دكين
انت مش ماشي بورتسودان يا فردة
الليلة برسل ليك الفابيا و بي 10 كمان .. اها فابيا ولا فيزا ؟؟

بنت الأحفاد
نسأل الله ان يجعل في سفرك البر والتقوى ومن العمل مايرضى
وتستمتعوا إنتي والوالدة بهذه الإجازة

Quote: يخوانا بي كم فيزة الامارات.. فيصل نوبي الحقنا وانجدنا..

دكين
فيزة الأمارات مجاناً وبدوك ليها في المطار
شيل معاك خاتم الحديد
بس المشكلة كيف الكفيل يفكك ؟؟

المودة لكم جميعاً

هنيئا لبوداب الامارات فهم لهم الحظ الاوفر فى لقاء البورداب من مشارق الارض ومغاربها وحتما هم كراما وابناء كرام . . . ستجدين الامارات تحمل نفس تضاريس اوربا من حيث التحرر . . . تمنياتنا لك وللوالده برحله طيبه واعملى حسابك ناس الخليج ديل قاعدين على الهبشه الواحد الكميره بتاعتو جاااهزه فى لحظه يعنى من اسى تكتبى ليك يافطه ممنوع التصوير والمصافحه او تعملى كما كان يعمل صديق لى عندما كنا فى الجامعه فى السودان كان لا يصافح النساء ولكنه يتحرج كثيرا فكان يكتب على ورق صغير انى لا اصافح النساء وعندما تانى احدى بنات وتمد يدها لتافحه يكون هو مجهز واحده من الاوراق فيمد يده ويقول لها وعليك السلام ثم يعطعيها الورقه فيكون بذلك حفظ للبت ماء وجهها وحفظ هو نفسه من المصافحه حتى علمت الدفعه كلها انه لايصافح لذلك جهزى ليك كميه من الاراق ويافطة ممنوع التصوير . . . ولا تنسينا من دعوات السفر ومقدما نسْتَوْدعُ اللَّه دِينَكُمْا ، وَأَمَانَتكُما ، وَخَوَاتِيمَ أَعمَالِكُمْا و زَوَّدَكَما اللَّه بالتَّقْوَى وَغَفَرَ ذَنْبَكَما . . . ويادكين كلنا شكلنا حنسافر الامارات دى

مرحب بيك

وانا ذاتى ما بصافح احيانا

ما بصافح عندما اكون خارج الشبكة

وبصافح كتافى ( كتف بى كتف )

أها قلتى شنو .....اتفاق جنتلمان و nice woman صافحينى واصافحك لله فى لله

وعلى فكرة انا يسارى ود انصار يعنى ثقافات وايدولوجيات متشربكة

حقيقى جنى وجن الما بيصافحو ....هو فى شنو اصلا ؟؟؟؟
وهل المصافحة حرااااااااااااام أو بها شبهة حرمة على وزن الشروع فى( قوانين سبتمبر )

يازولة فتوى منى ليك صافحى ساكت وتب مافى اى عوجةوالسلام سنة الاسلام والسلام أمن وطمأنينة
والسلام يعنى المصافحة

قا