Post: #1
Title: الفريق البرازيلى يستحق الطرد من كأس العالم!?
Author: kofi
Date: 06-27-2006, 06:53 AM
ايه ده!!!لعب باساط بالمسطرة!!!!!تحركات بالكوره وبدون كوره,,,مهارات غير عاديه!!الواحد يقع ويقوم بدل ما ( يتكوم) ,,خطوط منسجمة ومساحات مليانه واللعب فى المضمون!!والشوت فى (التنك)
لكن دى ما كوره وحسب كلام البرفسير كمال شداد !!! كرة القدم لعبة (أخطاء) وناس البرازيل ماعندهم اخطاء وبصراحة كدة لذة الكوره عندنا فى (الدفس) والرفس والجرى بدون اتجاه!!!
الكورة بهجتها (اقع)ليهو فى ركبتو !!! (شيلو بره) لغاية ما يطلع (غبارة),,,
قون (استروبيا) مصطلح للعب العشوائى ونحن شعب عشوائى وما احلى الأقوان (الأستروبيا)
(هو والقون) ممارسة (العنف الكروى) حتى تنبسط الجماهير وتغنى لعماد (كاريكا) وحمد (يكينى) والبخيت (جرزينهو) والطيب (شفينكو ) والخير (ربنهو) والقلع (ربرتو كارلوس) وخلاص كلهم عندنا ومين زينا!!!!!!!
البرازيل (برة) عشان نستمتع بالكورة والدورى عندنا وما يكون فى (الم المقارنة) و(يمسخ) علينا لعبنا!!
البرازيل بره عشان يكون عندنا امل للوصول لأى (حتة) وموش ضرورى كاس العالم!!!
عايزين كوره (هيصة) عشان نستمتع (بالمنظراتية) والصحف الرياضية فى بلد الرياضة (زيرو)
البرازيل (برة) عشان نكون نحنا (جوة)...
|
Post: #2
Title: Re: الفريق البرازيلى يستحق الطرد من كأس العالم!?
Author: Elmosley
Date: 06-27-2006, 09:47 PM
Parent: #1
يلا بلا برازيل
نحن دايرين الدافوري
|
Post: #3
Title: Re: الفريق البرازيلى يستحق الطرد من كأس العالم!?
Author: kofi
Date: 06-29-2006, 06:38 AM
Parent: #1
سلام يارائع
بالله موش اخير (السنترليف) وناس ديم سلمان والنسر والحماداب والقوز والشجرة وعمك (كع) بتاع التسالى,,,وتعليقات وقفشات (البرفسيرات) فى اللعب واللعيبة,,
البرازيل عملت لينا نظريات ولعب (نضيف) طيب اذا الكورة كدة نحن فى السودان قاعدين نلعب شنو؟!!!!!!!!
|
Post: #4
Title: Re: الفريق البرازيلى يستحق الطرد من كأس العالم!?
Author: عوض الله الفولانى
Date: 06-29-2006, 07:21 AM
Parent: #3
الحبيب كوفى
سلامات
انا عند احساس انو كأس العالم ما دولة افريقية ح تجيبو لأفريقيا
غير السودان سنة 3000م انشاءالله .
مالك بتحمر لى كدة قايلنى بهضرب ؟؟؟
الفولانى
|
Post: #5
Title: Re: الفريق البرازيلى يستحق الطرد من كأس العالم!?
Author: Hozy
Date: 06-29-2006, 07:54 AM
Parent: #1
يا سلام عليك يا كوفي
ياخي انا بس شغالة اترصد ليهم على لطافتهم
وعلى روح رونالدينو الرياضية العالية التي لا تسمح له بالإلتفات للتمثيليات
أو إقتناص الفرص الساذجة
ولعبه النظيف
فلم يخطئ ولم يتعمد ضرب أحد هو كما روبرتو كارلوس كما رونالدو ...
أسجل اعجابي الشديد
وخصوصاً ب تيري أونري قصدي فرنسا
|
Post: #6
Title: Re: الفريق البرازيلى يستحق الطرد من كأس العالم!?
Author: kofi
Date: 07-01-2006, 06:54 AM
Parent: #1
الجميل الفولانى
معاك بس الدورة حتكون فى القمر!!!!وبالمناسبة يمكن يتغير الكاس او طريقة اللعب وتبقى الكورة (عك) وانا اتى قاعد اهضرب معاك!!!
العزيزة هوزى
يابختك ( بتنضفى ) عيونك بالمناظر الجميلة واخشى على (جمالها) من النقل المباشر للرياضة (عندنا) ودورى الذى يسمى عندنا(كرة القدم) وعند العالم (اى حاجة فى اى حتة!!!)
|
Post: #7
Title: Re: الفريق البرازيلى يستحق الطرد من كأس العالم!?
Author: ali elhassan
Date: 07-01-2006, 06:57 AM
Parent: #6
up
|
Post: #9
Title: Re: الفريق البرازيلى يستحق الطرد من كأس العالم!?
Author: Hozy
Date: 07-01-2006, 02:20 PM
Parent: #6
آآآخ البرازيل × فرنساااااااااااا
برازيل ما بنقدر
وفرنسا ياخي تيري اونغي !!!!
|
Post: #8
Title: Re: الفريق البرازيلى يستحق الطرد من كأس العالم!?
Author: Tabaldina
Date: 07-01-2006, 07:02 AM
Parent: #1
..
.
الطرد دا خلوهو لفرنسا بعد 3 ساعات
والله كن ما جكسيهم الشرط دا
كان زمان شتتو ..
اموووت فى اللاتين بدون فريق
|
Post: #10
Title: Re: الفريق البرازيلى يستحق الطرد من كأس العالم!?
Author: kofi
Date: 07-02-2006, 11:20 AM
Parent: #1
خلاص كدة يا شباب
الجماعة اتعاقدوا مدربين (وهدافين) وكدة وبورصة الكورة اشتغلت,,,
زجالوا حضر اخر دورة تاركا تاريخ (مدرب) اما بريرا فتكفيه واحدة والأم البرازيلية ولوده
وكدة كويس (لزوم) التغيير,,يعنى حيحصل استقالات واقالات وتجديد دماء وحنشوف (نجوم) جدد...
ونحن نرجع للدافورى,,,
قال ايه (هنرى) مولود فى السجانة
وربارية ود ناس عجب بتاعين الديم
و(كاكا) حيكون لقب مهاجم الهلال الجديد عشان ناس المريخ مسمين (هاشم شامشنكو)
كل سنة والمانيا بخير
|
|