Post: #1
Title: يا جماعه عووووووووووووووووووووووك أنا عاوز أعرس !!
Author: ADIL FAIT
Date: 06-26-2006, 06:04 AM
يا جماعة الواحد لو عاوز يعرس وما عندو (التكتح) يعمل شنو ؟
هبشه:
يعني ما نكمل نص دينا دا..
مع أكيد إحترامي،،،
عادل فايت
|
Post: #2
Title: Re: يا جماعه عووووووووووووووووووووووك أنا عاوز أعرس !!
Author: فيصل نوبي
Date: 06-26-2006, 06:10 AM
Parent: #1
ود فايت
سلام بعد غيبة
| Quote: يا جماعة الواحد لو عاوز يعرس وما عندو (التكتح) يعمل شنو ؟ |
الصوم ..
او
الصابون و الحمام ..
| Quote: مع أكيد إحترامي،،، |
|
Post: #3
Title: Re: يا جماعه عووووووووووووووووووووووك أنا عاوز أعرس !!
Author: ADIL FAIT
Date: 06-26-2006, 06:16 AM
Parent: #2
يا نوبي إزيك..
أخبارك..
| Quote: الصابون و الحمام .. |
والله بالغت عدييييييل كدا يا فيصل
هبشه:
إنتو وقت أصلوا ما عاوزين تدونا السندريلا الصمت كا أفيد..
وما زال العرض متواصل يا حبيب
كل الود،،،
عادل فايت
|
Post: #4
Title: Re: يا جماعه عووووووووووووووووووووووك أنا عاوز أعرس !!
Author: Nadia Elsir
Date: 06-26-2006, 06:26 AM
Parent: #3
الغالى عادل فايت قريبى,
ها جانا ما تركز ات ماك جعلى و الا شنو؟
هبشة:
اتا كدى ابدا جهز حالك و نحن معاك و زى ما قالو اهلنا المبدى متموم
نادية السر
|
Post: #5
Title: Re: يا جماعه عووووووووووووووووووووووك أنا عاوز أعرس !!
Author: ADIL FAIT
Date: 06-26-2006, 06:32 AM
Parent: #4
ندوية أهلاً بيك في رحاب سودانيز أون لاين ..
أهلاً بيك في جسر التواصل ..
وكيف أخبارك والأهل..
هبشه:
يعني القنداته ديل الواحد لو رجع بطن أمو برضوا يمكن يلقي فيهم واحد في المصران الأعور ولا الكمونية ..
تاني أهلاً
كل الود،،،
|
Post: #6
Title: Re: يا جماعه عووووووووووووووووووووووك أنا عاوز أعرس !!
Author: Nadia Elsir
Date: 06-26-2006, 06:39 AM
Parent: #5
عادل فايت ,
شكرا عللى الترحيب الانيق انا و الاهل فى خير و نعمة اها انتو احوالكم ان شاء هناء و عافية؟
اها و قت جبتا شوط اهلنا القنداتة ايوة بالحيل محل ما تلاقى مكان اخد وادى راى و انوار اللات علم بتلقانا وسط الناس متلمين و متجمين اها بلا الناس بنبقى؟
نادية السر
|
Post: #7
Title: Re: يا جماعه عووووووووووووووووووووووك أنا عاوز أعرس !!
Author: samo
Date: 06-26-2006, 08:44 AM
Parent: #1
ياعادل يا تعبان ...مالك بتكورك وتجعر ,,,
العرس دة مافي اسهل منو ..
والبنات راقدااات بدون شرط او مهر او شيلة او دهب مستعدات ..
هن لاقينو وين ؟
وماحنمشي بعيد ... اذا ماعندك راي في البوردابيات ...البورد دة ملياااان بنات كايسات العرس..
وخليها على اخوك ... انت بس وافق ... وانا اجيب ليك واحدة من المعانا في البورد ..
وشغالة كمان .. يعنى حتصرف عليك ..اقول ليك حاجة كمان ..الزولة دى مستعدة هى التدفع المهر وحق الشيلة والدهب ..انت بس ..(كن عريسا) .. وحتريييييييحك تمام . .
بس في اشكالية بسيطة كدة ... كبيرة شوية كدة في سنها (دة بالنسبة لي) .. وممكن تكون مناسبة ليك ....
وفي مشكلة صغنتوته كمان .. الزولة دي ..شوووووية كدة ..شينة.. حبة يعنى ماكتير.. غايتو احسن ليك من (حمام وصابونة ) فيصل نوبي ..
والمشكلتين ديل حتتجاوزهم وماحيشكلو فرق عندك اذا انت من النوع بتاع (جمال الروح والاخلاق و...) حتى الاخيرة دى مابضمنها ليك ... عموما ..جرب وشوف وقررررررر..
وانا بينى وبينك كدة ... مامقدم العرض دة عشان خاطر عيونك ..لانى اساسا مابعرفك ..
بس عشان عاوز استر الزولة دى .. والله حننتنى بي شحتفتها على الرجال ..
والخلعة والخوفة من البورة باينة في صورها ...
وشوكرن اخوي المشحتف ..
|
Post: #8
Title: Re: يا جماعه عووووووووووووووووووووووك أنا عاوز أعرس !!
Author: فيصل نوبي
Date: 07-02-2006, 05:15 AM
Parent: #1
يا ود فايت
انت اتزلقت في الحمام ؟؟؟ !!!
!!!!
|
Post: #9
Title: Re: يا جماعه عووووووووووووووووووووووك أنا عاوز أعرس !!
Author: عشة بت فاطنة
Date: 07-02-2006, 05:28 AM
Parent: #8
ودفايت حبابك الف
خليك من ناس نوبي ديل
ما في داعي للصيام ولا للباءة
انت ما عندك حبيبة ؟؟
الحبيبة هي الوحيدة المستعدة
تتزوج بدون مهر ولا
يحزنون ، المهر بجيب الزلة واي مرة
تتزوج بمهر وقروش معناها اخدوها
والزوجيفشي فيها مغصة الدنيا ومغصة
القروش الدفعها فيها
تزوج أمرأة عفية وأبية
لا تباع ولا تشترى
لا تطالبك بأكثر من الاحترام
والالتزام ومثل هذه أيضا لا تباع ولا تشترى
بل تسعى الى حبيبها ومهرهما العواطف
والتفاءل بحياة كريمة
قت شنو ؟؟
وما تشاءم نحن قدامك منذ الثمانينات
عملناها رفضنا القصور ومباني السور
والحرير والدهب
ونحن
طالبات
وطلبة
ما زلنا ننعم بعلاقات
طيبة
والحمد لله أولا حسي في الجامعات
تسلم وربنا يديك بت الحلال الهدية
ورضية
الما بتتباع ولا تشترى
|
Post: #10
Title: Re: يا جماعه عووووووووووووووووووووووك أنا عاوز أعرس !!
Author: فيصل نوبي
Date: 07-02-2006, 05:35 AM
Parent: #9
عشوش
Quote: الحبيبة هي الوحيدة المستعدة
تتزوج بدون مهر ولا
يحزنون ، المهر بجيب الزلة واي مرة
تتزوج بمهر وقروش معناها اخدوها
والزوج يفشي فيها مغصة الدنيا ومغصة |
عليك الله دي يلقوها وين ؟؟
جيبي لي واحده معاك ..
|
Post: #11
Title: Re: يا جماعه عووووووووووووووووووووووك أنا عاوز أعرس !!
Author: عشة بت فاطنة
Date: 07-02-2006, 05:57 AM
Parent: #10
Quote: عليك الله دي يلقوها وين ؟؟
جيبي لي واحده معاك |
دي ما بلقاها ليك
واحد
بلقاها ليك قلبك
فقط هذه المرأة يا نوبي
قنا عزيزة ما بتتزوج بطريقة تقليدية
ما بخطبوها ولا بقدموها في طبق ، سعى اليها
قلبك وتسعى اليك من أول نظرة ما أظن !!
الخفقة الاولى خليها
زولتنا لصيصة بتفرز الطيب من الخبيث ولا توقعها
سهام الريد سريعا ، يدب الحب هوينا الى قلبها
حتى لا يطيش سهمها ويحصل ما لا تحمد عقباه
ولا تعى وراء فتاها لا نها بايرة ولا شينة زي ما قلنا صاحبنا
لان الزواج ما عندها الهدف الوحيد أنها أمرأة موسوعة للعلم
والفال .. وتنظر الى المستقبل بعيون واعدة ، تريد من بتكاتف معها
ولا يعرقل مسيرتها ، من ينظر اليها بندية وليس بدونية ، يتقاسمان هموم الدنيا ونجاحاتها ، ناس مرحين وبحبوا الحياة وبجيدو الغنا ..
بالنسبة للمغتربين صعبة صعبة ، انصح الذين يريودن أن يظفروا بدرة مثلها بالرجوع الى الوطن ..
يلا يا نوبي الزولة في السودان ؟؟
|
Post: #12
Title: Re: يا جماعه عووووووووووووووووووووووك أنا عاوز أعرس !!
Author: فيصل نوبي
Date: 07-02-2006, 06:00 AM
Parent: #11
عشووووووووووووووووووووووووش
ابداع
| Quote: يلا يا نوبي الزولة في السودان ؟؟ |
الزولة في قلبي موجودة 
|
Post: #13
Title: Re: يا جماعه عووووووووووووووووووووووك أنا عاوز أعرس !!
Author: عشة بت فاطنة
Date: 07-02-2006, 06:06 AM
Parent: #12
الزولة في قلبي موجودة
نوبي 
لا قياه ولابد
مبرووووووووووووووووووووووو
ك
يا زول وزغرودة فرح وشبال
عشان العروسة ست الفال
والصور والبوست بتاع العرس
على انا دي
|
|