Post: #1
Title: كت احادثه فى الحلم.. قرنق
Author: sharnobi
Date: 06-25-2006, 07:33 PM
كما كان لك الرحيل بلا إذن مسبق
لى حق ان ارفض رحيلك
وكما كان لك ان لا ترحل
هكذا الحياة
لكل منا حق الاختيار
ولكن ما كان لهذا الموت الحاقد
ان يأخذك
بلا مقدمات
ويغيبك عن
ارض
توحمت بك منذ نعومة اظافرها.
(طيبن اب شريفك اويكنى
ايقون بدرى شيبا اويجلى)
كان المغنى يردد
حين نعت طيبة
ابا شريف
ردد بعناد
كما تنتحب
ابا شريف
سوف ابكى بدره
كانت بدره حلم الغلابة
الجياع
كان قندول الذرة
ودعاش فى لهيب الصيف
كان مشروع
الفرح
حين احترقت بقايا
الحسكنيت
فى ربوع السافنا الفقيرة
كان احتمال ضعيف
ان يهطل رزاز
المطر
وان يزور الرب مساحات
الغفر
استعدوا
الفقراء
جادوا ببقايا الدخن
وبالحثالة
من على قعر
الدلق المنكوس
وفى انتظار المطر
نزروا آخر الانعام
من بقايا المحل
ركزوا على تل الرمال
صلوا صلاة
كانوا
هياكل
ورموز
يوم ما جيتنا
لقيتنا
صفوف
ولهانه تدافر
بس داير تنعم
الشوف القاصر
بالزول الحلم
ما كان ليلة قدر
يوم فجت الارض
وبقت فينا
ملامك زرقة
وكان حديثك
برنامج
دخل فى القلب
بلا تصريح
حبوك الزرقة
واتلموا الحمرة عليك
قالوا خلاصنا
شفناهو فيك
حبوك القلبهم
يابس
واتبركوا فيك
الاولية
يا صالح عهدك
يا حافظ وعدك
يا زول
يا رايع
هل غار الرب منك
واخدك منا
ليه
ما خلاك
وبس لى يومين
تانى
يا نازع كل سكينتا
يا راحل بالبال
وطنك
مهجور بعدك
نضب معين العشق
راهنت بآخر
الرمق
قلت انك قادم
فاجى زحام الدنيا
وانك متعادل
متصالح
وفيك
اتوسمت الخير
ذى الضمان
رهان الدنيا
بقيت
متأكد منك
ومن
قدوم الفارس المغوار
ما كان
من رسم خيالى
ولا هواجس
بنات افكارى
ما شفت
بام عينى
وحادثك
وسمعتك
ما كضبتك.
ما.
كان الارض عقيم
والنخل العاقر
جوعنا سنين
وضاربت
وراهنت
قمار
بآخر فلس
والمكنة تدور
وتقول يا بخت الفايز
الفيهو ملامح شعبى
وبق الفرح
من جوه
بقوة
واحترق النازك
تلاشى الاحتمال..
وانتظروك
رغما ..
عن اذاعات المطر
وعن خبر
واحباط المفواض
المراهن بالوطن
انه كان المحال
ورضيناك
كقدر
ورجوانا السماوات العاقرة
ان تجود
كان كالغيم الاستوائى
داكن
هللت بذرات قمح
فى البيات
حركت فيها
دعشات المطر
بعض من حنين
للحياة
يا قرنق
كان ترياق
ومبسم من قصب
احترق
ايها الخائن فى زمن الحرب
كيف تعقد صفقة السلم
وتوعدنا بالسلام
ونّكسنا الرماح
نحن رماة الحدق
فى انتظارك
ايها الفارس المغوار
ترجل
لا نحمل
على اسنة الرماح مصحفا
ولا ا نجيلا
ولا كتب سماوية
نحمل العشق لارض
منها
بعض الملامح
وحلم
ساهل يمتنع
الا على قدومك
ايها الوارد
فينا
كالخريف.
ايها الراحل
كالسيول الموسمية
|
Post: #2
Title: Re: كت احادثه فى الحلم.. قرنق
Author: sharnobi
Date: 06-25-2006, 07:48 PM
Parent: #1
انتابتنى هلوسة
والله ما ناقصنى شئ
ماكل شارب ساكن
فى بلدن حلم للكل
الا انا الفيها ما بيها
جالس فى الطابق السادس
جمال الخضرة ورزاز المطر
الصيف والماء
والوجهه النضر....
قدامى الكاس
والحرية...
فجأة اتغور جواى جرح
رجع بى الزمن
لعقود سالفة
كنت بقارن بفلو
بجوبا
الجو
الخضرة
الناس
العشق
جرت دمعة من غير اذن
وراح بالى فى الوهم الاسمو السودان
الوطن خيالى
واتذكرت
لو كنت هناك
والوطن معافى
ومحجوب ود الشريف يغنى
ميرى كلمينا
واتذكرت الزول الاسود
الاسمو
قرنق
استاذى
ومعلمنا للحرية
تفيت
اتحسرت على الحظ العاثر
وكانت جوبا
حلم
لاغنية
لم تكتمل بعد..
اليك ايها المعلم
ساكتب عنك ..
وانت فى الرفيق الاعلى
نفتقد كثيرا
ساكتب على شاهد قبرك
نحن جموع الشعب السودانى
ملامحنا منك
نفتقدك
لماذا رحلت عنا
|
Post: #3
Title: Re: كت احادثه فى الحلم.. قرنق
Author: sharnobi
Date: 06-25-2006, 08:07 PM
Parent: #1
لماذا قرنق
جدلية الحوار الصعب السهل
محاولة اولية
استفتاء
فى وثيقة سرية مكتوبة بحبر سرى
هل تقبل ان يحكمك جناوى اسود
(تفسير بخطوط رفيعة تحت
جنقاوى هو العبد)
وفى وثيقة رسمية
الجنسية
منذ متى
منذ دخول العرب
...
مراجعة اولية
عربى
افطح الانف
مستفذ لكل قبائل العرب بالجزيرة العربية
وكان عنتر الذى نصفه عربى ونصفه زنجى يحلم بعبلة ابنة عمه
وكتب معلقة
زينت صدر الكعبة..
ولنا فى الانساب......
عمى العمدة النور محمد شريف
كان اسود اللون طويل القامة لا تحوم حوله اى نزعة غير سودانية
وكذلك شريفة عمتى
وراجعت بسرعة
خارطة اللون فى اسرتى
وجدت اللون الاسود هو العامل الاساسى
حمدت الله بانى متعادل
اخذت من سمرة لون امى اكثر
نواصل
|
Post: #4
Title: Re: كت احادثه فى الحلم.. قرنق
Author: sharnobi
Date: 06-25-2006, 09:08 PM
Parent: #1
بعض من احترامى
للفنان ابو عركى
انه غنى للون الاسود
الزيتونة
من يحكمنا يا سادتى
الوعى
ام اللون والعرق
اته سادتة صنعوا لانفسهم الولاية
ولانهم انصاف
كانوا لانفسهم جناة
حين انحازوا على نصف لونهم على النصف الآخر
انها قصة ازمة وطن
|
Post: #5
Title: Re: كت احادثه فى الحلم.. قرنق
Author: Suad I. Ahmed
Date: 06-26-2006, 04:55 AM
Parent: #4
أبدعت أيها النوبي الأسود.. ود العمد المهموم بالمسحوقين من أهل السودان.. حسرتك على قرنق هي حسرتنا جميعا.. بل حسرة السودان كله وكل الحالمين فيه بسودان العدل والتنمية والرفاهية للجميع في وطن المليون ميل مربع..
فلنكتب الشعر ونغني ونحلم معك ونحن في حالة نضال ضد من سرقوا أحلامك وأحلامنا جميعا..
فليتواصل النضال بالفرح كله لإزلة الكوارث من سدة الحكم لتعود لنا ولأطفالنا البسمة من جديد.
سآد آشا [سعاد إبراهيم أحمد]
الخركوم في 26 يونيو 2006
|
Post: #6
Title: Re: كت احادثه فى الحلم.. قرنق
Author: عمر ادريس محمد
Date: 06-26-2006, 01:19 PM
Parent: #1
| Quote: فلنكتب الشعر ونغني ونحلم معك ونحن في حالة نضال ضد من سرقوا أحلامك وأحلامنا جميعا. |
ياسلام ابداع جميل
ياشرنوبى
والتحية للاستاذة المناضلة
سعاد ابراهيم احمد
|
Post: #7
Title: Re: كت احادثه فى الحلم.. قرنق
Author: sharnobi
Date: 06-27-2006, 01:16 AM
Parent: #1
استاذتى الفاضلة
احيانا نقاوم الهزيمة بنصب التضحية
الشهيد مقياس النبض
تعلمت منك شخصيا معنى الالتزام الصعب
فى كل تفاصيلك العامة والخاصة
فكنت الرمز
راجع الى قربك لاحكى معك
قصة الحياة
ونتخاصم فى التفاصيل ونحن نتشبث معا على كل العموميات
وبتذكرك
ايتها النبيلة وانت قدوة لامثالنا الضعاف
ولكن هذا الذكرى تتفجر المصارين حوله
كان كالحلم
كان ملاذ للثورة
واستلاف فى زمن هلامى لمعنى متجسد فى حلم ثورى
وشكرا لك
ايتها التى تشعل الذاكرة فى لحظة الخفوت
|
Post: #8
Title: Re: كت احادثه فى الحلم.. قرنق
Author: sharnobi
Date: 06-27-2006, 01:21 AM
Parent: #1
عمر ادريس النبيل
بعض من صمتى هو كلامى
ولك فى الخطاوى التى مشيناها ونمشيها سويا
بعض من امنيات الصعود الى القمم التى لا نراها مستحيلا
ابدا
ونردد فى صمتنا
وفى دندنتنا فى الحمامات
وفى الخلوة القسرية
عن وطن
خير
|
Post: #9
Title: Re: كت احادثه فى الحلم.. قرنق
Author: عمر ادريس محمد
Date: 06-28-2006, 10:12 AM
Parent: #1
قابلتو مرتين بالصدفة
كان ساكن فى الهيلتون . ولما كنت راجع للبيت عند الثانية نهارا تقريبا . كان راجع للهيلتون أربعة عربات( فقط) لا صفافير لا كواريك لا طوابير . مولعين أنوار العربات . وشوية بورى للتنبيه . مررناهو هو ورفاقو . وحياتكم حتى لساتك العربات اتبسمت . انا غايتو لوحت ليهو بيدى اليسرى بدون ما اقصد.
والمرة التانية فى نفس الحتة العربات بقن تلاتة وموتر بيطلق صفارة تنبيه . برضو مرة طفيف ولذيذ زى النسام . تعرفوا مرة كنت سايق مشوار حريم كبار ومعاهم بناتهم . حلفونى أغشا بيهم الهيلتون عشان يسلموا عليهو . ما لبيت ليهم رغبتهن . حولت الموضوع لهظار
ما شفتوهو بيرقص كيف مع الأطفال ؟ ما شفتوا صورتو شايل الشافع فى كتفوا ؟
ما سمعتوهو بيقول أنا حا (إشتغل) مع البشير ؟
إتوفى
بكرى العجمى
|
Post: #10
Title: Re: كت احادثه فى الحلم.. قرنق
Author: ahmed haneen
Date: 06-29-2006, 00:53 AM
Parent: #1
ومضي كالحلم يا شرنوبي
وترك الوطن يتعثر
وعلي شفا هاوية لا قرار لها
وكان يوم الدمع يوم رحيله الفاجع
|
Post: #11
Title: Re: كت احادثه فى الحلم.. قرنق
Author: sharnobi
Date: 06-29-2006, 06:04 PM
Parent: #1
الفاضل احمد حنين
فى تاريخ الامم منعطفات... حرجة ولا تقاس اعمار الشعوب بسنوات..
ولكن فى قراءة سريعة لتاريخ النهوض .. ان للزعامة او القائد دور
ايجابى خاصة فى مرحلة التكوين او الصراع.... السودان فى مرحلة التكوين
منذ ان تم ولادته قيصريا بفعل المستعمر الثنائى وتحت ظرف تاريخى دولى
تداخلت فيها مصالح القوى المهيمنة .. وكانت الجغرافيا السياسية لمعظم دول العالم الثالث (كما يعرف احيانا) نتاج توفيقى لمصالح تلك القوى...
القراءة العلمية المتأنية لواقع حال البلد الذى يعرف بالسودان... يصب فى ان مشاكل السودان الانية هى نتاج طبيعى للولادة المتعسرة للدولة السودانية تحت حكم المستعمر..
ولنا دلالات بمشاريع التنمية الاقتصادية بالمفهوم المجرد والى تم انشاؤها فى مناطق ذات ميزات اقتصادية ( وليست اجتماعية) فقيام المشاريع الزراعية فى السهول الطينية الوسطى بين رافدى النيل الازرق والابيض. لم يكن ابدا لتنمية
انسان المنطقة والذى كان اساسا يعيش على حرفة الرعى اولا وعلى زراعة البلدات ثانية.. ولقد واجه مشروع الجزيرة مشكلة صراع المزارع بين زراعة القطن وتربية الماشية وكانت تعد مشكلة حقيقية.. كان يتم حلها بالاوامر البولسية ..
هذا المثال ذكرته على عجالة لكى اضفى مدخلا.. انموذجيا لواقع حال البلد.
عمل الانجليز على ادخال نظام تعلميى لتفريخ موظفيين محليين لادارة مصالح الدولة باقل التكاليف وراعت فى طيلة سنوات حكمها نظام الاختيار الانتقائى لنوعية المستفيدين من ابناء الشعب.
وفى مرحلة تحول الدولة لفترة الحكم الوطنى.. لم تطال شكل الدولة واجهزتها.. وسياساتها اى تغيير يلمح بان المستعمر قد رحل وان الوطن اصبح مستقلا سياسيا واقتصادية.. لعب الجهاز البيروقراطى والتكنوقراطى دور اساسى فى ترسيخ فهم السياسة بالزعامة.. واصبحت اللعبة السياسية هى مرهونة بالزعامات الطائفية او القبلية او حتى المهنية احيانا...
كل هذه العوامل ادت الى تأخير تكون الامة السودانية ذات المصالح المشتركة والقيم الموحدة.. واستمرت بخت الرضا ترسم سياسات تحاول ان تحل الثقافة الديموقراطية بثقافة الهيمنة الآحادية ولمصالح الفئات والشرائح التى التى جعلت من ميراث الاستعمار ولخدمة مصالحها الطبقية ثوابت لا تقبل النقاش.
لقد حاولت قوى التحرر الوطنى فى جميع مراحل التكوين الحديث برفض الاستسلام للمشروع الاحادى. فكانت حركة اللواء الابيض بقيادة على عبد اللطيف الدينكاوى..
والذى لم يجد حظه كثيرا فى التمجيد.. وكانت كل الاسر والعوائل المستفيدة
من حكم المستعمر اول من باركت وسارعت فى عمليات التصفية والاعدامات التى نفذهاالمستعمر على الثوار...
وتبنت شرائح طليعية بتثوير العمل السياسى بتحريض وتنظيم الطلائع من العمال
والموظفيين والمزارعيين وظهرت الحركة النقابية خارج اطار الحركات المطلبية
الى حركات لها دور فى الفعل السياسى.. كانت هذه الطلائع رغم قلتها وطرحها المتقدم عن مستوى الوعى.. العام معاول للتغيير ومكابح لتمير سياسات التخلف والقهر الاجتماعى والاقتصادى...
ولكن هذه الطلائع بحكم تكوينها الطبقى والفئوى كانت تتمركز فى المدن وكانت وسائل الاعلام حكرا لجهاز الدولة وبث الثقافة الآحادية.. فلم تجد فرصة باستخدام اجهزة الاعلام السمعية والبصرية.. لنشر الوعى.. فكان معظم نشاؤها محصورا فى الكلمة المكتوبة او المنشور....مما اقعد فعاليتها وسط جماهير الريف الفقيرة التى حكمت القوى الرجعية قبضتها بجاهها وسلطانها عليه..
ظهور المناضل د. جون قرن....فى ظرف تاريخى حاسم كان كالحلم الخلاص.. لامثالنا
من الجيل الذى نشأ يحلم بوطن خير ديموقراطى... لم نقلى اسلحتنا النضالية.. ولم نيأس من طول طريق النضال.. ولكن ظهور هذا القائد ذا الكرزما السياسية والوعى العام.. والقراءة السهلة لواقع السودان.. كان كالمسييح المخلص...
وكان شعورنا العاطفى .. من طول الارهاق والكبت والذل الذى احاق بنا..
كان فجرا للخلاص.. وكان طرحا ينقلنا عبر مراحل الى واقع اكثر اشراقا وتفاؤلا..
لذا يا صديقى ما زال يقدم فى الاحلام... وهو يلوح بابتسامة الخلاص
انه كان ومضة سريعة
وكان ياحمد حنين
فجيعتنا
وسنظل نحلم بالثورة ووطن خير ديموقراطى
|
Post: #12
Title: Re: كت احادثه فى الحلم.. قرنق
Author: sharnobi
Date: 07-07-2006, 01:23 AM
Parent: #1
لو كنا من اهل الحظوة لكان معنا اليوم
مات قرن ومات الحلم
الكان خلاص الامة الحلم
وبكت عائشة
وسكلت
وميرى
وتيتم طفل السودان مرتين
وفرح المدثر
المتسلط
الفظ القلب
بكى فرحا
لانو بموت الوطن
سيظل ينهب
يقتل
اما كان عليك ان تقاوم الموت
سنة اخرى وانت الذى حملت السلاح عشروت عاما ولم تمت
كخالد بن الوليد
ايها الفارس الذى انهزم امام الموت خارج ساحة القتال
|
Post: #13
Title: Re: كت احادثه فى الحلم.. قرنق
Author: Albino Akoon Ibrahim Akoon
Date: 07-07-2006, 02:23 AM
Parent: #1
قرنق
يا رؤية طفولتي
و يا حلم صباي
ويا كابوس شبابي
عشقت منذ الصغر
كما احبك والدي
وزرع فيني حبك
عندما كان الاستماع الي كلمات النضال التي تبثها لك اذاعة الـ SPLA SPLM جريمة
كنت اتلذذ بالتسلل الي الغرفة والاستماع اليك بصوت الراديو الذي يشبه الهمس
كنت لي عالما اخر منع علي فاحببته
ورسمت بكلماتك رؤية جديدة لمستقبل حياتي
وصرت لا اري الدنيا الا بعينيك
ورؤيتك
وافكارك
وصدي صوتك في اذني
قلت فصدقت
وعدت فعملت
بدات في تنفيذ الوعد فخاننا القدر
كما يخان الارض من المطر
غبت وتركتنا في غياهب الظلام
بعد ومضا وبرق
كنت كشمسا مشع واختفيت من السماء في عز الظهر
فسادت الظلام
واصوات الكلام بلا فهم
وانغرس السهم
في صدر الوطن العذراء
وبكي العرسان
ماتت بنت السودان
وهتقت عذرية الوحدة
***
نواصل
وعشقتك
كما لم اعشق من قبل
احببتك حبا خرافيا لا يوجد الا في باطن الكتب
|
Post: #15
Title: Re: كت احادثه فى الحلم.. قرنق
Author: sharnobi
Date: 07-07-2006, 05:18 AM
Parent: #13
| Quote: احببتك حبا خرافيا لا يوجد الا في باطن الكتب |
وهو كذلك يا البينو
|
Post: #16
Title: Re: كت احادثه فى الحلم.. قرنق
Author: sharnobi
Date: 07-07-2006, 05:20 AM
Parent: #15
العزيز فيصل
فعلا
عجبا
|
Post: #17
Title: Re: كت احادثه فى الحلم.. قرنق
Author: sharnobi
Date: 07-09-2006, 01:50 AM
Parent: #1
الحلم الفسيح
سوباط
بحر الغزال
الرجاف
الدندر
الرهد
العطبراوى
الازرق
الابيض
روافد الحياة
كل ذرات المطر
خور ابا حبل
واللقيا الجميلة
فى ربوع الوطن
انك ايها الاسود
الابونوسى اللون
يا فارع
يا فالح
يا المشوق القامة
الضاحك
وضاح الطلعة
يا فاهم
يا الشايل الحل
شليل وينو
احى منك
يا مستفز
|
Post: #18
Title: Re: كت احادثه فى الحلم.. قرنق
Author: sharnobi
Date: 07-09-2006, 08:00 PM
Parent: #1
استاذى
مع تقديرى واحترامى
لك الصمت
بعض من حضور
لك المجد
انه الحلم الفسيح
|
Post: #19
Title: Re: كت احادثه فى الحلم.. قرنق
Author: sari_alail
Date: 07-10-2006, 04:54 AM
Parent: #1
الدكتور صلاح شرف الدين .....
سلامات و وين ما ظاهر ...
لك كل التحايا و أنت تكتب عن الراحل د.جون قرنق .....
كنت أتمنى أتمنى ان تطول المشاركة و لكن ......................
|
|