بقال يرجو بيان.. وبيان ترجو بقال( توجد صورة)

اخيرا تم اللقاء وصرعت الدهشة بقال
ولم يصدق ان بيان هي بيان...
ومن اعماق قلبه حتى تهدج صوته
طلب بقال من بيان ان تودع الكيزان
وتفارقهم فراق الطريفي لجملو..

وعندما سالت بيان بقال متى كانت هي كوزة
ذكر لها ان كل كتاباتها والدفاع عن سياسات الكيزان
تجعل الامر جليا بانها كوزة وبنت ستين كوزة كمان..

وهنا تحدت بيان بقال وقالت له ان يجلب لها بوستا واحدا
منذ دخولهاعالم البوردات سنة 1999
تدافع فيه عن الكيزان و سياساتهم..
هذه الفرية التي روج لها قوم ذوي مرض وغرض
وصدقوها جعلت بيان تدخل مع بقال في تحدي ان يجد بوست واحد
فيه دفاع عن سياسات الكيزان...
طبعا من قبل ذكر من ذكر للاخ ابو عسل اني كوزة
وضد قضية دارفور.
ثم قبل ذلك زعم زاعم انني سخرت من المحالين للصالح العام
لكن بيان بقت حريفة وتعقد السعفة وهي
لينة. وصلت الكضاب خشم بيت ابوه
ولم يستطع اثبات ان بيان سخرت من المفصولين للصالح العام..
كذبات وفريات توزع ويتم تناقلها حتى تتحول الى حقيقة
مثل الفرية الكبرى وهي ان بيان هاكر..
اها دا بوست التحدي
للأدعياء اي زول يجيب ليه بوست فيه دفاع عن الانقاذ وسياستها
له جائزة كبري,,,
وتسهيلا لهذه المهمة. راجع اراشيف بيان ادناه..

والجدير بالذكر ان بيان بعد ان تأكدت ان بقال اقصر منها قررت تهديده
بالضرب اذا لم يجلب البوستات المزعومة

<a href="http://www.sudaneseonline.com/cgi-bin/sdb/2bb.cgi?seq=search&str=&usr=bayan&board=1" target="_blank">http://www.sudaneseonline.com/cgi-bin/sdb/2bb.cgi?seq=s...r=&usr=bayan&board=1



<a href="http://www.sudaneseonline.com/cgi-bin/sdb/2bb.cgi?seq=search&str=&usr=bayan&board=2" target="_blank">http://www.sudaneseonline.com/cgi-bin/sdb/2bb.cgi?seq=s...r=&usr=bayan&board=2

يتبع

د. بــيان سلامات
وألـف مرحــــب بيـــك بيننـا

Quote: والجدير بالذكر ان بيان بعد ان تأكدت ان بقال اقصر منها قررت تهديده بالضرب اذا لم يجلب البوستات المزعومة

بس كمان ما تسوقي فيها وتبقي (حقأرا) !!!!!

هسه عليك الله بقال دا قدرك؟؟:D :D :


إسماعيل حميم

أول رد بعد الصلح:

Quote: والجدير بالذكر ان بيان بعد ان تأكدت ان بقال اقصر منها قررت تهديده بالضرب اذا لم يجلب البوستات المزعومة

Quote: اي زول يجيب ليه بوست فيه دفاع عن الانقاذ وسياستها له جائزة كبري,,,

"أيوة انا كوزة.. وأكررهـا كمان.. والما عاجبو يشـرب من توتى واللا يمشى بورسـودان"

الأخت بيان،
رسـلى لى الجائـزة بالأول بعـدين أوريك الدليل.

Quote: هسه عليك الله بقال دا قدرك؟؟

حميم يا حميم

احذر عشان ما نلمك مع بقال..
انا نويت ابقى حقاااااااااااااااااااااااارة..

Quote: احذر عشان ما نلمك مع بقال..

لي مالك ؟؟؟

إنتِ أمبارح شفتيني لابس لي

كرفتة

ولا

ملفحة وشال

.
اللقاءات الاجتماعية قادرة على تغير كثير من المفاهيم الخاطئة

عن بعضنا البعض ....

بالامس ذابت كل حوائط الصد وبحثنا عن ذرة خلاف ولم نجدها.....

وغنينا جميعا للوطن وللحب و الخير و الجمال

التحية لك بيان ولبقال وللجميع .... ودعونا نختلف هنا فقط من اجل فكرة .



.

وافادت مصادرنا الخاصه ان لقب الخاله بيان تم خلعه يوم امس عنها ايضا فاصبحت فقط دكتوره بيان و هكذا تربعت خالتكم دومه علي عرش الخالات والامهات بلا منازع

الدكتورة بيان (نجاة)
لكى التحية والتقدير

اولا اقول لكى لى الشرف بالتعرف عليكى ومقابلتكى ...
دكتورتنا الجليلة الكيزان والمعارضة كلهم بشر ...
احتلاف الراى لا شئ ...

ولكننى مازالت محتار بين بيان الكاتبة والشخصية ...

تسلمى ونتمنى لكى اقامة طيبة فى بلد المتاحف
ولنا ايضا معكم ...

كيفك يا دكتور ة ...

ما شفنا الصورة !!!

عايزين واحدة مع بقال زي دي :



شنكل :

بعد داك امكن نصدق كلامك

بيان كوزه والدليل على ذلك دفاعها المستميت عن الكيزان فى ماليزيا خلال ونستها معاى والجائزه حقتى انا

الأخت د . بيان

أمس بحثت عن ظلاميتك -( يا ربى أقول المزعومة)- فى شخص د. نجاة

وهى تمارس عناق الروح للروح فى مشهد جميل ..

وما لقيت لها أثر تب..!

كم هو جميل أن نجعل الخلافََ رديف الحُبِّ

على صهوة النقاش الهــادف ..

_____________

جمال اخوى

انت كنت مندسى ؟

يعمينى ما شفتك !!

Quote: الأخت د . بيان أمس بحثت عن ظلاميتك -( يا ربى أقول المزعومة)- فى شخص د. نجاة

يأخوي انت ما بحثت كويس ولا شنو ؟؟ يأخي الزول دي ظلامية حتي في لبستها
الطرحة سوداء واللبسة الكاملة سوداء والجزمة سوداء والشنطة والساعة

Quote: يأخوي انت ما بحثت كويس ولا شنو ؟؟ يأخي الزول دي ظلامية حتي في لبستها الطرحة سوداء واللبسة الكاملة سوداء والجزمة سوداء والشنطة والساعة

الاخ بقال ،، دي ما صفات الزول الظلامي ، ده شغل زول قيااءفة،،

*

Quote: جمال اخوى انت كنت مندسى ؟ يعمينى ما شفتك !!

الشادلي ......

(داكي الليلة )

انت الكنت وين ؟؟؟

ياسلاااااام ياريت الواحد كان يلاقيك ....

لكن الجايات اكثر من الرايحات ...



.

Quote: والجدير بالذكر ان بيان بعد ان تأكدت ان بقال اقصر منها قررت تهديده بالضرب اذا لم يجلب البوستات المزعومة

دي واحدة من اساليب الكيزان وتأكيد مائة بالمائة بأن الدكتورة بيان
كوزة ,,, دكتورة بيان اخبار اموال الكيزان في ماليزيا شنو ؟؟؟
انشاء الله تكوني حارسها كويس ؟؟ لكن بالمناسبة رغم انك كنتي في
ماليزيا وحارسا قروش الكيزان هناك الا انه ماظاهرة فيك
___________________________________________

سعيد جداً باللقاء بك والتعرف عليك عن قرب وما يكتب هنا في البورد من
خلافات سياسية شي والاجتماعيات شيئاً اخر واختلاف الراي لا يفسد للود قضية

Quote: والجدير بالذكر ان بيان بعد ان تأكدت ان بقال اقصر منها قررت تهديده بالضرب اذا لم يجلب البوستات المزعومة

عشمي الضرب بدون سيخ

الظلامية بيان.

أها مشيتي السودان ورجعتي بخفي حنين ولا شنوا؟
لا منصب ولا حتى تكريم كيزاني؟
معليش يمكن تتوفقي رحلة الصيف الجاية.

دينق.

كــــوزة و سـتـيـن كـــــوزة


و أنا ما قـصـيــر

الحنينه السكره بيان
الكلام دا ما عندو علاقه بالبوست مع احترامى ليك ولى بقال دا كلام بتاع كسير تلج لى بيان بس
اولا بالتبادى يا خاله دوما انا بقول ليها بيان حافه كدا ماخاله ممكن نقول كمان ياشابه عااااااااادى وأسعلى حاتم الياس

فرح من متوسطى العمر المعجبين بى بيان
نسال حاتم من التلفون اقول ما قادر اجيبو من الجهاز
دمتى

الأخ بقال دا قايل نفسـو فى نيفاشـا واللا شنـو؟

بعدين إذا لبس الهدوم السـوداء معناها كوزنـة هسـى الواحـد يقول ليك شنـو؟

و قد يجنع اللة الشتيتين....................الخ

لسان حالها يقول له
(بالله رحلة اوربا ماجابت حقها معاك .
بس انا ملاحظة (خطك) واخطائك الاملائية شبة انتهت .
انت سيب مباراة الجدادانت ولد صغير والمستقبل امامك
غايتو انت موضوع ماليزيا نتيجته علمية ختى دى اول حاجة فى بالك وانا بشوف ليك الموضوع دا
)

http://www.sudaneseonline.com/upload/modified/04374.jpg
لسان حاله يقول (
بالله دا انتى بيان ذاتها الدكتورة نجاة .
كدى بورد بكرى خلية واقول ليك , والله اختلاف الراى لايفسد للود قضية, وانا فى راسى ماليزيا اها دى كيف ؟؟

بيان أزيك..




ليك وحشة..

حاولت ارسل ليك مسنجر ما مشى..

ارجو الكتابة بالايميل فى موضوع خاص بشئون البيت السودانى قبل مغادرتك الخرطوم..

مع خالص الشكر..