Post: #1
Title: وكم من غانا الصغيرة هزمت امريكا الكبيـــــــــــــرة!!
Author: هشام هباني
Date: 06-22-2006, 11:34 AM
مبروك للفريق الغاني بالنصر الكبير والصعود لدور الستاشر!!
|
Post: #2
Title: Re: وكم من غانا الصغيرة هزمت امريكا الكبيـــــــــــــرة!!
Author: saif massad ali
Date: 06-22-2006, 11:38 AM
Parent: #1
ود هباني
الكيزان شجعو غانا
الزول رفع العلم التاني داك
ناسك رقدو رز
|
Post: #3
Title: Re: وكم من غانا الصغيرة هزمت امريكا الكبيـــــــــــــرة!!
Author: على محمد على بشير
Date: 06-22-2006, 11:40 AM
Parent: #1
شكرا ود هبانى
تتصور انا لى اكتر من ساعه بفتش على خبر المباراه دى
وتانى شكرا ... ومبرووووك كبير لى غانا على التأهل
وكمان على حساب ماما امريكا .
|
Post: #4
Title: Re: وكم من غانا الصغيرة هزمت امريكا الكبيـــــــــــــرة!!
Author: هشام هباني
Date: 06-22-2006, 11:47 AM
Parent: #3
الاخوة سيف وعلي
سلامات
بما انني الي الان ( امريكاني بقلم الرصاص) لكني روحي رياضية والعرق دساس!!
وعقبال لكورة السجم والرماد في السودان!!
ظااااطو
|
Post: #5
Title: Re: وكم من غانا الصغيرة هزمت امريكا الكبيـــــــــــــرة!!
Author: عصام أحمد
Date: 06-22-2006, 11:49 AM
Parent: #4
كورة السجم والرماد طالما فيها ناس شداد ..الله تعلم
|
Post: #6
Title: Re: وكم من غانا الصغيرة هزمت امريكا الكبيـــــــــــــرة!!
Author: هشام هباني
Date: 06-22-2006, 11:51 AM
Parent: #4
عارف يا سيف اخوي
الكيزان بشجعوا الفريق الغاني عشان العلم داك ظااااطو ما كلهم في الهوى صهاينة!!
ظاااااطو
|
Post: #8
Title: Re: وكم من غانا الصغيرة هزمت امريكا الكبيـــــــــــــرة!!
Author: على محمد على بشير
Date: 06-22-2006, 12:10 PM
Parent: #6
Quote: الكيزان شجعو غانا
الزول رفع العلم التاني داك
ناسك رقدو رز |
ود عوج الدرب
الموضوع رياضى .. مالك داير تقلبه سياسه
الله يقلب اضنيك .. قول امييين 
|
Post: #7
Title: Re: وكم من غانا الصغيرة هزمت امريكا الكبيـــــــــــــرة!!
Author: domdom
Date: 06-22-2006, 12:06 PM
Parent: #1
ها القاعديين في امريكا اخجلو
الزول اكان قاعد ليهو ضيف مع زول واجب الضيافة بحتم عليهو يكون معاهو بي قلبو
امريكا دي بارك الله فيها لمتكم و كت اهلكم ابوكم
اها غانا دي سوت ليكم شنو
تقدر تلمكم
شوفو مصالحكم يا اهل الله
و ما تنخموا ساكت زي ما انخمينا عمرنا كلو مع الفلسطينيين
و الله انا اكان ما خايف من حساب الله ابقا للطيش مع اليهود
من البيسوهو فينا الفلسطنين في الخليج
و لو بي مرادي يقبضوا الفلسطنيين المعانا ديل يسلموهو لليهود المتطرفين ان شاء يقطعوهم حتة حتة
ما عندهم شغلة غير تقطيع ارزاق الناس بالدهنسة و الكلام الفاضي
و الله انا ما زعلان من حاجة قدر زعلي علي المعونة الامريكية الرفضو الجماعة يشلوها زمن عبود
اسع ماما امريكا كان خلتنا زي كوريا و لا سنغافورة
بدل جهجهة اولادنا في كل بلاد العالم
اها عليك الله شجع امريكا غالبة و مغلوبة
اصلو عامل لسانك الطويل ده يطردوك من امريكا و يجبوك السودان و الله ناس الجبهة الا يقطو لحمك شرموط
ها جنا ما احسن امريكا دي ابق عليها عشرة
|
Post: #9
Title: Re: وكم من غانا الصغيرة هزمت امريكا الكبيـــــــــــــرة!!
Author: Adil Osman
Date: 06-22-2006, 01:20 PM
Parent: #1
غانيين وافارقة فرحانين
امريكية حزينة
اى دمعة حزن لا..
وجوه يومئذ مستبشرة..
اتنين على واحد.. عالم جبانات بشكل!
|
Post: #10
Title: Re: وكم من غانا الصغيرة هزمت امريكا الكبيـــــــــــــرة!!
Author: Lim Donato Lim
Date: 06-22-2006, 02:14 PM
Parent: #1
مبروك الفوز لكل افريقيا
واليك الاخ/هشام هبانى
والتحية الى الشعب السودانى
الذى نال كاس العالم فى المشاهدة عشرات المرات
والتحية الى المنتخب الوطنى للاحتيال والنصب التى ترعاها
شركة سودانى
الراعى الرسمى لعمليات النصب والاحتيال والابتزاز الذى يمارسه وكلاء ومناديب الشركة
للمواطن السودانى البرئ وذلك للارتفاع الخيالى والجشع بصورة واضحة فى اسعار منتجات الشركة من الجهازين (الاصدار الاول-والثانى لسودانى )
والتحية لتقني الاتصالات فى جمهورية مصر والجماهيرية العظمى بكسرهم لاحتكار الشيخ /صالح وبقية غلامانه فضاءات الوطن العربى من الخليج الى المحيط (بالبث الحصرى)
اين معلميين الديجتالات والاطباق الفضائية الذين يملاؤن اركان الخرطوم والسودان بخزعبلاتهم
اليس هنالك معلم حريف يكسر شفرة او مجال لاى قناة اوربية حتى يمتع المشاهدين السودانيين الطييبين بالمشاهدة المجانية وتوفير حق الفول للاولاد(2000 جنيه) بدل دفعهم فى نوادى المشاهدة
التحية والاحترام
لك
الى الامام
هشام هبانى
|
Post: #11
Title: Re: وكم من غانا الصغيرة هزمت امريكا الكبيـــــــــــــرة!!
Author: MAHJOOP ALI
Date: 06-22-2006, 08:18 PM
Parent: #10
اخونا ودهبانى
سلام
انسعلك سعال خارج المرمى
عندك خبر اخونا خالد المانيا ؟
ولك الود
|
Post: #12
Title: Re: وكم من غانا الصغيرة هزمت امريكا الكبيـــــــــــــرة!!
Author: ابوعسل السيد احمد
Date: 06-22-2006, 09:32 PM
Parent: #11
شفت كيف يا ودهباني
غانا أم نجمة واحدة و سوداء
غلبت أمريكا أم خمسين نجمة و كلها بيض.
العجبني أكتر إنو النجم الاسود "رزاق
بيمبونغ"
( من اسم منتخب غانا المعروف بالنجوم
السوداء) صاحب القميص رقم أربعتاشر
تحامل على إصابتو لما عرف إنو فريقو
استنفد التغييرات المسموح بها.
عقبال يقشو لينا البرازيل في طريقهم
لدور الثمانية.
|
Post: #13
Title: Re: وكم من غانا الصغيرة هزمت امريكا الكبيـــــــــــــرة!!
Author: ABDELMAGID ABDELMAGID
Date: 06-22-2006, 10:24 PM
Parent: #12
الكوره غالب و مغلوب و الفريق الغانى كان الأفضل و الأحسن و الجدير بالتأهل فلذا استحق الفوز بالرغم من ضربة الجزاء الظالمه ضد فريقنا الأمريكى ...
ود هبانى اخوى ...
ات سودانا ده مالو   ؟؟؟ و لا حتى حكم كوره ساى ما اكون منو ؟؟؟ عشان نقول و بقلب قوى داك زولا سودانى بمثلنا فى المونديال ....
لكن الجواب اكفبك عنوانو و الطريقه ( البلديه !!! ) الكان بتكلم بيا رئيس الإتحاد العام دكتور شداد فى ندوه تلفزيونيه الجمعه الفاتت !!! أكثر ما أضحكنى فى حديث شداد ، احتجاجو على عقد اجتماع جمعية الفيفا العموميه ( تحت الشمش !!! ) ، بقلبى قلت ليو يعنى انتو جيتو ماخدين ( كوتتكم !!! ) من شمش الخرطوم و ( مصائب قوم عند قوم فوائد !!! ) و هاك ال SUNNY DAY ده !!!!
كسره :
انا بعد ده زاطاااطى بديت اقتنع انو حق نستعين ( بالجن المسلم !! ) للتأهل لنهائيات كأس العالم و اقترح أن يكون ( اسحاق أحمد فضل الله !!! ) رئيسا لاتحاد الكرة و همزة الوصل بين ا( الإنس و الجنس !!! ) على طريقة برنامج ( ساحات الفدا !!!! )
عبدالماجد
|
Post: #14
Title: Re: وكم من غانا الصغيرة هزمت امريكا الكبيـــــــــــــرة!!
Author: هشام هباني
Date: 06-22-2006, 11:59 PM
Parent: #13
اخوانا المتداخلين
علي, عصام, دمدوم,عادل, محجوب ,ابوعسل,ليم, وعبد الماجد
سلامات
دحين حتى الكورة العفينة البشلتوها بالكرعين دي نحن ما قادرين عليها بس ناس الحيكومةفالحين في شليت الناس.!!!حتي توجو القدر كردفان دي دخلت كاس العالم..واقولوا ليك الجماعة المشروع الحضاري...ومقصورة الهلال الطايرة..ياخي دي بلد ما قادرة تزرع نجيلة في ملعب... تقولوا لي كاس عالم!!
زي ما قال عبد الماجد اخوي والله الا ادخلوا ليكم الجان المسلم حتين تدخلوا كاس العالم الجاي..زي ما قال الدكتور المهووس عمر فضل الله شقيق المهووس اسحاق فضل الله بتاع ساحات الفداء تخيلوا دكتور في الكمبيوتر اقترح في ورقة علمية استخدام الجان المسلم لبناء سد الحماداب!! ووافق السيد الريس التمبل علي الورقة!!
ظاااطو
|
Post: #15
Title: Re: وكم من غانا الصغيرة هزمت امريكا الكبيـــــــــــــرة!!
Author: بكري الصايغ
Date: 06-23-2006, 04:51 AM
Parent: #1
اخـي الحـبيـب،
هــباني
......البـوسـت بتاعـك عـن كـورة غـانا، صـحـي فـينـي ذكـريات سـنوات السـتيـنيـات، لـما السـودان،كـان هـو وغـانا واثـيوبيـا،اقـوي دول القـارة الافـريقيـة فـي مجال كـرة القــدم، ولـن انسـي ماحييـت،تلك الـمظاهـرة العـارمة ،التي خـرجـت من دار الـريـاضـة بالخـرطـوم،بعـد هـزيمـة الفـريق الغـاني من فـريق المـريخ ( كاتب هذة المـقالة هـلالابي!!)،وهي تهتـف....." بــرانـا..بـرانـا بنغـلب غــانا".
.... والـمظـاهـرة الـمريخـابيـة،كــانت إغــاظة للهـلالاب وفـريقهـم،الذي انهـزم امـام الفـريق الغـاني الـزائـر،تلاتـة لواحــد،
.....ولـكن فـريـق الهـلال،اســتطاع ان يغـلب فـريـق سـانتوس البـرازيــلي بقـيـادة (جـكســـا)،وبعـد الـمبآراة.....سـميـناة ( دي جـكـسـا)!!!!.
اخـي هــبانـي،
شـوف باللـــة كنـا كـيف،ووصــلنا لـويــن!!!!!، اخـر الاخـبار من الخـرطوم،انة وبســبب انقطاعـات الكـهرباء الـمتواصـلة،اتحـرمت الجـماهــيـر من متابعـة الـمنافـسـات الدولـية!!!!!!!:
|
Post: #16
Title: Re: وكم من غانا الصغيرة هزمت امريكا الكبيـــــــــــــرة!!
Author: على محمد على بشير
Date: 06-23-2006, 09:20 AM
Parent: #15
Quote: .....ولـكن فـريـق الهـلال،اســتطاع ان يغـلب فـريـق سـانتوس البـرازيــلي بقـيـادة (جـكســـا)،وبعـد الـمبآراة.....سـميـناة ( دي جـكـسـا)!!!!.
|
على ما اذكر ... سانتوس هو الذى هزم الهلال 1/صفر
|
Post: #17
Title: Re: وكم من غانا الصغيرة هزمت امريكا الكبيـــــــــــــرة!!
Author: ABDELMAGID ABDELMAGID
Date: 06-23-2006, 09:39 AM
Parent: #16
على ما اذكر ... سانتوس هو الذى هزم الهلال 1/صفر
THAT'S TRUE
THANK U ALI BASHEIR
|
Post: #18
Title: Re: وكم من غانا الصغيرة هزمت امريكا الكبيـــــــــــــرة!!
Author: khaleel
Date: 06-24-2006, 05:11 AM
Parent: #17
امريكا
هزيمتها دائما بتفرح
هزمت في فيتنام
والصومال
والفلوجة
والانبار
ومحافظة هبهب
ومن غانا
ولاول مرة تفشل في استعمال حق الفيتو
|
|