يا نسـاء المنبر..خباركـن ما بتباركـن لينا عيد الأب؟ التهانيء لكل الآباء و تحديدآ حديثي العهد..

.

يا نسـاء المنبر..خباركـن ما بتباركـن لينا عيد الأب؟ التهانيء لكل الآباء و تحديدآ حديثي العهد..

.

.

و نحــن

نشـيل و نتكسّــر

عيد الأم بالأمريكي

عيد الأم بالأوروبي

عيد المرأة العاملة

فالنتاين

اينشتاين

عيد الرقص الحبشي

يوم المرأة العاملة

و عندنا يوم وااااحد..زي قال ثم من

و برضـو و لا بوســت واحد؟؟

أمانة ما اتلومتن

تعالوا نفتح ليهن في أعيادهن كلها..و نبقى أنصال ســنّـة ذاتو

.

Quote: ..زي قال ثم من

اهي دي يا الطيب مربط الفرس

عشان انتو بتحبو تقلعوا حقوقكم قلع,, يعني الصحابي بتاع قال ثم من دة لو ما كان زول قوي

العزيمة,, واكتفى بالاجابة الاولى وما حكاها كدة,, كان دقستو,, يعني اليوم الواااحد دة ما

كان لميتو فيو.

أخوى الطيب
سـلامات
رغم إنى مامتزوج وبالطبع ماعندى أطفال حسب قوانيناإلا أن التهانى والهدايا من بنات العم ســام بالكوم بس المجننى يسألونى متزوج أقول ليهم لا .. يسألونى تانى عندك أطفال........
المهم عيد سعيدياأبو بشير

يا كمندان

جيش النساء يزحف بشدة - ادوها صنة كدة

ح يجى يوم تتسيد فيه المرأة مجتمعها

سيختفى الرجل تماما- يوؤد خشية املاق وعار

وحينما تريد المراة الزواج والتكاثر، سوف تذهب لاقرب sperm bank

وستظهر بعض المنظمات الرجالية - كمنظمة اضطهاد الرجل الدولية

هههه ذى افلام الخيال العلمى

اخي الحبيب الطيب

بعـد ما قريت البوسـت دا طوالي قمت مشيت سـألت (ام العيال)

انتي عيـد الأب متين؟ طبعا جس نبض

فجـاءني ردهـا: (المهـم انت تكـون جـاهز عشـان تديني القروش

عشـان اشـتري بيهـا للعيال بعض الهـدايا عشـان يهـدوهـا ليك)

ثم اردفت قائلـة ( هـدايا تليق بعظـمـة المناسـبة)

ازعـجني ردهـا الاخـير وقلت ليهـا : يا مـرا دا كلام بقـولوه في نص الشهـر؟؟؟

.

سـلامات يا الخير
أحسـن إنتا
أنا و الله أم بشير شالت قروش الهدايا مرّتين..و الحاجات الجابا لي بشير من (الفاميلي دولار)..سألتها بالراحة يا وليّـة انتو زي خمّـيتوني في الحسـاب ..قالت لي أسكــت ما تحبط الولد و هو بيحتفل بيك..شفت الفيلم الهندي دة..

0

.
حبيبنا ياسـر طيفور
جبت البدع و البدوع و مسـوح الفتاة بالمجموع
قلت لي أنحـن نعمل جمعية حماية الرجل؟؟
و الله عاد حكي
و لمن يخطبونا نضحك و نقول (البتشوفوهو يا ابوي)
لوووول..
و الله دي عوجة..
عيد الأب دة بالطريقة دي ما بخارج معانا
أما بنك الهناي دة فأحســن يكون خيال علمي..خوّفتنا
شرفت البوســت يا جميل
.

.

ودكـســلا

سلامات

تعرف أنا كان تعارفي المفضّـل أيام الجامعة جملة مثيرة للجدل هي:

الحالة الإجتماعية: غير متزوّج ..و ..أب

طبعآ كان بنات الرحلة دايمآ بيرددن (أجـي)؟؟

و أنا أكمل الجملة:

أحس بأبوّة تجاه كل الأطفال المشرّدين و الأيتام و المحرومين و.....

زي مقلب (لزيز)

.

.

و الله لكن يا رشـا لقيتكم قلاّعـين و عينكم قويّـة

يا جماعــة نحن كمّـلنا التهانيء

و فرشـنا السكّـة ورود..لكل أمنياتكم و أعبادكم

عيــلا أصبرن

.

هي والله صاح ..

كل سنة وكل الآباء بخير
ودي عشان ما تزعلوا ..





شكراً يا الطيب بشير على التذكير و(ولّيع النيران)

ممكن ادخل هنا واقول لى خدر لى اول مرة



كل سنة وانت اب لذييذ

.
أكـيد ممكن

كل سنة و خدر .. و جميع الآباء بخير
.

.

مرحبتين الأخـت العزيزة تيسير عـووضـة
سـنة حلوة

Quote: شكراً يا الطيب بشير على التذكير و(ولّيع النيران)

العفـو..
و لا شكرآ على واجب
دي حاجة بسيطة

.

كل عيد أب وكل الأباء بألف خير ..

.

و أنت بمليون خـير

عيد سـعيد

.

كل سنة وانتو كلكم طيبين

يا ابهات يا جميلين

.

كتّـر خيرك يا أم لقاء

و تحية لخدر

و لقاء

.

هي الرجال عندهم عيد كمان؟؟ انتوا ما ايامكم كلها اعياد . اها كل سنه وانتو طيبين ومقرشين .

.

حتى اليوم الوااااحد دة يا دومة مستكترينو علينا؟
الأيام ياتن يا دومة؟...أنحن مظلومين ظلم الحسـن و الحسين..الله يعلم من ما جيت البلد دي عرفتا حاجة..عيلا مقطعنو في حشانا ساي..يا حليل أيامنا يا دومة..
على كل حال شكرآ لمباركتك الباهتة الكلها مشاكل و احتجاجات

.

اكان مظلومين ما بعرفوا ؟؟؟ انتو الله زاتوبريدكم
اولا نحن الحمل تسعه شهور وتعال شوف الوحم والولاده وسهر الليل مع الاطفال. وقومه الصباح نجهز الاطفال للروضه والمدارس وبعد داك جري السوق والعواسه والملحات والمحمر والمقمروعلي بال ما عشيانكم ولزمتوا عناقريبكم نحن نبحت في المطبخ ونلملم في اثار جرائمكم الواحده فينا تقع ناشفه . يا زول في البكيات انتوا تشيلو الفاتحه بس ونحن نبكي بالدمعه الرويه .

كل عام

و الطيب بشير

و معز هاشم

و بابا خدر

و بابا عبد العزيز

و كل الآباء

بكل خير

خالص الود

غادة

.
بنت القائد
أهــلآ
انتي عاوزة ليك بروجي..و ســلام سـلاح
شكرآ لمرورك و تحية للوالد العظيم و كل الآباء المقاتلين/المناضلين لأجلنا
و ســنة حلوة

.

.
يا دومة
سلامات
يعني ملاح الجن دة ما جايي بالشقا و التعب..نحن مااااا بنخدم في الهجير لا ضـل و لا شمسية
بعدين ربنا أداكم حقوقكم..الجنة تحت الأقدام ..و قال ثم من..و الكلام دة..ثم انتي قادّة دين بلاش فتاوى معاك ..هسع سوما عملت العشا الما خمج من غير نقّـة..انتي ما تفتحي لينا أبواب زي دي بالله من فضلك يا دومة..
سنة حلوة يا رجال العالم
.

كل عام و كل الآباء بخير و عافية
كل عام و أنت و بشير صحبى الإتغابى فينى العرفة و سوما و موحى بألف خير
و كل عام و الآباء الجدد جميعاً بألف خير.... أظن آخرهم بالمنبر و الله أعلم(خالد كودى) هو و أسرته و الأمورة
و إن شاء الله حنشوفكم قريب يا الطيب فى حفلتنا الجاية مش؟

Quote: ثم انتي قادّة دين

ثم نعني في داعي للفضائح دي
وكت جابت ليها فضائح ودق صفائح علي قول دكتوره بيان وقلت اني قاده دين اها ها ك الفتوي دي عيد الرجل بدعه وكل بدعه ضلاله وكل ضلاله في النار اها خم وصر يا الطيب

.

العزيزة دومة
و كمان مفتي؟؟؟
و الله الإســلام في خطـر
هسـع تجيبي لينا المكشن بلا بصــل
عيلا كلامك عن احتفالي دة ضلالة نسأل منو الترابي ..النسخة المعدّلة

.

.

مرحبتين عبدالرحمن عزاز..شاهد ما شافش حاجة..انت يا دوووووبك خاتب و عاوز تحتفل بعيد الأب
و الله ألف كتّر خيرك
و عيد ســعيد للجميع..لكن شكلك زي الإعرابي الذي كان يصيح بأعلى صوته:
يا ناس الحلة هوووووووي اكلوا الباسـطة
أقعوا الباسـطة آآآآناس هووووي
فابتدره واحد شليق:
دحين اتّـا ضقتها وين؟
قال ببراءة:
أبدآ أبدآ أنا ما ضقتها..عيلا ضاقا زولآ لينا..
دحين يا عبدالرحمن ..حدّثنا عن والدكم المناضـل و المربي العظيم..أي نعم..
و عن انك عم عظيم لأولاد أخوك (الأكـبر) منّـك...لووووول..أي نعم..
و بـث..
شكرآ ليك

.

تهانينا لابوبشير ولكل الآباء ، والتهنئة عبرك للوالد بشير الطيب خلف الله " لقيتنى كيف ؟ - كافتيريا حافظ ههههه ".

الطيب البشير

لك التحية
كل سنة وكل الاباء بخير وانت بخير


بت الفضل

الكمندان الطيب

امانه ما اتلومت انتا جنس لوم
بالله عليك فى عيد اسمه عيد الاب ويادوبك جاى تقول عليه
لييه من زمان ما قلت لينا
لانه اخوك امانه مانزر قبل كدا فى اعياد .. عيد الام وعيد الحب
وراس السنه وماعارف شنو كدا .. يعنى طوالى زارنى .. ماقلت مبروك وماجبت هديه

اها الليله دا يومى تب .. لانه لافى زول قال لى مبروك ولا فى زول جاب لى هديه
يعنى الليله دى مشكله دوليه .. قوات الامن الافريقيه ما ح تحلها
بس انتا سريييييع كدا ورينى عيد الاب دا يقع يوم كم بالظبط وخلى الباقى على اخوك

هيع .. هيع .. امانه يا ام زينب الليله ماجاتك مصيبه ‍!

الرجال
العيد مبارك عليكم
وان كان يا قول دومة
ايامكم كلها أعياد
ما حسادة
بس عايزين نعيد على طول
والموضوع دا خلي سر ياابو البشير
عشان ما تبقى المسالة عامة ..
برانا مفلسين

.

العزيزة عشّـة بت فاطنة
طول زمني مكسّـرني الشاي بتاعك دة و نفسي فيهو
الليلة وكـت طبقت مع دومة ع شان الجندر
أقيفي اللورّيـك الشّـناف البصّـح
أوّل حاجة الكبابي ديل فاتحات ليه؟ المفروض يكونن مكفيّـات و مغبونات بالبخور..مسـتكة مافي؟..و هي مسقط عاصمة البخور العالمي تجيبي لينا الشاهي بلا مستكة؟!..هو بنات الزمن دة بيعرفن يعملن شاي؟..دة ما شغل تصاوير ساي..يمين (قالوا) شاهيك لبتون و مكرّر، بكسر الرّاء الأولى مع الحفاظ على تفخيمها رغم أنف التجويديين، بلا شاي بلا هناي..
عاش الرجال
عاش الرجال
و يسقط الشاي و دومة و عشة بت فاطنة و حماتي

.

.
أخوي الحبيب علي محمد على بشير
مسكين تجيب في الهدايا كل الزمن دة و هسع الغتاتة ضربت عليك؟
تراهو حالنا كلنا..أنا عيد الأب دة بيعملوا لي بشير
و بالضغط العاطفي يقنع الإستعمار بعمل الكيكة و تغليف الهدايا
لكن انت معانا في حزب الغلابة طــب

Quote: هيع .. هيع .. امانه يا ام زينب الليله ماجاتك مصيبه ‍!

أظنها أم زينب عندها فكي كااااارب
لأنو العيد أمبارح
معليش التنبيه و المعايدة جوا متأخرين بعد ما ضربنا الكيك
و لا يمكن تجي تتسلبط في هديّـة تاني يوم
دحين انتا ركّـز على السنة الجاية و ألبت من هسع
سـنة حلوة

.

مرحبتين هنادي بنت أهـل كلّ الفضـل

تشبهي الزمن السمح..و الناس الصاح..و القول الدوغري..و ريحـة الطين

حبابك و الدنيا عيد

ســنـة حلوة..و التحية لكل والد

.

.

الحبيب بكري المحامي

و الله عجبتني

و معاك نحيي الحاج بشير ..الذي صبر علينا كما صبر الشعب السوداني على الإنقاذ

أبلغته تحاياك قبال شوية

كيف البحرين و نزار

.

الطيب بشير


كل عام وكل الآباء بخير وربنا يديهم طولة العمر


اتلومنا والله معاكم لوم شديد (وش خجلان)









مودتي واحترامي

الطيب بشير..


صباح الخير..



الطيب أخوى من ساعة وفاة والدى الله يرحمه ويحسن اليه..

ما شايفة أى طعم للابوة..

لاننا أتنكبنا فى الرعيل الاول نكبة صعبة..

والوالد الله يرحمه ويحسن اليه قدر ما أتلفت يمين شمال..

ما قدرت اقارنه بى زول..

الناس ديل خلصونا من الاستعمار..

جينا أحنا أستعمرنا بعضنا البعض..

وزرعوا فينا قيم نادرة فى المجتمع السودانى..

جينا أحنا رميناها ومشينا..

عشان كدا يا الطيب أعذرنى..

ولكين عشان ما تزعلوا..

بقول ليكم كلكم..

كل عام وأنتم بخير معشر الاباء السودانيين..

وخليكم عشرة على العيال..

وأهم شئ أم العيال!

.

الأخـت العزيزة نـور تـاور

يرحم الله والدكم..و ما مات من خـلّــف يا نور

أحزنني موته كأنّـه توفي هذا الصباح، لأنك جعلت من ذكراه مناسبة وطنية لتذكيرننا بهيافاتنا

و قد سكننا بمساكن الذين ظلموا و قبلنا بأن نترك البلد للمستعمر الخليفة..كلامك حار و سمح..

و الإشارة الثانية هي العيال و تذكيرك لنا برعايتهم، بالحيل يا نور هم ضـي العين و نجتهد كثيرآ

ألا يروا ما رأينا من شقاء.

سـنة حلوة لكل أب

و شـكـرآ ليك يا نور

يرحم الله اباك

.

.

أهـلآ مرحب الأخت إنعام عبدالحفيظ
حبابك بالحيل
تهنئتك جات بعد ما دومة و عشة بت فاطنة تـوّروا علي النّفـس
عاوزين دولة (الرجّـالة) تزول، دي على وزن دولة الجلاّبـة
أها أنا أفحمتهم الموضوع قبل شوية و هم هسي فاهمين كويس

Quote: اتلومنا والله معاكم لوم شديد (وش خجلان)

أيوا كدة..نحن نحب ذلك الإنكسـار العاطفي جدآ و حسن التبعّـل و ردّ مسـح الرأس
أهـا ما ننسى نشكرك شكرآ شديدآ للوقوف مع الحق في وجه الهجمة الاستعمارية الشرسة
و لا نامت أعين الجبانات

.

أخوى الطيب

إنت بتجيب الكلام ده من وين
زرزرت المرة قالت يطرشنى ما سمعت بعيد الأب ده

وقالت لى من يوم لميت في الناس ديل
حالك إتقلب وبقيت بتاع بدع

طبعآ إحتجاج على قعدة الكمبيوتر يعنى حقك يتقلب عليك
يا زول مبروك عليك وعلينا وعلى الجميع

بس أديناالتاريح بالظبط

بس على الله ما تكون بدعة زى ما قالت دومة وإخترعتو إنت

مع تحياتى

.

حبيبنا رأفــت مـيـلاد

أولآ التاريخ أمبارح ..تمنطاشر يونيو..

بعدين أم العيال ما تبلفك..قول ليها عاوز الهديّـة ضروووووري و إلا تاني ما تسألوني من عيد الأم

الحبيبة دومة متآمرة كبيرة و لا تريد أن تعترف أننا نحن الرجال طالعين في الكفر بي حقنا، و هي

و من والاها، استغلوا الطيبة في قلبك و بي اسم العواطف خدعووووووك..لا عليك من قول أم العيال

هي ضد الإنترنت لأنو بيجيب المصايب..ســنة حلوة و مااااا تخلّـي الهدية..

.

الحبيب الطيب بشير كل سنة و انت بخير

و يخلي ليك والدك و ولدك

و كمان انتهز الفرصة عشان اهنئ ابوي النور ود الفكي

و عرفت مقدار حبه لي بعد و تعبوا معاي بعد ما بقيت
ابو ... و طبعا انا حديث عهد... خلي الامورة لين دي تكبر و تحتفل بينا كمان

كل سنة وكل أبااااء السودان بألف ألف خير

Eltaieb
Happy birth day to our DAD

.

حبيبنا صـلاح شـعيب

التهاني الحارة يا جميل

ســنة حلوة ليك و لكل والد

.

.

شـكرآ و مراحـب بالأخـت آمنة

التهانيء موصــولة لكل الآباء

.

.

الأنصـاري الطبيب الإنســان والي الدين الفنّـان

سـنة حلوة ..و العيد مبارك عليكم

العروســة عســل

و زي ما بيقول فارس موسـى أرقــدوا أنصار

سلامات

.

ياخي كل عيد أب

وانتم بالف خير وهناءة مع أولادكم

وفخورين بيهم ومبسوطين


قولووو كلكم آميييييييين


جمعاً يارب لكل الآباء
على رأسهم أبي العزيز

.

الله يخليك يا هوزي

العـيد مبارك علينا كلنا

و في البداية والدك الكريم

و ســنة حلوة للجميع

لك الشــكـر

.

يا كمندان
خلى القطعة دى جمبك عشان السنة الجاية مافى زولة تقول ليك ما عارفة فى حاجة اسمها عيد الاب ولا عيد الجد، والرجال زاتهم يعرفو انو عندهم عيد وبستحق خروف كمان ---ولو فى واحدة يا كمندان جاهزة ودايرة تعرس - انا جاهز التجى تتقدم لى عشان نحصل العيد الجاى.
Father's Day Word Origins
The celebration of Father's Day was inspired by the success of Mother's Day (which was observed nationally for the first time in 1914). Sonora Smart Dodd of Spokane, Washington, was listening to a Mother's Day sermon in church in 1909 and decided that fathers deserved a similar day of recognition. Her father, a Civil War veteran, raised Sonora and her five siblings after their mother died in childbirth. She circulated a petition suggesting the third Sunday in June (the month in which her father was born) and urging people to wear a rose on that day in honor of their fathers. The first Father's Day was celebrated on June 19, 1910. It was not until 1966, under President Lyndon B. Johnson, that it was proclaimed a national holiday and observance of this on the third Sunday in June was made a law in 1972.

The word father first appeared in Old English spelled as fæder (c. 825), having derived from assumed Germanic fadar. It has cognates (relatives) in many other languages: Dutch vader and German Vater, as well as forms in Old Norse, Swedish, Danish, Gothic, etc., Latin and Greek pater, Old Irish athir, and Sanskrit pitar; all of these words share an Indo-European root. The use of the word father as a verb did not occur until 1483. Common synonyms for father are dad and daddy (c. 1500), papa (c. 1681), pa (c. 1811), pop (c. 1838 ), poppa (c. 1897), and pops (c. 1928 ). (You only need to capitalize father or its synonyms when you are referring to your own father.)

Just as the carnation became a symbol of Mother's Day, the rose was suggested and became connected to Father's Day. Some observe the custom of wearing a red rose to indicate that one's father is living or a white rose to indicate that he is deceased. The flower and plant rose comes from a shrub of the genus Rosa. Red is the most frequent color, but roses are also white, yellow, pink, and various shades of peach and pink. The Old English form rose came from Latin rosa, which may have been an adoption of the Greek word rhodon, "rose."

The creation of Mother's Day was a godsend for the florist industry. Its counterpart for Father's Day is the necktie or tie. Neckties started appearing on the earliest Father's Day greeting cards and retailers saw this and took advantage, suggesting this as a great practical gift. The word tie ("band, cord, rope") came into Old English by 800 in the form teah, teag, or teagum, developed from Proto-Germanic. The word necktie dates from around 1838 when it first hit the fashion scene as a narrow band of material worn around the collar (neck) of a shirt and tied in front. As early as 1920, the custom of giving a neckties to fathers as a token of affection took hold. Other popular gifts are socks, pipes and cigars, and shirts.

Golf is a game that many fathers look forward to enjoying before or after being feted on Father's Day. The word originally comes from Scottish (golf, gouf) for the game was first played in Scotland by 1457. The word might be related to Dutch kolf, "bat, club" (derived from Proto-Germanic), but no definite connection has been shown. The verb golf, "to play golf," did not emerge until 1800.

The word family first referred to the servants of a household and then to both the servants and the descendants of a common ancestor. It comes from Latin familia, "household; household servants," which came from another Latin term famulus, "servant." It was not until 1667 that the term was used specifically for the group of persons consisting of parents and their children.

The history of greeting cards goes back hundreds of years. Early greeting cards were hand-delivered and handmade. Their popularity forced the introduction of the first postage stamp in 1840. The oldest known greeting card in existence is one for Valentine's Day, made in the 1400s and now displayed in the British Museum. The most popular card-sending holidays in order are Christmas, Valentine's Day, Mother's Day, Easter, and Father's Day. Together, the Greeting Card Associations says these five card-sending holidays account for 96 percent of individual seasonal card sales.

Ref. ..here

Quote: Quote: Sonora Smart Dodd of Spokane, Washington, was listening to a Mother's Day sermon in church in 1909 and decided that fathers deserved a similar day of recognition. Her father, a Civil War veteran, raised Sonora and her five siblings after their and This is a great father indeed who should be honoured > This is a great father indeed who should be honoured > > Thanks Yassir> How many sudanese fathers can do such a job without getting married as quickly as possible ??